თბილისი. ამერიკაში და ევროპაში სტაჟირების და სტიპენდიების შესახებ ინფორმაცია მსურველებს შეუძლიათ მიიღონ 17 აპრილს განათლების საერთაშორისო გამოფენაზე. გამოფენას მართავს საგანმანათლებლო–საკონსულტაციო ორგანიზაცია  Edu-Guide.Ge. სრულად... წყარო: Edu-Guide.Ge.

შიდა ქართლი. ნატოს კვირეულის ფარგლებში, გორის სახელმწიფო სასწავლო უნივერსიტეტში სტუდენტური კონფერენცია „საქართველო და ჩრდილოატლანტიკური ინტეგრაციის პროცესი" გაიმართა. „კონფერენციაში სტუდენტები და საჯარო სკოლის მოსწავლეები მონაწილეობდნენ. მოსწავლეებისთვის ცალკე მიმდინარეობდა ესეების კონკურსი „მე, NATO და საქართველო”. გამარჯვებულებს „ნატოსა და ევროკავშირის შესახებ საინფორმაციო ცენტრის" მიერ დაწესებული სერტიფიკატები და პრიზები გადაეცათ", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ეკოლიდერთა სკოლის ორთვიანი კურსი დასრულდა. „გარემოსდაცვითი ინფორმაციისა და განათლების ცენტრში ჩვენი ეკოლიდერები ორი თვის განმავლობაში გარემოსდაცვით თემებს - მწვანე ეკონომიკის, ნარჩენების მართვის, ბიომრავალფეროვნების, წყლის რესურსების დაცვის, გარემოსდაცვითი პრინციპების, პროექტების წერისა და პიარ კამპანიების შესახებ გაეცნენ", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. სახალხო უნივერსიტეტთა გერმანული ასოციაცია (DVV International) 15 აპრილს მართავს დისკუსიას თემაზე: „სტუდენტური მოძრაობა სისტემური ცვლილებებისთვის". დისკუსიაში მონაწილეობას მიიღებენ თბილისისა და რეგიონების უნივერსიტეტების წარმომადგენლები. საჯარო დისკუსიის მომხსენებლები იქნებიან ლიკა ღლონტი (Erasmus + ეროვნული ოფისის კოორდინატორი, ნეირომეცნიერებათა დოქტორი), გიორგი მაისურაძე (ილიაუნის პროფესორი, ფილოსოფიურ მეცნიერებათა დოქტორი). სრულად... წყარო: ორგანიზაციის ვებგვერდი სოციალურ ქსელში

