3 ივლისს, 11:00 საათზე, "საზოგადოებრივი ინიციატივების გაერთიანების ცენტრის" თავმჯდომარე ირაკლი ღლონტი საპრეზიდენტო არჩევნების თარიღზე ბრიფინგს გამართავს.  მისამართი: თბილისი, კოსტავას 68, პრაიმტაიმის პრესკლუბი

თბილისი.საერთაშორისო ასოციაცია „კივიტას გეორგიკამ" შექმნა ახალი ვებგვერდი www.preskola.ge.  ვებგვერდი სკოლამდელი განათლებას ეთმობა და განკუთვნილია მათთვის, ვინც დაინტერესებულია საქართველოში განათლების, კერძოდ კი სკოლამდელი განათლების განვითარებით. „ვებგვერდი წარმოადგენს იმ გამოცდილების შეჯამებას, რომელიც საერთაშორისო ასოციაცია „კივიტას გეორგიკას" - დაუგროვდა სკოლამდელი განათლების სფეროში რვაწლიანი წარმატებული მუშაობის შედეგად. ვიმედოვნებთ,რომ ვებგვერდი საინტერესო იქნება არა მარტო მათთვის, ვინც უშუალოდ მუშაობს სკოლამდელი განათლების სფეროში. ვფიქრობთ, რომ აქ სკოლამდელი ასაკის ბავშვების მშობლებიც იპოვიან  მათთვის საინტერესო ინფორმაციას", ნათქვამია ვებგვერდზე. წყარო:ორგანიზაციის გვერდი სოციალურ ქსელში

თბილისი. 2 ივლისს, საერთაშორისო გამჭვირვალობა – საქართველომ საქართველოს პარლამენტში შეიტანა საკანონმდებლო ინიციატივის პროექტი, რომელიც ითვალისწინებს „საბიუჯეტო კოდექსსა" და „სახელმწიფო შესყიდვების შესახებ კანონში" ცვლილებების შეტანას.  სოციალურ ქსელში ორგანიზაციის გვერდზე ნათქვამია: „სახელმწიფო შესყიდვების შესახებ კანონში" ცვლილების პროექტი ზღუდავს საქართველოს პრეზიდენტის და საქართველოს მთავრობის სამართლებრივი აქტებით შეზღუდულ ვადებში შესყიდვების განხორციელებას. პროექტს საფუძვლად დაედო „საერთაშორისო გამჭვირვალობა - საქართველოს" კვლევა (http://transparency.ge/post/report/sakartvelos-shesqidvebis-elektronuli-sistema), რომელმაც დაადგინა, რომ 2011 წელს მთელი სახელმწიფო შესყიდვების დაახლოებით ერთი მესამედი (600 მილიონი ლარი) შეზღუდულ ვადებში შეუფერხებლად ჩატარების მიზნით გამარტივებული წესით საქართველოს პრეზიდენტის და საქართველოს მთავრობის სამართლებრივი აქტებით განხორციელდა, რაც კორუფციის სრულიად აშკარა რისკებს შეიცავს". წყარო: ორგანიზაციის გვერდი სოციალურ ქსელში

თბილისი. „სამართლიანი არჩევნებისა და დემოკრატიის საერთაშორისო საზოგადოება" (ISFED) 1 ივლისიდან 2013 წლის 31 ოქტომბრის საპრეზიდენტო არჩევნების წინასაარჩევნო პერიოდის მონიტორინგს იწყებს. დაკვირვებას ორგანიზაცია საქართველოს ყველა საარჩევნო ოლქში 73 დამკვირვებლის მეშვეობით განახორციელებს, რომლებმაც სათანადო მომზადება და ტრენინგი უკვე გაიარეს. გრძელვადიანი დამკვირვებლებისგან მოწოდებულ ინფორმაციას „სამართლიანი არჩევნები" სისტემატიურად გაასაჯაროებს.   „სამართლიანი არჩევნების" მიერ გამოვლენილი დარღვევები მონიტორინგის ანგარიშებთან ერთად ასახული იქნება არასამთავრობო ორგანიზაციების საარჩევნო  ვებპორტალზე: www.electionsportal.ge წყარო: ორგანიზაციის გვერდი სოციალურ ქსელში

თბილისი.ინფორმაციის თავისუფლების განვითარების ინსტიტუტმა შიდსით და C ჰეპატიტით ინფიცირებულთა შესახებ სტატისტიკური მონაცემები გამოაქვეყნა.  IDFI-იმ საქართველოს შრომის, ჯანმრთელობისა და სოციალური დაცვის სამინისტროდან მიიღო სტატისტიკური ინფორმაცია 2006-2012 წლებში საქართველოში შიდსის (აივ) და C ჰეპატიტის ვირუსით ინფიცირებულთა რაოდენობის შესახებ. როგორც მიღებული დოკუმენტაციიდან ირკვევა შიდსის ვირუსით ინფიცირებულთა რეგისტრირებული რაოდენობა ყოველწლიურად მატულობს და 2012 წლის წინასწარი მონაცემებით მათმა რიცხვმა შეადგინა 3641 პირი. სრულად წყარო: opendatablog.wordpress.com

თბილისი. საქართველოს ახალგაზრდა ენერგეტიკოსთა ასოციაციამ ISET–ის კვლევით ინსტიტუტთან ერთად ჩაატარა ტრენინგი „რეგულირება, ეკონომიკური ანალიზი და პროგნოზირების მეთოდები ელექტროენერგეტიკულ სექტორში". ტრენინგში მონაწილეობა მიიღო საქართველოს ენერგეტიკის სამინისტროს ანალიტიკური დეპარტამენტის, საქართველოს ელექტროსისტემის (GSE) და საქართველოს ელექტროენერგეტიკული სისტემის კომერციული ოპერატორის (ESCO) თანამშრომლებმა. წყარო: ენერგოტიკოსთა გვერდი სოციალურ ქსელში

სამცხე–ჯავახეთი. თელავის ახალგაზრდული ცენტრის მოსწავლეები სტუმრობდნენ ნინოწმინდის ახალგაზრდულ ცენტრს. სტუმრობის მიზანი იყო განსხვავებული რეგიონის გაცნობა, დაახლოვება. თელაველი ახალგაზრდების სტუმრობა საკმაოდ საინტერესოდ წარიმართა. მათ მოისმინეს ტრენინგი ცხოვრების ჯანსაღი წესის შესახებ, ასევე თავადაც ჩაატარეს თანატოლებისთვის ტრენინგი – CV–ის წერის ტექნიკაზე. სამდღიანი ვიზიტი ასევე მოიცავდა სხვადასხვა კულტურულ, ეკოლოგიურ და სპორტულ აქტივობებს. ღონისძიება ორგანიზებულ იქნა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: სამოქალაქო აქტივიზმის ახალგაზრდული ქსელის გვერდი სოციალურ ქსელში

თბილისი. 15:00 საათზე, სამოქალაქო განათლებისა და პედაგოგთა გადამზადების პროგრამის ფარგლებში მორიგი ონლაინ კონფერენცია გაიმართება. კონფერენციის სტუმარი იქნება სახალხო დამცველი, ბატონი უჩა ნანუაშვილი. კონფერენციის ონლაინ რეჟიმში ნახვა  წყარო:სამოქალაქო ინიციატივების გვერდი სოციალურ ქსელში

თბილისი. საერთაშორისო გამჭვირვალობა – საქართველომ საპარლამენტო ამბების მორიგი პოდკასტი გამოაქვეყნა. ახალ გამოშვებაში გაეცნობით საერთაშორისო გამჭირვალობის საპარლამენტო მონიტორინგის ვებგვერდის ფუნქციებსა და შესაძლებლობებს, ასევე საპარლამენტო უმცირესობის ბიოკოტის შესახებ მომზადებულ პოდკასტს, უმაღლესი განათლების შესახებ კანონში დაგეგმილი ცვლილებებს და მისი განხილვის შედეგებს და პრეზიდენტის ვეტოს „მაუწყებლობის შესახებ" კანონში შესატან ცვლილებებზე. საპარლამენტო ამბების პოდკასტი – 1 ივლისი წყარო: transparency.ge

