თბილისი. მაკლეინის ასოციაცია ბავშვებისთვის გიზიარებთ სტატიას ინტელექტუალური დარღვევის შესახებ. „ინტელექტუალური დარღვევა ნეიროგანვითარების დარღვევათა ჯგუფს განეკუთვნება და ხასიათდება ინტელექტუალური სფეროს ფუნქციონირების და ადაპტური ქცევის გამოხატული დეფიციტით, რაც მთელი ცხოვრების განმავლობაში ახდენს გავლენას ადამიანის ფსიქიკური განვითარების და ჩვევების ჩამოყალიბებაზე. ინტელექტუალური ფუნქციონირება - მოიცავს კოგნიტურ უნარებს, რაც საჭიროა ახალი ინფორმაციის დასწავლის და ყოველდღიური ამოცანების გადაწყვეტისას. ადაპტური ფუნქციონირება - მოიცავს ისეთ უნარებს რაც საჭიროა ყოველდღიურ გარემოში დამოუკიდებლად ფუნქციონირებისათვის“. სრულად... წყარო: macgeorgia.org

თბილისი. 10 ოქტომბერს ინფორმაციის თავისუფლების განვითარების ინსტიტუტმა (IDFI) erasmus + -ის ფარგლებში დაფინანსებული სასწავლო ვიზიტის მონაწილეებს IDFI-ის მეხსიერებისა და დეზინფორმაციის კვლევების მიმართულების საქმიანობა და მიღწეული შედეგები გააცნო. აღნიშნული ღონისძიების ორგანიზატორი იყო არასამთავრობო ორგანიზაცია „გერგარტი“. „სასწავლო ვიზიტის ფარგლებში, მონაწილეები შეხვდნენ იმ ორგანიზაციებსა და მკვლევრებს, რომლებიც საბჭოთა წარსულის გადააზრებაზე მუშაობენ. შეხვედრების ფარგლებში, გაეცნენ მათ საქმიანობას და სურვილი აქვთ, მიღებული ცოდნა/გამოცდილება შემდგომ საქმიანობაში გადაიტანონ“. სრულად... წყარო: idfi.ge

რეგიონები. „საერთაშორისო გამჭვირვალობა - საქართველოს“ იურისტები იმერეთის, სამეგრელოსა და აჭარის რეგიონებს ესტუმრნენ და მოსახლეობას მიწის სისტემური რეგისტრაციის საკითხებზე ესაუბრნენ. თუ რა დოკუმენტებია საჭირო საკუთრების უფლების რეგისტრაციისთვის და სხვა დამატებითი ინფორმაციისთვის ეწვიეთ ორგანიზაციის ვებ-გვერდს... სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 3 ოქტომბერს დაიწყო 2022-2023 წლების სასწავლო წელი კორუფციასთან ბრძოლის სასერტიფიკატო პროგრამის სამაგისტრო კურსის მონაწილეებისთვის. სამაგისტრო საფეხურზე შერჩეული 25 მონაწილე ილიას სახელმწიფო უნივერსიტეტის 13 სტუდენტთან ერთად, ერთი წლის განმავლობაში, გაივლის ისეთ საგნებს, როგორიცაა „ანტიკორუფციული პოლიტიკის მართვა საჯარო და კერძო დაწესებულებებში“ და „კორუფციასთან ბრძოლა - საერთაშორისო აქტორები, ანტიკორუფციული პლატფორმები“. პირველი სამაგისტრო კურსი, რომელსაც სტუდენტები პროგრამის ფარგლებში გაივლიან არის ანტიკორუფციული პოლიტიკის მართვა საჯარო და კერძო დაწესებულებებში. სასწავლო კურსს კითხულობს თინათინ ხიდაშელი. ამჟამად, ქალბატონი თინა გახლავთ არასამთავრობო ორგანიზაცია სამოქალაქო იდეის თავმჯდომარე. სრულად...  წყარო: idfi.ge

თბილისი. მაკ ჯორჯიას ცნობით, 6 ოქტომბერს მთელს მსოფლიოში ცერებრული დამბლის დღე აღინიშნება. ორგანიზაცია წარმოგიდგენთ „შეაღე-ს“ მიერ მომზადებული საინფორმაციო მასალას ცერებრული დამბლის შესახებ. „ცერებრული დამბლა ნევროლოგიური დარღვევაა, რომელიც გამოწვეულია ცენტრალური ნერვული სისტემის დაზიანებით, კერძოდ - თავის ტვინის. ის გავლენას ახდენს მოძრაობის და სხვადასხვა ყოველდღიური აქტივობის განხორციელების უნარზე“. სრულად... ეწვიეთ ვებ-გვერდს და გაიგეთ უფრო მეტი ცერებრული დამბლის შესახებ...  წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და განვითარების ცენტრი (GCSD) გთავაზობთ პუბლიკაციას „ნატო უსაფრთხოების თანამედროვე გამოწვევების კვალდაკვალ“. https://bit.ly/3EmV575  პუბლიკაციაში გაეცნობით ექსპერტთა შეფასებებს ისეთ მნიშვნელოვან თემებზე, როგორებიცაა ალიანსში გაწევრიანების სამოქმედო გეგმა (MAP), ნატო-საქართველოს თანამშრომლობის პერსპექტივები და სხვა. პუბლიკაცია მომზადდა პროექტის „უკეთ გავიცნოთ ნატო“ ფარგლებში, რომელსაც GCSD, ნატოს სახალხო დიპლომატიის განყოფილების მხარდაჭერით ახორციელებს. სრულად...  წყარო: ორგანიზაციის გვერდი სოციალურ ქსელში

თბილისი. მედიის განვითარების ფონდი გილოცავთ მასწავლებლის საერთაშორისო დღეს. ორგანიზაცია გიზიარებთ მედია და ინფორმაციული წიგნიერების სახელმძღვანელოს - დამხმარე სასწავლო რესურსს, რომელიც ახალგაზრდებში კრიტიკული აზროვნების განვითარებას და გაცნობიერებული მედიამოხმარების ხელშეწყობას ისახავს მიზნად. სახელმძღვანელო სკოლებში მედია და ინფორმაციული წიგნიერების სწავლების მიზნით შეიქმნა და თეორიულ ნაწილთან ერთად, პრაქტიკულ მასალებსაც მოიცავს. სრულად... წყარო: ორგანიზაციის გვერდი სოციალურ ქსელში

რეგიონები. 29-30 სექტემბერს, ინფორმაციის თავისუფლების განვითარების ინსტიტუტმა (IDFI) საქართველოს პარლამენტის ეროვნულ ბიბლიოთეკასთან თანამშრომლობით კასპში, ბორჯომსა და გორში რეპრესირებულთა საკითხზე პრეზენტაცია და „რადიო თავისუფლების“ ფილმის „დახვრეტილთა სასაფლაო ბათუმში“ ჩვენება გამართა. ორგანიზაციის გადმოცემით, შეხვედრების ფარგლებში წარმოდგენილი ფილმი „დახვრეტილთა სასაფლაო ბათუმში“ მოგვითხრობს, თუ როგორ აღმოჩნდა ბათუმის მახლობლად, ყოფილი რუსული სამხედრო ბაზის ტერიტორიაზე, სავარაუდოდ, საბჭოთა რეჟიმის მიერ დახვრეტილი ასობით ადამიანის სამარხი. ფილმის ჩვენებამდე, ინფორმაციის თავისუფლების განვითარების ინსტიტუტის (IDFI) მეხსიერებისა და დეზინფორმაციის კვლევების მიმართულების ხელმძღვანელმა, ანტონ ვაჭარაძემ პრეზენტაცია წარადგინა რეპრესირებულთა თემატიკის ირგვლივ და ისაუბრა საქართველოში 1937-1938 წლებში მიმდინარე დიდი ტერორის შესახებ, დამსწრე საზოგადოებას გააცნო სხვადასხვა ისტორია აღნიშნული ეპოქიდან, ასევე ყურადღება გაამახვილა მასობრივი სამარხების აღმოჩენის სპეციფიკასა და მნიშვნელობაზე. სრულად... წყარო: idfi.ge

თბილისი. რონდელის ფონდის ორგანიზებით, საჯარო სექტორში დასაქმებული ადამიანური რესურსების მართვის სპეციალისტებისთვის გაიმართა სემინარი „ადამიანური რესურსების მართვის ტრანსფორმაცია“. ღონისძიების ფარგლებში განიხილეს შემდეგი საკითხები: ადამიანური რესურსების მართვის გაციფრულება, პოლიტიკა და საჯარო სამსახურის როლი, ფუნქციური სხვაობა ადამიანური რესურსების მართვის სპეციალისტსა და ორგანიზაციის მენეჯერ(ებ)ს შორის, ადამიანური რესურსების მართვის პროცესში როლური გადანაწილება და შვედური გამოცდილება. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის საყოველთაო ხელმისაწვდომობის საერთაშორისო დღის აღსანიშნავად, მსოფლიო მასშტაბით მთელი კვირის მანძილზე ინფორმაციის ხელმისაწვდომობაზე მომუშავე ორგანიზაციები სხვადასხვა ქვეყანაში ცალკეულ ღონისძიებებს მართავენ.  IDFI-მ სხვა ღონისძიებებთან ერთად, 30 სექტემბერს საქართველოს უნივერსიტეტში სტუდენტებისთვის საჯარო მონაცემების ღიაობის მნიშვნელობაზე საჯარო ლექცია ჩაატარა. ლექციის დასაწყისში მათ მონაწილეებს გააცნეს ინსტიტუტის საქმიანობა და მთავარი თემატური მიმართულებები, რის შემდეგაც სტუდენტებს ესაუბრებიან შემდეგ საკითხებზე: რა მნიშვნელობა აქვს საჯარო ინფორმაციის ხელმისაწვდომობას ხელისუფლების საქმიანობის ეფექტური კონტროლისთვის? როგორ შეუძლიათ მოქალაქეებს საქართველოში საჯარო ინფორმაციის მოპოვება? როგორ იყენებს IDFI საჯარო მონაცემებს ხელისუფლების საქმიანობის კონტროლისთვის?  როგორ შეუძლიათ სტუდენტებს მიიღონ მონაწილეობა ხელისუფლების საქმიანობის კონტროლში? სრულად...  წყარო: idfi.ge

თბილისი. გაეცანით პლატფორმას „იმშობლე“ და მიიღეთ სასარგებლო რჩევები ბავშვებთან არსებული გამოწვევების დასაძლევად და მათთან პოზიტიური კომუნიკაციის ჩამოსაყალიბებლად. დღეს პორტალი პოზიტიური მშობლობისთვის ორ მნიშვნელოვან რჩევას გაგიზიარებთ, რომლებიც 1 წლამდე ბავშვების მშობლებისთვის იქნება საინტერესო: ყოველთვის ეცადეთ, ბავშვთან ურთიერთობის დროს, გაახმოვანოთ ნივთები და მოქმედებები: „ეს კოვზია, ახლა ჩვენ საჭმელს შევჭამთ“, „ეს დათუნიაა“. ეს ქმედება ბავშვს დაეხმარება ერთი მხრივ, ისწავლოს ნივთების დასახელებები და მეორე მხრივ, გაიაზროს მათი დანიშნულება. ამ ტიპის დიალოგები დაგეხმარებათ, მარტივად შეხვიდეთ ბავშვთან კომუნიკაციაში. შექმენით რიტუალები: ძილის წინ, ჭამის დროს, დაბანის დროს, თამაშის რიტუალი და ეცადეთ მათ დაცვას. კამპანიას ახორციელებს გაეროს ბავშვთა ფონდი ევროკავშირის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. მაკლეინის ასოციაციის ინფორმაციით, 23 სექტემბერს ჟესტური ენის მსოფლიო დღე აღინიშნება, რომელიც ჟესტური ენის მნიშვნელობასთან დაკავშირებით საზოგადოების ცნობიერების ამაღლებას ემსახურება. იცოდით, რომ: •    მსოფლიოში 300-ზე მეტი ჟესტური ენაა. •    არსებობს საერთაშორისო ჟესტური ენაც, რომელიც ეფექტურად გამოიყენება საერთაშორისო შეხვედრების, მოგზაურობისა და სოციალიზაციის პროცესში. •    ჟესტურ ენებში, ზოგეირთი ჟესტი ემთხვევა ბუნებრივ ჟესტებს, რომლებსაც სმენის მქონე ადამიანები საუბრისას იყენებენ, მაგალითად  ფული, კარგი, ცუდი, მოდი და ა.შ. •    ჟესტური ენები სრულფასოვანი ენებია, რომლებიც სტრუქტურულად განსხვავდებიან სალაპარაკო ენებისგან. სრულად...  წყარო: macgeorgia.org

თბილისი. 24-26 სექტემბერს ძალადობისგან დაცვის ეროვნული ქსელის თანამშრომლებისთვის სტრესის მართვის ტრენინგი ჩატარდა. არაფორმალურ და მეგობრულ გარემოში გატარებული დრო ტრენინგის მონაწილეებს დაეხმარა დადებითი ემოციების შეძენაში, დასვენებაში და შესაბამისი ცოდნით აღჭურვაში. „ეს თითოეულ მათგანს შესაძლებლობას მისცემს ახალი ენერგიით გააგრძელოს ისეთი მნიშვნელოვანი საქმე, რასაც ქალთა მიმართ ძალადობასთან ბრძოლა ჰქვია“. სრულად... წყარო: ორგანიზაციის გვერდი სოციალურ ქსელში

განათლების დარგის ტრენერისა და ორგანიზაცია „მშობლები განათლებისთვის" დამფუძნებლის მანანა ჯინჭარაძის ვიდეო ბლოგპოსტში გაეცნობით ყველაფერს, რაც მშობელმა სასკოლო შეფასების შესახებ უნდა იცოდეს. წყარო: ორგანიზაციის გვერდი სოციალურ ქსელში

თბილისი. საქართველოსა და სომხეთის საზღვრისპირა რეგიონებში მცხოვრებ 36 ახალგაზრდა სოციალურ მეწარმეს ბიზნეს უნარების გაუმჯობესების შესაძლებლობა ჰქონდა. სრულად... წყარო: ორგანიზაციის გვერდი სოციალურ ქსელში

გურია. 10-12 სექტემბერს ჩატარდა ახალგაზრდული ტრენინგი „გენდერული როლები და სტერეოტიპები“. თუ გსურთ თქვენც მიიღოთ მონაწილეობა და გაიგოთ მეტი გენდერული თანასწორობის შესახებ, გაიარეთ რეგისტრაცია... მონაწილეებს, რომლებიც წარმატებით გაივლიან ტრენინგებს, შესაძლებლობა მიეცემათ მიიღონ დაფინანსება (500 ევრო) ადგილობრივი ინიციატივებისა და პროექტების განსახორციელებლად, რაც გენდერული თანასწორობის შესახებ ცნობიერების ამაღლებას, ქალების ეკონომიკურ გაძლიერებასა და პოლიტიკურ მონაწილეობას შეუწყობს ხელს. ახალგაზრდული ტრენინგები ხორციელდება „ქალების ძალა - ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში“ პროექტის ფარგლებში, რომელსაც ახორციელებს საერთაშორისო ორგანიზაცია „ქალები საერთო მომავლისთვის (WECF Georgia)“ ადგილობრივ პარტნიორებთან თანამშრომლობით და ევროკავშირის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. 2022 წლის ივლისში, ორგანიზაციის „პარტნიორობა ადამიანის უფლებებისთვის“ (PHR) ბავშვთა ადვოკატებს 11 წლის ბიჭმა მომართა. ბავშვს კერძო სკოლიდან საჯარო სკოლაში უნდოდა გადასვლა, რადგან  დედის გარდაცვალების შემდეგ, ბებოსთან დარჩენილს ძალიან უჭირდა კერძო სკოლის საფასურის გადახდა და დიდი მანძილის გამო სკოლამდე ფიზიკურად სიარული. 2022 წლის 7 სექტემბერს,  PHR-მა და არასრულწლოვანმა მიმართეს სასამართლოს შუამდგომლობით და მოითხოვეს მოსამართლის განჩინებით ბავშვი ყველაზე ახლომდებარე საჯარო სკოლაში სასწრაფოდ ჩარიცხულიყო. ორგანიზაციის ცნობით, თბილისის საქალაქო სასამართლოს მოსამართლემ, ციცინო როხვაძემ, 2022 წლის 9 სექტემბერს, ბავშვის მოთხოვნა სრულად დააკმაყოფილა. სრულად...  წყარო: phr.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) 55 წელს გადაცილებული მოქალაქეებისთვის მედია და საინფორმაციო წიგნიერების ტრენინგებს აგრძელებს. ტრენინგის მონაწილეები ეცნობიან მედიასა და სოციალურ ქსელებში ინფორმაციის მანიპულაციების ამოცნობის და გადამოწმების გზებს, ასევე, იძენენ პრაქტიკულ უნარებს, რომლებიც დაეხმარებათ ყალბი და რეალური ამბების გარჩევაში.  თბილისში, ტრენინგში მონაწილეობის მსურველებს რეგისტრაციის გავლა შემდეგ ბმულზე შეუძლიათ... ტრენინგები „სამართლიანი არჩევნებისა და დემოკრატიის საერთაშორისო საზოგადოება” (ISFED)-ის მიერ ევროკავშირის მხარდაჭერით ხორციელდება. სრულად...  წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი წიგნიერების საერთაშორისო დღესთან დაკავშირებით, გიზიარებთ სასარგებლო რჩევებს თუ როგორ შევაყვაროთ პატარებს კითხვა. „დღეში სულ რაღაც 10-15 წუთი, რომელსაც თქვენი ცნობისმოყვარე პატარა წიგნთან გაატარებს, საკმარისია იმისთვის, რომ მასში ინტერესის ნაპერწკალი გააღვივოს. დაბადებისთანავე ჩართეთ ბავშვი კითხვის პროცესში; მიეცით მაგალითი, თუ როგორი უნდა იყოს კარგი მკითხველი; იკითხეთ რიგრიგობით; მოუსმინეთ ბავშვს; აქციეთ კითხვა რუტინად; სრულად... წყარო: www.unicef.org ავტორი: მენდი რიჩი, ციფრული კონტენტის მწერალი, გაეროს ბავშვთა ფონდი

თბილისი.  ტერორიზმის კვლევითი ცენტრი (TRC) გთავაზობთ #TRCTalks 2021 წლის კრებულს, სადაც თავმოყრილია გასული წლის ყველა დისკუსიის მოკლე ანალიზი... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი მედიის განვითარების ფონდთან (MDF) პარტნიორობითა და USAID/Georgia-ს მხარდაჭერით გიწვევთ ვებინარზე მშობლებისთვის: „დეზინფორმაცია და კიბერუსაფრთხოება“. მონაწილეობის მსურველები დარეგისტრირდით ბმულზე 8 სექტემბრამდე...  დეტალები: დეზინფორმაცია და კიბერუსაფრთხოება - ვებინარი მშობლებისთვის...  წყარო: ორგანიზაციის გვერდი სოციალურ ქსელში

თბილისი. 18-20 აგვისტოს, ინფორმაციის თავისუფლების განვითარების ინსტიტუტისა (IDFI) და საქართველოს უნივერსიტეტის (UG) ორგანიზებით გაიმართა Boot Camp-ი: „პოლარიზებული საზოგადოება ჰიბრიდული გამოწვევების წინაშე“.  Boot Camp-ში ჩართულნი იყვნენ აკადემიური და სასერტიფიკატო პროგრამის - „დეზინფორმაციისა და პროპაგანდის კვლევა: ისტორია, თეორია და გაბათილების საშუალებები“ მონაწილეები და საქართველოს უნივერსიტეტის სტუდენტები. ორდღიანი ბანაკის ფარგლებში, მონაწილეებმა იმსჯელეს ჰიბრიდული ომის თანამედროვე  გამოწვევებზე, ინფორმაციის მანიპულირებასთან და პროპაგანდის გავრცელებასთან დაკავშირებულ მიმდინარე ტენდენციებზე. სრულად...  წყარო: idfi.ge