ქვემო ქართლი. საქართველოში ეროვნული ინტეგრაციის გაძლიერების პროექტის გაცვლითი პროგრამის ფარგლებში, 27–29 ივნისს მარნეულის ახალგაზრდულმა ცენტრმა ოზურგეთის ახალგაზრდული ცენტრის 6 მოხალისეს უმასპინძლა. პროგრამის ფარგლებში მოეწყო ექსკურსიები, ჩატარდა თანატოლგანმანათლებელთა ტრენინგები, გამოცდილების გაზიარება და სათემო ახალგაზრდული ღონისძიებები. პროექტი „ეროვნული ინტეგრაციის გაძლიერება საქართველოში" ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს ფინანსური მხარდაჭერით. წყარო:ორგანიზაციის გვერდი სოციალურ ქსელში

თბილისი. კავკასიურმა სახლმა ინტერნეტ დღიურის მორიგი გამოშვება გამოაქვეყნა. 28 ივნისის გადაცემა დაეთმო გიორგი ბუნდოვანის პოეზიასა და არტ–ჯგუფ „სტიგმატის" მინი–არტ ფილმებს.  ინტერნეტ დღიური    წყარო:ორგანიზაციის გვერდი სოციალურ ქსელში

თბილისი. ეთნოსთაშორისო თანამშრომლობისა და კონსულტაციების ანალიტიკურმა ცენტრმა გამოუშვა ბროშურა „სიტყვის ძალა".  იგი დაეხმარება ჟურნალისტებს დაიცვან მაღალი სტანდარტი ეთნიკური მრავალფეროვნების საკითხების გაშუქებისას. ბროშურა წყარო: acicc.ge

თბილისი. ტოლერანტობის სახლმა სამთაწყაროში მომხდარის შესახებ განცხადება გაავრცელა. „ტოლერანტობის სახლის ინფორმაციით, ტრადიციული პარასკევის ლოცვის დასრულების შემდეგ, სოფელ სამთაწყაროში მუსლიმ მლოცველებს სოფლის მოსახლეობა ფიზიკურად გაუსწორდა. ინციდენტამდე სოფელში მონიტორინგის მიზნით ჩასულები იყვნენ უცხოელი დამკვირებლები, რამაც განაპირობა ლოცვის მშვიდობიან პირობებში ჩატარება. ლოცვის დასრულების შემდეგ სოფლის მოსახლეობა ხოჯას სახლთან მუქარით მივიდა და მის ცოლს სცემა. მოვუწოდებთ ძალოვან სტრუქტურებს დაიწყონ გამოძიება და ინფორმაციის დადასტურების შემთხვევაში მოხდეს მოძალადე პირების კანონის სრული სიმკაცრით დასჯა",  ნათქვამია ორგანიზაციის გვერდზე სოციალურ ქსელში.  წყარო:ორგანიზაციის გვერდი სოციალურ ქსელში

თბილისი. „საქართველოს მწვანეთა მოძრაობა, დედამიწის მეგობრები საქართველო" ენერგო გლობუსის ეროვნული ჯილდოს მფლობელი გახდა. ჯილდო გადაეცემა იმ ორგანიზაციებს, რომლებიც აქტიურად მუშაობენ სხვადასხვა გარემოსდაცვით საკითხებზე და ამ კუთხით საზოგადოებასა და ახალგაზრდებში გარემოსდაცვითი ცნობიერების ამაღლებაზე. ენერგო გლობუსის საერთაშორისო ჯილდო მოიცავს წყლის, დედამიწის, ცეცხლის, ჰაერისა და ახალგაზრდობის კატეგორიებს. ენერგო გლობუსის ჯილდო დაწესდა 1999 წელს, ავსტრიული ენერგეტიკის პიონერის ვოლფგანგ ნოიმანის მიერ და ის ერთ–ერთი პრესტიჟული გარემოსდაცვითი ჯილდოა.  „საქართველოს მწვანეთა მოძრაობა, დედამიწის მეგობრები საქართველოს" ჯილდო მიენიჭა პროექტის „კლიმატის კვირეული - საზოგადობის ცნობიერების ამაღლება და მათი ჩართვა კლიმატის ცვლილების შერბილები პროცესში" – ფარგლებში ჩატარებული საქმიანობისათვის. წყარო: cenn.org

1 ივლისს 19:00 საათზე ჰაინრიჰ ბიოლის ფონდში გაიმართება საჯარო დისკუსია თემაზე: „მდგრადი განვითარების რა შესაძლებლობები აქვს საქართველოს?" მისამართი: თბილისი, ზოვრეთის 38, ჰაირიჰ ბიოლის ფონდი

29 ივნისს, 11:00 საათზე „სამოქალაქო საზოგადოების განვითარების ცენტრისა" და „ჰელფინდ ჰენდის" ორგანიზებით ვაკის პარკიდან კუს ტბის მიმართულებით გაიმართება 5კმ-იანი გარბენი „თუ ძალადობის მსხვერპლი ხარ - ნუ გაჩუმდები!". 

თბილისი. 28 ივნისს საქართველოს ახალგაზრდულმა პარლამენტმა პრესკონფერენცია გამართა. საუბარი შეეხო ახალგაზრდული პარლამენტის განათლებისა და მეცნიერების კომიტეტის მიერ მოამზადებულ პოლიტიკის დოკუმენტს, რომლითაც ისინი მიმართავენ განათლებისა და მეცნიერების სამინისტროს. ახალგაზრდული პარლამენტის მენეჯერმა და განათლებისა და მეცნიერების კომიტეტის ხელმძღვანელმა განაცხადეს, რომ აუცილებელია მიმდინარე ცვლილებებში საზოგადოების და აკადემიური წრეების აქტიური ჩართვა; შესაბამისად, მსგავსი საკანონმდებლო ცვლილების დაჩქარებული წესით გატანა ახალგაზრდულ პარლამენტს მიუღებლად მიაჩნია. „საქართველოს ახალგაზრდული პარლამენტი იზიარებს აზრს, რომ საუნივერსიტეტო ავტონომია ვერ დგას თავის სიმაღლეზე, თუმცა არ ეთანხმება იმ პოლიტიკურ უპრინციპობას, რასაც სახელმწიფოს მხრიდან, თუნდაც კეთილი მიზნებით, ავტონომიურ სფეროებზე კონტროლის თუნდაც დროებით აღება ქვია. საქართველოს ახალგაზრდული პარლამენტი მხარს უჭერს უმაღლესი საგამნათლებლო სივრცის ავტონომიურობას და ამ კუთხით წამოყენებულ ნებისმიერ ინიციატივას მიესალმება". წყარო:ორგანიზაციის გვერდი სოციალურ ქსელში

თბილისი. არასამთავრობო ორგანიზაციები ფინანსთა სამინისტროს საგამოძიებო სამსახურს სისხლის სამართლის საპროცესო ნორმების დაცვისკენ მოუწოდებენ. „ფინანსთა სამინისტროს საგამოძიებო სამსახურის ქმედებები სავარაუდოდ შეიცავს სისხლის სამართლის კოდექსის გათვალისწინებული დანაშაულის ნიშნებს, რაც ჩრდილს აყენებს მიმდინარე გამოძიების მიმართ ნდობას ამის გამო მოვუწოდებთ ყველა სამართალდამცავ ორგანოს, ერთის მხრივ მომავალში თავი შეიკავონ სისხლის სამართლის საპროცესო კოდექსის მოთხოვნების დარღვევისაგან, ხოლო მეორეს მხრივ ობიექტურად და ეფექტურად გამოიძიონ ზემოაღნიშული ფაქტები", ნათქვამია საერთაშორისო გამჭვირვალობა – საქართველოს, საქართველოს ახალგაზრდა იურისტთა ასოციაციისა და სამართლიანი არჩევნების მიერ გავრცელებულ განცხადებაში.  სრულად წყარო: transparency.ge

გურია. 24-28 ივნისს გურიის ახალგაზრდულმა რესურსცენტრმა  ინგლისური ენის საზაფხულო სკოლას უმასპინძლა. სკოლაში ინგლისური ენის შესწავლის ხელმისაწვდომობის სასტიპენდიო პროგრამის მეორე ნაკადის 25 მოსწავლე მონაწილეობდა. მოსწავლეები ამერიკელი მოხალისეების დახმარებით გაეცნენ ამერიკულ კულტურას, ისტორიას, ტრადიციებს, გაიღრმავეს ინგლისური ენის ცოდნა და პრაქტიკული უნარები. მონაწილეები სამ ჯგუფად დაიყვნენ, თითოეულმა ჯგუფმა საზაფხულო სკოლის განმავლობაში შეძენილი ცოდნის გამოყენებით მოამზადა კედლის გაზეთი, ბავშვებმა გამოავლინეს წარმატებული სტატიების ავტორები და ისინი დაჯილდოვდნენ ინგლისური წიგნებით.  ინგლისური ენის შესწავლის ხელმისაწვდომობის სასტიპენდიო პროგრამა (ACCESS) არის ამერიკული ორგანიზაცია PH International-ისა და ამერიკის საელჩოს ერთობლივი ინიციატივა. იგი მიზნად ისახავს ხელმისაწვდომი გახადოს ინგლისური ენის შესწავლა მოზარდებისთვის სოციალურად დაუცველი და ეკონომიკურად შეჭირვებული ოჯახებიდან. პროგრამა საქართველოს რამდენიმე რეგიონში ხორციელდება, მათ შორისაა გურია. გურიის ახალგაზრდული რესურსცენტრი პროგრამის განმახორციელებელი პარტნიორია რეგიონში.  წყარო:ორგანიზაციის გვერდი სოციალურ ქსელში

29 ივნისს, 19:00 საათზე ლიბერალიზმის სასწავლო ცენტრში გაიმართება თორნიკე გურულის ლექცია კულტურათაშორისი კომუნიკაციის ლიბერალიზმი. მისამართი: თბილისი, კალისტრატე ცინცაძის 6–7, ჟურნალისტუვრი ეთიკის ქარტიის ოფისი

თბილისი. საერთაშორისო გამჭვირვალობა – საქართველომ ანგარიში – „საქართველოს სარეკლამო ბაზარი – ახლა უკვე კონკურენციის პირობებში?" – გამოაქვეყნა. "ოქტომბრის საპარლამენტო არჩევნების შემდეგ საქართველოს სარეკლამო ბაზარი უფრო კონკურენტუნარიანი გახდა. პოლიტიკა აღარ თამაშობს მნიშვნელოვან როლს სარეკლამო თანხების გადანაწილებაში და კომპანიები ახლა უკვე თავისუფლად იღებენ გადაწყვეტილებებს საკუთარი დანახარჯების შესახებ" ანგარიშში აღნიშნულია, რომ კერძო სექტორის სარეკლამო დანახარჯები არ გაზრდილა, რადგანაც ინვესტორებს კვლავაც აფიქრებთ პოლიტიკური არასტაბილურობა. ამასთან, რამდენიმე ტელევიზიისა და სარეკლამო სააგენტოს მფლობელობა და ხელმძღვანელობა შეიცვალა", ნათქვამია ორგანიზაციის ვებგვერდზე. ანგარიში წყარო: transparency.ge

თბილისი. ინფორმაციის თავისუფლების განვითარების ინსტიტუტმა სასამართლო ექსპერტიზის ეროვნული ბიუროდან მიღებული ინფორმაცია გამოაქვეყნა. ვებგვერდზე განთავსდა დოკუმენტები თანამდებობის პირების პრემიების, თანამშრომლების პრემიების, მოქმედი საშტატო ნუსხისა და თანამდებობრივი სარგოს, ორგანიზაციის ბალანსის, საჯარო ინფორმაციის გაცემის ანგარიშების, ავტოპარკის ხარჯების, განცხადების საფუძველზე განთავისუფლებული თანამშრომლების, ხელმძღვანელობის მიერ განთავისუფლებული თანამშრომლების, დაფინანსებული ღონისძიებების, სამივლინებო ხარჯების, შიდა აუდიტის ანგარიშის, თანამდებობის პირების ბიოგრაფიული მონაცემების შესახებ. ლევან სამხარაულის სახელობის სასამართლო ექსპერტიზის ეროვნულმა ბიურომ ინსტიტუტს მოთხოვნილი ინფორმაცია სრულყოფილად მიაწოდა.  სრულად  წყარო: opendata.ge

თბილისი. საქართველოს დემოკრატიული ინიციატივა საქართველოს ფინანსთა სამინისტროს საგამოძიებო სამსახურის მიერ 2013 წლის 27 ივნისს, დილის საათებში თბილისის თვითმართველობის თანამშრომელთა დაკავებას ეხმიანება. „საქართველოს დემოკრატიული ინიციატივა მიიჩნევს, რომ საგამოძიებო სამსახურის მოხელეთა მიერ ადგილი ქონდა ხსენებული პირების კონსტიტუციით გარანტირებული თავისუფლების ხელშაუვალობის უფლების  უხეშ დარღვევას", ნათქვამია ორგანიზაციის მიერ გავრცელებულ განცხადებაში. სრულად  წყარო: gdi.ge

აჭარა. საქართველოს ახალგაზრდა იურისტთა ასოციაციის ქუთაისის ფილიალმა იმერეთის მხარის 12-ვე მუნიციპალიტეტის მაჟორიტარი დეპუტატის ბიუროების თანამშრომელთათვის ტრენინგი დაიწყო.  ტრენინგის მონაწილეებს გაეცნოთ პროექტის შედეგები და დაგეგმილი აქტივობები, მაჟორიტარი დეპუტატის ბიუროს წარმომადგენლებმა გააკეთეს მოხსენებები ბიუროს თვალით დანახული პრობლემებისა და სამომავლო გეგმების შესახებ. ასევე ტრენინგის მონაწილეებს გაეცნოთ მაჟორიტარი დეპუტატის, საქართველოს პრეზიდენტის, საქართველოს მთავრობის, ხელმწიფო რწმუნებული გუბერნატორისა და ადგილობრივი თვითმმართველობის უფლებამოსილებები. წყარო:ორგანიზაციის გვერდი სოციალურ ქსელში

გურია. გურიის ახალგაზრდული რესურსცენტრმა ახალგაზრდა მოხალისეთა სახლის წევრების მიერ მომზადებული დოკუმენტური ფილმი გამოაქვეყნა. ფილმი მომზადდა პროექტის ფარგლებში – „ახალგაზრდა ადვოკატები სოციალური ცვლილებებისათვის", რომელიც განახორციელა გურიის ახალგაზრდულმა რესურსცენტრმა ჩეხურ ორგანიზაცია "ადამიანი გაჭირვებაში" ფინანსური მხარდაჭერით. ფილმი   წყარო:ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა – საქართველომ" ახალი საპარლამენტო მონიტორინგის ვებგვერდის პრეზენტაცია გამართა. chemiparlamenti.ge მიზნად ისახავს მოქალაქეების ინფორმირებულობის ამაღლებას იმის შესახებ, თუ ვინ წარმოადგენს მათ პარლამენტში და რა გადაწყვეტილებები მიიღება მათი სახელით. ვებგვერდზე განთავსებულია ინფორმაცია პარლამენტის წევრების, მათი წლიური შემოსავლის შესახებ. მომხმარებელს საშუალება აქვს თვალი მიადევნოს თუ რომელ კომიტეტში რა კანონპროექტი განიხილება. chemiparlamenti.ge–ზე შეგიძლიათ სასურველ დეპუტატს თქვენთვის სასურველი კითხვა დაუსვათ.  ვებ–გვერდი  წყარო:transparency.ge

თბილისი. ინფორმაციის თავისუფლების განვითარების ინსტიტუტმა აბაშისა და ამბროლაურის მუნიციპალიტეტების გამგეობებიდან მიღებული ინფორმაცია გამოაქვეყნა. ვებგვერდზე განთავსდა დოკუმენტები ბიუჯეტის ბალანსის, თანამდებობის პირებზე გაცემული პრემიების, თანამშრომლებზე გაცემული პრემიების, ავტოპარკის ხარჯების, განხორციელებული შესყიდვების, განთავისუფლებული თანამშრომლების შესახებ.  ინსტიტუტს აბაშის მუნიციპალიტეტის გამგეობამ არასრულყოფილად მიაწოდა ინფორმაცია თანამშრომლებზე გაცემული პრემიების შესახებ, რადგან ინფორმაცია არ იყო დაყოფილი თვეების მიხედვით. ამბროლაურის მუნიციპალიტეტის გამგეობამ კი 10 დეკემბრის ანგარიშის შესახებ მოთხოვნის იგნორირება მოახდინა. ინფორმაცია აბაშის მუნიციპალიტეტის გამგეობიდან ინფორმაცია ამბროლაურის მუნიციპალიტეტის გამგეობიდან წყარო: opendata.ge

გურია. პროექტის - „პირობითმსჯავრდებული ახალგაზრდებისა და არასრულწლოვნების რესოციალიზაციის ხელშეწყობა გურიის რეგიონში" - ფარგლებში ვიდეო–რგოლი მომზადდა. პროექტს ახორციელებს გურიის ახალგაზრდული რესურსცენტრი ევროკავშირის ფინანსური მხარდაჭერით. პროექტის პარტნიორია საქართველოს დემოკრატიული განვითარების კავშირი. ვიდეო–კლიპი  წყარო:ორგანიზაციის გვერდი სოციალურ ქსელში

თბილისი.ტფილისის ჰამქარი 30 ივნისს მართავს საგანმანათლებლო ტურის ზაფხულის სეზონის ბოლო ტურს. 30 ივნისს გაიმართებაბოლო ექსკურსია მარშრუტით – „ფეხით შემოვლილი თბილისი–კალა–კლდისუბანი–აბანოთუბანი–ხარფუხი". სრულად წყარო: ორგანიზაციის გვერდი სოციალურ ქსელში

კახეთი. 27 ივნისს საქართველოს ახალგაზრდულმა პარლამენტმა გამართა კიდევ ერთი ვიზიტი კახეთის რეგიონში, ქალაქ გურჯაანში, რომელსაც 50-მდე ახალგაზრდა ესწრებოდა. შეხვედრის ფარგლებში მოხდა საუბარი ყველა იმ პრობლემაზე, რომელიც ადგილობრივ ახალგაზრდებს მნიშვნელოვნად მიაჩნიათ. აღსანიშნავია, რომ ახალგაზრდული პარლამენტის წარმომადგენელი ქალაქ გურჯაანში აქტიურად გააგრძელებს თანამშრომლობას ახალგაზრდებთან იმ ინიციატივების ფარგლებში, რომელიც შეხვედრაზე გამოითქვა. შემდეგ შეხვედრას საქართველოს ახალგაზრდული პარლამენტი სამცხე-ჯავახეთის რეგიონში გამართავს. წყარო: ორგანიზაციის გვერდი სოციალურ ქსელში

თბილისი. მშვიდობის, დემოკრატიის და განვითარების კავკასიური ინსტიტუტის რეგიონული განვითარებისა და ადგილობრივი თვითმმართველობის  რესურს ცენტრში შესაძლებლობა გეძლევათ გაეცნოთ ჟურნალ „Foreign Policy" მორიგ ნომერს.  წყარო: participate.ge