ქვემო ქართლი. სიქას ევროპელ მოხალისეებმა 24 თებერვალს, სამოქალაქო განათლებისა და პედაგოგთა გადამზადების პროგრამის ფარგლებში ჩაატარეს ტრენინგი თემაზე „გენდერული თანასწორობა". ტრენინგი ჩატარდა გარდაბნის მუნიციპალიტეტის სოფელ ქესალოს საჯარო სკოლაში და დაესწრო ამავე სკოლის სამოქალაქო კლუბის 37 წევრი. ტრენინგის მიზანი იყო მონაწილეები გაცნობოდნენ უფრო დეტალურ ინფორმაციას გენდერულ თანასწორობის შესახებ. ტრენინგი მიმდინარეობდა ინტერაქტიულად კითხვა-პასუხის რეჟიმში. მონაწილეებმა ნახეს უცხოელი მოხალისეების მიერ მომზადებული პრეზენტაცია, სადაც მოყვანილი იყო საქართველოში გენდერული თანასწორობა-უთანასწორობის მაგალითები. ტრენინგი მიმდინარეობდა თარგმანით ინგლისურიდან ქართულ და აზერბაიჯანულ ენებზე. წყარო:ორგანიზაციის გვერდი სოციალურ ქსელში

კახეთი. ჯანსაღი მომავლისთვის – ასე ჰქვია პროექტს, რომლის ფარგლებში თელავში შეიქმნა და აღიჭურვა მედია–ლაბორატორია. სადაც პროექტის მონაწილე ახალგაზრდები სწავლობენ ოპერატორის, მემონტაჟის, რეჟისორის, სცენარისტის პროფესიების საფუძვლებს და თავად გადაიღებენ რამდენიმე ვიდეო რგოლს. პროექტში მონაწილეებს ჩაუტარდათ ტრენინგები სხვადასხვა მიმართულებით. მათ პირველი ფილმი უკვე გადაიღეს, რომელიც ჯანსაღი ცხოვრების წესისა და ცრუ შეტყობინებების შესახებ არის.

სამეგრელო. ასოციაცია „ათინათში" შედგა შეხვედრა, რომლის მიზანიც იყო ორგანიზაციის შემდგომი განვითარების ხელშეწყობა, მიმდინარე პროექტებში სიახლეებზე ინფორმაციის გაცვლა და ერთიანი სამოქმედო –საორგანიზაციო საკითხების შემუშავება. შეხვედრაზე მიმდინარე პროექტების კოორდინატორებმა წარმოადგინეს პრეზენტაციები, მათ შორის წარმოდგენილ იქნა პროექტ „ეროვნული ინტეგრაციის გაძლიერება საქართველოში", თუ რა მიმართულებით მუშაობს პროექტი, რამდენი ახალგაზრდაა ჩართული და რა უპირატესობები აქვს პროექტს. პროექტის პრეზენტაცია წარმოადგინა პროექტის კოორდიანტორმა. შეხვედრას ესწრებოდა რადიო ათინათის ჟურნალიტები, ასოციაცია „ათინათის" თანამშრომლები, ასევე „განათლების სახლის" წარმომადგენლები. წყარო:ორგანიზაციის გვერდი სოციალურ ქსელში

თბილისი. 21 თებერვალს „საქართველოს ახალგაზრდა დიპლომატთა კლუბმა" გახსნა საქართველოს პარლამენტის მოდელირების ტრადიციული ზამთრის სესია. ღონისძიებაში მონაწილეობას იღებს 200-ზე მეტი ახალგაზრდა თბილისიდან და საქართველოს რეგიონებიდან. სესიის სლოგანია „ახალგაზრდები ევროპული არჩევანისთვის". 3 დღის განმავლობაში დელეგატები იმუშავებენ ნატოსა და ევროკავშირში საქართველოს ინტეგრაციისთვის აუცილებელ საკანონმდებლო ინიციატივებზე. წყარო:ორგანიზაციის გვერდი სოციალურ ქსელში

ქვემო ქართლი. 21 თებერვალს სიქამ ორგანიზება გაუკეთა შეხვედრას თამარ გურჩიანთან. სამოქალაქო კლუბების ლიდერებთან შეხვედრისას სტუმარტმა ახალგაზრდებს გაუზიარა გამოცდილება, რაც დისკუსიაში გადაიზარდა. ახალგაზრდები დაინტერესდნენ თამარ გურჩიანის შეხედულებებით სხვადასხვა აქტუალურ თემაზე. წყარო:ორგანიზაციის გვერდი სოციალურ ქსელში

ქვემო ქართლი. 24 თებერვალს, დმანისის ახალგაზრდული ცენტრის წევრები სოფელ ოროზმანის საჯარო სკოლას ესტუმრნენ. შეხვედრაზე ცენტრის ერთერთმა წევრმა ჩაატარა ტრენინგი - „ჯანსაღი ცხოვრების წესები" აზერბაიჯანულ ენაზე. ტრენინგს ესწრებოდნენ 11-12 კლასის მოსწავლეები. შეხვედრაზე მანაწილეემა განიხილეს თემები: სწორი კვება, ნარკომანია, ალკოჰოლიზმი და თამბაქოს მოწევა. წყარო:ორგანიზაციის გვერდი სოციალურ ქსელში

კახეთი. 20 თებერვალს, თელავის ახალგაზრდულ ცენტრში ქართულ–ჰოლანდიური პროექტის ,,მეგობრული გზების’’ პრეზენტაცია გაიმართა. შეხვედრაზე ახალგაზრდებმა ინფორმაცია მიიღეს პროგრამის ფარგლებში დაგეგმილი ღონისძიებების შესახებ და დაგეგმეს კონკრეტული აქტივობები, რათა ამ კამპანიას შეუერთდნენ. ისინი ერთი კვირის განმავლობაში ქალაქის მასშტაბით გადაიღებენ ფოტოებს, შეხვდებიან სკოლის მოსწავლეებს და შეეცდებიან, რაც შეიძლება მეტი ადამიანი ჩაერთოს ამ ღონისძიებაში. პროექტს ფონდი ,,პარტნიორობა საგზაო უსაფრთხოებისთვის’’ ახორციელებს. წყარო: ორგანიზაციის გვერდი სოციალურ ქსელში.

კახეთი. ადვოკატირების კამპანია, რომელიც თელავის მოსახლეობის ინფორმირებასა და დასუფთავების მოსაკრებლის შესახებ მდგომარეობის დაძლევას ისახავდა მიზნად, დასრულდა. კამპანიის ფარგლებში ახალგაზრდული კლუბის მოსწავლეების მიერ დარიგდა საინფორმაციო ბიულეტენები დასუფთავების მოსაკრებლის ოდენობისა და გადახდის გზების შესახებ, ინფორმაცია თელავის 20000–მდე მაცხოვრებელს მიეწოდა. აქტივობა ადგილობრივ ხელისუფლებასთან აქტიური თანამშრომლობით განხორციელდა ეროვნული ინტეგრაციის გაძლიერების პროექტის (ANI) ფარგლებში, რომელსაც საქართველოს გაეროს ასოციაცია (UNAG) აშშ–ის საერთაშორისო განვითარების სააგენტოს (USAID) მხარდაჭერით ახორციელებს. წყარო: ორგანიზაციის გვერდი სოციალურ ქსელში.

აჭარა. 22 თებერვალს, „ბათუმის ახალგაზრდულ ცენტრში" გაიმართა ქართულ-ჰოლანდიური პროექტის „მეგობრული გზების" პრეზენტაცია. ღონისძიებაზე ახალგაზრდებმა მიიღეს ინფორმაცია პროგრამის ფარგლებში დაგეგმილი ღონისძიებების და მათში მონაწილეობის შესახებ, რომელსაც მომავალში ადვოკატირების კამპანიის ჩატარებისას გამოიყენებენ. აღნიშნული პროექტი ითვალისწინებს შავი წერტილების ონლაინ რუქის შექმნას ვებ-გვერდზე www.megobruligzebi.ge  პრეზენტაცია ჩატარდა პროექტის ფარგლებში „ეროვნული ინტეგრაციის გაძლიერება საქართველოში"(ANI), რომელსაც ახორციელდებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით. წყარო:ორგანიზაციის გვერდი სოციალურ ქსელში

სამცხე-ჯავახეთი.  22 თებერვალს არასამთავრობო ორგანიზაციამ „სამოქალაქო ინიციატივების ასოციაციამ" ახალციხეში კვლევის შედეგების პრეზენტაცია გამართა. ახალგაზრდების თვალით დანახული პრობლემები - ამ მიმართულებით კვლევა ორ მუნიციპალიტეტში: ახალციხესა და ახალქალაქში  2014 წლის იანვრის თვეში ჩატარდა. კვლევის მიზანი ახალგაზრდების პრობლემებისა და არსებული სოციალურ-ეკონომიკური მდგომარეობის შესახებ მათი ხედვის დადგენა იყო. გამოიკითხა 18-დან 29 წლამდე ასაკის 130  რესპონდენტი . კვლევა პროექტის „მრავალფეროვნება - ჩვენი სიძლიერე"  – ფარგლებში მომზადდა. ფინანსური მხარდაჭერა კი სტრატეგიისა და საერთაშორისო ურთიერთობების კვლევის ფონდმა და ფინეთის მთავრობამ გაუწიეს. 

თბილისი. „თავისუფალი დებატების ლიგამ" კონგრესის მოდელირება ჩაატარა. ღონისძიება სამი დღის განმავლობაში თავისუფალ უნივერსიტეტში და საქართველოს ეროვნულ ბიბლიოთეკაში გრძელოდებოდა. კონგრესის მოდელირება მოიცავდა ლექციებს, საკომიტეტო სამუშაოებსა და გენერალურ ასამბლეას.  მოდელირებაზე წარმოდგენილი იყო 7 პალატა: ეკონომიკის პალატა;  ადამიანის უფლებათა დაცვის პალატა;  ჯანდაცვის პალატა;  ევროპასთან ინტეგრაციის პალატა;  გარემოს დაცვის პალატა;  განათლების პალატა; თავდაცვის პალატა. წყარო:ორგანიზაციის გვერდი სოციალურ ქსელში

ქვემო ქართლი. 23 თებერვალს, სიქას ოფისში ჩატარდა კლუბ „უნარები პროფესიული წარმატებისთვის" ახალი სეზონის პირველი სატრენინგო შეხვედრა. ღონისძიება სტერეოტიპების თემას დაეთმო. შეხვედრა დატვირთული იყო სხვადასხვა აქტივობით, ვიდეო ჩვენებითა და დისკუსიით. მომდევნო სამი თვის განმავლობაში კლუბის ყოველკვირეული შეხვედრები სხვადასხვა თემატიკას დაეთმობა, როგორიცაა ეფექტური კომუნკაცია, კონფლიქტების მართვა, ლიდერობა და გუნდური მუშაობა, პროექტების წერა, დებატების ხელოვნება, ეფექტური პრეზენტაცია, CV-ის შედგენა და საჯარო გამოსვლა. ასევე, კლუბის წევრებს მიეცემათ შესაძლებლობა მონაწილეობა მიიღონ სხვადასხვა საერთაშორისო გაცვლით პროგრამებში. წყარო:ორგანიზაციის გვერდი სოციალურ ქსელში

იმერეთი. სამეცნიერო-ინტელექტუალურ კლუბ „თაობათა დიალოგში" „შემეცნებითი-გასართობი" პროგრამის ფარგლებში „პოეზიის წუთები" მოეწყო. წევრთა შეხვედრაზე ორგანიზაციის წევრებმა შუა საუკუნის პოეზია განიხილეს, მათ შორის ფრანგული ლექსებიც. ასევე საუბარი იყო მე-19, მე-20-სა და 21-ე საუკუნის პოეტებსა და მათ შემოქმედებაზე.  წყარო:ორგანიზაციის გვერდი სოციალურ ქსელში

ქვემო ქართლი. 21 თებერვალს, სიქას ოფისში სამოქალაქო განათლებისა და პედაგოგთა გადამზადების პროგრამის ფარგლებში ჩატარდა სოციალური მედიის ტრენინგი „როგორ გადავიღოთ ვიდეო". ტრენინგს უძღვებოდნენ ბლოგერები და მას რუსთავის საჯარო სკოლების სამოქალაქო კლუბების წევრები ესწრებოდნენ. მოსწავლეებმა ისწავლეს ვიდეოკამერით მუშაობა, კადრების სწორად შერჩევა ვიდეოს გადაღების პროცესში, თუ როგორ მოახდინონ ვიდეოს დისტრიბუცია და ასევე გაეცნენ ვიდეო ადვოკატირებით პრობლემის მოგვარების გზებს. ტრენინგის მონაწილეებმა შეასრულეს პრაქტიკული დავალებაც და მათ 4 კადრში გადმოსცეს სხვადასხვა თემა თუ პრობლემა. წყარო:ორგანიზაციის გვერდი სოციალურ ქსელში

სამეგრელო. 21 თებერვალს ასოციაცია „ათინათის" ახალგაზრდული ცენტრ „ორტუსის" წევრები ესტუმრნენ ზუგდიდის რაიონულ სასამართლოს, სასწავლო ვიზიტის ფარგლებში. ახალგაზრდებს შესაძლებლობა მიეცათ სასამართლო სხდომას დასწრებოდნენ.ღონისძიების მიზანი იყო ბავშვებში ცნობიერების ამაღლება კანონმდებლობის საკითხში, ინფორმაციის მიღება რაიონული სასამართლოს სტრუქტურის შესახებ. ვიზიტი მოეწყო პროექტ ეროვნული ინტერგრაციის გაძლიერების ფარგლებში. რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების ფინანსური მხარდაჭერით. წყარო: ორგანიზაციის ვებგვერდი სოციალურ ქსელში

აჭარა. 20 თებერვალს, ბათუმის მეორე საჯარო სკოლაში ახალგაზრდულმა ორგანიზაციამ „ცვლილებები თანაბარი უფლებებისათვის" მორიგი „სიკეთის გაკვეთილი" გამართა. მე-5 - 6 კლასის მოსწავლეებს შეზღუდული შესაძლებობების მქონე პირებთან დაკავშირებულ საკითხებზე ესაუბრნენ. ასევე მიაწოდეს ტერმინების განმარტებები. „სიკეთის გაკვეთილები" ტარდება შშმ პირების ადვოკატირების პროექტის"ფარგლებში.

იმერეთი. 20 თებერვალს ქუთაისის ახალგაზრდული ცენტრის წევრებისათვის მოეწყო ქართულ–ჰოლანდიური პროექტის „მეგობრული გზების" პრეზენტაცია. პროექტს ფონდი „პარტნიორობა საგზაო უსაფრთხოებისათვის" ახორციელებს. პრეზენტაციის მიზანი იყო ახალგაზრდებს მიეღოთ ინფორმაცია პროგრამის ფარგლებში დაგეგმილი ღონისძიებების შესახებ, ასევე როგორ უნდა გახდეს საქართველოს გზები უსარფხო მოქალაქეებისთვის და როგორ უნდა ავიცილო საგზაო შემთხვევები და რისკები. ახალგაზრდული ცენტრის თანატოლგანმანათლებლებმა მიიღეს გადაწყვეტილება, რომ აღნიშნული პროგრამის პრეზენტაციები გამართონ საჯარო სკოლებში და მოაწყოს საინფორმაციო კამპანიები. პრეზენტაცია გაიმართა საქართველოში ეროვნული ინტეგრაციის პროექტის ფარგლებში, რომელსაც ახორციელებს გაეროს ასოციაცია, აშშ–ის საერთაშორისო განვითარების სააგენტოს მხარდაჭერით. წყარო: ქუთაისის ახალგარდული ცენტრის ვებგვერდი სოციალურ ქსელში

აჭარა. 19 თებერვალს, ბათუმის პრესკაფეში, ორგანიზაციის „რეალური ხალხი, რეალური ხედვა" ინივიატივით ადგილობრივ ახალგაზრდებთან შეხვედრა მოეწყო. შეხვედრის მიზანი შიდსის ინფექციაზე ინფორმაციის მიწოდება და სხვადსხვა პრევენციული ზომების გაცნობა იყო. ღონისძიების სახელი „უთხარი შენ მეგობარს" გულიხმობდა შიდსის სწრაფი ტესტის გაკეთების პროპაგანდას. შეხვედრის დასრულების შემდეგ სურვილისამებრ ახალგაზრდებს საშუალება ჰქონდათ სწრაფი ტესტი ლაბორატორიაში უფასოდ გაეკეთებინათ. რამდენიმე ახალგაზრდამ ტესტი ჩაიტარა და თავიანთ მეგობრებს მოუწოდა თავდაჯერებულობის მიუხედავად ყველამ გაიკეთოს ტესტი. უფასო ტესტის აქცია 21 თებევალს დასრულდება.

