თბილისი. აისეკ საქართველო სთავაზობს სტუდენტებს გახდნენ აისეკის წარმომადგენლები საკუთარ ქალაქებში: გორში, ზუგდიდში, ახალგაციხესა და თელავში. ორგანიზაციის წარმომადგენლები 50%–იან ფასდაკლებას მიიღებენ აისეკის გაცვლით პროგრამებზე. საკონტაქტო ინფორმაცია  ელ–ფოსტა: ambassadors@aiesec.ge აქციის შესახებ ინფორმაცია წყარო:ორგანიზაციის გვერდი სოციალურ ქსელში

თბილისი. აზარტულ თამაშებზე დამოკიდებულ პირთა შესახებ ახალგაზრდული პარლამენტის საკანონმდებლო წინადადებაზე საქართველოს პარლამენტის შესაბამისი კომიტეტი იმსჯელებს. ამის შესახებ ახალგაზრდული პარლამენტის ადმინისტრაციის ხელმძღვანელმა და იურიდიულ საკითხთა კომიტეტის წევრებმა პრესკონფერენციაზე განაცხადეს. ახალგაზრდული პარლამენტის ინიციატივით, დღეს არსებული პირის ქმედუნარიანობის შეზღუდვის საფუძვლებს, როგორიცაა, ალკოჰოლსა ან ნარკოტიკული ნივთიერებებზე დამოკიდებულება უნდა დაემატოს აზარტულ თამაშებზე პათოლოგიური დამოკიდებულება, როგორც ქმედუნარიანობის შეზღუდვის სამართლებრივი საფუძველი. ინიციატივას საქართველოს პარლამენტის ჯანდაცვის კომიტეტი 23 ივლისს განიხილავს. წყარო:ორგანიზაციის გვერდი სოციალურ ქსელში

თბილისი. „თავისუფლების კლუბი" (Club Of Liberty) გიწვევთ თავისუფლების ბანაკში, თემაზე: „განათლებული მოქალაქე". თავისუფლების ბანაკი გაიმართება ბაზალეთის ტრენინგ ცენტრში 8-13 აგვისტოს. ხუთი დღის განმავლობაში მონაწილეებს შესაძლებლობა ექნებათ კომპეტენტური პირებისგან მოისმინონ ლექციები. მომხსენებლები ისაუბრებენ თემებზე: თავისუფლების იდეა და მისი როლი საზოგადოების განვითარებაში; ისაუბრებენ ეკონომიკურ თავისუფლებაზე, ევროინტეგრაციის მნიშვნელობაზე, საქართველოს როლზე მსოფლიო პოლიტიკაში, ადამიანის უფლებებზე საქართველოში. სრულად 

ორგანიზაცია „რადარამი" ახორციელებს პროექტს - „მობილური ბიბლიოთეკა დევნილი ბავშვებისათვის". პროექტი ითვალისწინებს მობილური ბიბლიოთეკის შექმნას, რომელიც ქართულ ენაზე გამოცემულ 600-ზე მეტი დასახელების წიგნს მოიცავს. პირველ ეტაპზე ცენტრი „აფხაზეთი" უზრუნველყოფს ბიბლიოთეკის გადატანასა და შესაბამისი ღონისძიებების დაგეგმვას დევნილთა 6 დასახლებაში - ქვემო ქართლისა და მცხეთა-მთიანეთის რეგიონებში. მომდევნო ეტაპზე, კი, მთელი საქართველოს მასშტაბით, აფხაზეთის განათლებისა და კულტურის სამინისტრო შეარჩევს რეგიონებს. აღსანიშნავია, პროექტის მიზანი მოზარდებში წიგნისადმი ინტერესის გაღვიძება, ახალგაზრდებში საზოგადოებრივი აქტივობის გაზრდა და საგანმანათლებლო პროცესში მათი ჩართვაა. ამასთან, პროექტი ხელს შეუწყობს დევნილი ბავშვების უზრუნველყოფას ძვირადღირებული წიგნებით. წყარო:ორგანიზაციის გვერდი სოციალურ ქსელში

ქვემო ქართლი. რატევნის ქალთა საბჭო აგრძელებს ახალგაზრდებისთვის ტრენინგების ჩატარებას სხვადასხვა თემატიკაზე მათი ცნობიერების ამაღლების მიზნით. 18 ივლისს რატევნის ქალთა საბჭოს ოფისში ჩატარდა ტრენინგი თემაზე: პროექტის ციკლის მართვა, რომელსაც ესწრებოდნენ რატევნის საჯარო სკოლის მოსწავლეები და ეკოკლუბის წევრები, ასევე სტუდენტები. ტრენინგის მიზანს წარმოადგენდა ახალგაზრდებისათვის პროექტის წერის და მისი ციკლის მართვისათვის აუცილებელი ინფორმაციის მიწოდება და შესაბამისი  უნარ-ჩვევების განვითარება. რატევნის ქალთა საბჭო შექმნილია CENN-ის რეგიონული ინიციატივის „სამხრეთ კავკასიის ქვეყნებში სოფლად მცხოვრებ ქალთა უნარ-შესაძლებლობების გაძლიერება და მათი ჩართვა ბუნებრივი რესურსების მდგრად მართვაში" ფარგლებში, რომელიც ხორციელდება გერმანული ფონდის EED-ის ფინანსური მხარდაჭერით.  წყარო:cenn

თბილისი. არასამთავრობო ორგანიზაცია „სამართალდამცავთა დაცვის" ლიგის დამფუძნებელმა „თავისუფლების კლუბის" ორგანიზებით გამართულ საჯარო ლექციაში მიიღო მონაწილეობა. მათ სტუდენტებს საჯარო ლექცია წაუკითხა თემაზე – ვინ არიან ორგანიზებული დანაშაუილის სუბიექტები და ვინ წარმართავს მათ კრიმინალურ საქმიანობას? ლექცია ორგანიზებული დანაშაულის შესახებ ორ საათს გაგრძელდა და მას ოცდაათზე მეტი სტუდენტი დაესწრო. მსმენელებს შორის იყვნენ სხვადასხვა უმაღლესი სასწავლებლის წარმომადგენლები. ლექციის დასრულების შემდეგ საუბარი კითხვა პასუხის რეჟიმში გაგრძელდა. წყარო:ორგანიზაციის გვერდი სოციალურ ქსელში

მცხეთა–მთიანეთი. სიქა-ს მიერ ორგანიზებულ სამოქალაქო განათლების ბანაკი 2013-ის მეორე ნაკადის ყველა მონაწილე ადგილზეა - ბაზალეთში. 92 მონაწილე საქართველოს ყველა რეგიონიდან 5 დღის განმავლობაში ერთად იმუშავებენ თემში არსებული პრობლემების მოგვარებისათვის სხვადასხვა ინიციატივებისა და პროექტების შემუშავებაზე. წყარო: ორგანიზაციის გვერდი სოციალურ ქსელში

შიდა ქართლი. 18 ივლისს გორის მე–7 საჯარო სკოლის სამოქალაქო კლუბ „ალტრუისტების" ინიციატივით, დემოკრატიული ჩართულობის ცენტრში ორგანიზაცია ეკოვიჟენის წარმომადგენლებსა და საჯარო სკოლების დირექტორებს შორის შეხვედრა გაიმართა. სადაც შედგა ენერგიის და რესურსების დაზოგვის საერთაშორისო სასკოლო პროექტის (SPARE) პრეზენტაცია.  SPARE ესაა მსოფლიოში უდიდესი საგანმანათლებლო პროექტი კლიმატის ცვლილებაზე, ენერგეტიკაზე და გარემოს დაცვაზე, რომელშიც 6 000 სკოლა და 300 000 მოსწავლეა ჩართული. სექტემბრიდან SPARE–ს გორის მე–3, მე–7, ბერშუეთის, შავშვების, საღოლაშენის, რუისის მე–2 და აგარის საჯარო სკოლებიც შეუერთდებიან. ჩამოაყალიბებენ ეკო კლუბებს და პროექტის შესაბამის აქტივობებს განახორციელებენ.  წყარო: ორგანიზაცია ბილიკის გვერდი სოციალურ ქსელში

სამცხე–ჯავახეთი. დემოკრატ მესხთა კავშირის ოფისში ახალგაზრდული საკრებულოს 2013 წლის წევრებს მორიგი ტრენინგი ჩაუტარდათ, თემაზე: ეფექტური პრეზენტაცია. პროექტი – „ახალგაზრდული საკრებულო" – დაფინანსებულია საქართველოს და შვედეთის გაეროს ასოციაციების მიერ შვედური სიდას ფინანსური მხარდაჭერით. პროექტის მიზანია ხელი შეუწყოს ახალგაზრდების ინფორმირებულობის და მათ ჩართულობის ზრდას ადგილობრივივი თვითმმართველობის საქმიანობაში. პროექტში ჩართულია ახალციხის მუნიციპალიტეტში მცხოვრები 30 ახალგაზრდა.  წყარო:ორგანიზაციის გვერდი სოციალურ ქსელში

სამეგრელო. 15 ივლისს ასოციაცია „გორის ინვალიდთა კლუბთან" არსებულმა გორის ახალგაზრდულმა ცენტრმა ზუგდიდის ახალგაზრდულ ცენტრ „ორტუსში" კულტურული ტური მოაწყო.  ახალგაზრდებმა მოინახულეს მარტვილის კანიონი „ოფუცხოი" და რამოდენიმე აქტივობა განახორციელეს: გორის ახალგაზრდულმა ცენტრმა აჩვენა სიმულაციები ადამიანის უფლებებზე,  ორივე ცენტრმა წარმოადგინა პრეზენტაციების თავიანთი მუშაობის და ცენტრების შესახებ. აქტივობა დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი" წყარო: ეროვნული ინტეგრაციის გაძლიერება-გორის ახალგაზრდული ცენტრის გვერდი სოციალურ ქსელში

სამცხე–ჯავახეთი. მეხუთე ოფიციალური ვიზიტის ფარგლებში, ახალგაზრდა პარლამენტარებმა შეხვედრა ახალციხის დემოკრატიული ჩართულობის ცენტრში გამართეს. შეხვედრას ორმოცდაათამდე ადგილობრივი ახალგაზრდა, ეთნიკური უმცირესობის წარმომადგენლები და ახალგაზრდული პარლამენტის საქმიანობით დაინტერესებული პირები ესწრებოდნენ. დამსწრე საზოგადოებამ ახალგაზრდა პარლამენტარებს რეგიონში არსებული პრობლემები გააცნეს. მათ ყურადღება სპორტული და კულტურული აქტივობის განუვითარებულობაზე, გარემოს დაცვასთან და დასაქმებასთან დაკავშირებულ პრობლემებზე გაამახვილეს. საქართველოს ახალგაზრდული პარლამენტი ახალციხის რეგიონში „თვითდასაქმებისა და მეწარმეობის განვითარების" სასწავლო კურსის გამართვას გეგმავს, რადგან ადგილობრივი მოსახლეობის დასაქმება ადგილზევე მოხდეს. სასწავლო კურსების მეშვეობით, ახალციხელებს ბიზნესის წამოსაწყებათ, ბიზნეს გეგმების შემუშავებასა და დაფინასების წყაროების მოძიებას შეასწავლიან. საქართველოს ახალგაზრდულმა პარლამენტმა რეგიონებში შეხვედრები მაისიდან დაიწყო. წყარო:ორგანიზაციის გვერდი სოციალურ ქსელში

თბილისი. ორგანიზაცია დრონის მოხალისეებმა და EVS პროექტის მონაწილეებმა თბილისის ზღვის სკოლაში პრეზენტაცია გამართეს. სტუმრებმა ფილმის ჩვენების შემდეგ მოსწავლეებთან ერთად სხვადასხვა თამაშები ითამაშეს. აქტივობების მიზანი იყო მოსწავლეებისთვის ეკოლოგიურ ჯაჭვში მათი როლის გაცნობა, გუნდში მუშაობის სწავლება.  წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდული პარლამენტის ევროპასთან ინტეგრაციის კომიტეტის ორგანიზებით, ილიას სახელმწიფო უნივერსიტეტში საჯარო შეხვედრა-დისკუსია გაიმართა თემაზე „ დემოკრატიული არჩევნები - ვენეციის კომისიის რეკომენდაციებით თუ მათ გარეშე”. დისკუსიის მთავარი თემა იყო საარჩევნო კოდექსში მოსალოდნელი დამატებითი ცვლილებების შეტანა, ვენეციის კომისიის რეკომენდაციების გათვალისწინებით. ღონისძიებას ესწრებოდა საარჩევნო გარემოს განვითარების ცენტრის თავჯდომარე თამილა ფერაძე, რომელმაც ისაუბრა იმ მოსალოდნელ შედეგებზე, რაც ზემოაღნიშნულ რეკომენდაციებს შესაძლოა მოჰყვეს. „ ახალი საარჩევნო სიის შედგენა, ეს არის დაკავშირებული იმ დიდ საფრთხესთან, რაც ნიშნავს ბევრი ამომრჩევლის სიის გარეთ დარჩენას’’, - აღნიშნა მან დამსწრე საზოგადოებასთან საუბრისას. შეხვედრაზე, რომელიც კითვა-პასუხის რეჟიმში წარიმართა, ახალგაზრდებმა განიხილეს საარჩევნო კამპანიიის აუდიტის არსებული სისტემის დახვეწის აუცილებლობისა და მედიის მიერ ყველა საარჩევნო სუბიექტის თანაბრად გაშუქების საკითხი. წყარო: ორგანიზაციის გვერდი სოციალურ ქსელში

თბილისი. 14 ივლისს, „საერთაშორისო გამჭვირვალობა საქართველოს" მხარდაჭერითა და ბავშვთა და ახალგაზრდობის ფონდის ორგანიზებით, ევროკავშირის სამართლის საქართველოში პირველი ინგლისურენოვანი იმიტირებული სასამართლო პროცესი გაიმართა, რომელშიც მონაწილეობა მიიღეს სხვადასხვა უმაღლესი სასწავლებლის სტუდენტებმა. „საერთაშორისო გამჭვირვალობა საქართველოდან" იმიტირებულ პროცესზე მოსამართლეები იყვნენ ევა ანდერსონი (უფროსი ანალიტიკოსი) და ლემარკ კემბელი. იმიტირებული პროცესის პროექტისა და ქეისის ავტორი იყო „საერთაშორისო გამჭვირვალობა - საქართველოს" იურისტი ანდრია ნადირაძე. წყარო: ორგანიზაციის გვერდი სოციალურ ქსელში

სიქას ფოლკლორულმა გუნდმა დაასრულა წარმატებული გამოსვლა პოლონეთში, ქალაქ ლოძში ორგანიზებულ საერთაშორისო ფესტივალზე. ესპანეთის, იტალიის, სერბიის, უკრაინის, ინდოეთისა და ბულგარეთის ფოლკლორულ ჯგუფებთან ერთად სიქა-ს გუნდმა პოლონეთის სხვადასხვა ქალაქებში წარადგინა მშობლიური ქვეყნის კულტურა. სიქა-ს გუნდმა პირველ საერთაშორისო ფესტივალზე დიდი მოწონება დაიმსახურა. წყარო: ორგანიზაციის გვერდი სოციალურ ქსელში  

ქვემო ქართლი. სიქას ქართველი და უცხოელი მოხალისეების ინიციატივითა და რუსთავის სამოქალაქო კლუბების წევრების აქტიურობით 12,13,14 ივლისს მოეწყო ჭადრაკის ღია ჩემპიონატი. ღონისძიებაში მონაწილეობის სურვილი 30-დე მონაწილემ გამოთქვა. გამარჯვებული მოყვარული მოჭადრაკეები დაჯილდოვდნენ ფასიანი საჩუქრებით. წყარო:ორგანიზაციის გვერდი სოციალურ ქსელში

იმერეთი. 15 ივლისს ქუთაისის ახალგაზრდული ცენტრის წევრებისათვის გაიმართა სადისკუსიო კლუბის მორიგი შეხვედრა თემაზე: „მოქალაქეთა მონაწილეობა გადაწყვეტილების მიღების პროცესში”, რომელსაც 17 წევრი ესწრებოდა. დისკუსიას უძღვებოდა საქართველოს ახალგაზრდა იურისტთა ასოციაციის ქუთაისის ფილიალის თავმჯდომარე თამარ ფაჩულია. დისკუსიის მიზანს წარმოადგენდა ახალგაზრდები გაცნობოდნენ თუ როგორ ხდება სახელმწიფო სექტორში გადაწყვეტილების მიღებისა და რეფორმების მიმდინარეობის პროცესში საზოგადოების მონაწილეობა და ჩართულობა, ადგილობრივი ბიუჯეტის დაგეგმვა; ადგილობრივ მმართველობის ორგანოებთან მოქალაქეთა თანამშრომლობა კონკრეტული პრობლემების მოგვარებისათვის; ადგილობრივი მმართველობის ორგანოების მიერ გადაწყვეტილებების მიღების პროცესში თანამონაწილეობა - ქალაქის განვითარება, საჯარო განათლება, გარემოს დაცვა, მომხმარებელთა უფლებები, ახალი სამუშაო ადგილების შექმნა და სხვა. დისკუსია ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ქუთაისის ახალგაზრდული ცენტრის გვერდი სოციალურ ქსელში

სამცხე–ჯავახეთი. ბათუმის ახალგაზრდული ცენტრის წევრებმა 1–14 ივლისს მონაწილეობა ბაკურიანის საზაფხულო სკოლაში მიიღეს. ახალგაზრდებს ჩაუტარდათ „პარტნიორები საქართველოს" თანატოლგანმანათლებელთა ტრენინგები, კურსები: გაეროს მოდელირება, სოციალური მედია და ბლოგინგი, ფოტოხელოვნება, ბრენდინგი და გრაფიკული დიზაინი, გენდერული თანასწორობა და ოჯახური ძალადობა. აგრეთვე პროფესიული საორიენტაციო ტრენინგი – „უმაღლესი გაანთლება საქართველოში". გარდა ამისა ტარდებოდა ლექციები ტოლერანტობისა და ადამიანის უფლებების თემაზე, კინოჩვენება, სპორტულ–რეკრეაციული აქტივობები. საზაფხულო სკოლაში სულ 13 ქალაქის ახალგაზრდული ცენტრის წარმომადგენლები იმყოფებოდნენ. პროექტს ახორციელებს საქართველოს გაეროს ასოციაცია ამერიკის შეერთებული შტატების საერთაშორისო განვითარების სააგენტოს ფინანსური მხარდაჭერით. წყარო:ორგანიზაციის გვერდი სოციალურ ქსელში

აჭარა.სიქა – საგანმანათლებლო ინიციატივების ქართული ასოციაცია, EMT- განთლების და მართვის გუნდი და CISV-საქართველო აცხადებენ მიღებას ქობულეთის ბანაკში. მონაწილეობის მიღება შეუძლია ნებისმიერ მსურველს 10 წლის ზევით. ბანაკი გაგრძელდება 7 დღის განმავლობაში და დატვირთული იქნება აქტივობებით. სრულად წყარო: ორგანიზაციის გვერდი სოციალურ ქსელში

თბილისი. 15 ივლისს საქართველოს ახალგაზრდული პარლამენტის გარემოს დაცვისა და ბუნებრივი რესურსების კომიტეტის ორგანიზებით, საქართველოს პარლამენტის ეროვნულ ბიბლიოთეკაში ჩატარდა საჯარო შეხვედრა თემაზე – „ჰესების მშენებლობა - ეკონომიკური სარგებელი თუ ეკოლოგიური საფრთხე". დისკუსია მიზანად ისახავდა გამოეკვეთა ჰესების მშენებლობასთან დაკავშირებული ეკოლოგიური საფრთხეები და ამავდროულად მისი ეკონომიკური სარგებელი, თუ რა შედეგი შეიძლება მიიღოს ქვეყანამ ჰესების აშენებით. ახალგაზრდული პარლამენტის მიერ ორგანიზებულ შეხვედრას ესწრებოდნენ ექსპერტებიც, რომლებმაც დამსწრეებს გაუზიარეს თავიანთი გამოცდილება და ისაუბრეს ჰესების მშენებლობის დადებით და უარყოფით მხარეებზე. წყარო:ორგანიზაციის გვერდი სოციალურ ქსელში

ბათუმი. საქართველოს ახალგაზრდული პარლამენტის გარემოს დაცვისა და ბუნებრივი რესურსების კომიტეტის ორგანიზებით, 12 ივლისს, გაიმართა შეხვედრა. ბათუმის დემოკრატიული ჩართულობის ცენტრში გამართულ შეხვედრაზე განიხილეს „ჰესების მშენებლობა – ეკონომიკური სარგებელი თუ ეკოლოგიური საფრთხე". დისკუსია მიზნად ისახავდა ჰესების მშენებლობასთან დაკავშირებული ეკოლოგიური საფრთხეებისა და ამავდროულად მისი ეკონომიკური სარგებელის გამოკვეთას. შეხვედრას ახალგაზრდული პარლამენტის შესაბამისი კომიტეტის წევრების გარდა ესწრებოდნენ სფეროს ექსპერტები და დაინტერესებული პირები.

თბილისი. 2013 წლის საქართველოს ახალგაზრდული პარლამენტის ჯანმრთელობის დაცვისა და სოციალურ საკითხთა კომიტეტის ორგანიზებით ნარკოტიკული საშუალების დეზომორფინის - იგივე „კრაკადილის" შესახებ საჯარო დისკუსია გაიმართა.  ახალგაზრდული პარლამენტის კომიტეტის წევრებმა დამსწრე საზოგადოებას ამ ნარკოტიკული საშუალების უარყოფითი თვისებები და შესაძლო ფატალური შედეგები გააცნეს. დისკუსიაში მონაწილეობა არასამთავრობო ორგანიზაცია „ახალი ვექტორის" წარმომადგენლებმა, ორგანიზაცია „ალტერნატივა ჯორჯიას" მკვლევარმა და პროექტის – „ნარკოტიკების ინექციური გზით მომხმარებლების მოცვის გაფართოება აივ/შიდსზე პრევენციული ღონისძიებების გაძლიერების გზით" – ხელმძღვანელმა მიიღეს. ექსპერტებმა საქართველოში არსებული მდგომარეობა და პრობლემიდან შესაძლო გამოსავლის გზებიც შეაფასეს. ღონისძიებაში ყოფილი ნარკოტიკდამოკიდებულებიც მონაწილეობდნენ. მათ დისკუსიაში მონაწილეებს საკუთარი ისტორია და გამოცდილება გაუზიარეს. ღონისძიების მიზანი საზოგადოების ინფორმირება და დეზომორფინით (კრაკადილი) გამოწვეულ პრობლემებზე ყურადღების გამახვილება იყო. წყარო:ორგანიზაციის გვერდი სოციალურ ქსელში