თბილისი. ორგანიზაცია „საფარის“ ინფორმაციით, მცხეთის რაიონულმა სასამართლომ ე.წ. ავტოსტოპის საქმეზე გამამტყუნებელი განაჩენი გამოიტანა და ტრაილერის მძღოლს 5 000-ლარიანი ჯარიმა დააკისრა. დაზარალებული ქალის ინტერესებს „საფარის” იურისტი, თამარ ლუკავა იცავს. ავტოსტოპით გურიიდან თბილისისკენ მიმავალ ქალს ტრაილერის მძღოლმა გაუჩერა და მგზავრობა შესთავაზა. გარკვეული ხნის შემდეგ, მძღოლმა ქალთან სექსუალური ხასიათის, შეურაცხმყოფელი საუბრები დაიწყო. ქალი ცდილობდა, თავის დასაღწევად მოძრავი ტრაილერის კარიც კი გაეღო, თუმცა მძღოლმა კარიც ჩაკეტა. საბოლოოდ, ქალმა მეგობრის დახმარებით პოლიცია გამოიძახა, ეკიპაჟმა კი დასაკითხად გადაიყვანა. „სამი საათის განმავლობაში ვიყავით მოსაცდელში და ველოდებოდი პროკურორს ისე, რომ არავინ ყურადღებას არ მაქცევდა. გარდა ამისა, მოდიოდნენ და მეუბნებოდნენ, რომ მომეჩვენა და ბიჭს ციხისთვის ტყუილად ვიმეტებდი. შეურაცხმყოფელად, დამამცირებლად, ძაან ცუდად მელაპარაკებოდნენ. როგორც კი ჩემმა მეგობარმა ახსენა „საფარი“, იმ წამსვე შემიყვანე თბილ ოთახში, დამსვეს, მომიტანეს წყალი, მაშინვე შეცვალეს დამოკიდებულება. „საფარის“ იურისტის სახელის ხსენების შემდეგ ისე მექცეოდნენ, როგორც მართლა უნდა მოექცე მსხვერპლს“, აღნიშნავს დაზარალებული ქალი. სრულად... წყარო: sapari.ge

თბილისი. ინფორმაციის თავისუფლების განვითარების ინსტიტუტის (IDFI) ცნობით, 1-3 თებერვალს, სახელმწიფო ბიუჯეტის გენდერული ინდექსის შესამუშავებლად, ჯანდაცვის და ფინანსთა სამინისტროებთან, გენდერული თანასწორობის მუდმივმოქმედი საპარლამენტო საბჭოსთან, სახალხო დამცველის აპარატთან და პარლამენტის საბიუჯეტო ოფისთან ერთად სამუშაო შეხვედრების სერია ჩატარდა. ინდექსი ყოველწლიურად შეაფასებს რამდენად ხდება საბიუჯეტო პოლიტიკის დაგეგმვის დროს ქალებისა და კაცების საჭიროებების გათვალისწინება. სრულად... წყარო: idfi.ge

თბილისი. საქართველოს შემეცნებითი ცენტრი წარმოგიდგენთ ინტერვიუს „მხლენელთა საკითხავის“ ერთ-ერთ თანაავტორთან - ნათია გვინიაშვილთან, რომელიც დალხენისა და მლხენელობის კონცეფციას შესახებ საუბრობს.  ინტერვიუ მომზადდა პროექტის „დალხენის პრაქტიკების გავრცელების ხელშეწყობა ჯანსაღი სოციალური ტრანსფორმაციისთვის“ ფარგლებში, საქართველოს შემეცნებით ცენტრთან (CDC-Creative Development Center) თანამშრომლობით და ქალთა ფონდის  Women's Fund in Georgia) მხარდაჭერით. “ნათიას თქმით, დალხენა მისთვის სასიცოცხლოდ მნიშვნელოვანი რამეა. ეს არის ყველაფერი რასაც გაცნობიერებულად ვაკეთებ საკუთარი კეთილდღეობისთვის, ყველაფერს რასაც ვაკეთებ სხვისი კეთილდღეობისთვის და რასაც კოლექტიურად ვაკეთებთ ერთმანეთისთვის. ეს არის იმის აღიარება, რომ რეალობა, რომელშიც ვცხოვრობთ, მიმართულია სისტემური უსამართლობისა და ჩაგვრის შენარჩუნებისკენ და ამ პროცესში ჩვენგან მაქსიმალური რესურსის ამოღებისკენ. ეს სისტემა ჩვენ გვანადგურებს და გადარჩენისთვის არა მხოლოდ ინდივიდუალური, არამედ კოლექტიური ზრუნვა და დალხენაა საჭირო”. სრულად... წყარო: ccgeorgia.ge

თბილისი. „უფლებები საქართველო“ უფასო სამართლებრივ დახმარებას სთავაზობს გენდერული და ოჯახში ძალადობის მსხვერპლებს. სამართლებრივი დახმარებისათვის შეგიძლიათ დაგვიკავშირდეთ ცხელ ხაზზე: 577541655, ან მიმართოთ ორგანიზაციის ოფისებს შემდეგ რეგიონებში: კახეთი: თელავის სამართლებრივი დახმარების ცენტრი (მის: არსენიშვილის №2) ზემო იმერეთი: ჭიათურის სამართლებრივი დახმარების ცენტრი (მის: წერეთლის №1) რაჭა-ლეჩხუმ-ქვემო სვანეთი: ამბროლაური სამართლებრივი დახმარების ცენტრი (მის: აღმაშენებლის №24) სამართლებრივი დახმარება ხორციელდება პროექტის „გენდერული და ოჯახში ძალადობის მსხვერპლთა მხარდაჭერა“ ფარგლებში, ევროკავშირისა და ASB საქართველოს მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. „საფარმა” ახალგაზრდული ფემინისტური მოძრაობის, “გოგონების ხმის” წევრებისთვის ტრენინგი ჩაატარა. „ორგანიზაციის იურისტები, ცირა ჯგერენაია და თამარ ლუკავა სკოლის მოსწავლეებს ქალზე ძალადობის ფორმებსა და მათ სამართლებრივ რეგულაციებზე ესაუბრნენ. იურისტები კონკრეტული მაგალითების საფუძველზე უხსნიდნენ გოგონებს ფიზიკური, სექსუალური, ფსიქოლოგიური თუ ეკონომიკური ძალადობის ფორმებს, მათზე რეაგირების მექანიზმებსა და პრევენციის შესაძლებლობებს. ტრენინგზე საუბარი შეეხო ადრეული ქორწინების პრაქტიკას. გარდა ამისა, განიხილეს აპლიკაცია Safe You-ს ფუნქციები და გამოყენების საჭიროებები. შეხვედრა ინტერაქციული იყო და გოგონების აქტიური ჩართულობით წარიმართა“. სრულად... წყარო: sapari.ge

აჭარა. სოლიდარობის თემი/Solidarity Community -ის მიერ განხორციელებული პროექტის „რეპროდუქციული ჯანმრთელობა როგორც ქალთა უფლება“ ფარგლებში, მთიანი აჭარის ხულოსა და შუახევის მუნიციპალიტეტის სოფლებში მცხოვრებ ქალებს რეპროდუქციული ჯანმრთელობის შესახებ შეხვედრები და კონსულტაციები ჩაუტარდათ.  პროექტმა მთიანი აჭარის ექვსი სოფლის მცხოვრებ ქალებს ადგილზე მიაწოდა როგორც ინფორმაცია, ისე რეპროდუქციული ჯანმრთელობისთვის საჭირო მომსახურებები.  „სოლიდარობის თემის“ მიერ განხორციელებული საქმიანობების მხარდამჭერია „ფონდი ტასო“. სრულად... წყარო: ორგანიზაციის გვერდი სოციალურ ქსელში

თბილისი. 21 იანვარს, სასტუმრო ქორთიარდ მარიოტში, საგანმანათლებლო პროგრამის „ქალთა სკოლა სამოქალაქო საზოგადოების აქტიური წევრობისთვის“ დასკვნითი ღონისძიება გაიმართა.   პროგრამის ფარგლებში გადამზადდნენ საქართველოს სხვადასხვა რეგიონში მცხოვრები  ახალგაზრდა ქალები და გოგონები, რომლებმაც პროგრამაში ჩართულობით სურვილი და მზაობა გამოხატეს, მიეღოთ მეტი ინფორმაცია და წვლილი შეეტანათ საკუთარი თემის განვითარებაში. სრულად... წყარო: ორგანიზაციის გვერდი სოციალურ ქსელში

თბილისი. ქალთა ინიციატივების მხარდამჭერი ჯგუფი (WISG) აქვეყნებს ფემინისტი ფილოსოფოსის და ავტორის, თსუ-ს სოციალურ და პოლიტიკურ მეცნიერებათა ფაკულტეტის პროფესორის, ლელა გაფრინდაშვილის მოხსენებას „οἶκος და ქალების სივრცე“. გაფრინდაშვილი საუბრობს ქართულ სუბკულტურებში ქალების სპეციფიკურ ყოფაზე: აღზრდის, სოციალიზაციის და თვითდამკვიდრების თავისებურებებზე, განსაკუთრებული აქცენტით ქალების საქმიანობასა და შემოქმედებაზე, როგორც მოვლის, ზრუნვისა და შენახვის კულტურაზე. წყარო: ორგანიზაციის გვერდი სოციალურ ქსელში

თბილისი. საქართველოს გაეროს ასოციაციის ორგანიზებით, ჩატარდა სამდღიანი ტრენერთა ტრენინგი „ახალგაზრდები ქალთა უფლებებისთვის“. ტრენინგში მონაწილეობა მიიღეს ახალგაზრდებმა საქართველოს 6 რეგიონიდან: ქვემო ქართლი, სამცხე-ჯავახეთი, შიდა ქართლი, გურია, აჭარა და იმერეთი.  ტრენინგკურსის ფარგლებში მონაწილეები სფეროს ექსპერტებისა და ტრენერების მიერ გადამზადდნენ შემდეგ საკითხებში:  ქალთა უფლებები და გენდერული თანასწორობა; ოჯახში ძალადობა და სახელმწიფო რეფერირების მექანიზმები; სერვისები გენდერული ნიშნით დისკრიმინაციის მსხვერპლთათვის;  სამართლებრივი მექანიზმები; ბავშვობის ასაკში ქორწინების პრევენციის მექანიზმები;  ქალთა საგანგმანათლებლო, პროფესიული და ეკონომიკური მხარდაჭერის შესაძლებლობები საქართველოში.  ღონისძიება ორგანიზებულია საქართველოს გაეროს ასოციაციის მიერ პროექტ „ცოდნისა და უნარების განვითარების ქსელებისა და პლატფორმების გაძლიერების“ (LINKS) ფარგლებში, რომელიც ევროკავშირის დაფინანსებით ხორციელდება. ღონისძიების პარტნიორია შვედეთის გაეროს ასოციაცია და ,,დემოკრატიული ჩართულობის მხარდაჭერის პროგრამა“(FID). სრულად... წყარო: ორგანიზაციის გვერდი სოციალურ ქსელში

თბილისი. ქალთა ინიციატივების მხარდამჭერი ჯგუფი მიმდინარე თვეს, YouTube არხზე, შემოგთავაზებთ ვიდეო-ჩანაწერებს ფემინისტური ფორუმიდან, რომელიც 2022 წლის 6-9 ოქტომებრს გაიმართა. „ხათუნა თავდგირიძემ, ფოლკლორისტმა და ფილოლოგიის დოქტორმა, ფორუმი საქართველოს სხვადასხვა კუთხის მითოლოგიურ სისტემებში შემონახულ მატრიარქალურ მითოსახეებზე, ფენომენებსა და სტრუქტურებზე ვრცელი მოხსენებით გახსნა. ლექციის მსვლელობისას რამდენიმე მნიშვნელოვან ფიგურას ამოიცნობთ, რომლებსაც WISG-ის ქალ-ღვთაებათა კალენდარში შეხვედრიხართ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. როცა ფემიციდზე - გენდერის ნიშნით ქალებისა და გოგოების მკვლელობაზე -ვსაუბრობთ, ხშირად ისმის კითხვები, თუ რით განსხვავდება ის ზოგადად ადამიანის მკვლელობისგან, რა იძლევა მისი სისტემურად აღქმის საფუძველს და, საერთოდ, ფემიციდის შემთხვევებზე საუბრისას რატომ ვამბობთ, რომ „ქალი მოკლეს იმის გამო, რომ ის ქალი იყო“. ფემეას სტატია სწორედ ზემოთ დასმულ კითხვებს პასუხობს და საუბარი ეხება ფემიციდის სისტემურობას, მის კატეგორიებს, პრობლემის მასშტაბებსა და იმ ზოგად სურათს, რომელიც დღესდღეობით გლობალურად არსებობს. სრულად... წყარო: ორგანიზაციის გვერდი სოციალურ ქსელში

თბილისი. რა როლი აქვს ელექტრონულ სამაჯურს, როგორც მოძალადის მონიტორინგის საშუალებას, ქალთა მკვლელობის პრევენციაში - ამ საკითხს ეხება „ნეტგაზეთის“ სტატია, რომელშიც ქალთა უფლებადამცველი, „უფლებები საქართველოს“ იურისტი ელისო რუხაძე თავის გამოცდილებაზე გვიყვება. სრულად... წყარო: უფლებები საქართველოს გვერდი სოციალურ ქსელში

თბილისი. ორგანიზაცია „საფარის“ ინფორმაციით, ხანუმ ჯეირანოვას საქმეზე ბრალდებულებს 5,5 წლით პატიმრობა მიესაჯათ. „მსჯავრდებულებმა ხანუმ ჯეირანოვა ღირსებისა და პატივის შემლახავ მდგომარეობაში ჩააყენეს, სიტყვიერი და ფიზიკური შეურაცხყოფა მიაყენეს, რის შემდეგაც იძულებით ჩასვეს ავტომანქანაში და სოფლის ცენტრში, საზოგადოებრივი თავშეყრის ადგილას მიიყვანეს“. ხანუმ ჯეირანოვას საქმეზე ბრალდებულ 4 კაცს 5 წლითა და 6 თვით თავისუფლების აღკვეთა მიუსაჯეს. სრულად... წყარო: sapari.ge

თბილისი. გაეროს ქალთა ფონდი გიზიარებთ ქალებისა და გოგოების საინტერესო ისტორიებს. სრულად... წყარო: ორგანიზაციის გვერდი სოციალურ ქსელში

თბილისი. 15 დეკემბერს, სასტუმრო „თბილისი მარიოტში“ გაეროს სააგენტოთა ჯგუფმა საქართველოში ქვეყნის ხელისუფლებასა და საზოგადოებრივ ორგანიზაციებთან პარტნიორობით, გენდერული თანასწორობის საკითხებზე პირველი ეროვნული კონფერენცია გამართა. კონფერენციის მონაწილეებმა იმსჯელეს ისეთ საკითხებზე, როგორიცაა პოლიტიკაში ქალთა მონაწილეობის გაზრდა, ძალადობა ქალი პოლიტიკოსების მიმართ, ფემიციდის აღმოფხვრის გზები, სექსუალური ძალადობის პრევენცია მშვიდობისა და ომის პირობებში, განათლება, როგორც გენდერული დისკრიმინაციის დაძლევის გზა და მშობლობის ანაზღაურებადი რეფორმა. სრულად... წყარო: ორგანიზაციის გვერდი სოციალურ ქსელში

რეგიონები. 6-9 დეკემბერს საქართველოს გაეროს ასოციაციის ორგანიზებით ჩატარდა სამდღიანი ტრენერთა ტრენინგი „ახალგაზრდები ქალთა უფლებებისთვის“. ტრენინგში მონაწილეობა მიიღეს ახალგაზრდებმა საქართველოს 6 რეგიონიდან: ქვემო ქართლი, სამცხე-ჯავახეთი, შიდა ქართლი, გურია, აჭარა და იმერეთი.  ტრენინგკურსის ფარგლებში მონაწილეები სფეროს ექსპერტებისა და ტრენერების მიერ გადამზადდნენ შემდეგ საკითხებში:  ქალთა უფლებები და გენდერული თანასწორობა; ოჯახში ძალადობა და სახელმწიფო რეფერირების მექანიზმები; სერვისები გენდერული ნიშნით დისკრიმინაციის მსხვერპლთათვის;  სამართლებრივი მექანიზმები; ბავშვობის ასაკში ქორწინების პრევენციის მექანიზმები;  ქალთა საგანგმანათლებლო, პროფესიული და ეკონომიკური მხარდაჭერის შესაძლებლობები საქართველოში. სრულად... წყარო: ორგანიზაციის გვერდი სოციალურ ქსელში

აჭარა. საქართველოს წითელი ჯვრის საზოგადოების ბათუმის ფილიალის მოხალისეები გენდერული ძალადობის წინააღმდეგ მიმართულ 16-დღიან კამპანიას ველო-ტურით შეუერთდნენ. საქართველოს წითელი ჯვარი მადლობას უხდის მოხალისეებს ჩართულობისთვის და აქტიურობისთვის. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „მირაბალდები“ მორიგ საინფორმაციო პოსტს აქვეყნებს ძალადობის მსხვერპლის მიმართ საზოგადოების დამოკიდებულებაზე. „ერთ-ერთი მთავარი მიზეზი, რის გამოც დუმს ძალადობის მსხვერპლი, საზოგადოების მხრიდან აგრესიული, ცინიკური, არაემპათიური და ზოგჯერ აბსურდული დამოკიდებულებაა.  ძალადობაგამოვლილ ადამიანს ხშირად ესმის მსგავსი შინაარსის შეკითხვები/კომენტარები: რა გეცვა? გააკეთე რამე თავის დასაცავად? იყვირე? მთვრალი ხომ არ იყავი? მაშინვე რატომ არ წახვედი პოლიციაში? არ მჯერა, რომ შენი ქმარი/შეყვარებული ამას იზამდა, ალბათ, აზვიადებ; უნდა მოითმინო, ბავშვით სად წახვალ? მთვრალი იყო და რატომ გააღიზიანე? უნდა ვიცოდეთ, რომ ყველა ასეთი რეაქცია არის ძალადობის, გაუპატიურების კულტურის წახალისება და მხარდაჭერა. ამის ნაცვლად, ძალადობაგამოვლილ ადამიანს უნდა ვუთხრათ/ვკითხოთ: მე მჯერა შენი და მხარს გიჭერ! თავს როგორ გრძნობ? რა შემიძლია შენთვის გავაკეთო? ძალადობაზე ლაპარაკი სირცხვილი არ არის - სირცხვილი ძალადობაა“. სრულად... წყარო: ორგანიზაციის გვერდი სოციალურ ქსელში

თბილისი. უფლებები საქართველო აქვეყნებს საინფორმაციო პოსტს: როგორ უნდა დაიცვას სახელმწიფომ მსხვერპლი ხელახალი ტრავმირებისგან? სამართალდამცავი სისტემის ან/და სასამართლო ხელისუფლების წარმომადგენლების ქცევა, ხშირად, მსხვერპლის ხელახალ ტრავმირებას იწვევს.  ქალთა მიმართ და ოჯახში ძალადობის მსხვერპლის ხელახალი ტრავმირების თავიდან ასაცილებლად, მნიშვნელოვანია: მსხვერპლმა სახელმწიფოსგან მიიღოს დაცვის, დახმარებისა და მხარდაჭერის სათანადო მომსახურებები, რათა ძალადობასთან გამკლავება და ტრავმის დაძლევა შეძლოს; პოლიციელები, პროკურორები და მოსამართლეები სათანადო მგრძნობელობითა და გულისხმიერებით მოეკიდონ ქალთა მიმართ და ოჯახში ძალადობის საქმეებს; ქალთა მიმართ და ოჯახში ძალადობის საქმეებზე რეაგირება მსხვერპლზე ორიენტირებული მიდგომით, მისი ჭეშმარიტი ინტერესის გათვალისწინებითა და კონფიდენციალურობის დაცვით მოხდეს; მართლმსაჯულების ორგანოებმა აღმოფხვრან სტერეოტიპული დამოკიდებულებები და მსხვერპლის მიმართ გამოიჩინონ ნდობა. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „მირაბალდების“ ცნობით, მოქალაქეთა დიდმა ნაწილმა არ იცის, რომ საქართველოს ხუთ ქალაქში (თბილისში, გორში, სიღნაღში, ქუთაისსა და ბათუმში) არსებობს ოჯახში ძალადობის მსხვერპლთა სახელმწიფო თავშესაფრები. აუცილებელია, ვიცოდეთ: ძალადობის ფაქტის არსებობის შემთხვევაში პოლიცია ვალდებულია მსხვერპლის მოთხოვნით ან მისი თანხმობით, უზრუნველყოს მსხვერპლისა და მასზე დამოკიდებული პირის თავშესაფარში გადაყვანა. მსხვერპლს/სავარაუდო მსხვერპლს, საქართველოს კანონმდებლობით დადგენილი წესით, აქვს უფლება: ისარგებლოს თავშესაფრით და იქ არსებული მომსახურებით; თავშესაფარში მსხვერპლის მოთავსება ხდება 3 თვემდე ვადით. საჭიროების შემთხვევაში, ეს ვადა გაგრძელდება თავშესაფრის წესდებით (შინაგანაწესით) დადგენილი წესით. თავშესაფარში მოთავსების ვადის ამოწურვის შემდეგ, მსხვერპლის მიმართ საფრთხის არსებობის შემთხვევაში, თავშესაფრის ადმინისტრაცია ვალდებულია აცნობოს სამართალდამცავ ორგანოებს შემდგომი რეაგირების უზრუნველსაყოფად. სრულად... წყარო: ორგანიზაციის გვერდი სოციალურ ქსელში

თბილისი. პირველ და ორ დეკემბერს, საქართველოს შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტმა ქალებისა და გოგოების მიმართ ძალადობის აღმოფხვრის საკონსულტაციო ჯგუფთან (Task Force on EVAWG) სამუშაო შეხვედრა გამართა. შეხვედრას ესწრებოდნენ ალექსანდრე დარახველიძე - საქართელოს შინაგან საქმეთა მინისტრის მოადგილე, ნიკო თათულაშვილი - საქართველოს პრემიერ მინისტრის მრჩეველი ადამიანის უფლებათა საკითხებში და თამარ საბედაშვილი - გაეროს ქალთა ორგანიზაციის წარმომადგენლის მოადგილე საქართველოში. შეხვედრაზე განიხილეს ბოლო წლების მანძილზე ოჯახში ან/და ქალთა მიმართ ძალადობის წინააღმდეგ ბრძოლის მიმართულებით განხორციელებული საქმიანობები, არსებული გამოწვევები და იმსჯელეს მათი გადაჭრის გზებზე. სრულად... წყარო: ორგანიზაციის გვერდი სოციალურ ქსელში

თბილისი. 18 ნოემბერს, საქართველოს პროკურატურამ გაავრცელა ცნობა ქალის მკვლელობის შესახებ. ფემიციდის შემთხვევასთან დაკავშირებით ინფორმაცია მედიაშიც გავრცელდა. პროკურატურის ცნობის შესაბამისად, 17 ნოემბერს მოკლული ქალი ტრანსფობიური ფემიციდის მსხვერპლი გახდა, რადგან მკვლელმა იგი გენდერული იდენტობის ნიშნით შეუწყნარებლობის მოტივით მოკლა. ლგბტქი სათემო ორგანიზაციები მოუწოდებენ საქართველოს მთავრობას: სამოქალაქო საზოგადოების აქტიური ჩართულობით შეიმუშავოს მიზოგინიის, ჰომოფობიის და ტრანსფობიის წინააღმდეგ ბრძოლის სამოქმედო გეგმა და მისი ინტეგრირება მოახდინოს ადამიანის უფლებების დაცვის პოლიტიკის დოკუმენტებში; დახვეწოს და საერთაშორისო სტანდარტებთან, მათ შორის სტამბოლის კონვენციასთან შესაბამისობაში მოიყვანოს კანონმდებლობა; გაატაროს შესაბამისი ზომები საზოგადოებაში მყარად ფესვგადგმულ გენდერულ და სხვა სახის სტერეოტიპებთან და წინარწმენებთან საბრძოლველად ზოგადსაგანმანათლებლო სისტემის გამოყენებით. სრულად... წყარო: wisg.org