თბილისი.საქართველოს ახალგაზრდა იურისტთა ასიციაციის იურიდიული განათლების ხელშეწყობის ფონდმა დებატების ტურნირი ჩაატარა. დებატებში მონაწილეობა მიიღეს: ბათუმის, ქუთაისის, რუსთავისა და თბილისის გუნდებმა. იურიდიული განათლების ხელშეწყობის ფონდის სტუდენტებს დებატების კურსი ეკითხებოდათ 6 თვის განმავლობაში ყოველკვირეულად. კურსის მიზანს წარმოადგენდა სტუდენტ- იურისტებში კონსტრუქციული დებატისა და კრიტიკული აზროვნების უნარ- ჩვევების ჩამოყალიბება, აგრეთვე, როგორც იურიდიულ, ასევე გლობალურ საკითხებზე ინფორმაციის მოძიება, დამუშავება და მისი სათანადოდ გამოყენება. 2013 წლის სადებატო თემებად შერჩეულ იქნა: განათლება და უსაფრთხოება. დებატები მიმდინარეობდა ბრიტანული ფორმატით და თითოეულ თამაშში მონაწილეობდა ოთხი 2-2 კაციანი გუნდი. დებატების ეროვნულ ტურნირში, რომელიც გაიმართა თბილისში, 2 ივნისს, მონაწილეობდა სულ 12 გუნდი. ხუთი გუნდი თბილისიდან და შვიდი გუნდი საქართველოს რეგიონებიდან. ფინალურ თამაშში გამარჯვებულად გამოვლინდა იურიდიული განათლების ხელშეწყობის ფონდის შესავალი სამართლის გუნდი. წყარო:ორგანიზაციის გვერდი სოციალურ ქსელში

თბილისი. „თავისუფლების კლუბმა" 6 ივნისს საქართველოს აგრარულ უნივერსიტეტში მოაწყო საჯარო ლექცია თემაზე: „წინასაარჩევნო სამზადისი და პოლიტიკური პერსპექტივები". ლექცია წაიკითხა ისტორიკოსმა და პარლამენტის წევრმა დავით დარჩიაშვილმა. წყარო:ორგანიზაციის გვერდი სოციალურ ქსელში

აჭარა. 7 ივნისს, ახალგაზრდულმა ორგანიზაციამ არტ ვეიმ პროექტის - „მასტერკლასები თანამედროვე ხელოვნებაში" -  ფარგლებში პირველი სემინარი გამართა. მოწვეულმა თეტრმცოდნემ ლაშა ჩხარტიშვილიმა, ახალგაზრდებს თანამედროვე მსოფლიო თეატრთან დაკავშირებით  ამომწურავი ინფორმაცია მიაწოდა; კერძოდ, ისაუბრა თანამედროვე მსოფლიო თეატრის ჟანრების, ტენდენციების, ფორმების და პერსპექტივების შესახებ. პროექტის ფარგლებში, ასევე, დაგეგმილია  სემინარები თანამედროვე კინოს, მუსიკისა და სახვითი ხელოვნების მიმართულებით. პროექტის მიზანია: ახალგაზრდების ინფორმირება თანამედროვე ხელოვნების  მიღწევებით, მათი გააქტიურება და თანამედროვე ხელოვნების პოპულარიზების ხელშეწყობა. პროექტი ხორციელდება ბათუმის ხელოვნების სასწავლო უნივერსიტეტში, აჭარის სპორტისა და ახალგაზრდობის საქმეთა დეპარტამენტის ფინანსური მხარდაჭერით

სამცხე–ჯავახეთი. თანატოლთა განათლების ფარგლებში ახალციხის ახალგაზრდული ცენტრის წევრებმა გასვლითი ტრენინგი ჩაუტარეს ურაველის საჯარო სკოლის მოსწავლეებს, ტრენინგის თემა იყო „სოციალური ქსელები - სამოქალაქო ჟურნალისტიკა". ღონისძიება ჩატარდა დემოკრატ მესხთა კავშირის ორგანიზებით, პროექტის "ეროვნული ინტეგრაციის გაძლიერება საქართველოში" ფარგლებში, რომელიც ხორციელდება საქართველოს გაეროს ასოციაციის მიერ, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. წყარო: ორგანიზაციის გვერდი სოციალურ ქსელში