თბილისი.18-30 ივნისს საქართველის ხუთ საუნივერსიტეტი ქალაქში, კერძოდ: თელავი, ახალციხე, ქუთაისი, ბათუმი და თბილისი, გაიმართა სტუდენტური დებატები თემაზე: სამართლიანი არჩევნების როლი დემოკრატიული განვითარების პროცესში. სტუდენტური დებატების ყველა მონაწილეს გადაეცა სერთიფიკატი, ხოლო ფინალში გასული გუნდის ყველა მონაწილეს – წიგნის ვაუჩერი. ფინალისტები კავკასიურმა ინსტიტუტმა დააჯილდოვა პლანშეტური კომპიუტერებით, ხოლო ნახევარ ფინალისტები – მობილური ტელეფონებით.   5-11 აგვისტოს საქართველოს ხუთივე ქალაქის გამარჯვებული გუნდის წევრები გაემგზავრებიან საზაფხულო სკოლაში, სადაც გამოვლიდნება ფინალისტ გუნდებს შორის გამარჯვებული.  სტუდენტური დებატები ორგანიზებული იყო მშვიდობის, დემოკრატიის და განვითარების კავკასიური ინსტიტუტის მიერ და განხორციელდა ევროპის საბჭოს ფინანსური მხარდაჭერით. წყარო: participate.ge

1 ივლისს გამოქვეყნა გაეროს გენერალური მდივნის პან კი უნის ანგარიში, რომელიც ათასწლეულის განვითარების მიზნების მიღწევადობას და შესაძლებლობებს ეხება. სრულად წყარო:cenn

თბილისი. ადამიანის უფლებების სწავლებისა და მონიტორინგის ცენტრი (EMC) „სასოფლო–სამეურნეო მიწის საკუთრების შესახებ" კანონში ცვლილებებს ეხმიანება და განცხადებას ავრცელებს. განცხადება წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა–საქართველომ  განცხადება – „რატომ იხილავს თბილისის მერიის მაღალჩინოსნების საქმეს რუსთავის საქალაქო სასამართლო?" – გაავრცელა. „ვფიქრობთ, რომ, ერთი მხრივ, ფინანსთა სამინისტრომ დამატებით უნდა განმარტოს, თუ რატომ მიმართა რუსთავის საქალაქო სასამართლოს, ხოლო, მეორე მხრივ, რუსთავის სასამართლომ აცნობოს საზოგადოებას, რის საფუძველზე მიიღო ისეთი საქმე განხილვაში, რომელიც არ უკავშირდება მის განსჯად ტერიტორიას", ნათქვამია ორგანიზაციის გვერდზე სოციალურ ქსელში. სრულად წყარო:ორგანიზაციის გვერდი სოციალურ ქსელში

2 ივლისს 14:00 საათზე, ჰაინრიხ ბიოლის ფონდის სამხრეთ კავკასიის რეგიონალური ბიურო გამართავს ლექციას – „ვის ეშინია ფემინიზმის?" მისამართი: ქუთაისი,  რუსთაველის 18, სახალხო დამცველის ოფისი

თბილისი. „ლიბერალიზმის სასწავლო ცენტრში" ბაქარ ბერეკაშვილმა  ლექცია წაიკითხა. ლექციის თემა იყო – „იდეოლოგიის ძალა ნეოლიბერალური დისკურსის მატრიცაში". შეხვედრაზე ისაუბრეს ტერმინის დეფინიციაზე, რა არის ნეოლიბერალიზმი, რაში მდგომარეობს მისი ძალა. ლექცია   წყარო: ორგანიზაციის გვერდი სოციალურ ქსელში

სამცხე–ჯავახეთი. 26 და 27 ივნისს „სიდას" ორგანიზებით, გაიმართა ორდღიანი ტრენინგი სამცხე–ჯავახეთში მოქმედი არასამთავრობო ორგანიზაციების წარმომადგენლებისათვის. ტრენინგის მიზანს წარმოადგენდა არასამთავრობო სექტორის ინფორმირებულობის ხარისხისა და ჩართულობის გაზრდა არასრულწლოვანთა მართლმსაჯულების სფეროში მიმდინარე პროცესებში.  წყარო:ორგანიზაციის გვერდი სოციალურ ქსელში

თბილისი. საქართველოს ადგილობრივი თვითმმართველობის ეროვნულმა ასოციაციამ  „ადგილობრივი თვითმმართველობის შესახებ ორგანული კანონის" ახალი რედაქციის კანონპროექტის სამუშაო ვერსიას გამოაქვეყნა. ვერსია შემუშავებულია მუნიციპალიტეტების წარმომადგენლებთან კონსულტაციების შედეგად. საქართველოს ორგანული კანონის პროექტი ადგილობრივი თვითმმართველობის შესახებ – სამუშაო ვარიანტი წყარო: nala.ge

სამცხე–ჯავახეთი. სამოქალაქო საზოგადოების ინსტიტუტი საქართველოს რეგიონებში არასამთავრობო ორგანიზაციების ფინანსურ მდგრადობაზე სამუშაო შეხვედრებს ატარებს. შეხვედრებში მონაწილეობას არასამთავრობო ორგანიზაციების წარმომადგენლები იღებენ. ტრენინგების ციკლი მომზადებულია უცხოელ ექსპერთებთან კონსულტაციის შედეგად და მისი მიზანია ხელი შეუწყოს არასამთავრობო ორგანიზაციებს თანხების სხვადასხვა გზით მოძიებაში. სამუშაო შეხვედრები შედგება სამი სესიისგან: ფილანტროპია და მოხალისეობა, გრანტები და სახელმწიფო დაფინანსება, სოციალური მეწარმეობა. ამ საკითხებზე 28 ივნისს შეხვედრა გაიმართა ახალციხეში. სამოქალაქო საზოგადოების ინსტიტუტი არასამთავრობო ორგანიზაციების წარმომადგენლებისთვის სამუშაო შეხვედრებს თელავში, ქუთასში, ოზურგეთსა და ბათუმში გამართავს.

თბილისი. ბავშვთა და ახალგაზრდობის განვითარების ფონდის ფინანსური მხარდაჭერით, საქართველოს ახალგაზრდა ხელოვანთა ასოციაციამ მთელი საქართველოს მასშტაბით ლიტერატურულ კონკურსს ჩაუყარა საფუძველი. პოეზიასა და პროზაში  ჟიურიმ გამარჯვებულები 29 ივნისს გამოავლინა. გამოიცა კონკურსის ამსახველი კრებული. ამავდროულად, მოეწყო პროექტში მონაწილე ფოტოხელოვანთა ნამუშევრების გამოფენა.  წყარო:ორგანიზაციის გვერდი სოციალურ ქსელში

თბილისი. 2013 წლის მოწვევის „საქართველოს ახალგაზრდული პარლამენტის" მე-2 პლენარულ სხდომაზე ინიციატივა ახალგაზრდული პარლამენტის კიდევ ორმა კომიტეტმა წარადგინა.  ახალგაზრდული პარლამენტის ჯანდაცვისა და სოციალურ საკითხთა კომიტეტის საკანონმდებლო ინიციატივა საქართველოში პათოლოგიურ-ანატომიური კვლევის აღდგენას ითვალისწინებს. ამ ინიციატივით შესაძლებელი გახდება ადამიანთა სიკვდილის ზუსტი მიზეზების დადგენა. ამ ცვლილების მიზანი ქვეყნის ნოზოლოგიური პროფილის განსაზღვრა, სიკვდილიანობაზე სწორი სტატისტიკური ინფორმაციის მიღება და ექიმის კვალიფიკაციის სისტემატური, უწყვეტი ამაღლებაა.  კიდევ ერთი ინიციატივა, ახალგაზრდული პარლამენტის რეგიონული პოლიტიკისა და თვითმართველობის კომიტეტმა წარმოადგინა. ინიციატივა მიზნად საქველმოქმედო ფოდნების ხელშეწყობას ისახავს და საგადასახადო კოდექსის 117–ე მუხლში ცვლილების შეტანას ითვალისწინებს. ამ ცვლილების მიზანი ქველმოქმედების წახალისება და შეწირულობების გაადვილებაა. წყარო:ორგანიზაციის გვერდი სოციალურ ქსელში

