თბილისი. საქართველოს სახალხო დამცველი ეხმიანება სოციალურ ქსელებში გავრცელებულ ვიდეოჩანაწერს, რომელშიც არასრულწლოვნის მიმართ ძალადობისა და ბულინგის ფაქტი იკვეთება. ვიდეო გადაღებულია ბავშვების მიერ და მოიცავს ბავშვის მიმართ სასტიკ დამოკიდებულებას, მუქარას, შეუსაბამო სიტყვებსა და ქმედებებს. „კადრებში ნათლად ჩანს არასრულწლოვნის სახე, შესაბამისად, შესაძლებელია მისი იდენტიფიცირება, რაც არღვევს ბავშვის პირადი ცხოვრების ხელშეუხებლობის უფლებას და საფრთხეს უქმნის მის ფსიქო-ემოციურ მდგომარეობას. ჩვენს ხელთ არსებული მონაცემებით, ვიდეო ფართოდ ვრცელდება სოციალურ ქსელებში, რაც სახალხო დამცველს ყოვლად დაუშვებლად მიაჩნია", - ნათქვამია განცხადებაში. სრულად  წყარო: ორგანიზაციის ვებგვერდი

თბილისი. ბავშვთა პირველი ჰოსპისი საქართველოში, 2017 წელს გაიხსნა და ის სამი მიმართულებით ფუნქციონირებს: სტაციონარი, დღის ცენტრი და შინ ზრუნვა. „ბავშვთა პალიატიური მზრუნველობა აერთიანებს კლინიკურ, ფსიქოლოგიურ, ეთიკურ და სულიერ ასპექტებს იმ ბავშვებისთვის, რომლებსაც ცოტა ხნის სიცოცხლე აქვთ დარჩენილი. მოზრდილებისგან განსხვავებით, პალიატიური მზრუნველობის საჭიროების მქონე ბავშვებს სხვა ტიპის მიდგომა სჭირდებათ. განვითარებული ქვეყნების ჰოსპისების მაგალითი, გვაჩვენებს, რომ ბავშვის ტკივილის შემსუბუქებაში და მშვიდად ყოფნაში, დიდი როლი ეკისრება მუსიკის თერაპიას. პროექტის მიზანია საზღვარგარეთ კადრის მომზადება მუსიკის თერაპიაში და შემდგომში მისი ანაზღაურების გადახდა ჰოსპისში (1 წლის მანძილზე)", ნათქვამია ჰოსპისის პროექტის აღწერაში. სრულად... წყარო: idea.tbilisi.gov.ge

თუ გსურს, გაიგო მეტი ერასმუს+ პროგრამის შესაძლებლობების შესახებ ახალგაზრდულ სფეროში, გადადი ახალ ვებ-გვერდზე და გაიგე ყველაფერი დაწვრილებით. სრულად... წყარო: ორგანიზაციის ვებგვერდი სოციალურ ქსელში

თბილისი. 26 მარტს გაიმართა ელექტრონული რესურსის „სამოქალაქო განათლება ყველასთვის" (www.civiceducation.ge) ონლაინ ოლიმპიადის გამარჯვებული მოსწავლეების დაჯილდოება. „ონლაინ ოლიმპიადის გამარჯვებული გახდა ოზურგეთის მუნიციპალიტეტის სოფელ თხინვალის საჯარო სკოლის XI კლასის მოსწავლე თამარ სირაძე, მეორე ადგილზე გავიდა ქუთაისის #7 საჯარო სკოლის XI კლასის მოსწავლე მარიამ ურატაძე, მესამე ადგილზე კი ქუთაისის #7 საჯარო სკოლის XII კლასის მოსწავლე მარიამ დანგაძე. გამარჯვებული სამეული ნიდერლანდების სამეფოს ელჩმა დააჯილდოვა და მათ სიგელებთან ერთად პერსონალური კომპიუტერები გადასცა. „საქართველოს დემოკრატიულმა ინიციატივამ" civiceducation.ge შექნა პროექტის „ადამიანის უფლებებისა და ტოლერანტობის სწავლება სამოქალაქო განათლების გზით" ფარგლებში, საქართველოში ნიდერლანდების სამეფოს საელჩოს ფინანსური მხარდაჭერით. პროექტი ინოვაციურია და მისი ძირითადი მიზანია სკოლის მოსწავლეთათვის, თანამედროვე ტექნოლოგიების გამოყენებით, მარტივად ხელმისაწვდომი და აღქმადი, გახდეს ის საკითხები, რომლებიც გათვალისწინებულია სამოქალაქო განათლების ეროვნული სასწავლო გეგმით და გაზარდოს მოსწავლეებში სამოქალაქო განათლების შესწავლის ინტერესი", ნათქვამია ორგანიზაციის ვებგვერდზე. სრულად... წყარო: www.gdi.ge

სამეგრელო. 26 მარტს სამოქალაქო განათლების პროგრამა „მომავლის თაობის" პარტნიორი სკოლების სამოქალაქო კლუბების წევრები დაესწრნენ შეხვედრას, რომელსაც უძღვებოდა ზუგდიდის რაიონული პროკურატურის წარმომადგენელი, პროკურორი ილია ტორუა. „შეხვედრაზე პროკურორმა ისაუბრა არასრულწლოვანთა მიერ ჩადენილ დანაშაულებზე. მოსწავლეებმა აღნიშნეს, რომ თანატოლებში გახშირებულია ქურდობა, ძარცვა. შეხვედრის მიზანი იყო მოსწავლეებისთვის ინფორმაციის მიწოდება", ნათქვამია ასოციაცია „ათინათის" ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. გაეროს ბავშვთა ფონდის მხარდაჭერით ანტი-სტიგმა კამპანიის ფარგლებში მომზადდა პუბლიკაცია: დაინახე ყველაფერი. „სოციალური ცვლილებებისკენ მიმართული საკომუნიკაციო კამპანია: „დაინახე ყველაფერი" მიზნად ისახავს საზოგადოების დამოკიდებულების შეცვლას და შეზღუდული შესაძლებლობის მქონე ბავშვებისა და ახალგაზრდების შესახებ ინფორმაციის გავრცელებას". სრულად... წყარო: გაეროს ბავშვთა ფონდის ვებგვერდი სოციალურ ქსელში

თბილისი. ფონდი „ღია საზოგადოება - საქართველო" აქვეყნებს ინფოგრაფიკებს პოლიტიკის დოკუმენტიდან - „შეზღუდული შესაძლებლობების მქონე ბავშვებისთვის სერვისებზე ხელმისაწვდომობის შეზღუდვა, ანუ სახელმწიფოს უარი სოციალურ ინკლუზიაზე". დოკუმენტი მოამზადა ორგანიზაციამ „პარტნიორობა ადამიანის უფლებებისთვის", ფონდ „ღია საზოგადოება - საქართველოს" ხელშეწყობით, ფონდის შიდა პროექტის - „ევროკავშირ-საქართველოს შორის ასოცირების შესახებ შეთანხმების განხორციელების მონიტორინგი საზოგადოებრვი ორგანიზაციების კოალიციის მიერ" - ფარგლებში. სრულად  წყარო: www.osgf.ge

აჭარა. 26-27 მარტს გაიმართება ფორუმი თემაზე: „რეგიონის განვითარება და ახალგაზრდობის როლი", რომელშიც მონაწილეობას რეგიონში არსებული უმაღლესი სასწავლებლების სტუდენტები მიიღებენ, მსურველები შეირჩევიან გასაუბრების გზით. სრულად... წყარო: dsy.gov.ge

