სამოქალაქო საზოგადოების ინსტიტუტმა ონლაინ სასწავლო პლატფორმის (e-learning.ge) ფარგლებში დაიწყო ახალი, მეხუთე სასწავლო პროგრამა – „საარჩევნო სამართალი". ინსტიტუტი აღნიშნული პროგრამის ინფორმირების მიზნით შეხვედრებს იწყებს საქართველოს რეგიონებში. „საარჩევნო სამართალი" მოიცავს ისეთ საკითხებს, როგორიცაა თავისუფალი არჩევნების იდეა წარმომადგენლობითი დემოკრატიის თეორიებში, საქართველოს საარჩევნო სისტემა, საარჩევნო ადმინისტრაცია, ამომრჩეველთა სიები, საარჩევნო სისტემები საქართველოში, არჩევნების მონიტორინგი, კენჭისყრის დღე, საარჩევნო დავები და ა.შ. ახალი სასწავლო კურსი – საარჩევნო სამართალი – 10 სასწავლო და 3 პრაქტიკულ ვიდეო–ლექციას მოიცავს. მისი მიზანია ხელი შეუწყოს პოლიტიკური გაერთიანებების წარმომადგენლების, ასევე სტუდენტებისა და საარჩევნო თემატიკაზე მომუშავე არასამთავრობო ორგანიზაციების საარჩევნო საკითხებზე ინფორმირებას. ონლაინ პლატფორმა –www.e-learning.ge –საშუალებას აძლევს დაინტერესებულ პირებს დროის ნაკლები დანახარჯითა და სამუშაოს პარალელურად, მათთვის მოსახერხებელ დროს აიმაღლონ კვალიფიკაცია, მიიღონ ინფორმაცია და მოემზადონ არჩევნებისთვის. სასწავლო პროგრამაზე სწავლების ორი მეთოდია: თავისუფალი მსმენელი და რეგისტრირებული მონაწილე. ამ ეტაპზე სასწავლო პროგრამის რეგისტრირებული მონაწილეები პოლიტიკური პარტიების წარმომადგენლები არიან, თუმცა თავისუფალ მსმენელს საშუალება ეძლევა მოისმინოს და იხილონ 13 ვიდეო–ლექცია არჩევნებთან დაკავშირებულ ყველა მნიშვნელოვან საკითხზე. სასწავლო პროგრამას ახორციელებს სამოქალაქო საზოგადოების ინსტიტუტი, სსიპ „საარჩევნო სისტემების განვითარების, რეფორმებისა და სწავლების ცენტრის" და ცენტრალური საარჩევნო კომისიის მხარდაჭერით. „საარჩევნო სამართლის" ონლაინ სასწავლო პროგრამის უკეთ გაცნობის მიზნით, სამოქალაქო საზოგადოების ინსტიტუტი გეგმავს შეხვედრებს საქართველოს სხვადასხვა რეგიონში. 1 ოქტომბერი ახალციხე – დემოკრატიული ჩართულობის ცენტრი, 15:00 საათი ბათუმი – დემოკრატიული ჩართულობის ცენტრი, 15:00 საათი 2 ოქტომბერი ქუთაისი – დემოკრატიული ჩართულობის ცენტრი, 14:00 საათი ზუგდიდი – დემოკრატიული ჩართულობის ცენტრი, 14:00 საათი 7 ოქტომბერი თელავი – დემოკრატიული ჩართულობის ცენტრი, 14:00 საათი 9 ოქტომბერი გორი – დემოკრატიული ჩართულობის ცენტრი, 14:00 საათი

