თბილისი. საქართველოს ჟურნალისტური ეთიკის ქარტიამ, გაეროს ბავშვთა ფონდთან ერთად, მედიაწიგნიერების შესახებ დისკუსია გამართა. დისკუსია გაიმართა სკოლის დირექტორებსა და საზოგადოებრივი ორგანიზაციების წარმომადგენლებთან და მსჯელობის საგანს წარმოადგენდა ის, თუ როგორ უნდა მოახერხონ მოსწავლეებმა, დიდი ინფორმაციული ნაკადის პირობებში, ყალბი ინფორმაციისა და დეზინფორმაციისგან ობიექტური ინფორმაციის გარჩევა. სრულად  წყარო: ორგანიზაციის ვებგვერდი

თბილისი. ჟურნალისტური ეთიკის ქარტიამ UNICEF Georgia-ს პროექტის ფარგლებში, JRC • ჟურნალისტიკის რესურსცენტრის ჟურნალისტებისთვის ჩაატარა ტრენინგი ბავშვთა საკითხების გაშუქების შესახებ. უშუალოდ რედაქციებში ტრენინგის ჩატარება ქარტიამ და გაეროს ბავშვთა ფონდმა გასული წლიდან დაიწყო. წელს ტრენერებმა 5 რედაქციაში იმუშავეს. ასეთი ფორმატი საშუალებას აძლევს რედაქციას დახმარება მიიღოს კონკრეტულად იმ მიმართულებით, რაც მათ ყველაზე მეტად სჭირდებათ იმისათვის, რომ ბავშვებთან დაკავშირებით მაღალი ხარისხის მასალების მომზადება შეძლონ. სრულად წყარო: ორგანიზაციის ვებგვერდი

თბილისი. საზოგადოებრივი ორგანიზაციები ეხმიანებიან საქართველოს კომუნიკაციების ეროვნული კომისიის განცხადებას, რომელიც „მაუწყებლობის შესახებ კანონში" ცვლილებების შეტანას ეხება. „საქართველოს პარლამენტმა, პირველი მოსმენით განიხილა კანონპროექტი „მაუწყებლობის შესახებ კანონში" ცვლილებების შეტანის თაობაზე, რომელმაც არასამთავრობო ორგანიზაციების, კერძო მაუწყებლებისა და პარლამენტის წევრების მწვავე კრიტიკა გამოიწვია. სხვადასხვა შეფასებით, წარმოდგენილი კანონპროექტი შეიცავს მაუწყებლის საქმიანობის გაუმჭვირვალეობისა და კორუფციის რისკებს, ასუსტებს მაუწყებელზე საზოგადოებრივი კონტროლის მექანიზმებს და არაკონკურენტულ გარემოს ქმნის სარეკლამო ბაზარზე. მიმდინარე დისკუსიის ფონზე, 2017 წლის 17 ნოემბერს საქართველოს კომუნიკაციების ეროვნულმა კომისიამ გაავრცელა განცხადება, სადაც მიმდინარე დისკუსიაში წარმოდგენილი არგუმენტების საწინააღმდეგოდ, ყოველგვარი დასაბუთების გარეშე, მხარდაჭერა გამოუცხადა საკანონმდებლო ინიციატივას", - ნათქვამია საზოგადოებრივი ორგანიზაციების მიერ გავრცელებულ განცხადებაში, - „აღნიშნული პოზიცია, ერთი მხრივ, დაუსაბუთებლად ეწინააღმდეგება თავად კომუნიკაციების ეროვნული კომისიის ინიციატივით, ორი წლის წინ „მაუწყებლობის შესახებ კანონში" განხორციელებულ ცვლილებებს, რომლის თანახმადაც, კონკურენტული გარემოს უზრუნველსაყოფად, საზოგადოებრივ მაუწყებელს შეეზღუდა ეთერში განსათავსებელი სარეკლამო დროის მოცულობა; მეორე მხრივ, განცხადება მხედველობიდან ტოვებს იმ ფაქტს, რომ საზოგადოებრივი მაუწყებლის ბიუჯეტი სარეკლამო ბაზრის ნახევარზე მეტს შეადგენს, მომავალ წელს კი მთლიანი შიდა პროდუქტის ზრდასთან ერთად ის დამატებით 6 მილიონით გაიზრდება. აღნიშნულ პირობებში, მაუწყებლისათვის სარეკლამო დროის გაზრდის საკანონმდებლო ცვლილების დადებითად შეფასება, სრულად უგულებელყოფს კერძო მაუწყებლების ინტერესებს, ავლენს არათანაბარ მიდგომებს მედია სუბიექტების მიმართ, რითაც პირდაპირ ეწინააღმდეგება მარეგულირებელი კომისიის მნიშვნელოვან საკანონმდებლო ფუნქციას, შექმნას კონკურენტული გარემო და ხელი შეუწყოს მაუწყებელთა განვითარებას". სრულად  წყარო: http://qartia.ge

თბილისი. ბერი გაბრიელ სალოსის ქუჩაზე მიმდინარე სპეცოპერაციის გაშუქებასთან დაკავშრებით, საქართველოს ჟურნალისტური ეთიკის ქარტია განცხადებას ავრცელებს. „საქართველოს ჟურნალისტური ეთიკის ქარტია ყურადღებით აკვირდება თბილისში, გაბრიელ სალოსის ქუჩაზე მიმდინარე სპეცოპერაციის გაშუქებას და შეშფოთებას გამოხატავს იმ ფაქტის გამო, რომ სამართალდამცავები ვერ უზრუნველყოფენ პერიმეტრის იმგვარად დაცვას, რომ არ გასაჯაროვებულიყო მნიშვნელოვანი დეტალები სპეცრაზმელებისა და ტექნიკის განლაგებასთან დაკავშირებით, რაც საფრთხის შემცველია როგორც სპეცოპერაციაში მონაწილე პირების, ისე ადგილობრივი მოსახლეობისა და ადგილზე მყოფი ჟურნალისტების უსაფრთხოების თვალსაზრისით. სამართალდამცავების მოქმედების მიუხედავად, მედიას აქვს ვალდებულება დეტალურად არ გააშუქოს ანტიტერორისტული ან თავდაცვითი ქმედებები, რამაც შესაძლოა რადიკალური დაჯგუფებების ქმედებების შეცვლა და ოპერაციის ჩავარდნა გამოიწვიოს", - ნათქვამია განცხადებაში. სრულად წყარო: ორგანიზაციის ვებგვერდი

თბილისი. საქართველოს ჟურნალისტური ეთიკის ქარტია ეხმაურება კომუნიკაციების ეროვნული კომისიის (GNCC) მიერ საზოგადოებისთვის შეთავაზებულ საკანონმდებლო ცვლილებებს. „...კომისიის ხელში მაუწყებლის შინაარსის რეგულირების გადასვლა მნიშვნელოვან რისკებს შეიცავს. გარდა ამისა, ისეთი ტიპის ქვეყანაში, როგორიც საქართველოა, თვითრეგულირებიდან რეგულირებაში საკითხის გადატანა აღიქმება მედიაგარემოს გაუარესებად. ჟურნალისტური ეთიკის ქარტიისთვის მიუღებელია მაუწყებლობის შესახებ კანონის 56-ე მუხლის თვითრეგულირების სფეროდან ამოღება, კომუნიკაციის ეროვნული კომისიისთვის პროგრამაში ჩარევის შესაძლებლობა და ამის საფუძველზე მაუწყებლების სანქცირება, ვინაიდან შესაძლოა ის გამოყენებული იყოს სწორედ პასუხისმგებლიანი და კეთილსინდისიერი მაუწყებლების წინააღმდეგ", ნათქვამია ქარტიის განცხადებაში. სრულად... წყარო: qartia.ge

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია "რუსთავი 2-ის" ჟურნალისტმა, დავით კაკულიამ და საინფორმაციო სამსახურის ხელმძღვანელმა, ნოდარ მელაძემ ქარტიის მე-11 პრინციპის ის ნაწილი დაარღვიეს, რაც პლაგიატს კრძალავს. მათ წინააღმდეგ ქარტიაში განცხადება შეიტანა ელისო ჯანაშიამ, ფოთში ბაზირებული ონლაინ-გამოცემა tspress.ge-ს ხელმძღვანელმა, რომელიც აცხადებდა, რომ 2017 წლის 6 ოქტომბერს "რუსთავი 2-ის" საინფორმაციო გამოშვება "კურიერში" გამოყენებული კადრები tspress.ge-ს ეკუთვნოდა, თუმცა, ეს მითითებული არ ყოფილა, ამასთან, ჩამოჭრილი იყო მისი გამოცემის ლოგოც. სრულად  წყარო: ორგანიზაციის ვებგვერდი

