28 მარტს, ადგილობრივი დროით 20:30-დან 21:30 საათამდე მსოფლიო მეთოთხმეტედ, საქართველო მეთორმეტედ „დედამიწის საათს“ აღნიშნავს. „2007 წელს პირველად ჩატარდა აღნიშნული სიმბოლური აქცია, დღეისათვის კი მსოფლიოში უდიდესი გარემოსდაცვითი კამპანიაა, რომლის დროსაც მილიონობით ადამიანი ერთი საათით ელექტროენერგიის გამოყენებაზე უარს ამბობს და ამით პლანეტის მწვანე და უსაფრთხო მომავლის მხარდაჭერას გამოხატავს. კამპანია ყოველწლიურად მილიონობით ადამიანის ხმას აერთიანებს მსოფლიოს 180+ ქვეყნებიდან. წელს, კორონა ვირუსის (COVID-19) გავრცელების და მსოფლიოში შექმნილი კრიზისის ფონზე, დედამიწის საათის საორგანიზაციო ჯგუფი კამპანიაში ჩართულ მხარეებს მოუწოდებს ღონისძიებების ონლაინ სივრცეში ორგანიზებისკენ“, ნათქვამია ორგანიზაციის გვერდზე სოციალურ ქსელში.  სრულად...  წყარო: ორგანიზაციის გვერდი სოციალურ ქსელში

დღეს, 16:30 საათზე, გაიმართება ონლაინ სემინარი: „ქალები გარემოსდაცვითი და სოციალური სამართლიანობისთვის". ხანგრძლივობა: 1 საათი ბმული... ID (სმარტფონებისთვის) - 413-320-264 ინიციატივა ხორციელდება პროექტის - „ტყის მდგრადი მართვა საქართველოში ფარგლებში“, „ავსტრიის თანამშრომლობა განვითარებისათვის“ ფინანსური მხარადჭერით. სრულად... წყარო: ორგანიზაციის გვერდი სოციალურ ქსელში

თბილისი. გარემოსდაცვითი ინფორმაციის და განათლების ცენტრი აქვეყნებს პოსტს ღვარცოფზე. „ღვარცოფი გეოლოგიური მოვლენაა და ეწოდება მთის მდინარეებში და დროებით წყალსადინარებში/ხევებში უხეშნატეხოვანი და ქვიშა-დისპერსიული მასით გაჯერებულ (10-70%), უმთავრესად ხანმოკლე დროის და დიდი სიჩქარის წყალქვიან და ქვატალახოვან ნაკადს. ღვარცოფის მაღალი საშიშროების შესახებ ინფორმაციის მიღებისთანავე: • დაუყოვნებლივ უნდა ახვდეთ წყალსადინარიდან რაც შეიძლება შორს, მაღალ ჰიფსომეტრიულ ნიშნულზე; • ღვარცოფული პროცესის აქტივიზაციის ხარისხიდან გამომდინარე და შესაბამისი სახელმწიფო უწყებების წარმომადგენლების ორგანიზებით, დაუყოვნებლივ უნდა მოხდეს საცხოვრებლის, ასევე სტიქიის ზონის დატოვება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქრთველოს სახალხო დამცველი ჭიათურის მუნიციპალიტეტის სოფელ შუქრუთის მოსახლეობის პროტესტს ეხმიანება.  შუქრუთის მოსახლეობას, რომელიც ამბობს, რომ შპს „ჯორჯიან მანგანეზი“, მადნის მოპოვებისა და გადაზიდვის პროცესში, აზიანებს გარემოს, გზასა და მათ საცხოვრებელ სახლებს, 2020 წლის 17 თებერვლიდან ბლოკირებული აქვს მაღარო, თუმცა ამ პროტესტს შედეგი არ გამოუღია.  „საქართველოს სახალხო დამცველი მოუწოდებს შესაბამის უწყებებს გამოიყენონ მათ ხელთ არსებული ყველა რესურსი, ზიანის გამომწვევი მიზეზების დადგენისა და კომპანიასთან შედეგზე ორიენტირებული მოლაპარაკებების წარმართვის მიზნით. ასევე, მოუწოდებს ეკონომიკისა და მდგრადი განვითრების მინისტრს უშუამდგომლოს შუქრუთის მოსახლეობას და პირადად ჩაერთოს კომპანიასთან მოლაპარაკებებში, რათა დაცული იყო მათი როგორც საკუთრების ასევე, ჯანსაღ გარემოში ცხოვრების უფლება“, - ნათქვამია სახალხო დამცველის აპარატის მიერ გავრცელებულ განცხადებაში.  სრულად...  წყარო: http://ombudsman.ge

თბილისი. საქართველოს ატმოსფერულ ჰაერში ტყვიის შემცველობა ნორმის ფარგლებშია. „ტყვია მძიმე მეტალთა ჯგუფს ეკუთვნის და უარყოფით გავლენას ახდენს ადამიანის ჯანმრთელობაზე. საქართველოში ტმოსფერული ჰაერის ტყვიით დაბინძურების ძირითადი წყარო ტყვიის შემცველი საწვავის მოხმარება იყო, რაც დღეის მდგომარეობით აკრძალულია. საწვავის ხარისხის კონტროლის მიზნით პერიოდულად ხორციელდება ბენზინგასამართი სადგურების ინსპექტირება და საწვავის სინჯების აღება”, ნათქვამია გარემოსდაცვითი ინფორმაციის და განათლების ცენტრის გვერდზე სოციალურ ქსელში. სრულად... წყარო: ცენტრის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ანას ბაღის საქმის სამართლებრივ შეფასებას აქვეყნებს. „ანას ბაღი, რომელიც განთავსებულია ქ. თბილისში, ვარკეთილის II მ/რ, კორპ. 22 მიმდებარედ და სახელი 9 წლის ტრაგიკულად დაღუპული ბავშვის საპატივცემულოდ დაერქვა, ადგილობრივი მცხოვრებლებისთვის უმნიშვნელოვანეს სარეკრეაციო და სოციალიზაციის სივრცეს წარმოადგენს. რამდენიმე წელია, ადგილობრივი მოსახლეობა ბაღის შესანარჩუნებლად სამშენებლო კომპანიას უპირისპირდება, რომელიც სკვერის მომიჯნავედ 10-სართულიანი კორპუსის აშენებას გეგმავს და ბაღს ფუნქციის დაკარგვით ემუქრება. EMC მიიჩნევს, რომ აღნიშნულ კომპანიაზე გაცემული სამშენებლო ნებართვა ვერ აკმაყოფილებს ეროვნული და საერთაშორისო კანონმდებლობის მოთხოვნებს“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. გარემოსდაცვითი ინფორმაციისა და განათლების ცენტრი აქვეყნებს საინფორმაციო ფაქტებს პლასტმასის შესახებ. „ადამიანები ყოველდღიურად ვიყენებთ პლასტმასის ნივთებს, რომლებიც ხშირად ერთჯერადი მოხმარებისაა და სწრაფად გარდაიქმნება ნარჩენად UNEP-ის მონაცემებით, 1950 წლიდან დღემდე წარმოებული პლასტმასის რაოდენობამ 8.3 მილიარდი ტონა შეადგინა. აქედან მხოლოდ მცირე ნაწილი გადამუშავდა, 79% ნაგავსაყრელზე და გარემოში მოხვდა. ყოველწლიურამდ ოკეანეში 8 მილიონ ტონამდე პლასტმასის ნარჩენი ხვდება. პლასტმასის ნარჩენების გადამუშავებისთვის აუცილებელია მათი დახარისხება. 7 სახის პლასტმასის ნარჩენის დასახარისხებლად არსებობს შესაბამისი ეტიკეტები”, ნათქვამია ცენტრის გვერდზე სოციალურ ქსელში. სრულად... წყარო: ცენტრის გვერდი სოციალურ ქსელში

თბილისი. 18 თებერვალს, 11:00 საათზე, თბილისის საქალაქო სასამართლოში ნენსკრა ჰესის საქმეზე მოსამზადებელი სხდომა გაიმართა. „სასამართლოში მოსახლეობის ინტერესებს არასამთავრობო ორგანიზაციები - ადამიანის უფლებების სწავლებისა და მონიტორინგის ცენტრი (EMC) და მწვანე ალტერნატივა წარმოადგენენ. სარჩელი შეეხება ჰესის მშენებლობისა და ექსპლუატაციისათვის მნიშვნელოვანი გარემოსდაცვითი გადაწყვეტილების კანონიერების საკითხს“, ნათქვამია EMC-ის ვებგვერდზე. სრულად... წყარო: emc.org.ge