თბილისი. პროექტის „ერთად შევეგებოთ ევროპას" ფარგლებში გრძელდება ევროკავშირის კამპანია „2015 წელი ევროპული განვითარებისთვის". საჯარო ლექცია თემაზე - „ჰუმანიტარული დახმარება" შავი ზღვის საერთაშორისო უნივერსიტეტში გაიმართა. მომხსენებელმა, სამარიტელთა კავშირის თავმჯდომარემ, ყურადღება გაამახვილა ლტოლვილთა კრიზისზე ევროპაში და სტუდენტებს ქართული გამოცდილება გაუზიარა. დისკუსიათა ციკლი ევროპის სიღარიბის დაძლევის საერთაშორისო პროგრამას ეძღვნება. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 26 სექტემბერს, გორში, დემოკრატიული ჩართულობის ცენტრში, გარემოს დაცვით საკითხებზე ტრენინგი ჩატარდა. პროექტში მონაწილეობა მიიღო საჯარო სკოლების გარემოს დაცვის კლუბის მოსწავლეებმა. ტრენინგი გაიმართა პროექტის - „ახალგაზრდობის ჩართულობა და განვითარება" ფარგლებში, რომელსაც საქველმოქმედო ჰუმანიტარული ცენტრი „აფხაზეთი" UNICEF-თან პარტნიორობითა და USAID საქართველოს ფინანსური მხარდაჭერით ახორციელებს. „სემინარზე განხილული იყო მოსწავლეებისათვის საინტერესო და მნიშვნელოვანი საკითხები - გარემოსდაცვითი კლუბების შესაძლებლობის გაძლიერება და საქმიანობის შეფასება, პრობლემების/გამოწვევების გაანალიზება და გადაჭრის გზების ძიება, ბუნებაში მიმდინარე პროცესები (კვებითი ჯაჭვი, მზის ენერგია, მცენარეების მნიშვნელობა) და სხვა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. სიქას ორგანიზებით, მარნეულის მუნიციპალიტეტის სოფელ კაჩაგნის #1 და #2 სკოლის მოსწავლეები ილიაუნის სამეცნიერო პიკნიკი 2015-ს ესტუმრნენ. სამეცნიერო პიკნიკი ერთდღიანი ღონისძიებაა, რომელიც ღია ცის ქვეშ ტარდება ყოველწლიურად და მიზნად ისახავს მეცნიერების სხვადასხვა დარგისა და მიმართულების სახალისო და მიმზიდველი ფორმით წარმოჩენას ნებისმიერი ასაკის ადამიანისთვის. მოსწავლეებმა მოინახულეს მეცნიერების სხვადასხვა დარგის 65 პავილიონი, გაეცვნენ ახალგაზრდა გამომგონებლების ნამუშევრებს და თავად მიიღეს მონაწილეობა ექსპერიმენტებში. ვიზიტი განხორციელდა პროგრამა „მომავლის თაობის" ფარგლებში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. ასოციაცია „ათინათის" ორგანიზებით, ანაკლიაში პროექტის „ახალგაზრდების ჩართულობა და განვითარება" შემაჯამებელი ღონისძიება გაიმართა. პროექტი განხორციელდა გაეროს ბავშვთა ფონდის (UNICEF) და აშშ-ს საერთაშორისო განვითარების სააგენტოს (USAID) ფინანსური მხარდაჭერით. „შემაჯამებელ ღონისძიებაზე პროექტის პარტნიორმა საჯარო სკოლებმა წარმოადგინეს სხვადასხვა ვიზუალური მასალა თავიანთი მიღწევების შესახებ, მოეწყო პროექტში ჩართული ახალგაზრდების წარმატების ისტორიების პრეზენტაცია და ღონისძიების ბოლოს თითოეულ სტუმარს მიეცა შესაძლებლობა, შეეფასებინა ორწლიანი მუშაობის შედეგი", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 1 ოქტომბერს, 18:30 საათზე, ბულგარეთის ამერიკული უნივერსიტეტისა და საერთაშორისო განათლების ცენტრის ორგანიზებით გაიმართება ბულგარეთის ამერიკული უნივერსიტეტის ღია კარის დღე. ღონისძიება ტარდება ქ. თბილისის საჯარო სკოლების 10, 11 და 12 კლასელებისათვის. მისამართი: თბილისი, ჭოველიძის ქ. #10, „ღია საზოგადოება - საქართველოს" - საკონფერენციო დარბაზი. სრულად... წყარო: jobs.ge

აჭარა. 23 სექტემბერს, ბათუმის შოთა რუსთაველის სახელობის სახლემწიფო უნივერსიტეტში სემინარი ჩატარდა. ახალგაზრდებში საარჩევნო კულტურის განვითარება, სამოქალაქო ცნობირების ამაღლება და მეტი ინფორმირებულობა - ამ საკითხებზე „სოციალური დაცვის ლიგის" წარმომადგენლები უნივერსიტეტის სტუდენტური თვითმმართველობის წევრებს ესაუბრნენ. შეხვედრაზე საუბარი შეეხო შეზღუდული შესაძლებლობების მქონე პირებისთვის ადაპტირებული საარჩევნო გარემოს შექმნასაც. ასევე, განხილულ იქნა საზოგადოების დამოკიდებულება არჩევნების მიმართ, სამოქალაქო პასუხისმგებლობის დაბალი დონის გამომწვევი მიზეზები და სხვა. მსგავსი შინაარსის შეხვედრებს, ორგანიზაცია „სოციალური დაცვის ლიგა” საქართველოს 8 რეგიონში ჩაატარებს.

სამეგრელო. 22 სექტემბერს, ასოციაცია „ათინათში" დაიწყო ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა. პროექტი დაფინანსებულია აშშ-ის საერთაშორისო განვითარების სააგენტოს (USAID) მიერ, რომელსაც ახორციელებს საქართველოს გაეროს ასოციაცია (UNAG). პროგრამის მიზანია ეროვნული ინტეგრაციის გაძლიერება საქართველოში. კერძოდ, არასამთავრობო ორგანიზაციების გაძლიერება სამოქალაქო ჩართულობისა და მრავალფეროვნების მართვის მიმართულებებით, სხვადასხვა რეგიონების ახალგაზრდებს შორის ურთიერთობისა და თანამშრომლობის ხელშეწყობა... შეხვედრაზე შეკრებილმა ახალგაზრდებმა მიიღეს ინფორმაცია და სამომავლო გეგმები შეიმუშავეს. სრულად... წყარო: ორგანიზაციის ვებ-გვერდი სოციალურ ქსელში

იმერეთი. სამოქალაქო განათლების პროგრამის „მომავლის თაობა" ფარგლებში, ჩატარდა ტრენინგი: „როგორ ჩავატაროთ სკოლის თვითმმართველობის არჩევნები". ტრენინგს პროგრამის სამიზნე სკოლების სამოქალაქო კლუბების წევრები ესწრებოდნენ. მონაწილეები თავიანთ სკოლებში თვითმმართველობის არჩევნებს გაუწევენ ორგანიზებას. სრულად... წყარო: ორგანიზაციის ვებ-გვერდი სოციალურ ქსელში

თბილისი. 21 სექტემბერს დაიწყო დისტანციური სწავლების კურსი „საარჩევნო სამართალი". სამოქალაქო საზოგადოების ინსტიტუტმა ონლაინ პლატფორმის www.e-learning.ge - ფარგლებში მეხუთე კურსი შექმნა. საარჩევნო სამართლის ფინანსურ მხარდაჭერას უზრუნველყოფს სსიპ „საარჩევნო სისტემების განვითარების, რეფორმებისა და სწავლების ცენტრი. სასწავლო პროგრამაზე სწავლების ორი მეთოდია: თავისუფალი მსმენელი და რეგისტრირებული მონაწილე. ამ ეტაპზე სასწავლო პროგრამის რეგისტრირებული მონაწილეები პოლიტიკური პარტიების წარმომადგენლები არიან, თუმცა თავისუფალ მსმენელს საშუალება ეძლევა მოისმინოს და იხილონ 13 ვიდეო–ლექცია არჩევნებთან დაკავშირებულ ყველა მნიშვნელოვან საკითხზე. „საარჩევნო სამართალი" მოიცავს ისეთ საკითხებს, როგორიცაა თავისუფალი არჩევნების იდეა წარმომადგენლობითი დემოკრატიის თეორიებში, საქართველოს საარჩევნო სისტემა, საარჩევნო ადმინისტრაცია, ამომრჩეველთა სიები, საარჩევნო სისტემები საქართველოში, არჩევნების მონიტორინგი, კენჭისყრის დღე, საარჩევნო დავები და ა.შ. ახალი სასწავლო კურსი – საარჩევნო სამართალი – 10 სასწავლო და 3 პრაქტიკულ ვიდეო–ლექციას მოიცავს. მისი მიზანია ხელი შეუწყოს პოლიტიკური გაერთიანებების წარმომადგენლების, ასევე სტუდენტებისა და საარჩევნო თემატიკაზე მომუშავე არასამთავრობო ორგანიზაციების საარჩევნო საკითხებზე ინფორმირებას.

შიდა ქართლი. 19 სექტემბერს, გორის სახელმწიფო სასწავლო უნივერსიტეტში პროექტ „უცნობი საბჭოთა ისტორიების" პრეზენტაცია გაიმართა. საინფორმაციო შეხვედრაზე დაინტერესებულ ახალგაზრდებს „თანამშრომლობა მშვიდობისა და პროგრესისთვის" წევრებმა პროექტში მონაწილეობის წესები გააცნეს. კერძოდ, გამოცხადდა კონკურსი, რომელიც გულისხმობს საინტერესო რესპოდენტების გამოკითხვასა და ზეპირი ისტორიების ჩაწერას. პროექტი ხორციელდება ჰაინრიჰ ბიოლის ფონდის სამხრეთ კავკასიის რეგიონული ბიუროს მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

აჭარა. 20 სექტემბერს, პროექტის „სამოქალაქო პასუხისმგებლობის გაძლიერება ახალგაზრდებში" ფარგლებში ჩატარდა საგანმანათლებლო ტრენინგი თემაზე: „როგორ ვიმუშაოთ ახალ ამბებზე". პროექტის უმთავრესი მიზანია ხელი შეუწყოს ჯანსაღი აზრისა და დამოკიდებულებების გაზრდას ახალგაზრდებში, აგრეთვე დემოკრატიული და ლიბერალური ღირებულებებისა და ფასეულობების შესახებ ცნობიერების ამაღლებას, ტოლერანტული გარემოს გაძლიერებას და მოქალაქე ჟურნალისტის როლის გაცნობიერებით სამოქალაქო პასუხისმგებლობის გაზრდას... სრულად... წყარო: ორგანიზაციის ვებ-გვერდი სოციალურ ქსელში

ქვემო ქართლი. 17 სექტემბერს, სიქას ახალგაზრდა წარმომადგენელმა და გერმანელმა მოხალისემ აზერბაიჯანელი მოსწავლეებისათვის ჩაატარეს ტრენინგი „როგორ მოვიქცეთ სტიქიური მოვლენების დროს". ტრენინგის დასასრულს, მონაწილეებისთვის მოეწყო სახალისო ვიქტორინა, ტრენინგზე მიღებული ცოდნის გამოყენების შესაძლებლობა. ტრენინგი ჩატარდა სამოქალაქო განათლების პროგრამა "მომავლის თაობა" ფარგლებში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. ქალთა საინიციატივო ჯგუფის წევრებისთვის ჩატარდა ტრენინგ-სემინარი „რას შეცვლის ასოცირების ხელშეკრულება ქართველი მომხმარებლებისთვის". სემინარი ასოციაცია „ათინათისა" და საქართველოს სტრატეგიული კვლევებისა და განვითარების ცენტრის პროექტის „ქალთა გაძლიერება ცვლილებისათვის" ფარგლებში ჩატარდა. სრულად... წყარო: ორგანიზაციის ვებ-გვერდი სოციალურ ქსელში

12-13 სექტემბერს, არასამთავრობო ორგანიზაცია „სიდას” ორგანიზებით გაიმართა ორ დღიანი ტრენინგი იუსტიციის სამინისტროს 5 საზოგადოებრივი ცენტრის თანამშრომლების გადამზადების მიზნით. ტრენინგი მოიცავდა შემდეგ თემებს: მიგრაციის მარეგულირებელი კანონმდებლობა და პრაქტიკა, მიგრაციის მართვა და კოორდინაციის მექანიზმები საქართველოში, ლეგალური და არალეგალური მიგრაცია თურქეთსა და საბერძნეთში, არალეგალურ მიგრაციასთან დაკავშირებული საფრთხეები (ტრეფიკინგი, გადაადგილების თავისუფლების შეზღუდვა, დეპორტაცია, სავალდებულო შრომა და სხვა)… ტრენინგი საპილოტე ინიციატივის ფარგლებში, რომელიც ხორციელდება G-PAM პროექტის ფარგლებში. საპილოტე ინიციატივა მხარდაჭერილია ევრაზიის თანამშრომლობის ფონდის მიერ და მისი მიზანია საქართველო-ევროკავშირის ასოცირების ხელშეკრულების 2015 წლის სამოქმედო გეგმით გათვალისწინებული მიგრაციის სტრატეგიის ეფექტიანი იმპლემენტაციის ხელშეწყობა. სრულად... წყარო: ორგანიზაციის ვებ-გვერდი სოციალურ ქსელში

15-17 სექტემბერს, დასავლეთ საქართველოს ოთხ ქალაქში - ბათუმში, ოზურგეთში, ზუგდიდში და ქუთაისში, დემოკრატიული ჩართულობის ცენტრებში გაიმართება რეგიონული სემინარების ციკლი თემაზე: „მითები და რეალობა ევროინტეგრაციის თაობაზე". ღონისძიების მიზანია საქართველოს რეგიონებში ცნობიერების ამაღლება ევროინტეგრაციის პროცესის და მისგან მომდინარე შესაძლებლობების, მათ შორის, ევროკავშირთან ასოცირების შეთანხმების, ღრმა და ყოვლისმომცველი თავისუფალი სავაჭრო სივრცის (DCFTA) და უვიზო მიმოსვლის შესახებ. სემინარები ორგანიზებულია აღმოსავლეთ-დასავლეთის მართვის ინსტიტუტის (EWMI) და ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის მიერ. სემინარს გაუძღვებიან ევროინტეგრაციის თემაზე მომუშავე წამყვანი ექსპერტები, საქართველოს ცენტრალური ხელისუფლების წარმომადგენლები და არასამთავრობო ორგანიზაციების ხელმძღვანელები. სრულად... წყარო: ორგანიზაციის ვებ-გვერდი სოციალურ ქსელში

იმერეთი. 10 სექტემბერს, სახალხო დამცველის ოფისში, სამოქალაქო განათლების პროგრამის ,,მომავლის თაობა" ფარგლებში, სამოქალაქო განათლების პედაგოგებთან მორიგი შეხვედრა გაიმართა. პროგრამის კოორდინატორმა მასწავლებლებს სამომავლო გეგმები გააცნო და უახლოეს პერიოდში განსახორციელებელი აქტივობები მათთან ერთად დაგეგმა. შეხვედრას იმერეთის საჯარო სკოლების 26 მასწავლებელი ესწრებოდა. სრულად... წყარო: ორგანიზაციის ვებ-გვერდი სოციალურ ქსელში

თბილისი. აშშ–ში გაცვლით პროგრამაში (FLEX) მონაწილეთა საყურადღებოდ აშშ–ის საელჩო აქვეყნებს საქართველოს სხვადასხვა რეგიონში და ქალექში გასამართი ტესტირების განრიგს. რეგისტრაცია.... განრიგი... წყარო: აშშ–ის საელჩოს ვებგვერდი

თბილისი. საერთაშორისო საზაფხულო სკოლა „სოციალური მეწარმეობა და სოციალური ინოვაციები" ოფიციალურად დაიხურა. პროექტი ბავშვთა და ახალგაზრდობის ფონდის დაფინასებით საერთაშორისო ორგანიზაცია „oikos Tbilisi"-მა განახორციელა. საზაფხულო სკოლაში მონაწილეობა მიიღო 30-მდე ქართველმა და უცხოელმა წარმატებულმა სტუდენტმა. პროექტი ითვალისწინებდა ქართველი და უცხოელი ახალგაზრდების ინფორმირებას, ცნობიერების ამაღლებასა და ჩართულობის გაზრდას სოციალური მეწარმეობის სფეროში, ასევე სვანეთის ეკონომიკური მოდელის შემუშავებასა და მცირე სამეწარმეო ბიზნეს იდეების დამუშავებას. სრულად... წყარო: ორგანიზაციის ვებ-გვერდი სოციალურ ქსელში

ერასმუს საქართველო გაცვლით პროგრამებში მონაწილე უნივერსიტეტების საყურადღებოდ ინფორმაციას ავრცელებს, რომ გამოქვეყნდა მობილობის სპეციალური გზამკვლევი. სრულად... წყარო: erasmusplus.org.ge

თბილისი. სამოქალაქო საზოგადოების ინსტიტუტმა დაასრულა დისტანციურ სწავლების მეთოდზე აგებული ახალი კურსის – „საარჩევნო სამართლის" მომზადება. 13 ვიდეო–ლექცია, შესაბამისი ტესტები მოიცავს ისეთ საკითხებს, როგორიცაა: თავისუფალი არჩევნების იდეა წარმომადგენლობითი დემოკრატიის თეორიებში, საქართველოს საარჩევნო სისტემა, საარჩევნო ადმინისტრაცია, ამომრჩეველთა სიები, საარჩევნო სისტემები საქართველოში, არჩევნების მონიტორინგი, კენჭისყრის დღე, საარჩევნო დავები და ა.შ. ონლაინ ახალი კურსის მიზანია ხელი შეუწყოს პოლიტიკური გაერთიანებების წარმომადგენლების გადამზადებას და კვალიფიკაციის ამაღლებას საარჩევნო საკითხებზე. ონლაინ პლატფორმა – www.e-learning.ge – საშუალებას აძლევს პოლიტიკური პარტიების წარმომადგენლებს დროის ნაკლები დანახარჯითა და სამუშაოს პარალელურად, მათთვის მოსახერხებელ დროს აიმაღლონ კვალიფიკაცია და მოემზადონ არჩევნებისთვის. საარჩევნო სამართლის კურსზე სწავლა სექტემბერში დაიწყება. სამოქალაქო საზოგადოების ინსტიტუტი აღნიშნულ სასწავლო კურსს ცენტრალური საარჩევნო კომისიის და საარჩევნო სისტემების განვითარების, რეფორმებისა და სწავლების ცენტრის მხარდაჭერით ახორციელებს.      

თბილისი. 21 აგვისტოს, სპორტისა და ახალგაზრდობის საქმეთა სამინისტროს საკონფერენციო დარბაზში ,,ალიანტეს’’ ფინალისტებთან გაიმართება შეხვედრა. ”ალიანტე” 15-დან 19 წლამდე ასაკის ახალგაზრდებისგან შემდგარი 2-წევრიანი გუნდების კონკურსია, მოსწავლეებისა და სტუდენტებისთვის. პროექტის მიზანია ახალგაზრდებში უსაფრთხოების საკითხების, ჩრდილო-ატლანტიკური ალიანსისა და საერთაშორისო ურთიერთობების შესახებ ცნობიერების ამაღლება. პროექტი არასამთავრობო ორგანიზაციის „საქართველოს ახალგაზრდულ ორგანიზაციათა ნაციონალური საბჭო"-ს მიერ ხორციელდება. სრულად... წყარო: www.fondi.gov.ge