თბილისი. „მითების დეტექტორი" ყალბი ინფორმაციის ამოსაცნობად ბლოგპოსტს აქვეყნებს. ყალბი ინფორმაციის ამოსაცნობად აუცილებელია: შეამოწმოთ მედიასაშუალება, შეამოწმოთ ავტორი, გადაამოწმოთ მითითებული წყაროები, დაფიქრდეთ სანამ გააზიარებთ და შეუერთდეთ მითების მსხვრევლებს (დაარეპორტეთ ყალბი ახალი ამბები და სხვებსაც მიუთითეთ). სრულად... წყარო: mythdetector.ge

თბილისი. ეკონომიკურ მედია სკოლას გიორგი ქადაგიძე ესტუმრა. „ეროვნული ბანკის ყოფილმა პრეზიდენტმა საქართველოს ეკონომიკური განვითარების პერსპექტივაზე ისაუბრა. გიორგი ქადაგიძემ მედია სკოლის მსმენელების შეკითხვებსაც უპასუხა. ეკონომიკური მედია სკოლის მიზანია ჟურნალისტების ფინანსური განათლების ამაღლება. მსმენელები ეკონომიკის საფუძვლებს სპეციალური კურსის მიხედვით შეისწავლიან. მედია სკოლა, სასწავლო კურსის განმავლობაში, სხვა მოწვეულ სტუმრებსაც უმასპინძლებს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. მედია პორტალი MEDIA.GE „ფრიდომ ჰაუსის" ახალ ანგარიშს „ინტერნეტის თავისუფლება 2017" აქვეყნებს. კვლევა 2016 წლის 1 ივნისიდან 2017 წლის 31 მაისამდე პერიოდს ასახავს. ანგარიშის თანახმად, საქართველო ერთი ქულით დაწინაურდა და 24 ქულა დაიმსახურა. „საქართველო კვლავაც რჩება თავისუფალი ქვეყნების კატეგორიაში. ქვეყანაში გაზრდილია ინტერნეტმომხმარებლების რიცხვი, ინტერნეტმედიის მუშაობას არ ავიწროებს ხელისუფლება. ანგარიშში გარკვეული მინიშნებები კეთდება ფარულ მიყურადებასთან დაკავშირებულ საკანონმდებლო ცვლილებებსა და სამოქალაქო საზოგადოების მიერ გამოხატულ პროტესტზე", ნათქვამია პორტალის ვებგვერდზე. სრულად... წყარო: www.media.ge

თბილისი. გაეროს განვითარების პროგრამისა (UNDP) და შვედეთის მთავრობის ხელშეწყობით, 2017 წლის ადგილობრივი თვითმმართველობის არჩევნების გენდერული კუთხით ჩატარებული სატელევიზიო მონიტორინგის შედეგები გამოქვეყნდა. „მონიტორინგის შედეგების განხილვა 2017 წლის 15 ნოემბერს გაიმართა. ღონისძიებას საქართველოს მედიის, სამოქალაქო საზოგადოებისა და სახალხო დამცველის წარმომადგენლები ესწრებოდნენ. არჩევნების სატელევიზიო მონიტორინგი განხორციელდა გენდერული თანასწორობისათვის პროგრამის ფარგლებში, რომელსაც შვედეთის მთავრობის დაფინანსებით გაეროს სააგენტოები ახორციელებენ. მონიტორინგი ჩაატარა ქართულმა კვლევითმა ორგანიზაციამ „CRRC საქართველო" 2017 წლის 11 სექტემბრიდან 12 ნოემბრამდე პერიოდში", ნათქვამია კავშირი „საფარის" ვებგვერდზე. სრულად... წყარო: sapari.ge

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანიების: "იმედის", "რუსთავი 2-ისა" და "პალიტრანიუსის", აგრეთვე, ონლაინ-გამოცემა "აქცენტის" ჟურნალისტებმა დაარღვიეს ქარტიის მე-8 პრინციპი, რომელიც ჟურნალისტს ბავშვის ინტერესების გათვალისწინებას ავალდებულებს. ოთხივე მედიასაშუალებამ მოამზადა მასალა რუსეთის მიერ ანექსირებულ ყირიმში არსებულ ბანაკში ქართველი მოსწავლეების მონაწილეობის შესახებ, რომელშიც ბავშვების იდენტიფიცირება შესაძლებელი იყო. განცხადება შეტანილი იყო "პირველი რადიოს" წინააღმდეგაც, რომელმაც ამავე თემაზე მოამზადა მასალა. „პირველმა რადიომ" მასალიდან მოხსნა ფოტო, რომლითაც, განმცხადებლის აზრით, ბავშვების ამოცნობა შესაძლებელი იყო. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო" ეხმიანება „ერთიანი ნაციონალური მოძრაობის" წევრის, ბატონ რომან გოცირიძის კანონპროექტს „მაუწყებლობის შესახებ კანონში" შესატან ცვლილებებთან დაკავშირებით (goo.gl/As4XFk). „კანონპროექტი ითვალისწინებს საზოგადოებრივი მაუწყებლობის დაფინანსების არსებული დროებითი მოდელის გაუქმებას, რომელიც მიბმულია ქვეყნის მთლიანი შიდა პროდუქტის ოდენობაზე და რომელიც უნდა იყოს წინა წლის მშპ-ს არანაკლებ 0,14 პროცენტი. მიუხედავად იმისა, რომ ჩვენ კრიტიკულად ვაფასებთ საზოგადოებრივი მაუწყებლობის გარშემო ბოლო პერიოდში განვითარებული მოვლენებს, დაუშვებლად მიგვაჩნია საზოგადოებრივი მაუწყებლის დაფინანსების არსებული მექანიზმის გაუქმება. არსებობს რეალური საფრთხე, რომ წარმოდგენილი პროექტის მიღების შემთხვევაში ხელისუფლების ხელში მაუწყებლისთვის ბიუჯეტის დამტკიცება/არ დამტკიცებით დამატებითი ბერკეტი გაჩნდება მასზე ზემოქმედებისა და გავლენის მოსაპოვებლად", ნათქვამია განცხადებაში. სრულად... წყარო: ორგანიზაციის ვებგვერდი სოციალურ ქსელში

აჭარა. 7 ნოემბერს „თავისუფალ ჟურნალისტთა სახლის" ორგანიზებით ქობულეთის მუნიციპალიტეტის სოფელ ლეღვას №2 საჯარო სკოლაში ჩატარდა მორიგი სტუდენტური დისკუსია თემაზე „ქალთა მიმართ ძალადობა". „შეხვედრის ბოლოს მონაწილეებმა ნახეს მოკლემეტრაჟიანი ფილმები და პარალელი გაავლეს დღევანდელობასთან. დისკუსიათა ციკლი იმართება „სიტყვის თავისუფლების მხარდაჭერის" პროექტის ფარგლებში, ფონდის „ეროვნული წვლილი დემოკრატიისთვის" მხარდაჭერით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 7 ნოემბერს, „საერთაშორისო გამჭვირვალობა-საქართველოს" ორგანიზებით, კომუნიკაციების ეროვნული კომისიის (GNCC) მიერ პარლამენტში მედიასთან დაკავშირებით წარდგენილ საკანონმდებლო ცვლილებებზე დისკუსია გაიმართა. დისკუსიის შეეხო შემდეგ თემებს: „საკანონმდებლო წინადადება „საარჩევნო კოდექსში" ცვლილებების შეტანის შესახებ, რომლის ფარგლებშიც მარეგულირებელი კომისია მაუწყებლებს არაპროპორციულ მოთხოვნებს უყენებს და საზოგადოებრივი აზრის კვლევის სანდოობისა და შედეგების ობიექტურობის გადამოწმებას ავალდებულებს. მაუწყებლის თვითრეგულირების სფეროს შეზღუდვა - მთელი რიგი საკითხები, რომელსაც მაუწყებელი თავად არეგულირებდა, კომუნიკაციების მარეგულირებელი კომისიისა და სასამართლოს რეგულირების სფეროში გადადის. მედია წიგნიერების შესახებ შეთავაზებული წინადადება, რომლის ინიცირებასაც პარლამენტმა მხარი უკვე დაუჭირა. დისკუსიაში მონაწილეობდნენ ჟურნალისტები, მედია ორგანიზაციების თანამშრომლები, სფეროს ექსპერტები, ადგილობრივი და საერთაშორისო ორგანიზაციების წარმომადგენლები", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით ტელეკომპანიების „იმედის”, „რუსთავი 2-ისა” და „პალიტრანიუსის”, აგრეთვე ონლაინ გამოცემა „აქცენტის” ჟურნალისტებმა დაარღვიეს ქარტიის მე-8 პრინციპი. ეს პრინციპი ჟურნალისტს ბავშვის ინტერესების გათვალისწინებას ავალდებულებს. „ოთხივე მედიასაშუალებამ მოამზადა მასალა რუსეთის მიერ ანექსირებულ ყირიმში არსებულ ბანაკში ქართველი მოსწავლეების მონაწილეობის შესახებ. ქარტიას მომართა ერთ-ერთი ბავშვის მშობელმა, რომელი მიიჩნევდა, რომ მასალაში ბავშვების იდენტიფიცირებით არასრულწლოვნების ინტერესი დააზიანეს”, ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. გამომძიებელ ჟურნალისტთა გაერთიანება „აი ფაქტი" რეგიონულ მედიას უფასო დახმარებას სთავაზობს. ორგანიზაციის ვებგვერდზე გამოქვეყნებული ინფორმაციის მიხედვით, „აი ფაქტი" რეგიონული მედიის დაინტერესებულ წარმომადგენლებს, 6 თვის განმავლობაში, უსასყიდლოდ სთავაზობს: ინფორმაციის მოძიებას, მონაცემთა ანალიზს, ვებგვერდის სკრეიპინგ (საიტებიდან მონაცემების ავტომატურ რეჟიმში წამოღება), ვიზუალური მასალის შექმნას, ფაქტების შემოწმებას, საგამოძიებო მასალებზე ერთობლივ მუშაობას, საგრანტო პროექტების შექმნასთან დაკავშირებულ კონსულტაციებს. სრულად  წყარო: ორგანიზაციის ვებგვერდი

თბილისი. სამოქალაქო საზოგადოების ორგანიზაციები კიდევ ერთხელ ეხმიანებიან საზოგადოებრივ მაუწყებელში ბოლო პერიოდში განვითარებულ მოვლენებს. „საზოგადოებრივ მაუწყებელში მიმდინარე მოვლენები, ყოფილი პრემიერ მინისტრის ბიძინა ივანიშვილისა და ხელისუფლების გავლენის გაძლიერება, იწვევს შეშფოთებას და კითხვის ნიშნის ქვეშ აყენებს არხის მიუკერძოებლობას და პოლიტიზირების რისკებს აჩენს, რაც ეწინააღმდეგება საზოგადოებრივი მაუწყებლის არსებობის იდეას და საფრთხეს უქმნის მედია გარემოს. მოვუწოდებთ საქართველოს პარლამენტს, დაინტერესდეს საზოგადოებრივ მაუწყებელში მიმდინარე მოვლენებით და მოაწყოს საჯარო განხილვა საზოგადოებრივი მაუწყებლის მიერ კანონით გათვალისწინებული ვალდებულებების შესრულებასთან დაკავშირებით", ნათქვამია ერთობლივ განცხადებაში. სრულად... წყარო: www.transparency.ge

თბილისი. 2017 წლის 31 ოქტომბერს მედიის განვითარების ფონდმა (MDF) თბილისის საქალაქო სასამართლოს საქართველოს კომუნიკაციების ეროვნული კომისიის (GNCC) წინააღმდეგ სარჩელით მიმართა. სარჩელის საფუძველი ის გარემოება გახდა, რომ კომისია საჯაროს არ ხდის ინფორმაციას მაუწყებელთა 2017 წლის I და II კვარტლის (იანვარი-ივნისი) ფინანსური შემოსავლების შესახებ, რაც, ორგანიზაციის განცხადებით, კანონმდებლობით განსაზღვრული ფინანსური გამჭვირვალობის სტანდარტის უგულვებელყოფაა. სრულად  წყარო: ორგანიზაციის ვებგვერდი

იმერეთი. ქუთაისის ახალგაზრდული ცენტრის წევრმა გიორგი აბესაძემ სოფელ მაღლაკის საჯარო სკოლის მოსწავლეებისთვის მედია წიგნიერების ტრენინგი ჩაატარა. „ტრენინგზე განიხილეს შემდეგი საკითხები: სოციალური მედია და ყალბი ინფორმაციის გავრცელების გამოწვევები; როგორ გადავამოწმოთ ვებ-გვერდები, წყაროები, პიროვნებები, ტროლები; ყალბი ფოტოები", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „საერთაშორისო გამჭვირვალობა - საქართველო" (TI) მიიჩნევს, რომ საქართველოს კომუნიკაციების ეროვნული კომისიის მიერ, ადგილობრივი თვითმმართველობის არჩევნების წინ ინიცირებულმა საკანონმდებლო წინადადებამ, რომელიც „საარჩევნო კოდექსში”, სხვა საკითხებთან ერთად, საზოგადოებრივი აზრის კვლევის გამოქვეყნებისას, მაუწყებელთა პასუხისმგებლობას შეეხება, წინასაარჩევნო კამპანიის დროს მედიის მიერ კვლევის გამოქვეყნებასთან დაკავშირებული სამართლებრივი პრობლემები განაახლა. „საერთაშორისო გამჭვირვალობა - საქართველო” მოუწოდებს კომუნიკაციების ეროვნულ კომისიას, თავი შეიკავოს მედია-საშუალებებისთვის არაპროპორციული მოთხოვნების წაყენებისაგან, რაც მედიის მიერ სამომავლოდ მსგავსი კვლევების ჩატარებასა და შედეგების გამოქვეყნებას საფრთხეს შეუქმნის და შეუზღუდავს მოსახლეობას არჩევნების პერიოდში მაღალი საზოგადოებრივი ინტერესის შემცველი კვლევებისა თუ ეგზიტპოლების მონაცემებს გაეცნოს. სრულად  წყარო: ორგანიზაციის ვებგვერდი

თბილისი. „სიძულვილის ენისა და ანტიდასავლური განწყობების მონიტორინგი წინასაარჩევნო დისკურსში" - ამ სათაურით გამოქვეყნდა ანგარიში, რომელიც 2017 წლის ადგილობრივი არჩევნების წინ ჩატარებული მედიამონიტორინგის შედეგებს ასახავს, მედიის განვითარების ფონდმა (MDF) და გაეროს ასოციაციის (UNAG) PITA-ს 7-მა რეგიონულმა ახალგაზრდულმა ცენტრმა მოამზადეს. მონიტორინგი, რომლის ფარგლებშიც მონიტორები ეროვნული დაფარვის ტელევიზიებს, გაზეთებს, ონლაინ-გამოცემებს, ადგილობრივ მედიასაშუალებებსა და რეგიონული პოლიტიკური სუბიექტების ფეისბუკ-გვერდებს აკვირდებოდნენ, საქართველოს გაეროს ასოციაციასთან (UNAG) პარტნიორობით, აშშ-ს საერთაშორისო განვითარების სააგენტოს (USAID) პროგრამის „ტოლერანტობის, სამოქალაქო ცნობიერებისა და ინტეგრაციის სრულად  წყარო: ორგანიზაციის ვებგვერდი

თბილისი. 19 ოქტომბერს, საზოგადოებრივი განვითარების აკადემიისა და ბათუმის ამერიკული კუთხის ერთობლივი პროექტის ფარგლებში, დემოკრატიის და ლიდერობის სკოლის ფარგლებში ჩატარდა საჯარო ლექცია „მედია პლურალიზმის მნიშვნელობა ქვეყნის განვითარებისთვის". დემოკრატიის და ლიდერობის სკოლის მიზანია სტუდენტებმა და სკოლის მოსწავლეებმა მიიღონ ინფორმაცია დემოკრატიის და დემოკრატიული ღირებულებების შესახებ. სრულად... წყარო: ორგანიზაციის ვებ-გვერდი სოციალურ ქსელში