ქვემო ქართლი.14 ნოემბერს, მარნეულის მუნიციპალიტეტის მერიაში გაიმართა გენდერული თანასწორობის საბჭოს სხდომა, რომელზეც 2024 წლის ბიუჯეტის პროექტში გასათვალისწინებელი პროგრამა განიხილეს. სამოქალაქო საზოგადოების ინსტიტუტის წარმომადგენელმა, შალალა ამირჯანოვამ, USAID–ის ადგილობრივი თვითმმართველობის პროგრამის ფარგლებში, წარადგინა გენდერული თანასწორობის ხელშეწყობის მიმართულებით მუნიციპალიტეტის ბიუჯეტის მონახაზი, რომელიც პროგრამის ფარგლებშია შემუშავებული დარგის ექსპერტების მიერ.  შეხვედრას მარნეულის მუნიციპალიტეტის მერიისა და საკრებულოს წარმომადგენლები, გენდერული საბჭოს წევრები, არასამთავრობო სექტორის წარმომადგენლები ესწრებოდნენ. რაც შეეხება საბიუჯეტო პროცედურას: 2024 წლის ბიუჯეტის პროექტი მერია საკრებულოში 15 ნოემბერს წარადგინა და 25 ნოემბრამდე საჯაროდ განიხილავს მას.  მუნიციპალიტეტის მთავარი ფინანსური დოკუმენტი კი, საკრებულომ უნდა დამტკიცოს.  სრულად... წყარო: სამოქალაქო საზოგადოების ინსტიტუტი

სამცხე-ჯავახეთი.4-5 და 11-12 ნოემბერს ახალქალაქსა და ნინოწმინდაში მცხოვრებმა ლიდერმა ქალებმა უნარ–ჩვევების განვითარების ტრენინგებში მიიღეს მონაწილეობა. ტრენინგი გაიმართა პროექტის – „ეთნიკური უმცირესობის წარმომადგენელი ქალები, როგორც ინტეგრაციის ელჩების“ – ფარგლებში, რომელსაც განვითარებისა და ჩართულობის პლატფორმა ახორციელებს გერმანიის საგარეო საქმეთა სამინისტროს ფინანსური მხარდაჭერით.  სრულად...   წყარო: განვითარებისა და ჩართულობის პლატფორმა

თბილისი. „უფლებები საქართველომ“ მოამზადა გზამკვლევი დამწყები მეწარმეებისათვის, რომლის მიზანიცაა ხელი შეუწყოს ქალებს ბიზნესის დაწყებასა და მართვაში, ასევე არსებული ბიზნესის გაფართოებაში.  გზამკვლევი მომზადდა პროექტის - „გენდერული და ოჯახში ძალადობის მსხვერპლთა მხარდაჭერა“ - ფარგლებში, რომელსაც „უფლებები საქართველო“ და კიდევ ოთხი არასამთავრობო ორგანიზაცია, ევროკავშირისა და ASB საქართველოს მხარდაჭერით ახორციელებს.  სრულად...  წყარო: უფლებები საქართველო

სამეგრელო. „ათინათის" ახალგაზრდული ცენტრის წევრებისთვის ტრენინგი თემაზე „მშვიდობა, გენდერი და მრავალფეროვნება" ჩატარდა. ტრენინგი ჩატარდა USAID პროგრამა "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს. სრულად... წყარო: ათინათი

თბილისი. 23 ოქტომბერს, ქალთა მოძრაობა, აქტივისტები აზერბაიჯანული თემიდან და ექსპერტები საქართველოში ბავშვთა ქორწინების წინააღმდეგ შეხვედრას გამართავენ. შეხვედრაზე ამ პრობლემის გარშემო სახელმწიფოსადმი მოთხოვნებს შეაჯერებენ და იმსჯელებენ ქმედითი ნაბიჯების გადადგმის შესახებ.  სრულად... წყარო: საფარი

ქვემო ქართლი.სათემო ორგანიზაცია "გუმბათი" მხარს უჭერს წალკის გოგონათა საფეხბურთო გუნდს "ეძანს" და ეხმარება გოგონებს საკუთარი შესაძლებლობების რეალიზებაში. 11 ოქტომბერს ჯანსაღი ცხოვრების პოპულარიზაციის მიზნით საფეხბურთო გუნდი „ეძანის“ ფეხბურთელი გოგონები სოფელ ახაშენის სკოლის მოსწავლეებს შეხვდნენ.  შეხვედრაზე გოგონებმა გენდერულ როლებთან დამკვიდრებულ სტერეოტიპებზე და წარმატების მიღწევის სხვადასხვა გზებზე ისაუბრეს.  ინიციატივის ფარგლებში გოგონები წალკის მუნიციპალიტეტში თანატოლებთან სხვა შეხვედრებსაც გამართავენ. „გუმბათის“ ინიციატივა ხორციელდება კონსულტაციის და ტრენინგის ცენტრის მხარდაჭერით ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: სამოქალაქო საზოგადოების ინიციატივა

კახეთი. უფლებები საქართველომ, ახმეტის ახალგაზრდულ ცენტრში, გენდერულ თანასწორობასა და ქალთა მიმართ და ოჯახში ძალადობის საკითხებზე, კახეთის რეგიონული განვითარების ფონდის წარმომადგენლებთან და ადგილობრივ მოსახლეობასთან საინფორმაციო შეხვედრა გამართა. შეხვედრაზე უფლებები საქართველოს თელავის სამართლებრივი დახმარების ცენტრის იურისტებმა, მონაწილეებს ორგანიზაციის საქმიანობა და უფასო სამართლებრივი დახმარებით სარგებლობის შესაძლებლობა გააცნეს. საინფორმაციო შეხვედრა გაიმართა პროექტის - „გენდერული და ოჯახში ძალადობის მსხვერპლთა მხარდაჭერა“ - ფარგლებში, რომელიც ხორციელდება ASB საქართველოს, „უფლებები საქართველოსა” და კიდევ ოთხი არასამთავრობო ორგანიზაციის მიერ, ევროკავშირის მხარდაჭერით. სრულად... წყარო: უფლებები საქართველო 

თბილისი. საქართველოში გენდერული ნიშნით ძალადობის მსხვერპლებისა და დაზარალებულების მხარდამჭერი სერვისების შესახებ პირველი საერთაშორისო კონფერენცია გაიმართა.  ღონისძიების მიზანს წარმოადგენდა საერთაშორისო გამოცდილებისა და საუკეთესო პრაქტიკის გაზიარება, ძალადობის მსხვერპლი და დაზარალებული ქალებისა და გოგოების მხარდამჭერი სერვისების გაუმჯობესება, რათა თითოეულ მათგანს მათ საჭიროებებზე მორგებულ სერვისებზე დაუბრკოლებლად წვდომა ჰქონდეს.  კონფერენცია ორგანიზებული იყო ევროპის საბჭოს პროექტის „ქალთა მიმართ ძალადობის აღსაკვეთად ინტეგრირებული მიდგომის ხელშეწყობა და გენდერული თანასწორობის გაძლიერება საქართველოში“ და პროექტის „ქალებისა და გოგოების მიმართ ძალადობის წინააღმდეგ“ ერთობლივი მხარდაჭერით, რომელსაც გაეროს ქალთა ორგანიზაცია და გაეროს მოსახლეობის ფონდი ევროკავშირის დაფინანსებით ახორციელებენ. სრულად... წყარო: გაეროს ქალთა ფონდი 

თბილისი. 11 ოქტომბერს გოგონათა საერთაშორისო დღე აღინიშნება.  საქართველოში გაეროს სააგენტოთა ჯგუფი ამ დღეს ეხმაურებიან.  „საჭიროა, ყურადღება და რესურსები იმ საკვანძო სფეროებისკენ იყოს მიმართული, რომლებიც დაეხმარება გოგოებს მათი უფლებებისა და სრული პოტენციალის რეალიზებაში. გაერო საქართველოში ღრმა მწუხარებას გამოხატავს 2023 წლის 6 ოქტომბერს, საგარეჯოს მუნიციპალიტეტში 14 წლის გოგონას ტრაგიკული დაღუპვის გამო და მოუწოდებს შესაბამის უწყებებს, დანაშაული დაუყოვნებლივ და საფუძვლიანად გამოიძიონ, ხოლო დამნაშავე გასამართლდეს“, ნათქვამია განცხადებაში. სრულად... წყარო: გაეროს განვითარების პროგრამა 

თბილისი. საერთაშორისო გამჭვირვალობა-საქართველომ საპარლამენტო მონიტორინგის პროექტის ფარგლებში შესრულებულ კვლევა გამოაქვეყნა.  იგი მოიცავს გენდერული თანასწორობის საბჭოს საქმიანობას X მოწვევის პარლამენტში, 2022 წლის 1 ივნისიდან 2023 წლის 30 ივნისის ჩათვლით.  კვლევის ფარგლებში, ორგანიზაციამ შეისწავლა და შეაფასა საბჭოს საქმიანობა შემდეგი მიმართულებებით:  კანონმდებლობის გენდერული ანალიზი;  საკანონმდებლო ინიციატივებზე მუშაობა;  ანგარიშვალდებული ორგანოების საქმიანობის ზედამხედველობა და მონიტორინგი  გენდერულ საკითხებთან დაკავშირებით;  რეაგირება გახმაურებულ ფაქტებსა და მოვლენებზე;  განხილული და მიღებული განცხადებები.  ორგანიზაციის გვერდზე ნათქვამია, რომ კვლევა ეფუძნება პარლამენტიდან გამოთხოვილ საჯარო ინფორმაციას, ასევე პარლამენტის ვებგვერდზე არსებულ მონაცემებსა და ორგანიზაციის დაკვირვებებს. სრულად... წყარო: საერთაშორისო გამჭვირვალობა-საქართველო

თბილისი.მედიის განვითარების ფონდმა ახალი ანგარიში გამოაქვეყნა, რომელიც გენდერულ დეზინფორმაციას ეხება.  „კვლევაში განხილულია ფაქტების გადამოწმების პლატფორმის მითების დეტექტორი მიერ საქართველოსა და რუსეთში 2023 წლის 1 იანვრიდან 30 ივნისის ჩათვლით გამოვლენილი გენდერული დეზინფორმაციის/მანიპულაციის შემთხვევები, გაანალიზებულია სამიზნეები, წყაროები და მავნე აქტორების მოქმედების ტაქტიკა. ანგარიში ორი თავისგან შედგება და საერთო რაოდენობრივი მონაცემების შემდეგ მასში გენდერული დეზინფორმაცია სამიზნეების მიხედვით არის გაანალიზებული.“ სრულად... წყარო: მედიის განვითარების ფონდი 

თბილისი. რა არის ფემიციდი და რისი გაკეთება შეგვიძლია ფემიციდის პრევენციისთვის? ამ საკითხებზე ფსიქოსოციალური და სამედიცინო რეაბილიტაციის ცენტრი ვიდეო აქვეყნებს.  ვიდეო მომზადდა პროექტის „ოჯახში და გენდერული ნიშნით ძალადობის წინააღმდეგ ბრძოლის ხელშეწყობა“ ფარგლებში, რომელსაც ახორციელებს GCRT ევროკავშირის ფინანსური მხარდაჭერით.  ვიდეო წყარო: GCRT

თბილისი. ტრენინგების სერია „ქალები სამეთვალყურეო საბჭოში“ დაიწყო.  ღონისძიება მეწარმე და მენეჯერი ქალებისთვის არის განკუთვნილი.პროგრამა “ქალები სამეთვალყურეო საბჭოში” ფედერაცია “ქალები მომავლისთვის”, “კერძო მეწარმეობის საერთაშორისო ცენტრთან”(CIPE) პარტნიორობით უკვე მეორე წელია ხორციელდება. სრულად...  წყარო: ქალები მომავლისთვის

იმერეთი. ქალთა საინფორმაციო ცენტრი ისრაელის ელჩთან, ჰადას მეიცადთან ერთად ხაშურის მუნიციპალიტეტის სოფელ ჩორჩანას ესტუმრა. ჩორჩანა ე.წ. ადმინისტრაციულ სასაზღვრო ზოლთან მდებარე სოფელია. სტუმრებს ადგილობრივმა ქალებმა უმასპინძლეს. „დიპლომატსა და ქალებს შორის საინტერესო და გულახდილი საუბარი შედგა, რის შემდეგაც შეხვედრა არაფორმალურ გარემოში გაგრძელდა. ჩორჩანელმა ქალებმა ჰადას მეიცადი  ქართულ ტრადიციებს აზიარეს. მას შესაძლებლობა ჰქონდა გაცნობოდა ყოველდღიურ სასოფლო-სამეურნეო საქმიანობას, დაეგემოვნებინა ადგილობრივი პროდუქტი და მონაწილეობა მიეღო თონეში პურის ცხობის პროცესში“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრი გიზიარებთ პოსტერების კონკურსის გამარჯვებულ ნამუშევარს: მორჩილება ქალის სამკაული არ არის. პოსტერი მარიამ ხუჭუას ეკუთვნის. სრულად... წყარო: ორგანიზაციის გვერდი სოციალურ ქსელში

რაჭა-ლეჩხუმი. „უფლებები საქართველოს“ ამბროლაურის სამართლებრივი დახმარების ცენტრის იურისტმა ანა ჯელაძემ ცაგერში საინფორმაციო-საკონსულტაციო შეხვედრები გამართა. შეხვედრებს ესწრებოდნენ სკოლის დირექტორები, პედაგოგები, მშობლები და მოსწავლეები.  „მონაწილეებმა ისაუბრეს თავიანთ რეგიონში გენდერული თანასწორობის კუთხით არსებულ პრობლემებზე და ერთმანეთს საკუთარი გამოცდილება გაუზიარეს. „უფლებები საქართველოს“ იურისტმა მათ ამბროლაურის სამართლებრივი დახმარების ცენტრის საქმიანობა და უფასო იურიდიული დახმარებით სარგებლობის პირობები გააცნო. ასევე, მიაწოდა ინფორმაცია ეკონომიკური გაძლიერების კუთხით თავიანთ რეგიონში არსებულ შესაძლებლობებზე.“ სრულად... წყარო: rights.ge

თბილისი. პარტნიორობა ადამიანის უფლებებისთვის (PHR) ინფორმაციით, შრომით მიგრაციაში მყოფი ქალების მიმართ ეკონომიკური ძალადობა ასევე გამოიხატება, მათი გამომუშავებული ფულის სრულად გამოგზავნის მოთხოვნაში, რასაც ისინი ემორჩილებიან. „როცა გამოდიან ქალები ვინც 24 საათიანზე მუშაობენ, 50 ცენტი რო 50 ცენტია იმას არ იტოვებენ ისე აგზავნიან.  როცა 24 საათიანზე მუშაობ დასვენების დღეს ქუჩაში ხომ ვერ იქნები და ბინა ღირს 25 ევრო. ანუ ის 25 ევრო რომ არ გადაიხადონ, მართლა ქუჩაში სძინავთ, სკვერში. ერთ პურს წამოიღებენ სახლიდან, ერთ ბოთლ წყალს სახლიდან რომ გარეთ არ იყიდონ და ისე სხედან  გარეთ“. პარტნიორობა ადამიანის უფლებებისთვის (PHR) გუნდი აქტიურად მუშაობს შრომით მიგრაციაში მყოფი ქალების უფლებების დაცვაზე. სრულად... წყარო: ორგანიზაციის გვერდი სოციალურ ქსელში

ქვემო ქართლი. საქართველოს ახალგაზრდა იურისტთა ასოციაციის (საია) რუსთავის ოფისი იცავდა დაზარალებული ქალის ინტერესებს, რომელიც წლების მანძილზე მეუღლის მხრიდან სისტემატური ძალადობისა (ფსიქოლოგიური, ეკონომიკური, ფიზიკური) და მუქარის მსხვერპლი იყო. „რუსთავის საქალაქო სასამართლომ ქალთა წინააღმდეგ ძალადობისა და ოჯახში ძალადობის აღკვეთისა და პრევენციის შესახებ ევროპის საბჭოს კონვენციის („სტამბოლის კონვენცია“) რეკომენდაციაზე მითითებით, დაადგინა განაჩენი, შედეგად, ბრალდებულს განუსაზღვრა თავისუფლების აღკვეთა 2 (ორი) წლის ვადით“. სრულად... წყარო: gyla.ge

თბილისი. ქალთა უფლებებზე და გენდერულ თანასწორობაზე მომუშავე არასამთავრობო ორგანიზაციები განცხადებას ავრცელებენ და ნინო წილოსანის თანმდებობიდან გადადგომას ითხოვენ. „ჩვენთვის, ქალთა უფლებებსა და გენდერულ თანასწორობაზე მომუშავე ორგანიზაციებისთვის, მიუღებელია გენდერული თანასწორობის მუდმივმოქმედი საპარლამენტო საბჭოს თავმჯდომარის, ნინო წილოსანის, ბოლოდროინდელი პოლიტიკური ქმედებები და განცხადებები, რომლებიც ფუნდამენტურად ეწინააღმდეგება თანასწორობის პრინციპს, დისკრიმინაციულია და აღვივებს ძალადობას. მიგვაჩნია, რომ გენდერული თანასწორობის საბჭოს მოქმედი თავმჯდომარე ვერ ასრულებს მასზე დაკისრებულ მოვალეობას, ვერ იაზრებს პროფესიულ პასუხისმგებლობას, ბოროტად და არამართებულად იყენებს გენდერული თანასწორობის იდეას; ხოლო როცა თანასწორობის ღირებულებები წინააღმდეგობაში მოდის პარტიულ დღის წესრიგთან, ნინო წილოსანი უპირატესობას პარტიულ ინტერესებს ანიჭებს“. სრულად... წყარო: socialjustice.org.ge

თბილისი. 19 ივნისს, გაეროს ქალთა ორგანიზაციამ სოციალური ცვლილების რეფორმის გენდერული ასპექტების შესახებ მომუშავე ჯგუფის შეხვედრას გაუწია ფასილიტაცია. „შეხვედრაზე Expertise France-მა წარმოადგინა მათ მიერ მომზადებული ცვლილების დოკუმენტები მინიმალური ხელფასის, სოციალური დაზღვევის და უმუშევრობის შემწეობის შესახებ.  შეხვედრა სოციალური ცვლილების პაკეტის მომზადების პროცესში არსებული პროგრესის შესახებ ინფორმაციის გაზიარებას და არასამთავრობო ორგანიზაციების და განვითარების პარტნიორების მონაწილეობით დისკუსიის ხელშეწყობას ისახავდა მიზნად“. სრულად... წყარო: ორგანიზაციის გვერდი სოციალურ ქსელში

თბილისი. სოლიდარობის თემი წარმოგიდგენთ ახალ კვლევას „თავსაფარი მუსლიმი ქალების ყოველდღიურობაში”. „კვლევის შედეგების თანახმად, დასაქმების სივრცე არის ყველაზე პრობლემური თავსაფრიანი მუსლიმი ქალებისთვის. აჭარაში არცერთ საჯარო უწყებაში არ მუშაობს თავსაფრიანი მუსლიმი ქალი. გამოკითხული 14 რესპონდენტიდან თითოეული მათგანი ერთხელ მაინც ყოფილა სხვადასხვა სახის დისკრიმინაციის მსხვერპლი. საგანმანათლებლო სივრცეში რესპონდენტებს ჰქონიათ იმის გამოცდილება, როცა სკოლაში მათ არ უშვებდნენ ჰიჯაბის ტარების გამო. საუნივერსიტეტო გარემოში კი ლექტორებისგან, ადმინისტრაციისგან, სკოლის დირექციისა და სტუდენტებისგან შეიმჩნეოდა ფარული თუ პირდაპირი ისლამოფობიური დამოკიდებულებები, რაზეც თავსაფრიანი ქალები ხმამაღლა ვერ საუბრობენ. რამდენიმე მათგანს ფიზიკური თავდასხმის გამოცდილებაც კი ჰქონია“. კვლევა განხორციელდა ევროკავშირისა (EU) და გაეროს განვითარების პროგრამის (UNDP) მხარდაჭერით. სრულად... წყარო: solidaritycommunity.ge

ქვემო ქართლი. სოციალური სამართლიანობის ცენტრის ინფორმაციით, სამირა ისმაილოვამ სამოქალაქო თანასწორობის პლატფორმა 1 წლის წინ დააფუძნა და მას შემდეგ ქვემო ქართლში, განსაკუთრებით კი ბოლნისის მუნიციპალიტეტში მუშაობს ეთნიკურ უმცირესობებთან. „სამირა ცდილობს, რომ სოფლად მცხოვრები ქალების და გოგოების რეალობა უკეთესობისკენ შეცვალოს - დაეხმაროს მათ არაფორმალურ განათლების მიღებაში, მიაწოდოს მათ ინფორმაცია რეპროდუქციული ჯანმრთელობაზე და იმ სერვისებზე, რომლის მიღებაც შეუძლიათ და ეკუთვნით. ცდილობს ადგილობრივების გააქტიურებას, რომ ისინი უფრო მეტად იყვნენ ჩართული გადაწყვეტილების მიღების პროცესებში“. სრულად... წყარო: socialjustice.org.ge