შიდა ქართლი. ასოციაცია „გორის ინვალიდტა კლუბთან" არსებულმა გორის ახალგაზრდულმა ცენტრა გარემოს დაცვის საერთაშორის დღე აღნიშნა. დღე ცენტრმა გარდაბნის ახალგაზრულ ცენტრის წარმომადგენლებთან ერთად აღნიშნეს. ახალგაზრდების ინიციატივით მოეწყო მცირემასშტაბიანი კამპანია – „გორი პოლიეთილენის გარეშე". აქციაში 50–მდე ახალგაზრდა იყო ჩართული და ორი კომპონენტისაგან შედგებოდა: აქციის ფარგლებში პოლიეთილენის პარკებისა და ბოთლებისაგან ვერხვების დევნილთა ჩასახლების ტერიტორიის დასუფთავება; საზოგადოების ქცევის შეცვლისაკენ მიმართული ცნობიერების ამაღლების კამპანია - მოსწავლეებმა საზოგადოებრივი თავშეყრის ადგილებში, ბაზრებსა და სავაჭრო ცენტრებში გაავრცელეს საინფორმაციო ფურცლები, პოლიეთილენის პარკების წინააღმდეგ. აქტივობა დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ეროვნული ინტეგრაციის გაძლიერება-გორის ახალგაზრდული ცენტრის გვერდი სოციალურ ქსელში

სამეგრელო. 5 ივნისს ასოციაცია „ათინათთან" არსებულმა ახალგაზრდულმა ცენტრმა „ორტუსმა" ზუგდიდის მოსახლეობას  გარემოს დაცვის საერთაშორისო დღე მიულოცა და ფლეშ–მობი მოაწყო. აქციით „ორტუსმა" გარემოს დაცვის კვირეული გამოაცხადა. კვირეული ტარდება პროექტის – „ეროვნული ინტეგრაციის გაძლიერება საქართველოში" – ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებეული შტატების საერთაშორისო განვითარების სააგენტოს ფინანსური მხარდაჭერით. წყარო:ორგანიზაციის გვერდი სოციალურ ქსელში

თბილისი.ბავშვთა და ახალგაზრდობის განვითარების ფონდმა 2013 წლის მეორე საგრანტო კონკურსი გამოაცხადა. კონკურსის მთავარი მიზანი ახალგაზრდული ორგანიზაციების მხარდაჭერა, სხვადასხვა თემაზე პროექტების დაფინანსება და ახალგაზრდების დასაქმების ხელშეწყობაა. კონკურსში მონაწილეობის მიღება შეუძლიათ ახალგაზრდულ ორგანიზაციებს, რომლებიც საგრანტო პროექტებს წარმოადგენენ წინასწარ შემუშავებული პროგრამული პრიორიტეტების შესაბამისად. მეორე საგრანტო კონკურსის ფარგლებში, სპორტისა და ახალგაზრდობის საქმეთა სამინისტროს მიერ გამოყოფილი თანხაა 300 000 ლარი. კონკურსის პროგრამული მიმართულებებია: ადამიანის უფლებებისა და სამოქალაქო საზოგადოების მხარდაჭერა; გარემოს დაცვა, ეკოლოგია და საზოგადოებრივი ჯანმრთელობა; კულტურულ-საგანმანათლებლო და აკადემიური მხარდაჭერა; საერთაშორისო ურთიერთობების, სოციალური მეწარმეობის მხარდაჭერა. სრულად წყარო: fondi.ge

თბილისი. საქართველოს ახალგაზრდა ეკონომისტთა ასოციაცია 18-დან 25 წლამდე ეკონომიკით დაინტერესებულ აქტიურ და ინიციატივიან ახალგაზრდებს სთავაზობს საზაფხულო ეკონომიკურ სკოლაში მონაწილეობის მიღებას. საზაფხულო ეკონომიკური სკოლის მიზანია ახალგაზრდებში მეწარმეობრივი და თავისუფალი ეკონომიკური აზროვნების განვითარება, მათი მიზანსწრაფულობის და მოტივაციის დონის ამაღლებით. საზაფხულო სკოლა სთავაზობს ახალგაზრდებს, მეწარმეობრივ, მაკროეკონომიკურ და საჯარო ფინანსების თემატიკაზე ტრენინგებსა და განხილვებს, და ასევე უქმნის ახალგაზრდებს ურთიერთობების ჩამოყალიბებისათვის და სამომავლო თანამშრომლობისთვის მიმზიდველ გარემოს. მსურველებმა უნდა შეავსონ ელექტრონული აპლიკაცია, რომელიც შეგიძლიათ იხილოთ საეას ვებ-გვერდზე www.economists.ge წყარო: economists.ge

