თბილისი. საქართველოს ახალგაზრდა იურისტთა ასოციაცია (საია) აქვეყნებს ანგარიშს: „2021 წლის საარჩევნო დავების განხილვების ძირითადი ტენდენციები“. ანალიზისას გამოიკვეთა შემდეგი ტენდეციები: 2021 წლის მუნიციპალიტეტის ორგანოთა არჩევნებზე, 2020 წლის არჩევნების მსგავსად, წინასაარჩევნო პერიოდში გამოვლენილ დარღვევებზე შესაბამისი საარჩევნო ადმინისტრაციების მხრიდან რეაგირება არაეფექტიანი იყო. საოლქო საარჩევნო ადმინისტრაციისა და სასამართლოს პრაქტიკით დადასტურდა, რომ შემთხვევითი შერჩევით გამოვლენილი 5 უბნის გადათვლა არ არის საკმარისი. საგრძნობლად დაბალი იყო სასამართლო სისტემაში განხილული საარჩევნო დავების დაკმაყოფილების მაჩვენებელი. სასამართლო საარჩევნო სამართალდარღვევების მიმართ ლოიალურ მიდგომას ირჩევს. დამკვირვებლების უფლებების შეზღუდვის ფაქტებზე არ მომხდარა სათანადო რეაგირება. სრულად... წყარო: gyla.ge

თბილისი. საერთაშორისო გამჭვირვალობა - საქართველო აქვეყნებს კვლევას: ქართული ნეონაციზმის ანატომია. „კვლევა მიზნად ისახავს იმ ნეონაცისტური ჯგუფებისა და მათთან დაკავშირებული ადამიანების იდენტიფიცირების მცდელობას, რომლებიც ბოლო პერიოდში ლიბერალური შეხედულებების მქონე ჯგუფების მიმართ ძალადობითა და აგრესიით გამოირჩევიან. ისინი ხშირ შემთხვევაში არაფორმალური გაერთიანებების წევრები არიან, ამიტომ სია, შესაძლოა, გაცილებით ვრცელი იყოს. მართალია, ნეონაცისტური ორგანიზაციების დაფინანსების პირდაპირი წყაროების იდენტიფიცირება ვერ ხდება, თუმცა, ცალკეული ლიდერები პირდაპირ უკავშირდებიან რუსეთის სახელმწიფოს ან ადგილობრივ პოლიტიკურ ორგანიზაციებს“. სრულად... წყარო: transparency.ge

თბილისი. 24 მარტს ცნობილი გახდა, რომ ნამახვანჰესთან დაკავშირებული 40 მილიონი დოლარის ღირებულების ქონება კომპანიის ანგარიშიდან ჩამოიწერა, თუმცა ამ ეტაპზე ბუნდოვანია ასახავს თუ არა ეს ოდენობა ფინანსური ზარალის საბოლოო მასშტაბს, და ხომ არ არის შესაძლებლობა, რომ კომპანიასა და სახელმწიფოს შორის მორიგების პროცესი განახლდეს, ან ის საარბიტრაჟო დავაში გადაიზარდოს. „მიგვაჩნია, რომ სახელმწიფომ დაუყოვნებლივ უნდა განმარტოს საკუთარი პოზიცია როგორც ENKA-სთან მიმდინარე მოლაპარაკების შესახებ, ისე პროექტის მომავალთან დაკავშირებით. ხანგრძლივ, უაღრესად რთულ პირობებში და რეპრესიული პოლიტიკის ფონზე მიმდინარე საპროტესტო მოძრაობა, ჩართული საზოგადოებრივი ორგანიზაციები და მთლიანად სამოქალაქო საზოგადოება იმსახურებს სიცხადეს, გამჭირვალეობას და ანგარიშვალდებულებას“, ნათქვამია ორგანიზაციის ვებგვერდზე. სრულად... წყარო: socialjustice.org.ge

თბილისი. სამართლიანი არჩევნებისა და დემოკრატიის საერთაშორისო საზოგადოების (ISFED) ბლოგპოსტში გაეცნობით კონკრეტულ მაგალითებს თუ როგორ ვრცელდება დეზინფორმაცია ექსპერტების სახელით. „სოციალურ მედიაში დეზინფორმაციისა და პროპაგანდის გავრცელების ერთ-ერთი მეთოდი ექსპერტებად პოზიციონირებადი პირების მიერ ფეისბუქზე „კულუარული ინფორმაციის“ შესახებ სტატუსების გამოქვეყნებაა, რასაც შემდგომ პროსახელისუფლებო საინფორმაციო სააგენტოები და ცრუ მედიის გვერდები ავრცელებენ. პროცესში ჩართული ექსპერტებისა და სააგენტოების ფაქტობრივად უცვლელი შემადგენლობა გვაფიქრებინებს, რომ საქმე დეზინფორმაციის გავრცელების მიზანმიმართულ, ორგანიზებულ სქემასთან გვაქვს, რაშიც შესაძლოა, უნებლიეთ სხვა, მათგან დამოუკიდებელი აქტორებიც ერთვებოდნენ“. სრულად... წყარო: isfed.ge

იმერეთი. საერთაშორისო გამჭვირვალობა - საქართველო აქვეყნებს ბლოგპოსტს: წყალტუბოს საკრებულოს წევრის კომპანიებმა 63 მილიონი ლარის სახელმწიფო შესყიდვები მიიღეს. ორგანიზაციამ დაადგინა, რომ წყალტუბოს საკრებულოს წევრის, ჯეირან ომანაძის კომპანიებმა 100 ტენდერისა და 11 გამარტივებული შესყიდვის მეშვეობით 2013 წლიდან დღემდე ჯამურად 63 039 857 ლარი მიიღეს. „ჯეირან ომანაძე პოლიტიკური შემწირველიცაა, მან და მისმა კომპანიამ „როსტვერკმა” პარტია „ქართულ ოცნებას” 2017-2021 წლებში 135 000 ლარი შესწირეს. ჯეირან ომანაძე, რომელიც გვიშტიბის თემის მაჟორიტარია და ფრაქცია „ქართული ოცნების” თავმჯდომარის მოადგილის პოზიციას იკავებს, არღვევს საჯარო სამსახურში ინტერესთა შეუთავსებლობისა და კორუფციის შესახებ კანონის მოთხოვნებსაც“, ნათქვამია ორგანიზაციის ვებგვერდზე. სრულად... წყარო: transparency.ge

აჭარა. „საერთაშორისო გამჭვირვალობა - საქართველოს” ინფორმაციით, ორგანიზაციის სამოქალაქო საბჭოების მიერ აჭარის რეგიონის 6 მუნიციპალიტეტში 2021 წლისთვის დაყენებული 58 პრობლემიდან გასულ წელს 31 გადაიჭრა/მომზადდა შესაბამისი ხარჯთაღრიცხვის დოკუმენტები. სამოქალაქო საბჭოები „საერთაშორისო გამჭვირვალობა-საქართველოს” ინიციატივით შექმნილი მოქალაქეთა არაფორმალური გაერთიანებებია, რომელთა მიზანია უშუალოდ ადგილობრივი მოსახლეობის ჩართულობითა და ჩვენი ორგანიზაციის შუამდგომლობით მოგვარდეს მუნიციპალიტეტებში არსებული პრობლემები. სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, კოსოვო გამჭვირვალე სახელმწიფო შესყიდვების რეიტინგს შეუერთდა. კოსოვო 42-ე ქვეყანაა, რომელიც IDFI-ის საერთაშორისო ინიციატივის ფარგლებში შეფასდა.  სრულად... წყარო: idfi.ge

თბილისი. სოციალური სამართლიანობის ცენტრის განცხადებით, საქართველო სასამართლოსთან დაკავშირებით ევროასოცირების დღის წესრიგით ნაკისრ ვალდებულებებს არ ასრულებს. „3 მარტს, თბილისში მრავალრიცხოვანი საპროტესტო აქციების ფონზე, საქართველოს ხელისუფლებამ, უკრაინის მსგავსად, ევროკავშირს გაწევრიანების თაობაზე ოფიციალური განაცხადით მიმართა. თუმცა, ცხადია, რომ მხოლოდ განაცხადის გაკეთება წარმატების გარანტია ვერ იქნება. ასოცირების შეთანხმებით გათვალისწინებულ ვალდებულებებში სამართლის უზენაესობის თემატური მიმართულება, კერძოდ, კი სასამართლო სისტემის რეფორმირება უმნიშვნელოვანეს ადგილს იკავებს. წლების განმავლობაში საქართველოში განხორციელებული სასამართლო რეფორმა შეიძლება დახასიათდეს, როგორც სისტემის ინსტიტუციური მოდერნიზაციის ილუზორული და არასრული მცდელობა, რომელმაც გარდამტეხი ცვლილების ნაცვლად, პოზიტიური ტრანსფორმაციის იმიტაცია შექმნა“, ნათქვამია ორგანიზაციის განცხადებაში. სრულად... წყარო: socialjustice.org.ge

თბილისი. საქართველოს დემოკრატიულმა ინიციატივამ (GDI) შეისწავლა შპს „ალტ-ინფოს“ ეთერში განთავსებული პროგრამები და მედიის საშუალებით გავრცელებული განცხადებები. „მიგვაჩნია, რომ ტელეკომპანია „ალტ-ინფოს“ მიერ გაკეთებული განცხადებების მიზანია რუსეთის ფედერაციის მიერ ომის დანაშაულების, მათ შორის, ადამიანურობის წინააღმდეგ ჩადენილი დანაშაულების გამართლება, რაც აკრძაულია საქართველოს კანონმდებლობით“. სრულად... წყარო: ორგანიზაციის გვერდი სოციალურ ქსელში

აჭარა. საერთაშორისო გამჭვირვალობა - საქართველო აქვეყნებს ბლოგპოსტს: მმართველ პარტიასთან დაკავშირებული „აჭარგანათებისა” და „განათების“ მონოპოლიური მდგომარეობა აჭარის მუნიციპალიტეტების შესყიდვებში. „„ბათუმის მერიის ა(ა)იპ-მა თითქმის 29 მლნ ლარიან უკონკურენტო და სავარაუდოდ მორგებულ ტენდერში გამარჯვებულად „აჭარგანათება“ გამოაცხადა, რომელიც „ქართული ოცნების” ბათუმის საკრებულოს ყოფილი წევრის, ირაკლი თოფურიძის ოჯახის საკუთრებაა. „აჭარგანათებამ” და თოფურიძის ოჯახის კიდევ ერთმა კომპანიამ, „განათებამ“ 2011-2022 წლებში ჯამში 66 844 339 ლარი მიიღეს, აქედან 91% უკონკურენტო, გამარტივებული და კონკურენტების დისკვალიფიკაციის ხარჯზე მოგებული ტენდერებიდან“.  ორგანიზაცია მიმართავს სახელმწიფო უსაფრთხოების სამსახურის ანტიკორუფციულ სააგენტოს, დაიწყოს მოკვლევა იმ შესყიდვების შესასწავლად, რომელიც ამ კომპანიებმა უკონკურენტოდ და კონკურენტების დისკვალიფიკაციის ხარჯზე მოიგეს და მოკვლევის შედეგები საზოგადოებას დროულად გააცნოს. სრულად... წყარო: transparency.ge

თბილისი. საერთაშორისო გამჭვირვალობა - საქართველოს ინფორმაციით, ბორჯომის მერიის ინფრასტრუქტურის სამსახურის ყოფილ უფროსთან დაკავშირებულმა შპს „მაი თაუნმა“ და ინდმეწარმე შორენა თაბაგარმა 2014-2021 წლებში, 68 სახელმწიფო შესყიდვით 4,117,864 ლარი მიიღეს. აქედან 2,162,992 ლარი (საერთო თანხის 52%) უკონკურენტოდ და კონკურენტების დისკვალიფიკაციის გზით. „სავარაუდო კორუფციაში ჩართული შპს “მაი თაუნის” მენეჯმენტი ბორჯომის ყოფილი გამგებლის დიმიტრი ყიფიანის უახლოესი გარემოცვაა. მოვუწოდებთ სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს შპს „მაი თაუნის“ და მეწარმე შორენა თაბაგარის სახელმწიფო შესყიდვები და გამოარკვიოს სავარაუდო კორუფციის ფაქტები“, ნათქვამია ორგანიზაციის განცხადებაში. სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტის (IDFI) აღმასრულებელი დირექტორი, გიორგი კლდიაშვილი, მონაწილეობას იღებს ეროვნულ-დემოკრატიული ინსტიტუტისა (NDI) და ღია მმართველობის პარტნიორობის (OGP) მიერ ორგანიზებულ საერთაშორისო ღონისძიებაში „გამჭვირვალობის მხარდაჭერა უცხო ქვეყნების არალიბერალურ ზეგავლენასთან საბრძოლველად: საკანონმდებლო ორგანოების როლი“. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველომ“ საჯარო სამსახურის ბიუროს დეკლარაციების მონიტორინგის 2021 წლის ანგარიში გამოაქვეყნა. კვლევის შედეგად გამოიკვეთა, რომ „საქართველოში სულ მცირე ყოველმა მეორე თანამდებობის პირმა დეკლარაცია არაკეთილსინდისიერად შეავსო. არაკეთილსინდისიერად შევსებული დეკლარაციების უმეტესობაში თანამდებობის პირებს სამი და მეტი ტიპის დარღვევა ერთდროულად უფიქსირდებათ, რაც ნიშნავს იმას, რომ დეკლარაციებში მოცემული ინფორმაციის მნიშვნელოვანი ნაწილი არაზუსტი ან/და არასრულია. დარღვევებით წარდგენილი დეკლარაციების 76%-ში თანამდებობის პირებმა ნაწილობრივ ან საერთოდ არ მიუთითეს ოჯახის წევრებთან დაკავშირებული ინფორმაცია. მათ შორის: შემოსავლები, უძრავი ქონება, საბანკო ანგარიშები“. სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტმა (IDFI) გამოაქვეყნა კვლევა: სამინისტროების 2021 წლის 9 თვის ბიუროკრატიული ხარჯების ანალიზი. „2021 წლის საწყის 9 თვეში სახელმწიფო ბიუჯეტიდან გაწეული ხარჯების ანალიზი აჩვენებს, რომ პანდემიით გამოწვეული კრიზისული მდგომარეობის მიუხედავად, საქართველოს ხელისუფლებამ ვერ უზრუნველყო ბიუროკრატიული ხარჯების ოპტიმიზაცია. IDFI კიდევ ერთხელ მოუწოდებს ხელისუფლებას უზრუნველყოფილ იქნას საბიუჯეტო ხარჯების მაქსიმალური გამჭვირვალობა. კერძოდ, კანონის მოთხოვნების შესაბამისად, უზრუნველყოფილი იყოს საჯარო ინფორმაციის დროული და სრულყოფილი გაცემა, მთავრობის დადგენილების შესაბამისად ინფორმაციის პროაქტიული გამოქვეყნება, ხოლო შიდა აუდიტორული ანგარიშების საჯაროობის საკითხზე იხელმძღვანელონ სასამართლოს მიერ დადგენილი სტანდარტებით“. სრულად... წყარო: idfi.ge

UNCAC კოალიცია არის ანტიკორუფციული ორგანიზაციების გლობალური ქსელი, რომელიც ერთგულია ადამიანის უფლებებისა და დემოკრატიის მიმართ. „ჩვენ ვგმობთ რუსეთის შეჭრას უკრაინაში, როგორც საერთაშორისო სამართლისა და ადამიანის უფლებების უხეშ დარღვევას. ეს არის გაერთიანებული ერების ორგანიზაციის ქარტიის სუვერენული თანასწორობის, ტერიტორიული მთლიანობისა და სხვა სახელმწიფოების საშინაო საქმეებში ჩაურევლობის პრინციპების მძიმე დარღვევა - პრინციპები, რომლებსაც გაერო-ს კორუფციის წინააღმდეგ კონვენციაც იმეორებს. მოვუწოდებთ ყველა ქვეყანას, განსაკუთრებით კი მათ, სადაც მოქმედებს ძირითადი ფინანსური ცენტრები, გადადგან სწრაფი და კონკრეტული ნაბიჯები მოპარული ფინანსების შესაჩერებლად და უკანონოდ შეძენილი აქტივების მოძიებისა და გაყინვის მიზნით. მათ შორის, მნიშვნელოვანია ბენეფიციარი მესაკუთრეების და კომპანიების ცენტრალური საჯარო რეესტრის შექმნა, ასევე გამჭვირვალობის ზომების მიღება, განსაკუთრებით, კორუფციისადმი მოწყვლად სექტორებში“. სრულად... წყარო: transparency.ge

თბილისი. კოალიცია ინფორმაციის სანდოობისთვის წარმოგიდგენთ რუსეთის სამ, ყველაზე გავრცელებულ დეზინფორმაციას ომის შესახებ. „რუსეთის ფედერაციის უკრაინაში შეჭრის და საომარი მოქმედებების დაწყებისთანავე, აქტიურად დაიწყო რუსული საინფორმაცია კამპანიაც მთელს მსოფლიოში“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) ქალთა უფლებების საერთაშორისო დღეს ეხმაურება და საქართველოში ქალთა უფლებრივი მდგომარეობის შესახებ ანგარიშს აქვეყნებს. „ყველა ქალისა და გოგონას უფლებაა იყოს დაცული ძალადობისა და დისკრიმინაციისაგან, თანასწორად ისარგებლოს სამოქალაქო/პოლიტიკური და ეკონომიკური უფლებებით. მიუხედავად კანონით გარანტირებული, ფუნდამენტალური უფლებებისა საქართველოში ბევრი ქალი და გოგონა კვლავ განიცდის ძალადობის და გენდერული უთანასწორობის სხვადასხვა ფორმას“. სრულად... წყარო: gyla.ge

საქართველო. USAID GGI-ს მხარდაჭერით, ამბროლაურის, ლანჩხუთის, ახმეტისა და ცაგერის მუნიციპალიტეტების თვითმმართველობების წარმომადგენლებისთვის გამჭვირვალობისა და ეთიკის საკითხებზე ტრენინგები ჩატარდა. „ამ მუნიციპალიტეტებმა ახლახანს დაამტკიცა გამჭვირვალობისა და კეთილსინდისიერების ამაღლების სტრატეგიები და სამოქმედო გეგმები. შესაბამისად, ტრენინგები ამ მხრივ თვითმმართველობის შესაძლებლობების გაძლიერებას ისახავს მიზნად“. სრულად... წყარო: ორგანიზაციის გვერდი სოციალურ ქსელში

ვებგვერდზე EUvsDisinfo გამოქვეყნდა ბლოგპოსტი: კრემლის სცენარი: უკრაინაში შეჭრის საბაბის გამოგონება - კიდევ უფრო მეტი მითი... EUvsDisinfo 2015 წელს შეიქმნა იმ მიზნით, რომ უფრო ეფექტურად ეპასუხა რუსეთის ფედერაციის მხრიდან მომდინარე სადეზინფორმაციო კამპანიებზე, რომლებიც გავლენას ახდენს ევროკავშირზე, მის წევრ და მეზობელ ქვეყნებზე. ბლოგპოსტში საუბარია შვიდ ყველაზე გავრცელებულ და საშიშ მითზე უკრაინის შესახებ. სრულად... წყარო: euvsdisinfo.eu

თბილისი. ადამიანის უფლებათა ცენტრმა გამოაქვეყნა ანალიტიკური დოკუმენტი: სახელმწიფო ინსპექტორის სამსახურის ლიკვიდაცია რეორგანიზაციის სახელით (სამართლებრივი შეფასება).  „კრიტიკას ვერ უძლებს ის ფაქტი, რომ საქართველოს პარლამენტმა სახელმწიფო ინსპექტორის სამსახური გააუქმა პერსონალურ მონაცემთა დაცვის სახელით, მაშინ როდესაც საქართველოს პარლამენტში 2019 წლის მაისიდან უმოძრაოდ დევს კანონპროექტი „პერსონალურ მონაცემთა დაცვის შესახებ“, რომლის მიზანი საქართველოში პერსონალურ მონაცემთა დაცვის მაღალი სტანდარტის დამკვიდრებაა. საერთაშორისო სტანდარტების შესაბამისი ახალი კანონი 2 წელზე მეტია, განხილვის მოლოდინშია; ამასთან, 2021 წელს სახელმწიფო ინსპექტორის სამსახურმა საქართველოს პარლამენტს წარუდგინა 2020 წლის საქმიანობის დეტალური და კრიტიკული ანგარიში, რომელიც ისტორიაში პირველად პარლამენტმა არ მოისმინა“. სრულად... წყარო: hrc.ge

თბილისი. საქართველოს სახალხო დამცველი აქვეყნებს ანგარიშს: გენდერული თანასწორობის ინსტიტუციური მექანიზმების ეფექტიანობის შეფასება საქართველოში. „წინამდებარე ანგარიში წარმოადგენს გენდერული თანასწორობის ეროვნული მექანიზმების - გენდერული თანასწორობის მუდმივმოქმედი საპარლამენტო საბჭოს, საქართველოს გენდერული თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორისი კომისიის და მასში შემავალი უწყებების მიერ გენდერული თანასწორობის მისაღწევად გადადგმული ნაბიჯების ეფექტიანობის შეფასებას პოლიტიკის ყველა სფეროში“. სრულად... წყარო: ombudsman.ge

თბილისი. საქართველოს სახალხო დამცველმა სპეციალური ანგარიში: „დისკრიმინაციის წინააღმდეგ ბრძოლის, მისი თავიდან აცილებისა და თანასწორობის მდგომარეობის შესახებ“ გამოაქვეყნა.  „ანგარიში მიმოიხილავს 2021 წლის განმავლობაში თანასწორობის უფლების რეალიზაციის მხრივ არსებულ დაბრკოლებებს, რომელსაც ქალები, შეზღუდული შესაძლებლობის მქონე პირები, რელიგიური და ეთნიკური უმცირესობების წარმომადგენლები, ლგბტ+ თემის წევრები და სხვა დაუცველი ჯგუფები აწყდებოდნენ. მასში ასევე შეფასებულია ახალი კორონავირუსის თავიდან აცილების მიზნით დაწესებული რეგულაციების თანასწორობის უფლებასთან შესაბამისობა; სოციალური დაცვის სისტემის ხარვეზები თანასწორობის უფლების დაცვის მხრივ და წინასაარჩევნო პერიოდში პოლიტიკური მოსაზრების გამო სახელმწიფო სამსახურში შრომითი უფლებების დარღვევის შემთხვევები. ანგარიშს შესაბამისი უწყებების მიმართ შემუშავებული რეკომენდაციები ერთვის თან“. სრულად... წყარო: ombudsman.ge