შიდა ქართლი. 18 ივლისს, „კეთილდღეობისა და განვითარების ცენტრთან" არსებული გორის სამოქალაქო აქტივიზმის ცენტრის მოხალისემ კონსტიტუციის თემაზე ჩაატარა თანატოლგანმანათლებელთა ტრენინგი. სალომე ლაფაჩმა კონსტიტუციის ძირითადი არსი გააცნო თანატოლებს. სრულად... წყარო: ორგანიზაციის ვებ-გვერდი სოციალურ ქსელში

აჭარა. 16-17 ივლისს, გორის სამოქალაქო აქტივიზმის ცენტრის მოხალისეებს, ბათუმის ახალგაზრდულმა ცენტრმა უმასპინძლა. „ ...ფარგლებში გორის სამოქალაქო ცენტრის მოხალისეებმა ჩაატარეს ტრენინგი „მოხალისეობაზე", დაგეგმეს მოხალისეობრივი აქტივობა და დაეხმარნენ ორგანიზაციას - „ცვლილებები თანაბარი უფლებებისთვის" სოციალური საწარმოს დასუფთავებაში, რომელიც რამდენიმე დღეში გაიხსნება და იმუშავებს შშმ პირთა ფსიქო სოციალურ რეაბილიტაციაზე," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 11 ივლისს, ასოციაცია „ათინათის" ახალგაზრდული ცენტრის ინიციატივით მოეწყო დასუფთავების აქცია ზუგდიდის საკათედრო ტაძარში, ვლაქერნობის დღესასწაულთან დაკავშირებით. სრულად... წყარო: ორგანიზაციის ვებ-გვერდი სოციალურ ქსელში

თბილისი. თბილისში სამოქალაქო კლუბის მოსწავლეები სმენის პრობლემის მქონე მოზარდებისთვის ჟესტურ ენაზე თარგმნიან საგანმანათლებლო-შემეცნებით ვიდეოებს და Facebook-ის და YouTube-ის გვერდებზე დებენ. „ ამ ინიციატივას ახროციელებს ორგანიზაცია PH International-ი, USAID - ის პროექტის „მომავლის თაობა" ფარგლებში. წყარო: USAID-ის ვებ-გვერდი

აჭარა. „ახალგაზრდა ადვოკატებმა" ქობულეთში მუნიციპალიტეტის ზოგადსაგანმანათლებლო სკოლებში განხორციელებული პროექტის: „ქობულეთი – ტოლერანტობის ქალაქი" შემაჯამებელი ღონისძიება გამართეს. პროექტმა გამოავლინა საპრიზო I, II და III ადგილზე საუკეთესო თემები და გამარჯვებული ავტორები. სრულად... წყარო: ორგანიზაციის ვებ-გვერდი სოციალურ ქსელში

თბილისი. თბილისური ეზოს ფესტივალი არის „არტარეას" მიერ ორგანიზებული პროექტი, რომელიც სპორტისა და ახალგაზრდობის საქმეთა სამინისტროს ბავშვთა და ახალგაზრდობის განვითარების ფონდის დაფინანსებით ხორციელდება. „ე.წ. თბილისური ეზოების უმეტესობა, რომელიც თბილისში გვხვდება კულტურული მემკვიდრეობის ძეგლს წარმოადგენს და მნიშვნელოვნად განსაზღვრავს ქალაქის განუმეორებელ არქიტექტურულ იერსახეს. „არტარეას" პროექტის ფარგლებში დაგეგმილია მასშტაბური სახელოვნებო ფესტივალის მოწყობა, ტრადიციის განახლება და თბილისური ეზოებისთვის ახალი ფუნქციის შეძენა, რომელიც ერთი მხრივ ხელს შეუწყობს თბილისის კულტურული ცხოვრების გამრავალფეროვნებას, ახალგაზრდების ჩართულობას, მეორე მხრივ კი, წვლილს შეიტანს თბილისის კულტურული მემკვიდრეობის დაცვის მნიშვნელობის შესახებ საზოგადოების და ახალგაზრდა თაობის ცნობიერების ამაღლებაში," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 30 ივნისს, ასოციაცია ანიკას ოფისში გაიმართა ახალგაზრდული ორგანიზაციების მრგვალი მაგიდა თემაზე - ახალგაზრდული ორგანიზაციების გაძლიერების კონცეფცია ინკლუზიური სივრცის შექმნის გზით. აღნიშნული ინიციატივა ხორციელდება ასოციაცია ანიკას მიერ World Vision საქართველოსთან აქტიური თანამშრომლობით. სრულად... წყარო: ორგანიზაციის ვებ-გვერდი სოციალურ ქსელში

თბილისი. 12-14 სექტემბერს, ომბუდსმენი იწვევს იურიდიული ფაკულტეტის სამართლის სამაგისტრო პროგრამისა და საერთაშორისო სამართლის სამაგისტრო პროგრამის სტუდენტებს ტრენინგზე – „ლტოლვილთა საერთაშორისო დაცვის საკითხები". სრულად... წყარო: www.ombudsman.ge

სამეგრელო. ასოციაცია „ათინათის" ახალგაზრდული ცენტრის წევრმა, მარიამ სალიამ ახალგაზრდებს ჩაუტარა ტრენინგი „გაეროს მოდელირებაზე". „ახალგაზრდებმა მიიღეს ინფორმაცია გაეროს მოდელირების შესახებ, რა კომპონენტებისგან შედგება, რას მოიცავს თითოეული მათგანი და როგორ ხდება კონკრეტული ქვეყნის პოზიციის განაცხადის შემუშავება და შემდეგ პრეზენტაცია," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. გაეროს ბავშვთა ფონდი (იუნისეფი) მიესალმება საქართველოს პარლამენტის მიერ შეტყობინების პროცედურის შესახებ ბავშვის უფლებათა კონვენციის მესამე ფაკულტატური ოქმის რატიფიკაციას. „იუნისეფის აზრით, მესამე ფაკულტატური ოქმი ხელს შეუწყობს ბავშვთა მართლმსაჯულების სისტემებში ეროვნულ დონეზე ხარვეზების აღმოჩენას და ბავშვთა საკითხებზე მომუშავე დამოუკიდებელი უფლებადამცველი ინსტიტუტების გაძლიერებას," ნათქვამია ორგანიზაციის განცხადებაში. სრულად... წყარო: unicef.ge

აჭარა. 24-26 ივნისს, სამოქალაქო საზოგადოების ინსტიტუტის ბათუმის ფილიალმა პროექტის - „მართე შენი ქალაქი"-ს ფარგლებში ახალგაზრდებისთვის მორიგი ტრენინგი გამართა. „ახალგაზრდები ორ დღიანი ტრენინგის ფარგლებში თვითმმართველობისა და ბიუჯეტირების საკითხებს გაეცნენ. სხვადასხვა მოდულების საფუძველზე პრაქტიკულად გაიაზრეს თუ რა უფლებამოსილებები გააჩნია თვითმმართველობას და როგორ ღებულობს მონაწილეობას მოქალაქეები ქალაქის მართვაში. მოქალაქეთა მონაწილეობის მექანიზმებთან დაკავშირებით ტრენინგის მონაწილეებმა გააკეთეს სიტუაციური ამოცანები, რომლის საფუძველზეც უფრო ნათელი გახდა პეტიციის, სამოქალაქო მრჩეველთა საბჭოსა და დასახლების საერთო კრების შინაარსობრივი და პრაქტიკული მნიშვნელობა. პროექტი „მართე შენი ქალაქი" ხორციელდება ამერიკის შეერთებული შტატების საერთაშორისო განვითარების სააგენტოს (USAID) დაფინანსებით, (EWMI) ACCESS-ის პროექტის ფარგლებში.

თბილისი. 21 ივნისს ომბუდსმენთან არსებული შშმ პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის საკონსულტაციო საბჭოს მორიგი – მეექვსე სამუშაო შეხვედრა გაიმართა. „საბჭომ განიხილა დღის წესრიგით გათვალისწინებული საკითხები: შეზღუდული შესაძლებლობის მქონე პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის მიზნით დაგეგმილი და განხორციელებული ღონისძიებები, იმსჯელა შშმ პირთა უფლებების კონვენციის იმპლემენტაციის მონიტორინგის ანგარიშისთვის გამოსაყენებელ მეორად მონაცემებზე და იმ სფეროებზე, სადაც საჭიროა დამატებითი ინფორმაციის შეგროვება," ნათქვამია სახალხო დამცველის ვებ-გვერდზე. სრულად... წყარო: ombudsman.ge

სამეგრელო. 21 ივნისს ასოციაცია „ათინათის" ახალგაზრდული ცენტრის ორგანიზებით გაიმართა საჯარო ლექცია „ამბავი და ლიტერატურა". ლექციას უძღვებოდა მწერალი ზვიად კვარაცხელია. ღონისძიება ორგანიზებულია ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

ქვემო ქართლი. დმანისის ახალგაზრდული ცენტრის წევრებმა ჩაატარეს ტრენინგი თემაზე „ბავშვთა უფლებები". „ტრენინგის დროს ბავშვებმა განიხილეს საკითხები: ბავშვთა უფლებების კონვენცია, ადამიანის უფლებები და მოვალეობები, სისხლის სამართლებრივი პასუხისმგებლობა არასრულწლოვანებისთვის და ა.შ. გაიმართა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის(PITA)" -ს ფარგლებში," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 2016 წლის ბოლოს საქართველოში ბავშვთა ჰოსპისის გახსნაა დაგეგმილი. ეს იქნება პირველი დაწესებულება/სახლი, სადაც პალიატიურ მზრუნველობას გაუწევენ ქრონიკული და უკურნებელი სენით დაავადებულ ბავშვებს. „2013 წელს ჩატარდა კვლევა ბავშვთა პალიატიური მზრუნველობის საჭიროებაზე საქართველოში. როგორც კვლევამ აჩვენა, საქართველოში პალიატიური მზრუნველობა ყოველწლიურად 0-დან 18 წლამდე 839 ბავშვს ესაჭიროება. 2013 წელს ფონდმა დააფუძნა არასამეწარმეო, არაკომერციული იურიდიული ორგანიზაცია „ბავშვთა ჰოსპისი", რომლის გუნდი ბავშვებს უსასყიდლოდ, ბინაზე ემსახურება. კონკურსის ფარგლებში, ააიპ „ბავშვთა ჰოსპისი" და ფონდი „ღია საზოგადოება-საქართველო" იწვევს ფიზიკურ პირებს და ორგანიზაციებს შემოგვთავაზონ ჰოსპისის ლოგოს „ციცინათელების სამყარო" იდეები," ნათქვამია ორგანიზაციის ვებ-გვერდზე. სრულად... წყარო: www.osgf.ge

იმერეთი. იურიდიული განათლების ხელშეწყობისა და ტყიბულის რაიონის განვითარების ფონდების ერთობლივი პროექტის ფარგლებში სამოქალაქო განათლების საკვირაო სკოლამ სასწავლო პროცესი დაასრულა. სკოლის მსმენელებს შორის კონკურსი (ბრეინ-რინგი) გაიმართა. ჟიურის გადაწყვეტილებით, კონკურსში გაიმარჯვა გუნდმა „ფილოკრატოსი". გამარჯვებულებს გადაეცათ სამახსოვრო თასი. საკვირაო სკოლის ყველა მოსწავლე დაჯილდოვდა სერთიფიკატებითა და წიგნებით. წყარო: იურიდიული განათლების ხელშეწყობის ფონდი

აჭარა. ორგანიზაცია „ახალგაზრდა ადვოკატები" ახალ პროექტს იწებეს „ქობულეთი – ტოლერანტობის ქალაქი". მასში მონაწილეობას მიიღებენ მუნიციპალიტეტის საჯარო სკოლის დამამთავრებელი კლასების მოსწავლეები. პროექტის მიზანია ახალი თაობის სამოქალაქო პასუხისმგებლობის გაზრდის ხელშეწყობა. სრულად... წყარო: ორგანიზაციის ვებგვერდი სოციალურ ქსელში

თბილისი. 3 ივნისს, ომბუდსმენს მთავრობის ადმინისტრაციიდან შეატყობინეს, რომ საქართველოს მთავრობა ეთანხმება ომბუდსმენის რეკომენდაციას გაერთიანების წევრობის ნიშნით დისკრიმინაციის ფაქტის დადგენასთან დაკავშირებით. განათლების სამინისტრო კი მუშაობს „უმაღლესი განათლების შესახებ" საქართველოს კანონით დადგენილი რეგულაციების დახვეწაზე. „სახალხო დამცველის რეკომენდაციის შესაბამისად, იგეგმება ყველა სტუდენტი, გაერთიანებისადმი კუთვნილების მიუხედავად, უმაღლესი საგანმანათლებლო დაწესებულების მართვის პროცესში მონაწილეობის უფლებით საკანონმდებლო დონეზე იყოს უზრუნველყოფილი. მუშაობის დასრულების შემდგომ სამინისტრო კანონპროექტს განსახილველად საქართველოს მთავრობას წარუდგენს," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

ორგანიზაცია „ახალგაზრდა ადვოკატები" პროექტს: „ქობულეთი - ტოლერანტობის ქალაქი" განახორციელებს, რომელშიც მონაწილეობას მუნიციპალიტეტის საჯარო სკოლის IX_XII კლასის მოსწავლეები მიიღებენ. „პროექტის პრეზენტაცია ქობულეთში, 2016 წლის 8 ივნისს, ქობულეთის მუნიციპალიტეტის თვითმმართველობის დარბაზში, 12:00 საათზე გაიმართება. პროექტის მიზანია, ტოლერანტული ქალაქის ახალი თაობა მუდმივად გრძნობდეს სამოქალაქო პასუხისმგებლობას, როცა არსებობს თანამედროვე დროის ახალი გამოწვევები, როგორც გამოხატვის თავისუფლების, ასევე რელიგიის თავისუფლების მიმართულებით, რათა გაძლიერდეს ტრადიციებზე დაფუძნებული ურთიერთობები," ნათქვამია ორგანიზაციის ვებ-გვერდზე. სრულად... წყარო: barristers.ge

აჭარა. 29 მაისს, ბათუმის სახელმწიფო უნივერსიტეტში, გაიმართა დისკუსია თემაზე: „სეკულარულობა და მისი კრიზისი თანამედროვე საქართველოში". დისკუსიის თემაზე მოხსენება წაიკითხა ფილოსოფოსმა, ილიას სახელმწიფო უნივერსიტეტის პროფესორმა გიორგი მაისურაძემ. წყარო: presscafe.ge

თბილისი. 1 ივნისს, ომბუდსმენმა 2015 წლის საპარლამენტო ანგარიშის ბავშვის უფლებათა თავი წარმოადგინა. „ღონისძიებაზე სახალხო დამცველმა და ბავშვის უფლებათა ცენტრის წარმომადგენლებმა ისაუბრეს ბავშვთა უფლებრივ მდგომარეობაზე საქართველოში, მიმოიხილეს 2015 წელს ბავშვთა ინსტიტუციებში განხორციელებული მონიტორინგის შედეგები და ბავშვის უფლებათა დარღვევების ცალკეული შემთხვევების სტატისტიკა, დამსწრე საზოგადოებას გააცნეს რეკომენდაციები, რომლითაც სახალხო დამცველმა შესაბამის უწყებებს მიმართა. ისაუბრეს ბავშვის მიმართ ძალადობის, ბავშვთა სიღარიბის, სოციალური სამსახურის, ბავშვზე სახელმწიფო ზრუნვის, ბავშვის განათლების უფლებისა და სხვა მნიშვნელოვან საკითხებზე, ნათქვამია ომბუდსმენის ვებ-გვერდზე. სრულად... წყარო: www.ombudsman.ge

სამეგრელო. 31 მაისს, ასოციაცია „ათინათის" ახალგაზრდული ცენტრის ორგანიზებით ჩხორიის დედათა მონასტერში მოეწყო სათემო და მოხალისეობრივი აქტივობა. „ღონისძიების ფარგლებში ახალგაზრდებმა მოხალისეობრივად დაასუფთავეს თხილნარი, მოთიბეს ეზო და დაეხმარნენ დედებს სხვადასხვა საქმეში," ნათქვამი ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში