თბილისი. სოციალურ მუშაკთა ასოციაციის განმარტებით, ახალგაზრდებს ცხოვრების სხვადსხვა ეტაპზე მენტალური ჯანმრთელობის მხარდაჭერა სჭირდებათ. „ახალგაზრდული მუშაკი კი არის ის ადამიანი, რომელიც ახალგაზრდას უსმენს, აძლევს დროსა და სივრცეს გულწრფელად გასახსნელად და არ განიკითხავს მას. ახალგაზრდულ მუშაკს უნდა შეეძლოს ახალგაზრდის ქცევაში ცვლილებების შემჩნევით ფსიქიკური ჯანმრთელობის სირთულეების ნიშნების ამოცნობა, სიტუაციის კონტროლი და ცოდნა, თუ როდის არის აუცილებელი დამატებითი მხარდაჭერა ახალგაზრდის დასახმარებლად, სიმშვიდის შენარჩუნება, ყველაფრის მოსასმენად მზადყოფნა, პრობლემის აღიარება და გადაწყვეტის გზებზე ფოკუსირება“. კამპანია ხორციელდება პროექტის „Skills4Success - უნარები წარმატებისთვის“ ფარგლებში. პროექტს ევროკავშირის დაფინანსებით ახორციელებს Save the Children International-ი პარტნიორ ორგანიზაციებთან: საქართველოს ახალგაზრდულ მუშაკთა ასოციაციასთან, ახალგაზრდობის სააგენტოსა და კონრად ადენაუერის ფონდთან ერთად. სრულად... წყარო: ორგანიზაციის გვერდი სოციალურ ქსელში

თბილისი. Grlz Wave-ის ცნობით, იანვარი საშვილოსნოს ყელის კიბოს შესახებ ცნობიერების ამაღლების თვეა. იანვრის თვის კამპანიის მიზანი კი საშვილოსნოს ყელის კიბოს სიმპტომების ნაადრევი აღმოჩენა, რეგულარული თვითშემოწმება და სკრინინგული კვლევების საჭიროებისამებრ ჩატარებაა.  რა არის საშვილოსნოს ყელის კიბოს პრევენციის საუკეთესო გზა? რეგულარული სკრინინ ტესტების (მაგ: პაპ-ტესტი) ჩატარება და შემდგომი მეთვალყურეობა; HPV-ს (ადამიანის პაპილომა ვირუსი) საწინააღმდეგო ვაქცინაცია.  სრულად... წყარო: ორგანიზაციის გვერდი სოციალურ ქსელში

აჭარა. 26 იანვარს, აჭარის ჰაბმა ქობულეთის მუნიციპალიტეტში, სოფელ სახალვაშოს მოსახლეობასთან შეხვედრა გამართა.  „შეხვედრაზე მოწვეული იყო საქართველოს დაუნის სინდრომის ასოციაციის აჭარის ფილიალის ხელმძღვანელი, დარინა დუმბაძე.  ადგილობრივმა მოსახლეობამ, 18 წელს მიღწეულ შშმ პირთა (ეტლით თუ  სხვა დამხმარე საშუალებებით მოსარგებლეთა) რეაბილიტაციის პროგრამებით სარგებლობის საჭიროება, ერთ-ერთ მნიშვნელოვან პრობლემად დაასახელა.   დარინა დუმბაძემ ამ საკითხზე მონაწილეებს ყველა საჭირო ინფორმაცია მიაწოდა“. აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში  შეიქმნა.  პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

თბილისი. გაეროს განვითარების პროგრამის ინფორმაციით, 2021 წლის ოქტომბერში, გაეროს ადამიანის უფლებათა საბჭომ მიიღო რეზოლუცია, რომლის თანახმად სუფთა, ჯანსაღი და მდგრადი გარემო ადამიანის უფლებად იქნა აღიარებული... „მსოფლიოში, ყოველი მეექვსე ნაადრევად გარდაცვლილი ადამიანი დაბინძურების გამო იღუპება. კლიმატის ცვლილების გამო, ათობით მილიონი ადამიანი ცხოვრებას დევნილობაში ატარებს. ხოლო ბიომრავალფეროვნების დანაკარგი ეკოსისტემების კოლაფსით გვემუქრება. აუცილებელია, რომ ქვეყნების მთავრობებმა და მთლიანად საერთაშორისო თანამეგობრობამ ერთიანად იმოქმედონ და ყველა არსებული რესურსი გამოიყენონ იმისთვის, რომ ადამიანის უფლებას იცხოვროს ჯანსაღ გარემოში საფრთხე აღარ დაემუქროს“. სრულად... წყარო: ორგანიზაციის გვერდი სოციალურ ქსელში

თბილისი. ნეტგაზეთზე დაყრდნობით, Grlz Wave წერს, რომ პაპილომა ვირუსის ვაქცინა, რომელიც ადამიანებს საშვილოსნოს ყელის კიბოსგან იცავს, 26 წლამდე ქალებისთვის უფასოდ იქნება ხელმისაწვდომი. „არსებული მონაცემებით, საქართველოში ყოველწლიურად 200 ქალი იღუპება საშვილოსნოს ყელის კიბოს დიაგნოზით. საშვილოსნოს ყელის კიბო, ძირითად შემთხვევაში, სწორედ ადამიანის პაპილომა ვირუსითაა გამოწვეული“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდის ცნობით, ფსიქიკური ჯანმრთელობის შესახებ მითების გაქარწყლება ხელს უწყობს სტიგმების დამარცხებას და ქმნის გარემოს, რომელშიც ნებისმიერი ასაკის ადამიანს შეუძლია ითხოვოს მხარდაჭერა, როცა მას ეს სჭირდება.  ორგანიზაცია გიზიარებთ შვიდ ყველაზე გავრცელებულ მცდარ წარმოდგენას ფსიქიკური ჯანმრთელობის შესახებ: თუ ადამიანს აქვს ფსიქიკური ჯანმრთელობის პრობლემა, ეს ნიშნავს, რომ მას სუსტი გონებრივი შესაძლებლობები აქვს. ფსიქიკურ ჯანმრთელობაზე მხოლოდ იმ შემთხვევაში უნდა ვიზრუნოთ, თუ ფსიქიკური ჯანმრთელობის პრობლემა გვაქვს. ფსიქიკური ჯანმრთელობის პრობლემები მოზარდებში არ არის სერიოზული საკითხი. მათ ჰორმონების ცვალებადობის გამო ეცვლებათ ხშირად განწყობა და ამით უბრალოდ ყურადღების მიქცევა უნდათ. ფსიქიკური ჯანმრთელობის პრობლემების პრევენცია შეუძლებელია. ფსიქიკური ჯანმრთელობის პრობლემა სისუსტის ნიშანია. უფრო ძლიერი რომ იყოს, ეს პრობლემა არ შეექმნებოდა. მოზარდებს, რომლებიც იღებენ კარგ შეფასებებს და ჰყავთ ბევრი მეგობარი, არ ექმნებათ ფსიქიკური ჯანმრთელობის პრობლემები, მათ არ აქვთ დეპრესიაში ჩავარდნის მიზეზი. ცუდი აღზრდა მოზარდებში ფსიქიკურ აშლილობას იწვევს. ყველა ზემოთჩამოთვლილი მოსაზრება მცდარია, გაეცანით ფაქტებს... წყარო: www.unicef.org

თბილისი. ასოციაცია „საქართველოს SOS ბავშვთა სოფელი“ გიზიარებთ გზამკვლევს „1-3 წლის ბავშვის კვება: ძირითადი პრინციპები და პრაქტიკული ინფორმაცია“, რომელიც შემუშავდა პედიატრიული და ფსიქოლოგიური სამსახურის „მრჩეველი“ მიერ.  „ბავშვის ზრდისა და განვითარებისთვის მნიშვნელოვანია ჯანსაღი კვება. ისეთი დაავადებები, როგორიცაა სიმსუქნე, გულ-სისხლძარღვთა დაავადებები, II ტიპის დიაბეტი, ზოგიერთი ავთვისებიანი სიმსივნე, პირდაპირ უკავშირდება არასწორ კვებას. თუ ჯანსაღად კვებაზე ზრუნვას ბავშვობის ასაკიდან დავიწყებთ, ამ დაავადებების რისკს შევამცირებთ. წინამდებარე დოკუმენტში მოცემულია ინფორმაცია ჯანსაღი კვების ძირითადი პრინციპების შესახებ, განმარტებულია ბავშვთა კვების თეორიული და პრაქტიკული საკითხები, კვებასთან დაკავშირებული უსაფრთხოების წესები. ძირითად ტექსტს ახლავს 1-კვირიანი მენიუს ნიმუში. ამ ინფორმაციის საფუძველზე მშობლები, ბავშვთა მომვლელები და დაინტერესებული პირები შეძლებენ სათანადო მენიუს დამოუკიდებლად შედგენას მცირე ასაკის (1-3 წლის) ბავშვებისთვის“, ნათქვამია გზამკვლევში. სრულად... წყარო: www.sos-childrensvillages.ge

თბილისი. Grlz Wave-ის ინფორმაციით, ძუძუს კიბოს ინოვაციური ვაქცინა, რომელსაც 20 წელი იკვლევდნენ, პირველ ცდებს გადის ადამიანებზე. „პირველი ფაზის ცდების მიხედვით, ძუძუს კიბოს ექსპერიმენტული ვაქცინა უსაფრთხო და ძალიან ეფექტური აღმოცნდა HER2 სიმსივნური უჯრედების ზრდის თავიდან ასაცილებლად. ძუძუს კიბოს 30% მოიცავს ცილა HER2-ის მაღალ დონეს, რაც პასუხისმგებელია ქალებში ძუძუს კიბოს ყველაზე რთულ, აგრესიულსა და სწრაფად გავრცელებად ტიპზე. მკვლევარები ახლა თავიანთი ვაქცინის მეორე ფაზას ატარებენ. წარმატების შემთხვევაში, ეს იქნება სამედიცინო მეცნიერების ერთ-ერთი უდიდესი სასწაული“. სრულად... წყარო: ორგანიზაციის გვერდი სოციალურ ქსელში ფოტო: ალიონა კოჩეტკოვა

აჭარა. სოლიდარობის თემი/Solidarity Community -ის მიერ განხორციელებული პროექტის „რეპროდუქციული ჯანმრთელობა როგორც ქალთა უფლება“ ფარგლებში, მთიანი აჭარის ხულოსა და შუახევის მუნიციპალიტეტის სოფლებში მცხოვრებ ქალებს რეპროდუქციული ჯანმრთელობის შესახებ შეხვედრები და კონსულტაციები ჩაუტარდათ.  პროექტმა მთიანი აჭარის ექვსი სოფლის მცხოვრებ ქალებს ადგილზე მიაწოდა როგორც ინფორმაცია, ისე რეპროდუქციული ჯანმრთელობისთვის საჭირო მომსახურებები.  „სოლიდარობის თემის“ მიერ განხორციელებული საქმიანობების მხარდამჭერია „ფონდი ტასო“. სრულად... წყარო: ორგანიზაციის გვერდი სოციალურ ქსელში

კახეთი. სოციალური სამართლიანობის ცენტრი ღრმა მწუხარებას გამოთქვამს, წუხელ, საგარეჯოში მომხდარი უმძიმესი დანაშაულის გამო და უსამძიმრებს დაღუპული მშვიდობიანი მოქალაქეების და პოლიციელის ოჯახებს. დაჭრილებს კი გამოჯანმრთელებას უსურვებს.  „სამართლებრივი საკითხების მიღმა, მნიშვნელოვანია მომხდარ ტრაგედიასთან დაკავშირებით, დავსვათ კითხვები, რომლებიც ამგვარი ძალადობის სტრუქტურულ მიზეზებს შეიძლება ხსნიდეს, მათ შორის:   როგორია ყოფილი სამხედრო პირების სოციალური დაცვის გარანტიები და როგორ მუშაობს ფსიქო-სოციალური მხარდაჭერის პროგრამები მათი საჭიროებების საპასუხოდ? ამ კონკრეტულ შემთხვევაში თავდაცვის სამინისტროს ჰქონდა თუ არა შეფასებული ყოფილი სამხედრო პირის მდგომარეობა და რა ზომები მიიღო მისი ქცევის მართვისთვის? ჰქონდა თუ არა/უნდა ჰქონოდა თუ არა თავდაცვის სამინისტროს და პოლიციას მისგან მომდინარე რისკების შესახებ ინფორმაცია და რამდენად ეფექტიანი იყო მათ მიერ მიღებული პრევენციული ზომები ამ შემთხვევაში?  ეს შემთხვევა თავდაცვის სექტორში დასაქმებული ადამიანებისა და ყოფილი სამხედროების მიმართ სოციალური პოლიტიკისა და ფსიქო-სოციალური მხარდაჭერის პროგრამების გაძლიერების საფუძველი უნდა გახდეს და იმედი გვაქვს, რომ სახელმწიფო, სამოქალაქო და პოლიტიკური ჯგუფები დისკუსიებსა და სამუშაოებს სწორედ ამ მიმართულებით წარმართავენ“. სრულად... წყარო: ორგანიზაციის გვერდი სოციალურ ქსელში ფოტო: რადიო თავისუფლება

თბილისი. მულტიმედია პლატფორმა Chai Khana გიზიარებთ მარიამ ჯაჭვაძის სტატიას „მოსწავლეები შიმშილის ზღვარზე - რატომ ვერ უზრუნველყოფს სახელმწიფო სკოლებში კვებას?“, რომელიც აღწერს მასწავლებლების და მოსწავლეების ინდივიდუალურ ძალისხმევას მოერიონ შიმშილს, მაშინ, როცა სახელმწიფო უფასო სასკოლო კვების პროგრამაზე მეორე წელია მუშაობს, თუმცა როდის დანერგავს, დღემდე უცნობია. „საკვები უნდა იყოს მაქსიმალურად მრავალფეროვანი, დღეში დაახლოებით 4-ჯერ ან 5-ჯერ უნდა მიირთვათ. სასურველია ერთსა და იმავე დროს; ყოველდღიურ მენიუში უნდა შედიოდეს რძის პროდუქტები, ხილი, ბოსტნეული; სასურველია ხორციანი საკვები ორთქლზე იყოს დამზადებული. შაქარი, ტკბილეული, გაზიანი წყლები მაქსიმალურად შეზღუდეთ; არ არის რეკომენდირებული ცხარე საკვების, მაიონეზისა და კეტჩუპის დიდი რაოდენობით მიღება" - მე-6 კლასელებს ბუნებისმეტყველების გაკვეთილი აქვთ. ზუგდიდის რაიონის ერთ-ერთი სოფლის* საჯარო სკოლის მასწავლებელი ვეფხია მანია ბავშვებს კვებისა და ჯანმრთელობის კავშირს უხსნის. წიგნში ილუსტრირებული დილის საუზმით, ტკბილეულით, შუადღეს ხორცით და საღამოს ხილით,  ცდილობს ბავშვები ჯანსაღ კვებაზე და მის გავლენაზე დააფიქროს. Საშინაო დავალებასაც აძლევთ: შემდეგი გაკვეთილისთვის პრეზენტაცია უნდა მოამზადონ: რას ჭამენ დღის მანძილზე… „მომდევნო გაკვეთილზე აღმოვაჩინე, რომ კლასში ნახევარზე მეტი ხორცს მხოლოდ დღესასწაულზე ჭამს. სახლში კი, ძირითადად, ნახშირწყლებით - პური, ღომი, მაკარონი, კარტოფილი - იკვებებიან. ისეთ უხერხულ მდგომარეობაში ჩავვარდი, გაკვეთილი შევწყვიტე.” სრულად... წყარო: chaikhana.media ილუსტრაციები: თინა ჩერტოვა

თბილისი. პარტნიორობა ადამიანის უფლებებისთვის აქვეყნებს ესმა იმერლიშვილის ბლოგპოსტს: მენსტრუაცია და შეზღუდული შესაძლებლობები. „შეზღუდული შესაძლებლობის მქონე ქალები და გოგოები, მთელი მსოფლიოს მასშტაბით, ხშირად ვერ ახერხებენ საკუთარი მენსტრუაციული ჯანმრთელობის მართვას, რაც გამოიხატება ინფორმაციის ნაკლებობაში, მენსტრუაციის ჰიგიენის მართვისთვის საჭირო საშუალებებზე არასათანადო წვდომაში და სხეულის ავტონომიისა და რეპროდუქციული უფლების დარღვევაში. ყოველივე ამას, სხვადასხვა სოციალურ-კულტურული, ეკონომიკური და სტრუქტურული ფაქტორები უდევს საფუძვლად. წინამდებარე დოკუმენტი მენსტრუაციული ჰიგიენის მართვის მნიშვნელოვან ასპექტებს მიმოიხილავს და მიუხედავად იმისა, რომ თითოეული საკვანძო საკითხის სიღრმისეულ დისკუსიას ვერ ახდენს, იმედს ვიტოვებთ, რომ მკითხველისთვის ინფორმაციის იმ დოზით მიწოდებას უზრუნველყოფს, რაც საკითხისადმი შემდგომი დაინტერესებისა და ყოველდღიურ ცხოვრებაში არსებული პრობლემების იდენტიფიცირებაში დაეხმარება“. სრულად... წყარო: phr.ge

თბილისი. გაეროს ბავშვთა ფონდმა ჰელფინგ ჰენდ (Helping Hand)-ის მოხალისეებსა და იმუნიზაციისა და ვაქცინოლოგიის ასოციაციის MEDიატორებისთვის გამართა სემინარი: „მტკიცებულებებზე დაფუძნებული ლიდერობის მოდელი ვაქცინაციის ჩემპიონებისთვის“. სემინარს გაეროს ბავშვთა ფონდის წარმომადგენელი საქართველოში, ღასან ხალილი გაუძღვა. მსმენელებმა მიიღეს ინფორმაცია ლიდერობისა და მოხალისეობის პროცესში სწორი ღირებულებების, ნდობისა და ემპათიის აუცილებლობისა და მნიშვნელობის შესახებ. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. საქართველოს სტრატეგიის და განვითარების ცენტრის (GCSD) ორგანიზებით, ბორჯომში, პროექტის Vaccination4Georgia ფარგლებში, სამცხე–ჯავახეთის რეგიონის ადგილობრივი მედიის წარმომადგენლებისათვის ჩატარდა ტრენინგი თემაზე: „როგორ ამოვიცნოთ და გავუმკლავდეთ დეზინფორმაციას და ხელი შევუწყოთ ვაქცინაციას“. ტრენინგი ითვალისწინებდა ადგილობრივი მედიის მუშაობის სპეციფიკას და პასუხობდა მათ წინაშე არსებულ მთავარ გამოწვევებს ვაქცინაციის თემის გაშუქების პროცესში. ტრენინგს უძღვებოდა ჟურნალისტიკის რესურსცენტრის ხელმძღვანელი, ნათია კუპრაშვილი.   პროექტს „Vaccination4Georgia“, ახორციელებს გერმანიის საერთაშორისო თანამშრომლობის საზოგადოება (GIZ) საქართველოს სტრატეგიის და განვითარების ცენტრთან პარტნიორობით.  პროექტი დაფინანსებულია გერმანიის ეკონომიკური თანამშრომლობისა და განვითარების ფედერალური სამინისტროს (BMZ) მიერ. სრულად... წყარო: ორგანიზაციის გვერდი სოციალურ ქსელში

თბილისი. თუ გაქვთ კითხვები ბავშვის განვითარების შესახებ, მაკლეინის ასოციაცია გთავაზობთ, გაიაროთ უფასო, დისტანციური კონსულტაცია ფსიქოლოგთან. დაჯავშნეთ კონსულტაცია, თუ ბავშვს აქვს სწავლის და აკადემიური საგნების ათვისების სირთულეები, ბავშვი ავლენს ასაკის შეუსაბამო ქცევებს, ბავშვი გამოირჩევა გადაჭარბებული ემოციურობით, შფოთვით ან დაქვეითებული გუნება-განწყობით. შეარჩიეთ თქვენთვის სასურველი დრო, კონსულტაცია გაიმართება ორშაბათს, 19 დეკემბერს, 13:00, 14:00, 15:00, 16:00 საათებზე. სრულად... წყარო: ორგანიზაციის გვერდი სოციალურ ქსელში

გურია. პროექტის „უფლებებზე დაფუძნებული სოციალური მომსახურების განვითარება შეზღუდული შესაძლებლობების მქონე პირების და ხანდაზმულებისთვის“ ფარგლებში, ანასეულის ხანდაზმულთა სახლის მატერიალური ბაზა ახალი საშუალებებით აღიჭურვა. გაიმართა წყალმომარაგებისა და გათბობის სისტემები, შენობაში დამონტაჟდა ინტერნეტი, მომსახურების მიერ დოკუმენტების წარმოებისთვის შეიძინეს კომპიუტერი, ქსეროქსის აპარატი, პლანშეტები. ხანდაზმულთა ინდივიდუალურ ტუმბოებზე დამონტაჟდა ჩამკეტები. არამობილური ხანდაზმულებისთვის შეიძინეს ადაპტირებული საწოლი, ასევე, ჰიგიენის მოწესრიგებისთვის სპეციალური ამწე. მომსახურების ეზოში, დაიდგა ფანჩატური.  პროექტს ახორციელებს საქართველოს სტრატეგიული კვლევებისა და განვითარების ცენტრი (CSRDG), ახალგაზრდა პედაგოგთა კავშირთან (YPU) და საქართველოს საზოგადოებრივი ინტერესების დაცვის ასოციაცია  (GPIDA) ერთად. პროექტის ფინანსური მხარდამჭერია ევროკავშირი. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „ახალგაზრდა ადვოკატების“ ცნობით, „ტოტალ შარმისა“ და კლინიკის ექიმ კონსტანტინე სულამანიძის წინააღმდეგ პრეტენზიებს კიდევ ერთი მოქალაქე გამოთქვამს, რომელსაც კლინიკაში კონსტანტინე სულამანიძის მიერ გაუკეთდა ცხვირის პლასტიკური ოპერაცია, პაციენტს არასწორად ჩატარებული ოპერაციის შედეგად განუვითარდა მძიმე სუნთქვითი პრობლემები, ჩამოუყალიბდა მეორადი კეხი. კლინიკამ დაშვებული შეცდომების გამოსწორების მიზნით, პაციენტს ხელახალი ოპერაცია უსასყიდლოდ შესთავაზა, რამაც პირველი ოპერაციის დროს დაშვებული შედეგები ვერ აღმოფხვრა. მხარე კლინიკისგან მორალური და მატერიალური ზიანის ანაზღაურებას მოითხოვს, რაც მომავალი საოპერაციო ხარჯების დაფარვას უნდა მოხმარდეს. სრულად... წყარო: www.barristers.ge

თბილისი. 2021 წლის 16 ნოემბერს საქართველოს სახალხო დამცველმა შექმნა სპეციალისტთა/ექსპერტთა ჯგუფი ბრალდებულ/მსჯავრდებულ მიხეილ სააკაშვილისათვის მიწოდებული სამედიცინო მომსახურების ადეკვატურობისა და დროულობის შეფასების მიზნით. 2022 წლის 4 დეკემბერს ოთხი ექსპერტი იმყოფებოდა კლინიკა „ვივამედში“ უშუალოდ მიხეილ სააკაშვილის გასინჯვისა და რელევანტური სამედიცინო მასალების გაცნობის მიზნით, ხოლო ამავე წლის 5 დეკემბერს, კონკრეტულ საკითხებზე დამატებითი დეტალური ინფორმაციის მიღების მიზნით, ექსპერტთა ჯგუფის ერთ-ერთი წარმომადგენელი იმყოფებოდა „ვივამედში“ მიხეილ სააკაშვილის მკურნალ ექიმთან. ექსპერტთა დასკვნის შესაბამისად: პაციენტის მდგომარეობა ბოლო შეფასების (27.04.2022) შემდგომ მკვეთრად გაუარესებულია და ფასდება როგორც მძიმე; სახეზეა ნევროლოგიური სტატუსის გაუარესება, ანემიის გაღრმავება, ანორექსია და გასტროენტერალური მოვლენები. წონის მკვეთრი და სწრაფი კლება, კუნთოვანი მასის განლევა, ცხელება. სახეზეა კახექსია, რაც თავისთავად მძიმე პროგნოზის მქონე მდგომარეობაა... სრულად... წყარო: ombudsman.ge

თბილისი. სოციალური სამართლიანობის ცენტრი გიზიარებთ მარიამ ბრეგვაძის კვლევას: მედიკამენტების ეკონომიკური ხელმისაწვდომობის უფლებრივი და ეკონომიკური განზომილებები. „საქართველოს მოსახლეობის კატასტროფული დანახარჯების უდიდეს წილს მედიკამენტები წარმოადგენს. ქვეყანა დღემდე იმ ქვეყნების ვიწრო წრეშია, რომლებიც წამლების ფასებს ამა თუ იმ ფორმით არ არეგულირებენ. მართალია, პრობლემა აღიარეს თავად პოლიტიკოსებმა, საპარლამენტო კომიტეტებმა და რელევანტურმა სახელმწიფო ორგანოებმა, თუმცა კომპლექსური ხედვა ამ საკითხზე დღემდე არ არსებობს და არც ქმედითი ნაბიჯები გადადგმულა“. სრულად... წყარო: socialjustice.org.ge

თბილისი. სამოქალაქო საზოგადოების ორგანიზაციები ეხმიანებიან საქართველოს მესამე პრეზიდენტის, მიხეილ სააკაშვილის ჯანმრთელობის მნიშვნელოვან გაუარესებას და მიიჩნევენ, რომ მისი შემდგომი მკურნალობის საკითხი უნდა გადაწყდეს არა პოლიტიკური მიზანშეწონილების, არამედ მხოლოდ ადამიანის სიცოცხლისა და ჯანმრთელობის დაცვის სტანდარტების გათვალისწინებით. სრულად... წყარო: osgf.ge ფოტო: OC Media

გურია. გაეროს ბავშვთა ფონდისა და USAID/Georgia-ს პარტნიორული პროექტის, „COVID-19-ის პრევენცია და მასზე რეაგირება საქართველოში“ ფარგლებში, 2021-2022 წლებში: გურიის 32 სკოლასა და 4 საავადმყოფოში წყლის ფილტრები დამონტაჟდა, რის შედეგადაც ხელმისაწვდომი გახდა უსაფრთხო სასმელი წყალი. ამ დაწესებულებებში უსაფრთხო წყლით სარგებლობს 5,000-მდე მოსწავლე და მასწავლებელი და პირველადი ჯანდაცვის კლინიკის 7,000-მდე პაციენტი. 38,234-მა მოზარდმა მიიღო ინფორმაცია უსაფრთხო ჰიგიენის პრაქტიკის, COVID-19-ის პრევენციის ღონისძიებებისა და უსაფრთხო წყლისა და სანიტარული პირობების შესახებ. გაიგეთ მეტი...  წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდისა და USAID/Georgia-ს პარტნიორული პროექტის, „COVID-19-ის პრევენცია და მასზე რეაგირება საქართველოში“ ფარგლებში, 2021-2022 წლებში წლებში, 400,000-ზე მეტმა მასწავლებელმა და სკოლის პერსონალმა, ჯანდაცვის მუშაკმა, რელიგიურმა ლიდერმა, მშობელმა და ბავშვმა მიიღო ინფორმაცია COVID-19-ისა და COVID-19-ის საწინააღმდეგო ვაქცინაციის შესახებ. აღნიშნულმა ინტერვენციებმა ხელი შეუწყვეს ვაქცინირებულ მასწავლებელთა წილის ზრდას, რომელიც 2021 წლის აგვისტოს მდგომარეობით არსებული 9%-დან 2022 წლის დასაწყისში 76%-მდე გაიზარდა. გაიგეთ მეტი… წყარო: ორგანიზაციის გვერდი სოციალურ ქსელში