შიდა ქართლი. 13 ოქტომბერს, გორის სამოქალაქო აქტივიზმის ცენტრის მოხალისეებისათვის ჩაატარა დისკუსია თემაზე რა არის თანასწორობა. „ახალგაზრდები შეთანხმდნენ, რომ გენდერული თანასწორობის მისაღწევად, მნიშვნელოვანია განათლების რეფორმა, რათა მომავალმა თაობამ სასკოლო ასაკშივე მიიღოს ის ინფორმაცია, რომელიც მათ სტერეოტიპების დაძლევაში დაეხმარება", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ფონდი „ღია საზოგადოება საქართველო" აქვეყნებს პოლიტიკის დოკუმენტს: „ხელისუფლების კომპრომისები ბავშვთა ძალადობის მიმართ". „სხეულებრივი დასჯა დღეს-დღეობით საქართველოში ბავშვთა ბავშვთა აღზრდის და დისციპლინის სწავლების ბუნებრივ ნაწილად ითვლება. ზრდასრულები მას მიიჩნევენ აღზრდის ტრადიციულ მეთოდად, ვინაიდან სახელმწიფოს არცერთი უწყება არ უზრუნველყოფს ბავშვთა პოზიტიური აღზრდის მეთოდების სწავლებას. ბავშვების წარმორტყმა, ხელისკვრა, შეჯანჯღარება, იძულებითი კვება და დასჯის სხვა ფორმები, დანაშაულად არ განიხილება, შესაბამისად არც შედეგების რეაბილიტაცია ხდება. შედეგები აისახება ბავშვების, როგორც ადამიანის უფლებების სუბიექტების უგულვებელყოფასა და საზოგადოებაში ძალადობის კვლავწარმოებაში", ნათქვამია პოლიტიკის დოკუმენტში. სრულად... წყარო: www.osgf.ge

თბილისი. 11-12 ოქტომბერს, შოთა რუსთაველის ეროვნული სამეცნიერო ფონდი ჩაატარებს საკონსულტაციო დღეებს მაგისტრანტების სასწავლო-კვლევითი პროექტების გრანტით დაფინანსების შესახებ. ფონდის თანამშრომლები მაგისტრანტებს გააცნობენ კონკურსის პირობებს და უპასუხებენ მათ შეკითხვებს. სრულად... წყარო: rustaveli.org.ge

სამეგრელო. პროექტ ნდობის მშენებლობა სამხრეთ კავკასიაში, მონაწილეთა გაცვლითი პროგრამა ქალაქ ზუგდიდში დასრულდა. „მონაწილეებს, შესაძლებლობა მიეცათ გაცნობოდნენ, ასოციაცია „ათინათის", ასევე რადიო „ათინათის" საქმიანობას, ასევე პროექტის ფარგლებში, ახალგაზრდების მიერ განხორციელებულ აქტივობებს, დღის ბოლოს კი სამცხე-ჯავახეთის წარმომადგენლები, მასპინძლებთან ერთად, ზუგდიდში მცხოვრებ დათო უზარაშვილის მარანს ესტუმრნენ სადაც შესაძლებლობა ქონდათ, დაეგემოვნებინათ, მასპინძლების მიერ მომზადებული, სამეგრელოსთვის დამახასიათებელი კერძები", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. 2 ოქტომბერს, ბათუმში ბავშვთა ადრეული განვითარების შესახებ საგანმანათლებლო კვირეული დაიწყო. „კვირეულის ჩატარების შემდგომ იგეგმება ბავშვთა ადრეული განვითარების სასერტიფიკატო და სამაგისტრო პროგრამის შექმნა ბათუმის სახელმწიფო უნივერსიტეტში, რაც რეგიონებში ამ საკითხის შესახებ სტუდენტების ინფორმირებულობას და პროფესიულ განვითარებას შეუწყობს ხელს," ნათქვამია ორგანიზაციის ვებ-გვერდზე. სრულად... წყარო: www.osgf.ge

თბილისი. მაგისტრანთა სასწავლო-კვლევითი პროექტების გრანტით დაფინანსების 2016 წლის კონკურსის საბუთების მიღების ვადა გაიზარდა.  „განცხადება კონკურსში მონაწილეობის შესახებ უნდა წარმოადგინოთ ფონდის კანცელარიაში 2016 წლის 28 ოქტომბრის 17:00 სთ-მდე", ნათქვამია ფონდის ვებ-გვერდზე.   სრულად... წყარო: rustaveli.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) შემაჯამებელ განცხადებას აქვეყნებს მუსლიმი მოსწავლეების პანსიონატის საქმესთან დაკავშირებით. „EMC მოუწოდებს შპს „ქობულეთის წყალს" და ქობულეთის მუნიციპალიტეტის გამგეობას დაუყოვნებლივ მიიღოს ზომები სახალხო დამცველის მიერ გაცემული რეკომენდაციების შესასრულებლად, რათა როგორც ეს სახალხო დამცველის რეკომენდაციაშია მითითებული, ქობულეთში მცხოვრებმა მუსლიმმა თემმა რელიგიური პანსიონატის შენობით სარგებლობა სასწავლო წლის დაწყებისთანავე შეძლოს," ნათქვამია ორგანიზაციის განცხადებაში. სრულად... წყარო: emc.org.ge

სამეგრელო. ანაკლიის „მომავლის ბანაკში" შეხვედრათა ციკლი დაიწყო. „„ნატოსა და ევროკავშირის შესახებ საინფორმაციო ცენტრის" ინიციატივით, რამდენიმე ნაკადის მონაწილეებს უკვე შეხვდნენ საინფორმაციო ცენტრისა და თავდაცვის სამინისტროს წარმომადგენლები. ახალგაზრდებს მიეწოდათ ინფორმაცია ნატოსა და ევროკავშირის შესახებ, ორგანიზაციების ისტორიაზე, მათი განვითარების ეტაპებსა და საქართველოს ევროპული და ევროატლანტიკური ინტეგრაციის პროცესის მიმდინარეობაზე," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ორგანიზაცია „ბავშვი და ოჯახი" ავრცელებს მიმართვას 2016 წლის 8 ოქტომბრის საპარლამენტო არჩევნებში მონაწილე პოლიტიკური პარტიებისთვის. „მივმართავთ, პოლიტიკურ პარტიებს, რომ თავიანთ საარჩევნო პროგრამაში ბავშვთა კეთილდღეობისა და მათი დაცვის საკითხებს მნიშვნელოვანი ადგილი დაუთმონ. მათ შორის, ძალადობისგან დაცვას. საინტერესოა, როგორია პოლიტიკური პარტიების ხედვა აღნიშული საკითხისადმი, რომელიც თავის მხრივ ძალიან მნიშვნელოვანია ბავშვთა კეთილდღეობის გასაუმჯობესებლად. საჭიროა, ბავშვთა კეთილდღეობის საკითხებზე ერთიანი მიდგომა შეიქმნას, რაც პირველ რიგში გამყარებული უნდა იყოს საკანონმდებლო რეგულაციებით," ნათქვამია ორგანიზაციის მიმართვაში. „ბავშვი და ოჯახი" მასმედიასა და სამოქალაქო საზოგადოების წარმომადგენლებსაც მიმართავს თხოვნით, ხშირად დასვან კითხვები ბავშვთა კეთილდღეობის საკითხებზე. სრულად... წყარო: cfaorg.ge

თბილისი. საქართველოს ჟურნალისტური ეთიკის ქარტია იწყებს „ლიბცენტრის" ახალი ჯგუფის დაკომპლექტებას. „შერჩეული აპლიკანტები ექვსი თვის განმავლობაში მოისმენენ საჯარო ლექციებს ადამიანის უფლებებზე, სამოქალაქო საზოგადოებაზე, ლიბერალიზმსა და დემოკრატიასთან დაკავშირებულ საკითხებზე. გარდა ამისა, მოამზადებენ გამოკითხვებს, შექმნიან ჟურნალისტურ მასალებს, დაწერენ პოსტებს სხვადასხვა თემაზე, რაც განთავსდება ცენტრის ვებგვერდზე," ნათქვამია ორგანიზაციის ვებ-გვერდზე. სრულად... წყარო: libcenter.ge

თბილისი. გაეროს ბავშვთა ფონდი (იუნისეფი) აქვეყნებს საინფორმაციო ბიულეტენს. სრულად... წყარო: unicef.ge

თბილისი. გარემოსა და ბუნებრივი რესურსების დაცვის სამინიტროს ინიციატივით, ახალგაზრდობის საერთაშორისო დღესთან დაკავშირებით, ველო-ტური გამართა. „ღონისძიების მიზანია, ხელი შეუწყოს მოსახლეობის ჯანსაღი ცხოვრების სტილის პროპაგანდას, ეკოლოგიურად სუფთა ტრანსპორტის პოპულარიზაციას და ამ მხრივ ჰაერის დაბინძურების შემცირებას. ამ დღეს საფუძველი გაეროს ასამბლეის 1999 წლის 17 დეკემბრის რეზოლუციით ჩაეყარა და 2000 წლის 12 აგვისტოს ცივილიზებულმა სამყარომ პირველად აღნიშნა ახალგაზრდობის საერთაშორისო დღე," ნათქვამია გარემოს დაცვის სამინისტროს ვებ-გვერდზე სოციალურ ქსელში. სრულად... წყარო: სამინისტროს ვებ-გვერდი სოციალურ ქსელში

სამცხე-ჯავახეთი. 7-8 აგვისტოს, ბორჯომში, სახალხო დამცველის რეგიონული ოფისების წარმომადგენლებს ჩაუტარდათ ტრენინგი ბავშვის უფლებათა მონიტორინგის საკითხებში. „ტრენინგის განმავლობაში განიხილეს ბავშვთა განთავსების ღია და დახურული ტიპის სასჯელაღსრულების დაწესებულებების, არასრულწლოვანთა სახელმწიფო პროგრამებისა და სერვისების მონიტორინგის საკითხები. განსაკუთრებული ყურადღება დაეთმო ძალადობის, ექსპლუატაციისა და სხვა ტიპის არასათანადო მოპყრობის მსხვერპლ ბავშვთა დაცვისა და დახმარების ღონისძიებებს, სახელმწიფო მზრუნველობაში განთავსებულ არასრულწლოვანთა უფლებრივ მდგომარეობას," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

აჭარა. სამოქალაქო საზოგადოების ინსტიტუტის ბათუმის ფილიალი პროექტის - „მართე შენი ქალაქი" ფარგლებში, განაგრძობს ახალგაზრდების როლის გაძლიერებას თვითმმართველობის საქმიანობაში. აგვისტოს თვეში დასრულდა მათი გადამზადება ტრენინგ ციკლში - „ადგილობრივი თვითმმართველობა და მოქალაქეთა მონაწილეობა." ადგილობრივი თვითმმართველობა, ადგილობრივი ბიუჯეტი და მოქალაქეთა მონაწილეობა, ადგილობრივი პრობლემის იდენტიფიცირება და გადაჭრის გზების სტრატეგია, ეს ის საკითხებია, რომლის შესახებაც ბათუმის 13 უბნიდან კონკურსის გზით შერჩეულმა 26 ახალგაზრდამ მიიღო ინფორმაცია. პროექტის მომდევნო ეტაპი მოქალაქეთა მონაწილეობის მექანიზმების დანერგვაა, რომელსაც გადამზადებული ახალგაზრდები სექტემბრიდან განახორციელებენ.

აჭარა. 3 აგვისტოს, გონიოს ციხეში, გაიმართა სამუშაო შეხვედრა - „საზოგადოებრივი დარბაზების განვითარება - ახალგაზრდული ხედვა". პროექტის „მართე შენი ქალაქის" მონაწილეები საზოგადოებრივი დარბაზების მუშაობის წესებსა და მის მუშაობაში არსებულ პრობლემებს გაეცნენ. ასევე, შეიმუშავეს დარბაზების განვითარების კონცეფციები. შეხვედრის მიზანი იყო ახალგაზრდების ჩართულობის გაზრდა თვითმმართველობის პროცესში, რომელიც მოქალაქეთა მონაწილეობის აღნიშნული მექანიზმის საფუძვლიანად გაცნობაში გამოიხატა. შეხვედრის ნაწილი დარბაზების წევრობის მოდელირებას დაეთმო, სადაც „პროგრესის გზის" ინსტრუმენტის გამოყენებით ახალგაზრდებმა დაბაზების წინაშე არსებული პრობლემები გამოავლინეს, ასევე იმსჯელეს პრობლემების მოგვარების გზებზე. შეხვედრა გაიმართა, სამოქალაქო საზოგადოების ინსტიტუტის ბათუმის ფილიალის ორგანიზებით, რომლის მხარდამჭერია „აღმოსავლეთ-დასავლეთის მართვის ინსტიტუტი (EWMI).

სამცხე-ჯავახეთი. 29 ივლისს, ახალგაზრდული ცენტრის ორგანიზებით და ომბუდსმენის აპარატის სამცხე-ჯავახეთის ოფისის პარტნიორობით „მომავლის თაობის" ფარგლებში ახალგაზრდული ინტეგრირებული ფესტივალი გაიმართა. ფესტივალში ქართული და არაქართული საჯარო სკოლის სამოქალაქო კლუბის თორმეტი წევრი მონაწილეობდა. ფესტივალის მთავარ მიზანს ახალგაზრდების სამოქალაქო ცნობიერების ამაღლება და ეთნიკური უმცირესობების საზოგადოებაში ინტეგრაციის ხელშეწყობა წარმოადგენდა," ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

სამეგრელო. ქალთა საინფორმაციო ცენტრის ორგანიზებით ჩატარებული ტრენინგი ჟურნალისტიკის ფაკულტეტის სტუდენტებისთვის მოკლემეტრაჟიანი ფილმის გადაღებით დასრულდა. ჩატარებული  „ზღვისპირა სოფელში გატარებული რამდენიმე დღის მანძილზე ჯგუფებად დაყოფილმა მონაწილეებმა მენტორებთან ერთად ხუთი დამოუკიდებელი ფილმი გადაიღეს, რომლებსაც სულ მალე ვუჩვენებთ ფართო აუდიტორიას, მანამდე კი, ის გოგოები და ბიჭები უნდა გაგაცნოთ, ვინც ქალთა საინფორმაციო ცენტრის გუნდთან ერთად გათენებიდან დაღამებამდე დაუზარელად მუშაობდა საინტერესო, გენდერულად მგრძნობიარე და კრეატიული ფილმების შესაქმნელად," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

ევროპის ფონდმა, პროექტის „ახალგაზრდების ჩართულობის გაზრდა საქართველოში” ფარგლებში 25-28 ივლისს ორგანიზება გაუწია კულტურათშორისი დიალოგის ტრენინგს. ტრენინგი წარმოადგენდა ბოსნია და ჰერცოგოვინაში დაგეგმილი „ლიდერების კონფერენციის" წინასმოსამზადებელ შეხვედრას. გარდა იმისა, რომ მოანწილეებს მიეცათ შესაძლებლობა გაეღრმავებინათ ცოდნა ისეთ საკითხებზე, როგორიცაა სტერეოტიპები, ცრურწმენა, დისკრიმინაცია, მათ ასევე განიხილეს ეთნიკური მრავალფეროვნების საფუძველზე განვითარებული კონფლიქტური სიტუაციები და მათი გადაჭრის გზები, რომელიც ბოსნიაში ვიზიტის დროს შესაძლოა აღმოცენდეს. ტრენინგზე მიღებული ცოდნა-გამოცდილება ახალგაზრდებს დაეხმარება აწარმოონ ეფექტური კომუნიკაცია სხვადასხვა კულტურის წარმომადგენელ ახალგაზრდებთან. ‪

სამეგრელო. ქალთა საინფორმაციო ცენტრის პროექტის ფარგლებში, ანაკლიაში, ჟურნალისტიკის ფაკულტეტის სტუდენტებისთვის ტრენინგები ტარდება. „ჟურნალისტურ ბანაკში ხუთ გუნდად დაყოფილი ახალგაზრდები ნიუსრუმის როლებს ირგებენ: ზოგი პროდიუსერია, ზოგი ჟურნალისტი, ზოგი ოპერატორი, ზოგი კი სცენარს წერს. სათემო მობილიზება, ქალთა ეკონომიკური გაძლიერება, გენდერული როლები, ცხოვრება გამყოფ ხაზთან, ქალები სამშვიდობო პროცესებში - ეს ის თემებია, რაზეც ჩვენი ბანაკის წევრები ოთხი დღის მანძილზე იმუშავებენ. ტრენინგი თეორიული და პრაქტიკული სესიებისგან შედგება. თეორიული სწავლების დროს, ტრენინგის მონაწილეები გაეცნობიან კონფლიქტურ და პოსტ-კონფლიქტურ სიტუაციებში გენდერულად მგრძნობიარე საკითხების გაშუქების პრინციპებს. პრაქტიკული სწავლება კი მოიცავს ადმინისტრაციული გამყოფი ხაზის გასწვრივ საველე გასვლებსა და მოკლემეტრაჟიანი ფილმების მომზადებას," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 22 ივლისს „კეთილდღეობისა და განვითარების ცენტრთან" არსებულმა გორის სამოქალაქო აქტივიზმის ცენტრის მოხალისეებმა გამოკითხვა ჩაატარეს. მათ გაარკვიეს შშმ ბავშვთა სურვილები, რომლებზეც ისინი ოცნებობენ. აგვისტოს თვეში კი მათ საკუთარ ფურცლებზე მონიშნული სურვილების ასრულებას დაიწყებენ ცენტრის ახალგაზრდები. ღინისძიება ორგანიზებული იყო „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორი ორგანიზაცია შიდა ქართლში - „კეთილდღეობისა და განვითარების ცენტრი". წყარო: გორის სამოქალაქო აქტივიზმის ცენტრი

 თბილისი. 18 ივლისს, ომბუდსმენმა „სახალხო დამცველის აპარატის ბავშვის უფლებების ცენტრის გაძლიერება" პროექტის ფარგლებში, მინდობით აღზრდისა და რეინტეგრაციის სერვისების მონიტორინგზე სპეციალური ანგარიშები წარადგინა. „სახალხო დამცველის შეფასებით, აუცილებელია, რეინტეგრირებულ ოჯახთა სოციალური ფუნქციის ამაღლება, ფარდობით და უკიდურესად ღარიბ შინამეურნეობებში მცხოვრებ რეინტეგრირებულ ბავშვთა გაძლიერება და ამ მიზნით, სახელმწიფოსა და ადგილობრივი თვითმმართველობის ორგანოებს შორის კოორდინირებული სახელმწიფო პოლიტიკის შემუშავება და დანერგვა," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. 18 ივლისს, ადრეული და სკოლამდელი განათლების კანონი განიხილებოდა კონფერენციაზე, რომელიც ორგანიზებული იყო საქართველოს პარლამენტის მიერ გაეროს ბავშვთა ფონდის (იუნისეფის) მხარდაჭერით. „კანონი ითვალისწინებს მოსამზადებელ წელიწადს ყველა ხუთი წლის ბავშვისთვის სკოლისათვის მზაობის გასაუმჯობესებლად. ასევე, ბავშვთა მიმართ ძალადობის პრევენციის მექანიზმების შექმნას და სკოლამდელი განათლების დაწესებულებებში განათლების, ჰიგიენის და სანიტარიის, კვების, ფიზიკური გარემოს ეროვნული სტანდარტების შემუშავებას," ნათქვამია ორგანიზაციის ვებ-გვერდზე. იუნისეფი აფასებს საქართველოს პარლამენტის ძალისხმევას და აგრძელებს მთავრობის დახმარებას. სრულად... წყარო: unicef.ge