თბილისი. შაბათობით, დილის 11 საათიდან, 26 მაისისა და ახვლედიანის ქუჩების გადაკვეთასთან თუ ჩაივლით ბათუმში, ძველი ბელეტაჟის ღია ფანჯრებიდან ბავშვების გაბმულ, მხიარულ სიმღერას გაიგონებთ - ქართულ ანბანს, სიტყვებს, ფერებს, თვლას, წელიწადის დროებს და ბევრ სხვა რამეს უკრაინელი ბავშვები თამაშითა და სიმღერით სწავლობენ. სრულად... წყარო: batumelebi.netgazeti.ge

თბილისი. საქართველოს სტრატეგიის და განვითარების ცენტრსა (GCSD) და ბიზნესისა და ტექნოლოგიების უნივერსიტეტს (BTU) შორის ურთიერთთანამშრომლობის მემორანდუმი გაფორმდა. მემორანდუმი მიზნად ისახავს ხელი შეუწყოს საინფორმაციო ტექნოლოგიების შესახებ ინფორმირებულობის ამაღლებას ერთობლივი პროექტების განხორციელების, კვლევების წარმოების, სტუდენტთა დასაქმების, ინტერდისციპლინური ცოდნის დაგროვებისა და გაზიარების გზით. სრულად... წყარო: ორგანიზაცის გვერდი სოციალურ ქსელში

შიდა ქართლი. შიდა ქართლის ჰაბმა ახალგაზრდებისთვის ტრენინგი „სამოქალაქო აქტივიზმი, აქტიური მოქალაქეობა“ ჩაატარა. ტრენინგის მიზანი იყო მონაწილეებს მიეღოთ ინფორმაცია სამოქალაქო აქტივიზმის შესახებ და შეეძინათ აქტიური მოქალაქისთვის აუცილებელი უნარ-ჩვევები. ტრენინგი განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ (2021-2025) ფარგლებში. სრულად... წყარო: ორგანიზაციის გვერდი სოციალურ ქსელში

სამეგრელო. საერთაშორისო გამჭვირვალობა - საქართველოს ზუგდიდის ოფისის ხელმძღვანელი არჩილ თოდუა 6 ნოემბერს წალენჯიხელ ახალგაზრდებს შეხვდა და გაუზიარა ხედვები თუ რა სასიკეთო ცვლილებები შეიძლება მოიტანოს 12-პუნქტიანი გეგმის შესრულებამ, როგორ უნდა ვებრძოლოთ ევროკავშირის კანდიდატი ქვეყნის სტატუსთან დაკავშირებულ დეზინფორმაციას და რა ნაბიჯებია გადასადგმელი სტატუსის მისაღებად. შეხვედრა წალენჯიხის დემოკრატიის ჰაბის ოფისში, პროექტის „მეტი ევროპა, მეტი შესაძლებლობის“ ფარგლებში გაიმართა. პროექტი ხორციელდება USAID Georgia-ს ფინანსური მხარდაჭერით, EECMD-ის ორგანიზიებით ProActive Group Georgia-სთან პარტნიორობით. სრულად... წყარო: ორგანიზაციის გვერდი სოციალურ ქსელში

შიდა ქართლი. 3 და 4 ნოემბერს შიდა ქართლის რეგიონალური ჰაბის - Society Biliki-ის ორგანიზებით, ახალგაზრდებისთვის გაიმართა ტრენინგ კურსი თემაზე: „პროექტების წერა“. ტრენინგის მიზანი იყო, რომ ამ თემით დაინტერესებულ ახალგაზრდებს ჰქონოდათ შესაძლებლობა მიეღოთ   ცოდნა პროექტის არსის, მენეჯმენტის და მისი შემადგენელი ელემენტების შესახებ. ტრენინგ კურსი მიმართული იყო მონაწილეთა თეორიული ცოდნის და პრაქტიკული უნარ-ჩვევების  შეძენა/გაუმჯობესებისაკენ, რაც მათ დაეხმარებათ სამომავლო საქმიანობაში ეფექტურად შეასრულონ მათზე დაკისრებული მოვალეობები. შეხვედრას უძღვებოდა სოსო მეზვრიშვილი. ტრენინგი განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ (2021-2025) ფარგლებში. სრულად... წყარო: ორგანიზაციის გვერდი სოციალურ ქსელში

რეგიონები. 25, 27 და 28 ოქტომბერს კამპანია „იმშობლე“ გორს, ოზურგეთსა და ქუთაისს ეწვია და მშობლებს, სკოლებისა და საბავშვო ბაღების მასწავლებლებსა და საგანმანათლებლო რესურს ცენტრების წარმომადგენლებს შეხვდა. ორგანიზაციის ცნობით, შეხვედრაზე „მშობლების დედაენის“ პრეზენტაციასთან ერთად, ფსიქოლოგმა მაია ცირამუამ მშობლებს პოზიტიური აღზრდის მეთოდების შესახებ უამბო და გაუზიარა, თუ როგორ შეგვიძლია გავხდეთ უკეთესი მშობლები, რა გზები არსებობს ბავშვებთან ჰარმონიული და ურთიერთგაგებაზე დამყარებული ურთიერთობის შესაქმნელად და როგორ შევუწყოთ ხელი მათ განვითარებას. სრულად... წყარო: ორგანიზაციის გვერდი სოციალურ ქსელში

თბილისი. 1 ნოემბერს, სამოქალაქო საზოგადოების ინსტიტუტის (CSI) საზოგადოებასთან ურთიერთობის და კომუნიკაციების მენეჯერი თემურ ჯალიაშვილი ილიას სახელმწიფო უნივერსიტეტის სტუდენტებს შეხვდა. შეხვედრა გაიმართა საუნივერსიტეტო კურსის „სამოქალაქო საზოგადოების როლის“ ხელმძღვანელის დავით აფრასიძის მიწვევით. საუნივერსიტეტო კურსის მიზანია ახალმა თაობამ სწავლების საბაკალავრო საფეხურზე მიიღოს სანდო, აკადემიური ცოდნა სამოქალაქო საზოგადოებისა და ორგანიზაციების შესახებ. შეხვედრაზე პრეზენტატორმა განსაკუთრებული ყურადღება გაამახვილა სამოქალაქო საზოგადოების როლის, სამოქალაქო პასუხისმგებლობის და სამოქალაქო საზოგადოების ორგანიზაციების საქმიანობის შესახებ. ამასთან, მსმენელებთან გაზიარდა ინფორმაცია CSI- მუშაობის მიმართულებების და კამპანიის „ეს ქვეყანა შენია“ მიმდინარეობის შესახებ. შეხვედრა ინტერაქციულ რეჟიმში წარიმართა. სტუდენტებმა დასვეს მათთვის საინტერესო შეკითხვები და გამოთქვეს მოსაზრებები. აღნიშნული საუნივერსიტეტო კურსი „სამოქალაქო საზოგადოების როლი“ შემუშავდა პროექტის „სამოქალაქო საზოგადოების განვითარების ინიციატივა“ ფარგლებში ადგილობრივი უმაღლესი სასწავლებლების და ექსპერტების აქტიური თანამშრომლობით და დაინერგა საქართველოს 6 უნივერსიტეტში. წყარო: CSI-ს გვერდი სოციალურ ქსელში

თბილისი. ევროპის ფონდმა ჟურნალისტებსთვის საგამოძიებო ჟურნალისტიკისა და ციფრული უსაფრთხოების ტრენინგი ჩაატარა. მონაწილეებმა იმუშავეს ისეთ საკითხებზე, როგორიცაა წყაროების მოძიებისა და ინტერვიუების ჩატარების ეფექტური ტექნიკა, დოკუმენტების და მონაცემების მოძიება საქართველოს ფარგლებს გარეთ, ვიზუალური მტკიცებულებების გამოყენება ჟურნალისტურ გამოძიებაში, წყაროს კონფიდენციალობის დაცვის სტრატეგიები, ინფორმაციის მოძიება ონლაინ/სოციალური მედიით, უსაფრთხო კომუნიკაცია. ტრენინგის ფარგლებში გაიმართა დისკუსია საგამოძიებო ჟურნალისტიკასა და უსაფრთხოებასთან დაკავშირებულ ძირითად გამოწვევებზე. სრულად... წყარო: ორგანიზაციის გვერდი სოციალურ ქსელში

გურია. ახალგაზრდა პედაგოგთა კავშირის სკოლის მხარდამჭერთა პროგრამის ფარგლებში, შემოქმედის საჯარო სკოლაში იდეებისა და მეწარმეობის ლაბორატორიის წევრები მწერალ არჩილ ქიქოძეს შეხვდნენ. შეხვედრაზე განიხილეს ლიტერატურული პრემია „ლიტერაზე“ ნომინირებული წლის საუკეთესო რომანი „სამხრეთული სპილო“, რომელიც სასკოლო პროგრამაშია შესული. შეხვედრაზე მოზარდებს შესაძლებლობა ჰქონდათ დაესვათ წიგნთან დაკავშირებული მათთვის საინტერესო შეკითხვები. ავტორთან შეხვედრა განხორციელდა სკოლის მენტორის - ვახუშტი მენაბდის აქტიური მხარდაჭრითა და ჩართულობით. სრულად... წყარო: ორგანიზაციის გვერდი სოციალურ ქსელში

სამეგრელო-ზემო სვანეთი. სამცხე-ჯავახეთის რეგიონული ჰაბის ხელშეწყობით, ახალციხის ზრდასრულთა განათლების ცენტრი სასწავლო ვიზიტით სამეგრელო-ზემო სვანეთის რეგიონის ორ არასამთავრობო ორგანიზაციას: სენაკის სათემო განათლების ცენტრს და სოფლის მეურნეობის განვითარების ასოციაციას (AFAD) ესტუმრა. ვიზიტის მიზანი იყო არასამთავრობო ორგანიზაციების გამოცდილების, გამოწვევებისა და შესაძლებლობების გაზიარება. გაცვლითი პროგრამა დაიგეგმა, პროექტ „სამოქალაქო საზოგადოების ინიციატივა“-ს ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციასთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

აჭარა. საერთაშორისო გამჭვირვალობა - საქართველომ ქობულეთში ახალგაზრდებთან შეხვედრა გამართა. შეხვედრის თემა იყო: როგორ ვებრძოლოთ ევროკავშირის კანდიდატი ქვეყნის სტატუსთან დაკავშირებულ დეზინფორმაციას და ანტიდასავლურ პროპაგანდას? რა ნაბიჯებია გადასადგმელი სტატუსის მისაღებად? ბათუმში, თავისუფალი სივრცე/Free Space-ში, საინტერესო დისკუსია მოჰყვა კიდევ ერთ შეხვედრას, სადაც ბესო სოლომანაშვილის ახალი ფილმის „ბოსტანი კონფლიქტის ზონაში“ ჩვენება გაიმართა. სრულად... წყარო: ორგანიზაციის გვერდი სოციალურ ქსელში

გურია. 26 ოქტომბერს ოზურგეთის სწავლებისა და დასაქმების ხელშეწყობის ცენტრში დაიწყო სამეწარმეო უნარების ერთთვიანი კურსი მესამე ნაკადისთვის. განხილულ საკითხებს შორის იყო: ბიზნესი იდეების გენერირება; ბიზნეს გეგმის შემადგენელი კომპონენტები. რა უნარებსა და თვისებებს უნდა ფლობდეს მეწარმე; ინტერპერსონალური კომუნიკაცია. კლიენტის საჭიროებების დადგენა; დამაჯერებელი და პოზიტიური ენა. ეფექტური შეთავაზება; არავერბალური კომუნიკაცია და სხვ. სამეწარმეო კურსი ტარდება პროექტის „უნარების განვითარება და დასაქმების ინოვაციური შესაძლებლობები საქართველოს რეგიონული განვითარებისთვის“ ფარგლებში, რომელსაც ახორციელებს საქართველოს სტრატეგიული კვლევებისა და განვითარების ცენტრი (CSRDG), ახალგაზრდა პედაგოგთა კავშირსა და საქართველოს სამოქალაქო განვითარების ასოციაციასთან ერთად, გურიის, კახეთისა და ქვემო ქართლის რეგიონში. პროექტის ფინანსური მხარდამჭერია ევროკავშირის დელეგაცია საქართველოში. სრულად... წყარო: ორგანიზაციის გვერდი სოციალურ ქსელში

გურია. 19 ოქტომბერს ჩოხატაურის სწავლებისა და დასაქმების ხელშეწყობის ცენტრში დაიწყო სამეწარმეო უნარების ერთთვიანი კურსი მესამე ნაკადისთვის. კურსის პირველ 3 დღიან მოდულს - ბიზნესის დაწყების და კლიენტებთან ურთიერთობის ძირითადი პრინციპები - უძვებოდნენ CSRDG-ის ტრენერები ლუკა ნამორაძე და ნინო ცეცხლაძე. განხილულ საკითხებს შორის იყო. ბიზნესი იდეების გენერირება; ბიზნეს გეგმის შემადგენელი კომპონენტები. რა უნარებსა და თვისებებს უნდა ფლობდეს მეწარმე; ინტერპერსონალური კომუნიკაცია კლიენტის საჭიროებების დადგენა; დამაჯერებელი და პოზიტიური ენა ეფექტური შეთავაზება;არავერბალური კომუნიკაცია და სხვ. სამეწარმეო კურსი ტარდება პროექტის „უნარების განვითარება და დასაქმების ინოვაციური შესაძლებლობები საქართველოს რეგიონული განვითარებისთვის“ ფარგლებში, რომელსაც ახორციელებს საქართველოს სტრატეგიული კვლევებისა და განვითარების ცენტრი (CSRDG), ახალგაზრდა პედაგოგთა კავშირსა და საქართველოს სამოქალაქო განვითარების ასოციაციასთან ერთად, გურიის, კახეთისა და ქვემო ქართლის რეგიონში. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. 25 ოქტომბერს, სამცხე-ჯავახეთის სახელმწიფო უნივერსიტეტში გაიმართა საქართველოში აშშ-ს ელჩის - კელი დეგნანის შეხვედრა ახალგაზრდებთან. სტუდენტებთან ერთად ღონისძიებას ესწრებოდნენ რონდელის ფონდის პროექტის მონაწილე სკოლის მოსწავლეები სოფელ მოხედან, ზარზმიდან და დაბა ადიგენიდან. ორგანიზაციის პროექტი „თემის ახალგაზრდების ჩართულობა საქართველოს რეგიონებში“ 2021 წლის  ოქტომბრიდან საქართველოში აშშ-ს საელჩოს მხარდაჭერით ხორციელდება, რომელიც მიზნად ისახავს მაღალმთიანი აჭარის, წეროვანის, პანკისის ხეობისა და ადიგენის მუნიციპალიტეტისა საჯარო სკოლების მოსწავლეების სამოქალაქო ცნობიერების გაძლიერებას და არაფორმალური განათლებისა და აქტივობის გზით მათი შესაძლებლობების გაზრდას. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. სოციალური სამართლიანობის ცენტრი აქვეყნებს ტიგრან თარზიანის ბლოგპოსტს: „ხოპანი“ - ჯავახეთის ახალგაზრდების ერთადერთი დასაქმების ადგილი. „უთანასწორო შესაძლებლობები რეგიონში უფრო მკაფიოდ ჩანს ქალაქთან შედარებით, თუნდაც განათლების საკითხში. ყველაფერს რომ თავი დავანებოთ, არ არსებობს არაფორმალური განათლების მიღების ცენტრები, პროფესიული სასწავლებლები, უცხო ენების შესწავლის შესაძლებლობა და სხვა. ამიტომაცაა რომ, რეგიონიდან გარბის ხალხი, დღეს ფილოლოგიც, ხელოვანიც და მექანიკოსიც მუშაობს თბილისის რომელიმე უბნის მაღაზიაში, რადგან დაბრუნება რეგიონში უდრის უმუშევრობას, მიგრაციას, ან მძიმე ფიზიკურ უშედეგო შრომას. ასეთ პირობებში განვითარება შეუძლებელია. უმუშევრების რიგებში ახალგაზრდებს დიდი წილი უკავიათ, რის გამოც იზრდება სოციალური რისკები, საფრთხე ექმნება ქვეყნის მომავალს“, ნათქვამია ბლოგპოსტში. სრულად... წყარო: socialjustice.org.ge

