თბილისი. „უფლებები საქართველოს“ ინფორმაციით, 18 ოქტომბერს, „ჯორჯიან თაიმსის” ეთერში, ვაკეში მოქმედი მაცხოვრის ფერიცვალების სახელობის ტაძრის ღვთისმსახურმა, დეკანოზმა საბა ჭიკაიძემ განაცხადა, რომ ევროკავშირი მოითხოვს, უარი ვთქვათ ტრადიციულ ღირებულებებსა და მართლმადიდებლურ იდენტობაზე. სინამდვილეში: ევროკავშირი საქართველოსგან ტრადიციულ ღირებულებებზე და მართლმადიდებლურ იდენტობაზე უარის თქმას არ მოითხოვს. ევროკავშირის ოთხ წევრ ქვეყანაში (საბერძნეთი, კვიპროსი, ბულგარეთი, რუმინეთი) 40 მილიონამდე მართლმადიდებელი ქრისტიანი ცხოვრობს. სრულად... მასალა შექმნილია ევროკავშირის მხარდაჭერით. მის შინაარსზე სრულად პასუხისმგებელია „უფლებები საქართველო“ და შესაძლოა, რომ იგი არ გამოხატავდეს ევროკავშირის შეხედულებებს. წყარო: rights.ge

აჭარა. „საერთაშორისო გამჭვირვალობა - საქართველომ” შეისწავლა აჭარის ავტონომიური რესპუბლიკის უმაღლესი საბჭოს და მთავრობის თანამდებობის პირების მიერ 2021-2022 წლებში შევსებული დეკლარაციები და 39%-ში ხარვეზები გამოავლინა. კვლევის შედეგად დადგინდა რომ: 62 მოქმედი თანამდებობის პირიდან დეკლარაცია ხარვეზებით 24-მა შეავსო. მათგან 12-მა თანამდებობის პირმა დეკლარაციაში არ მიუთითა მისი ან/და მისი ოჯახის წევრის საკუთრებაში არსებული უძრავი ქონება. 12 თანამდებობის პირს არ აქვს დეკლარირებული მისი ან/და მისი ოჯახის წევრის მონაწილეობა სამეწარმეო საქმიანობაში - წილების ფლობა და საწარმოს ხელმძღვანელობა. 11 თანამდებობის პირს არ გადაუცია წილის მართვის უფლება სხვა პირისათვის. 4 თანამდებობის პირს დეკლარაციაში არ მიუთითებია თანამდებობაზე ყოფნის პერიოდში მიღებული შრომის ანაზღაურება. 3-მა პირმა თანამდებობაზე ყოფნისას მიიღო შემოსავლები აკრძალული/ნებადაურთველი საქმიანობიდან. 2-მა თანამდებობის პირმა - უმაღლესი საბჭოს წევრებმა, ილია ვერძაძემ და ფრიდონ ფუტკარაძემ გამოასწორეს ჩვენს 2019 წლის კვლევაში მითითებული ხარვეზები, ხოლო მთავრობის თავმჯდომარემ, თორნიკე რიჟვაძემ არ გაითვალისწინა 2020 წლის კვლევაში ნახსენები ხარვეზი.  ორგანიზაციამ მიმართა საჯარო სამსახურის ბიუროს, წარმოდგენილი ინფორმაციის საფუძველზე, შეისწავლოს კვლევაში აღნიშნული პირების ქონებრივი მდგომარეობის დეკლარაციები სათანადო რეაგირების მიზნით. სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტის (IDFI) ცნობით, 26 ოქტომბერს გამოქვეყნდა მსოფლიოს სამართლის პროექტის (World Justice Project) კანონის უზენაესობის გლობალური ინდექსი. ის 8 კრიტერიუმს მოიცავს და ყოველწლიურად ქვეყნდება. ამ კრიტერიუმებით კანონის უზენაესობის კუთხით სახელმწიფოების მდგომარეობა ფასდება. აღნიშნულ ანალიზში მიმოხილულია საქართველოს შედეგები კანონის უზენაესობის გლობალურ ინდექსში 2022 წლის მდგომარეობით, შედარებულია ქვეყნის შედეგები წინა წლების მაჩვენებლებთან, და რეგიონის სხვა ქვეყნებთან. წლევანდელი შედეგებით, საქართველოს ქულა შემცირდა - 0.61 ქულიდან 0.60-მდე ჩამოვიდა. მართალია, საქართველო რეგიონულ რეიტინგში, 14 ქვეყანას შორის პირველ პოზიციაზეა, მაგრამ ქვეყნის პროგრესი ბოლო წლებში შეჩერდა. საქართველო იმ ქვეყნებს შორის მოხვდა, რომელთა მაჩვენებლები 2015 წლის შემდეგ შემცირდა. ამის საპირისპიროდ, რეგიონში მოლდოვამ, უკრაინამ, ყაზახეთმა და უზბეკეთმა ბოლო წლებში გაუმჯობესების ტენდენცია აჩვენეს. სრულად... წყარო: idfi.ge

