სამცხე–ჯავახეთი. ახალციხის ახალგაზრდულ ცენტრში მორიგი ტრენინგი ჩატარდა. ტრენინგის გენდერის თემაზე ცენტრის ახალი წევრები დაესწრნენ. ღონისძიება განხორციელდა პროექტის – „ევროვნული ინტეგრაციის გაძლიერება საქართველოში" – ფარგლებში.  პროექტს ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. წყარო:ორგანიზაციის გვერდი სოციალურ ქსელში

გენდერული თანასწორობის ქსელი განაგრძობს დისკუსიებს – „ქალთა პოლიტიკური დაწინაურება გენდერული თანასწობისთვის". ქსელი საჯარო დისკუსიებს პროექტის – „გენდერული თანასწორობა პოლიტიკურ პროცესებში" – ფარგლებში თბილისსა და საქართველოს ათივე რეგიონში გამართავს. ღონისძიებები გაიმართება საარჩევნო სისტემების საერთაშორისო ფონდის (IFES) და ამერიკის შეერთებული შტატების განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

იმერეთი. 29 ოქტომბერს, ქუთაისის ახალგაზრდული ცენტრის წევრებმა ქუთაისის მე-17 საჯარო სკოლის მოსწავლეებისათვის თანატოლთა განათლების ტრენინგი ჩაატარეს. ტრენინგის – „ოჯახური ძალადობის და გენდერული თანასოწრობის საკითხები" – მიზანს წარმოადგენდა ოჯახური ძალადობის და გენდერის თემის შესახებ ცოდნისა და უნარ–ჩვევების განვითარება მოსწავლეებისათვის. განიხილეს საკითხები: რა არის გენდერი, სქესი და გენდერი, ფემინიზმი, საქართველოს ისტორია გენდერთან მიმართებაში, გენდერული სტერეოტიპები, რა არის ოჯახური ძალადობა, ოჯახური ძალადობის ფორმები, ოჯახური ძალადობის ფაქტები საქართველოში, ტრადიციული და სტერეოტიპული მიდგომები ოჯახური ძალადობის საკითხებზე და სხვა. თანატოლთა განათლების ტრენინგი ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

თბილისი. გაეროს ქალთა ორგანიზაციამ და სოუიალური კვლევისა და ანალიზის ინსტიტუტმა სასტუმრო „ჰოლიდეიში" ქვემო ქართლში ეროვნული უმცირესობების ქალთა მდგომარეობის კვლევის შედეგები წარადგინეს. კვლევის მიზანს წარმოადგენდაქვემო ქართლში მცხოვრები ეროვნული უმცირესობების ქალების მდგომარეობისა და საჭიროებების შესწავლა გენდერული თანასწორობის, ოჯახში ძალადობის, ჯანმრთელობის, განათლების, სოციალური დაცვის, ეკონომიკისა და სახელმწიფო სერვისების ხელმისაწვდომობის კუთხით. სრულად წყარო: პორტალი GINSC

შიდა ქართლი. 24 ოქტომბერს გორში გენდერული თანასწორობის ქსელმა (GEN) და ჟურნალისთა ქსელმა გენდერული თანასწორობისათვის საჯარო დისკუსია გამართა. დისკუსიის თემა იყო: თემაზე ქალთა პოლიტიკური დაწინაურება გენდერული თანასწორობისათვის. ღონისძიება ორგანიზებულია საარჩევნო სისტემების საერთაშორისო ფონდის (IFES) და ამერიკის შეერთებული შტატების განვითარების სააგენტოს (USAID) ის მხარდაჭერით. წყარო:ორგანიზაციის გვერდი სოციალურ ქსელში

თბილისი. გაეროს საქართველოს ასოციაციისა და გაეროს შვედეთის ასოციაციის ერთობლივი პროგრამის ფარგლებში პროექტი „გენდერის უქმეები" ხორციელდება. პროექტის მთავარი მიზანია ახალგაზრდა სამოქალაქო აქტივისტებს შორის გენდერული თანასწორობის შესახებ ცნობიერების ამაღლება. პროექტის ფარგლებში დაგეგმილია სოციალური ქსელის მეშვეობით დისკუსიების და სიახლეების შესახებ ინფორმაციის განთავსება.

თბილისი. 15-18 ოქტომბერს ქალთა საინფორმაციო ცენტრის ორგანიზებით ჩატარდა ტრენინგი თემაზე „გენდერული მეინსტრიმინგი და ქალთა უფლებები". ტრენინგს ესწრებოდნენ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს, აფხაზეთის ავტონმიური რესპუბლიკის სამინისტროს წარმომადგენლები, ასევე იმერეთის, სამეგრელოსა და ქვემო ქართლის იურიდიული კლინიკის იურისტები და სახალხო დამცველის წარმომადგენელი ქვემო ქართლის რეგიონში. წყარო:ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა გამოაქვეყნა კვლევა – „საჯარო დაწესებულებებში დასაქმებულთა სტატისტიკა გენდერულ ჭრილში". „IDFI კვლევის ფარგლებში შეეცადა გაერკვია რამდენად დაცულია საქართველოს საჯარო დაწესებულებებში შრომით ურთიერთობებში გენდერული თანასწორობა, თანაბარ პირობებში მიმდინარეობს თუ არა საჯარო დაწესებულებებიდან საჯარო მოსამსახურეთა, როგორც რიგით, ასევე ხელმძღვანელ პოზიციებზე მიღება და განთავისუფლება. საქართველოში არსებული დემოგრაფიული პრობლემებიდან გამომდინარე, ინსტიტუტის ინტერესის სფეროს წარმოადგენდა, იმის დადგენა თუ რამდენად უზრუნველყოფილია საქართველოს კანონმდებლობით ორივე სქესის საჯარო მოსამსახურეებისათვის შობადობის ხელშეწყობა", ნათქვამია ორგანიზაციის ვებ–გვერდზე. „საქართველოს საჯარო დაწესებულებებში, რომლებიც არ წარმოადგენენ სპეციფიკურ ძალოვან სამსახურებს, დასაქმებულ მამაკაცთა და ქალ თანამშრომელთა რაოდენობა თითქმის გათანაბრებულია, თუმცა საპირისპირო მდგომარეობაა ხელმძღვანელ პოზიციებზე დასაქმებული თანამშრომელთა შემთხვევაში. ნებისმიერი ტიპის საჯარო დაწესებულებებში ხელმძღვანელ მამაკაცთა რაოდენობა მნიშვნელოვნად აღემატება ხელმძღვანელ პოზიციებზე დასაქმებულ ქალთა რაოდენობას". კვლევა წყარო: idfi.ge

აჭარა. ხანდაზმულ ქალთა ასოციაციის ოფისში პროექტის „ხანდაზმულთა სოციალური ცენტრის" ფარგლებში სემინარი – „ძალადობა ოჯახში და მასზე რეაგირების არსებული მექანიზმები" – გაიმართა. სემინარის მიზანი დამსწრე საზოგადოებისთვის ქალთა მიმართ ძალადობასთან ბრძოლის არსებული მექანიზმების შესახებ ინფორმაციის მიწოდება იყო. სემინარი ჩატარდა მოხალისეებისთვის, რომლებიც ჩართულნი არიან ოჯახში ძალადობის აღკვეთის და ოჯახში ძალადობის მსხვერპლთა დაცვისა და დახმარების საქმეში. წყარო:ორგანიზაციის გვერდი სოციალურ ქსელში

იმერეთი. 11 ოქტომბერს ქუთაისის ახალგაზრდული ცენტრის წევრებმა გოგონათა საერთაშორისო დღისადმი მიძღვნილი რამდენიმე ღონისძიება გამართეს. ღონისძიების მიზანს წარმოადგენდა გენდერული თანასწორობაზე, გოგონათა უფლებებზე საუბარი.  ღონისძიებებში 120 ახალგაზრდამ მიიღო მონაწილეობა. გაიმართა მსვლელობა, წარმატებულ ქალთა ისტორიების პრეზენტაცია, ფილმ „უთქმელი ისტორიების" ჩვენება–განხილვა, თეატრალური წარმოდგენა, ტრენინგი გენდერულის თანასწორობის საკითხებზე ქუთაისის საჯარო სკოლაში.  ღონისძიებები ორგანიზებული იქნა „საქართველოში ეროვნული ინტეგრაციის გაძლიერების პროექტის"(ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

კახეთი. 15 ოქტომბერს, სოფლად მცოვრები ქალების საერთაშორისო დღის აღსანიშნავად, გაეროს განვითარები პროგრამის ორგანიზებით კაჭრეთში გაიმართება კონფერენციაზე. კაჭრეთს ეწვევა 50-ზე მეტი ფერმერი და საკრებულოს წევრი ქალბატონი საქართველოს სხვადასხვა რეგიონიდან, ასევე მთავრობის, პარლამენტისა და საერთაშორისო ორგანიზაციების წარმომადგენლები. ასევე მოეწყობა სასოფლო–სამეურნეო პროდუქციის გამოფენა–გაყიდვა, სადაც წარმოდგენილი იქნება ფერმერ ქალთა მიერ წარმოებული პროდუქცია - ხილი და ბოსტნეული, კონსერვები, მარინადები და ღვინო. გამოფენის შემდეგ გაიმართება დისკუსია, რომელშიც მონაწილეობას მიიღებენ სოფლის მეურნეობის სამინისტროს და განათლებისა და მეცნიერების სამინისტროს წარმომადგენლები, ასევე პარლამენტის აგრარულ საკითხთა კომიტეტის თავჯმდომარე. წყარო: პორტალი GINSC

თბილისი. 11 ოქტომბერს, გაეროს ქალთა ორგანიზაციამ გაიმართა შეხვედრა, რომელიც ქალთა პოლიტიკურ ჩართულობას მიეძღვნა. რა მდგომარეობაა მსოფლიოში ქალთა რაოდენობის მიხედვით საკანონმდებლო ორგანოებში, რომელ ქვეყნებშია პრიორიტეტი ქალთა მეტი რაოდენობა პარლამნეტში და ვის ენიჭება უდიდესი როლი მათი ჩართულობის გაზრდაში, ეს და სხვა საკითხები იყო შეხვედრის მიზანი, რომელიც გაეროს ქალთა ორგანიზაციის ეგიდით შედგა. როანდა, კუბა, შვედეთი, სენეგალი, ფინეთი - ეს იმ ქვეყანათა ხუთეულია, რომლებიც ქალთა პოლიტიკური ჩართულობით გამოირჩევა. საქართველო ნუსხაში 107-ე ადგილს იკავებს. არასამთავრობოების ნაწილი მიიჩნევს, რომ პროცესებში ქალთა საკითხებზე მომუშავე  ორგანიზაციათა ჩართულობა უმნიშვნელოვანიესია. შეხვედრას არასამთავრობო სექტორის წარმომადგენლები ესწრებოდნენ. პრეზენტაციის შემდეგ, დისკუსია შედგა, სადაც მათ, საკუთარი მოსაზრებები გაუზიარეს ერთმანეთს. წყარო: პორტალი GINSC

აჭარა. 9 ოქტომბერს, ბათუმის დემოკრატიული ჩართულობის ცენტრში, ფემინისტთა დამოუკიდებელმა ჯგუფმა დისკუსია მოაწყო – ქალის როლი გადაწყვეტილების მიღებაში. შეხვედრაზე აღნიშნული ჯგუფის  მიერ გადაღებული დოკუმენტური ფილმი „უთქმელი ისტორიები" აჩვენეს. ფილმი ქალთა ფონდის მხარდაჭერით შეიქმნა და მოგვითხრობს მე–19 საუკუნეში მოღვაწეების: ბარბარე ჯორჯაძის, ეკატერინე გაბაშვილისა და კატო მიქელაძის, ცხოვრებასა და მოღვაწეობაზე. დოკუმენტური ფილმის მიზანი საზოგადოებისთვის ქართველი ქალების უცნობი ფემინისტური მემკვიდრეობის ჩვენება იყო.   შეხვედრას ადგილობრივი სამთავრობო, არასამათავრობო ორგანიზაციებისა და მედიის წარმოამდგენლები ესწრებოდნენ.

კახეთი. 8 ოქტომბერს, თელავის დემოკრატიული ჩართულობის ცენტში, არასამთავრობო ორგანიზაციის ,,ბიზნეს ცენტრის" წარმომადგენლემა სასწავლო ტიპის სემინარი ჩაატარეს სახელწოდებით „ქალი,რომელიც იმარჯვებს". ტრენინგის თემა იყო პიროვნული განვითარების ხელშეწყობა. ტრენერის, სოსო მიქელაძის, განცხადებით, სემინარი მხოლოდ ქალებისთვისაა გამიზნული: ,,სწავლება განკუთვნილია ქალებისთვის, რომლებიც ფიქრობენ საკუთარი პიროვნულ განვითარებაზე, ასევე იმ პრობლემების დაძლევაზე, რომელსაც აწყდებიან ცხოვრებაში. მნიშვნელოვანია, რომ ტრენინგი არის ფასინი, რითაც აქცენტი მოტივაციის ამაღლებაზე კეთდება".

კახეთი. 7 ოქტომბერს თელავის დემოკრატიული ჩართულობის ცენტრში, არასამთავრობო ორგანიზაციამ „ქალები საქართველოს რეგიონებში" შეხვედრა გამართა. შეხვედრის მიზანს საქართველოში ქალთა მეწარმეობის განვითარება და ფინანსების მოძიების გამარტივება წარმოადგენდა. და შესაბამისად, შეხვედრას ქალი მეწარმეები ესწრებოდნენ. ანა ალვერდაშვილი, ორგანიზაციის წარმომადგენელი: „დღევნდელი შეხვედრის მიზანი იყო ქალ მეწარმეებს გაეწიოს დახმარება რათა დაიწყონ ბიზნესი და ამისათვის მოიძინოს თანხები, ან უკვე არსებული მეწარმეობა გააფართოვონ. დღევანდელი ღონისძიებისთვის მოწვეული გვყავს სპეციალური სტუმრები, ქალთა ორგანიზაციების წარმომადგენლები ლატვიიდან, ესტონეთიდან და შვედეთიდან. უცხოელ ქალბატონებს გააჩნიათ შესაბამისი ცოდნა და გამოცდილება, რისი გაზიარებაც მოხდა ქართველი მეწარმე ქალებისთვის". ინესა კრუზანეცი, ლატვიის სოფლად მცხოვრებ ქალთა ასოციაცია:„შეხვედრას ჰქონდა გაცნობითი ხასითი. ამასთანავე გვინდა გავიგოთ, რა შეხედულები აქვთ და რისი გაკეთება სურთ ჩვენს დამსწრეებს რათა მომავალში სწორედ ამ თემებთან დაკავშირებით მოხდეს ერთობლივი მუშაობა". შეხვედრის დასასრულს გაფორმდა მემორანდუმი სამომავლო თანამშრომლობისათვის.

კახეთი. 5 ოქტომბერს, ყვარლის მუნიციპალიტეტის სოფელ საბუეში, ლევან მიქელაძის ფონდის მიერ გამოცხადებულ კონკურსში გამარჯვებული ერთ-ერთი პროექტის ფარგლებში გაიმართა ტრენინგი გენდერისა და ოჯახური ძალადობის თემატიკაზე. პროექტი „გენდერი და ოჯახური ძალადობა" ითვალისწინებს საზოგადოების ცნობიერების ამაღლებას და სოფელ საბუეს თემში აღნიშნული თემატიკის ფართოდ გაშლას. 

იმერეთი. 2 ოქტომბერს, სამტრედიის გამგეობის საკონფერენციო დარბაზში „ერთი ფანჯრის" პრინციპის საკონსულტაციო შეხვედრა ჩატარდა. შეხვედრა შედგა ქალთა საინფორმაციო ცენტრისა და გაეროს ქალთა ორგანიზაციის ინიციატივით პროექტ – „ქალები თანასწორობის, მშვიდობისა და განვითარებისათვის" – ფარგლებში. წყარო:ორგანიზაციის გვერდი სოციალურ ქსელში

კახეთი. 2 ოქტომბერს, თელავის დემოკრატიული ჩართულობის ცენტრში ფემინისტების ახალგაზრდულმა დამოუკიდებელმა ჯგუფმა ფილმის, „უთქმელი ისტორიები", ჩვენება გამართა. დოკუმენტური ფილმი გადაღებულია ფემინისტთა დამოუკიდებელი ჯგუფის მიერ. ფილმის ჩვენებას დაესწრნენ დემოკრატიული ჩართულობის ცენტრებთან არსებული ქალთა კლუბების წარმომადგენლები და დაინტერესებული პირები. იდა ბახტურიძე, ფემინისტთა დამოუკიდებელი ჯგუფი: ,,გადავწყვიტეთ გვეჩვენებინა ფილმის, სადაც აღწერილი იქნებოდა ქალის როლი გადაწყვეტილწების მიღების პროცესში. ფილმის დასრულების შემდეგ მოეწყო დისკუსია და ბევრი ვისაუბრეთ თუ როგორია დღეს ქალების როლი გადაწყვეტილების მიღების პროცესში". აღნიშნული კამპანია ორგანიზებული იყო დემოკრატიული ჩართულობის ცენტრებისა და ფემინისტთა დამოუკიდებელი ჯგუფის მიერ.

დემოკრატიული ჩართულობის ცენტრები ფემინისტთა დამოუკიდებელ ჯგუფთან ერთად აგრძელებენ დისკუსიების ციკლს – „ქალის როლი გადაწყვეტილების მიღების პროცესში". დისკუსიის გარდა, შეხვედრის ფარგლებში ნაჩვენები იქნება ფემინისტთა დამოუკიდებელი ჯგუფის მიერ გადაღებული დოკუმენტრი ფილმი „უთქმელი ისტორიები". როგორც უკვე აღვნიშნეთ კამპანია დემოკრატიული ჩართულობის ცენტრისა და ფემინისტთა დამოუკიდებელი ჯგუფის ერთობლივი ღონისძიებაა და მოიცავს ცენტრის ყველა ფილიალს. ღონისძიებების განრიგი: 2 ოქტომბერი, დასაწყისი 14:00 - თელავის დემოკრატიული ჩართულობის ცენტრი 2 ოქტომბერი, დასაწყისი 13:00 - გორის დემოკრატიული ჩართულობის ცენტრი 3 ოქტომბერი, დასაწყისი 15:00 - საგარეჯოს დემოკრატიული ჩართულობის ცენტრი 4 ოქტომბერი, დასაწყისი 15:00 - რუსთავის დემოკრატიული ჩართულობის ცენტრი 7 ოქტომბერი, დასაწყისი 15:00 - ზუგდიდის დემოკრატიული ჩართულობის ცენტრი 8 ოქტომბერი, დასაწყისი 13:00 - ოზურგეთის დემოკრატიული ჩართულობის ცენტრი 9 ოქტომბერი, დასაწყისი 13:00 - ბათუმის დემოკრატიული ჩართულობის ცენტრი 10 ოქტომბერი, დასაწყისი 13:00 - მარნეულის დემოკრატიული ჩართულობის ცენტრი 23 ოქტომბერი, დასაწყისი 13:00 - ახალციხის დემოკრატიული ჩართულობის ცენტრი

თბილისი. 27 სექტემბერს, მწერალთა სახლში, ჰაინრიჰ ბიოლის ფონდისა და მწერალთა სახლის ორგანიზებით, გაიმართა ლიტერატურული საღამო „ორმოცდაათი ფემინისტის მანიფესტი”, რომელიც ჰაინრიჰ ბიოლის ფონდის მიერ განხორციელებულ პროექტს „50 ქალი საქართველოდან" მიეძღვნა. საღამოზე პროექტში წარმოდგენილი ქართველი ქალების ნააზრევი გააჟღერეს ლელა გაფრინდაშვილმა, ეკა აღდგომელაშვილმა, დათო გაბუნიამ. შემთხვევითი შერჩევის პრინციპით ქალი პოეტების ლექსები წაიკითხეს პაატა შამუგიამ, გიორგი კეკელიძემ, შოთა იათაშვილმა, ირაკლი კაკაბაძემ, გიორგი ლოჟანიძემ. საღამოს დასასრულს ნაჩვენები იყო ნუცა ღოღობერიძის მიერ 1930 წელს გადაღებული ფილმი „ბუბა".

თბილისი. ქალთა საინფორმაციო ცენტრი პროექტის – „გენდერული სამართლიანობა ქალთა პოლიტიკური თანამონაწილეობის გაძლიერების გზით" – ფარგლებში 24 სექტემბერს შეხვედრა გაიმართა. კოალიციის „ქალთა პოლიტიკური ჩართულობისათვის" წევრები პრემიერ მინისტრის თანაშემწეს ადამიანის უფლებების და გენდერული თანასწორობის საკითხებში, თამარ ჩუგოშვილს, რეგიონული განვითარებისა და ინფრასტურქტურის მინისტრის მრჩეველს გენდერის საკითხებში, კახაბერ ცეცხლაძეს და გორის მუნიციპალიტეტის საკრებულოს მრჩეველს გენდერულ საკითხებში, მანანა ილურიძეს შეხვდნენ. წყარო: ორგანიზაციის გვერდი სოციალურ ქსელში

კახეთი. მომსახურების უზრუნველმყოფთა ასოციაციამ, თელავის დემოკრატიული ჩართულობის ცენტრში, ტრენინგი გენდერული ბიუჯეტების შესახებ ჩაატარა. ღონისძიების ორგანიზატორების თქმით, ტრენინგი საჯარო მოსამსახურეებისთვის ტარდება და მიზნად ისახავს გენდერული ბიუჯეტების შესახებ საკითხების საზოგადოებაში პოპულარიზაციას.