თბილისი. 20 თებერვალს 18:30 საათზე „ფრონტლაინ კლუბში" ჯიპას საზოგადოებასთარ ურთიერთობის სამაგისტრო პროგრამის სტუდენტები გამართავენ ადამიანის უფლებების თემატიკაზე დაგეგმილი კამპანიების პრეზენტაციას. სტუდენტები წარმოადგენენ კამპანიებს შემდეგ თემატიკაზე: შშმ პირთა პრობლემები, ფსიქიკური ჯანმრთელობის მქონე პირთა პრობლემები, გარემოს დაცვის, გენდერული უთანასწორობისა და სისხლის უსასყიდლოთ დონაცია. პროექტი „კომუნიკაცია ჯანმრთელობის უფლებებისათვის" „ბალტიისა და შავი ზღვის ალიანსი საქართველოს" მიერ „ღია საზოგადოება საქართველოს" მხარდაჭერით ხორციელდება. პროექტი ითვალისწინებს საქართველოს საზოგადოებრივ საქმეთა ინსტიტუტის სტუდენტებისა და არასამთავრობო ორგანიზაციების თანამშრომლობას, მათ შორის ინფორმაციის გაცვლასა და ადამიანის უფლებების თემაზე ეფექტური კომუნიკაციის ხელშეწყობას. წყარო: ჯიპას ვებგვერდი

თბილისი. ორგანიზაცია სიქას ინიციატივით, „სამოქალაქო განათლებისა და პედაგოგთა გადამზადების პროგრამის" ფარგლებში, 19 თებერვალ ბოლნისის სასკოლო სამოქალაქო კლუბების წარმომადგენლები ესტუმრნენ ინტელექტუალური საკუთრების ეროვნულ ცენტრს. მოსწავლეებს ცენტში გიდობა გაუწია სასაქონლო ნიშნებისა და გეოგრაფიული აღნიშვნების დეპარტამენტის უფროსმა, რომელიც ვიზიტორებს ესაუბრა ქართული გამოგონებების ბრენდების სახელების (ღვინოების, მინერალური წყლების და სხვა) რეგისტრაციის და საავტორო უფლებების შესახებ. ბატონმა გიორგიმ ვიზიტორებს დაათვალიერებინა ცენტრში არსებული ბიბლიოთეკა, მარანი და სტუმრების მისაღები სივრცე. წყარო: ორგანიზაციის ვებგვერდი სოციალურ ქსელში

სამცხე–ჯავახეთი. თანატოლთა განათლების ფარგლებში, ახალციხის ახალგაზრდული ქსელი წევრებმა პრეზენტაცია გამართეს ნარჩენების მართვის საკითხებზე. ღონისძიება გაიმართა ეროვნული ინტეგრაციის გაძლიერების პროექტის ფარგლებში, რომელსაც გაეროს ასოციაცია, აშშ–ის საერთაშორისო განვითარების სააგენტოს ფინანსური მხარდაჭერით ახორციელებს. წყარო: დემოკრატ მესხთა კავშირის ვებგვერდი სოციალურ ქსელში

იმერეთი. 17-18 თებერვალს, ქუთაისის ახალგაზრდული ცენტრის წევრებისათვის გაიმართა ტრენინგ–სემინარი ადამიანის უფლებების შესახებ. მისი მიზანი იყო ადამიანის უფლებების შესახებ ახალგაზრდებისთვის ინფორმაციის მიწოდება და ცნობიერების ამაღლების ხელშეწყობა. მონაწილეები გაეცნენ რა არის ადამიანის უფლებები, პირადი ცხოვრების ხელშეუხებლობის უფლება, კონსტიტუციური დებულებები, დისკრიმინაციის განსაზღვრება, ლიბერალური ღირებულებები, სიძულვილის ენა, საერთაშორისო აქტები და ა.შ. ღონისძიება გაიმართა ეროვნული ინტეგრაციის გაძლიერების პროექტის ფარგლებში, რომელსაც ახორციელებს საქართველოს გაეროს ასოციაცია, აშშ–ის საერთაშორისო განვითარების სააგენტოს მხარდაჭერით. წყარო: ორგანიზაციის ვებგვერდი სოციალურ ქსელში