თბილისი. საქართველოს ახალგაზრდა იურისტთა ასოციაციის ინფორმაციის თანახმად, ეკატერინე მიშველაძის საზოგადოებრივი მაუწყებლიდან გათავისუფლება სააპელაციო სასამართლომაც უკანონოდ მიიჩნია. „დღეს გამოცხადებული გადაწყვეტილებით, ძალაში დარჩა პირველი ინსტანციის გადაწყვეტილება, რომლითაც საზოგადოებრივ მაუწყებელს უკანონო გათავისუფლების გამო კომპენსაციის გადახდა დაეკისრა, ხოლო გათავისუფლების ბრძანება ბათილად იქნა ცნობილი. ეკატერინე მიშველაძის ინტერესებს სასამართლოში საია იცავს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 3 მაისი თავისუფალი პრესის მსოფლიო დღეა. საქართველოს ახალგაზრდა იურისტთა ასოციაცია (საია) ულოცავს ამ დღეს მედიის წარმომადგენლებს. „ამ დღის დაფუძნების მიზანია სახელმწიფოებისთვის იმის შეხსენება, რომ მათი მოვალეობაა, პატივი სცენ და დაიცვან ჟურნალისტთა უფლებები. მედია მეოთხე ხელისუფლებას წარმოადგენს და შესაბამისად დიდი როლი აქვს საზოგადოებრივი აზრის ჩამოყალიბებაში. მისი თავისუფლება და დამოუკიდებლობა პირდაპირ განსაზღვრავს ქვეყანაში დემოკრატიულობის ხარისხს. საიას მიაჩნია, რომ მნიშვნელოვანია ხელისუფლებამ პატივი სცეს გამოხატვის თავისუფლებას, ამასთან, ყველა ზომას მიმართოს ჟურნალისტთა უფლებების დასაცავად", ნათქვამია ორგანიზაციის გაცხადებაში. სრულად... წყარო: ორგანიზაციის ვებგვერდი სოციალურ ქსელში

თბილისი. არასამთავრობო ორგანიზაციები ეხმაურებიან „რუსთავი 2”-ის მიერ გავრცელებულ განცხადებას. ამ ინფორმაციის თანახმად, საქართველოს მთავრობა ადამიანის უფლებათა დაცვის ევროპულ სასამართლოს სთხოვს „რუსთავი 2-თან" დაკავშირებით დროებითი ღონისძიება გააუქმოს და სასამართლო დავის დასრულებამდე კომპანია მის „კანონიერ მესაკუთრეს - ქიბარ ხალვაშს” გადაეცეს. „ნიშანდობლივია, რომ ეროვნულ დონეზე საქმის განხილვას თან ახლდა არაერთი გარემოება, რაც ლეგიტიმური კითხვის ნიშნის ქვეშ აყენებდა სასამართლოს მიუკერძოებლობას და ასევე მიანიშნებდა ხელისუფლების დაინტერესებაზე საქმის შედეგით. მნიშვნელოვნად მიგვაჩნია, რომ არ გაუქმდეს დროებითი ღონისძიება ევროსასამართლოს საბოლოო გადაწყვეტილების მიღებამდე, რათა მესაკუთრის ცვლილებამ მაუწყებლის კრიტიკული სარედაქციო პოლიტიკის ცვლილება არ გამოიწვიოს. ის, რომ სწორედ „რუსთავი 2”-ის კრიტიკული სარედაქციო პოლიტიკაა ხელისუფლებისათვის პრობლემა, მათ მიერ სტრასბურგის სასამართლოსთვის გაგზავნილი მიმართვაშიც ნათლად ჩანს. აღსანიშნავია, რომ დიდწილად სწორედ დროებითი ღონისძიების მეშვეობით გახდა შესაძლებელი კრიტიკული და პლურალისტური მედიაგარემოს შენარჩუნება 2017 წლის არჩევნების პერიოდში”, ნათქვამია ორგანიზაციის ვებგვერდზე სოციალურ ქსელში. სრულად... წყარო: gdi.ge

თბილისი. საქართველოს ახალგაზრდა იურისტთა ასოციაცია (საია) თვლის, რომ საქართველოს კომუნიკაციების ეროვნულ კომისიას არ ჰქონდა უფლებამოსილება „ნტვ-პლუსი"-სთვის ავტორიზაციის გავლის შესაძლებლობა მიეცა. „მეწარმეთა შესახებ” საქართველოს კანონის მე-4 მუხლის თანახმად კი საქართველოში სამეწარმეო საქმიანობის განმახორციელებელი პირი, მათ შორის უცხო ქვეყნის საწარმოს ფილიალი, ვალდებულია საქართველოს კანონმდებლობის შესაბამისად დარეგისტრირდეს მეწარმეთა და არასამეწარმეო (არაკომერციული) იურიდიული პირების რეესტრში. ამდენად, ელექტრონული კომუნიკაციების სფეროში ავტორიზაციის მსურველი პირიც რეგისტრირებული უნდა იყოს საქართველოში. შესაბამისად, კომისია არ იყო უფლებამოსილი „ნტვ-პლუსი"-სთვის ავტორიზაციის გავლის შესაძლებლობა მიეცა. საია მიიჩნევს, რომ საქართველოს კომუნიკაციების ეროვნულმა კომისიამ სრულყოფილად უნდა შეისწავლოს აღნიშნული საკითხი, შეუჩეროს ავტორიზაცია თანამგზავრული ტრანზიტული მაუწყებლობის მომსახურებაზე საქართველოში ავტორიზებულ „ნტვ-პლუსი"-ს და მიმართვის შემთხვევაში თავიდან იმსჯელოს ახალი - საქართველოში რეგისტრირებული სუბიექტის ავტორიზაციის საკითხზე", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. რადიო „თავისუფლება" საერთაშორისო ორგანიზაციის „ფრიდომ ჰაუსის" კვლევის: „ქვეყნები გარდამავალ ეპოქაში 2018" მიმოხილვას აქვეყნებს. „ანგარიშის თანახმად, საქართველოში მდგომარეობა გაუარესებულია ორი მიმართულებით: მედიის დამოუკიდებლობა: 4 (2017) – 4,25 (2018); სასამართლო სისტემის დამოუკიდებლობა: 4,75 (2017) – 5 (2018). არაფორმალური მმართველობა - ეს არის კიდევ ერთი საკვანძო დაბრკოლება საქართველოს, როგორც დემოკრატიული ქვეყნის, ფუნქციონირებისათვის. ანგარიშის მიხედვით, ფართოდაა ცნობილი, რომ საქართველოს ყოფილი პრემიერ-მინისტრი, მილიარდერი ბიძინა ივანიშვილი, გადაწყვეტილების მიღების პროცესში არაფორმალური გავლენით სარგებლობს", ნათქვამია კვლევაში. სრულად... წყარო: www.radiotavisupleba.ge

თბილისი. საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო დავით მახარაშვილის განცხადება ინტერნეტ გამოცემა POS TV-ს მიერ მომზადებულ მასალასთან დაკავშირებით. „ის მიიჩნევს, რომ 26 მარტს გამოქვეყნებულ ვიდეო მასალაში "STOP XAM გორში პირველად და უკანასკნელად" დაირღვა ქარტიის პრინციპები: პირველი (სიზუსტე), მესამე (მიჩქმალვა), მეოთხე (ინფორმაციის მოპოვების კეთილსინდისიერება), მეშვიდე (დისკრიმინაცია), მეთერთმეტე (ფაქტის განზრახ დამახინჯება)", ნათქვამია ქარტიის ვებგვერდზე. სრულად... წყარო: qartia.ge

