ქვემო ქართლი. 10 თებერვალს, გარდაბნის ახალგაზრდულ ცენტრში ჩატარდა ტრენინგი „ადვოკატირება". ტრენინგის მიზანი იყო ადვოკატირების აქციების დაგეგმვა და ორგანიზება. საბოლოოდ მონაწილეებმა აირჩიეს 3 ძირითადი თემა, რომლის შესახებაც ახლო მომავალში ჩატარდება აქიციები და გამოკვლევები. წყარო:ორგანიზაციის გვერდი სოციალურ ქსელში

შიდა ქართლი. 10 თებერვალს, ასოციაცია „გორის ინვალიდთა კლუბთან" არსებული ახალგაზრდული ცენტრი, გორის სახელმწიფო სასწავლო უნივერსიტეტს ეწვია, სადაც გაეცნო პროფესიულ საგანმანათლებლო პროგრამებს. პროფესიული პროგრამების ადმინისტრატორმა მიაწოდა ინფორმაცია პროფესიულ პროგრამებზე ჩარიცხვის, სპეციალობებისა და სწავლის შესახებ, სადაც 2013 წლიდან სწავლა მიმდინარეობს სახელმწოფო დაფინანსებით. აქტივობა დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი". წყარო:ორგანიზაციის გვერდი სოციალურ ქსელში

იმერეთი. 10 თებერვალს, საჩხერის მუნიციპალიტეტის სოფელ ჩიხას საჯარო სკოლაში სამოქალაქო განათლებისა და პედაგოგთა გადამზადების პროგრამის ფარგლებში, სამოქალაქო კლუბი დაარსდა. ახლად შექმნილ სამოქალაქო კლუბს კონსულტაციები გაეწია კლუბის სტრუქტურისა და ფუნქციონირების შესახებ. შეხვედრის მონაწილეები გაეცნენ წლის სამუშაო გეგმის პრიორიტეტებს და იქვე შეიმუშავეს თავიანთი კლუბების სამუშაო გეგმები. შეხვედრას სულ 32 მოსწავლე ესწრებოდა. წყარო: ეკონომიკური პოლიტიკის კვლევის ცენტრის გვერდი სოციალურ ქსელში

იმერეთი. 8 თებერვალს, ქუთაისის ახალგაზრდული ცენტრის წევრებისათვის გაიმართა სემინარი „ტოლერანტობის კულტურის საფუძვლები". ღონისძიებას სახალხო დამცველის აპარატის წარმომადგენლები უძღვებოდნენ. შეხვედრაზე განიხილეს საკითხები: ტოლერანტობის კულტურის საფუძვლები, რელიგიური და ეთნიკური უმცირესობების უფლებები, რელიგიების ისტორია, რელიგიური უმცირესობებთან დაკაშირებული პრობლემები საქართველოში, ეთნოსები და რელიგიები საქართველოში, სახალხო დამცველთან არსებული ეთნიკური და რელიგიათა საბჭოების ფუნქციები. მსმენელებს მიეწოდათ ასევე ინფორმაცია ჟურნალ „სოლიდარობის" და ტოლერანტობის ცენტრის მიერ მომზადებული ფილმების შესახებ. გაკეთდა საქართველოს სახალხო დამცველთან არსებული ტოლერანტობის ცენტრის ვებ-პორტალის პრეზენტაცია. სემინარი გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

კახეთი. გურჯაანში, საჯარო სკოლების საინიციატივო ჯგუფების წარმომადგენლებმა მოსწავლეთა კლუბებისა და ახალგაზრდული ჯგუფებისთვის ინტელექტუალური თამაში „რა? სად? როდის?" დაიწყო. იგი ერთი თვის განმავლობაში 5 ეტაპად გაიმართება და მასში მონაწილეობას მუნიციპალიტეტის 19 საჯარო სკოლის საინიციატივო ჯგუფების წარმომადგენელი მოსწავლეები მიიღებენ. ოთხი კვირის განმავლობაში, ყოველ პარასკევს თითო ტური გაიმართება, რომელთა შედეგად 6 საუკეთესო გუნდი გადავა მეხუთე საფინალო ტურში. I, II, III ადგილზე გასულ გუნდებს დიპლომები და ფასიანი საჩუქრები გადაეცემათ.

სამცხე–ჯავახეთი. საქველმოქმედო ჰუმანიტარულმა ცენტრმა „აფხაზეთმა" ახალგაზრდებისთვის ოთხდღიანი ზამთრის ბანაკი მოაწყო ბაკურიანში. მასში მონაწილეობას იღებდნენ გორის მუნიციპალიტეტის რვა სოფლის საჯარო სკოლის მოსწავლეები, რომლებიც გაერთიანებულნი არიან ორგანიზაციის მიერ შექმნილ კლუბებში, ამჯერად ბანაკში მონაწილეობა მიიღეს მათემატიკის, ფიზიკის, ბიოლოგიისა და ქიმიის კლუბების აქტიურმა წევრებმა. ბანაკის მიმდინარეობისას მოსწავლეები გაეცნენ პრობლემათა კვლევისა და პროექტის შედგენის მექანიზმებს. ასევე გაიღრმავეს ცოდნა პრეზენტაციის უნარებში. ბანაკის დასასრულს თითოეულმა სკოლის წარმომადგენელმა დაწერა მცირე პროექტი, რომელიც წარედგინება ცენტრ „აფხაზეთს" დასაფინანსებლად. ბანაკი მოეწყო პროექტის – „ახალგაზრდების ჩართულობა და განვითარება" ფარგლებში (პროექტი დაფინანსებულია აშშ-ის საერთაშორისო განვითარების სააგენტოს მიერ და გაეროს ბავშვთა ფონდის მხარდაჭერით ხორციელდება).

აჭარა. 9 თებერვალს, პრესკაფეს მიმდებარე ტერიტორიაზე „ბათუმის ახალგაზრდული ცენტრმა" ეკოაქცია გამართა, სახელწოდებით - „უკვე გვიანია იყო პესიმისტი". აქციის ფარგლებში ახალგაზრდებმა სიმბოლურად შეღებეს სანაგვე ურნები. აქტივობის მიზანია საზოგადოების ყურადღების გამახვილება გარემოს დაცვის საკითხებზე. აქცია გაიმართა სახელოსნო „At Takos” და სანდასუფთავების ხელშეწყობით. აქტივობა განხორციელდა ეროვნული ინტეგრაციის გაძლიერების პროექტის ფარგლებში (ANI), რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

კახეთი. ,,თელავის განათლების განვითარების და დასაქმების ცენტრმა”, საჯარო სკოლების კლუბების წარმომადგენლებისა და საინიციატივო ჯგეფებისთვის გამართა სასწავლო სემინარი უსაფრთხო ინტერნეტის შესახებ. შეხვედრაზე საუბარი შეეხო ინტერნეტ თაღლითობისგან თავის დაცვის მექანიზმებს. აქტივობა ჩატარდა საქართველოში ეროვნული ინტეგრაციის გაძლიერების პროგრამის ფარგლებში, რომელიც დაფინასებულია აშშ–ის საერთაშორისო განვითარების სააგენტოს მიერ მიერ და საქართველოში ახორცილებს გაეროს ასოციაცია.

აჭარა. 8-9 თებერვალს სასტუმრო „ოაზისში" ჩატარდა ფორუმი სახელწოდებით – „რეგიონის განვითარება და ახალგაზრდობის როლი", რომლის ორგანიზატორი აჭარის სპორტისა და ახალგაზრდობის საქმეთა დეპარტამენტი იყო. ფორუმში მონაწილეობას ღებულობდნენ ბათუმის შოთა რუსთაველის სახელმწიფო უნივერსიტეტის, ბათუმის ხელოვნების სასწავლო უნივერსიტეტის, ბათუმის სახელმწიფო საზღვაო აკადემიისა და საქართველოს უნივერსიტეტის სტუდენტები. ფორუმის მეორე დღეს, 9 თებერვალს სტუდენტებს შეხვდა საზოგადოებრივი ორგანიზაცია „პროგრესის" თავმჯდომარე, რომელმაც სემინარი ჩაატარა თემაზე: ახალგაზრდების როლი თვითმმართველობის საქმიანობაში.

