გურია. 10-12 ივლისს ჩატარდა ახალგაზრდული ტრენინგი „გენდერული როლები და სტერეოტიპები“. განხილულ საკითხებს შორის იყო: ქალთა უფლებების ისტორია, ფემინიზმი; გენდერული თანასწორობა, არა-ანაზღაურებადი შრომა; ძალადობა, ნაადრევი ქორწინება, გენდერი და შეზღუდული შესაძლებლობა; როგორ დავწეროთ პროექტი. თუ გსურთ თქვენც მიიღოთ მონაწილეობა და გაიგოთ მეტი გენდერული თანასწორობის შესახებ, გაიარეთ რეგისტრაცია...  ახალგაზრდული ტრენინგები ხორციელდება „ქალების ძალა - ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში“ პროექტის ფარგლებში, რომელსაც ახორციელებს საერთაშორისო ორგანიზაცია „ქალები საერთო მომავლისთვის (WECF Georgia)“ ადგილობრივ პარტნიორებთან თანამშრომლობით და ევროკავშირის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. MAC Georgia-ს ფსიქოლოგების გუნდმა სპეციალური განათლების პროგრამის კოორდინატორის, დანიკა სტაუტის ხელმძღვანელობით დაასრულა მუშაობა ახალ სატრენინგო მოდულზე „წინა აკადემიური უნარები და ტრანზიციის ხელშეწყობა“. ტრენინგი ბაღების ინტენსიური პროფესიული მხარდაჭერის პროგრამის ნაწილია. პროგრამაში მონაწილე შერჩეული ბაღისთვის ტრენინგი ჩატარდება სექტემბრის თვეში. სრულად... წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრი აქვეყნებს ანასტასია ლორთქიფანიძის ბლოგპოსტს: რისი ეშინია შიშს.? „ჩვენი უბედურება დღესდღეობით იმაში მდგომარეობს რომ ჩვენი საზოგადოება (არ ვსაუბრობ იმ ნაწილზე, რომელიც დღის სინათლეზე დიდი ხანია გამოვიდა) ქალს აღიქვამს, როგორც ნივთს, რომელიც მამაკაცის ღირსების საზომია და რომელსაც ძალიან მცირე შეცდომის დაშვება სჭირდება იმისათვის რომ აღარ იყოს სასურველი ან მისაღები. სამაგიეროდ მამაკაცს ბევრი რამ ეპატიება, რაც ვფიქრობ მისი განვითარებისთვისვეა დამღუპველი. ალბათ ამიტომაც გვყავს ბევრი რეალობას აცდენილი კაცი, რომელსაც იმდენი ეძახეს, შენ კაცი ხარ ასეთი და ასეთი უნდა იყო, ამის და ამის უფლება გაქვს, შენ მეტი ხარ, შენ გეპატიება, მერე რა და ა.შ. მათ ყველაფერი აპატიეს, გაუტარეს, მისცეს უამრავი უფლება, მისცეს მეტი ხელფასი იგივე საქმეში, რასაც ქალიც აკეთებს, რითაც ერთგვარი დათვური სამსახური გაუწიეს და შეაფერხეს მათი განვითარება“. სრულად... წყარო: ginsc.net

თბილისი. „ეროვნული უსაფრთხოებისა და საჯარო პოლიტიკის“ 2022-23 წლის სასწავლო პროგრამის ფარგლებში პირველი სალექციო მოდული დაიწყო. კურსს „ეკონომიკის პრინციპების“ შესახებ რონდელის ფონდის უფროსი მეცნიერ-მკვლევარი, ვლადიმერ პაპავა უძღვება. ამ მოდულის ფარგლებში სულ ექვსი ლექცია ჩატარდება. „ეროვნული უსაფრთხოებისა და საჯარო პოლიტიკის“ სასწავლო პროგრამას რონდელის ფონდი აშშ-ის მთავრობის ფინანსური მხარდაჭერით ახორციელებს. სრულად... წყარო: ორგანიზაციის გვერდი სოციალურ ქსელში

შვეიცარია. ინფორმაციის თავისუფლების განვითარების ინსტიტუტის (IDFI) ცნობით, დეზინფორმაციისა და მეხსიერების კვლევების მიმართულების მკვლევარმა, ნინო გოზალიშვილმა წარადგინა მოხსენება: „დეზინფორმაცია და დემოკრატია: გამოწვევები გარდამავალი დემოკრატიის კონტექსტში” საქართველოს 3 უნივერსიტეტის სტუდენტებისთვის, ლოზანის უნივერსიტეტის მიერ ორგანიზებულ საზაფხულო სკოლაში. სრულად... წყარო: idfi.ge

თბილისი. „უფლებები საქართველოს“ და იურიდიული დახმარების სამსახურის იურისტებმა, რომლებიც თავშესაფრის მაძიებლებს და საერთაშორისო დაცვის ქვეშ მყოფ პირებს უფასო სამართლებრივ დახმარებას უწევენ, 12 ივლისს, სამუშაო შეხვედრა გამართეს. სამუშაო შეხვედრა ჩატარდა პროექტის „ლტოლვილების, თავშესაფრის მაძიებლების, ჰუმანიტარული სტატუსის მქონე და მოქალაქეობის არმქონე პირების დაცვა და გაძლიერება საქართველოში“ ფარგლებში, რომელსაც „უფლებები საქართველო“ 2019 წლიდან, გაეროს ლტოლვილთა უმაღლესი კომისარიატის (UNHCR) დაფინანსებით ახორციელებს. სრულად... წყარო: www.rights.ge

შიდა ქართლი. გორის მუნიციპალიტეტის მერმა, ვლადიმერ ხინჩეგაშვილმა, შიდა ქართლის რეგიონული ჰაბის „საზოგადოება ბილიკის“ თავმჯდომარემ, მარიამ მღებრიშვილმა, განათლების განვითარების და დასაქმების ცენტრის აღმასრულებელმა დირექტორმა, ნათია ნამიჭეიშვილმა და ახალგაზრდული საბჭოს თავმჯდომარემ, გიორგი ტალახაძემ ურთიერთთანამშრომლობის მემორანდუმს მოაწერეს ხელი. „თანამშრომლობის მიზანია ახალგაზრდული საბჭოს გაძლიერება, ადგილობრივ და საერთაშორისო ორგანიზაციებთან თანამშრომლობის გაძლიერება, ახალგაზრდული ინიციატივების ხელშეწყობა და ახალგაზრდების საზოგადოებრივ ცხოვრებაში ჩართულობის ზრდის ხელშეწყობა". ახალგაზრდული საბჭო დაფუძნდა შიდა ქართლის რეგიონული ჰაბისა და განათლების განვითარებისა და დასაქმების ცენტრის ხელშეწყობით, პროექტის „სამოქალაქო საზოგადოების ინიციატივა“ ფარგლებში. პროექტი ხორციელდება ევროკავშირისა და კონრად ადენაუერის ფონდის მხარდაჭერით. სრულად...  წყარო: ორგანიზაციის გვერდი სოციალურ ქსელში

თბილისი. „ქალთა ეკონომიკური გაძლიერების“ პროექტის ფარგლებში მონაწილე ქალებმა დაასრულეს ტრენინგ კურსი „როგორ დავიწყოთ და განვავითაროთ ბიზნესი“, რომელსაც BDO Academy • ბიდიო აკადემია -ს კვალიფიციური ტრენერები წარუძღვნენ. „სასწავლო კურსის შედეგად ქალებმა შეისწავლეს იდეის ბიზნეს გეგმად გარდაქმნა, ფინანსური და საგადასახადო საკითხები, ბრენდინგი და მარკეტინგი, გაყიდვების ტექნიკები და სხვა. პროექტს „ფონდი ტასო“ გაეროს ქალთა ორგანიზაციის და ნორვეგიის მთავრობის მხარდაჭერით ახორციელებს“. სრულად... წყარო: ორგანიზაციის გვერდი სოციალურ ქსელში

კახეთი. კახეთის რეგიონული ჰაბი აქტიურად მუშაობს ახალგაზრდების სათემო მობილიზაციის ხელშეწყობის მიმართულებით. 29 ივნისს კახეთის რეგიონული  ჰაბის მიერ  ჩატარდა ტრენინგები ყვარლის მუნიციპალიტეტის  სოფლებში ახალსოფელსა  და ზინობიანში, თემში მცხოვრები ეთნიკური უმცირესობებისა და შერეული ოჯახების წარმომადგენელი ახალგაზრდებისათვის. ტრენინგზე განიხილეს სამოქალაქო აქტივიზმისა და სამოქალაქო ჩართულობის საკითხები... კახეთის რეგიონული ჰაბის საქმიანობას უზრუნველყოფს ორგანიზაცია მედია ცენტრი კახეთი (MCK) ევროკავშირისა და კონრად ადენაუერის ფონდის  დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ (2021-2025) ფარგლებში. აღნიშნული პროექტის მიზანია, გააძლიეროს სამოქალაქო საზოგადოება როგორც დამოუკიდებელი, მდგრადი, გამჭვირვალე და ანგარიშვალდებული აქტორი მთელი ქვეყნის მასშტაბით. სრულად... წყარო: ორგანიზაციის გვერდი სოციალურ ქსელში

თბილისი. 30 ივნისს, ინფორმაციის თავისუფლების განვითარების ინსტიტუტისა (IDFI) და ელექტრონული მმართველობის აკადემიის (eGA) საერთო პროექტის, „DRIVE: ციფრულად მოწყვლადი მოქალაქეების საჭიროებების კვლევა“ ფარგლებში ვებინარი ჩატარდა, რომელიც ეფუძნებოდა მაისში გამოქვეყნებულ ანგარიშს ციფრული მოწყვლადობის შესახებ. ტრენინგი მოიცავდა სამოქალაქო ჩართულობის ეტაპებს, დაინტერესებულ მხარეებს შორის თანამშრომლობის ინსტრუმენტებს და ეფექტური კომუნიკაციის საკითხებს. სრულად... წყარო: idfi.ge

თბილისი. 24 და 25 ივნისს პარტნიორობა ადამიანის უფლებებისთვის (PHR) ადვოკატებმა  სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ურისტებს და სოციალურ მუშაკებს ტრენინგები ჩაუტარეს თემაზე: შეზღუდული შესაძლებლობის მქონე ქალების სექსუალური და რეპროდუქციული ჯანმრთელობის უფლება. შეხვედრა განხორციელდა პროექტ „შშმ ქალთა და გოგონათა მხარდაჭერა, მათი გაძლიერება და დამოუკიდებლობის ხელშეწყობის“ ფარგლებში RFSU-ს ფინანსური მხარდაჭერით. სრულად... წყარო: phr.ge

გურია. 2-3 ივლისს, ხანდაზმულთა სახლის მზრუნველებს ჩაუტარდათ ტრენინგი თემაზე „მწვავე ქცევითი სირთულეების მართვის ტექნიკები“. „ტრენინგზე მიღებული ცოდნა თანამშრომლებს დაეხმარება ხანდაზმულთა რთული/სარისკო ქცევის სწორად მართვის სტრატეგიების დასწავლაში, ასევე, თავად ბენეფიციართა უსაფრთხოების დაცვაში. ტრენინგი  ჩატარდა სამწლიანი პროექტის „უფლებებზე დაფუძნებული სოციალური მომსახურების განვითარება შეზღუდული შესაძლებლობების მქონე პირების და ხანდაზმულებისთვის“ ფარგლებში, რომელსაც ახორციელებს საქართველოს სტრატეგიული კვლევებისა და განვითარების ცენტრი (CSRDG), ახალგაზრდა პედაგოგთა კავშირთან (YPU)  და საქართველოს საზოგადოებრივი ინტერესების დაცვის ასოციაცია (GPIDA) ერთად. პროექტის ფინანსური მხარდამჭერია ევროკავშირი“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

დაახლოებით ორი წლის წინათ ხობში, სოფელ ხეთაში საზოგადოებრივმა ორგანიზაციამ „ნიკოს ეზომ“ დაიწყო მუშაობა. იგი ადგილობრივი ახალგაზრდებისთვის არაფორმალური განათლებისა და საინტერესო შეხვედრების ადგილად იქცა. ინციატივა ნიკო ბაძაღუას და მის მეგობრებს ეკუთვნით.  ნიკო ხობის სოფელ ხეთაში დაიბადა და გაიზარდა, ბავშვობიდან ყოველთვის ჰქონდა სურვილი რაც შეიძლება მეტი ცოდნა და გამოცდილება მიეღო, მაგრამ სოფლის გარემო ამის შესაძლებლობას არ იძლეოდა. წლების შემდეგ, სწორედ, ეს გახდა ახალგაზრდული საგანმანათლებლო სივრცის ნიკოს ეზოს დაფუძნების საფუძველი, სადაც ახალგაზრდები შეძლებდნენ სხვადასხვა მიმართულებით ცოდნის გაღრმავებას.  „2020 წელს გადავწყვიტე, სოფელში, წინაპრების სახლის პირველი სართული შეხვედრების ოთახად გადამეკეთებინა. ყოფილიყო სივრცე, სადაც სიახლეს გაიგებდნენ ახალგაზრდები. გარკვეული ხედვა მქონდა, რა თქმა უნდა, მაგრამ უმეტესწილად ენთუზიაზმით და საკუთარი სახსრებით შევუდექი იდეის განხორციელებას. თავიდან მეგობრები ჩამოდიოდნენ თბილისიდან, ბათუმიდან, რუსთავიდან, რომლებიც თავიანთ საქმეში პროფესიონალები იყვნენ და გამოცდილებას უზიარებდნენ ახალგაზრდებს ისეთ თემებზე, როგორიცაა: საზოგადოებასთან ურთიერთობა, მეწარმეობის საფუძვლები, ადამიანის უფლებები, ფოტოგრაფია და ა.შ. ამ ყველაფერმა იმდენად დიდი ენერგია მოგვცა, რომ გადავწყვიტე დონორი ორგანიზაციებისთვის მიმემართა“, ამბობს ნიკო ბაძაღუა.  რამდენიმე პროექტის განხორციელებამ საშუალება მისცა სხვადასხვა ექსპერტები მიეწვია „ნიკოს ეზოში“ და მათი ცოდნა და გამოცდილება გაეზიარებინა ახალგაზრდებისთვის. ასეთივე დატვირთულია 2022 წელი, ამ ეტაპზე გადაწყვიტეს საკუთარი შემოსავლებიც მიაშველონ აქტივობებს – „ნიკოს ეზოს“ შიდა და გარე სივრცე ღონისძიებებისთვის სხვა ორგანიზაციებს დაუთმონ და შემოსული თანხა ორგანიზაციის განვითარებას მოახმარონ.  ხობი, ულამაზესი სოფელი ხეთა და „ნიკოს ეზო“ თქვენ გელოდებათ...

თბილისი. „ახალგაზრდა ადვოკატებმა“ საქართველოს იუსტიციის სამინისტროს საგრანტო პროგრამით გამარჯვებული პროექტის „ბავშვთა უფლებების დაცვა საქართველოში ჰააგის კონვენციის მიხედვით“ ფარგლებში, პროფესიული გადამზადების ტრენინგი ჩაატარეს. ტრენინგის თემას იყო - „როგორ წარვმართოთ საქართველოს სასამართლოში კონვენციის ფარგლებში არსებული დავები: ტექნიკა და პრაქტიკა“, რომელშიც მონაწილეობა ადვოკატებმა და იურისტებმა მიიღეს. სრულად... წყარო: www.barristers.ge

იმერეთი. ინფორმაციის თავისუფლების განვითარების ინსტიტუტმა (IDFI) სამუშაო შეხვედრა გამართა პედაგოგებთან: მოწყვლადი ჯგუფების საჭიროებების იდენტიფიცირება საქართველოს განათლების სისტემაში, COVID-19 პანდემიის განმავლობაში. „შეხვედრის მიზანი იყო საქართველოს განათლების სისტემის გამოწვევების იდენტიფიცირება COVID-19 პანდემიის შემდგომ პერიოდში, ასევე, დისკუსია მოწყვლადი ჯგუფების საჭიროებების და გამოწვევების შესახებ პანდემიის განმავლობაში“. სრულად...  წყარო: idfi.ge

ქვემო ქართლი. „საფარის“ იურისტი ქვემო ქართლის რეგიონში, ნონა ასლანიშვილი ქალებისთვის საინფორმაციო შეხვედრებს მართავს. „ბოლო ორი კვირის განმავლობაში შეხვედრები გაიმართა მარნეულის მუნიციპალიტეტის ოთხ სოფელში. მომდევნო კვირების განმავლობაში მარნეულის გარდა, მოვიცავთ ბოლნისს, გარდაბანს და ქვემო ქართლის სხვა მუნიციპალიტეტებს. ნონა ასლანიშვილი რამდენიმე თვეა ქვემო ქართლში მუშაობს და ადგილობრივ ქალებსა და ბავშვებს უფასო იურიდიულ სერვისებს სთავაზობს. საინფორმაციო შეხვედრებზე ის ქალებს აცნობს „საფარის“ ამ და სხვა სერვისებსა თუ შესაძლებლობებს. მათ შორის, აპლიკაცია Safe You-ს, მის ფუნქციებსა და შესაძლებლობებს. შეხვედრები ტარდება პროექტის ფარგლებში, „გენდერული და ოჯახში ძალადობის აღმოფხვრა საქართველოში“, რომელსაც „საფარი“ ახორციელებს ევროკავშირის ფინანსური მხარდაჭერით“. სრულად... წყარო: sapari.ge

რეგიონები. 24 მაისიდან 13 ივნისის ჩათვლით, სახალხო დამცველის აპარატმა საქართველოს სხვადასხვა რეგიონებში მცხოვრებ მოსწავლეებთან შეხვედრები გამართა. პროექტის მიზანი იყო ბავშვებისთვის საკუთარი უფლებებისა და სახალხო დამცველის მანდატის შესახებ ცნობიერების ამაღლება, ასევე პოლიციელებთან ურთიერთობის დროს საკუთარი უფლებების შესახებ ინფორმაციის მიწოდება. სრულად... წყარო: ombudsman.ge

თბილისი. გაეროს განვითარების პროგრამის (UNDP) ინფორმაციით, ოცდაათზე მეტი ცამეტიდან თექვსმეტ წლამდე ახალგაზრდა ერთ კვირას ბაკურიანში გაატარებს და მწვანე ბანაკის საქმიანობაში ჩაერთვება. მწვანე ბანაკში გაიმართება ინტერაქტიული საგანმანათლებლო აქტივობები, დისკუსიები, როლურ თამაშები და ლაშქრობები. ახალგაზრდები მეტ ინფორმაციას მიიღებიან კლიმატის ცვლილების შესახებ და ასევე თანამშრომლობას, აქტივიზმს და ლიდერობას ისწავლიან. მწვანე ბანაკის ორგანიზატორები არიან გაეროს განვითარების პროგრამა (UNDP) და საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრი. სრულად...  წყარო: ორგანიზაციის გვერდი სოციალურ ქსელში

თბილისი. აშშ-ს საერთაშორისო განვითარების სააგენტოს ინფორმაციით, USAID/საქართველოს მისიის დირექტორმა პიტერ ვიბლერმა სერთიფიკატები და ბიბლუსის ვაუჩერები ეროვნული კონკურსის სამ გამარჯვებულ სტუდენტს/გუნდს გადასცა. USAID-ის მხარდაჭერით ჩატარებული კონკურსი ორგანიზებული იყო სამოქალაქო განათლების შესახებ ცნობიერების ამაღლების  კამპანიის „ისწავლე რომ შეცვალო“ ფარგლებში. „ახალგაზრდებმა წარადგინეს იდეები,  თუ როგორ შეიძლება გახდეს სამოქალაქო განათლება უფრო საინტერესო და სახალისო ყველასთვის, როგორც მასწავლებლისთვის, ასევე მოსწავლისთვის.  გამარჯვებული იდეები ეხებოდა  სტუდენტურ თვითმმართველობას, მედიაწიგნიერებასა და პროფესისს არჩევის პროცესს. გაიცანით  გამარჯვებულები: ლიზი დუგლაძე (რუსთავის #13 საჯარო სკოლა); მარიამ ნაცვლიშვილი (ქუთაისის სკოლა „პროგრესი“), ნია თავდიშვილი, ეკატერინე სანდუხაძე და ნიკოლოზ ირემაძე (თბილისის 221-ე საჯარო სკოლა)“. სრულად...  წყარო: ორგანიზაციის გვერდი სოციალურ ქსელში

სამეგრელო. 21 ივნისს, ზუგდიდში, „საერთაშორისო გამჭვირვალობა - საქართველოს“ წარმომადგენლებმა ტრენინგი ჩაატარეს თემაზე: „რუსული ეკონომიკური გავლენები საქართველოში - არსებული მითები და ღია მონაცემების საშუალებით სინამდვილის დადგენა“. „ტრენინგის მონაწილეები დეტალურად გაეცნენ ბიზნეს რეესტრის, სტატისტიკის ეროვნული სააგენტოს, ეროვნული ბანკის ღია მონაცემების ბაზებსა და სხვა ვებგვერდებს, რომელთა საშუალებითაც ისინი რუსეთზე ეკონომიკური დამოკიდებულების შესახებ გავრცელებული ინფორმაციის გადამოწმებას შეძლებენ“. ტრენინგი ჩატარდა წამყვანი საერთაშორისო ორგანიზაცია „საერთაშორისო მედიის მხარდაჭერის“ IMS (International Media Support) პროექტის ფარგლებში. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. სამცხე-ჯავახეთის ჰაბის - დემოკრატ მესხთა კავშირის (UDM) ხელშეწყობით და საქართველოს სტრატეგიული კვლევებისა და განვითარების ცენტრი-ს ორგანიზებით, ახალციხეში მოქმედი საზოგადოებრივი ორგანიზაციების წარმომადგენლებისთვის და აქტიური მოქალაქეებისთვის ჩატარდა ტრენინგი თემაზე: „საზოგადოებასთან ურთიერთობის უნარების გაუმჯობესება ციფრული ინსტრუმენტების გამოყენებით“. „ტრენინგის მიზანია აღჭურვოს საზოგადოებრივი  და სათემო ორგანიზაციების წარმომადგენლები, ახალგაზრდები და  სამოქალაქო აქტივისტები საზოგადოებასთან გაუმჯობესებული ურთიერთობის, მხარდამჭერების მოზიდვისა და მოხალისეობრივი ან ქრაუდფანდინგის კამპანიების ორგანიზების საჭირო უნარებით. ტრენინგი ხორციელდება პროექტ „სამოქალაქო საზოგადოების ინიციატივა“ ფარგლებში ევროკავშირისა და კონრად ადენაუერის ფონდის მხარდაჭერით“. სრულად... წყარო: ორგანიზაციის გვერდი სოციალურ ქსელში

შიდა ქართლი. სამოქალაქო ინიციატივას „გადადგი ნაბიჯი ევროპისკენ“ ორგანიზებით, გორში, აქტიურ მოქალაქეებთან და სტუდენტებთან გაიმართა შეხვედრა თემაზე: რას მოგვცემს ევროკავშირის სტატუსი. „17 ივნისს ევროკომისია პირველ მოსაზრებას გამოაქვეყნებს, სადაც ჩვენი პერსპექტივა გამოჩნდება. ჩვენ არ შეგვიძლია დავკარგოთ შესაძლებლობა, რასაც ათწლეულების მანძილზე ველოდით. ის რაც ხალხს შეუძლია, არის გაერთიანება ევროპული არჩევანის გარშემო“. სრულად... წყარო: ინიციატივის გვერდი სოციალურ ქსელში