აჭარა. დისკუსიათა ციკლის „მედია და საზოგადოება" მე-6 შეხვედრა ხელვაჩაურის მუნიციპალიტეტის სოფელ ქედქედის საჯარო სკოლაში გაიმართა. „შეხვედრების ფორმატი მოიცავს მედიის წარმომადგენლების მიერ მონაწილეებისთვის თავიანთი მიზნებისა და მუშაობის პრინციპების გაცნობას, შემდგომ ნაწილში კი მოსახლეობა უშუალოდ იმ საკითხებს გამოკვეთს რაც აწუხებთ. აღნიშნულ შეხვედრაზე კიდევ ერთხელ გამოიკვეთა ის პრობლემები რაც ქობულეთისა და ქედის მუნიციპალიტეტებში გამართული დისკუსიებისას გამოვლინდა", ნათქვამია თავისუფალ ჟურნალისტთა სახლის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „საერთაშორისო გამჭვირვალობა - საქართველო" (TI) მოითხოვს, პარლამენტმა საზოგადოებრივი მაუწყებლის შესახებ აუდიტის დასკვნა საჯაროდ განიხილოს. „სახელმწიფო აუდიტის სამსახურის მიერ საზოგადოებრივი მაუწყებლის შესახებ მომზადებულმა "შესაბამისობის აუდიტის ანგარიშმა” საზოგადოებაში დიდი გამოხმაურება ჰპოვა", - ვკითხულობთ TI-ის მიერ გავრცელებულ განცხადებაში, - „მიგვაჩნია, რომ საქართველოს პარლამენტმა უნდა უზრუნველყოს აუდიტის სამსახურის, საზოგადოებრივი მაუწყებლისა და სხვა დაინტერესებული პირების მონაწილეობით საჯარო დისკუსიის ორგანიზება, სადაც აუდიტის დასკვნაში მოყვანილ პრობლემურ საკითხებს შეფასება მიეცემა, თუ რამდენად ასრულებს საზოგადოებრივი მაუწყებელი კანონით ნაკისრ ვალდებულებებს". სრულად  წყარო: ორგანიზაციის ვებგვერდი

თბილისი. „რუსთავი 2"-თან განვითარებულ მოვლენებთან დაკავშირებით დაკავებულ პირთა ქმედებებში დისკრიმინაციული მოტივების გამოძიების აუცილებლობის თაობაზე, საზოგადოებრივი ორგანიზაციების ნაწილი განცხადებას ავრცელებს. „მივესალმებით სამართალდამცავი ორგანოების მყისიერ რეაგირებას 2018 წლის 19 მარტს, ტელეკომპანია „რუსთავი 2"-ის ჟურნალისტების მიმართ ე.წ. „ქართული მარშის" წარმომადგენლების მხრიდან განხორციელებულ ძალადობრივ ქმედებებზე და მოვუწოდებთ საქართველოს მთავარ პროკურატურას, გამოიძიოს ჩადენილის დისკრიმინაციული მოტივები და განიხილოს ისინი დამამძიმებელ გარემოებად, როგორც ამას საქართველოს სისხლის სამართლის კოდექსის 531 მუხლი ითვალისწინებს", - აღნიშნულია განცხადებაში. სრულად  წყარო: www.gdi.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ინფოგრაფიკას, რომლის თანახმადაც „საზოგადოებრივი მაუწყებლის ბიუჯეტის ნახევარზე მეტი შრომის ანაზღაურებაზე იხარჯება". ინფოგრაფიკა... წყარო: ორგანიზაციის ვებგვერდი სოციალურ ქსელში

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით ტელეკომპანია "რუსთავი 2-ის" წამყვანს, გიორგი გაბუნიას ქარტიის მეშვიდე პრინციპი არ დაურღვევია. მეშვიდე პრინციპის თანახმად, „ჟურნალისტს უნდა ესმოდეს მედიის მიერ დისკრიმინაციის წახალისების საფრთხე; ამიტომ ყველაფერი უნდა იღონოს ნებისმიერი პირის დისკრიმინაციის თავიდან ასაცილებლად რასის, სქესის, სექსუალური ორიენტაციის, ენის, რელიგიის, პოლიტიკური და სხვა შეხედულებების, ეროვნული ან სოციალური წარმოშობის საფუძველზე ან რაიმე სხვა ნიშნით." სრულად  წყარო: ორგანიზაციის ვებგვერდი

