გურია.  16 ივნისს გურიის ახალგაზრდული რესურსცენტრისა და საზოგადოებრივი ორგანიზაცია „ეკოხედვის" ორგანიზებით დასუფთავების ეროვნული აქცია გაიმართა. აქციაში მონაწილეობა ახალგაზრდული რესურსცენტრის თანამშრომლებმა და მოხალისეებმა მიიღეს. წყარო:ორგანიზაციის გვერდი სოციალურ ქსელში

ახალციხისა და ბათუმის ახალგაზრდულ ცენტრებს შორის გაცვლითი პროგრამა მიმდინარეობს. პროგრამის ფარგლებში დაგეგმილია გამოცდილების გაზიარება, ერთობლივი სამოქალაქო და კულტურული ღონისძიებები. გაცვლითი პროგრამის მიზანია სხვადასხვა რეგიონების და ეთნიკური უმცირესობების ჯგუფების ახალგაზრდებს შორის ურთიერთობის გაუმჯობესება. ბათუმის ახალგაზრდული ცენტრის წევრებმა ახალციხის ახალგაზრდული ცენტრის წარმომადგენლებს გაუზიარეს თავიანთი გამოცდილება ინტერნეტ-გადაცემების ონლაინ რეჟიმში გაშვებასთან დაკავშირებით, დაიგეგმა გადაცემა თემაზე: „სამოქალაქო აქტივობა". გაცვლითი ღონისძიებები ახალციხისა და ბათუმის ახალგაზრდულ ცენტრებს შორის ორმხრივია და ხორციელდება პროექტის ფარგლებში „ეროვნული ინტეგრაციის გაძლიერება საქართველოში", რომელსაც ახორციელებს საქართველოს გაეროს ასოციაცია აშშ-ს საერთაშორისო განვითარების სააგენტოს ფინანსური მხარდაჭერით. წყარო:ორგანიზაციის გვერდი სოციალურ ქსელში

მცხეთა–მთიანეთი. საქართველოს ახალგაზრდული პარლამენტი შეუერთდა გარემოს დაცვისა და ბუნებრივი რესურსების სამინისტროს ინიციატივას „დასუფთავების ეროვნული აქცია". 16 ივნისს პარლამენტის 100-მდე წევრმა ბაზალეთის ტბის მიმდებარე ტერიტორია დაასუფთავა. მათთან ერთად აქციაში მონაწილეობა ადგილობრივმა მოსახლეობამაც მიიღო.  სამინისტროს მიერ ორგანიზებულმა გარემოსდაცვითმა კამპანიამ მოიცვა თბილისი და საქართველოს თითქმის ყველა რეგიონი. დასუფთავების აქციები გაიმართა 80-ზე მეტ ადგილას, მათ შორის ისტორიული და კულტურული ძეგლების მახლობლად, სკოლების, უნივერსიტეტების და სამედიცინო დაწესებულებების შემოგარენში, ეროვნული პარკებისა და დაცული ტერიტორიების საგანგებოდ შერჩეულ უბნებზე. წყარო:ორგანიზაციის გვერდი სოციალურ ქსელში

შიდა ქართლი.„საქართველოს ჟურნალისტური ეთიკის ქარტიის" საბჭოს წევრები გორში ჟურნალისტიკით დაინტერესებულ ახალგაზრდებს შეხვდნენ. შეხვედრას დაესწრნენ გორის „ახალგაზრდული ცენტრისა" და საზოგადოება „ბილიკის" ჟურნალისტიკის სტუდიის მოსწავლეები. ეთიკის ქარტიის საბჭოს თავმჯდომარემ გიორგი მგელაძემ და აღმასრულებელმა დირექტორმა თამარ რუხაძემ მოზარდებს დეტალური ინფორმაცია მიაწოდეს ქარტიის შესახებ, გაიმართა დისკუსია კონკრეტულ დარღვევებზე. შეხვედრა კითხვა– პასუხის რეჟიმში სამი საათის განმავლობაში მიმდინარეობდა.  სრულად წყარო: media.ge

აჭარა. 13 ივნისს, ქობულეთში სასტუმრო ჯორჯია პალასში გაიმართა საერთაშორისო ახალგაზრდული ფორუმი. კავკასიის რეგიონიდან ჩამოსულმა ახალგაზრდებმა თავიანთ ქვეყენებში არსებულ მიღწევევბზე ისაუბრეს, ასევე გაუზიარეს გამოცდილება ახალგაზრდული ორგანიზაციების მუშაობის შესახებ. უკრაინის, თურქეთის, აზერბაიჯანის, სომხეთისა და საქართველოს სტუდენტებმა ოთხდღიანი ფორუმის ფარგლებში ერთმანეთს დაუმეგობრდნენ და სამომავლოდ ერთობლივი პროექტების განხორციელებაზე შეთანხმდნენ. შეხვედრის ბოლოს ჩამოთვლილ ქვეყნებს შორის ურთიერთთანამშრომლობის მემორანდუმი გაფორმდა.

აჭარა. ხანდაზმულთა ასოციაცია „ღირსეული სიბერის" ორგანიზებით პროექტ – „ხანდაზმულთა სოციალური ცენტრის" – ფარგლებში ქობულეთის მუნიციპალიტეტის საჯარო სკოლებში წერითი ნამუშევრების კონკურსი – „ჩემი ღირსეული თანამოქალაქე" მიმდინარეობს. კონკურსი სკოლებს შორის ზონების მიხედვით ტარდება, ჟიურიმ მესამე ეტაპის ნამუშევრები განიხილა და გამარჯვებული თემაც გამოავლინა. კონკურსის მიზანია თაობათა შორის ურთიერთობების გაღრმავება, ღირსეული პიროვნებების გამოვლენა და მათი ცხოვრების მაგალითების გაზიარება. წყარო:ორგანიზაციის გვერდი სოციალურ ქსელში

გურია. გურიის ახალგაზრდული რესურსცენტრის ორგანიზებით  სამოქალაქო განათლებისა და პედაგოგთა გადამზადების პროგრამის ფარგლებში 12 ივნისს ოზურგეთის დემოკრატიული ჩართულობის ცენტრში გაიმართა შუალედური კონფერენცია. კონფერენციის მიზანი იყო 2013 წლის იანვარი-ივნისის თვეებში პროგრამის ფარგლებში განხორციელებული ღონისძიებების გაცნობა ადგილობრივი საზოგადოებისათვის. ღონისძიებას ესწრებოდნენ პროგრამის მიზნობრივ სკოლებში მოქმედი სამოქალაქო კლუბებისა და საინიციატივო ჯგუფების წევრები, დირექტორები, მხარდამჭერი პედაგოგები, რეგიონის საგანმანათლებლო რესურსცენტრების, საკრებულო-გამგეობის, სოფლის ტერიტორიული ორგანოების და მასმედიის წარმომადგენლები. პროგრამის ფარგლებში მომხდარი ღონისძიებების გაცნობის შემდეგ მოხდა პროგრამის სტაჟირების კომპენენტის 9 მონაწილისა და სოციალური მედიის კომპონენტში წარმატებული მოსწავლის დაჯილდოვება. სიმბოლური პრიზებით დაჯილდოვდნენ სტაჟირების მასპინძელი ორგანიზაციები და თვითმმართველობების ის წარმომადგენლები, რომლებმაც პროგრამის ფარგლებში სამოქალაქო კლუბებთან და საინიციატიავო ჯგუფებთან ითანამშრომლეს.  სამოქალაქო განათლებისა და პედაგოგთა გადამზადების პროგრამა ხორციელდება PH International-ის მიერ ამერიკის საერთაშორისო განვითარების სააგენტოს დაფინანსებით. გურიაში პროგრამის პარტიორია გურიის ახალგაზრდული რესურსცენტრი. გურიის რეგიონში პროექტში 33 სკოლაა ჩართული. წყარო:ორგანიზაციის გვერდი სოციალურ ქსელში