იმერეთი. სამეცნიერო-ინტელექტუალურ კლუბ „თაობათა დიალოგის" პროგრამა - „ქუთაისის ახალგაზრდული პარლამენტი" ახალი სახითა და ახალი პროგრამის მონაწილეებით განახლდა. პროგრამის ფარგლებში პირველი გაცნობითი და საინფორმაციო ტიპის შეხვედრა გაიმართა. უახლოეს რამდენიმე დღეში კვლავ გაიმართება შეხვედრა, სადაც ახალგზარდა პარლამენტარებს დაწვრილებით აუხსნიან მოდელირებული თამაშის წესებს. გარდა ამისა, განახლებული პარლამენტი განახლებული წესით აირჩევეს თავმჯდომარეს. წყარო:ორგანიზაციის გვერდი სოციალურ ქსელში

ქვემო ქართლი. 7 თებერვალს, სიქას ორგანიზებით რუსთავის სასკოლო სამოქალაქო კლუბების წევრები ქალაქის მერს დავით ჯიქიას შეხვდნენ. მოსწავლეებმა ქალაქის მერს გააცნეს სამოქალაქო ინტეგრაციის ახალგაზრდულ ბანაკში შექმნილი პროექტი, რომელიც რუსთავის ლეონიძისა და მესხიშვილის ქუჩების გადაკვეთაზე საგზაო მოძრაობის მოწესრიგებას ითვალისწინებს. პროექტის ფარგლებში აღნიშნულ მონაკვეთზე დაიდგმება საგზაო ნიშნები, მოეწყობა „წრიული" და დაიხაზება ორი „ზებრა" გადასასვლელი. წყარო:ორგანიზაციის გვერდი სოციალურ ქსელში

იმერეთი. სამეცნიერო-ინტელექტუალურ კლუბმა „თაობათა დიალოგმა" „სამეცნიერო ლექტორიუმის" მეორე ეტაპი დაიწყო და აღნიშნული პროგრამის ფარგლებში პირველ საინფორმაციო ტიპის შეხვედრა გამართა. შეხვედრაზე ლექტორიუმის წევრებს გააცნეს საკუთარი ფუნქცია-მოვალებები. წლევანდელი „სამეცნიერო ლექტორიუმი" ახალი პროგრამით დაიწყებს მსმენელებთან მუშაობას. კლუბს ჰყავს მმართველი ჯგუფი, რომელიც უშუალოდ ეკონტაქტება ლექტორიუმის ახალ მონაწილეებს. სამცნიერო ლექტორიუმის ფარგლებში გაიმართება 2 დისკუსია, ფილმის ჩვენება და პროგრამის დასასრულს მონაწილეები წარადგენენ ინდივიდუალურ თემას, რომლის მომზადებაშიც, სურვილის შემთხვევაში, მათ მმართველი ჯგუფის წევრები დაეხმარებიან. მმართველი ჯგუფის წევრები არიან გასული „სამეცნიერო ლექტორიუმის" კურსდამთავრებულები. სამეცნიერო კლუბის პროგრამა სამთვიანია და კურსის დასრულების შემდეგ მსენელები მიიღებენ სერთიფიკატებს. წყარო:ორგანიზაციის გვერდი სოციალურ ქსელში

თბილისი. საქართველოს სპორტისა და ახალგაზრდობის საქმეთა სამინისტრომ განცხადება გაავრცელა. უწყების „ერთ-ერთ პრიორიტეტს წარმოადგენს შეზღუდული შესაძლებლობის მქონე ახალგაზრდების საზოგადოებაში ინტეგრაცია. ამ მიზნით ახალგაზრდობის საქმეთა დეპარტამენტი სპორტულ, კულტურულ-შემოქმედებით და საგანმანათლებლო პროგრამებს ახორციელებს". სამინისტრო ავრცელებს ასევე განაცხადის ფორმას, რომლის შევსებითაც მსურველი ავტომატურად შეძლებს სამინისტროს საქმიანობის შესახებ ინფორმაციის მიღებას და სურვილის შემთხვევაში ღონისძებებში ჩართვას. განაცხადი წყარო: „კოალიცია დამოუკიდებელი ცხოვრებისათვის" გვერდი სოციალურ ქსელში