თბილისი. ნახეთ USAID-ის ხელშეწყობით შექმნილი ანიმაციური სერიები და გაეცანით ინფორმაციას აქტიური მოქალაქეობის შესახებ. დღეს წარმოდგენილია სერია, რომელიც ხელისუფლების კონტროლს ეხება. ანიმაციური სერიები შეიქმნა USAID-ის სამოქალაქო განათლების კამპანიის ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. კოალიცია დამოუკიდებელი და გამჭვირვალე მართლმსაჯულებისთვის ეხმიანება მოსამართლეთა კონფერენციის მიერ ლევან მურუსიძის და დიმიტრი გვრიტიშვილის იუსტიციის უმაღლესი საბჭოს წევრებად ხელახალ არჩევას. „მიგვაჩნია, რომ ეს გადაწყვეტილებები აძლიერებს სასამართლოში არსებულ კლანურ მმართველობას და ხელს უშლის მართლმსაჯულების სისტემის ფუნდამენტურ რეფორმას, რომელიც, მათ შორის, საქართველოს ევროკავშირის წევრობის კანდიდატობის განაცხადის პასუხად გაცემული ევროკომისიის რეკომენდაციებით არის გათვალისწინებული“. სრულად... წყარო: transparency.ge

თბილისი.ინფორმაციის თავისუფლების განვითარების ინსტიტუტი (IDFI) აქვეყნებს შუალედურ მიმოხილვას: სახალხო დამცველის არჩევა 2022. „დამოუკიდებელი სახალხო დამცველის არჩევა გამჭვირვალე და ინკლუზიური პროცესით წარმოადგენს ევროკომისიის მიერ განსაზღვრული 12 რეკომენდაციიდან ერთ-ერთს, რომლის შესრულებაც აუცილებელია კანდიდატის სტატუსის მოსაპოვებლად. სამუშაო ჯგუფის/საკონკურსო კომისიის დანიშნულება შეიძლება ყოფილიყო მხოლოდ და მხოლოდ კანდიდატთა პროფესიული შეფასება და პოლიტიკური სუბიექტებისთვის მათზე სათანადო ინფორმაციის მიწოდება. საკონკურსო კომისიის სამუშაო დროის ნაკლებობამ, კანდიდატებთან გასაუბრების შეუძლებლობამ და კანდიდატების შეფასებისგან თავის შეკავების მაღალმა მაჩვენებელმა არსებითად დააბრკოლა იმ მიზნის მიღწევა, რაც ამ სამუშაო ჯგუფის შექმნას შეიძლება ჰქონოდა. საქართველოს პარლამენტს უნდა წარედგინოს მინიმუმ 7 კანდიდატი იმისთვის, რომ პროცესი არ ჩაიშალოს. აღნიშნული დანაწესი მნიშვნელოვნად აბრკოლებს ერთ კანდიდატზე პოლიტიკური შეთანხმებისა და სახალხო დამცველის თანამდებობაზე მრავალპარტიული მხარდაჭერით პირის არჩევას“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) პროექტი გამჭვირვალე სახელმწიფო შესყიდვების რეიტინგი (TPPR) უკვე Twitter-ზეა.  პროექტი წლებია აკვირდება და აფასებს სახელმწიფო შესყიდვების კანონმდებლობის ხარისხს გამჭვირვალობის კუთხით საერთაშორისო დონეზე.  TPPR-თან და ზოგადად სახელმწიფო შესყიდვებთან დაკავშირებული სიახლეებისთვის, მიყევით ჩვენს გვერდს... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო (TI Georgia) სამძიმარს უცხადებს გარდაცვლილი მარიტა მეფარიშვილის ოჯახს და მიიჩნევს, რომ კორუფციაზე და თაღლითობაზე ნასამართლევ პირებს სახელმწიფო შესყიდვებში მონაწილეობის უფლება აღარ უნდა ჰქონდეთ, განსაკუთრებით იმ შემთხვევაში, როცა კანონსაწინააღმდეგო ფაქტი სწორედ სახელმწიფო შესყიდვებში მონაწილეობისას გამოვლინდა. ორგანიზაცია ჯერ კიდევ 2018 წელს წერდა კომპანიების „გრინსერვისი“ და „გრინსერვისი+“ დამფუძნებლებზე, რომლებიც 2013 წელს ფინანსთა სამინისტროს საგამოძიებო სამსახურმა სამეწარმეო საქმიანობაში უკანონო მონაწილეობისა და უკანონო შემოსავლის ლეგალიზაციის გამო დააკავა. ამის მიუხედავად, ისინი ამ დრომდე იღებდნენ მრავალმილიონიან ტენდერებს – სწორედ „გრინსერვისი+“-მა მიიღო თბილისის მერიისგან ტენდერი ვაკის პარკში შადრევნების რეაბილიტაციაზე. სრულად... წყარო: ორგანიზაციის გვერდი სოციალურ ქსელში კესო გველესიანი ფოტო-ნამუშევარი

