თბილისი. 19 იანვარს, ადამიანის უფლებების სწავლებისა და მონიტორინგის ცენტრის ფორუმის ფარგლებში „ჩაგვრის სოციალური და პოლიტიკური ასპექტები: თეორია და პრაქტიკა", რიგით მე-3, ღია სესია გაიმართა. თემაზე გენდერი და სექსუალობა მოხსენებები წაიკითხეს თამარ ცხადაძემ და გიორგი ჩუბინიძემ. სრულად... მისამართი: ორგანიზაციის ვებ-გვერდი სოციალურ ქსელში

თბილისი. 16 იანვარს, ხორვატი ფილოსოფოსის სრეჩკო ჰორვატის საჯარო ლექცია „დემოკრატიის დასასრული?" გაიმართა. ლექცია ადამიანის უფლებების სწავლებისა და მონიტორინგის ცენტრის (EMC) 5-დღიანი ფორუმის ფარგლებში. „ფორუმი იმართება პროექტის „მარგინალიზებული ჯგუფების უფლებების დაცვის მხარდაჭერა სამოქალაქო განათლებისა და საჯარო დისკუსიების წახალისების გზით" ფარგლებში, რომელიც ხორციელდება კანადის საელჩოს ადგილობრივი ინიციატივების ფონდის მხარდაჭერით და „სოციალური და კულტურის კვლევების ინსტიტუტის" თანაორგანიზატორობით", ნათქვამია ორგანიზაციის ვებ-გვერდზე სოციალურ ქსელში. ფორუმი დაიხურება 20 იანვარს, ილიას უნივერსიტეტში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ლიბცენტრმა ინკლუზიური განათლების შესახებ დისკუსია გამართა. სტუდენტებმა იმსჯელეს იმ დადებით და უარყოფით ასპექტებზე რაც ახლავს საქართველოში ინკლუზიურ განათლებას. დისკუსიაში მენტორის სტატუსით მოწვეული იყო ნინო ბაიდაური ორგანიზაციის „ხელმისაწვდომი გარემო ყველასთვის” წარმომადგენელი”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: სოციალური ქსელი

თბილისი. 14 იანვარს, საქართველოს ახალგაზრდა იურისტთა ასოციაციის თვითმმართველობის პროექტის ფარგლებში, საის ამომრჩეველთა ლიგის დამკვირვებლებს, ადგილობრივი თვითმმართველობის არსსა და მის საბიუჯეტო პროცესებზე ტრეინინგი ჩაუტარდათ. წყარო: ორგანიზაციის ვებ-გვერდი სოციალურ ქსელში

შიდა ქართლი. დემოკრატიული ჩართულობის ცენტრში, მიგრაციის საკითხებთან დაკავშირებით საინფორმაციო შეხვედრა გაიმართა. მოწვეულნი იყვნენ ორგანიზაცია „ემიგრანტები სამოქალაქო განვითარებისთვის” და მიგრაციის საერთაშორისო ორგანიზაცია (IOM). „შეხვედრაზე განხილული იყო ლეგალური და არალეგალური მიგრაცია, ასევე, აუდიტორია გაეცნო როგორც სახელმწიფო, ასევე საერთაშორისო ორგანიზაციის IOM-ის რეინტეგრაციის პროგრამებს და ყველა კითხვაზე ამომწურავი პასუხი მიიღო”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. 8 - 10 იანვარს, განვითარებისა და დემოკრატიის ცენტრის (CDD) ორგანიზებით, საპატრიარქოს სკოლების, გიმნაზიების, უნივერსიტეტებისა და სასულიერო სემინარიების სტუდენტებისთვის გაიმართა ტრენინგი „საქართველო და ევროკავშირი”. სრულად... წყარო: ორგანიზაციის ვებ-გვერდი სოციალურ ქსელში

თბილისი. სამოქალაქო საზოგადოების ინსტიტუტმა დაასრულა ონლაინ სასწავლო პროგრამის „საარჩევნო სამართლის" კურსი. სასწავლო პროცესში მონაწილეობდნენ კვალიფიციური და არაკვალიფიციური პარტიების 200–ზე მეტი წარმომადგენელი. 100–მა წარმატებულმა მონაწილემ მიიღო სერთიფიკატი. პროგრამის ფარგლებში პარტიების წარმომადგენლებმა აიმაღლეს ცოდნა საარჩევნო საკითხებში ვიდეო ლექციების, საკითხავი ლიტერატურისა და ტესტირების გზით. ონლაინ პლატფორმა საშუალებას იძლევა სასწავლო პროცესში საქართველოს სხვადასხვა რეგიონის წარმომადგენელი იყოს ჩართული, შესაბამისად, „საარჩევნო სამართლის" კურსი სხვადასხვა რეგიონში მცხოვრებმა მოქალაქეებმა, სამუშაოსგან მოუწყვეტლივ გაიარეს. სამოქალაქო საზოგადოების ინსტიტუტმა „საარჩევნო სამართლის" სასწავლო პროგრამა სსიპ „საარჩევნო სისტემების განვითარების, რეფორმირებისა და სწავლების ცენტრის" ფინანსური მხარდაჭერით შექმნა. მათ, ვისაც აინტერესებს საარჩევნო სამართალი, თავისუფალი მსმენელის რეჟიმის საშუალებით შესაძლებლობა აქვს მოისმინოს სპეციალურად ამ საკითხებზე შექმნილ 13 ვიდეო ლექციას. ვიდეო ლექციები...

თბილისი. 5, 18, 22 და 25 დეკემბერს, ინფორმაციის თავისუფლების განვითარების ინსტიტუტის (IDFI-ს) ორგანიზებით GIPA-ში გაიმართა სალექციო ბლოკ-კურსი „კარგი მმართველობა საქართველოში". „ღონისძიება ჩატარდა პროექტ „სტრატეგიული გეგმა საქართველო 2020 – სამოქალაქო საზოგადოების ჩართულობის გაძლიერება"-ს ფარგლებში. პროექტი ხორციელდება IDFI-ს მიერ ბრემენის უნივერსიტეტთან პარტნიორობით და გერმანიის საგარეო საქმეთა სამინისტროს დაფინანსებით", ნათქვამია ორგანიზაციის ვებ-გვერდზე. სრულად... წყარო: idfi.ge

აჭარა. საქართველოს სტრატეგიული კვლევებისა და განვითარების ცენტრის თანამშრომლებმა გორისა და ბათუმის თვითმმართველობის წევრებისთვის ჩაატარეს ტრენინგი თემაზე „თვითმმართველობა და სოციალური მეწარმეობის მხარდაჭერის შესაძლო მექანიზმები”. „ტრენინგის მიზანი იყო მონაწილე თვითმმართველობის წევრებისთვის სოციალური მეწარმეობის არსის უკეთ გაცნობა და პრაქტიკული მხარდაჭერის მექანიზმებზე მსჯელობა. ტრენინგი ჩატარდა ASB-სა და CHCA-ს პროექტის "სოციალური საწარმოები იძულებით გადაადგილებულ პირთათვის საქართველოში" ფარგლებში, რომელიც დაფინანსებულია ამერიკის სახელმწიფო დეპარტამენტის მიერ”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: სოციალური ქსელი

თბილისი. კავკასიის კვლევითი რესურსების ცენტრი (CRRC) აქვეყნებს ბლოგპოსტს „განათლებული მშობლები, განათლებული შვილები"? „წინამდებარე ბლოგ პოსტი ეფუძნება საქართველოში მოხალისეობისა და სამოქალაქო მონაწილეობის შესახებ 2014 წლის აპრილ-მაისში სი-არ-არ-სი-საქართველოს მიერ ჩატარებული გამოკითხვის მონაცემებს. ამ კვლევის შედეგები მშობლებისა და შვილების განათლებას შორის კორელაციის დადგენის შესაძლებლობას გვაძლევს. როგორც უკვე არსებული კვლევებიდან იყო მოსალოდნელი, საქართველოში მოხალისეობისა და სამოქალაქო მონაწილეობის შესახებ გამოკითხვის მონაცემები აჩვენებს, რომ ძლიერი კორელაცია არსებობს ინდივიდის დედისა და მამის განათლების დონეებს შორის", ნათქვამია ბლოგპოსტში. სრულად... წყარო: blog.crrc.ge

თბილისი. 25 დეკემბერს ,,ახალგაზრდა პედაგოგთა კავშირის" ლიდერთა სკოლის მოზარდებმა გამართეს საჯარო დისკუსია თემაზე: „ბულინგი - ბავშვური ცელქობა თუ ძალადობა?!" „დისკუსიის მიზანი იყო საჯარო სკოლების მოსწავლეების, მასწავლებლებისა და მშობლების ინფორმირება ბულინგის, როგორც ძალადობის ერთ-ერთი უმძიმესი ფორმის შესახებ. დისკუსია მოიცავდა შემდეგ საკითხებს: ბულინგის დეფინიცია და ფორმები, არსებული საკანონმდებლო რეგულაციები, სკოლის, პედაგოგების, მშობლების როლი და დანიშნულება აღნიშნული პრობლემის პრევენციისთვის", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 24 დეკემბერს „კეთილდღეობისა და განვითარების ცენტრთან” არსებულ გორის სამოქალაქო აქტივიზმის ცენტრის მოხალისეებმა ჩაატარეს თანატოლგანმანათლებელთა ტრენინგი „ფემინიზმი და გენდერული თანასწორობა”. ტრენინგის მიზანი იყო თანატოლებს თანატოლებისთვის გაეცნოთ ფემინიზმის მნიშვნელობა, მისი საწყისები საქართველოში და ამ მოძრაობის განვითარება. სრულად... წყარო: ორგანიზაციის ვებ-გვერდი სოციალურ ქსელში

აჭარა. 22 დეკემბერს, შშმ პირთა ახალგაზრდულმა ორგანიზაციამ „ცვლილებები თანაბარი უფლებებისათვის" ქედის მუნიციპალიტეტში მორიგი საინფორმაციო შეხვედრა გამართა. ორგანიზაციის წარმომადგენლები, დამამთავრებელი კლასის მოსწავლეებს შეზღუდული შესაძლებლობის თემაზე ესაუბრნენ. შეხვედრის მიზანი იყო მოსწავლეებში სწორი ტერმინების დამკვიდრება და იმ სტერეოტიპებისაგან გათავისუფლება, რაც შშმ პირთა ინკლუზიის პროცესს აფერხებს. შეხვედრას ქედის მუნიციპალიტეტის ახალგაზრდობის ცენტრის წარმომადგენლები და სკოლის სპეც. მასწავლებლებიც ესწრებოდნენ.

სამეგრელო. 19-20 დეკემბერს, ასოციაცია „ათინათში" ჩატარდა ტრეინინგი თემაზე „აფლატუნი-ბავშვების სოციალური და ფინანსური განათლება". ორი დღის განმავლობაში ახალგაზრდები გაეცნენ აფლატუნის 5 ელემენტს, გაანალიზეს დაზოგვის ეფექტიანობა და ხარჯების სწორად განაწილება. სრულად... წყარო: ორგანიზაციის ვებ-გვერდი სოციალურ ქსელში

თბილისი. 18 დეკემბერს, არასამთავრობო ორგანიზაცია „თანამშრომლობა მშვიდობისა და პროგრესისათვის" და „ჰაინრიჰ ბიოლის ფონდის სამხრეთ კავკასიის რეგიონულ ბიუროს" შორის ხელი მოეწერა თანამშრომლობის შესახებ ხელშეკრულებას. „ფონდთან თანამშრომლობის ფარგლებში განხორციელდება პროექტი „უცნობი" საბჭოთა წარსული". პროექტი მიზნად ისახავს საბჭოთა წარსულთან დაკავშირებულ საკითხებზე ახალგაზრდებში ჯანსაღი დისკუსიისთვის საჭირო პლატფორმის შექმნას, საბჭოთა კავშირის შესახებ ინფორმაციული დონის ამაღლებასა და ახალგაზრდებში ტოტალიტარული იდეებისა და სიმბოლოებისადმი ჯანსაღი დამოკიდებულების ჩამოყალიბების ხელშეწყობას", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

კახეთი. 18-20 დეკემბერს, „სიდას" ორგანიზებით, ჟურნალისტებისთვის ტრენინგი გაიმართა მიგრაციის საკითხებზე. ტრენინგის მიზანი იყო მიგრაციის სფეროში მსოფლიოში მიმდინარე მოვლენების გაცნობა მედიის წარმომადგენლებისთვის. ტრენინგის დროს მონაწილეებმა მიიღეს ინფორმაცია შემდეგ საკითხებზე: არალეგალური და ლეგალური მიგრაციის საკითხები, მიგრაციასთან დაკავშირებული მოლოდინების მართვა, შრომით ბაზარზე და სოციალურ ინტეგრაციასთან დაკავშირებული გამოწვევები, ტრეფიკინგის საფრთხეები, რეინტეგრაციის მიმართულებით მიმდინარე პროგრამები, ევროინტეგრაციის კუთხით საქართველოში მიმდინარე პროცესები, ვიზა-ლიბერალიზაციის და ასოცირების ხელშეკრულების მიმართულებით განხორციელებული პროგრესი", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 15 დეკემბერს, ვანო ხუხუნაიშვილის სახელობის ეფექტიანი მმართველობის სისტემის და ტერიტორიული მოწყობის რეფორმის ცენტრის ორგანიზებით, ჩატარდა ტრენინგი თემაზე „ინფრასტრუქტურული პროექტები / საპროექტო ხარჯთაღრიცხვის დოკუმენტაციის მომზადება”. „ტრენინგზე მონაწილეებმა გაიარეს შემდეგი საკითხები: საპროექტო-სახარჯთაღიცხვო საქმიანობის სტრუქტურა, ხარჯთაღრიცხვის ძირითადი შემადგენელი კომპონენტები: ხელფასი, მასალა, მანქანა-მექანიზმები, ზედნადები ხარჯების, მოგების ოდენობა და სტრუქტურა, სხვა დარიცხვები, ექსპერტიზა”, ნათქვამია ორგანიზაციის ვებ-გვერდზე. ტრენინგი ორგანიზებული იყო გაეროს განვითარების პროგრამის (UNDP) პროექტთან - „რეგიონული და ადგილობრივი განვითარების მხარდაჭერა საქართველოში"- თანამშრომლობით. სრულად... წყარო: ორგანიზაციის ვებ-გვერდი სოციალურ ქსელში

თბილისი. ახალგაზრდა ადვოკატების აღმასრულებელი გუნდის წევრები ანალიტიკური თემების კონკურსის ფარგლებში: „სტუდენტები საჯარო პოლიტიკაში" კონკურსანტებს შეხვდნენ. ‘’კონკურსის პირობების თანახმად, მეორე ტურში გადასული კონკურსანტები მონაწილეობას მიიღებენ წარმოდგენილი თემების საჯარო პრეზენტაციაში, რომლის მომზადებაშიც მათ ორგანიზაციის მიერ შერჩეული მენტორები დაეხმარებიან", ნათქვამია ორგანიზაციის ვებ-გვერდზე. სრულად... წყარო: www.barristers.ge

თბილისი. ინფორმაციის თავისუფლების განვითარების ინსტიტუტმა (IDFI) გამართა კონკურსი „ღია პარლამენტი - ახალგაზრდების ხმა." „კონკურსის დასასრულს, მონაწილეებს საშუალება ჰქონდათ ჩამოეყალიბებინათ საკუთარი იდეები საპარლამენტო ღიაობის თემატიკაზე და წარედგინათ IDFI-სთვის. ორგანიზაციამ მიღებული 15 ინიციატივიდან 5 საუკეთესო გამოავლინა, რჩეული ინიციატივის ავტორი ნანა ბაგალიშვილი დაჯილდოვდა ქინდლით, ხოლო დანარჩენი 4 გამარჯვებული - წიგნის შესაძენი სასაჩუქრე ვაუჩერებით... რჩეული ინიციატივები ეხებოდა შემდეგ საკითხებს: დეპუტატის ყოველთვიური შეხვედრები იმ მუნიციპალიტეტის თითოეული სოფლის მოსახლეობასთან, რომელ მუნიციპალიტეტსაც პარლამენტში წარმოადგენს, ხოლო შეხვედრის ვიდეო ჩანაწერის YouTube-ზე განთავსება. ასევე, დეპუტატის აპარატის მიერ Facebook-ის შექმნა, სადაც რეგულარულად დაიწერება პარლამენტარის ყოველდღიური/ყოველკვირეული საქმიანობის შესახებ, განთავსდება ანონსები დაგეგმილ შეხვედრებზე და გაკეთდება თემატური გამოკითხვები", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. 14 დეკემბერს, საქართველოს განათლებისა და მეცნიერების სამინისტროში გაიმართა სამოქალაქო განათლების პროგრამის „მომავლის თაობა” მრჩეველთა კომიტეტის მესამე შეხვედრა. პროგრამის დირექტორმა, კომიტეტის წევრებს გააცნო პროგრამის ფარგლებში მიმდინარე სასწავლო წლის მანძილზე სკოლებში სამოქალაქო განათლების ხელშეწყობის მიზნით დაგეგმილი საქმიანობა. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 14 დეკემბერს, ასოციაცია „ათინათის" ახალგაზრდული ცენტრის წევრებმა ჩაატარეს თანატოლთა განათლების ტრენინგი რიყის საჯარო სკოლაში. ტრენინგის თემა იყო „აირჩიე ცხოვრების ჯანსაღი წესი". „ახალგაზრდებმა ისაუბრეს თამბაქოს მავნებლობასა და უარყოფით თვისებებზე. ტრენინგი ჩატარდა პროექტის „ნდობის მშენებლობა სამხრეთ კავკასიაში" ფარგლებში, რომელსაც ასოციაცია „ათინათი" საქართველოს გაეროს ასოციაციის მხარდაჭერით ახორციელებს", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ნატოსა და ევროკავშირის შესახებ საინფორმაციო ცენტრის” სამეგრელოს ბიუროს ორგანიზებით, ზუგდიდის მე-3 საჯარო სკოლაში შეხვედრა გაიმართა. შეხვედრაზე მოსწავლეებმა თომა ჩაგელიშვილის დოკუმენტური ფილმი „მოგზაურობა ევროპაში” ნახეს. „დისკუსიის მთავარი თემა ცივი ომის დასრულების შემდეგ NATO-ს წინაშე მდგარი ახალი გამოწვევები და საქართველოს ევროპული და ევროატლანტიკური ინტეგრაციის მნიშვნელობა იყო. შეხვედრაზე NATO-ს უელსის სამიტის შედეგები და საქართველოსთვის დეკემბრის მინისტერიალის გზავნილები განიხილეს…", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში