თბილისი. პროექტის - „თემში მცხოვრები შეზღუდული შესაძლებლობის მქონე ბავშვების მშობლების მხარდაჭერი ცენტრი"-ს მონაწილე მშობლებისთვის, MAC -ის ოკუპაციურმა თერაპევტებმა 3-დღიანი ტრენინგ-კურსი ჩაატარეს. ტრენინგის დროს განხილული იქნ შემდეგი თემატიკა: ოკუპაციური თერაპიის მნიშვნელობა, ჯდომა, სწორი პოზა, კვება, ნაწოლების პრევენცია და მართვა, დამოუკიდებელი ცხოვრებისთვის საჭირო უნარები, ადაპტური და დამხმარე საშუალებები. სრულად  წყარო: ორგანიზაციის გვერდი სოციალურ ქსელში

საქართველო. არასამთავრობო ორგანიზაცია " სამოქალაქო ინტეგრაციის ფონდი" (CIF) იწყებს ახალ პროექტს, სახელწოდებით - „ვისაუბროთ ქართულად!" პროექტის მიზანია: ქართული ენის პოპულარიზაცია ეთნიკური უმცირესობების წარმომადგენლებში; მონაწილეებში ენობრივი ბარიერის დაძლევის ხელშეწყობა; ქართულ ენასთან დაკავშირებული კომპლექსების მოხსნა,თავდაჯერებული კომუნიკაციის ხელშეწყობა; არაფორმალური სივრცის შექმნა და მრავალფეროვან თემებზე საუბრების გამართვა ქართულ ენაზე; დებატების,დისკუსიების,ჯგუფური სამუშაოებისა და სხვა მსგავსი ინტერაქტიული შეხვედრების გამართვა; გასვლითი შეხვედრები,კინოჩვენებები და მათი განხილვა. სრულად  წყარო: ორგანიზაციის გვერდი სოციალურ ქსელში

სამცხე-ჯავახეთი. ახალგაზრდა ევროპელი ელჩები, მარიამ ნადირაძე და მარიამ ლეკიშვილი სოფელ ურაველს ესტუმრნენ და იქ მცხოვრებ მოსწავლე ახალგაზრდებს, ასევე, მასწავლებლებს, საქართველოს ევროპულ არჩევანსა და ამ არჩევანიდან გამომდინარე, სარგებლის შესახებ ესაუბრნენ. ევროპელი ელჩების პროექტი ხორციელდება საქართველოს გაეროს ასოციაციის, შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და „საინფორმაციო ცენტრი ნატოსა და ევროკავშირის შესახებ" თანამშრომლობით, ტოლერანტობის, სამოქალაქო ცნობიერებისა და ინტეგრაციის პროგრამის (PITA) ფარგლებში. პროგრამის ფინანსური მხარდამჭერია ამერიკის შეერთებული შტატების, საერთაშორისო განვითარების სააგენტო (USAID) პროგრამის პარტნიორი ახალციხესა და ახალქალაქში, საზოგადოებრივი ორგანიზაცია, დემოკრატ მესხთა კავშირი. სრულად  წყარო: ორგანიზაციის გვერდი სოციალურ ქსელში

აჭარა. IFES-ი და ჟურნალისტთა ქსელი გენდერული თანასწორობისათვის აგრძელებენ „გენდერული საუბრებს", რომლის მიზანია ახალგაზრდების ინფორმირება გენდერული თანასწორობის შესახებ და მათი მოტივირება გახდნენ გენდერული საკითხების ადვოკატები. პროექტის ფარგლებში, ხელვაჩაურის მუნიციპალიტეტის თხინვალის #1 საჯარო სკოლას ბათუმის გენდერის მედია ცენტრის ხელმძღვანელი და ხელვაჩაურის საკრებულოს გენდერული თანასწორობის საბჭოს თავმჯდომარე და მოსწავლეებს სავალდებულო გენდერული კვოტების, ქალთა პოლიტიკური მონაწილეობის და რეგიონში გენდერული თანასწორობის პოლიტიკის გატარების მნიშვნელობის შესახებ ესაუბრნენ. სრულად  წყარო: ორგანიზაციის გვერდი სოციალურ ქსელში

იმერეთი. ქუთაისის ახალგაზრდული ცენტრმა ქალაქის 23-ე სკოლის მოსწავლეებისთვის ტრენინგი ჩაატარა. ტრენინგის მიზანს წარმოადგენდა ახალგაზრდების ცნობიერების დონის ამაღლება, სოციალური მეწარმეობის, სოციალური პასუხისმგებლობის, ასევე, ბიზნესთან თანამშრომლობის სტრატეგიებზე და მიდგომებთან დაკავშირებით. ტრენინგი ორგანიზებული იყოა ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია განათლების განვითარების და დასაქმების ცენტრი (EDEC). სრულად  წყარო: ორგანიზაციის გვერდი სოციალურ ქსელში

თბილისი. ორგანიზაცია "ინიციატივა სოციალური ცვლილებებისთვის" (ISC), მარტის პირველ ნახევარში (5-16 მარტი, 2018), თბილისსა და რეგიონებში გეგმავს სტუდენტებთან საინფორმაციო სახის შეხვედრების გამართვას, ქუჩაში მცხოვრები ან/და მომუშავე ბავშვების თემაზე. შეხვედრის მიზანია, მონაწილეებს გააცნოს ქუჩაში მცხოვრები და/ან მომუშავე ბავშვების საჭიროებათა კვლევის შედეგები; მიაწოდოს ინფორმაცია ამავე თემაზე გამოცხადებული სტუდენტური ესსეების კონკურსის შესახებ. სრულად  წყარო: ორგანიზაციის გვერდი სოციალურ ქსელში

აჭარა. 16 თებერვალს 15:30 დან 17:00 საათამდე, ხელვაჩაურის ახალგაზრდობის ცენტრში მშვიდობის კორპუსის ამერიკელი მოხალისე დეინა უაისი ჩაატარებს საინფორმაციო ტრენინგს მოხალისეობის შესახებ. 17:00 დან 17:30 საათამდე კი არასამთავრობო ორგანიზაცია „ინტელექტი" მონაწილეებს გააცნობს თავიანთ პროგრამას აჭარაში მოხალისეობის განვითარებისა და მსოფლიოში აპრობირებული პროექტის „დროის ბანკის" გამოყენების შესახებ. მონაწილეობის მიღებისთვის რეგისტრაცია სავალდებულოა. რეგისტრაციის ბმული...

თბილისი. სახალხო დამცველი კიდევ ერთხელაღნიშნავს, რომ ხორავას ქუჩაზე არასრულწლოვანთა შორის მომხდარი ფაქტი ერთ-ერთი პრიორიტეტული საქმეა, რომლითაც მისი აპარატი დაინტერესდა. საზოგადოებისთვის ცნობილია, რომ თბილისის საქალაქო სასამართლომ დაიწყო აღნიშნული საქმის არსებითი განხილვა, დახურულ რეჟიმში. შესაბამისად, საქმის სენსიტიურობიდან გამომდინარე, არასრულწლოვან ბრალდებულთა და დაზარალებულთა ინტერესების გათვალისწინებით, სახალხო დამცველმა 2018 წლის 7 თებერვალს მიმართა თბილისის საქალაქო სასამართლოს და მოითხოვა სასამართლო პროცესზე დასწრების შესაძლებლობის უზრუნველყოფა. სრულად  წყარო: ორგანიზაციის ვებგვერდი

აჭარა. 9 თებერვალს ბათუმის ახალგაზრდული ცენტრის წევრებისთვის ჩატარდა ტრენინგი თემაზე „სოციალური მედია", რომელსაც რადიო აჭარის ჟურნალისტი და ბლოგერი დათო ტრაპაიძე უძღვებოდა. შეხვედრის მიზანი იყო ონლაინ მედია-საშუალებების შესახებ მონაწილეთა ინფორმირება, აგრეთვე ბლოგის შექმნისა და მართვის სპეციფიკის გაცნობა. სრულად... წყარო: ორგანიზაციის ვებგვერდი სოციალურ ქსელში

