თბილისი. 1საქართველოს სახალხო დამცველი ნინო ლომჯარია ივანე ჯავახიშვილის სახელობის თბილისის სახელმწიფო უნივერსიტეტში პროტესტის მონაწილე სტუდენტებს, უნივერსიტეტის ადმინისტრაციას და უნივერსიტეტის კანცლერს შეხვდა.  სტუდენტები უკვე ერთი თვეა უნივერსიტეტის ადმინისტრაციისგან რამდენიმე მოთხოვნის დაკმაყოფილებას, მათ შორის, გამოცდების დისტანციურად ჩაბარების უფლებას და სტუდენტური საცხოვრებლის ხელმისაწვდომობას ითხოვენ. ომბუდსმენმა ხაზგასმით განაცხადა, რომ სტუდენტები არ ითხოვდნენ შეღავათებს გამოცდებში.  ისინი ითხოვენ შეღავათებს მათი სოციალური მდგომარეობის გათვალისწინებით, რომ უნივერსიტეტში სწავლა და საგამოცდო პროცესი მოერგოს იმ მძიმე სოციალურ-ეკონომიკურ პირობებს, რაც აქვს თითოეულ მათგანს. მითუმეტეს, რომ ათასობით სტუდენტს მხოლოდ იმის გამო აქვს შეჩერებული სტატუსი, რომ სწავლის საფასური ვერ გადაიხადეს.  სახალხო დამცველმა უნივერსიტეტის კანცლერთან შეხვედრაზე სტუდენტებთან დიალოგის მნიშვნელობაზე ისაუბრა, ხაზი გაუსვა უნივერსიტეტის პოლიტიკის სტუდენტის საჭიროებაზე მორგების აუცილებლობას და დაპირისპირებულ მხარეებს შორის მედიაციისთვის მზადყოფნა გამოთქვა. სრულად... წყარო: ombudsman.ge

თბილისი. სამოქალაქო საზოგადოების ინსტიტუტი-ს ორგანიზებით, სამოქალაქო კამპანია „ეს ქვეყანა შენიას“ ფარგლებში, ილიას უნივერსიტეტში, ახალგაზრდებთან საჯარო შეხვედრა გაიმართა. მოწვეული სტუმრები იყვნენ: ლაშა ბუღაძე, ქეთი დევდარიანი, დათო ტურაშვილი, ნინო დანელია. მოწვეულმა სპიკერებმა გამართეს დისკუსია და განიხილეს სამოქალაქო საზოგადოების ღირებულებებისა და სამოქალაქო აქტივიზმის მნიშვნელობა. სამოქალაქო კამპანია „ეს ქვეყანა შენიას“ მიზანია საქართველოში სამოქალაქო საზოგადოების გაძლიერება, საზოგადოებრივი ორგანიზაციების საქმიანობის წარმოჩენა და სამოქალაქო აქტივიზმის ხელშეწყობა. კამპანია „ეს ქვეყანა შენია“ მიმდინარეობს ევროკავშირისა და კონრად ადენაუერის ფონდის მხარდაჭერით, პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „ კივიტას გეორგიკა“ გიზიარებთ ბავშვზე ფიზიკური და ემოციური ძალადობის ნიშნების შესახებ ინფორმაციას. ინფოგრაფიკა მომზადებულია პროექტის „საქართველოსა და სომხეთში მშობლების მიგრაციით გამოწვეული გავლენის შემცირების“ ფარგლებში; პროექტი ხორციელდება შვეიცარიის განვითარებისა და თანამშრომლობის სააგენტოს (SDC) ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. კავშირი „საფარი“ გვიზიარებს ინფორმაციას ბიჭებში პუბერტატის შესახებ. „პუბერტატი რამდენიმეწლიანი პროცესია, როდესაც ბავშვის სხეული ზრდასრულის სხეულად ტრანსფორმირდება. შესაძლოა, თქვენს ბავშვს ბევრი შეკითხვა ჰქონდეს პუბერტატზე, ან არ ჰქონდეს შეკითხვები, მაგრამ მაინც მნიშვნელოვანია, შევამზადოთ იმ სხეულებრივი ცვლილებებისთვის, რომელიც მას მოელის. ბავშვთა მიმართ სექსუალური ძალადობის შემთხვევაში, დაგვირეკე: 032 230 76 03 მომზადებულია „საფარის“ მიერ, გაეროს მოსახლეობის ფონდთან (UNFPA) პარტნიორობით, გაეროს ერთობლივი პროგრამის „გენდერული თანასწორობისთვის“ ფარგლებში, რომელიც ხორციელდება შვედეთის მთავრობის ფინანსური მხარდაჭერით“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ცენტრი აქვეყნებს ალექსანდრე რონდელის ლექციას, სადაც ის საუბრობს რუსეთის მცდელობაზე შეინარჩუნოს გავლენა კავკასიაზე და ხელი შეუშალოს რეგიონის ქვეყნებს შეურთდნენ ევროპულ და ევრო-ატლანტიკურ სტრუქტურებს. ორგანიზაციის ცნობით, ლექცია 2013 წელს, ჯორჯთაუნის უნივერსიტეტის ევრაზიის, რუსეთისა და აღმოსავლეთ ევროპის სწავლებათა ცენტრში გაიმართა. სრულად...  წყარო: ორგანიზაციის გვერდი სოციალურ ქსელში