კლიმატის ცვლილებით გამოწვეული კატასტროფების რისკების შემცირების მიზნით დაწყებული პროგრამის ფარგლებში, საფრთხეების ზონირების რუკები მომზადდება საქართველოს 11 მდინარის აუზისთვის, კერძოდ: ენგური; ჭოროხი-აჭარისწყალი; ხობისწყალი; სუფსა; ნატანები; კინტრიში; რიონი; მტკვარი; ხრამი-ქცია; ალაზანი; იორი. „ზონირების რუკების შექმნისთვის აუცილებელია მდინარეების აუზების შეფასება, რაც ისტორიული მონაცემების დამუშავებას, საველე გეოლოგიურ და ჰიდროლოგიურ კვლევებს, ბუნებრივი საფრთხეების იდენტიფიცირებას, ერთიანი მონაცემთა ბაზის შექმნას გულისხმობს. ზონირების შედეგად გამოიყოფა მაღალი, საშუალო და დაბალი საფრთხის ზონები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 6 თებერვალს, „თავისუფალ ჟურნალისტთა სახლმა“ ხულოს მუნიციპალიტეტის ცენტრში კედელი მოხატა. სტრიტ არტი, ანუ იგივე ქუჩის ხელოვნება - გარემოს დაცვის თემას ეხმიანება. „მისი მიზანია მოსახლეობის ინფორმირება ნარჩენების ეფექტიანი მართვისა და შემცირების შესახებ. სტრიტ არტის შემსრულებელი მხატვარი, მარიამ რამიშვილია. პროექტი „ნარჩენების ეფექტიანი მართვა აჭარაში” მიმდინარეობს USAID WMTR II Program-ის ფარგლებში, რომელსაც ახორციელებს CENN, USAID-ის მხარდაჭერით“, ნათქვამია თავისუფალ ჟურნალისტთა სახლის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ეხმაურება საქართველოს ეკონომიკისა და მდგრადი განვითარების სამინისტროს ინიციატივას, წიაღისეულის მოპოვების 100 ახალი ლიცენზიის აუქციონზე გამოტანის შესახებ.  „მიგვაჩნია, რომ ეს ინიციატივა „საქართველოს წიაღის სექტორის სტრატეგიის“ დოკუმენტს ეწინააღმდეგება და ბუნებრივი რესურსების დემოკრატიული, გამჭირვალე და სათანადო ცოდნაზე დაფუძნებული მართვის პრინციპებთან შეუსაბამოა. ეკონომიკისა და მდგრადი განვითარების სამინისტროს გადაწყვეტილება აგრძელებს პრივატიზაციისა და აუქციონის წესით ლიცენზიების გაცემის პრაქტიკას, მიუხედავად იმისა, რომ ტყიბულში, ჭიათურასა და სხვა რეგიონებში დაგროვებული გამოცდილება ამ პოლიტიკის სოციო-ეკონომიკურ და ეკოლოგიურ მდგრადობას ეჭვქვეშ აყენებს, ხოლო 2019 წლის დეკემბერში დამტკიცებული “წიაღის სექტორის სტრატეგია” სამთო-მოპოვებით სექტორში არსებულ მნიშვნელოვან საკანონმდებლო ჩავარდნებზე მიუთითებს, რომელთა აღმოუფხვრელად მოპოვების ლიცენზიების გაცემის მასშტაბური ტალღის წამოწყება უკიდურესად საფრთხის შემცველია“, - ვკითხულობთ EMC -ის განცხადებაში.  სრულად...  წყარო: ორგანიზაციის ვებგვერდი

თბილისი. გარემოსდაცვითი ინფორმაციის და განათლების ცენტრი აქვეყნებს ეკოფაქტის ინფოგრაფიკას: შუშა წარმოადგენს მასალას, რომელიც სრულად გადამუშავდება. მოქალაქე შემგროვებელ კონტეინერში ათავსებს შუშის ბოთლებს, ქარხანაში კი მათ რეცხავენ, ფერების მიხედვით ახარისხებენ, ამსხვრევენ და ხელახლა ადნობენ, რომ ისევ ჩამოისხას ახალი ქილები/ბოთლები. ინფოგრაფიკის აღწერაში ნათქვამია, რომ შუშის გადამუშავება მრავალჯერადად არის შესაძლებელი - შეიტანე შენი წვლილი ნარჩენების შემცირებაში. სრულად... წყარო: ცენტრის გვერდი სოციალურ ქსელში

თბილისი. გაეროს განვითარების პროგრამის (UNDP) დაფინანსებით, გარემოსდაცვითი ინფორმაციისა და განათლების ცენტრისა და ეროვნული სატყეო სააგენტოს თანამშრომლებისათვის გაიმართა ტრენინგი - „პროფესიული საგანმანათლებლო პროგრამები, საკანონმდებლო მოთხოვნები და მათი ორგანიზების/განხორციელების თავისებურებები“.  ტრენინგის მიზანს წარმოადგენდა ცენტრის თანამშრომელთა შესაძლებლობების გაძლიერება და მათთვის პროფესიული კურსების აკრედიტაციის პროცესისათვის საჭირო პროცედურების გაცნობა.  სრულად...  წყარო: გვერდი სოციალურ ქსელში

თბილისი. ნამახვანის ჰესების კასკადის ექსპლუატაციის პირობების ცვლილებების პროექტთან დაკავშირებით, საქართველოს გარემოს დაცვისა და სოფლის მეურნეობის სამინისტროში გამართული საჯარო განხილვის გამო, საია და EMC განცხადებას ავრცელებენ.  „სამინისტრომ 20 დეკემბერს გამართული საჯარო განხილვისას, რომელიც ადგილობრივი მოსახლეობის განსაკუთრებულ ინტერესს იწვევდა, უხეშად დაარღვია საქართველოს გარემოსდაცვითი შეფასების კოდექსისა[1] და ორჰუსის კონვენციის[2] მოთხოვნები. მიუხედავად იმისა, რომ შეხვედრაზე იყვნენ საქართველოს გარემოს დაცვისა და სოფლის მეურნეობის, ასევე ეკონომიკისა და მდგრადი განვითარების მინისტრების მოადგილეები, მათი თანდასწრებით დაირღვა საჯარო განხილვის მოწყობის წესი. კერძოდ, ხელოვნური დაბრკოლებები შეექმნათ განხილვაზე დასწრებით დაინტერესებულ პირებს, დამსწრეებს კითხვების დასმის შესაძლებლობა არ მიეცათ, შეხვედრაზე პასუხები არ გაეცა კრიტიკულ კითხვებს“, - აღნიშნულია განცხადებაში, - „მოვითხოვთ, საქართველოს გარემოს დაცვისა და სოფლის მეურნეობის სამინისტრომ: გააუქმოს გარემოსდაცვითი შეფასების კოდექსის მოთხოვნების უხეში დარღვევებით ჩატარებული საჯარო განხილვა; ჩანიშნოს საჯარო განხილვის ახალი თარიღი; გარემოსდაცვითი შეფასების კოდექსის შესაბამისად, უზრუნველყოს საჯარო განხილვების ჩატარება ზემოქმედების ქვეშ მყოფი მოსახლეობისთვის ხელმისაწვდომ საჯარო სივრცეებში; გარემოსდაცვითი შეფასების კოდექსისა და ორჰუსის კონვენციის მოთხოვნების შესაბამისად, უზრუნველყოს პროექტების ზემოქმედების ქვეშ მყოფი მოსახლეობისა და სხვა დაინტერესებული პირების გადაწყვეტილების მიღების პროცესში სათანადო ჩართულობა“.  სრულად...  წყარო: https://gyla.ge

აჭარა. ხულოს განვითარების ჯგუფის (LAG) წევრებმა, საოჯახო სასტუმროს ოპერატორებმა და აგროტურისტული მეურნეობის მართვით დაინტერესებულმა 20-მდე წარმომადგენელმა ეკოტურისტული და აგროტურისტული მეურნეობის მართვის ტრენინგში მიიღო მონაწილეობა.  ტრენინგი მიზნად ისახავდა ხულოს მუნიციპალიტეტში აგრომეურნეობების ტურისტულ ობიექტებად ფორმირების ძირითადი მოთხოვნების და სტანდარტების განსაზღვრას და დანერგვის ხელშეწყობას. ტრენინგი ევროკავშირის მხარდაჭერით ENPARD-ის ხულოს პროექტის ფარგლებში ჩატარდა და მას „საქართველოს ეკოტურიზმის ასოციაციის“ საგანმანათლებლო პროექტების მენეჯერი ნატა რობიტაშვილი უძღვებოდა.  სრულად...  წყარო: http://enpard.ge

თბილისი. გარემოსდაცვითი ინფორმაციისა და განათლების ცენტრის ორგანიზებით, ჩატარდა კონკურსი „მწვანე ჯილდო 2019 - სკოლამდელი გარემოსდაცვითი განათლება”.  კონკურსი, რომლის მიზანიც სკოლამდელი აღზრდის დაწესებულებებში გარემოსდაცვითი საკითხების სწავლების ხელშეწყობა და აღმზრდელებისა და მეთოდისტების წახალისებაა, უკვე მეორედ გაიმართა და მასში მონაწილეობა საქართველოს ყველა რეგიონის წარმომადგენელმა მიიღო.  კონკურსის მონაწილეები კომისიის წევრებმა მთელი წლის განმავლობაში განხორციელებული გარემოსდაცვითი აქტივობების მიხედვით შეაფასეს და საუკეთესო ათეული გამოავლინეს.  სრულად...  წყარო: https://www.facebook.com/pg/eiecgovge

აჭარა. ქედის მუნიციპალიტეტის სხვადასხვა სკოლების 20-ზე მეტმა მოსწავლემ მონაწილეობა მიიღო ევროკავშირის მიერ მხარდაჭერილ, ქედის LAG-ის მიერ ორგანიზებულ დისკუსიაში კლიმატის ცვილებისა და ნარჩენების მდგრადი მართვის შესახებ. ღონისძიება, რომელიც ქედის LAG-ის ოფისში ევროკავშირის მიერ დაფინანსებული „ქედა ლიდერის“ პროექტის ფარგლებში ჩატარდა, მიზნად ისახავდა მუნიციპალიტეტის ახალგაზრდების ცნობიერების ამაღლებას გარემოსდაცვითი საკითხებისადმი და მათი ჩართულობის ხელშეწყობას შესაბამის აქტივობებში.  დისკუსიას წინ უძღოდა მობილური ფილმის საერთაშორისო ფესტივალის ფარგლებში შერჩეული 1-წუთიანი თემატური ფილმების ჩვენება. მოსწავლეებმა ასევე მონაწილეობა მიიღეს ნარჩენების ხელახალი გამოყენების აქტივობასა და ნარჩენების მდგრადი მართვის პრაქტიკულ ტრენინგში.  სრულად... წყარო: http://enpard.ge

აჭარა. 19 ნოემბერს, „თავისუფალ ჟურნალისტთა სახლის” მოხალისე - ანა მჟავანაძე, ქ.ბათუმის №10 საჯარო სკოლის მოსწავლეებს შეხვდა და ნარჩენების მართვასთან დაკავშირებულ საკითხებზე ესაუბრა. „მონაწილეებს მივაწოდეთ ინფორმაცია, გარემოს დაცვის კუთხით, საქართველო-ევროკავშირის ასოცირების ხელშეკრულების მნიშვნელობასა და სარგებელზე. განვიხილეთ ევროპული ქვეყნების მაგალითები, რომლებსაც ნარჩენების მართვის ეფექტური სტრატეგია გააჩნიათ. შეხვედრაზე მოსწავლეებმა დასვეს კითხვები და გამართეს დისკუსია. ტრენინგის მიზანია, ახალგაზრდებში გარემოს დაცვის მექანიზმებსა და ნარჩენების მართვაზე, ცნობიერების ამაღლების ხელშეწყობა”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) და „მწვანე ალტერნატივა“ ჭიათურის მუნიციპალიტეტის სოფელ შუქრუთში მიმდინარე პროცესებს აფასებენ. „2019 წლის 7 ნოემბრიდან, ჭიათურის მუნიციპალიტეტის სოფელ შუქრუთის მაცხოვრებლები აქციას მართავენ. მათ სოფელში მდებარე შპს „ჯორჯიან მანგანეზის“ მაღაროს ფუნქციონირება შეაჩერეს. მოსახლეობა კომპანიის საქმიანობის შედეგად მათი სახლებისა და გარემოსთვის მიყენებული ზიანის ანაზღაურებას მოითხოვს. EMC მოუწოდებს სახელმწიფოს შესაბამის უწყებებს, უზრუნველყონ დაზარალებულთა საცხოვრისისა და ჯანსაღ გარემოში ცხოვრების უფლებების დაცვა“, ნათქვამია განცხადებაში.  სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაციის (საია) ინფორმაციით, თბილისის საქალაქო სასამართლომ ლენტეხის მუნიციპალიტეტში „ხელედულა 3 ჰესის“ მშენებლობის პროექტზე გაცემული სკოპინგის დასკვნის კანონიერების საკითხის არსებითად განიხილვა დაიწყო. „საია სასამართლოში ლენტეხის ადგილობრივ მცხოვრებთა ინტერესებს იცავს და გარემოს დაცვისა და სოფლის მეურნეობის მინისტრის იმ ბრძანების ბათილად ცნობას ითხოვს, რომლითაც სკოპინგის დასკვნა დამტკიცდა. თბილისის საქალაქო სასამართლოს „ხელედულა 3 ჰესის“ საქმეზე საიას მიერ წარდგენილი შუამდგომლობები დააკმაყოფილა, მათ შორის დამოუკიდებელი გარემოსდაცვითი შეფასების ექსპერტის მამუკა გვილავასა და „მწვანე ალტერნატივას“ ექპსერტის დავით ჭიპაშვილის მიერ მომზადებული ექსპერტიზის დასკვნების საქმისათვის დართვის შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. 1 ნოემბერს ასოციაცია „ათინათის“ ახალგაზრდული ცენტრის წევრებისთვის მოეწყო შეხვედრა თემაზე „ეკოლოგიური კატასტროფები მსოფლიოში“. „შეხვედრას უძღვებოდა გერმანელი მოხალისე, ალენა კემი. ტრენინგის მონაწილეებმა ჩამოაყალიბეს გუნდები და განიხილეს პლასტმასისა და პოლიეთილენის გამოყენების დადებითი და უარყოფითი მხარეები. ასევე, გაეცნენ ინფორმაციას კამპანია "Friday for Future"-ს შესახებ. კამპანია ხორციელდება სკოლის მოსწავლეების მიერ მსოფლიო მასშტაბით, რომლებიც აქციებითა და დემონსტრაციებით ითხოვენ ღონისძიებებს გლობალური დათბობისა და კლიმატური ცვლილებების თავიდან ასაცილებლად“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თორნიკე გერლიანის სტატიას: არაღიარებული ომის მიგრანტები, ანუ ვინ და როგორ იბრძვის ჰესების წინააღმდეგ. „წინამდებარე სტატია განიხილავს მსოფლიოს სხვადასხვა ადგილას ჰესების საწინააღმდეგო მოძრაობების ბრძოლისა და წინააღმდეგობის მეთოდებსა და სტრატეგიებს. ტექსტის მთავარი ფოკუსი იმ პოლიტიკურ-სამართლებრივი ჩარჩოების გამოკვეთაა, რომელსაც ჰესების საწინააღმდეგო მოძრაობები ეყრდნობიან და რომელთა მეშვეობითაც არტიკულირდება მათი მოთხოვნები. განსახილველი საკითხები მოიცავს სხვადასხვა პოლიტიკური ჩარჩოების გამოყენების საფუძვლებს, პრაქტიკებსა და მათ ურთიერთქმედებას. მსხვილი ჰიდროპროექტების მშენებლობის, გარემოსა და ადამიანზე მათი მძიმე ზეგავლენის შეფასების პარალელურად, ის გაბატონებული პოლიტიკური და ეკონომიკური ხედვები წარმოჩინდება, რომლებიც დიდწილად განსაზღვრავენ განვითარების თანამედროვე მოდელებს“, ნათქვამია ორგანიზაციის ვებგვერდზე. სრულად... წყარო: emc.org.ge