თბილისი. 10 ოქტომბერს, ონლაინ პლატფორმა zoom-ის საშუალებით გაიმართა შეხვედრა, რომლის მიზანი იყო სახელმწიფოსა და საზოგადოებრივ ორგანიზაციებს შორის ფულის გათეთრებისა და ტერორიზმის დაფინანსების წინააღმდეგ ბრძოლის მიმართულებით ინფორმაციის გაცვლა. მათ შორის პროცესში სსო-ების მონაწილეობა, მათი ხედვებისა და გამოცდილების გაცნობა-გაზიარება, რათა თავიდან იქნეს აცილებული სექტორზე ამ პროცესის არასასურველი გავლენა. სრულად... წყარო: civilin.org

თბილისი. „საერთაშორისო გამჭვირვალობა - საქართველო“-მ საპარლამენტო მონიტორინგის პროექტის ფარგლებში გენდერული თანასწორობის საბჭოს საქმიანობა შეისწავლა 2020 წლის 11 დეკემბრიდან 2022 წლის 1 ივნისის პერიოდში. ორგანიზაციის შეფასებით: პარლამენტის გენდერული თანასწორობის საბჭოს  წევრების მიერ შემუშავებული საკანონმდებლო ინიციატივები დადებითად უნდა შეფასდეს ქალთა უფლებების დაცვის თვალსაზრისით, ასევე საბჭო აქტიურად იყო ჩართული თემატური მოკვლევის ჯგუფების მუშაობის პროცესში. საბჭოს სრულად ფორმირება დაგვიანებით განხორციელდა, რაც ორგანიზაციის აზრით, სრულფასოვანი ფუნქციონირებისთვის ხელშემშლელ გარემოებას წარმოადგენდა. სამოქმედო გეგმით გათვალისწინებული მნიშვნელოვანი ვალდებულებების შესრულება ასევე ვერ განხორციელდა, მთავრობის მხრიდან კი არ ხდებოდა საბჭოსთვის ანგარიშების დადგენილ ვადაში წარდგენა. კვლევის მიგნებები და რეკომენდაციები წაიკითხეთ სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 3 ოქტომბერს დაიწყო 2022-2023 წლების სასწავლო წელი კორუფციასთან ბრძოლის სასერტიფიკატო პროგრამის სამაგისტრო კურსის მონაწილეებისთვის. სამაგისტრო საფეხურზე შერჩეული 25 მონაწილე ილიას სახელმწიფო უნივერსიტეტის 13 სტუდენტთან ერთად, ერთი წლის განმავლობაში, გაივლის ისეთ საგნებს, როგორიცაა „ანტიკორუფციული პოლიტიკის მართვა საჯარო და კერძო დაწესებულებებში“ და „კორუფციასთან ბრძოლა - საერთაშორისო აქტორები, ანტიკორუფციული პლატფორმები“. პირველი სამაგისტრო კურსი, რომელსაც სტუდენტები პროგრამის ფარგლებში გაივლიან არის ანტიკორუფციული პოლიტიკის მართვა საჯარო და კერძო დაწესებულებებში. სასწავლო კურსს კითხულობს თინათინ ხიდაშელი. ამჟამად, ქალბატონი თინა გახლავთ არასამთავრობო ორგანიზაცია სამოქალაქო იდეის თავმჯდომარე. სრულად...  წყარო: idfi.