აჭარა. 29 ივნისს, ახალგაზრდული ორგანიზაცია „არტ ვეის" ინციატივით ჩატარდა მორიგი სემინარი თანამედროვე მხატვრობის შესახებ, რომელსაც მხატვარი გია ბუღაძე უძღვებოდა. 30 ივნისს კი, კინომცოდნე გოგი გვახარიამ გააცნო ახალგაზრდებს თანამედროვე რეჟისორების შემოქმედება, თანამედროვე კინემატოგრაფიის ძირითადადი მიმართულეები და პერსპექტივები. „არტ ვეის" აღნიშნული პროექტის მიზანია ახალგაზრდების ინფორმირება თანამედროვე ხელოვნების სფეროების შესახებ და მათი გააქტიურება. „არტ ვეიმ" უკვე ჩაატარა ოთხი სემინარი თანამედრო კლასიკური მუსიკის, მხატვრობის, თეატრისა და კინოს თანამედროვე ტენდენციების შესახებ. აღნიშნული პროექტის მხარდამჭერები არიან ბათუმის ხელოვნების უნივერსიტეტი და აჭარის სპორტისა და ახალგაზრდობის საქმეთა დეპარტამენტი.

თბილისი. სოფელ სამთაწყაროში, 28 ივნისს განვითერებული მოვლენების თაობაზე არასამთავრობო ორგანიზაციები ერთობლივ განცხადებას აკეთებენ და ხელისუფლებას მოუწოდებენ სასწრაფოდ გადადგას ქმედითი ნაბიჯები ადგილობრივი მუსლიმების უსაფრთხოების უზრუნველყოფისა და კონფლიქტის დარეგულირების მიზნით. „განვითარებული მოვლენები ადასტურებს, რომ სოფელ სამთაწყაროში რელიგიური კონფლიქტის კერა არსებობს და ადგილობრივი მუსლიმები ზეწოლისა და შევიწროების ქვეშ არიან. ...შექმნილი მწვავე სიტუაცია, სახელმწიფოს აკისრებს ვალდებულებას გადადგას დროული და ქმედითი ზომები ადგილობრივი მუსლიმების უსაფრთხოების უზრუნველყოფისა და კონფლიქტის დარეგულირების მიზნით. სხვა შემთხვევაში არსებობს რისკები, რომ კონფლიქტი შეიძლება უფრო გაღრმავდეს და ის სხვა მსგავსი ტიპის დასახლებებშიც გავრცელდეს", ნათქვამია განცხადებაში, რომელსაც ხელს აწერენ საქართველოს ახალგაზრდა იურისტთა ასოციაცია, საქართველოს დემოკრატიული ინიციატივა, ადამიანის უფლებათა სწავლებისა და მონიტორინგის ცენტრი, საერთაშორისო გაჭირვალობა – საქართველო, კონსტიტუციის 42-ე მუხლი, მედიის განვითარების ფონდი, ორგანიზაცია „იდენტობა", ფონდი ALPE, ტოლერანტობის სახლი - House OF Tolerance. სრულად  წყარო:ადამიანის უფლებების სწავლებისა და მონიტორინგის ცენტრის გვერდი სოციალურ ქსელში