შიდა ქართლი. 5 ივნისს, საზოგადოება „ბილიკში"  გაიმართა მრგვალი მაგიდა თემაზე  „თანამედროვე მოზარდი, პრობლემები და მათი მოგვარების გზები". შეხვედრაში მონაწილეობდნენ ორგანიზაციის სოციალური მუშაკი, ფსიქოლოგები, პედაგოგები, აღსაზრდელთა მშობლები და საჯარო სკოლების მასწავლებლები. მრგვალი მაგიდა ბავშვთა დაცვის საერთაშორისო დღისადმი მიძღვნილი კვირეულის ფარგლებში მოეწყო. წყარო: ორგანიზაციის გვერდი სოციალურ ქსელში

სამცხე–ჯავახეთი. ახალციხის ახალგაზრდული ცენტრის წევრებმა მონაწილეობა მიიღეს ინგლისურენოვან ინტელექტუალურ თამაშში, რომლის მთავარი თემა დიდი ბრიტანეთი იყო. ინტელექტუალურ თამაშს ორგანიზება გაუწიეს პროექტ ეროვნული ინტეგრაციის გაძლიერება საქართველოში მონაწილეებმა, რომელიც ხორციელდება საქართველოს გაეროს ასოციაციის მიერ, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. წყარო: დემოკრატ მესხთა კავშირის გვერდი სოციალურ ქსელში

ქვემო ქართლი. სიქა-ს აქტივობებსა და ბანაკებში მოხალისეობის მსურველებს, სიქა სთავაზობს მოხალისეთა ბაზაში ინფორმაციის განთავსებას. ონლაინ ანკეტა წყარო:ორგანიზაციის გვერდი სოციალურ ქსელში

იმერეთი. 5 ივნისს ქუთაისის ახალგაზრდული ცენტრი თელავის, დმანისის და მარნეულის ახალგაზრდულ ცენტრებთან ერთად შეუერთდა საინფორმაციო კამპანიას გარემოს დაცვის მსოფლიო დღესთან დაკავშირებით. გარემოს დაცვის მსოფლიო დღის აღნიშნვა მიზნად ისახავდა ადამიანთა პასუხისმგებლობის ამაღლებას ბუნების მიმართ, გარემოს მდგრადი განვითარებისათვის ხელშეწყობას, გარემოს შენარჩუნებისა და გაუმჯობესებისათვის ბრძოლაში საზოგადოების აქტიურ ჩაბმას. ქუთაისის ახალგაზრდული ცენტრის წევრებმა სპეციალურად ამ დღისთვის მოამზადეს პოსტერები გარემოს დაცვის საკითხებზე და ქალაქის მასშტაბით მსვლელობა მოაწყვეს. განხორციელდა Skype კონფერენცია, რომელშიც ქუთაისელ ახალგაზრდებთან ერთად დმანისის, მარნეულის და თელავის ახალგაზრდული ცენტრის წევრები მიიღეს მონაწილეობა. ორგანიზაცია "მწვანე ალტერნატივას" წარმომადგენელი, ილიას სახელმწიფო უნივერსიტეტის პროფესორი ირაკლი მაჭარაშვილი ახალგაზრდებს ესაუბრა ისეთ მნიშვნელოვან საკითხებზე, როგორიცაა: ნარჩენების მართვა, დაცული ტერიტორიები, საქართველოში არსებული უნიკალური ბუნებრივი ძეგლები, ეკო-მიგრანტები და საქართველოში არსებული კანონმდებლობა გარემოს დაცვით საკითხებთან დაკაშირებით. წყარო: ქუთაისის ახალგაზრდული ცენტრის გვერდი სოციალურ ქსელში

იმერეთი. 21-23 და 28-30 ივნისს, „საქართველოში ეროვნული ინტეგრაციის გაძლიერების პროექტის" (ANI) ფარგლებში განხორციელდება გაცვლითი პროგრამა ქუთაისის და ახალქალაქის ახალაგზრდული ცენტრების მონაწილეობით. გაცვლითი პროგრამის მიზანია ქუთაისში და ახალქალაქში დაფუძნებული ახალგაზრდული ცენტრების დაახლოება, გამოცდილების გაზიარება, ერთობლივი სათემო ღონისძიებების და საგანმანათლებლო პროგრამების ორგანიზება, სამომავლო ურთიერთთანამშრომლობის გზების დასახვა, სასწავლო ვიზიტების ორგანიზება, ახლგაზრდებს შორის დიალოგის გამართვა მათთვის აქტუალურ საკითხებზე, რეგიონების ტრადიციების და კულტურული მემკვიდრეობის ძეგლების გაცნობა.  გაცვლით პროგრამაში მონაწილეობას მიიღებს ახალგაზრდული ცენტრის 7 აქტიური წევრი ახალქალაქიდან და 7 ქუთაისიდან. ასევე ახალგაზრდული ცენტრების კოორდინატორები, როგორც ქუთაისიდან, ასევე ახალქალაქიდან, თუმცა ადგილზე რეგიონების მიხედვით მასში გაცილებით მეტი ახალგაზრდა იქნება ჩართული. წყარო:ქუთაისის ახალგაზრდული ცენტრის გვერდი სოციალურ ქსელში

თბილისი.  3 ივნისს, სასტუმრო „რედისონ ბლუ ივერიაში"  ჩატარდა სახალხო დამცველთან არსებული ტოლერანტობის ცენტრის მიერ ორგანიზებული ვიქტორინა „რელიგიები და ეთნოსები საქართველოში". ვიქტორინაში მონაწილეობა მიიღეს სამოქალაქო განათლებისა და პედაგოგთა გადამზადების პროგრამის თბილისის, მცხეთა-მთიანეთის, შიდა ქართლის და ქვემო ქართლის რეგიონების პარტნიორი სკოლების სამოქალაქო კლუბის წევრებმა. ვიქტორინის მიზანს წარმოადგენდა საქართველოში ტოლერანტობის კულტურის ხელშეწყობა, უფროსკლასელთა შორის საქართველოს რელიგიური და ეთნიკური მრავალფეროვნების შესახებ ცოდნის ამაღლება და ტოლერანტობის ცენტრის მიერ მომზადებული და გამოცემული ენციკლოპედიების – ,,რელიგიები საქართველოში" და ,,ეთნოსები საქართველოში" – პოპულარიზაცია. ვიქტორინაში მონაწილოების მისაღებად მოსწავლეებს  ეს ენციკლოპედიები უნდა შეესწავლათ.  სამრაუნდიანი ასპარეზობის შედეგად, გამარჯვება წილად  ხვდა მარნეულის #5 საჯარო სკოლის გუნდს.  გამარჯვებული გუნდის წევრები დაჯილდოვდნენ სპეციალური პრიზებითა და სიგელებით. ყველა მონაწილეს გადაეცა სამახსოვრო საჩუქარი.  ვიქტორინის დასრულების შემდეგ მონაწილეებისათვის მოეწყო ექსკურსია. მოსწავლეებმა და მათმა მხარდამჭერებმა  მოინახულეს გრიგორიანული ეკლესია, მეჩეთი და სინაგოგა.  თოთოეულ სალოცავში მოსწავლეებს ადგილობრივმა სასულიერო პირებმა უმასპინძლეს და საქართველოში მათი არსებობის ისტორიისა და ტრადიციების შესახებ ესაუბრნენ. წყარო: civics.ge

შიდა ქართლი. 4 ივნისს, საზოგადოება „ბილიკის" დღის ცენტრების აღსაზრდელების მონაწილეობით, გიორგი მთაწმინდელის სახელობის გორის გიმნაზიაში სპექტაკლი „სტუმრები" დაიდგა. ღონისძიება ბავშვთა დაცვის დღისადმი მიძღვნილი კვირეულის ფარგლებში გაიმართა. წყარო:ორგანიზაციის გვერდი სოციალურ ქსელში

სამეგრელო.  3 ივნისს ასოციაცია „ათინათის" ახალგაზრდული ცენტრის „ორტუსის" ორგანიზებით მოეწყო ინტელექტუალური თამაში „რა? სად? როდის?" ღონისძიებაში მონაწილეობდა ზუგდიდის რაიონის რვა საჯარო სკოლის გუნდი. გამოვლინდნენ გამარჯვებულები, თითოეულ გუნდს გადაეცა დიპლომი თამაშში აქტიური მონაწილეობისათვის, მესამე და მეორე ადგილზე გასულ გუნდებს გადაეცათ ხარისხის დიპლომი და ვეფხისტყაოსანი, ხოლო პირველი ადგილის მფლობელმა გუნდმა - დიპლომთან და წიგნთან ერთად მიიღო სიმბოლური საჩუქარი - ბუ. ღონისძიება ჩატარდა პროექტის – „ეროვნული ინტეგრაციის გაძლიერება საქართველოში" – ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებეული შტატების საერთაშორისო განვითარების სააგენტოს ფინანსური მხარდაჭერით. წყარო:ორგანიზაციის გვერდი სოციალურ ქსელში

თბილისი. თავისუფალი დებატების ლიგა აცხადებს შესარჩევ ტურს თბილისის ჩემოპიონატისთვის ლინკოლნ–დუგლასის ფორმატის დებატებში მოსწავლეებს შორის.  შესარჩევი ტურის რეზოლუციაა: Hate speech-ის აკრძალვა გამართლებულია. შესარჩევი ტური ჩატარდება 3 ეტაპად. სრულად წყარო: ორგანიზაციის გვერდი სოციალურ ქსელში

სამცხე–ჯავახეთი. ბავშვთა უფლებების დაცვის საერთაშორისო დღესთან დაკავშირებით არასამთავრობო ორგანიზაცია დემოკრატ მესხთა კავშირის ახალგაზრდული ცენტრის წევრებმა ვიდეო რგოლები გადაიღეს. ვიდეო რგოლების გადაღება მოხდა პროექტ „ეროვნული ინტეგრაციის გაძლიერება საქართველოში" ფარგლებში, რომელიც ხორციელდება საქართველოს გაეროს ასოციაციის მიერ, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.   წყარო:ორგანიზაციის გვერდი სოციალურ ქსელში

შიდა ქართლი. ბავშვთა დაცვის საერთაშორისო დღისადმი მიძვნილი კვირეულის ფარგლებში 3 ივნისს საზოგადოება „ბილიკის" და შშმ პირთა კეთილდღეობის ცენტრის აღსაზრდელების მონაწილეობით ასფალტზე ხატვის კონკურსი მოეწყო. პატარებმა, სლოგანის - „მე და სამყაროს" თემაზე შექმნეს ნახატები. კონკურსის ბოლოს ღონისძიებაში ჩართულ მონაწილეებს საჩუქრები გადაეცათ.  წყარო:ორგანიზაციის გვერდი სოციალურ ქსელში

თბილისი. სამოქალაქო განათლების კლუბ Be Tolerant – ის ინიციატივის ფარგლებში ჩატარდა ფოტო–კონკურსი თემაზე – „შეიცანი ბუნება". კონკურსში მონაწილეობა სხვადასხვა სკოლების სამოქალაქო განათლების კლუბებმა მიიღეს. გამარჯვებული კონკურსანტები მონაწილეობას მიიღებენ ორდღიან ლაშქრობაში ბორჯომ–ხარაგაულის ეროვნულ პარკში. წყარო:ორგანიზაციის გვერდი სოციალურ ქსელში

მცხეთა–მთიანეთი. ბავშვთა დაცვის საერთაშორისო დღეს ბავშვთა და ახალგაზრდობის განვითარების ფონდის წარმომადგენლები დუშეთის რაიონში ადგილობრივ ახალგაზრდებს შეხვდნენ. შეხვედრა კითხვა-პასუხის რეჟიმში წარიმართა. ფონდის წარმომადგენლებმა ორგანიზაციის საქმიანობის, დაგეგმილი და განხორციელებული პროექტების შესახებ ისაუბრეს. უახლოეს მომავალში დუშეთში ფონდი სხვადასხვა ღონისძიებას განახორციელებს. შეხვედრა დუშეთში რეგიონალური კამპანიის ფარგლებში გაიმართა, ეტაპობრივად ფონდის წარმომადგენლები ყველა რაიონულ ცენტრს ეწვევიან და ადგილობრივ ახალგაზრდებს ფონდის საქმიანობის შესახებ მიაწვდიან ინფორმაციას.  წყარო:ორგანიზაციის გვერდი სოციალურ ქსელში

თბილისი. 3 ივნისს, ცენტრალურ საარჩევნო კომისიას გარდაბნის, მარნეულის და დმანისის ახალგაზრდული ცენტრის წევრები ესტუმრნენ. ახალგაზრდები გაეცნენ ცესკოს მუშაობის პრინციპებს, დაათვალიერეს საარჩევნო ადმინისტრაცია. სხვადასხვა დეპარტამენტების უფროსებმა მოსწავლეებს კომისიის აქტივობების შესახებ გააცნეს ინფორმაცია. კოორდინაციისა და მართვის დეპარტამენტის უფროსმა ახალგაზრდებს დეტალურად წარუდგინა ინფორმაცია კომისიის საქმიანობების შესახებ, ხოლო სსიპ-საარჩევნო სისტემების განვითარების, რეფორმებისა და სწავლების ცენტრის ხელმძღვანელის მოადგილე სემინარის ფარგლებში მათ არჩევნებში აქტიური ჩართულობის მნიშვნელობაზე ესაუბრა. წყარო:სამოქალაქო აქტივიზმის ახალგაზრდული ქსელის გვერდი სოციალურ ქსელში