იმერეთი. 8 ივნისს საქართველოს ახალგაზრდა იურისტთა ასოციაციის ქუთაისის ფილიალში, იურიდიული დახმარების ცენტრის თანაშემწე/სტაჟიორებისათვის ჩატარდა ტრენინგი თემაზე: „ნატო საქართველოს სტრატეგიული პარტნიორი და ევროკავშირთან დაახლოების ეტაპები“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის იურიდიული დახმარების ცენტრის თანაშემწეებს სტაჟირების წარმატებით დასრულების შემდეგ სერტიფიკატები გადაეცათ. ორგანიზაციის ცნობით, სტაჟირება როგორც სამოქალაქო/ადმინისტრაციული, ისე - სისხლის სამართლის მიმართულებით სულ 22-მა მონაწილემ გაიარა. სრულად... წყარო: ორგანიზაციის გვერდი სოციალურ ქსელში

შიდა ქართლი. „საერთაშორისო გამჭვირვალობა - საქართველოს“ ორგანიზებით, საქართველოს სხვადასხვა რეგიონში, ბესო სოლომონაშვილის ფილმის „ბოსტანი კონფლიქტის ზონაში“ ჩვენება გაიმართება. ამჯერად, ფილმის ჩვენება გაიმართა კასპის მუნიციპალიტეტის სოფელ ქვემო გომში, სადაც ფილმის გადაღებები მიმდინარეობდა. „ფილმის შემქმნელებს და აუდიტორიას აერთიანებდათ სურვილი, რომ, ჩვენ, ყველამ ერთად გადავდგათ ნაბიჯი ევროპისკენ, რომელიც მშვიდობის და უსაფრთხოების სივრცეა, რომლის ერთადერთი მტერი დღეს - ჩვენი საერთო მტერი - რუსეთია“, ნათქვამია გამჭვირვალობის ვებგვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. კავშირი „საფარი“ გიზიარებთ ინფორმაციას პუბერტატის შესახებ. „პუბერტატი რამდენიმეწლიანი პროცესია, როდესაც ბავშვის სხეული ზრდასრულის სხეულად ტრანსფორმირდება. ზრდასრულის სხეულს ვუწოდებთ ისეთ სხეულს, რომელსაც შეუძლია გამრავლება/შვილოსნობა. პუბერტატი საშუალოდ იწყება 10-11 წლის ასაკიდან, თუმცა ის შეიძლება რამდენიმე წლით ადრე ან გვიანაც დაიწყოს, და სრულდება 18 წლის ასაკისათვის. შესაძლოა, თქვენს ბავშვს ბევრი შეკითხვა ჰქონდეს პუბერტატზე, ან არ ჰქონდეს შეკითხვები, მაგრამ მაინც მნიშვნელოვანია, შევამზადოთ იმ სხეულებრივი ცვლილებებისთვის, რომელიც მას მოელის. ბავშვთა მიმართ სექსუალური ძალადობის შემთხვევაში: დაგვირეკე: 032 230 76 03 მომზადებულია „საფარის“ მიერ, გაეროს მოსახლეობის ფონდთან (UNFPA) პარტნიორობით, გაეროს ერთობლივი პროგრამის „გენდერული თანასწორობისთვის“ ფარგლებში, რომელიც ხორციელდება შვედეთის მთავრობის ფინანსური მხარდაჭერით“. სრულად... წყარო: ორგანიზაციის გვერდი სოციალურ ქსელში

აჭარა. გაეროს ბავშვთა ფონდი გიზიარებთ ინფორმაციას ხულოს მუნიციპალიტეტის სოფელ კვატიას ინკლუზიური ბაღის და მისი აღსაზრდელის, ადემის შესახებ, რომელიც ბაღს ყოველდღიურად სტუმრობს. „კვატიას საბავშვო ბაღი ინკლუზიური სკოლამდელი განათლების წარმატებული მაგალითია - მუნიციპალიტეტმა და ბაღის თანამშრომლებმა მაქსიმალურად დაუჭირეს მხარი ადემს, რომ მას ბაღში ყოველდღიურად სიარულის და ბაღის აქტივობებში მაქსიმალური ჩართვის შესაძლებლობა ჰქონოდა. გაეროს ბავშვთა ფონდის დახმარებით აღმზრდელებმა გაიარეს გადამზადება, რათა ადემის საგანმანათლებლო პროცესში სრულფასოვანი ჩართვისთვის საჭირო ცოდნა და უნარები ჰქონოდათ. სოფელ კვატიას საბავშვო ბაღს გაეროს ბავშვთა ფონდის წარმომადგენელი, ღასან ხალილი ეწვია და პირადად გაეცნო ადემს, მის აღმზრდელებსა და მეგობრებს“. სრულად... წყარო: ორგანიზაციის გვერდი სოციალურ ქსელში

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს დათო გორგილაძის ბლოგპოსტს: ფეისბუქზე პერსონალური მონაცემების მართვა. ავტორი გვიყვება თუ როგორ დავიცვათ პერსონალური მონაცემები სოციალურ ქსელში. სრულად... წყარო: www.isfed.ge

იმერეთი. ადგილობრივი დემოკრატიის სააგენტო საქართველოს  (LDA Georgia) ორგანიზებით, კონსულტაციისა და ტრენინგის ცენტრის (CTC) წარმომადგენელმა, ბ-ნ ბესო სულაბერიძემ ორდღიანი ტრენინგი ჩაატარა ახლადშექმნილი ორგანიზაციებისთვის, სტრატეგიის ფორმულირებასა და სამოქმედო გეგმის შემუშავების შესახებ.  ტრენინგი ჩატარდა  პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. 2-3 ივნისს, გაეროს ბავშვთა ფონდმა წამების მსხვერპლთა ფსიქოსოციალური და სამედიცინო რეაბილიტაციის საქართველოს ცენტრთან პარტნიორობითა და ევროკავშირის მხარდაჭერით, სამუშაო შეხვედრა გამართა განრიდებისა და მედიაციის პროგრამაში ჩართული პროკურორების, მედიატორების, სოციალური მუშაკების და ფსიქოლოგების მონაწილეობით, რომელთა სამუშაო არეალს თბილისი წარმოადგენს. სამუშაო შეხვედრების მიზანია ადგილობრივ დონეზე პრობლემების და აქტუალური საკითხების იდენტიფიცირება და სხვადასხვა პროფესიონალებს შორის კომუნიკაციისა და კოორდინაციის გაძლიერება. სრულად... წყარო: ორგანიზაციის გვერდი სოციალურ ქსელში

თბილისი. „გადადგი ნაბიჯი ევროპისკენ“ კამპანიის ფარგლებში, საქართველოს უნივერსიტეტში მორიგი შეხვედრა გაიმართა „ფრანკლინის კლუბის” ახალგაზრდებთან. შეხვედრის ფარგლებში, საუბარი შეეხო იმას, თუ რატომ არის მნიშვნელოვანი ჩვენი ქვეყნისთვის ვიყოთ ევროპული ოჯახის წევრები. ასევე, მოწვეულმა სტუმრებმა (ნინო დოლიძე, ლაშა ბუღაძე, გიგი გიგიაძე) ისაუბრეს კამპანიის მიზნებსა და ჩვენი ქვეყნის სამომავლო პერსპექტივაზე. სრულად... წყარო: ორგანიზაციის გვერდი სოციალურ ქსელში

თბილისი. კავშირი „საფარი“ გიზიარებთ ინფორმაციას: როგორ უნდა მოვიქცეთ თუ ბავშვი მასზე განხორციელებული ძალადობის შესახებ მოგვიყვება. პირველ რიგში, ბავშვს უნდა დავუჯეროთ, შევინარჩუნოთ სიმშვიდე და იურისტთან ერთად დავუკავშირდეთ სამართალდამცავებს. სრულად... წყარო: ორგანიზაციის გვერდი სოციალურ ქსელში

რეგიონები. ზუგდიდში, სამეგრელოსა და გურიის სათემო ლიდერებისთვის და ლაგოდეხში, კახეთის სათემო ცენტრებისთვის ჩატარდა ტრენინგი თემაზე „ახალგაზრდული მუშაობის პრინციპები“. პროგრამა ხორციელდება გაეროს ერთობლივი პროგრამის (UNDP Georgia) „გენდერული თანასწორობისათვის საქართველოში“ დაფინანსებით მიმდინარე საქართველოს სტრატეგიული კვლევებისა და განვითარების ცენტრი-ს პროექტის - „ქალთა გაძლიერება ცვლილებისათვის“ ფარგლებში. სრულად...  წყარო: ორგანიზაციის გვერდი სოციალურ ქსელში

თბილისი. სოციალურ მეცნიერებათა ცენტრი (CSS) აქვეყნებს მარინე ჩიტაშვილის ბლოგპოსტს: სადოქტორო სწავლება საქართველოში. „სადოქტორო სწავლების ძირითადი მიზანი ახალი, კრიტიკულად მოაზროვნე კონტიგენტის მიღებაა, რომელთაც ახალი იდეებით შეუძლიათ დარგის განვითარებაში წვლილი შეიტანონ და ვინ იცის, იქნებ გარღვევაც კი მოახერხონ. სხვა სიტყვებით, მეცნიერების განვითარება შესაძლებელია მხოლოდ ‘ახალი სისხლის’ შემოდინებით. ეს არ ნიშნავს რომ მოქმედი პროფესურა ‘ჩამოსაწერია’. ეს უბრალოდ ნიშნავს, რომ ახალი თვალი და გამოცდილება [ძველი] იდეალური ტანდემია მეცნიერების, კვლევის, ცოდნისა და თვალსაწიერის გაფართოებისათვის. ეს ყველაფერი დასავლეთისა თუ აღმოსავლეთის უნივერსიტეტებისა და სახელმწიფო პოლიტიკის ის პრაქტიკაა, რომელიც ბოლო 30 წელია ჩვენთვის სულ უფრო და უფრო საოცნებო თეორიულ კონსტრუქტად რჩება, რომელსაც განათლების პოლიტიკის ყოველ დოკუმენტსა და რეგულაციაში სამომავლოდ გასაკეთებლად გადადებენ ხოლმე. და ვრჩებით ისევ ნულზე. ხოლო ნული რაზეც არ უნდა გაამრავლოთ, ისევ ნულს მი[ვ]იღებთ“, ნათქვამია ბლოგპოსტში. სრულად... წყარო: css.ge

აჭარა. გაეროს ბავშვთა ფონდის ინფორმაციით, 2-3 ივნისს, ბათუმში, იმართება პირველი საერთაშორისო კონფერენცია - ადრეული განათლება და ზრუნვა, რომლის მიზანია, ხელი შეუწყოს ადრეული განათლებისა და ზრუნვის სფეროში ხარისხის, ხელმისაწვდომობისა და ინკლუზიის შესახებ აკადემიურ დისკუსიასა და ცოდნის გაზიარებას ადგილობრივი და საერთაშორისო პრაქტიკის გათვალისწინებით. სრულად... წყარო: www.unicef.org

თბილისი. 1 ივნისს, სოციალური სამართლიანობის ცენტრმა და სალამმა ერთობლივი პრესკონფერენცია გამართეს სახელწოდებით: „განათლების პოლიტიკის სისტემური გამოწვევები და არადომინანტური ეთნიკური ჯგუფები“. ორგანიზაციების შეფასებით, „საქართველოს განათლების სისტემაში არსებული გამოწვევები საერთოა ყველა მოქალაქისთვის. ხარისხიან განათლებაზე წვდომა სულ უფრო უთანასწორო ხდება რეგიონების სკოლებისთვის, დედაქალაქისა და დიდი ქალაქების სკოლებთან, და მითუფრო კი კერძო სკოლებთან შედარებით. თუმცა, განათლებაზე ხელმისაწვდომობა მკვეთრად დაბალი და ყველა მარკერით კიდევ უფრო უთანასწოროა არაქართულენოვანი სკოლების მოსწავლეებისთვის“. სრულად... წყარო: socialjustice.org.ge

თბილისი. პლატფორმა „მშობლის სკივრის“ ინფორმაციით, მსოფლიო ჯანდაცვის ორგანიზაცია 31 მაისს აღინიშნავს დღეს - „მსოფლიო თამბაქოს გარეშე“. „ბავშვის ასაკისა და განვითარების დონის შესაბამისად, აუხსენით მათ, რომ თამბაქო იწვევს მიჩვევას და მასზე დამოკიდებულების ჩამოყალიბებას, რომ იგი აზიანებს ფილტვებს, გულს და სხეულის სხვა ნაწილებს. უარყოფით გავლენას ახდენს გარეგნობაზე, რადგან იწვევს ნაადრევი ნაოჭების გაჩენას და კბილების სიყვითლეს“. სრულად... წყარო: პლატფორმის გვერდი სოციალურ ქსელში

თბილისი. პლატფორმა „მშობლის სკივრის“ დღევანდელი პირდაპირი ჩართვის განმავლობაში ყურადღება დაეთმობა რეაბილიტაცია-ადაპტაციის ეროვნულ ცენტრსა და მის სერვისებს. კონკრეტულად, მოგეწოდებათ ინფორმაცია რეაბილიტაციის პროგრამაზე, ასევე, პროთეზების და ორთეზების მომსახურებაზე. სრულად... წყარო: პლატფორმის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ (LDA Georgia) პროექტის „სამოქალაქო საზოგადოების ინიციატივა“ ფარგლებში სამიზნე მუნიციპალიტეტებში არსებული სამოქალაქო საზოგადოებრივი ორგანიზაციის წარმომადგენლებისა და აქტიური მოქალაქეებისათვის ჩაატარა ტრენინგი ადვოკატირების როლის, მნიშვნელობის, ეტაპებისა და მეთოდების  შესახებ. ტრენინგი ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში