თბილისი. „თავდასხმა ქალზე, აბორტის სერვისსა და დემოკრატიაზე“ - კინოთეატრ „ამირანში“ არასამთავრობო ორგანიზაცია ასოციაცია „ჰერა ოცდაერთის“ დაკვეთით გადაღებული დოკუმენტური ფილმის პრემიერა გაიმართა. საგამომძიებლო-დოკუმენტური ჟანრის #ფილმი ასახავს ქვეყანაში არსებულ რეალობას - თუ რა პრობლემებს აწყდებიან ქალები აბორტის ხელმისაწვდომობის კუთხით, როგორც სისტემურ დონეზე, ასევე საზოგადოებრივი სტიგმების გამო. ფილმი მიზნად ისახავს საქართველოში ორსულობის ხელოვნური შეწყვეტის, როგორც სამედიცინო სერვისის ხარისხიანი მომსახურეობის და ამ სერვისზე ხელმისაწვდომობასთან დაკავშირებული პრობლემებისა და გამოწვევების გამოვლენას. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „საფარის“ ინფორმაციით, თავდაცვის სამინისტროს გენერალური ინსპექციის გადაწყვეტილებით, უწყებაში დასაქმებული მაღალი თანამდებობის პირი, თანამშრომელი ქალის სექსუალურად შევიწროებისთვის, თანამდებობიდან უნდა გათავისუფლდეს. ორგანიზაციის ცნობით, ეს არის პირველი შემთხვევა, როცა თავდაცვის სამინისტროს გენერალურმა ინსპექციამ სექსუალური შევიწროების ფაქტი დაადგინა. „საუბარია კაცზე, რომელიც მის დაქვემდებარებაში მყოფ ქალებს დისკრიმინაციულად ექცეოდა, შეურაცხმყოფელად მიმართავდა, სამუშაო სივრცეში შეუფერებელ, საფრთხის შემცველ და ღირსების შემლახველ გარემოს უქმნიდა. გარდა ამისა, არსებობს ერთ-ერთი თანამშრომელი ქალის სექსუალური შევიწროების დამადასტურებელი არაერთი მტკიცებულება. ამ ქალის მიმართ გენდერული ნიშნით დისკრიმინაცია გამოიკვეთა კიდევ 2 მაღალჩინოსნის მხრიდანაც“. სრულად... წყარო: ორგანიზაციის გვერდი სოციალურ ქსელში

გურია. 10-12 სექტემბერს ჩატარდა ახალგაზრდული ტრენინგი „გენდერული როლები და სტერეოტიპები“. თუ გსურთ თქვენც მიიღოთ მონაწილეობა და გაიგოთ მეტი გენდერული თანასწორობის შესახებ, გაიარეთ რეგისტრაცია... მონაწილეებს, რომლებიც წარმატებით გაივლიან ტრენინგებს, შესაძლებლობა მიეცემათ მიიღონ დაფინანსება (500 ევრო) ადგილობრივი ინიციატივებისა და პროექტების განსახორციელებლად, რაც გენდერული თანასწორობის შესახებ ცნობიერების ამაღლებას, ქალების ეკონომიკურ გაძლიერებასა და პოლიტიკურ მონაწილეობას შეუწყობს ხელს. ახალგაზრდული ტრენინგები ხორციელდება „ქალების ძალა - ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში“ პროექტის ფარგლებში, რომელსაც ახორციელებს საერთაშორისო ორგანიზაცია „ქალები საერთო მომავლისთვის (WECF Georgia)“ ადგილობრივ პარტნიორებთან თანამშრომლობით და ევროკავშირის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

ოზურგეთი. ქალთა საინფორმაციო ცენტრის ორგანიზებით, ოზურგეთის მუნიციპალიტეტში სამუშაო შეხვედრა გაიმართა. სამუშაო შეხვედრის მიზანი იყო ადგილობრივი ხელისუფლების ინფორმირებულობის გაზრდა ადგილობრივი და საერთაშორისო ვალდებულებების შესახებ, პოლიტიკის დოკუმენტების შემუშავების პროცესებში და გენდერული თანასწორობის სამოქმედო გეგმით გათვალისწინებული აქტივობის განხორციელებაში ხელშეწყობა. შეხვედრა ჩატარდა პროექტის „შერჩეულ მუნიციპალიტეტში გენდერული თანასწორობის მეინსტრიმინგი და ხელშეწყობა“ ფარგლებში, რომელსაც ახორციელებს ქალთა საინფორმაციო ცენტრი (WIC), გერმანიის საერთაშორისო თანამშრომლობის საზოგადოების (GIZ) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ქალ მშვიდობის მშენებელთა გლობალური ქსელისა (GNWP) და ევროპის უშიშროებისა და თანამშრომლობის ორგანიზაციის (OSCE) ერთობლივი ორგანიზებით, ქალ მშვიდობის მშენებლებსა და სამხრეთ კავკასიიდან მედიატორებს შორის ონლაინ შეხვედრა გაიმართა. შეხვედრა მიზნად ისახავდა სამხრეთ კავკასიის რეგიონში არსებული გამოწვევების განხილვას/ რეკომენდაციების შემუშავებას. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) აქვეყნებს მედეა ხმელიძის სტატიას: სექსუალური გზით გადამდები ინფექციების (სგგი) პრევენცია შეზღუდული შესაძლებლობის მქონე ქალებში. ამ სტატიაში ავტორი აქცენტს აკეთებს იმ ბარიერებზე, რომლებიც შშმ პირებს, განსაკუთრებით კი ქალებს, მოწყვლადს ხდის და უზღუდავს წვდომას სექსუალურ და რეპროდუქციულ საბაზისო სერვისებზე საქართველოს კონტექსტში, განსაკუთრებით კი სქესობრივი გზით გადამდები ინფექციების (სგგი) პრევენციასა და მკურნალობაზე. სრულად...  წყარო: phr.ge

თბილისი. გენდერული თანასწორობის საპარლამენტო საბჭომ ქალთა საინფორმაციო ცენტრის მიერ მომზადებული ორი ინიციატივა განიხილა - სტატისტიკის წარმოებასთან დაკავშირებული საკანონმდებლო ცვლილებები და ადგილობრივ დონეზე უწყებათაშორისი საკოორდინაციო მექანიზმის შემუშავება. სამუშაო შეხვედრის მიზანი იყო, ევროკავშირის მე-9 რეკომენდაციის ფარგლებში დასაინიცირებლად დაგეგმილი ინიციატივის განხილვა. კერძოდ, საბჭომ განიხილა საკანონმდებლო ინიციატივა „გენდერული თანასწორობის შესახებ“ საქართველოს კანონში ცვლილების შეტანის თაობაზე. კანონპროექტის ავტორია „ქალთა საინფორმაციო ცენტრი“. კანონპროექტის მიზანია გენდერული თანასწორობის კოორდინაციის მექანიზმების დახვეწა, რომლის ფარგლებში განხორციელებული ცვლილების შედეგად, შეიქმნება გენდერული თანასწორობის უზრუნველსაყოფად სახელმწიფო უწყებების რეგიონული და მუნიციპალური თანამშრომლობის კოორდინაციის ეფექტიანი მექანიზმი. სრულად... წყარო: ორგანიზაციის გვერდი სოციალურ ქსელში

თბილისი. 13 ივლისს, ადამიანის უფლებების დარგში საქართველოში საფრანგეთის საელჩოს პრემიის გადაცემის ცერემონია რესტორან მეტისში, საფრანგეთის ეროვნული დღესასწაულის აღნიშვნის ფარგლებში გაიმართა. „წელს, საქართველოში საფრანგეთის საელჩომ ადამიანის უფლებების რიგით მე-6 პრემია მიუძღვნა პროექტებს, რომლებიც აძლიერებენ ქალების ავტონომიას კრიზისულ სიტუაციებში, იქნება ეს კლიმატურ, გარემოსდაცვით, ეკონომიკურ, სოციალურ საკითხებთან თუ კონფლიქტებთან დაკავშირებული. კრიზისები განსაკუთრებით ეხება ქალებსა და გოგონებს, რომლებიც სექსისტური და სექსუალური ძალადობის ზრდისა და ჯანმრთელობის დაცვის სერვისების ხელმისაწვდომობის სიმცირის მსხვერპლი ხდებიან. დაბრკოლებების წინაშე, რომლებიც მათი ადაპტაციის უნარს ზღუდავს, გადამწყვეტი მნიშვნელობა აქვს ქალთა ავტონომიისა და მათი პასუხისმგებლობის გაძლიერებას, რათა  მხარი დავუჭიროთ მათ პოლიტიკურ, ეკონომიკურ და გარემოსდაცვით გამოწვევებზე ადაპტირებული საარსებო სტრატეგიების შემუშავებაში. სწორედ ამ თემის გარშემო, საფრანგეთის საელჩომ 2022 წლის ადამიანის უფლებების პრემიითა და 2000 ევროს ოდენობის თანხით დააჯილდოვა არასამთავრობო ორგანიზაცია « მერკური » www.merkuri.org.ge. ზუგდიდში მდებარე ეს ორგანიზაცია გამარჯვებულად გამოცხადდა ოჯახური ძალადობის მსხვერპლთა თავშესაფრის პროექტის გამო“. სრულად... წყარო: ge.ambafrance.org

თბილისი. ქალთა საინფორმაციო ცენტრი აქვეყნებს მარიამ ლომიძის ბლოგპოსტს: ქალთა პოლიტიკური მონაწილეობა - რას შეცვლის მეტი ქალი პოლიტიკაში. „საქართველოში გენდერულმა კვოტამ გავლენა მოახდინა ქალების პოლიტიკაში ჩართულობაზე, თუმცა ეს კვლავ არაა საკმარისი, რადგან რეალური პრობლემები ისევ არსებობს, ქალებს ისევ ორმაგი ბრძოლა უწევთ პოლიტიკაში ჩასართავად და მითუმეტეს, გადაწყვეტილების მიმღებ პოზიციებზე გადასვლა. საზოგადოებას კვლავ უჭირს იმის გააზრება, თუ რატომ გვჭირდება მეტი ქალი პოლიტიკაში, რას შეცვლიან ისინი და ზოგადად რას მოუტანს ეს ქვეყანას“. სრულად... წყარო: ginsc.net

გურია. 10-12 ივლისს ჩატარდა ახალგაზრდული ტრენინგი „გენდერული როლები და სტერეოტიპები“. განხილულ საკითხებს შორის იყო: ქალთა უფლებების ისტორია, ფემინიზმი; გენდერული თანასწორობა, არა-ანაზღაურებადი შრომა; ძალადობა, ნაადრევი ქორწინება, გენდერი და შეზღუდული შესაძლებლობა; როგორ დავწეროთ პროექტი. თუ გსურთ თქვენც მიიღოთ მონაწილეობა და გაიგოთ მეტი გენდერული თანასწორობის შესახებ, გაიარეთ რეგისტრაცია...  ახალგაზრდული ტრენინგები ხორციელდება „ქალების ძალა - ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში“ პროექტის ფარგლებში, რომელსაც ახორციელებს საერთაშორისო ორგანიზაცია „ქალები საერთო მომავლისთვის (WECF Georgia)“ ადგილობრივ პარტნიორებთან თანამშრომლობით და ევროკავშირის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

12-14 ივლისს, ქალთა საინფორმაციო ცენტრის ორგანიზებით, ჩატარდა ორდღიანი სამუშაო შეხვედრა „ადგილობრიბი თვითმმართველობის წარმომადგენლებისა და ლიდერი ქალების შესაძლებლობების გაძლიერება“. შეხვედრას ესწრებოდნენ ზუგდიდის, მესტიის, ხაშურისა და თეთრიწყაროს გადაწყვეტილების მიმღებ პირები და ლიდერი ქალები. შეხვედრა ჩატარდა ქალთა საინფორმაციო ცენტრისა და ქალ მშვიდობისმშენებელთა გლობალური ქსელის (GNWP) ერთობლივი პროექტის „გაძლიერებული ქალები და ახალგაზრდები მშვიდობის მშენებლობისა და შენარჩუნებისთვის” ფარგლებში. სრულად...  წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრი აქვეყნებს ანასტასია ლორთქიფანიძის ბლოგპოსტს: რისი ეშინია შიშს.? „ჩვენი უბედურება დღესდღეობით იმაში მდგომარეობს რომ ჩვენი საზოგადოება (არ ვსაუბრობ იმ ნაწილზე, რომელიც დღის სინათლეზე დიდი ხანია გამოვიდა) ქალს აღიქვამს, როგორც ნივთს, რომელიც მამაკაცის ღირსების საზომია და რომელსაც ძალიან მცირე შეცდომის დაშვება სჭირდება იმისათვის რომ აღარ იყოს სასურველი ან მისაღები. სამაგიეროდ მამაკაცს ბევრი რამ ეპატიება, რაც ვფიქრობ მისი განვითარებისთვისვეა დამღუპველი. ალბათ ამიტომაც გვყავს ბევრი რეალობას აცდენილი კაცი, რომელსაც იმდენი ეძახეს, შენ კაცი ხარ ასეთი და ასეთი უნდა იყო, ამის და ამის უფლება გაქვს, შენ მეტი ხარ, შენ გეპატიება, მერე რა და ა.შ. მათ ყველაფერი აპატიეს, გაუტარეს, მისცეს უამრავი უფლება, მისცეს მეტი ხელფასი იგივე საქმეში, რასაც ქალიც აკეთებს, რითაც ერთგვარი დათვური სამსახური გაუწიეს და შეაფერხეს მათი განვითარება“. სრულად... წყარო: ginsc.net

თბილისი. სოციალური სამართლიანობის ცენტრი წარმოგიდგენთ ნენსი ფრეიზერის ინტერვიუს თარგმანს: ფემინიზმმა ერთი პროცენტისთვის გააიგივა ჩვენი ბრძოლა ელიტიზმთან. „ეს არ ყოფილა ჭეშმარიტი ეგალიტარული (თანასწორობაზე დაფუძნებული) ფემინიზმი - ეს არ ყოფილა ფემინიზმი, რომელსაც რამეს შესთავაზებდა მუშათა კლასის და ღარიბი ქალების დიდ უმრავლესობას, რომლებიც არ სარგებლობენ იმ პრივილეგიებით; რომლებიც არიან მიგრანტები, ფერადკანიანები, ტრანს ან non-cis ქალები“. „და ამ ერთი პროცენტის, ან შესაძლოა საუკეთესო შემთხვევაში, ათი პროცენტის ფემინიზმმა ნამდვილად გასვარა ფემინიზმის სახელი. მან ჩვენი საქმე დააკავშირა ელიტიზმთან, ინდივიდუალიზმთან და კორპორატიულ ცხოვრებასთან. მან სახელი გაუფუჭა ფემინიზმს, ნეოლიბერალიზმთან, ფინანსიალიზაციასთან, გლობალიზაციასთან, მუშათა კლასის საწინააღმდეგო პოლიტიკასთან ჩვენი ასოცირებით“. სრულად... წყარო: socialjustice.org.ge

თბილისი. სახალხო დამცველმა შპს CD Company-ში დასაქმებული ქალის მიმართ სექსუალური შევიწროების ფაქტი დაადგინა და 2022 წლის 5 ივლისს რეკომენდაციით მიმართა კომპანიის დირექტორს, სადაც მოუწოდა მას მომავალში არ განახორციელოს დასაქმებულთა სექსუალური შევიწროება და არ შეუქმნას თანამშრომლებს შეურაცხმყოფელი, დამამცირებელი ან/და მათი ღირსებისთვის შეუსაბამო გარემო. სახალხო დამცველის აპარატში განმცხადებლის ინტერესებს ააიპ „საფარი“ წარმოადგენდა. სრულად... წყარო: ombudsman.ge

თბილისი. „ქალთა ეკონომიკური გაძლიერების“ პროექტის ფარგლებში მონაწილე ქალებმა დაასრულეს ტრენინგ კურსი „როგორ დავიწყოთ და განვავითაროთ ბიზნესი“, რომელსაც BDO Academy • ბიდიო აკადემია -ს კვალიფიციური ტრენერები წარუძღვნენ. „სასწავლო კურსის შედეგად ქალებმა შეისწავლეს იდეის ბიზნეს გეგმად გარდაქმნა, ფინანსური და საგადასახადო საკითხები, ბრენდინგი და მარკეტინგი, გაყიდვების ტექნიკები და სხვა. პროექტს „ფონდი ტასო“ გაეროს ქალთა ორგანიზაციის და ნორვეგიის მთავრობის მხარდაჭერით ახორციელებს“. სრულად... წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრი აქვეყნებს თამარ სხილაძის ბლოგპოსტს:  უარყოფითი გენდერული სტერეოტიპები. „ქართულ საზოგადოებაში დამკვიდრებული სტერეოტიპები უმეტესწილად მიმართულია ქალთა თავისუფლების შეზღუდვისკენ, განსკუთრებული წნეხი კი ყოველთვის დაოჯახებულ ქალებზე მოდის. ქვეყნის სინამდვილეში უფროსი თაობის უდიდესი ნაწილი ქალის მთავარ მოვალეობად და სასიცოცხლო დანიშნულებად კვლავ დედობას მიიჩნევს და თუკი ქალი უკვე არის დედა, მის მიმართ კრიტიკა განსაკუთრებით მკაცრია. უფროსი თაობის წარმომადგენლებისგან ხშირად მოისმენთ, რომ გათხოვილი ქალი ველოსიპედით არ უნდა დადიოდეს, რამდენიმე შვილის დედას სამსახურში არ უნდა დადიოდეს, როცა შვილები ჰყავს აღსაზრდელი. ზოგი მათგანი იმასაც ფიქრობს, რომ თუკი  გათხოვილი ქალი ფიტნესითაა დაკავებული, ის უფრო გამომწვევი ხდება, ამიტომ უმჯობესია ქალმა, რომელსაც აქვს ცოლისა და დედის სტატუსი, თავი შეიკავოს სხვების (განსაკუთრებით კაცების) თანდასწრებით სპორტული აქტივობისგან. ფართოდ გავრცელებული მსგავსი აზრები ხელს უწყობს არამხოლოდ ქალთა ფსიქოლოგიურ, არამედ ფიზიკურ დეგრადირებასაც“. სრულად... წყარო: ginsc.net

თბილისი. ქალთა საინფორმაციო ცენტრი სამუშაო შეხვედრას მართავს ხაშურის მუნიციპალიტეტის გენდერული თანასწორობის საბჭოს წევრებთან. სამუშაო შეხვედრის მიზანია, ინფორმირებულობა ადგილობრივ და საერთაშორისო ვალდებულებებზე და გენდერული თანასწორობის სამოქმედო გეგმით განსაზღვრული აქტივობის/ვალდებულების შესრულებაში ხელშეწყობა. სამუშაო შეხვედრა ტარდება პროექტის ფარგლებში „შერჩეულ მუნიციპალიტეტში გენდერული თანასწორობის მეინსტრიმინგი და ხელშეწყობა“, რომელსაც ახორციელებს ქალთა საინფორმაციო ცენტრი (WIC), გერმანიის საერთაშორისო თანამშრომლობის საზოგადოების(GIZ) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ორგანიზაციის ინფორმაციით, 6 ივნისს, საჯარო სამსახურის ბიურომ, გაეროს ქალთა ორგანიზაციის ტექნიკური მხარდაჭერით, პირველად შეიმუშავა და დაამტკიცა გენდერული თანასწორობის სტრატეგია და სამოქმედო გეგმა...  „გენდერული თანასწორობის სტრატეგია და სამოქმედო გეგმა მიზნად ისახავს გენდერულად მგრძნობიარე საჯარო სამსახურის სისტემის დანერგვას საჯარო სამსახურში ქალების სრული და ეფექტიანი მონაწილეობისა და ლიდერობის ხელშეწყობის მიზნით. აღნიშნული დოკუმენტები ეყრდნობა თანამონაწილეობითი გენდერული აუდიტის რეკომენდაციებს, რომელიც საჯარო სამსახურის ბიურომ ჩაატარა გაეროს ქალთა ორგანიზაციის მხარდაჭერით 2020 წელს“. აღნიშნული ინიციატივა განხორციელდა პროექტის - „კარგი მმართველობა გენდერული თანასწორობისთვის საქართველოში“ (GG4GEG)  ფარგლებში, რომელიც ნორვეგიის საგარეო საქმეთა სამინისტროს მიერაა მხარდაჭერილი. სრულად... წყარო: ორგანიზაციის გვერდი სოციალურ ქსელში

ქვემო ქართლი. „საფარის“ იურისტი ქვემო ქართლის რეგიონში, ნონა ასლანიშვილი ქალებისთვის საინფორმაციო შეხვედრებს მართავს. „ბოლო ორი კვირის განმავლობაში შეხვედრები გაიმართა მარნეულის მუნიციპალიტეტის ოთხ სოფელში. მომდევნო კვირების განმავლობაში მარნეულის გარდა, მოვიცავთ ბოლნისს, გარდაბანს და ქვემო ქართლის სხვა მუნიციპალიტეტებს. ნონა ასლანიშვილი რამდენიმე თვეა ქვემო ქართლში მუშაობს და ადგილობრივ ქალებსა და ბავშვებს უფასო იურიდიულ სერვისებს სთავაზობს. საინფორმაციო შეხვედრებზე ის ქალებს აცნობს „საფარის“ ამ და სხვა სერვისებსა თუ შესაძლებლობებს. მათ შორის, აპლიკაცია Safe You-ს, მის ფუნქციებსა და შესაძლებლობებს. შეხვედრები ტარდება პროექტის ფარგლებში, „გენდერული და ოჯახში ძალადობის აღმოფხვრა საქართველოში“, რომელსაც „საფარი“ ახორციელებს ევროკავშირის ფინანსური მხარდაჭერით“. სრულად... წყარო: sapari.ge

იმერეთი. 22 ივნისს, „საფარის“ იურისტს იმერეთის რეგიონში, თეონა გოგლიჩაძეს,  დაუკავშირდა ქალი და არასრულწლოვან შვილთან კომუნიკაციისთვის შესაძლებლობისთვის სამართლებრივი დახმარება სთხოვა. როგორც ქალი ყვება, თითქმის 4 წელია, რაც განქორწინებულია, თუმცა ყოფილი ქმარი შვილთან ურთიერთობის უფლებას არ აძლევს. მისივე თქმით, განქორწინებისას არ ჰქონდა ფინანსური შესაძლებლობა და არც ინფორმაცია იმაზე, შეეძლო თუ არა შვილი მასთან წაეყვანა, თუმცა ახლა მზადაა იბრძოლოს მეურვეობის მისაღებად. „საფარის“ დახმარებითა და პოლიციისა და სოციალური სამსახურის ჩართულობით დღეს ქალმა შვილის ნახვა მოახერხა. სრულად... წყარო: sapari.ge

თბილისი. ქალთა საინფორმაციო ცენტრი აქვეყნებს ვიდეო-რგოლს, რომელიც გვიყვება ამბავს ქალთა საინფორმაციო ცენტრისა და ქალ მშვიდობისმშენებელთა გლობალური ქსელის (GNWP) თანამშრომლობით განხორციელებული პროექტის შესახებ. წყარო: წყარო: ორგანიზაციის გვერდი სოციალურ ქსელში

ქვემო ქართლი. „ფონდი ტასოს“ გუნდის წევრები ბოლნისის მუნიციპალიტეტის მერს და მერიის წარმომადგენლებს შეხვდნენ. „სამუშაო შეხვედრა, მიზნად ისახავდა ბოლნისის მუნიციპალიტეტში ახალი სამიზნე თემების/სოფლების შერჩევას და გენდერული ბიუჯეტირების მიმართულებით სამომავლო გეგმების განსაზღვრას. პროექტის მხარდამჭერია შვეიცარიის განვითარების და თანამშრომლობისა (SDC) და ავსტრიის განვითარების თანამშრომლობის (ADC) სააგენტოების მიერ. სრულად... წყარო: ორგანიზაციის გვერდი სოციალურ ქსელში