თბილისი. „სამოქალაქო საზოგადოების განვითარების ცენტრმა" უსახლკარო ბავშვთა პრობლემების შესახებ შემუშავებული რეკომენდაციები ჟურნალისტებს წარუდგინა. „ყველაზე პრობლემატური საკითხი, რასაც ქუჩაში მცხოვრები ბავშვები აწყდებიან, მათი გაურკვეველი სამართლებრივი სტატუსია, რის გამოც ისინი ვერ იღებენ სათანადო სამედიცინო მომსახურებას. საავადმყოფოებსა და კლინიკებში შესაბამისი მომსახურების გაწევისთვის პირადობის დამადასტურებელი დოკუმენტების ქონა სავალდებულოა. ამავე მიზეზით ვერ ხერხდება სამართალდამცავი ორგანოების მხრიდან სამართლებრივ დახმარებას აღმოჩენა და უსახლკარო ბავშვების დაცვა ძალადობისგან". ცენტრი ასევე მოუწოდებს მთავრობასა და სამოქალაქო საზოგადოებას იზრუნოს უსახლკარო ბავშვების შესახებ მოქალაქეთა ცნობიერების ამაღლებაზეც. სრულად წყარო: www.ewmi-gpac.org

ცენტრმა „აფხაზეთმა" ახალი კოალიციური პროექტის განხორციელება დაიწყო თბილისში, სამეგრელოსა და კახეთში. პროექტის სახელწოდებაა: „ახალგაზრდები სამოქალაქო საზოგადოების სამსახურში".  პროექტი მიზნად ისახავს ახალგაზრდებისთვის სამოქალაქო განათლების საჭირო უნარ-ჩვევების მიცემას და მათთვის აქტუალურ საკითხებზე ადვოკატირების კამპანიების განხორციელებას.  თბილისში პროექტს განახორციელებს „სამოქალაქო საზოგადოების განვითარების ცენტრი", სამეგრელოს რეგიონში - ორგანიზაცია „საუნჯე", ხოლო კახეთის რეგიონში - საქველმოქმედო ჰუმანიტარული ცენტრი „აფხაზეთი". პროექტი ხორციელდება ფონდი „ღია საზოგადოება-საქართველოს" ფინანსური მხარდაჭერით. წყარო: ცენტრ „აფხაზეთის" გვერდი სოციალურ ქსელში

იმერეთი. 3 თებერვალს, სამოქალაქო განათლების და პედაგოგთა გადამზადების პროგრამის ფარგლებში გაიმართა შეხვედრა სამტრედიის მაჟორიტარ–დეპუტატ გიორგი კახიანთან. ღონისძიებას სამტრედიის, პროგრამის სამიზნე სკოლების სამოქალაქო კლუბის წევრები ესწრებოდნენ.  სტუმარმა გაუზიარა ახალგაზრდებს თავისი შეხედულებები ჯანსაღი ცხოვრების წესზე, თავის პროფესიაზე. შეხვედრას 28 მოსწავლე ესწრებოდა. წყარო:ორგანიზაციის გვერდი სოციალურ ქსელში

კიბოსთან ბრძოლის საერთაშორისო დღე გორის, დმანისისა და ბათუმის ახალგაზრდულმა ცენტრებმა აღნიშნეს. 4 თებერვალს ახალგაზრდებმა საინფორმაციო კამპანიები ჩაატარეს, დაარიგეს საინფორმაციო ბუკლეტები და მოსახლეობას გამოკვლევებისაკენ მოუწოდეს. წყარო: ცენტრების გვერდები სოციალურ ქსელში

იმერეთი. 3 თებერვალს, ზესტაფონის მუნიციპალიტეტის სოფელ როდინოულის საჯარო სკოლაში სამოქალაქო განათლებისა და პედაგოგთა გადამზადების პროგრამის ფარგლებში, სამოქალაქო კლუბი დაარსდა. ახლად შექმნილ სამოქალაქო კლუბს კონსულტაციები გაეწია კლუბის სტრუქტურისა და ფუნქციონირების შესახებ. შეხვედრის მონაწილეები გაეცვნენ წლის სამუშაო გეგმის პრიორიტეტებს და იქვე შეიმუშავეს თავიანთი კლუბების სამუშაო გეგმები. შეხვედრას სულ 17 მოსწავლე ესწრებოდა. წყარო:ქუთაისის განათლების განვითარების და დასაქმების ცენტრის გვერდი სოციალურ ქსელში

კახეთი. არასამთავრობო ორგანიზაცია საქართველოს დემოკრატიულმა ინიციატივამ (GDI) თელავში ორდღიანი ტრენინგი გამართა, რომელიც დისკრიმინაციის აკრძალვის და პირადი ცხოვრების პატივისცემის უფლებას ეხებოდა. პროექტი დაფინანსებულია ნიდერლანდების სამეფოს მთავრობის მიერ. ტრენინგს სკოლის მოსწავლეები და სტუდენტები ესწრებოდნენ და მოისმინეს ისეთი საკითხები, როგორიცაა უფლებების დაცვის მექანიზმები, საერთაშორისო სტანდარტები და შიდა კანონმდებლობა.

თბილისი. 1 თებერვალს, საქართველოს ჟურნალისტური ეთიკის ქარტიამ პროექტ „ლიბერალიზმის სასწავლო ცენტრის" ერთწლიანი საქმიანობის შედეგები შეაჯამა. პროექტის ფარგლებში შერჩეული 20 სტუდენტი ექვსი თვის განმავლობაში ისმენდნენ საჯარო ლექციებს  ადამიანის უფლებებთან, ლიბერალიზმსა და დემოკრატიასთან დაკავშირებულ თემებზე, მონაწილეობას იღებდნენ დისკუსიებში, რის შემდეგაც მზადდებოდა სტატიები და თოქშოუ „ლიბთაიმი". „ლიბერალიზმის სასწავლო ცენტრმა" ფუნქციონირება 2013 წლის თებერვალში დაიწყო და მასში მონაწილეობა უკვე 40-მა სტუდენტმა მიიღო. ლექტორებად მოწვეულნი იყვნენ საზოგადოებისთვის ცნობილი პირები, მათ შორის ლევან ბერძენიშვილი, გოგი გვახარია, გიგა ზედანია, გიორგი მშვენიერაძე, ლევან ღამბაშიძე, ზაზა ფირალიშვილი, თამარ გურჩიანი და სხვები. პროექტის ფარგლებში მომზადდა 10 თოქშოუ, რომელთა ნახვა, ისევე როგორც ლექციების ჩანაწერების მოსმენა, შესაძლებელია  Youtube არხზე წყარო:liberalizmi.wordpress.com

თბილისი. საქართველოს ადვოკატთა ასოციაციის სასწავლო ცენრში საქართველოში მოქმედი უნივერსიტეტების წარმომადგენლებთან შეხვედრა გაიმართა. შეხვედრაზე ადვოკატთა ასოციაციის აღმასრულებელი საბჭოს წევრმა უნივერსიტეტებს შესთავაზა ადვოკატთა სასწავლო ღონისძიებებში ჩართვა და ერთობლივი პროგრამების დაგეგმვა. შეხვედრას ესწრებოდა ადვოკატთა სასწავლო ცენტრის ხელმძღვანელი, რომელმაც ინფორმაცია მიაწოდა სტუმრებს სასწავლო პროცესის შესახებ. წყარო:ორგანიზაციის გვერდი სოციალურ ქსელში

გურია. 31 იანვარს, ,,გურიის ახალგაზრდული რესურსცენტრის" ორგანიზებით ოზურგეთში სამოქალაქო განათლებისა და პედაგოგთა გადამზადების პროგრამის შუალედური შემაჯამებელი ღონისძიება ჩატარდა. შემაჯამებელ ღონისძიებაზე პრეზენტაციები წარმოადგინეს სამოქალაქო კლუბების წევრმა მოსწავლეებმა. საანგარიშო პერიოდში განხორციელებული მცირე გრანტების შესახებ ისაუბრეს. პროგრამის საქმიანობების პრეზენტაციას დაჯილდოვების ცერემონია მოჰყვა. დაჯილდოვდა პროგრამის სტაჟირების კომპონენტის რვა მონაწილე და წარმატებული ბლოგერი. PH-ის პრომო-მასალების ნაკრები და სამახსოვრო პრიზები გადაეცათ სტაჟირების მასპინძელ ორგანიზაციებს და თვითმმართველობის იმ წარმომადგენლებს, რომლებმაც პროგრამის ფარგლებში სამოქალაქო კლუბებთან ითანამშრომლეს. ღონისძიების ბოლო ნაწილში მოეწყო პროგრამის სოციალური მედიის კომპონენტში გამარჯვებული ბლოგისა და ფილმის პრეზენტაცია. ღონისძიებას ესწრებოდნენ პროგრამის პარტნიორი სკოლების სამოქალაქო კლუბების წევრი მოსწავლეები, დირექტორები, პედაგოგები, არასამთავრობო ორგანიზაციების, საკრებულო-გამგეობის და მას.მედიის წარმომადგენლები (სულ 100 ადამიანი).