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის ეხმიანება პარლამენტში მართლმსაჯულების რეფორმის სამუშაო ჯგუფის ფარგლებში გასული კვირის ბოლოს მომზადებულ სასამართლო რეფორმის სტრატეგიას და სამოქმედო გეგმას და აცხადებს, რომ შემოთავაზებული დოკუმენტი არ ასახავს მართლმსაჯულების სისტემაში არსებულ რეალურ გამოწვევებს. კოალიციის შეფასებით, სამწუხაროდ, ის კიდევ ერთხელ ადასტურებს, რომ მმართველ პოლიტიკურ გუნდს არ აქვს სასამართლოს რეალური რეფორმის მზაობა და კვლავაც ფასადური ცვლილებების გატარებას ისახავს მიზნად. „მიგვაჩნია, რომ შემოთავაზებული რეფორმის სტრატეგია და სამოქმედო გეგმა უგულებელყოფს სისტემაში არსებულ უმწვავეს პრობლემებს. მორიგი ფასადური რეფორმა საკმარისი ვერ იქნება მართლმსაჯულების სისტემის რეალური დამოუკიდებლობის უზრუნველსაყოფად და ამით კიდევ უფრო დიდი საფრთხე შეექმნება ქვეყნის ევროინტეგრაციის პროცესს“. სრულად... წყარო: socialjustice.org.ge

თბილისი. „საერთაშორისო გამჭვირვალობა-საქართველო“ აგრძელებს მოკვლევას პარტია „ქართული ოცნებიდან” საქართველოს პარლამენტის წევრის, ვიქტორ ჯაფარიძის ეკონომიკური ინტერესების შესახებ. „2022 წლის 4 ოქტომბერს ჯაფარიძე მმართველი პარტიიდან გავიდა და შეუერთდა დეპუტატთა იმ ჯგუფს, რომელიც მოძრაობა „ხალხის ძალას” აფუძნებს. ამავე დღეს მან   ტელეკომპანია „პოსტვ”-ის 52% წილი 520 000 ლარად იყიდა. ვიქტორ ჯაფარიძე და მისი ოჯახის წევრები ჯამში 11 სხვადასხვა კომპანიის მეწილეები არიან, ფლობენ არაერთ ქონებას მესტიასა და თბილისში, მათ შორის ორ სასტუმროს. ვიქტორ ჯაფარიძესთან დაკავშირებულმა კომპანიებმა სახელმწიფო შესყიდვებიდან 7,775,565 ლარი მიიღეს“... ორგანიზაციის შეფასებით, ვიქტორ ჯაფარიძის საქმიანობა არაერთ კითხვას აჩენს კორუფციის რისკებთან, ნეპოტიზმთან თუ დეპუტატის მანდატის არაკეთილსინდისიერ გამოყენებასთან დაკავშირებით. სრულად... წყარო: transparency.ge

გაეცანით რეგიონული ინიციატივების ცენტრის - „ნათელი მომავალი“ მიერ მომზადებულ ანგარიშს „შრომის სფეროში ევროკავშირის დირექტივების აღსრულების მონიტორინგი იმერეთის რეგიონში“. პუბლიკაცია მომზადდა საქართველოს სტრატეგიული კვლევებისა და განვითარების ცენტრის მხარდაჭერით, ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. გაეცანით პუბლიკაციას... წყარო: პროექტის გვერდი სოციალურ ქსელში

თბილისი. „საერთაშორისო გამჭვირვალობა-საქართველო“ გთავაზობთ სატელევიზიო სარეკლამო ბაზრის შესწავლის შედეგებს, რომლის მთავარი გამოწვევა 2021 წელს კვლავაც კორონა ვირუსი და პანდემიის გამო დაწესებული შეზღუდვები იყო, რაც ეკონომიკას ტვირთად დააწვა. ორგანიზაციის შეფასებით, სარეკლამო შემოსავლის კვლევა და ტენდენციების დანახვა მნიშვნელოვანია მედიაში არსებული პრობლემების ანალიზის, შესაბამისი რეკომენდაციების შემუშავებისა და პრობლემის დაძლევისათვის. კვლევა მოიცავს ყველა კერძო ტელევიზიასა და საზოგადობრივ მაუწყებელს. წარმოდგენილი მასალა ეყრდნობა ღია მონაცემებს, გამოთხოვილ საჯარო ინფორმაციასა და სფეროს წარმომადგენლებთან  ჩაწერილ ინტერვიუებს. სრულად... წყარო: transparency.ge

თბილისი. დღეს, 8 საათზე საქართველოს პარლამენტის იურიდიულ საკითხთა კომიტეტი განიხილავს „საქართველოს ორგანულ კანონში „საქართველოს საარჩევნო კოდექსი“ ცვლილების შეტანის შესახებ“ პროექტს. ახალგაზრდა იურისტთა ასოციაცია მიესალმება რიგ ცვლილებებს, რომლებიც ზრდის და აკონკრეტებს საოლქო საარჩევნო კომისიების მიერ უბნების გადათვლის კრიტერიუმებს, ცვლის საარჩევნო დავების წარმოების ვადებს და ასახავს ეუთო/ოდირისა და ვენეციის კომისიის ზოგიერთ რეკომენდაციას. თუმცა პროექტი სრულად ვერ აუმჯობესებს ქვეყანაში საარჩევნო გარემოს და ვერ გადაწყვეტს ზოგიერთ პრობლემას, მათ შორის, ადმინისტრაციული რესურსის გამოყენების, ამომრჩევლის ნების კონტროლისა და საარჩევნო დავების სამართლიანად გადაწყვეტის საკითხებს. სრულად... წყარო: www.gyla.ge

თბილისი. საქართველოს ახალგაზრდა იურისტთა ასოციაციის ინფორმაციით, საქართველოს პარლამენტში შექმნილი სასამართლო რეფორმების სამუშაო ჯგუფის ფორმატში, ქართულმა ოცნებამ ჩართულ მხარეებს გაუზიარა დოკუმენტი: „სასამართლო რეფორმის სტრატეგია და სამოქმედო გეგმა“. საია-ს შეფასებით, დოკუმენტი ვერ პასუხობს იმ ძირითად გამოწვევებს რომელის დღეს მართლმსაჯულების სისტემაში არსებობს, არის ფრაგმენტული ხასიათის და არ არის ორიენტირებული ჭეშმარიტად დამოუკიდებელი და მიუკერძოებელი სასამართლოს შექმნისაკენ. მმართველმა ძალამ არ გაითვალისწინა, ის ძირითადი რეკომენდაციები, რომლებიც საქართველოს ახალგაზრდა იურისტთა ასოციაციამ სამუშაო ჯგუფის ფორმატის დაწყებისთანავე მიაწოდა. გამოგზავნილ დოკუმენტთან დაკავშირებით საიამ მოამზადა დასკვნა, რომელიც მიეწოდა სამუშაო ჯგუფს. ორგანიზაცია მოუწოდებს საპარლამენტო უმრავლესობას, მხედველობაში მიიღოს ადგილობრივი არასამთავრობო ორგანიზაციებისა და ჩვენი სტრატეგიული პარტნიორების რეკომენდაციები, გადადგას ქმედითი და რეალური ნაბიჯები სასამართლოს სისტემის გაჯანსაღებისკენ. სრულად... წყარო: www.gyla.ge