სამეგრელო. 12 ივნისს ასოციაცია ათინათში ახალგაზრდული ცენტრი „ორტუსის" წევრებისთვის ჩატარდა სემინარი თემაზე – „ეკო კულტურის ამაღლება ჩვენს რეგიონში". მონაწილეებმა მიიღეს თეორიული და პრაქტიკული ინფორმაცია, ნახეს რამდენიმე ვიდეო, რის საშუალებითაც გაიგე თუ როგორ შეიძლება გამოუსადეგარი ნივთებიდან საჭირო ნივთის შექმა. სემინარები გაგრძელდება სამი დღე, სადაც „ორტუსის" წევრები შექმნიან გამოუსადგარი ნივთებიდან ეკო პროდუქტებს. 16 ივნისს კი ზუგდიდის ბოტანიკურ ბაღში იქნება ამნივთების გამოფენა-გაყიდვა იქნება. წყარო:ორგანიზაციის გვერდი სოციალურ ქსელში

სამეგრელო. 12 ივნისს ასოციაცია „ათინათის" ახალგაზრდული ცენტრის „ორტუსის" ორგანიზებით ჩატარდა დისკუსია „კაფე-სუფრის" მეთოდით თემაზე „ბავშვი და ქუჩა".  დისკუსიაში ჩართულები იყვნენ ამავე სკოლის მასწავლებლები, მოსწავლეები და მათი მშობლები, რომლებიც მსჯელობდნენ თემებზე რაში მდგომარეობს პრობლემა, რა არის პრობლემის მიზეზი, რა როლი აქვს მშობელს,მასწავლებელს და სახელმწიფოს, რა არის პრობლემის გადაჭრის გზები. დისკუსია ჩატარდა პროექტის – „ეროვნული ინტეგრაციის გაძლიერება საქართველოში" ფარგლებში,რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს ფინანსური მხარდაჭერით. წყარო: ორგანიზაციის გვერდი სოციალურ ქსელში

თბილისი. 10 ივნისს, ცენტრალურ საარჩევნო კომისიას თბილისის ახალგაზრდული ცენტრის 23 წევრი ესტუმრა. სტუმრები გაეცნენ ცესკოს მუშაობის პრინციპებს, დაათვალიერეს საარჩევნო ადმინისტრაცია. სხვადასხვა დეპარტამენტების უფროსებმა მოსწავლეებს კომისიის აქტივობების შესახებ გააცნეს ინფორმაცია. კოორდინაციისა და მართვის დეპარტამენტის უფროსმა ახალგაზრდებს დეტალურად წარუდგინა ინფორმაცია კომისიის საქმიანობების შესახებ ეთნიკურ უმცირესობებთან მიმართებაში, ხოლო სსიპ-საარჩევნო სისტემების განვითარების, რეფორმებისა და სწავლების ცენტრის ხელმძღვანელის მოადგილე სემინარის ფარგლებში მათ არჩევნებში აქტიური ჩართულობის მნიშვნელობაზე ესაუბრა. საქართველოს გაეროს ასოციაციასა და ცესკოს შორის მოლაპარაკების შედეგად, საპრეზიდენტო არჩევნებამდე და არჩევნების პერიოდში, თბილისის ცენტრის რამდენიმე წევრი ცესკოში შტაჟირებას გაივლის. წყარო: ეროვნული ინტეგრაციის გაძლიერება საქართველოში - თბილისის ახალგაზრდული ცენტრის გვერდი სოციალურ ქსელში

სამეგრელო.  11 ივნისს ასოციაცია „ათინათის" ახალგაზრდული ცენტრი „ორტუსის" წევრებმა ზუგდიდის #9 საჯარო სკოლის ბავშვებს ჩაუტარეს თანატოლთა ტრენინგი  თემაზე – „გარემოს დაცვა". ტრენინგში მონაწილეობა მიიღეს  სკოლის მე–9 და მე–10 კლასის მოსწავლეებმა. ტრენერებმა გააცნეს თანატოლებს გარემოს დაცვის და ეკოლოგიის მნიშვნელობის შესახებ. ტრენინგზე ბავშვების მხრიდან წარმოდგენილ იქნა ასოციაციები გარემოს დაცვასთან დაკავშირებით, მოსწავლეებმა იმსჯელეს და საკუთარი მოსაზრება გამოთქვეს დღევანდელ ეკოლოგიურ პრობლემებთან დაკავშირებით და ამ თემაზე იმუშავეს ჯგუფებში, სადაც მათ მიერ არჩეულ მთავარ სამ პრობლემაზე დადგეს მცირე წარმოდგენა პრობლემის გადაჭრის გზასთან დაკავშირებით.  წყარო:ორგანიზაციის გვერდი სოციალურ ქსელში

თბილისი. 11 ივნისს ჩატარდა გაეროს ბავშვთა ფონდის (იუნისეფის), საქართველოს პარლამენტისა და მთავრობის მიერ ორგანიზებული კონფერენცია – „ინვესტიცია საქართველოს მომავალში – ადრეულ ასაკში ბავშვთა სიცოცხლისა და განვითარების ეროვნული გეგმა". ეროვნული გეგმა ადრეულ ასაკში ბავშვთა სიცოცხლისა და განვითარებისთვის მოიცავს კონკრეტულ სტრატეგიას, რომელიც საქართველომ უნდა განახორციელოს 2015 წლამდე. ღონისძიებას დაესწრნენ საქართველოს პრემიერ–მინისტრი, პარლამენტის თავმჯდომარე, ელჩები და მინისტრები, აღმასრულებელი და საკანონმდებლო ხელისუფლების, საერთაშორისო ორგანიზაციებისა და სამოქალაქო საზოგადოების წარმომადგენლები. წყარო: unicef.ge

გურია. 11 ივნისს, ახალგაზრდა პედაგოგთა კავშირის მცირე საკონფერენციო დარბაზში გაიმართა, კარლ პოპერის საჩვენებელი დებატი რეზოლუციაზე - „მასწავლებელმა და მოსწავლემ თანაბარი წვლილი უნდა შეიტანოს სასკოლო პროცესებში". დებატში მონაწილეობას ახალგაზრდა პედაგოგთა კავშირის ბაზაზე არსებული ლიდერთა სკოლის დებატ-კლუბის უმცროსი ჯგუფის წევრები იღებდნენ. მოდებატეებმა ისაუბრეს მასწავლებლებისა და მოსწავლეების თანაბარი წვლილის შესახებ სასკოლო პროცესების წარმოებაში. დებატებს, გარდა ახალგაზრდებისა, ესწრებოდნენ პედაგოგები და საგანმანათლებლო სფეროს ექსპერტები. დებატს 50 ადამიანი დაესწრო და მსაჯის გადაწყვეტილებით გამარჯვება მტკიცებითმა გუნდმა მოიპოვა. წყარო:ორგანიზაციის გვერდი სოციალურ ქსელში

იმერეთი. „თაობათა დიალოგმა" სამცნიერო ლექტორიუმის მსმენელებს 3 თვიანი პროგრამის შემდგომ პირველი ხარისხის სერთიფიკატები გადასცა. სერთიფიკატების გადაცემამდე თითოეულმა კლუბის წევრმა წაიკითხა სამეცნიერო ნაშრომი, რომელსაც პროგრამის დასასრულისთვის ამზადებდნენ. „სამეცნიერო ლექტორიუმი" არის სამეცნიერო კლუბის პროგრამა, რომელიც 3 თვის წინ დაიწყო და რომლის ფარგლებშიც მონაწილეებმა სამეცნიერო წერის კულტურა, სამეცნიერო ნამაშრომების ტიპები და წერის მეთოდოლოგია შეისწავლეს. პროგრამის ფარგლებში გათვალისწინებული იყო სამეცნიერო მუშაობასთან დაკავშიორებული კონსულტაციების გაწევა. პროგრამა ასევე ითვალისწინებდა სამეცნერო დისკუსიაში მომხსნებლის სტატუსით მონაწილეობის მიღებას. „სამეცნიერო ლექტორიუმის" მეორე ეტაპი სექტემბრიდან გაგრძელდება. წყარო:ორგანიზაციის გვერდი სოციალურ ქსელში

 თბილისი. საგანმანათლებლო პროექტის „ანა ფრანკი – აქტუალური ისტორია" – ფარგლებში ცხადდება კონკურსი „ანა ფრანკის დღიური და მისი როლი 21–ე საუკუნეში". კონკურსში მონაწილეობა შეუძლიათ 12–დან 16 წლამდე ახალგაზრდებს. მათ საკონკურსოდ უნდა წარადგინონ პროზის ან პოეზიის ნაბეჭდი ნამუშევარი. პროექტი „ანა ფრანკი – აქტუალური ისტორია" ხორციელდება საქართველოს პირველი ლედის სანდრა ელისაბედ რულოვსის ჯანსაღი ცხოვრების წესის ინიციატივის „Don't Worry, Be Healthy!"-ის ფარგლებში, საქართველოში ჰოლანდიის საელჩოს, საქართველოს გაეროს ასოციაციისა და „ანა ფრანკის სახლის” ერთობლივი თანამშრომლობით, ჰოლანდიის საგარეო საქმეთა სამინისტროს ფინანსური მხარდაჭერით. დეტალურად წყარო: თავისუფალ ჟურნალისტთა სახლი

აჭარა. 10 ივნისს, ბათუმის დემოკრატიული ჩართულობის ცენტში, განვითარებისა და თანამშრომლობის ხელშეწყობის კავშირმა „პროგრესმა" და თვითმმართველ ქალაქ ბათუმის საკრებულომ საინფორმაციო შეხვედრა გამართა. თემა:  ბათუმის თვითმმართველობაში ახალგაზრდების სტაჟირების პროგრამა. პროექტის მიზანია საკრებულოს დარგობრივი კომისიებისა და მერიის შესაბამისი სამსახურების საქმიანობაში ახაგაზრდების ჩართვა და მათ ცნობიერების ამაღლების ხელშეწყობაა. სტაჟირებას გაივლის 20/25 ახალგაზრდა (18-27 წელი), რომელთა შერჩევა მოხდება კონკურსის გზით. მსურველები წარმოადგენენ სპეციალურ განაცხადს, რომელიც მოიცავს სააპლიკაციო ფორმას. სააპლიკაციო ფორმების მიღება მოხდება ელექტრონულად. ისინი გაივლიან  სპეციალურ ტრენინგებს, რის შემდეგაც გადანაწილდებიან საკრებულოსა და მერიის შესაბამის  კომისიებსა და სამსახურებში.  სტაჟირებაში მონაწილე პირები  სპეციალურ სერთიფიკატებს მიიღებენ.

იმერეთი. სამეცნიერო-ინტელექტუალური კლუბი „თაობათა დიალოგი" ზოგად საგანმანათლებლო სკოლების დამამთავრებელი კლასების მოზარდებისთვის იწყებს ერთთვიან პილოტურ პროგრამას, სახელწოდებით „კოდი". პროგრამის მიზანია ხელი შეუწყოს ახალგაზრდებში ლიდერული უნარ ჩვევების გამოვლენას და განვითარება.  პროგრამა სიმულაციურ თამაშს წარმოადგენს, რომლის განმავლობაში მონაწილეები შეისწავლიან: გუნდური მუშაობის უნარ-ჩვევებს;  კონფლიქტების რეგულირებას; სტრატეგიის დაგეგმვისა და ანალიზის უნარ-ჩვევებს; საკუთარი უნარების წარმოჩინების ხერხებს; ამოცანების დასახვისა და შესრულების ტექნიკას; რუკის კითხვას და ორიენტირებას ველზე.  წარმატებული მონაწილეები მიიღებენ სერთიფიკატს და ექნებათ უფლება პროგრამის შემდეგ ეტაპზე გადავიდნენ, ასევე მათ გადაეცემათ წამახალისებელი პრიზები. განაცხადის შეტანის ბოლო ვადაა 15 ივნისი. სრულად წყარო:ორგანიზაციის გვერდი სოციალურ ქსელში

სამეგრელო. ასოციაცია „ათინათი" 8, 9, 10 წლის ბავშვებს იწვევს ინგლსურენოვან საზაფხულო სკოლაში. მონაწილეები გასართობი აქტივობების გამოყენებით მიიღებენ საბაზისო ცოდნას ინგლისურ ენაში. სრულად  წყარო:ორგანიზაციის გვერდი სოციალურ ქსელში

5–9 ივნისს საქართველოში ეროვნული ინტეგრაციის გაძლიერების პროექტის (ANI) ფარგლებში განხორციელდება გაცვლითი პროგრამა გორსა და გარდაბანს შორის. გაცვლითი პროგრამის მიზანია განსხვავებული ტრადიციების მქონე ქალაქების დაახლოება და ახალგაზრდების დამეგობრება. პროგრამის ფარგლებში ახალგაზრდებმა განახორციელეს აქტივობები, იყო დასუფთავებისა და პოლიეთილენის პარკების წინააღმდეგ მიმართული აქციები. ახალგაზრდებმა მოისმინეს თანატოლგანმანათლებელთა სემინარი „როგორ შევიძინოთ მეგობრები", რომელიც დაფუძნებული იყო დეილ კარნეგის წიგნზე „როგორ შევიძინოთ მეგობრები". ასევე ჩატარდა არტ-თერაპიის საათი, სადაც ჯგუფებმა წარმოადგინეს საკუთარი ნახატები და შემდეგ გააკეთეს მათი პრეზენტაცია.  წყარო: ეროვნული ინტეგრაციის გაძლიერება-გორის ახალგაზრდული ცენტრის გვერდი სოციალურ ქსელში

ქვემო ქართლი. მარნეულის ახალგაზრდულ ცენტრში ჩატარდა ტრენინგი თემაზე – „ცხოვრება ძალადობის გარეშე". ტრენინგი კავშირ „ლამპართან" თანამშრომლობით ჩატარდა. აღნიშნული ღონისძიება გაიმართა პროექტის – „ეროვნული ინტეგრაციის გაძლიერება საქართველოში  – ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს ფინანსური მხარდაჭერით. წყარო: ორგანიზაციის გვერდი სოციალურ ქსელში

შიდა ქართლი. 7 ივნისს, საზოგადოება „ბილიკმა" სამოქალაქო განათლებისა და პედაგოგთა გადამზადების პროგრამის (USAID/PH International) ფარგლებში 2012–2013 წლებში განხორციელებული საქმიანობის ანგარიში წარადგინა. პრეზენტაციაზე საკუთარ აქტივობები შიდა ქართლის 8 სასკოლო სამოქალაქო კლუბმა წარადგინა. პროგრამის ფარგლებში სასკოლო სამოქალაქო კლუბების წევრებმა არაერთი პრობლემა გამოავლინეს. მოგვარების მიზნით მოსწავლეთა მიერ ადვოკატირების კამპანიის დაგეგმვითა თუ სხვადასხვა აქტივობების განხორციელებით, ადგილობრივი მუნციპალიტეტის და არასამთავრობო სექტორის ხელშეწყობით ბევრი საკითხი დადებითად იქნა გადაწყვეტილი. გაკეთდა მცირე საგრანტო კონკურსის შედეგად დაფინანსებული პროექტების შედეგების პრეზენტაციაც. გასული ერთი წლის განმავლობაში პროგრამის ფარგლებში შიდა ქართლის მასშტაბით 14 პროექტი დაფინანსდა, რომლებიც სკოლის მოსწავლეთა ინიციატივებს წარმოადგენდნენ და ეხებოდა ადამიანთა უფლებებს, ჯანდაცვას, ინფრასტრუქტურის გაუმჯობესებას, მედიასთან ურთიერთობას, სასკოლო სამოქალაქო კლუბის გაძლიერებას და სხვა. სრულად წყარო: ორგანიზაციის გვერდი სოციალურ ქსელში

თბილისი.საქართველოს ახალგაზრდულმა პარლამენტმა საგარეო პოლიტიკის შესახებ ვიდეო კლიპი გაავრცელა. „დროა ჩვენს აფხაზ და ოს ძმებთან დავამყაროთ მეგობრული ურთიერთობა, ამ ურთიერთობის დათბობის პროცესში კი გადამწყვეტი როლი ენიჭება ახალაგზრდობას. სწორედ ერთ–ერთ ასეთ ინიციატივას წარმოადგენს საქართველოს ახალგაზრდული პარლამენტი", ნათქვამია ვიდეო კლიპში. წყარო:ორგანიზაციის გვერდი სოციალურ ქსელში