სამეგრელო. 6 თებერვალს ასოციაცია „ათინათი"-ში ახალგაზრდული ცენტრის ორგანიზებით და ცენტრის წევრების მონაწილეობით ჩატარდა ტრენინგ/სემინარი თემაზე „ეფექტური კომუნიკაცია". მონაწილეები გაეცნენ ეფექტური კომუნიკაციის ტიპებს და პრაქტიკაში გამოყენების წესებს. სრულად... წყარო: ორგანიზაციის ვებგვერდი სოციალურ ქსელში

სამეგრელო. 5 თებერვალს ასოციაცია „ათინათი"-ში ახალგაზრდული ცენტრის ორგანიზებით და ცენტრის წევრების მონაწილეობით დებატები ჩატარდა. მისი რეზოლუცია იყო უნდა აიკრძალოს თუ არა ძალადობრივი სპორტი. დებატები კარლ-პოპერის მეთოდით ჩატარდა და გამარჯვებული სპიკერებიც გამოვლინდნენ. სრულად... წყარო: ორგანიზაციის ვებგვერდი სოციალურ ქსელში

თბილისი. პარტნიორობა ადამიანის უფლებებისთვის იურისტმა ანა თავხელიძემ (PHR) სტუდია მონიტორის სიუჟეტში კიბერბულინგის საფრთხეზე ისაუბრა. „საქართველოში არ არსებობს კანონი, რომელიც ინტერნეტში ბავშვების უსაფრთხოების საკითხს დაარეგულირებს. იუნისეფმა მსოფლიოში ბავშვებისთვის ციფრული საფრთხეების ფორმები გამოკვლია, მათ შორისაა, ბულინგი ინტერნეტში. თუმცა, რა სახის ზიანი ადგებათ ინტერნეტში ბავშვებს საქართველოში, არავინ იცის, რადგან კვლევა ამ საკითხზე ქვეყანაში არ ჩატარებულა", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. გაეროს ბავშვთა ფონდი ჯანდაცვის სამინისტროსთან ერთად შემუშავებულ კვების სახელმძღვანელოს აქვეყნებს ადრეული და სკოლამდელი აღზრდისა და განათლების დაწესებულებისთვის. დოკუმენტი ხელმისაწვდომია ბმულზე... წყარო: გაეროს ბავშვთა ფონდის ვებგვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს გზამკვლევს მშობლებისთვის - ბავშვების მიერ ინტერნეტის უსაფრთხოდ მოხმარება. „საბედნიეროდ, კომპიუტერული მოწყობილობებისა და ინტერნეტ პლატფორმების უმეტესობას ჩაშენებული აქვს ბავშვთა უსაფრთხოების ფუნქციები, რომლებიც ამცირებენ შეუსაბამო მასალასთან არასრულწლოვანი ბავშვების წვდომის რისკებს. IDFI-ის მშობელთა გზამკვლევი გთავაზობთ ამ ფუნქციების აღწერას ყველაზე პოპულარული მოწყობილობებისა (Windows 7 და 10, Android, iPhone, iPad) და პლატფორმებისთვის (Google, Youtube და Facebook)", ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ორგანიზაცია „პარტნიორობა ადამიანის უფლებებისთვის" (PHR) აქვეყნებს რჩევებს ბავშვებისთვის, რომელთა მშობლებიც „არც ისე კარგად" იქცევიან. „ინტერნეტი გადავსებულია ინფორმაციით, როგორ მართონ მშობლებმა ბავშვების ქცევა, ფსიქოლოგები და პედიატრები ასწავლიან მშობლებს, როგორ აღზარდონ, ასწავლონ და გაუმკლავდნენ ბავშვების პრობლემებს. თითქმის არასდროს წერენ, როგორ უნდა მოიქცეს ბავშვი თუ მშობელი იქცევა „არც ისე კარგად". არადა, ფაქტია, მშობლები ხშირად ვიქცევით გაუგებრად, და გაუგებარ ქცევას აღზრდას ვარქმევთ. ვსარგებლობთ იმით, რომ ბავშვმა თავიანთი უფლებები არ იციან", - ვკითხულობთ მასალაში. სრულად წყარო: ორგანიზაციის ვებგვერდი