თბილისი. საერთაშორისო გამჭვირვალობა - საქართველოს ინფორმაციით, 18 სახელმწიფო უწყება გამარტივებული შესყიდვების კონტრაქტებს არ აქვეყნებს. მათ შორის არიან ისეთი მნიშვნელოვანი უწყებები, როგორებიცაა: შინაგან საქმეთა სამინისტრო, მთავრობის ადმინისტრაცია, პრეზიდენტის ადმინისტრაცია, სახელმწიფო უსაფრთხოების სამსახური და სხვა. ორგანიზაციის შეფასებით, სახელმწიფო საიდუმლოებასთან დაკავშირებული შესყიდვების გარდა, „დაფარული კონტრაქტები“ არ უნდა არსებობდეს, რადგან ეს მნიშვნელოვნად ზრდის კორუფციული შეთანხმებების რისკს. სრულად... წყარო: transparency.ge

თბილისი. 27 სექტემბერს კორუფციასთან ბრძოლის სასერტიფიკატო პროგრამის საბაკალავრო კურსის მონაწილეებისთვის სასწავლო წელი დაიწყო. ინფორმაციის თავისუფლების განვითარების ინსტიტუტის (IDFI) თანახმად, საბაკალავრო საფეხურზე შერჩეული 23 მონაწილე ილიას სახელმწიფო უნივერსიტეტის 25 სტუდენტთან ერთად, ერთი წლის განმავლობაში, გაივლის ისეთ საგნებს, როგორიცაა „კარგი მმართველობა და კორუფცია“ და „საჯარო პოლიტიკა და კორუფცია“. კორუფციასთან ბრძოლის სასერტიფიკატო პროგრამა უკვე მეოთხე წელია ილიას სახელმწიფო უნივერსიტეტთან თანამშრომლობით ხორციელდება.  პროგრამა ფინანსურად მხარდაჭერილია შვედეთის საერთაშორისო განვითარების თანამშრომლობის სააგენტოს (SIDA) მიერ. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, განახლებული კანონი „ინფორმაციული უსაფრთხოების შესახებ“ არ შეიცავს პირადი ცხოვრების ხელშეუხებლობისა და პერსონალური მონაცემების დაცვის გარანტიებს. ამ მიმართულებით, ევროკავშირის სტანდარტების დაკმაყოფილების მიზნით, ხელისუფლებამ დააანონსა კანონში ახალი ცვლილების შეტანა, თუმცა დღემდე მათი ინიცირება არ მომხდარა. იხილეთ IDFI-ის ანალიზი და რეკომენდაციები. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს საქართველოს მოქალაქეების მიერ საპარლამენტო საქმიანობაში ჩართულობის მექანიზმების გამოყენების ზოგად სტატისტიკურ მიმოხილვას. მიმოხილვა შექმნილია საქართველოს პარლამენტიდან გამოთხოვილი საჯარო ინფორმაციის საფუძველზე და მიზნად ისახავს დაინტერესებულ პირებს მიაწოდოს რაოდენობრივი სტატისტიკური ინფორმაცია, როგორც საქართველოს მოქალაქეების მიერ საქართველოს პარლამენტის მიერ  შემოთავაზებული მექანიზმების და სერვისების გამოყენების შესახებ, ასევე, საქართველოს პარლამენტის მიერ საკანონმდებლო და საზედამხედველო ფუნქციების განხორციელებაზე. სტატისტიკური მიმოხილვა მომზადდა ინფორმაციის თავისუფლების განვითარების ინსტიტუტის (IDFI) მიერ ევროკავშირისა (EU) და გაეროს განვითარების პროგრამის (UNDP) მხარდაჭერით. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 2022 წლის 25 თებერვლიდან 30 ივნისამდე შემოსული პირებიდან, მინიმუმ ერთი თვის დაყოვნების შემდეგ (31 ივლისის მდგომარეობით), ქვეყანა კვლავ არ დაუტოვებია რუსეთის 42,577 მოქალაქეს. 2022 წლის მარტი-ივნისის თვეში საქართველოში შემოსვლაზე უარი ეთქვა რუსეთის 3,036 მოქალაქეს, უკრაინის 135 მოქალაქეს, ხოლო ბელარუსის მხოლოდ 41 მოქალაქეს. გაეცანით ინფორმაციის თავისუფლების განვითარების ინსტიტუტის (IDFI) კვლევას სრულად... წყარო: idfi.ge