თბილისი. 12 აპრილს, არასამთავრობო ორგანიზაცია „ევროპული ახალგაზრდული ცენტრის" წარმომადგენლები და „საინფორმაციო ცენტრის ნატოსა და ევროკავშირის შესახებ" მოხალისეთა კლუბის წევრები ეროვნულ სასწავლო ცენტრ „კრწანისს" ესტუმრნენ. „ახალგაზრდების ვიზიტი სასწავლო ცენტრში, შეიარაღებული ძალების შესახებ ცნობიერების ამაღლებას და ქართველი სამხედროების მომზადების პირობების გაცნობას ისახავდა მიზნად", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 8 აპრილს, გორის სახელმწიფო სასწავლო უნივერსიტეტში პროექტ „სალექციო კურსი მსოფლიო რელიგიებისა და კულტურის შესახებ" ფარგლებში გაიმართა მესამე ლექცია. ლექციაზე იმსჯელეს ნაციონალიზმის, რელიგიისა და იდენტობის შესახებ. „პროექტს ახორციელებს „მშვიდობის, დემოკრატიის და განვითარების კავკასიური ინსტიტუტი" და „თანამშრომლობა მშვიდობისა და პროგრესისათვის", კონრად ადენაუერის ფონდის რეგიონული პროგრამისა და გორის სახელმწიფო სასწავლო უნივერსიტეტის მხარდაჭერით", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 12 აპრილს, პროგრამა „მომავლის თაობის" ფარგლებში განხორციელებული მცირე გრანტის „სამყარო ჩემს ირგვლივ" დახურვის ღონისძიება გაიმართა. „პროექტის მიზანი იყო ზუგდიდის მუნიციპალიტეტის სოფელ ახალაბასთუმნის საჯარო სკოლის საბუნებისმეტყველო ლაბორატორიული კაბინეტის გარემონტება, აღჭურვა და აქტიური ფუნქციონირება, რათა მოსწავლეებმა შეძლონ პრაქტიკული და მცირე ლაბორატორიული ცდების ჩატარება, საბუნებისმეტყველო საგნებში პრაქტიკული ცოდნის გაღრმავება", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ომბუდსმენი სახელმწიფო საზღვარზე არასრულწლოვანთა არამართლზომიერ გადაყვანაზე განცხადებას ავრცელებს. „საკითხის შესწავლისას დადგინდა, რომ არასრულწლოვანთა სავარაუდო გადაყვანას საზღვარზე ერთ-ერთი მშობელი უწევს ორგანიზებას, ბავშვის კანონიერი წარმომადგენლის შეტყობინებისა და თანხმობის გარეშე. 2015 წლის საპარლამენტო ანგარიშში სახალხო დამცველმა რეკომენდაციით მიმართა  საქართველოს მთავრობას, ბავშვთა სახელმწიფო საზღვარზე უკანონო გადაყვანის  პრევენციის მიზნით, გაძლიერდეს მუშაობა სახელმწიფოებთან ორმხრივი და მრავალმხრივი ხელშეკრულებების დადების მიმართულებით, რათა  უზრუნველყოფილ იქნეს ბავშვის გატაცებასთან დაკავშირებული გარემოებების აღმოჩენა და შესწავლა, ბავშვების სწრაფი დაბრუნება, ადმინისტრაციული და სასამართლო პროცედურების განხორციელება და რელევანტური ინფორმაციის გაცვლა", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. საქართველოს ჟურნალისტური ეთიკის ქარტია გაეროს ბავშვთა ფონდის მხარდაჭერით ბავშვთა საკითხების გაშუქების მონიტორინგის ახალ ეტაპს იწყებს. „მედია მონიტორინგის მიზანი ელექტრონულ, ონლაინ და ბეჭდურ მედიაში ბავშვთა საკითხებზე გამოქვეყნებული მასალების შესწავლა, ბავშვთა უფლებებთან, ეთიკურ ნორმებსა და სიღრმისეულად გაშუქების პროფესიულ სტანდარტებთან შესაბამისობის ანალიზია. მონიტორინგი 2016 წლის 1 აპრილიდან 30 ნოემბრამდე ჩატარდება", ნათქვამია ორგანიზაციის ვებ-გვერდზე. სრულად... წყარო: www.media.ge