მცხეთა-მთიანეთი. ტოლერანტობის და მრავალფეროვნების ინსტიტუტმა (TDI) დუშეთის მუნიციპალიტეტის ახალგაზრდულ მრჩეველთა საბჭოს განათლების, გენდერის და ადამიანის უფლებათა დეპარტამენტის ორგანიზებით გამართა შეხვედრა თემაზე: „ტოლერანტობა და მრავალფეროვნება საქართველოში”. სრულად... წყარო: ორგანიზაციის გვერდი სოციალურ ქსელში

თბილისი. USAID-ის ხელშეწყობით ანიმაციური სერიები შეიქმნა. დღეს წარმოდგენილია სერია, რომელიც ტოლერანტობას ეხება. ანიმაციური სერიალში ახსნილია დემოკრატიის პრინციპები და მოსწავლეებს სამოქალაქო ცხოვრებაში ჩართულობისკენ მოუწოდებს. კლიპები ხელს უწყობს სამოქალაქო განათლების მნიშვნელობის გააზრებას და ცნობიერების ამაღლებას მნიშვნელოვან საკითხებზე. ანიმაციური სერიები შეიქმნა USAID-ის სამოქალაქო განათლების კამპანიის ფარგლებში. სრულად... წყარო: ორგანიზაციის გვერდი სოციალურ ქსელში

ქვემო ქართლი. 17 ოქტომბერს, ტოლერანტობის და მრავალფეროვნების ინსტიტუტის (TDI) ორგანიზებით, მარნეულში ახალგაზრდებისთვის ტრენინგი ჩატარდა. ტრენინგი ეხებოდა შემდეგ თემებს: დეზინფორმაცია, დეზინფორმაციასთან ბრძოლის მექანიზმები, ინკლუზიური გაშუქება, მედიის თვითრეგულირების მექანიზმები და მათი პრაქტიკული გამოყენება. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. 18-19 ოქტომბერს, პროექტის - „თემის ახალგაზრდების ჩართულობა საქართველოს რეგიონებში” ფარგლებში მორიგი სალექციო სესიები გაიმართა ადიგენის მუნიციპალიტეტის სოფ. მოხეს, ზარზმასა და დაბა ადიგენის სკოლების მოსწავლეებისათვის. ონლაინ გამოცემა რეალპოლიტიკის მთავარმა რედაქტორმა აკა ზარქუამ მოსწავლეებთან ერთად განიხილა დეზინფორმაციის ისტორიული დისკურსი, მისი გავლენა საზოგადოებრივი აზრის ფორმირებაზე და დეზინფორმაციის თანამედროვე მაგალითები. სრულად... წყარო: ორგანიზაციის გვერდი სოციალურ ქსელში

თბილისი. ახალგაზრდა პედაგოგთა კავშირის ორგანიზებით, 4-16 ოქტომბერს ახალგაზრდული ტრენინგი „გენდერული როლები და სტერეოტიპები“ ჩატარდა. განხილულ საკითხებს შორის იყო: ქალთა უფლებების ისტორია, ფემინიზმი; გენდერული თანასწორობა, არაანაზღაურებადი შრომა; ძალადობა, ნაადრევი ქორწინება, გენდერი და შეზღუდული შესაძლებლობა;  როგორ დავწეროთ პროექტი. სრულად... წყარო: ორგანიზაციის გვერდი სოციალურ ქსელში

თბილისი. საქართველოში ამერიკის საელჩოს გაცვლითი პროგრამების კოორდინატორი თეა კუჭუხიძე სტუმრებთან ერთად საუბრობს ფულბრაიტის მკვლევართა პროგრამის შესახებ. სრულად... მეტი პროგრამის შესახებ... წყარო: საელჩოს გვერდი სოციალურ ქსელში

გურია. „პროგრესის სახლმა“ უმასპინძლა ტრენინგს: საზოგადოებასთან ურთიერთობის უნარების გაუმჯობესება ციფრული ინსტრუმენტების გამოყენებით. ტრენინგი ჩატარდა საქართველოს სტრატეგიული კვლევებისა და განვითარების ცენტრის ორგანიზებით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში