თბილისი. სოციალური მობილიზაციის პროგრამის ფარგლებში, UN Women ორგანიზებით მეორე რეგიონული სემინარი გაიმართა. მას პოსტსაბჭოთა სივრცეში მოქმედი ქალთა ორგანიზაციების წარმომადგენლები ესწრებოდნენ. შეხვედრა დამირა სარტბაევამ გახსნა, რომელიც გაეროს ქალთა ორგანზიაციის აღმოსავლეთ ევროპისა და შუა აზიის რეგიონული პროგრამის დირექტორია.  შეხვედრას საქართველოდან იმ სათემო ორგანიზაციებიდანაც ესწრებოდნენ, რომლებიც პროექტის, ქალები თანასწორობის, მშვიდობისა და განვითარებისათვის ფარგლებში, საკუთარ დასახლებებში გარკვეულ აქტივობებს ახორციელებენ.  შეხვედრაში მონაწილეობას ყირგიზეთიდან, მოლდოვასა და უზბეკეთიდანაც იღებდნენ. შეხვედრის მთავარი მიზანი იმ გამოცდილებების ერთმანეთისათვის გაზიარებაა, რომლებიც ამ ქვეყნებში მომუშავე ქალთა ორგანიზაციებს დაუგროვდათ. ეს მსგავსი ტიპის მეორე შეხვედრაა. პირველი, დაახლოებით, ორი წლის წინ, სტამბულში შედგა და მას, უმეტესად, გაცნობითი ხასიათი ჰქონდა. როგორც ორგანიზატორები აღნიშნავენ, შეხვედრები კვლავ გაგრძლედება. წყარო: ginsc.net

გურია. ჰაინრიჰ ბიოლის ფონდის სამხრეთ კავკასიის რეგიონალური ბიუროს 2013 წლის პროექტის „ვის ეშინია ფემინიზმის?" ფარგლებში 1 ივლისს, ოზურგეთში პირველ ღია ლექციას – „ქალი, დედაკაცი, ქალი". ლექციის შემდეგ მონაწილეებს საშუალება ექნებათ ფემინიზმისა და ქალის უფლებების შესახებ დისკუსია გამართონ.  სრულად  წყარო:ორგანიზაციის გვერდი სოციალურ ქსელში

თბილისი. ჰაინრიჰ ბიოლის ფონდის სამხრეთ კავკასიის რეგიონული ბიუროს ინიციატივით თბილისში ჩატარებული საერთაშორისო კონფერენციის – „გამადიდებელი შუშით დანახული გენდერის წახნაგები" კრებულის სახით გამოიცა. კრებულში შესულია მოხსენებების მხოლოდ ნაწილი, რომელიც მკვლევარებმა და აქტივისტებმა კონფერენციაზე წაიკითხეს. მსურველებს დღეიდან კრებულის შეძენა თბილისისა და ბათუმის წიგნების მაღაზიებში შეეძლებათ. წყარო: ორგანიზაციის გვერდი სოციალურ ქსელში

შიდა ქართლი. ქალთა საინფორმაციო ცენტრის წარმომადგენლებმა ჩაატარეს შეხვედრა, რომელსაც შიდა ქართლის ჟურნალისტები დაესწრნენ. შეხვედრაზე მთავარი აქცენტი ქალთა საკითხების გაშუქებასა და გენდერულ ტემებზე გაკეთდა.  წყარო:ორგანიზაციის გვერდი სოციალურ ქსელში

თბილისი.  პარლამენტის გენდერული თანასწორობის საბჭოსა და გაეროს ქალთა ორგანიზაციის (UN Women) პროექტის „ქალები თანასწორობის, მშვიდობისა და განვითარებისათვის" ინიციატივით სპეციალური საინფორმაციო შეხვედრა გაიმართა. საინფორმაციო შეხვედრა მიეძღვნა შიდა ქართლში ადმინისტრაციულ სასაზღვრე ზოლთან მიმდებარე სოფლებში ქალთა საჭიროებების მხრივ არსებულ სიტუაციას.  წყარო: ქალები თანასწორობის, მშვიდობისა და განვითარებისათვის გვერდი სოციალურ ქსელში

თბილისი. კავკასიური ფემინისტური ინიციატივა შვედური ფონდის KVINNA TILL KVINNA-ს ფინანსური მხარდაჭერით გაიხსნება საზაფხულო ფემინისტური სკოლა. 20 ივლისიდან 26 ივლისამდე (I ჯგუფი) და 26 ივლისიდან 31 ივლისამდე (II ჯგუფი) ანაკლიაში ჩატარდება საზაფხულო ფემინისტურ სკოლა. საზაფხულო სკოლის მსმენელთა შერჩევის მიზნით კავკასიური ფემინისტური ინიციატივა აცხადებს კონკურსს. სრულად წყარო: ginsc.net

თბილისი. ქალთა ფონდმა გამართა საქველმოქმედო კონცერტი „მტკვარზე". სტუმრებს საშუალება ჰქონდათ მოესმინათ და თანადგომა გამოეხატათ ქალთა პრობლემების მიმართ საქართველოში. ამასთანავე, მსმენელებმა ფულადი დახმარება გაუწიეს ფონდს. ღონისძიებაზე შეგროვებული თანხა სრულად მოხმარდება ქალთა ფონდის საგრანტო ბიუჯეტს. წყარო: ორგანიზაციის გვერდი სოციალურ ქსელში

კახეთი. „ადგილობრივი დემოკრატიისა და განვითარების ცენტრი" იწყებს ტრენინგების ციკლს, რომელიც ხელს შეუწყობს ქალის როლის გაზრდას გადაწყვეტილების მიღების პროცესებში. 11 ივნისს საგარეჯოს დემოკრატიული ჩართულობის ცენტრში ჩატარდება პირველი ტრეინინგი სახელწოდებით „ეფექტური კომუნიკაცია და პრეზენტაცია". წყარო:ორგანიზაციის გვერდი სოციალურ ქსელში

სამცხე–ჯავახეთი. 23 მაისს, ახალციხის დემოკრატიული ჩართულობის ცენტრში, თემაზე – ,,ქალი და პოლიტიკა", საჯარო დისკუსია გაიმართა. შეხვედრას ადგილობრივი მოსახლეობის, ხელისუფლებისა და არასათავრობო სექტორის წარმომადგენლები  ესწრებოდნენ.   მონაწილეებმა ქართულ პოლიტიკაში არსებული გენდერული დისბალანსი და მისი გამომწვევი მიზეზები განიხილეს. იმსჯელეს იმაზე, თუ როგორ შეიძლება ადგილობრივ დონეზე გადაწყვეტილების მიღების პროცესში რაც შეიძლება მეტი ქალი ჩაერთოს. საუბარი შეეხო  საარჩევნო კოდექსის ერთ–ერთი ნაწილსაც,  რომელიც საინიციატივო ჯგუფს ავალდებულებს გარკვეული თანხის გადახდას საკრებულოს წევრის წარდგენისთვის და დასვეს მისი გაუქმების საკითხი. დისკუსიის საგანი გახდა ასევე 15 მაისს ქუთაისში პარლამენტის შენობის წინ გამართული აქცია, რომლის მონაწილეებიც  საკანონმდებლო ორგანოში შიდა პარტიული ქვოტირების  თაობაზე მხარდაჭერას მოითხოვდნენ. დისკუსია ახალციხის დემოკრატიული ჩართულობის ცენტრის ინიციატივით გაიმართა.

იმერეთი. 15 მაისს პარლამენტთან გენდერული თანასწორობისთვის აქცია გაიმართა. აქციაში "გენდერული თანასწორის ქსელი" და "ჟურნალისტთა ქსელი გენდერული თანასწორობისთვის" მონაწილეობდნენ. ორგანიზატორების განმარტებით ღონისძიების მიზანი მოსახლეობის, პარლამენტის და მთავრობის ინფორმირებაა გენდერული თანასწორობის, გენდერული კვოტირების და ქალთა პოლიტიკურად გაძლირების მექანიზმებზე.  აქცია საარჩევნო სისტემების საერთაშორისო ფონდის (IEFES) და ამერიკის შეერთებული შტატების განვითარების სააგენტოს (USAID) მხარდაჭერით ჩატარდა. წყარო: ginsc.net

თბილისი. ,,ნიდერლანდიების ინსტიტუტი მრავალპარტიული დემოკრატიისთვის” ორგანიზებით ქართულ-ეგვიპტური კონფერენცია გაიმართა. ღონისძიებაში დემოკრატიის სკოლების კურსდამთავრებულები მონაწილეობდნენ და მის ერთ–ერთ მიზანს ინფორმაციის გაცვლა წარმოადგენდა. ღონისძიებაზე მნიშვნელოვანი ყურადღება  ქალთა უფლებებსა და ჩართულობაზე გამახავილდა. მონაწილეებმა საკუთარი ქვეყნის პრეზენტაციებისას მთავარი აქცენტი პოლიტიკურ ვითარებაზე გააკეთეს, ეგვიპტელების თქმით ამ ეტაპზე ხალხის აზრს პატივს არ სცემენ და მათი მოთხოვნები თუნდაც კონსტიტუციაში შესატან ცვლილებებთან დაკავშირებით გათვალისწინებული არ არის. გაიმართა დისკუსიაც. კონფერენციის მონაწილეებს ეგვიპტის პარლამენტის 2 წევრი შეხვდა, მათ შორის ერთ–ერთი მათგანი ქალი იყო, რომელმაც აღნიშნა, რომ ეგვიპტის ისტორიაში პირველი პოლიტიკოსი ქალია.  წყარო:ginsc.net

სამცხე-ჯავახეთი. „მიეცით ქალებს საშუალება და მოგებული დარჩება ყველა”   – ამ პროექტის  ფარგლებში  ახალციხის დემოკრატიული ჩართულობის ცენტრში ქალბატონებისთვის  ტრენინგები ჩატარდა. ტრენინგის  მიზანი ბიზნეს სექტორში ახალციხის მუნიციპალიტეტში მცხოვრები ქალების ჩართვა, აქტიური რეკომენდაციების შემუშავება და გენდერული თანასწორობის პრინციპების გათვალისწინებაა. „აღნიშნული პროექტი გასული წელს დაიწყო. ჩვენი ორგანიზაცია ეკოლოგიისა და გენდერული მიმართულებით მუშაობს, მაგრამ ჩავთვალეთ, რომ ქალბატონებისთვის ბიზნეს ტრენინგების ჩატარება არანაკლებ მნიშვნელოვანი იქნებოდა”, - პროექტის კოორდინტორი ნუგზარ თათეშვილი. სამნაწილიანი პროექტი ევროკავშირისა და ნიდერლანდების საგარეო საქმეთა სამინისტროს მიერაა დაფინანასებული.

სამეგრელო.„ინვალიდ მეომართა და დაღუპულ მებრძოლთა მეუღლეთა კავშირის" და „გენდერული თანასწორობის ქსელის" ორგანიზებით, ზუგდიდში, 26 აპრილს, პოლიტიკურ პროცესებში გენდერული თანასწორობს პრობლემებზე ისაუბრეს. გენდერული თანასწორობის ცენტრის ხელმძვანელის მანანა მებუკეს თქმით, პროექტის „გენდერული თანასწორობის" ფარგლებში მიმდინარეობს  კოორდინატორების შერჩევა, რადგან 2014 წლის ადგილობრივი თვითმმართველობის არჩეენებისთვის მომზადნენ ქალი კანდიდატები. მისივე თქმით, პროექტის მიზანია ხელი შეუწყოს გენდერული თანასწორობის პოლიტიკის უზრუნველყოფას და ქალთა მონაწილეობის გაზრდა გადაწყვეტილების მიღების პროცესში. პროექტი ხორციელდება საარჩევნო სისტემების საერთაშორისო ფონდის და ამერიკის შეერთებული შტატების საერთაშორისო განვითარების სააგენტოს ფინანსური მხარდაჭერით.

გურია.25 აპრილს ოზურგეთის დემოკრატიული ჩართულობის ცენტრის ორგანიზებით გაიმართა საჯარო დისკუსია „ქალი პოლიტიკაში".  შეხვედრის მიზანი იყო საქართველოს პოლიტიკაში არსებული გენდერული დისბალანსის გამომწვევი მიზეზების განხილვა. შეხვედრაში მონაწილეობდნენ  ოზურგეთის მუნიციპალიტეტის საკრებულოს დეპუტატი ლელა ნაცვალაძე, „ქალები რეგიონის განვითარებისათვის" ხელმძღვანელი ქეთევან ხიდაშელი, კულტურულ-ჰუმანიტარული ფონდი „სოხუმის" წარმომადგენელი ნინო ნიკოლაიშვილი, აგრეთვე ადგილობრივი ხელისუფლების, არასამთავრობო ორგანიზაციების და პოლიტიკური პარტიების წარმომადგენლები. მონაწილეებმა იმსჯელეს იმ გარემოებებზე, რაც ხელს უშლით ქალებს დაიკავონ არჩევითი, პოლიტიკური თუ პარტიული თანამდებობები.

კახეთი.„კონსტიტუციის 42-ე მუხლმა", 24 და 25 აპრილს, სიღნაღში პროექტის – „ ქალთა გაძლიერება სოციალური განვითარებისათვის" – ფარგლებში გამართა ორდღიანი სემინარი. პროექტის სამიზნე ჯგუფს წარმოადგენენ საქართველოს რეგიონებში მცხოვრები, საზოგადოებრივ ცხოვრებაში აქტიურად ჩართული ქალბატონები, რომელთაც შეუძლიათ საკუთარ რაიონებში, ქალთა უფლებების რეალიზაციის პროცესში გარკვეული წვლილის შეტანა. ორგანიზაციის ექსპერტების მიერ ჩატარებული სემინარი მიეძღვნა სოფლად მცხოვრები ქალების ძირითადი უფლებებისა და თავისუფლებების შესახებ ცოდნის ამაღლებას, აგრეთვე სამოქალაქო საზოგადოების როლის გაძლიერებასა და დემოკრატიული პროცესების სტიმულირებას. პროექტის მონაწილეებს „კონსტიტუციის 42-ე მუხლის” წარმომადგენლებმა მიაწოდეს ინფორმაცია იმ უფლებებისა და თავისუფლებების შესახებ, რომელიც აღიარებული და დაცულია საქართველოს კონსტიტუციით და საერთაშორისო აქტებით. დღის ბოლოს, ორგანიზაციის იურისტები იურიდიულ კონსულტაციები გაუწიეს როგორც სემინარების მონაწილეებს, ასევე რაიონის მოსახლების დაინტერესებულ ნაწილს. პროექტი ხორციელდება გერმანიის საერთაშორისო თანამშრომლობის საზოგადოების (GIZ) მხარდაჭერით და მოიცავს საქართველოს 31 რაიონსა და სოფელში ანალოგიური შეხვედრების ორგანიზებას და ჩატარებას. წყარო:ორგანიზაციის გვერდი სოციალურ ქსელში

კახეთი. 24 აპრილს, თელავის დემოკრატიული ჩართულობის ცენტრში, გენდერული თანასწორობის ქსელის ორგანიზებით გაიმართა მრგვალი მაგიდა „გენდერული თანასწორობა პოლიტიკურ პროცესებში." შეხვედრას კახეთის რეგიონის სხვადასხვა მუნიციპალიტეტების წარმომადგენლები ესწრებოდნენ.  „გენდერული თანასწორობა ყოველთვის იყო და არის აქტუალური, მითუმეტეს, რომ დაწყებულია მზადება 2014 წლის თვითმმართველობის არჩევნებისთვის და გადაწყვეტილების მიმღებ ორგანოებში, მანდილოსანთა ჩართულობა მნიშვნელოვანია. ეს არის პროექტის მეორე ეტაპი, სადაც პირველი ეტაპის შედეგების შეჯამებას ვახდენთ, ასევე იგეგმება სხვა აქტივობებიც, როგორიც არის ტრენინგები და სხვა დასხვა სახის შეხვედრები ", განაცხადა პროექტის ერთ– ერთმა ორგანიზატორმა მაია კუპრავა–შარვაშიძემ.

სამცხე–ჯავახეთი. „გენდერული თანასწორობის ქსელის" წარმომადგენლები, თანასწორობისთვის ბრძოლას იწყებენ. ბაკურიანში 4 დღის განმავლობაში „გენდერული თანასწორობის ქსელის და ჟურნალისტების ერთობლივი ტრენინგი მიმდინარეობდა. გენდერული თანაწსორობის ქსელს წარმომადგენლები საქართველოს ყველა ქალაქში ჰყავს. ქსელის მთავარი მიზანია ქალის როლის გაზრდა პოლიტიკურ პროცესებშიб 2014 წლის ადგილობრივი  თვითმმართველობის არჩევნებისთვის ლიდერი ქალების წარმოჩენა, მომზადება და კანდიდატებად დასახელება. ტრენინგზე სხვა საკითხებთან ერთად მედიაში ქალთა საკითხის გაშუქების პრობლემაზეც ისაუბრეს. 12 მედიასაშუალების მონიტორინგმა ცხადყო, რომ ჟურნალისტურ მასალებში გენდერული ბალანსი დაცული არ არის. ახალი ამბების სუბიექტებს, როგორც წესი,  მამაკაცები წარმოადგენენ, რაც იმაზე მეტყველებს, რომ მედია ვერ ამჩნევს ან არ ინტერესდება ქალთა საკითხებით, მათი  მიღწევებით. სრულად  წყარო:media.ge

თბილისი. ქალთა ფონდმა საქართველოში თავისი გრანტის მიმღებთათვის ჩაატარა 5 დღიანი ტრენინგი "გენდერი, სექსუალობა და ფემინიზმი”. ტრენინგი საგანგებოდ იყო გამიზნული იმ აქტივისტებისათვის, ვისაც ცოდნის ამაღლება სჭირდება ქალთა უფლებების, გენდერის, სექსუალობის, ფემინიზმის და ფანდრაიზინგის საკითხებში.   მონაწილეობა  თერთმეტმა  ქალმა მიიღო.  ტრენინგს ორი ექსპერტი უძღვებოდა –"ქალთა ინიციატივების მხარდამჭერი ჯგუფის” აღმასრულებელი დირექტორი და ქალთა ფონდის გრანტის მიმღები ეკატერინე აღდგომელაშვილი და ფემინისტების დამოუკიდებელი ჯგუფის წევრი და ქალთა ფონდის გრანტის მიმღები ნათია გვიანიშვილი. ტრენინგის საშუალებით ქალთა ფონდმა შესაძლებლობა მისცა თავის გრანტის მიმღებებს გაეღრმავებინათ ცოდნა საჭიროებების მიხედვით. ტრენინგზე დასასწრებად მოწვეული გრანტიორები მიეკუთვნებოდნენ ან ქალთა საკითხებზე მომუშავე დამწყებ ჯგუფებს, ან ისეთ ჯგუფებს, რომელთაც აქვთ ქალთა საკითხებზე მუშაობის გამოცდილება, მაგრამ ნაკლები სპეციფიური ექსპერტიზა გენდერთან დაკავშირებულ საკითხებზე, როგორიცაა სექსუალობა, ფემინიზმი, ქალთა უფლებების დაცვის საერთაშორისო და ადგილობრივი მექანიზმები, და რაც მთავარია – ფანდრაიზინგზე. ტრეინინგმა მოიცვა ბევრი საკამათო და ნაკლებად წარმოდგენილი საკითხები გენდერული თანასწორობისა, რაც მონაწილეებისთვის გასაგები და მისაღები აღმოჩნდა. წყარო:womenfundgeorgia.org

თბილისი. სასტუმრო ამბასადორში ქალთა არასამთავრობო ორგანიზაციათა ფორუმი გაიმართა. ქალები, მშვიდობა და უსაფრთხოება - ამ თემაზე სასაუბროდ ისინი ქალთა საინფორმაციო ცენტრმა, ფონდმა ტასომ და გაეროს ქალთა ორგანიზაციამ მიიწვიეს. პროექტი - ქალები თანასწორობისათვის მშვიდობისა და განვითარებისათვის საქართველოში, 2010 წლიდან მოქმედებს. მისი ძირითადი ბენეფიციარები დევნილი და ეროვნული უმცირესობების წარმომადგენელი ქალები არიან. ქალთა საინფორმაციო ცენტრი და ფონდი ტასო, ნორვეგიის მთავრობის მხარდაჭერით, გაეროს ქალთა ორგანიზაციასთან (UN Women) თანამშრომლობით ახორციელებენ. სრულად წყარო: ginsc.net

კახეთი.11 აპრილს, თელავის დემოკრატიული ჩართულობის ცენტრში გაეროს მოსახლეობის ფონდმა ჩაატარა ტრენინგი „მამაკაცური საუბრები”. ტრენინგი ორდღიანი და კასკადური ხასიათისაა, იგი კახეთის სხვადასხვა ქალაქში ჩატარდება, რომლის მიზანია მამაკაცთა ჩართულობის გაძლიერება გენდერული თანასწორობის დამკვიდრების პროცესში. მარიამ ბანძელიძე, კომპონენტის მენეჯერი, გაეროს მოსახლეობის ფონდი: „ტრენინგი მიზანია ქალებთან ერთად მამაკაცების ჩართულობის გაზრდას გენდერული თანასწორობის გაზრდის პროცესში, რაც თავისთავად დადებითად წაადგება მონაწილე პირებს".

სამცხე–ჯავახეთი. 11 აპრილს ახალციხის დემოკრატიული ჩართულობის ცენტრში ორგანიზაცია ,,გენდერული თანასწორობის ქსელმა" შეხვედრა გამართა. შეხვედრის თემა იყო: როგორ ემზადებიან ადგილობრივი თვითმმართველობის არჩევნებისთვის ქალები და აპირებენ თუ არა ისინი პოლიტიკურ ცხოვრებაში ატიურად ჩართვას. შეხვედრას სამცხე-ჯავახეთის ექვსივე მუნიციპალიტეტში მცხოვრები ქალბატონები ესწრებოდნენ. ასევე დისკუსიაში მონაწილეობა გენდერულ თემაზე მომუშავე არასამთავრობო ორგანიზაციების წარმომადგენლებმა და რეგიონში მცხოვრებმა ეთნიკური უმცირესობების წარმომადგენლებმა მიიღეს. შეხვედრის მონაწილეებმა იმსჯელეს პოლიტიკაში ქალის ჩართულობის მექანიზმზე და განიხილეს, რამდენადაა დარღვეული გენდერული ბალანსი არჩევნების დროს და რატომ არის საქართველოს პარლამენტის წევრთა შორის მამაკაცების უმეტესობა.როგორც შეხვედრაზე განაცხადეს, ორგანიზაციის მიზანი ადგილობრივი თვითმმართველობის არჩევნებში რაც შეიძლება მეტი ქალბატონის ჩართვაა.

თბილისი. „ლიბერალიზმის სასწავლო ცენტრში" 5 აპრილს ჟურნალისტმა ზვიად ქორიძემ ციკლიდან „საუბრები ილიაზე" მორიგი ლექცია გამართა. ამჯერად საუბარი ილიას შემოქმედებაში დედათა საკითხს შეეხო. ლექციაზე განხილული იყო გენდერული თანასწორობა და საერთოდ ადამიანთა თანასწორობა, როგორც განვითარებული ქვეყნის აუცილებელი შემადგენელი კომპონენტი. ლექციაზე  გაიხსესნეს ის პირველი ნაბიჯები, რომლებიც მსოფლიოს სხვადასხვა ქვეყნებში  გადადგეს ქალებმა  საზოგადობაში სრულფასოვანი ადგილის დასამკვიდრებლად. ასევე ნაჩვენები იყო ის ფუნდამენტური განსხვავებები, რითაც ეს პროცესი  განსხვავდებოდა დასავლეთ ევროპაში, ამერიკასა და რუსეთში. დისკუსიის ერთ-ერთი თემა გახდა გენდერული თანასწორობის საკითხი დღევანდელ საქართველოში და ამ კუთხით ცვლილებები შრომის ბაზარზე. წყარო:ორგანიზაციის გვერდი სოციალურ ქსელში