თბილისი. „ქალთა მზერა" (Women’s Gaze) გოგონათა პუბერტეტულ პერიოდზე „ქალთა ფონდის" ფინანსური მხარდაჭერით მომზადებულ საგანმანათლებლო ვიდეორგოლს აქვეყნებს. „სამწუხაროდ, გოგონებს, მით უფრო გარდატეხის ასაკში, იშვიათად ესაუბრებიან მათ სხეულში მიმდინარე ცვლილებების შესახებ. ისინი ხშირად მოუმზადებელნი არიან მთელი რიგი ცვლილებებისთვის, რომელთან გამკლავებასაც არასაკმარისი ინფორმაციის შედეგად წარმოქმნილი მითები და ტაბუები უფრო ართულებენ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 26 იანვარს საქართველოს ჟურნალისტური ეთიკის ქარტიის პროექტის, „ლიბცენტრის” დახურვა გაიმართა. „ღონისძიებაზე სტუდენტებს გადაეცათ სერტიფიკატები და გამოვლინდნენ სხვადასხვა ნომინაციაში გამარჯვებულები. „ლიბცენტრი” 2013 წელს დაიწყო და 5 წლის განმავლობაში 200-ზე მეტმა კონკურსის წესით შერჩეულმა სტუდენტმა მიიღო მონაწილეობა. ისინი იძენდნენ სამოქალაქო ჟურნალისტიკის უნარ-ჩვევებს - წერდნენ ბლოგპოსტებს, აშუქებდნენ მიმდინარე მოვლენებს, ამზადებდნენ ფოტორეპორტაჟებს. ამასთან, ყოველკვირეულად იმართებოდა საჯარო ლექციები ადამიანის უფლებების, დემოკრატიული და ლიბერალური ღირებულებების შესახებ”, ნათქვამია ლიბცენტრის ვებგვერდზე სოციალურ ქსელში. სრულად... წყარო: ლიბცენტრის ვებგვერდი სოციალურ ქსელში

თბილისი. ორგანიზაციამ „პარტნიორობა ადამიანის უფლებებისთვის" (PHR) საკონსტიტუციო სასამართლოს 16 წლამდე ბავშვების სასამართლოსთვის მიმართვის გარეშე არანებაყოფლობითი სტაციონარული ფსიქიატრიული მკურნალობის არაკონსტიტუციურად ცნობის მოთხოვნით მიმართა. „გამომდინარე იქიდან, რომ საქართველოში 16 წლამდე ბავშვების ნებაყოფლობითი სტაციონარული ფსიქიატრიული მკურნალობა არ ექვემდებარება სასამართლო კონტროლს, იქმნება საფრთხე იმისა, რომ ბავშვი თვითნებურად იქნეს მოთავსებული სტაციონარში კანონიერი წარმომადგენლის გადაწყვეტილებით ან კანონიერი წარმომადგენელი სახელმწიფოს უმოქმედობის გამო იძულებული იყოს მიიღოს ასეთი გადაწყვეტილება. შესაბამისად, კანონმდებლობაში არ არსებობს 16 წლამდე პირის სტაციონარული ფსიქიატრიული მკურნალობის საჭიროების, განმაპირობებელი გარემოებების, ალტერნატიული საშუალებების შეფასების ნეიტრალური, დამოუკიდებელი ინსტიტუციურ-სამართლებრივი მექანიზმი, რომელიც განიხილავდა ნებაყოფლობითი სტაციონარული მკურნალობის ბავშვის საუკეთესო ინტერესებთან შესაბამისობას", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