თბილისი. ბულინგის პრევენციის საპილოტე პროგრამის მესამე ეტაპი ორ საჯარო სკოლაში განხორციელდება - „არაძალადობრივი კომუნიკაციის ინსტიტუტმა" ფონდ „ღია საზოგადოება-საქართველოს" მხარდაჭერით სკოლებში ბულინგის პრევენციის საპილოტე პროგრამის მესამე ეტაპს იწყებს. ამის შესახებ ორგანიზაციებმა 19 მარტს, ფონდის ოფისში გამართულ შეხვედრაზე განაცხადეს. 2018 წლის განმავლობაში, ორგანიზაცია პროგრამის პილოტირებას უკვე საჯარო სკოლებში უზრუნველყოფს. პროექტში ჩართულნი არიან N156 და N31 საჯარო სკოლები. პროექტის ფარგლებში ერთი მხრივ, უშუალოდ საპილოტე სკოლებში დაინერგება ანტიბულინგური პროგრამა, მეორე მხრივ კი, სრულყოფილად გამოცდილი მეთოდოლოგია მომზადდება მის დასანერგად სხვა საჯარო სკოლებშიც. ანტიბულინგური პროგრამა ითვალისწინებს სკოლის კლიმატის კვლევის შედეგად გამოვლენილ საჭიროებებზე დაფუძნებულ ინტერვენციას და მუშაობას სკოლის თემის თითოულ რგოლთან (მოსწავლეები, მასწავლებლები, მშობლები, ადმინისტრაცია). სრულად  წყარო: http://www.osgf.ge

თბილისი. 2017 წლის 25 ოქტომბერს PHR-მა სახალხო დამცველს სახელმწიფოს მხრიდან, არასრულწლოვნის მიმართ, ასაკის ნიშნით, დისკრიმინაციის დადგენის მიზნით მიმართა, ორგანიზაციამ მიუთითა, რომ არსებული რეგულაცია, რომელიც არასრულწლოვანს სასამართლოსთვის მიმართვის უფლებას უზღუდავს დისკრიმინაციულია და წინააღმდეგობაში მოდის საერთაშორისო და შიდასამართლებრივ ნორმებთან. „ორგანიზაციას „პარტნიორობა ადამიანის უფლებებისთვის" სამართლებრივი დახმარების მიღების მიზნით 17 წლის ოჯახში ძალადობის მსხვერპლმა არასრულწლოვანმა მიმართა, რომელიც ირიცხებოდა ოჯახში ძალადობის მსხვერპლთა თავშესაფარში. ვინაიდან არასრულწლოვნის დაცვის მიზნით გამოცემულ შემაკავებელ ორდერს ჰქონდა ერთთვიანი ვადა, ბავშვი საჭიროებდა დაუყოვნებლივ იურისტის დახმარებას, სასამართლოსთვის დამცავი ორდერის გამოცემაზე მიმართვის მიზნით. ბავშვსა და ორგანიზაციის იურისტებს შორის მინდობილობის გაფორმებისთვის აუცილებელი იყო არასრულწლოვნის კანონიერი წარმომადგენლის თანხმობა. ორგანიზაციის იურისტებმა ბავშვის მოთხოვნით დაუყოვნებლივ მიმართეს სსიპ „სოციალური მომსახურების სააგენტოს" და სსიპ „ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების ფონდს" , რათა მათ მიეცათ ორგანიზაციისთვის თანხმობა ბავშვისთვის იურიდიული დახმარების გაწევის თაობაზე. სახელმწიფო უწყებების მხრიდან ამ მიმართვაზე დროული რეაგირება არ განხორციელებულა", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. გაეროს ბავშვთა ფონდი UNICEF აქვყნებს ანგარიშს - „მსოფლიოს ბავშვთა მდგომარეობა 2017", რომელიც აანალიზებს, თუ როგორ შეცვალა ციფრულმა ტექნოლოგიებმა ბავშვების ცხოვრება და შესაძლებლობები. „ანგარიში გვაფიქრებს იმის შესახებ, თუ რას შეიძლება გვიმზადებდეს მომავალი ამ მიმართულებით. თუ სწორად გამოყენებული და ყველასთვის ხელმისაწვდომი იქნება, ციფრულმა ტექნოლოგიამ, შეიძლება, სრულიად შეცვალოს იმ ბავშვების ცხოვრება, რომლებიც იჩაგრებიან სიღარიბის, რასის, ეთნიკური წარმომავლობის, გენდერის, შეზღუდული შესაძლებლობის, საცხოვრებელი ადგილიდან იძულებით გადაადგილების თუ გეოგრაფიულად რთულად მისაწვდომ ტერიტორიაზე ცხოვრების გამო. ციფრულ ტექნოლოგიას შეუძლია დააკავშიროს ეს ბავშვები სამყაროსთან, სადაც უამრავი შესაძლებლობაა და შესძინოს მათ ის უნარები, რაც ციფრულ სამყაროში წარმატების მისაღწევადაა აუცილებელი", - ნათქვამია ანგარიშის წინასიტყვაობაში. ანგარიში  წყარო: unicef.ge

თბილისი. საია დადებითად აფასებს საჯარო სკოლებში პრევენციული ღონისძიებების დანერგვას უსაფრთხოების სისტემის გაზრდის მიზნით, თუმცა მნიშვნელოვნად მიიჩნევს, ამან არ გამოიწვიოს ბავშვის უფლებების არასათანადო და დაუსაბუთებელი შეზღუდვა. საუბარია „ზოგადი განათლების შესახებ" საქართველოს კანონში ცვლილებების პროექტის შესახებ, რომელიც საქართველოს განათლებისა და მეცნიერების სამინისტრომ და შინაგან საქმეთა სამინისტრომ საჯარო განხილვისათვის წარადგინეს. ცვლილებების მიზანია საჯარო სკოლებში უსაფრთხოების სისტემის გაუმჯობესება, მანდატურის სამსახურის უფლებამოსილებებისა და ფუნქციების გაზრდის გზით. სრულად  წყარო: ორგანიზაციის ვებგვერდი

შიდა ქართლი. 9 მარტს „კეთილდღეობის და განვითარების ცენტრ"-თან არსებულ სამოქალაქო აქტივიზმის ცენტრის მოხალისეებისათვის გაიმართა ტრენინგი „დებატების ხელოვნება". ტრენინგის მიზანი იყო ახალგაზრდებისათვის დებატების ხელოვნების სწავლება და გამოყენება. საგანმანათლებლო მიზნებისა და სხვადასხვა უნარების განვითარებისთვის არსებობს დებატების, როგორც თამაშის მრავალი ფორმატი (კარლ პოპერის, საპარლამენტო). ყოველი მათგანი ავითარებს არგუმენტირებული კამათის კულტურას, კრიტიკულ აზროვნებას, სასაუბრო დროის რაციონალურად გამოყენებასა და საჭირო ინფორმაციების მოძიების უნარებს. ტრენინგის შემდეგ კვირას გაიმართება დებატები ახალგაზრდებისთვის საინტერესო, სხვადასხვა თემებზე. სრულად... წყარო: ორგანიზაციის ვებგვერდი სოციალურ ქსელში

სამეგრელო. 10 მარტს ასოციაცია „ათინათი”-ში ცენტრის მონაწილეობითა და ორგანიზებით ჩატარდა ფილმის ჩვენება თემაზე „სასამართლოს იმიტირებული პროცესი”. „მონაწილეებმა ფილმის ჩვენების შემდგომ მონაწილეობა მიიღეს დებატებში და მიიღეს ინფორმაცია სასამართლოს იმიტირებულ პროცესთან დაკავშირებით. ახლო მომავალში კი იგეგმება იმიტირებული პროცესის ჩატარება”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ორგანიზაციამ „მშობელთა ხიდი", „სამოქალაქო საზოგადოების ინსტიტუტის" ფინანსური მხარდაჭერით, ევროკავშირის თანადგომით, განახორციელა კვლევა - „სპეციალური მასწავლებელი, როგორც ინკლუზიური განათლების ერთ-ერთი მთავარი რესურსი და არსებული გამოწვევები". ეს არის საქართველოს მასშტაბით ჩატარებული პირველი კვლევა, რომელიც მხოლოდ სპეციალური მასწავლებლის საკითხებს ეხება და, დადასტურებული ხარვეზების ფონზე, მთავრობას მათი გამოსწორების/ცვლილებების გატარებისათვის პრაქტიკულ რეკომენდაციებს სთავაზობს. კვლევა განხორციელდა 20 ზოგადსაგანმანათლებლო სკოლის წარმომადგნელის მონაწილეობით, აქედან, 10 - თბილისის, 5 - დასავლეთ საქართველოსა და 5 აღმოსავლეთ საქართველოს სკოლებიდან იყო. სულ, სულ რეგიონებისა და ჯგუფების შესაბამისად, კვლევამ 100-მდე ადამიანი მოიცვა (სსსმ მოსწავლეთა მშობლები, სპეციალური მასწავლებლები, სკოლის ადმინისტრაცია, სფეროს ექსპერტები). კვლევის შინაარსზე სრულად პასუხისმგებელია ა(ა)იპ „მშობელთა ხიდი" და, შესაძლოა, იგი არ ასახავდეს ევროკავშირისა და ა(ა)იპ „სამოქალაქო საზოგადოების ინსტიტუტის" შეხედულებებს. იხილეთ კვლევა 

სამცხე-ჯავახეთი. ახალქალაქის ახალგაზრდულ ცენტრში გაიმართა ტრენინგი თემაზე - "ადამიანის უფლებები და ბულინგი". ღონისძიება დაიგეგმა ტოლერანტობის სამოქალაქო ცნობიერებისა და ინტეგრაციის, მხარდაჭერის პროგრამა PITA-ს ფარგლებში, რომელსაც, საქართველოს გაეროს ასოციაცია, აშშ-ს საერთაშორისო განვითარების სააგენტოს (USAID) ფინანსური მხარდაჭერით, პროგრამის პარტნიორი - ახალციხესა და ახალქალაქში, საზოგადოებრივი ორგანიზაცია „დემოკრატ მესხთა კავშირი" საშუალებით ახორციელებს. სრულად  წყარო: ორგანიზაციის გვერდი სოციალურ ქსელში

თბილისი. საქართველოს შინაგან საქმეთა და განათლებისა და მეცნიერების სამინისტროებმა წარმოადგინეს საკანონმდებლო ცვლილებების პროექტი „ზოგადი განათლების შესახებ" საქართველოს კანონში. კანონპროექტის ავტორების განმარტებით, სხვა სახის ცვლილებებთან ერთად, აღნიშნული ინიციატივის მიზანია მანდატურის სამსახურის ფუნქციების მოდიფიცირება, გაზრდა, რის შედეგადაც, სკოლების უსაფრთხოება უნდა გაუმჯობესდეს. „კოალიცია ბავშვებისა და ახალგაზრდებისათვის" მიესალმება სახელმწიფო უწყებების მცდელობას, გადადგან ნაბიჯები პრევენციული მექანიზმის გაუმჯობესების მიმართულებით, თუმცა, მიიჩნევს, რომ წარმოდგენილი კანონპროექტი, არსებული რედაქციით, გარკვეულ ხარვეზებს შეიცავს. სრულად  წყარო: https://phrgeorgia.wordpress.com

თბილისი. ორგანიზაცია "ეკოხედვამ/EcoVision" "ევროპული სკოლის" მოსწავლეებისთვის ბიომრავალფეროვნების თემაზე სწავლება ჩაატარა. სწავლებაში, რომელშიც მონაწილეობა 15-მდე მოსწავლემ მიიღო, მოიცავდა როგორც თეორიულ სწავლებას, ისე - სახალისო შემეცნებით თამაშებს. მოსწავლეებს გადაეცათ ორგანიზაციის „ეკოხედვა/Ecovision"-ის მიერ მომზადებული საბავშვო გარემოსდაცვითი წიგნები და ჟურნალები. სწავლება ჩატარდა პროექტ "SPARE”-ის (ენერგიისა და რესურსების გამოყენების საერთაშორისო სასკოლო პროექტი) ფარგლებში, რომელიც დაფინანსებულია ნორვეგიის გარემოს დაცვის საზოგადოების (Norges Naturvernforbund/Friends of the Earth Norway) მიერ. სრულად  წყარო: ორგანიზაციის ვებგვერდი

თბილისი. ბათუმში, „თავისუფალ ჟურნალისტთა სახლის" ოფისში დღეს ასოცირების ხელშეკრულებით ნაკისრი ვალდებულებების შესრულების ანგარიშის წარდგენა გაიმართა. საუბარი ბავშვთა უფლებებს შეეხო და მას „პარტნიორობა ადამიანის უფლებებისთვის" აღმასრულებელმა დირექტორი, ანა არგანაშვილი უძღვებოდა. ღონისძიება „აღმოსავლეთ ევროპის მრავალპარტიული დემოკრატიის ცენტრისა" (EECMD) და ფონდ „ღია საზოგადოება - საქართველოს" ორგანიზაებით გაიმართა. სრულად  წყარო: ორგანიზაციის გვერდი სოციალურ ქსელში

კახეთი. როგორ დავიცვათ არასრულწლოვნები ინტერნეტში გავრცელებული ფსიქოლოგიური ზემოქმედებისგან, რა მექანიზმებით გავაკონტროლოთ სოციალურ ქსელების მსგავს აქტივობებში მათი ჩართვა? ამ საკითხებთან დაკავშირებით, თელავის დემოკრატიული ჩართულობის ცენტრის ორგანიზებით, თელავის მუნიციპალიტეტის სხვადასხვა საჯარო სკოლის მოსწავლეებთან შეხვედრა გაიმართა. სრულად  წყარო: ორგანიზაციის გვერდი სოციალურ ქსელში

თბილისი. „აღმოსავლეთ ევროპის მრავალპარტიული დემოკრატიის ცენტრი" (EECMD) და ფონდი „ღია საზოგადოება - საქართველო" 16 თებერვალს ბათუმში ევროკავშირთან ასოცირების ხელშეკრულებით ნაკისრი ვალდებულებების შესრულების ანგარიშის პრეზენტაციას მართავს. ანგარიშები შეეხება შემდეგ საკითხებს: კორუფციის წინააღმდეგ ბრძოლა და საჯარო სამსახურის რეფორმა; შრომის სტანდარტები; ბავშვთა უფლებები; გარემოს დაცვა თანასწორობა. 11:00 საათზე, „თავისუფალ ჟურნალისტთა სახლში" (მისამართზე - მემედ აბაშიძის №48) ორგანიზაცია „პარტნიორობა ადამიანის უფლებებისთვის" აღმასრულებელი დირექტორი, ანა არგანაშვილი ბავშვთა უფლებების საკითხზე ისაუბრებს; პარალელურად, მრავალპარტიული დემოკრატიის აღმოსავლეთ ევროპულ ცენტრში (დემოკრატიის სკოლა, ახმედ მელაშვილის №20) კორუფციის წინააღმდეგ ბრძოლისა და საჯარო სამსახურის რეფორმის, შრომის სტანდარტების, გარემოს დაცვისა და თანასწორობის საკითხებს მიმოიხილავენ. დასწრება ორივე შეხვედრაზე თავისუფალია. სრულად  წყარო: http://www.osgf.ge

თბილისი. GIZ-ის სამართლის პროგრამამ გამოსცა ჰააგის 1980 წლის კონვენცია „ბავშვთა საერთაშორისო გატაცების სამოქალაქო ასპექტების შესახებ". იგი პრაქტიკული სახელმძღვანელობა და მისი ელ–ვერსიას შეგიძლიათ გაეცნოთ. სახელმძღვანელო... წყარო: GIZ-ის სამართლის პროგრამა