გურია. 4 მაისს, ნორვეგიის სამეფოს საგანგებო და სრულუფლებიანი ელჩი საქართველოში ჰელენ სანდ ანდრესენი და გაეროს ქალთა ორგანიზაციის წარმომადგენელი საქართველოში კაორი იშიკავა, „ფონდი ტასოს“ წარმომადგენლებთან ერთად, „ქალთა ეკონომიკური გაძლიერების“ პროექტის ყოფილ მონაწილეს, ქეთი წილოსანს ლანჩხუთში ეწვივნენ. „ქეთი წილოსანმა სტუმრებს დაწვრილებით უამბო, თუ როგორ დააარსა, პროექტში მონაწილეობის შედეგად, სოციალური კაფე „ქეთოსთან“, რომელიც დღეს ლანჩხუთში თავშეყრის ერთ-ერთი ყველაზე ცნობილი ადგილია“. სრულად... წყარო: ორგანიზაციის გვერდი სოციალურ ქსელში

შიდა ქართლი. ევროკავშირის მხარდაჭერით ორგანიზებული მედია ტურის „აღმოაჩინე სოციალური და მწვანე მეწარმეები გორში“ ფარგლებში, გორის მუნიციპალიტეტის ქალ ახალგაზრდა მეწარმეებს 10-მდე ჟურნალისტი ეწვია. მედია ტურის მიზანი იყო ადგილობრივი მწვანე და სოციალური ბიზნესინიციატივების ფართო საზოგადოებისათვის გაცნობა და მუნიციპალიტეტში ევროკავშირისა და CENN-ის საქმიანობის შედეგების წარმოჩენა. სრულად... წყარო: environment.cenn.org

გურია. 2 მაისს, „ქალთა ეკონომიკური გაძლიერების პროექტის“ ფარგლებში, ჩოხატაურის რაიონის სოფელ ჩხაკაურას თემში ჩამოყალიბებულ ქალთა თვითდახმარების ჯგუფს გაეროს ქალთა ორგანიზაციის წარმომადგენლები და ნორვეგიის სამეფოს საგანგებო და სრულუფლებიანი ელჩი საქართველოში ჰელენ სანდ ანდრესენი ეწვივნენ. „სტუმრებმა სოფლად მცხოვრები ქალებისგან მოისმინეს აღნიშნულ პროექტში ჩართულობის უპირატესობებისა და ადგილობრივ დონეზე არსებული საჭიროებების შესახებ, რომელთა გადაჭრას ისინი საერთო ძალებით ცდილობენ“. პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. 28 აპრილს, საქართველოს სახალხო დამცველისა და გაეროს მოსახლეობის ფონდის (UNFPA) საქართველოს ოფისის თანამშრომლობით, საქართველოში არადომინანტი ეთნიკური ჯგუფის წარმომადგენელი ქალებისა და გოგოების უფლებრივ საკითხებთან დაკავშირებით შეხვედრა გაიმართა, სადაც ორი სპეციალური ანგარიში წარმოადგინეს. „ერთი ანგარიში ეხება ეთნიკური უმცირესობის წარმომადგენელი ქალებისა და გოგოების სექსუალური და რეპროდუქციული ჯანმრთელობის საკითხებსა და უფლებრივ მდგომარეობას; მეორე ანგარიშში კი ქვემო ქართლში ადრეული/ბავშვობის ასაკში ქორწინების საზიანო პრაქტიკისა და არსებული განწყობების შესახებ კვლევის ძირითადი მიგნებებია განხილული. კვლევამ აჩვენა, რომ რიგი სოციალურ-კულტურული ფაქტორები, უპირატესად კი, გენდერული ნორმები და სექსუალობასთან დაკავშირებული სტიგმა, ხშირად იწვევს არადომინანტი ეთნიკური ჯგუფების წარმომადგენელი ქალებისა და გოგოების სექსუალური და რეპროდუქციული ჯანმრთელობის უფლების დარღვევას. ამას ემატება ინფორმაციის ნაკლებობა, რომელსაც კიდევ უფრო ამწვავებს ენობრივი ბარიერი“. სრულად... წყარო: www.ombudsman.ge

თბილისი. სოციალური სამართლიანობის ცენტრი გთავაზობთ ახალ თარგმანს: ანტილიბერალური ტრანსფორმაციის გენდერირებული სამოქმედო გზები უნგრეთსა და პოლონეთში. „სწრაფად მზარდ ლიტერატურას, რომელიც ევროპის მასშტაბით ლიბერალური დემოკრატიისა და თანაბარი უფლებების იმპლემენტაციის მოწინააღმდეგე აქტორებს შეისწავლის, წინამდებარე სტატია ამდიდრებს უნგრეთსა და პოლონეთში მიმდინარე ანტილიბერალური პოლიტიკური ტრანსფორმაციის სამოქმედო გზების გამოკვლევის მეშვეობით, რომელიც ჩვენი დაკვირვებით გლობალური ნეოლიბერალური სისტემის ჰეგემონიის საპასუხოდ აღმოცენდა. ანტილიბერალური ტრანსფორმაციის პროცესის ეტაპობრივი შესწავლითა და უნგრეთსა და პოლონეთში ანტილიბერალური პარტიების რიტორიკის, პოლიტიკებისა და მექანიზმების შედარებაზე დაყრდნობით, წინამდებარე სტატია ამტკიცებს, რომ რეჟიმის მიმდინარე ცვლილების ლოგიკისა და მექანიზმების გასააზრებლად გენდერულად სენსიტიურ პერსპექტივას გადამწყვეტი მნიშვნელობა აქვს”. სრულად... წყარო: socialjustice.org.ge

ქვემო ქართლი. 20 აპრილს, მარნეულის მუნიციპალიტეტის სოფელ მოლაოღლში, ხულგუმოსა და წოფში „ფონდი ტასოს“ გუნდის წევრებმა, სამუშაო შეხვედრები გამართეს. შეხვედრა ჩატარდა „ქალთა ეკონომიკური გაძლიერება სოციალური მობილიზაციისა და შესაძლებლობათა განვითარების გზით” პროექტის მეორე ფაზის ფარგლებში. სრულად... წყარო: ორგანიზაციის გვერდი სოციალურ ქსელში

რაჭა-ლეჩხუმი. „ფონდი ტასო“, „ქალთა ეკონომიკური გაძლიერების“ პროექტის ფარგლებში, სამიზნე სოფლებს სტუმრობს. 15 აპრილს, ფონდმა სამუშაო შეხვედრა ონის მუნიციპალიტეტის სოფელ უწერაში გამართა. აღნიშნულ პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს. სრულად... წყარო: ორგანიზაციის გვერდი სოციალურ ქსელში

ქვემო ქართლი. ევროკავშირი აქვეყნებს ბლოგპოტს: 17 წლის სამაია ადრეული ქორწინების წინააღმდეგ – აქტივისტი თანატოლების განათლებისა და ღირსეული მომავლისთვის ბრძოლას აგრძელებს. „17 წლის სამაია ამბობს, რომ იღბლიანია, რადგან მისი მშობლები ამ ასაკში გათხოვებას არ აიძულებენ. მას სურს, რომ მის თანატოლ გოგონებსაც ჰქონდეთ სკოლის დასრულების და სწავლის გაგრძელების შესაძლებლობა, ამიტომ მათი უფლებების დასაცავად სამოქალაქო აქტივიზმში ჩაერთო. აქტივიზმის პირველი ნაბიჯები ჩვენი ერთ-ერთი პროექტის მიერ მხარდაჭერილ ტრენინგზე დაიწყო. მას შემდეგ უკეთესი საზოგადოების შესაქმნელად იბრძვის და ცდილობს თავისი საქმნიანობით მაგალითი მისცეს მისი თანატოლ გოგონებს“, ნათქვამია ევროკავშირის ვებგვერდზე. სრულად... წყარო: eu4georgia.eu

სამცხე-ჯავახეთი. სოციალური სამართლიანობის ცენტრი გთავაზობთ ტიგრან თარზიანის ბლოგპოსტს: ფერმერი თუ „წყლის მზიდავი“? - ქალის ყოფა, ცხოვრება, გარჯა და შრომა სოფლად. „სოფელში მცხოვრები ქალების ყოველდღიური საქმეები ასეთია: დილით პირუტყვის მოვლა-პატრონობა (ზამთარში ძირითადად მამაკაცები ასრულებენ), გათბობისთვის დღის სამყოფი შეშის ან წივის მომარაგება, სახლის დალაგება, სამზარეულო, ბავშვებზე ზრუნვა და სხვა. სოფელში, სადაც ვიყავი, არ არის სასმელი წყალი. მოსახლეობა, მეტწილად ბავშვები და ქალები, სასმელ წყალს წყაროდან ეზიდებიან. მათი მთავარი სათხოვარი ზუსტად წყლის პრობლემის მოგვარებაა. არადა ჩვენი მუნიციპალიტეტი მდიდარია მდინარეებისა და ტბების რესურსებით. საქართველოს დამოუკიდებლობიდან 30 წლის შემდეგაც, სასმელი წყლის ინფრასტრუქტურის პრობლემებზე საუბარი ნათლად გამოხატავს ადგილობრივი ჩინოვნიკების გულგრილობას და გვიჩვენებს, რომ პრიორიტეტები არასწორადაა დასახული“, ამბობს ბლოგპოსტის ავტორი. სრულად... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: ადგილობრივ დონეზე გენდერული თანასწორობის მხარდამჭერი პოლიტიკის შეფასება. „მუნიციპალური გენდერული საბჭოების საქმიანობის ანალიზი ცხადყოფს, რომ მიუხედავად ბოლო წლების მანძილზე განხორციელებული აქტივობებისა, საბჭოების შექმნის მთავარი მიზნები ამ დრომდე ვერ იქნა მიღწეული. მუნიციპალიტეტებმა პრიორიტეტად უნდა განსაზღვრონ გენდერის კუთხით საბაზისო მონაცემების შეგროვება, მოახდინონ შესაბამის მონაცემებზე პასუხისმგებელი პირების შესაძლებლობების განვითარება. საბიუჯეტო ციკლის ყველა ეტაპზე გათვალისწინებული უნდა იყოს გენდერული ასპექტები, საჭიროებების განსაზღვრისას მოხდეს ქალთა მაღალი დონის ჩართულობა“, ნათქვამია ორგანიზაციის კვლევაში. სრულად... წყარო: idfi.ge

რაჭა-ლეჩხუმი. „ფონდი ტასო“, „ქალთა ეკონომიკური გაძლიერების“ პროექტის ფარგლებში, სამიზნე სოფლებს სტუმრობს. 16 აპრილს, ფონდმა სამუშაო შეხვედრები ცაგერის მუნიციპალიტეტის სამ სოფელში - ლაილაშში, ლასურიაშსა და სურმუშში გამართა. აღნიშნულ პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. გაეროს განვითარების პროგრამა (UNDP) და დიდი ბრიტანეთის მთავრობა ხელს უწყობენ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს სერვისის დიზაინისა და მიწოდების გაუმჯობესებაში. 15 აპრილს გამართულ შეხვედრაზე სამოქალაქო საზოგადოებისა და დონორი ორგანიზაციების წარმომადგენლებმა, და ექსპერტებმა ექვსთვიანი პროექტის შედეგები და მიღწევები შეაჯამეს. ინიციატივა განხორციელდა ინოვაციებისა და რეფორმების ცენტრის მიერ გაეროს განვითარების პროგრამისა (UNDP) და ბრიტანეთის მთავრობის ხელშეწყობით. სრულად... წყარო: ორგანიზაციის გვერდი სოციალურ ქსელში

გურია. „ფონდი ტასო“, „ქალთა ეკონომიკური გაძლიერების“ პროექტის ფარგლებში, სამიზნე სოფლებს სტუმრობს. 17 აპრილს ფონდმა სამუშაო შეხვედრები ოზურგეთის მუნიციპალიტეტის სოფლებში - ნარუჯასა და ოზურგეთში გამართა. აღნიშნულ პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. „კავშირი ფრეია“ პროექტის „პრეკარიული შრომის გენდერული ასპექტების“ ფარგლებში, გთავაზობთ უფასო იურიდულ დახმარებას, მომსახურების სფეროში დასაქმებულ ქალებს/გოგონებს. პროექტის ფინანსური მხარდამჭერია „ქალთა ფონდი საქართველოში“. სრულად... წყარო: ორგანიზაციის გვერდი სოციალურ ქსელში

ქვემო ქართლი. გაეროს ქალთა ორგანიზაციის მხარდაჭერით, მარნეულში მედიის წარმომადგენლებისთვის ორდღიანი ტრენინგი „გენდერისა და ლგბტქი საკითხების ეთიკურად გაშუქება“ ჩატარდა. ტრენინგები ორგანიზებულია საქართველოს ჟურნალისტური ეთიკის ქარტიის მიერ, პროექტის „ქალებისა და გოგოების მიმართ ძალადობის წინააღმდეგ“, რომელსაც გაეროს ქალთა ორგანიზაცია და გაეროს მოსახლეობის ფონდი ევროკავშირის მხარდაჭერით ახორციელებენ. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველოს ინფორმაციით, ახალი საკანონმდებლო ინიციატივის თანახმად, ოჯახში ძალადობის მსხვერპლი თავშესაფარს მსხვერპლის სტატუსის გარეშე მიიღებს. სრულად... წყარო: transparency.ge

აჭარა. სოციალური სამართლიანობის ცენტრი გთავაზობთ ნესტან ანანიძის ბლოგპოსტს: „ქალები აჭარაში ქონებრივი უფლების გარეშე“. „აჭარაში არსებულ კულტურულ-სოციალური ტრადიციების მიხედვით ქალები ქონებრივ საკითხებში პრაქტიკულად უუფლებონი არიან. საინტერესოა იმის ხაზგასმა, რომ ადგილობრივი ტრადიციები იმაზე ნაკლებ უფლებას აძლევს ქალებს, ვიდრე ისლამი, ამიტომ რელიგიური ეთიკის ჩართვას ქალთა უფლებებისთვის ბრძოლაში ჩვენს თემში შეიძლება საინტერესო პოტენციალი ჰქონდეს. ამის მიღმა არსებითია, საზოგადოების ინფორმირება ქალთა თანასწორ ქონებრივ და მემკვიდრეობით უფლებებზე და მუშაობა ქალებისთვის უფრო სამართლიანი და თანასწორი გადანაწილებისა და ღირსეული ცხოვრების რეალური პირობების შექმნაზე. ჩვენ მუსლიმი ქალები აჭარიდან ამ ცვლილებებისთვის უკვე ვორგანიზდით“, ნათქვამია ბლოგპოსტში. სრულად... წყარო: socialjustice.org.ge

თბილისი. ორგანიზაცია „საფარის“ ინფორმაციით, გაუპატიურების მსხვერპლი უკრაინის მოქალაქე ქალი პროკურატურამ დაზარალებულად ცნო. „საქმის გახმაურებიდან რამდენიმე საათში, თითქმის ერთთვიანი ლოდინის შემდეგ, პროკურატურამ დაზარალებულად ცნო გაუპატიურების მსხვერპლი ქალი. შესაბამისი დადგენილების ჩაბარების შემდეგ “საფარს” შესაძლებლობა ექნება გაეცნოს საქმის მასალებს და უფლებამოსილების ფარგლებში, ჩაეროს გამოძიების პროცესში. დაზარალებული ქალის ინტერესებს, რომელიც უკრაინის მოქალაქეა, ორგანიზაციის იურისტი, თამარ ლუკავა იცავს“. სრულად... წყარო: sapari.ge

თბილისი. სოციალური სამართლიანობის ცენტრი წარმოგიდგენთ ენ მაკლინტოკის ტექსტს „ოჯახური ქიშპობა: გენდერი, ნაციონალიზმი და ოჯახი“, რომელიც ავტორმა 1993 წელს დაწერა და გენდერისა და ნაციონალიზმის ურთიერთმიმართების შესახებ ერთ-ერთ ყველაზე გავლენიან სტატიას წარმოადგენს. „ავტორი ნაციონალიზმისთვის გენდერული წესრიგისა და ოჯახის მეტაფორის მნიშვნელობაზე, აფრიკანული და აფრიკული ნაციონალიზმების მაგალითებზე მესამე სამყაროს ნაციონალიზმის ჩამოყალიბების დინამიურ პროცესებზე და ამ პროცესებში ქალების როლზე საუბრობს“. წყარო: ორგანიზაციის გვერდი სოციალურ ქსელში

შიდა ქართლი. 31 მარტს, შიდა ქართლის რეგიონულ ჰაბში გაიმართა საინფორმაციო შეხვედრა სახალხო დამცველის აპარატის შიდა ქართლის ოფისის წარმომადგენლებთან. „შეხვედრაზე, მთავარმა სპეციალისტმა ანა ჯანიაშვილმა ისაუბრა საქართველოს სახალხო დამცველის მანდატზე. სახალხო დამცველის აპარატის წარმომადგენელმა გენდერის საკითხებში თამარ ცხოვრებაძემ კი პრეზენტაცია ჩაატარა თემაზე „ადრეულ ასაკში ქორწინება“. ტრენინგი ჩატარდა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“. პროექტი ხორციელდება ევროკავშირისა და კონრად-ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ორგანიზაციამ, ნორვეგიის მთავრობის დაფინანსებითა და BDO-სთან პარტნიორობით დაიწყო პროექტი „კარგი მმართველობა გენდერული თანასწორობისთვის“. პროექტის ფარგლებში მცირე მეწარმე ქალები BDO Academy • ბიდიო აკადემია-ს მიერ სხვადასხვა მიმართულებით გადამზადდებიან. სრულად... წყარო: www.bdo.ge

თბილისი. 4-5 აპრილს საინფორმაციო-სამედიცინო ფსიქოლოგიურმა ცენტრმა „თანადგომამ” „საფარის“ თანამშრომლებისთვის ჩაატარა ტრენინგი რეპროდუქციული ჯანმრთელობისა და სექსუალური განათლების შესახებ. შეხვედრაზე განიხილეს საქართველოში არსებული სიტუაცია რეპროდუქციული განათლების ხელმისაწვდომობაზე, სქესობრივ განათლებაზე, ადრეული ქორწინების პრობლემაზე, დედათა ჯანმრთელობაზე... ტრენინგი ჩატარდა პროექტის ფარგლებში „ბავშვთა და მოზარდთა სექსუალური და რეპროდუქციული ჯანმრთელობისა და უფლებების დაცვა”. სრულად... წყარო: sapari.ge