იმერეთი. ქუთაისის ახალგაზრდული ცენტრის ორგანიზებით, მე-19 საჯარო სკოლაში გაიმართა დისკუსია თემაზე „დასავლური ღირებულებები და ფასეულობები". დისკუსიის მიზანი იყო ახალგაზრდების ცნობიერების ამაღლება ევროპული ფასეულობების და დასავლური ღირებულებების, საქართველოს ევროპული არჩევანის შესახებ. სრულად... წყარო: ორგანიზაციის ვებგვერდი სოციალურ ქსელში

შიდა ქართლი. 18 იანვარს „კეთილდღეობის და განვითარების ცენტრთან” არსებულმა სამოქალაქო აქტივიზმის ცენტრმა, კოლეჯ „განთიადის” სტუდენტებისათვის ჩაატარა ტრენინგი „ოჯახური ძალადობა და საფრთხეები". შეხვედრის მიზანი იყო ახალგაზრდებისათვის ზოგადი ინფორმაციის მიწოდება ოჯახური ძალადობის შესახებ. სრულად... წყარო: ორგანიზაციის ვებგვერდი სოციალურ ქსელში

თბილისი. ორგანიზაციას „პარტნიორობა ადამიანის უფლებებისთვის" (PHR) შეზღუდული შესაძლებლობის მქონე ბავშვის მშობლებმა მიმართეს. ისინი აღნიშნავდნენ, რომ მათ შვილს, რომელიც მარნეულის მუნიციპალიტეტის სოფელ შულავერის მე-2 საჯარო სკოლის მეორე კლასში ირიცხებოდა, სკოლა ვერ უზრუნველყოფდა სპეციალური პედაგოგით. შედეგად, ბავშვი ვერ ახერხებდა განათლების უფლებით სრულყოფილად სარგებლობას. PHR-მა შულავერის მე-2 საჯარო სკოლას შესაბამისი მოთხოვნით მიმართა. სკოლამ გაითვალისწინა ორგანიზაციის შენიშვნა და საგანმანათლებლო პროცესში სპეციალური პედაგოგის ჩართვა უზრუნველჰყო. სრულად  წყარო: ორგანიზაციის ვებგვერდი

თბილისი. ათასწლეულის გამოწვევის ფონდის ათასწლეულის ინოვაციის კონკურსის 2017-2018 წლის ნახევარფინალში, კონკურსის ექსპერტთა კომისიის გადაწყვეტილებით, 20 გუნდი გადავიდა. როგორც ფონდის მიერ გავცელებულ ინფორმაცია ვკითხულობთ, კონკურსის მეორე ეტაპზე ინოვაციურ პროექტებსა და გამოგონებებს თბილისის, ბათუმის, ვანის, თელავის, სოფელი პატარძეულის, რუსთავის, ქუთაისის, სოფელი ქსოვრისის, ხონის და სოფელი წილკნის სკოლების გუნდები წარმოადგენენ. ათასწლეულის ინოვაციის კონკურსის ფინალი გაიმართება 2018 წლის აპრილში, თბილისში. კონკურსის ფინალში გუნდები კომისიის წინაშე წარადგენენ დასრულებულ პროექტებს, პროტოტიპებს. წარმოდგენილი დასრულებული პროექტების მიხედვით, ექსპერტთა კომისია შეარჩევს პირველ, მეორე და მესამ ადგილებზე გასულ გუნდებს, რომელთაგან პირველ ადგილზე გასული, 2018 წლის მაისში, გაემგზავრება აშშ-ში და მონაწილეობას მიიღებს NASA-ს კოსმოსური ცენტრის უნივერსიტეტის სასწავლო პროგრამაში, ჰიუსტონში. კონკურსი საქართველოში აშშ-ის საელჩოს ფინანსური მხარდაჭერით, საქართველოს განათლებისა და მეცნიერების სამინისტროსა და საქართველოს ინოვაციებისა და ტექნოლოგიების სააგენტოსთან თანამშრომლობით ხორციელდება. სრულად  წყარო: ორგანიზაციის ვებგვერდი