თბილისი. "ქალთა ინიციატივების მხარდამჭერმა ჯგუფმა" (WISG) კინოჩვენები დაიწყო, რომელიც ქალთა საერთაშორისო დღის კვირეულის ფარგლებში ხორციელდება. პირველი ფილმის „როზა ლუქსემბურგის" ჩვენება 6 მარტს  შედგა. WISG-ის ორგანიზებით კინოჩვენებები 21:00 საათზე კინოთეატრ ამირანში შემდეგი ფილმებით გაგრძელდება: 7 მარტი -„ანტონია",  8 მარტი - „დაფნა", 9 მარტი - "შეყვარებულები კაფე დე ფლორიდან", 10 მარტი - „17 გოგო". წყარო:ორგანიზაციის გვერდი სოციალურ ქსელში

სამეგრელო. საქველმოქმედო ჰუმანიტარულმა ცენტრმა „აფხაზეთმა" საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სსიპ - არასაპატიმრო სასჯელთა აღსრულებისა და პრობაციის ეროვნული სააგენტოს მიერ გამოცხადებულ ტენდერში გაიმარჯვა.  „პირობით მსჯავრდებულთა საზოგადოებაში ინტეგრაციისა და დანაშაულის პრევენციის მხარდამჭერი პროგრამა" ქ. ზუგდიდში 60 პირობით მსჯავრდებულთან განხორციელდება. წყარო:ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა ვებგვერდზე გარემოს დაცვის სამინისტროდან მიღებული სხვადასხვა სახის ინფორმაცია გამოაქვეყნა. მათ შორისაა დოკუმენტები პრემიების, სამივლინებო ხარჯების, დაფინანსებული ღონისძიებების, საჯარო ინფორმაციის გაცემის ანგარიშების, ავტოპარკის ხარჯების, თანამშრომელების შესახებ და თანამდებობის პირთა რეზიუმეები. ვრცლად წყარო:ორგანიზაციის გვერდი სოციალურ ქსელში

7 მარტს 16:00 საათზე, ახალგაზრდა პედაგოგთა კავშირის ორგანიზებით ქალთა უფლებების დაცვის კვირეულის ფარგლებში ინტერაქტიური სპექტაკლის პრემიერა შედგება. მისამართი:ოზურგეთი, გაბრიელ ეპისკოპოსის 3, ახალგაზდა პედაგოგთა კავშირი

7 მარტს, 13:00 საათზე, კულტურულ-ჰუმანიტარული ფონდი "სოხუმი"  გამართავს შეხვედრას, სადაც ამომრჩეველ ქალთა კლუბის წევრებს მიულოცავს ქალთა საერთაშრისო დღეს და იმსჯელებს ამ დღესთან დაკავშირებულ სხვდასხვა მოსაზრებებზე. მისამართი: ბათუმი, ფარნავაზ მეფის 62-64, დემოკრატიული ჩართულობის ცენტრი.

7 მარტს, 14:00 საათზე, უსაფრთხოების სექტორში მომუშავე არასამთავრობო ორგანიზაციებსა და საქართველოს პარლამენტის თავდაცვისა და უშიშროების კომიტეტს შორის ურთიერთთანამშრომლობის მემორანდუმი გაფორმდება. მისამართი: ქუთაისი, საქართველოს პარლამენტი

7 მარტს, 12:00 საათზე სამოქალაქო საზოგადოების ინსტიტუტი გამართავს საზოგადოებრივი ორგანიზაციების ვებპორტალის – www.csogeorgia.org - პრეზენტაციას. მისამართი: თელავი, ვაჟა ფშაველას 3, დემოკრატიული ჩართულობის ცენტრი

7 მარტს 10:00 საათზე ასოციაცია „ქალი და ბიზნესი" და „ციხის საერთაშორისო რეფორმა" გამართავენ მრგვალ მაგიდას თემაზე –  "მსჯავრდებულ ქალთა რესოციალიზაციის საკითხები". მისამართი: თბილისი, თავისუფლების მოედანი 4, სასტუმრო ქორთიარდ მერიოტი

თბილისი. საერთაშორისო გამჭვირვალობა საქართველომ სოციალური ქსელის მეშვეობით საერთაშორისო ორგანიზაციების შესახებ ვიდეორგოლი გაავრცელა. ექვსწუთიან ვიდეოში თავმოყრილია ძირითადი ინფორმაცია ნატოს, ევროკავშირის, ევროსაბჭოსა და გაეროს შესახებ. ანიმაცია მომზადდა „საერთაშორისო გამჭვირვალობა – საქართველოს" სამოქალაქო განათლების ამაღლების კამპანიის ფარგლებში. წყარო: ორგანიზაციის გვერდი სოციალურ ქსელში  

თბილისი. კოალიციამ „მედია ადვოკატირებისთვის" საზოგადოებრივ მაუწყებელში მიმდინარე მოვლენებთან დაკავშირებით განცხადება გაავრცელა. კოალიცია მიიჩნევს, რომ საზოგადოებრივ მაუწყებელში არსებული ვითარების მოწესრიგება და ნორმალური სამუშაო რეჟიმის შექმნა შესაძლებელია მხოლოდ სტრუქტურული რეორგანიზაციის საშუალებით რაც, უპირველეს ყოვლისა, გულისხმობს ახალი სამეურვეო საბჭოს ფორმირებას, ასევე უფლებამოსილების მკაფიო გამიჯვნას სამეურვეო საბჭოსა და ტელევიზიის აღმასრულებელ რგოლს შორის.  „უკანასკნელ პერიოდში საზოგადოებრივ მაუწყებელში განვითარებული მოვლენები მწვავე კრიზისის არსებობაზე მიუთითებს. შექმნილი ვითარება კიდევ უფრო დაამძიმა 2013 წლის 4 მარტს სამეურვეო საბჭოს მიერ მიღებულმა ნაჩქარევმა და სავარაუდოდ პოლიტიკურად ანგაჟირებულმა გადაწყვეტილებამ ახლადარჩეული გენერალური დირექტორის სამსახურიდან დათხოვნის თაობაზე. დღეს საზოგადოებრივ მაუწყებელს მუშაობა უწევს სამეურვეო საბჭოსა და პერსონალის მნიშვნელოვანი ნაწილის დაპირისპირების პირობებში" , ნათქვამია განცხადებაში.  კოალიცია მოუწოდებს საქართველოს პარლამენტს დააჩქაროს „მაუწყებლობის შესახებ" კანონში ცვლილებებისა და დამატებების თაობაზე კანონის პროექტის განხილვა." წყარო:media.ge

თბილისი. ჰაინრიჰ ბიოლის ფონდის პუბლიკაციების შეძენა წიგნის მაღაზიებში მალე შესაძლებელი იქნება. მოიკითხეთ ბიბლუსის ქსელის თბილისის, ბათუმის, ქუთაისის, თელავის რუსთავისა და ზუგდიდის მაღაზიებში, წიგნის სახლში თბილისსა და ბათუმში, ლიგამუსში, პარნასში, დიოგენესა და პროსპეროში. წყარო:ორგანიზაციის გვერდი სოციალურ ქსელში

შიდა ქართლი. 6 მარტს საზოგადოება „ბილიკში" მშობელთა კლუბის წევრებისთვის საინფორმაციო შეხვედრა გაიმართა თემაზე – „ბავშვთა ნევროზები".  ორგანიზაციის ფსიქოლოგი მშობლებს სხვადასხვა ასაკისთვის დამახსიათებელი ნერვული მდგომარეობების შესახებ ესაუბრა. შეხვედრას 15 მშობელი ესწრებოდა, რომლებმაც თავიანთი გამოცდილების შესახებაც ისაუბრეს. საზოგადოება „ბილიკში" მშობელთა კლუბი უკვე რამდენიმე წელია ფუნქციონირებს, კლუბის მიზანია მშობელთა გააქტიურება და მათი ჩართვა შვილებთან დაკავშირებულ ღონისძიებებში, მშობელთა დაახლოვება და გაერთიანება, მათი ფსიქოლოგიური და პედაგოგიური კომპეტენციის გაზრდა. წყარო:ორგანიზაციის გვერდი სოციალურ ქსელში

6 მარტს 21:00 საათზე ქალთა ინიციატივების მხარდამჭერი ჯგუფი გამართავს ფილმის –„ როზა ლუქსემბურგი" – ჩვენებას. კინო ჩვენებები 10 მარტის ჩათვლით გაგრძელდება.  მისამართი: კოსტავას 36, კინოთეატრი ამირანი, პატარა დარბაზი

თბილისი. საქართველოს ახალგაზრდა ეკონომისტთა ასოციაციამ მოამზადა შენიშვნები და რეკომენდაციები შრომის კოდექსის კანონპროექტის ვერსიაზე. „შესაძლოა შრომის კოდექსში მართლაც საჭიროებდეს ცვლილებებს, მაგრამ ეს არ უნდა მოხდეს რომელიმე მხარის, დამსაქმებელის ან დასაქმებულის, ინტერესების დარღვევით და ის მაქსმილაურად დაბალანსებული უნდა იყოს. არ უნდა დაგვავიწყდეს, რომ დამსაქმებელი ქმნის სამუშაო ადგილებს, ხოლო დასაქმებული ნებისმიერი ორგანიზაციისთვის ძირითად რესურს წარმოადგენს", ნათქვამია დოკუმენტში.  სრულად  წყარო: economists.ge

სამეგრელო. რეგიონული განვითარების და ინფრასტრუქტურის მინისტრმა დავით ნარმანიამ სამეგრელოს მუნიციპალიტეტების ხელმძღვანელ პირებთან და არასამთავრობო ორგანიზაციებთან  5 მარტს, ზუგდიდში, სამუშაო შეხვედრა გამართა.  მინისტრის განცხადებით, უწყებას, რომლის ბიუჯეტიც 900 მილიონი ლარით განისაზღვრა, აქვს სამი ძირითადი მიმართულება: გზების შეკეთება, ავტომაგისტრალების მშენებლობა, მუნიციპალური განვითარება და წყალმომარაგების სამუშაოები.   „ჩვენ გვჭირდება ბაზა ინფორმაციისთვის, რა პრობლემებია დღეს მუნიციპალიტეტებში. გამოგვიგზავნეთ დიდი პროექტებიც. რასაც შევძლებთ, დავაფინანსებთ. დანარჩენს კი დონორ ორგანიზაციებს გავაცნობთ", - განაცხადა მინისტრმა. მისივე თქმით, დასაფინანსებელი პროექტების განხილვა  ადგილობრივ მოსახლეობასთან და არასამთავრობო სექტორთან უნდა განიხილონ.  2013 წელს რეგიონული განვითარების ფონდის ფარგლებში დასაფინანსებელი პროექტებისთვის 200 მილიონი ლარია გამოყოფილი.

თბილისი. ინფორმაციის თავისუფლების განვითარების ინსტიტუტის (IDFI) მომზადებული გამოფენის, 1937-1938 წლების რეპრესიები: „სტალინური სიები" საქართველოზე, ნახვა უკვე შესაძლებელია ორგანიზაციის ვებ გვერდზე. გამოფენა  წყარო: idfi.ge

6 მარტს, 18:00 საათზე გაეროს ქალთა ფონდის ორგანიზებით ზუგდიდში გაიმართება ფოტოგამოფენა „ძალადობა ქალებზე". გამოფენის შემდეგ კოტე მარჯანიშვილის სახელობის თბილისის დრამატული თეატრის მსახიობები გამართავენ ერთმოქმედებიან სპექტაკლს –„სიზმარი".  მისამართი: ზუგდიდი, შალვა დადიანის სახელობის სახელმწიფო დრამატული თეატრი

თბილისი. საერთაშორისო გამჭვირვალობა–საქართველომ ვებგვერდზე ახალი ბლოგ–პოსტი – „საზოგადოებრივი მაუწყებელი – პოლიტიკური თამაშების მსხვერპლი" – გამოაქვეყნა. „ამგვარი პოლიტიკური თამაშების შემდეგ ცხადი ხდება, რომ საზოგადოებრივ მაუწყებელს სასიცოცხლოდ ესაჭიროება კარგი ხელმძღვანელობა (სამეურვეო საბჭო, გენერალური დირექტორი და მენეჯმენტი). ხელმძღვანელობა ძლიერი, მაღალპროფესიული და დამოუკიდებელი მაუწყებლის შექმნისთვის თავდაუზოგავად უნდა მუშაობდეს და საზოგადოებრივი მაუწყებლობის იდეის ერთგული უნდა იყოს. საზოგადოებრივ მაუწყებელს ამჟამად არ აქვს განსაზღვრული თავისი მისია და ვერ აღიქვამს თავის როლს საზოგადოებაში", ნათქვამია ბლოგ–პოსტში. საერთაშორისო გამჭვირვალობა – საქართველო გენერალური დირექტორის თანამდებობაზე გამოცხადებულ კონკურსსაც გამოეხმაურა, ორგანიზაციის აზრით, მნიშვნელოვანია პროცესი პოლიტიკური ჩარევების გარეშე წარიმართოს და ამ დავალების შესრულება საჭირო უნარებისა და გამოცდილების მქონე კანდიდატს დაევალოს.  სრულად  წყარო: transparency.ge

6 მარტს 18:30 საათზე იდენტობა გამართავს დისკუსიას ფემინიზმისა და ფემინისტური არტის ირგვლივ.  მისამართი: რუსთაველის 37, იდენტობას ოფისი

თბილისი. ინფორმაციის თავისუფლების ვებგვერდზე კვლევა – „კომისიონერი და საჯარო ინფორმაციის ღიაობა - მსოფლიო პრაქტიკის მიმოხილვა" – განთავსდა. „გლობალურ ჭრილში ინფორმაციის თავისუფლების სფეროს რეგულირების საკითხთან მიმართებაში, წინა პლანზე იწევს შესაბამისი საზედამხედველო ორგანოს - ინფორმაციის კომისიონერის ზოგადი ფუნქცია-მოვალეობების და ინსტიტუციონალური ასპექტების განხილვის საჭიროება. საჯარო ინფორმაციის ღიაობის პოლიტიკის გაუმჯობესება, საჯარო დაწესებულებათა კონტროლის გაძლიერება, საჯარო მოსამსახურეთა ცნობიერების ამაღლება, საზოგადოების მეტი დაცულობა – ეს მსოფლიოს ქვეყნებში არსებულ ამ ორგანოს ფუნქციური ელემენტების გადმოღებით არის მეტ-ნაკლებად მიღწევადი", ნათქვამია კვლევაში. მკითხველი მიიღებს ინფორმაციას, თუ რა როლს თამაშობს ინფორმაციის კომისიონერი საჯარო ინფორმაციის ღიაობის კონტექსტში. კვლევა  წყარო: idfi.ge

6 მარტს 17:00 საათზე სიქა იწყებს ყოველკვირეულ შეხვედრებს „მოდი ვილაპარაკოთ". დასწრება შეუძლია ყველას, ვისაც ინგლისურ ენაზე მეტყველების გაუმჯობესება სურს.  მისამართი: რუსთავი, შარტავას 4, სიქას ოფისი

იმერეთი. 4 მარტს სამოქალაქო განათლებისა და პედაგოგთა გადამზადების პროგრამის ფარგლებში თერჯოლის რაიონის სოფელ ჩხარის საჯარო სკოლაში პროექტის „ფიზიკური გარემო – ჩემი მასწავლებელია" პრეზენტაცია მოეწყო. პროექტის მიზანია, მოზარდებში ეკოლოგიური განათლების და უნარ-ჩვევების განვითარება. ეკოლოგიური პრობლემების მოგვარება და ეკო გარემოს შექმნა, მოზარდებში ეკოლოგიური თვითშეგნების ამაღლება. პროგრამა ხორციელდება PH-international-ის მიერ USAID-ის ფინანსური მხარდაჭერით.  წყარო: ორგანიზაციის გვერდი სოციალურ ქსელში