სამეგრელო. ორგანიზაცია „ევროპული ახალგაზრდული ცენტრის" ორგანიზებით, მოეწყო ინტელექტუალური თამაში „რა? სად? როდის?" ევრო-ატლანტიკურ საკითხებზე. ღონისძიება ნატოს კვირეულის ფარგლებში გაიმართა და მასში მონაწილეობა მიიღო 6 სკოლის გუნდმა ზუგდიდის მუნიციპალიტეტიდან. პროექტის მხარდამჭერია „საინფორმაციო ცენტრი ნატოსა და ევროკავშირის შესახებ" და ნატოს სამეკავშირეო ოფისი საქართველოში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 11 აპრილს, „ათინათის" ორგანიზებით, სამოქალაქო განათლების პროგრამა „მომავლის თაობის" ფარგლებში, ჩატარდა სამოქალაქო განათლების ბანაკი. ბანაკის მიზანია კლუბების გააქტიურება, მოსწავლეებისათვის ისეთი უნარ-ჩვევების შეძენა, რომელიც დაეხმარება მათ ინიციატივების დაგეგმვისა და განხორციელებაში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 7 აპრილს, არასამთავრობო ორგანიზაციამ „ევროპული ახალგაზრდული ცენტრი" შეხვედრა გამართა სოფელ ზედა ეწერის საჯარო სკოლაში. „შეხვედრა ნატოს კვირეულის ფარგლებში გაიმართა. ის მიზნად ისახავდა, მოსწავლეებისათვის ნატოსა და საქართველოს ევრო-ატლანტიკური ინტეგრაციის საკითხებზე ინფორმაციის მიწოდებას. შეხვედრის ბოლოს მოეწყო დისკუსია საქართველოს საერთაშორისო უსაფრთხოების მისიებში მონაწილეობის შესახებ. ხაზი გაესვა, პროცესში ახალგაზრდების ჩართულობის მნიშვნელობას", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. 6 აპრილს სამცხე-ჯავახეთის სახელმწიფო უნივერსიტეტში ლიტერატურული პრემია „საბა”-ს ორგზის მფლობელის, მთარგმნელისა და მწერლის ანა კორძაია–სამადაშვილის საჯარო ლექციას „ტრადიციები და სტერეოტიპები” უმასპინძლა. „ლექცია „ტრადიციები და სტერეოტიპები” ქალთა საინფორმაციო ცენტრის პროექტის „გაძლიერებული ქალები მშვიდობისა და განვითარებისათვის” ფარგლებში გაიმართა, რომელიც ხორციელდება აშშ-ს სახელმწიფო დეპარტამენტის მხარდაჭერით”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 6 აპრილს, არასამთავრობო ორგანიზაცია „ევროპული ახალგაზრდული ცენტრის" დამფუძნებელმა და ხელმძღვანელმა და ცენტრის აღმასრულებელმა მდივანმა შეხვედრა გამართეს ქ. ზუგდიდის N1 საჯარო სკოლაში. შეხვედრა ნატოს კვირეულის ფარგლებში გაიმართა. ის მიზნად ისახავდა, მოსწავლეებისათვის ნატოსა და საქართველოს ევრო-ატლანტიკური ინტეგრაციის საკითხებზე ინფორმაციის მიწოდებას. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. გორის სახელმწიფო სასწავლო უნივერსიტეტში პროექტ „უცნობი” საბჭოთა წარსულის ფარგლებში მესამე ლექცია გაიმართა. პროექტი ხორციელდება ჰაინრიჰ ბიოლის ფონდის სამხრეთ კავკასიის რეგიონული ბიუროსა და გორის სახელმწიფო სასწავლო უნივერსიტეტის მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 1 აპრილს ასოციაცია „ათინათში” ჩატარდა ტრენინგი ადვოკატირების შესახებ სამოქალაქო განათლების პროგრამა „მომავლის თაობის” ფარგლებში. სამოქალაქო კლუბების წევრებმა მიიღეს ინფორმაცია ადვოკატირების კამპანიის სწორად წარმოების შესახებ. მოსწავლეებმა წამოჭრეს პრობლემები და მომავალში, ამ პრობლემების მოსაგვარებლად იმუშავებენ. სრულად... წყარო: ორგანიზაციის ვებ-გვერდი სოციალურ ქსელში

თბილისი. არასამთავრობო ორგანიზაცია „ევროპული ახალგაზრდული ცენტრი" ახალ სოციალოგიურ კვლევას იწყებს, რომელშიც 15-18 წლის ახალგაზრდები ჩაერთვებიან. კვლევის მიზანია, გამოკვეთოს ახალგაზრდების შეხედულება ნატო-სა და ევროკავშირის, ასევე საქართველოს ევროატლანტიკური ინტეგრაციის შესახებ. „ასევე, კვლევა შეაფასებს ახალგაზრდების ჩართულობასა და ახალგაზრდული კვლევების მუშაობას სკოლებისა და უნივერსიტეტების ბაზებზე ევრო-ატლანტიკური საკითხების მიმართულებით. შეგახსენებთ, რომ კვლევა ორგანიზაცია „ევროპული ახალგაზრდული ცენტრის" ორგანიზებით წელიწადში ორჯერ იმართება. ის 31 მარტს დაიწყება და 15 აპრილს დასრულდება. კვლევის შედეგების პრეზენტაცია კი 20 აპრილს მოხდება", ნათქვამია ორგანიზაციის ვებ-გვერდზე. სრულად... წყარო: www.timer.ge

სამეგრელო. 31 მარტს, ზუგდიდის მუნიციპალიტეტის სოფელ ჭაქვინჯის საჯარო სკოლის სამოქალაქო კლუბ „იმედი ხვალის” წევრებმა ჩაატარეს პროექტ „ფუტკარი ჯანმრთელობის და განვითარების საწინდარია”-ს დახურვის ღონისძიება. „პროექტის მიზანი იყო მეფუტკრეობის აღორძინება და მოსწავლეებში მოვლის უნარ-ჩვევების გამომუშავება, თანამედროვე ტექნოლოგიების გამოყენების დანერგვა სამრეწველო მეფუტკრეობაში, თეორიული, პრაქტიკული, კვლევითი უნარების გამომუშავებ”, ნათქვამია ორგანიზაცის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. ასოციაცია „ათინათის" წარმომადგენლები „საქართველოს დაწყებითი განათლების პროექტის (G-PriED)-ის" ფარგლებში მოხალისეობრივად ატარებენ ბიზნესის უნარ-ჩვევების გაკვეთილებს აფხაზეთის #1, #11 და ზუგდიდის #11 საჯარო სკოლების მეხუთე და მეექვსე კლასის მოსწავლეებისათვის. პროექტი დაწყებითი კლასების მოსწავლეებს სთავაზობს ბიზნესისათვის საჭირო უნარების, სააზროვნო და პრაქტიკული ჩვევების განვითარების შესაძლებლობას. სრულად... წყარო: ორგანიზაციის ვებ-გვერდი სოციალურ ქსელში

აჭარა. 24 მარტს, ბათუმის დემოკრატიული ჩართულობის ცენტრში ახალი საზოგადოებრივი ორგანიზაციის პრეზენტაცია გაიმართა. ბათუმში „ქალთა ასოციაცია" დაფუძნდა, რომელიც რამდენიმე მიმართულებით იმუშავებს, მათ შორისაა კულტურისა და განათლების სფეროები. ქალთა ასოციაცის წევრები პროექტების განხორციელებას გეგმავენ, სადაც ახალგაზრდები ჩაერთვებიან. ისინი საქართველოსა და ქვეყნის ფარგლებს გარეთ სხვადასხვა ორგანიზაციასთან თანამშრომლობას და ერთობლივი პროგრამების შემუშავებას გეგმავენ. პირველ რიგში მათი მიზანია ადგილობრივ საზოგადოებრივ ორგანიზაციებთან თანამშრომლობა და პროექტების განსახორციელებლად ახალგაზრდების მოსაზიდად გამოცდილი ორგანიზაციების გამოცდილების გაზიარება. შეხვედრას მესამე სექტორის წარმომადგენლები და ახალგაზრდები ესწრებოდნენ.

აჭარა. 23-25 მარტს, აჭარის სპორტისა და ახალგაზრდობის საქმეთა დეპარტამენტის ინიციატივით და ორგანიზაცია „მარკას" ორგანიზებით ახალგაზრდული ფორუმი გაიმართა - „რეგიონის განვითარება და ახალგაზრდობის როლი". აჭარა ახალგაზრდულ ფორუმს მეოთხედ მასპინძლობს. სამი დღის განმავლობაში სტუდენტები, ადგილობრივი თვითმმართველობის, არასამთავრობო ორგანიზაციის და მედიის წარმომადგენლები რეგიონისთვის მნიშვნელოვან საკითხებზე მსჯელობდნენ. ახალგაზრდებმა ასევე აჭარაში სხვადასხვა მიმართულებით არსებული პრობლემების გადაჭრის გზების დასახვაზე ჯგუფურად იმუშავეს.

აჭარა.23-24 მარტს, ბათუმის დემოკრატიის ჩართულობის ცენტრში, სამოქალაქო საზოგადოების ბათუმის ფილიალისა და ბათუმის საკრებულოსთან არსებული სამოქალაქო მრჩეველთა საბჭოს ერთობლივი ორგანიზებით საინფორმაციო შეხვედრები გაიმართა. ამ ეტაპზე ახალგაზრდები ბათუმის მერიის განათლებისა და კულტურის განყოფილების, ასევე, სპორტისა და ახალგაზრდობის სამსახურების 2016 წლის მუნიციპალურ პროგრამებს გაეცვნენ. ინფორმაციის მიღებასთან ერთად დისკუსიის რეჟიმში განიხილეს ის პროგრამები, რომელთა შინაარსი ბათუმელი ახალგაზრდების მოთხოვნებს ვერ პასუხობს და არ არის მორგებული ადგილობრივების ინტერესებზე. შეხვედრაზე გარკვეული რეკომენდაციები მიიღო მერიის ახალგაზრდობის საქმეთა განყოფილების წარმომადგენელმა საზაფხულო სტუდენტური დასაქმებისა და ახალგაზრდული ცენტრის შესახებ. განათლებისა და კულტურის სამსახურის ხელმძღვანელს კი სტუდენტებმა თავიანთი შენიშვნები თავისუფალი პროექტების ფინანსურ ანგარიშსწორებასა და განხორციელებასთან დაკავშირებულ ბარიერებზე გააკეთეს.