შიდა ქართლი. 16 მაისს გორის და გორის რაიონის სასკოლო სამოქალაქო კლუბების წევრები გენდერულ რესურს–ცენტრს სტუმრობდნენ. ვიზიტის მიზანი იყო ცენტრის მუშაობისა და გენდერული საკითხების შესახებ მეტი ინფორმაციის მიღება. წარმომადგენლებმა  მოსწავლეებს გააცნეს შიდა ქართლში არსებული მდგომარეობა, თუ რა პრობლემებით აკითხავენ მათ ცენტრს, როგორია მიმართვიანობის სტატისტიკური მაჩვენებელი. შეხვედრა სამოქალაქო განათლებისა და პედაგოგთა გადამზადების პროგრამის ფარგლებში მოეწყო (USAID / PH International). წყარო: „ბილიკის" გვერდი სოციალურ ქსელში

თბილისი. 29 - 31 მაისს პოლიტიკური პარტიების ახალგაზრდა წარმომადგენლებისათვის სამდღიანი ტრენინგი ჩატარდება. აღნიშნული ტრენინგი ხორციელდება სოციალური კვლევისა და პოლიტიკური ანალიზის საერთაშორისო ცენტრის მიერ, გაერთიანებული ერების დემოკრატიის ფონდის მიერ დაფინანსებული, ორწლიან მასშტაბურ პროექტის - „დემოკრატიის ხელშეწყობა საქართველოში პოლიტიკური პარტიებისა და საზოგადოებრივი ორგანიზაციების ახალგაზრდა წევრების გაძლიერების გზით" – ფარგლებში. პროგრამაში მონაწილეობის მიღება შეუძლიათ მოქმედ პოლიტიკურ პარტიებში დასაქმებულ 18 დან 30 წლამდე აქტიურ ახალგაზრდებს, როგორც თბილისიდან, ისე საქართველოს ყველა რეგიონიდან. სრულად  წყარო: icsrpa.org.ge

კახეთი. თელავში მე-8 საჯარო სკოლის სამოქალაქო კლუბმა  PH international-ის ფარგლებში გამოცხადებულ კონკურსში მოპოვებული 450 დოლარის ოდენობის გრანტით დასუფთავების აქცია გამართეს, რომლის ფარგლებშიც ქალაქის ტერიტორიაზე დადგა ნაგვის ურნები. მათ აქტიურ დახმარებას უწევდა თელავის განათლების გავითარების და დასაქმების ცენტრი, ასევე ადგილობრივი მუნიციპალიტეტის დასუფთავების სამსახური, რომელმაც სპეციალურად აქციის ფარგლებში გამოყო ორი ნაგვის გამტანი მანქანა და მუშა ხელი.  აღნიშნულ პროექტში მე-8 სკოლიდან ჩართული იყვნენ სამოქალაქო კლუბის წევრები და მოხალისეები. კლუბის წევრი ია ბაჩიაშვილი: ,,ჩვენ ვცდილობთ მოვაგვაროთ პრობლემა, რომელიც ძალიან დიდი ხანია გვაწუხებდა. ამის გამო ჩვენმა კლუბმა გადაწყვიტა, რომ სამოქლაქო კლუბებისათვის PH international-ის მიერ გამოცხადებულ მცირე გრანტების კონკურში მიგვეღო მონაწილეობა და მოგვეთხოვა თანხა ამ პრობლემის მოსაგვარებლად, რომელიც ჩვენდა საბედნიეროდ დაგვიფნანსდა”.

კახეთი. ,,თელავის განათლების გავითარების და დასაქმების ცენტრმა" დაიწყო ახალი პროექტის „ახალგაზრდები მეტი ჩართულობისათვის" –  განხორციელება.  ცენტრის კორდინატორი მერი პაპუნაშვილი: ,,ორგანიზაცია მაქსიმალურად ცდილობს ახალგაზრდების ჩართვას საზოგადოებრივ ცხოვრებაში.  გარდა იმისა, რომ პროექტით გარკვეული აქტივობებია დაგეგმილი, ვცდილობთ ახალგაზრდებს თავისუფლება მივანიჭოთ, ასევე, მაქსიმალურად ვითვალისწინებთ მათ ინტერესებსა და ორგანიზაცია შესაბამის სერვისებს სთავაზობს მათ. ვფიქრობ, დღეისათვის თელავში და ზოგადად კახეთში სამოქალაქო ცნობიერების დონე შედარებით უკეთესია, ვიდრე ეს სამი წლის წინ იყო, რაშიც ძალიან დიდი წვლილი ჩვენს ორგანიზაციასაც მიუძღვის.’’ 

თბილისი. 14  მაისს საქართველოს ახალგაზრდული პარლამენტის პროექტის ,, ევროპის დღეების '' დახურვის ცერემონიალი გაიმართა . ღონისძიებას მინისტრის მრჩეველი ევროინტეგრაციის საკითხებში,  და საერთაშორისო ურთიერთობის მაგისტრი ესწრებოდნენ. ექსპერტებმა ყურადღება გაამახვილეს ევროკავშირთან ინტეგრაციის ხელშეწყობასა და საქართველოს ევროპულ ინსტიტუტებთან დაახლოების პროცესში სამოქალაქო საზოგადოების აქტიური მონაწილეობის მხარდაჭერაზე. ღონისძიების დასასრულს გაიმართა ინტელექტუალური თამაშები ,,ევროკავშირის'' თემატიკაზე. ასევე , 2013 წლის მოწვევის საქართველოს პარლამენტის ევროპასთან ინტეგრაციის კომიტეტმა წარმოადგინა სპეციალური ვიდეო-მიმართვა – ,, ევროპა ჩემი არჩევანია''. პროექტში აქტიური მონაწილეობისთვის ყველა წევრს სერთიფიკატი და სიმბოლური საჩუქარი გადაეცა. წყარო:ორგანიზაციის გვერდი სოციალურ ქსელში

თბილისი. CISV-საქართველოს EMT-ის ოფისში ესპანური საღამო გაიმართა. შეხვედრაზე დელეგაციამ, რომელმაც Youth In Action-ის პროგრამის ფარგლებში ესპანეთში ტრენინგები გაიარა, დამსწრეებს საკუთარი გამოცდილება გაუზიარა. შეხვედრის მონაწილეებმა მიიღეს ინფორმაცია ქვეყნის ისტორიისა, კულტურის, ღირშესანიშნაობების შესახებ. ასევე მიიღეს პრაქტიკული რჩევები ესპანეთში მოგზაურობის შესახებ. 

იმერეთი. ფუტკრის პროდუქტების გადამამუშავებელი სამრეწველო-კვლევითი ჰოლდინგი „ტენტორიუმი" 18–დან 25 წლამდე მსურველებს იწვევს  22 მაისს დაგეგმილ ფლეშმობში მონაწილეობის მისაღებად. აქცია ქუთაისში, ცენტრალურ მოედანზე გაიმართება და მისი სლოგანია – „ვიცხოვროთ ჯანსაღი ცხოვრების წესით". მონაწილეობის მიღების მსურველებს განაცხადი შეუძლიათ გააგზავნონ  ელექტრონული ფოსტის მისამართზე – ricdog@live.com  წყარო:"თაობათა დიალოგის" გვერდი სოციალურ ქსელში

შიდა ქართლი. არასამთავრობო ორგანიზაცია „მეგობრობის ხიდი ქართლოსმა" პოლონური სამოქალაქო განვითრების ფონდთან ერთად დაიწყო ახალი პროექტი „დებატების სკოლა". პროექტის მიზანია სკოლებში დემოკრატიის ხელშეწყობა, თვითმმართველობის გაძლიერება, მოსწავლეებისთვის კრიტიკული და დამოუკიდებელი აზროვნების განვითარება, დებატების კულტურის დანერგვა და საქართველოში პოლონური მოდელის გაზიარება. პროექტი, როგორც საპილოტე, მიმდინარეობს საქართველოს სამ რეგიონში: ქვემო ქართლში, შიდა ქართლში, მცხეთა–მთიანეთში. პროექტის ბოლოს შერჩეული საუკეთესო მოსწავლეები და მასწავლებლები სასწავლო პროგრამით პოლონეთში გაემგზავრებიან, მოინახულობენ პოლონეთის სკოლებში არსებულ დებატების სკოლებს და მათ გამოცდილებებს გაიზიარებენ. „დებატების სკოლა" თანადაფინანსებულია პოლონეთის რესპუბლიკის საგარეო საქმეთა სამინისტროს საგარეო დახმარების პროგრამის ფარგლებში პროგრამა „დემოკრატიის ხელშეწყობა".

სამცხე-ჯავახეთი. რეგიონში მოქმედმა გარემოსდაცვითმა ორგანიზაცია „სამყარომ" პროექტი დაიწყო, რომლის მიზანია გარემოსდაცვით საკითხებში ახალგაზრდების აქტიური ჩართვა. როგორ შეიძლება ბუნებრივი რესურსების ნაციონალური გამოყენება და მყარი ნარჩენების მართვა, როგორ შევამციროთ პოლიეთილენის პარკებისა და პლასტმასის ბოთლებისაგან გარემოსთვის მიყენებული ზიანი - სწორედ ამ საკითხებზე ახალგაზრდები 6 თვის განმავლობაში იმუშავებენ. პროექტში, რომელიც ტაივანის მთავრობამ დააფინანსა, არასამთავრობო ორგანიზაცია, სკოლა და უნივერსიტეტი ჩაერთო.

თბილისი. მშვიდობის, დემოკრატიის და განვითარების კავკასიური ინსტიტუტის ორგანიზებით და ევროპის საბჭოს ფინანსური მხარდაჭერით ეწყობა სტუდენტური დებატები თემაზე: სამართლიანი არჩევნების როლი დემოკრატიული განვითარების პროცესში. დებატები ჩატარდება საქართველოს ხუთ საუნივერსიტეტო ქალაქში: ახალციხე, ბათუმი, თბილისი, თელავი, ქუთაისი. ყოველ ქალაქში გამოვლინდება გამარჯვებული გუნდი, რომლის წევრებს დააჯილდოვებენ და მიიწვევენ საზაფხულო სკოლაში 2013 წლის აგვისტოში. დებატებში მონაწილეობის მიღება შეუძლიათ ბაკალავრიატის სტუდენტებს. სტუდენტურ გუნდებს დარეგისტრირება შეუძლიათ 30 მაისამდე. სრულად წყარო: დემოკრატიულ მესხთა კავშირის გვერდი სოციალურ ქსელში

იმერეთი. სამოქალაქო განათლებისა და პედაგოგთა გადამზადების პროგრამის ფარგლებში ხონის მუნიციპალიტეტის სამიზნე სკოლების მოსწავლეებისათვის ტრენინგი ჩატარდა ბავშვის უფლებების თემაზე. ტრენინგს უძღვებოდა ახალგაზრდა იურისტთა ასოციაციის ადვოკატი. ტრენინგზე განიხილეს თავისუფლების გამიჯვნა, თავისუფლებათა კლასიფიკაცია, საერთაშორისო დეკლარაციებში მათი ადგილი, პრაქტიკული სავარჯიშოები, ევრო სამართლის პრაქტიკული კაზუსები და უფლებათა დარღვევის საკითხები. მსმენელები აქტიურად ჩაერთვნენ სამუშაო პროცესში. წყარო: kedec.ge

საქართველოს ახალგაზრდული პარლამენტის ორგანიზებით თბილისსა და თელავში აბორტის შესახებ კანონის მიღებასთან დაკავშირებით საჯარო დისკუსიები გაიმართა. აბორტის აკრძალვის თემაზე ახალგაზრდული პარლამენტის წევრებმა სტუდენტებთან და  მოწვეულ ექსპერტებთან ერთად ისაუბრეს. თბილისისა და თელავის გარდა შეხვედრები საქართველოს 7 ქალაქში გაიმართა. 11 მაისს თბილისში გამართულ შემაჯამებელ დისკუსაზე ორგანიზატორებმა მონაწილეებს რეგიონებში გამართული შეხვედრებისა და სოციალურ ქსელში გამოკითხვის შედეგები გააცნეს. 

თბილისი. „საქართველოს ახალგაზრდა ხელოვანთა ასოციაცია (სახა)" საქართველოს სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის განვითარების ფონდის" მხარდაჭერით იწყებს კონკურსს _ „ეგო-არტი". კონკურსი ცხადდება პოეზიასა და პროზაში. მონაწილეობის მიღება შეუძლია ნებისმიერ ახალგაზრდას 15-დან 26 წლის ჩათვლით ყველა რეგიონიდან: თბილისი, ქართლი, კახეთი, იმერეთი, სამეგრელო, აფხაზეთი, რაჭა-ლეჩხუმი, სვანეთი, გურია, სამცხე-ჯავახეთი, მცხეთა-მთიანეთი, აჭარა. წყარო: სამინისტროს ვებგვერდი

იმერეთი. 9 მაისს სამეცნიერო-ინტელექტუალურმა კლუბმა „ თაობათა დიალოგმა" „RICDOG მოხალისეთა კლუბთან" სამუშაო შეხვედრა გამართა. შეხვედრაზე შეჯამდა მოხალისეთა კლუბის 3 თვიანი პროგრამა. ორივე მხარემ წინასწარ გაწერილი პროგრამისა და უშუალოდ მუშაობის პროცესის დადებით და უარყოფით მხარეები განიხილეს. შეხვედრაზე  ისაუბრეს პროექტის გაგრძელებასა და მომდევნო 3 თვიანი სწავლების ფორმაზე. წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდული პარლამენტის ორგანიზებით ოკუპაციის კანონში ცვლილებების შეტანის თაობაზე დისკუსია გაიმართა. 2013 წლის მოწვევის ახალგაზრდული პარლამენტის დეპუტატები ექსპერტ ირაკლი მარგველაშვილს შეხვდნენ, რომლისგანაც ოკუპაციის კანონის არსებული მდგომარეობის და ცვლილებების სამართლებრივი და პოლიტიკური ასპექტების შესახებ ინფორმაცია მიიღეს. საკითხის განხილვა დიალოგის რეჟიმში წარიმართა. მთავარ თემასთან ერთად ექპერტმა რუსეთ-საქართველოს ურთიერთობასა და საქართველოს ნატოში ინტეგრციაზე ისაუბრა. წყარო:ორგანიზაციის გვერდი სოციალურ ქსელში

თბილისი.8 მაისს მეკლდეურების დარბაზში საქართველოს სპორტისა და ახალგაზრდობის საქმეთა სამინისტროს პროგრამის „სტუდენტური დღეები 2013 ნარკომანიის წინააღმდეგ" ფარგლებში, კლდეზე ცოცვაში ერთობლივი წვრთნა და შეჯიბრი ჩატარდა. მასში მონაწილეობა მიიღეს პოლონელმა და ქართველმა შეზღუდული შესაძლებლობის მქონე უსინათლო ახალგაზრდებმა. საქართველოს სპორტისა და ახალგაზრდობის საქმეთა სამინისტროს 2013 წლის ერთ-ერთი პრიორიტეტს საზოგადოებაში შშმ ახალგაზრდების ინტეგრაცია წარმოადგენს, რომლის ფარგლებშიც იგეგმება შეზღუდული შესაძლებლობის მქონე ახალგაზრდების ჩართა სამინისტიტროს ორგანიზებულ პროგრამებში. წყარო: სამინისტროს ვებგვერდი

აჭარა. 7 მაისს „ბათუმის ახალგაზრდულმა ცენტრმა" რადიოს დღე აჭარის რადიოში სტუმრობით აღნიშნეს. სადაც ახალგაზრდები გაეცნენ რადიოს მუშაობის სპეციფიკას, დაათვალიერეს სტუდია, სამონატჟო ოთახები, თვალი მიადევნეს საინფორმაციო გამოშვების მომზადებას და მის პირდაპირ ეთერში გაშვებას, ასევე გადაცემებში – „განწყობის გენერატორი" და „ექვსიდან შვიდამდე" ისაუბრეს ცენტრის საქმიანობის შესახებ. აქტივობა განხორციელა პროექტის ფარგლებში „ეროვნული ინტეგრაციის გაძლიერება საქართველოში", რომელსაც ახორციელებს საქართველოს გაეროს ასოციაცია აშშ-ს საერთაშორისო განვითარების სააგენტოს (USAID) ფინანსური მხარდაჭერით. წყარო: ბათუმის ახალგაზრდული ცენტრი

კახეთი. 8 მაისს, თელავის დემოკრატიული ჩართულობის ცენტრში, საქართველოს ახალგაზრდა ინტელექტუალთა გაერთიანება „ლაზარემ" შეხვედრა გამართა, რომელიც საზოგადოებაში დებატების კულტურის ამაღლებას ეხებოდა. შეხვედრას სტუდენტები და მოსწავლეები ესწრებოდნენ. „შეხვედრების მიმართ საზოგადოების ინტერესი მაღალია, განსაკუთრებით ახალგაზრდები არიან ჩართულნი, რაც ჩვენ საქმიანობას საინტერესოს ხდის", განაცხადა „ლაზარეს" წარმომადგენელმა თეიმურაზ ზაქრაძემ.

ბათუმი. 8 მაისს, ბათუმის დემოკრატიული ჩართულობის ცნეტრში „საქართველოს ახალგაზრდულმა პარლამენტმა", ახალგაზრდულ ორგანიზაცია „არტ ვეისთან" ერთად საჯარო დისკუსია გამართა, სადაც განხილეს აბორტის აკრძალვასთან დაკავშირებული ინიციატივები. დისკუსია წარმოადგენდა ახალგაზრდული პარლამენტის ერთგვარ გამოხმაურებას მიმდინარე აქტუალურ თემაზე. მსგავსი დისკუსიაები 8-10 მაისის ჩათვლით გაიმართება საქართველოს სხვადასხვა რეგიონში, ხოლო ბოლოს, შემაჯამებელი ღონისძიებს უმასპინძლებს თბილისი, სადაც წარმოდგენილი იქნება რეგიონალური დისკუსიების შედეგები. შეხვედრას დაესწრო ადგილობრივი საზოგადოებრივი ორგანიზაციებისა და სამთავრობო უწყებების წარმომადგენლები,  სასულიერო პირები, სტუდენტები და სკოლის მოსწავლეები. შეხვედრის ბოლოს მოწვეულ სტუმრებს „არტ ვეიმ" გადასცა „ახალგაზრდული ხმების" პროექტის  – „რეპროდუქციული ჯანმრთელობა ახალგაზრდებში" - ფარგლებში დაბეჭდილი საინფორმაციო ბუკლეტები.

ფონდმა „პარტნიორობა საგზაო უსაფრთხოებისთვის" და კომპანიამ „BP საქართველო" საგზაო უსაფრთხოების თემატიკაზე ერთობლივი ტრეინინგების ჩატარება დაიწყო. ტრეინინგები მიმდინარეობს სხვადასხვა დღის ცენტრებში, სადაც სოციალურად დაუცველი ბავშვები სწავლობენ. პირველ ეტაპზე მაისის თვეში ფონდისა და BP-ს წარმომადგენლები დღის ცენტრ „ციცინათელას" სტუმრობენ. ტრეინინგები მოიცავს ოთხ ეტაპს. ყოველ ტრეინინგზე ბავშვები ეცნობიან საგზაო უსაფრთხოების სხვადასხვა თემას. ისინი სწავლობენ თეორიულ მასალას სახალისო პრეზენტაციების მეშვეობით, უყურებენ საგანმანათლებლო ფილმებს. მოსწავლეები ასევე ჩაერთნენ სახალისო ხატვის კონკურსში, სადაც ევალებათ საგზაო უსაფრთხოების თემაზე ნახატების შექმნა. ხატვის კონკურს კოორდინირებას უწევს ცნობილი ქართველი მხატვარი ზაალ სულაკაური. ფონდი „პარტნიორობა საგზაო უსაფრთხოებისთვის" და კომპანია "BP საქართველო" მომავალშიც გააგრძლებს სხვა დღის ცენტრებში სტუმრობას. წყარო: ორგანიზაციის გვერდი სოციალურ ქსელში

აჭარა. ევროპის საერთაშორისო დღე ბათუმის ახალგაზრდული ცენტრის მონაწილეებმა აღნიშნეს.  მოეწყო დოკუმენტური ფილმის ჩვენება „როგორ წარმოიშვა ევროპის კონტინენტი". ჩვენების გარდა ახალგაზრდებმა სხვადასხვა შემეცნებითი თამაშები გამართეს. აქტივობა განხორციელა პროექტის ფარგლებში „ეროვნული ინტეგრაციის გაძლიერება საქართველოში", რომელსაც ახორციელებს საქართველოს გაეროს ასოციაცია აშშ-ს საერთაშორისო განვითარების სააგენტოს (USAID) ფინანსური მხარდაჭერით. წყარო: ორგანიზაციის გვერდი სოციალურ ქსელში

იმერეთი. 2 მაისს, ქუთასის №25 საჯარო სკოლის სამოქალაქო კლუბის „არკადიმიას" წევრებმა წყალწითელას მოხუცთა თავშესაფარში მყოფ ბენეფიციარებს ორმაისობა და დამდეგი აღდგომის დღესასწაული მიულოცეს. ტკბილეული, პასქები და სააღდგომოდ კვერცხები გადასცეს. კლუბის წევრებმა მოხუცებისათვის კონცერტი მოაწყვეს შეასრულეს ქართული ხალხური სიმღერები, წაიკითხეს ლექსები. წყარო: ორგანიზაციის გვერდი სოციალურ ქსელში