თბილისი. საქართველოს სახალხო დამცველი ეხმაურება ბოლო პერიოდში ტელეკომპანია „რუსთავი 2"-თან განვითარებულ მოვლენებს, ასევე, მედია-კავშირ „ობიექტივის" გადამღებ ჯგუფზე სავარაუდო თავდასხმის ფაქტს. სახალხო დამცველი მიესალმება სამართალდამცავი ორგანოს მიერ „რუსთავი 2"-თან მომხდარის გამო განხორციელებულ დროულ რეაგირებას, მიიჩნევს რა, რომ დანაშაულზე მყისიერ სამართლებრივ პასუხს მნიშვნელობა აქვს დაუსჯელობის განცდის გასაქარწყლებლად და სამომავლო შემთხვევების პრევენციისათვის. სახალხო დამცველი, ასევე, აღნიშნავს, რომ თვალყურს მიადევნებს ტელეკომპანია „ობიექტივის" საქმეს, სადაც გამოძიება ინციდენტში მონაწილე ორივე მხარის მიმართ სისხლის სამართლის კოდექსის 126-ე (ძალადობა) მუხლით მიმდინარეობს. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო” (TI) „ობიექტივის” გადამღებ ჯგუფზე თავდასხმის ფაქტს ეხმაურება. „ტელეკომპანია „ობიექტივის” წარმოადგენლების თქმით, 20 მარტს სიუჟეტის მომზადების პროცესში ერთ-ერთი სამშენებლო ობიექტის გადაღებისას, მათ გადამღებ ჯგუფს თავს დაესხნენ. საქმეში იკვეთება ძალადობისა და ჟურნალისტურ საქმიანობაში ხელის შეშლის ფაქტები. მნიშვნელოვანია, რომ საქმეს მიენიჭოს სწორი კვალიფიკაცია და დროულად მოხდეს გამოძიება", - ვკითხულობთ TI-ის მიერ გავრცელებულ განცხადებაში. სრულად  წყარო: ორგანიზაციის ვებგვერდი

თბილისი. სამოქალაქო პლატფორმაში „არა-ფობიას!" შემავალი არასამთავრობო ორგანიზაციები განცხადებას ავრცელებენ რუსთავი 2-ის შენობასთან განვითარებულ მოვლენებთან დაკავშირებით. „აღსანიშნავია, რომ ეს არ არის „ქართული მარშის" წევრების მიერ განხორციელებული აგრესიის პირველი შემთხვევა მათთვის მიუღებელი აზრის წინააღმდეგ. უკანასკნელი ერთი წლის განმავლობაში, მათი მხრიდან გამოვლენილი დანაშაულებრივი ხასიათის ქმედებები და თებერვალში დაანონსებული ე.წ. სახალხო პატრულის შემოღების ინიციატივა ცხადჰყოფს, რომ ისინი კვლავაც გააგრძელებენ ნებისმიერი მათთვის მიუღებელი ადამიანის ფიზიკურ შეურაცხყოფას და ეცდებიან განსხვავებული აზრის დანაშაულებრივი გზით ჩახშობას. აღვნიშნავთ, რომ დაუშვებლად მიგვაჩნია ე.წ. „რელიგიური გრძნობების შეურაცხყოფის" თავიდან აცილების მოტივით გამოხატვის თავისუფლების შეზღუდვა. გამოხატვის თავისუფლების ძირითად არსს წარმოადგენს სწორედ შესაძლებლობა, გვქონდეს მათ შორის კრიტიკული, შოკისმომგვრელი და თუნდაც შეურაცხმყოფელი აზრის გამოხატვის უფლება. რელიგიური გრძნობები კი (რომელიც ნებისმიერ შემთხვევაში სუბიექტური და ინდივიდუალურია) არ და ვერ იქნება ის საფუძველი, რომელიც გაამართლებს ამგვარ შეზღუდვას. ნებისმიერი ასეთი მცდელობა ახალისებს „ინკვიზიციური" წარსულის აღდგენას, რომელიც აუცილებლად იქონიებს მსუსხავ ეფექტს საზოგადოებაში ჯანსაღი კრიტიკის არსებობაზე", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. საქართველოს ჟურნალისტური ეთიკის ქარტიის საბჭო ეხმაურება ტელეკომპანია „ობიექტივის" მიერ გავრცელებულ ინფორმაციას, სადაც ჟურნალისტები პროფესიულ საქმიანობაში ხელშეშლასა და ფიზიკურ ანგარიშსწორებაზე საუბრობენ. „მათი თქმით, უკანონო მშენებლობის თემაზე მუშაობისას ფიზიკური დაზიანებები მიაყენეს ჟურნალისტსა და ოპერატორს", - ნათქვამია ქარტიის მიერ გავრცელებულ განცხადებაში, - „ქარტია მოუწოდებს სამართალდამცავებს დროულად, ადეკვატურად გამოიძიონ აღნიშნული ინციდენტი". სრულად  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია, „რუსთავი 2"-თან მომხდარ მოვლენებთან დაკავშირბეით, განცხადებას აკეთებს. „რუსთავი 2”-ს შენობასთან „ქართული მარშის" წევრებმა აქცია გამართეს და რუსთავი 2”-ის ჟურნალისტსა და იურისტს ავტომობილით გადაადგილების საშუალება არ მისცეს. აქციის მონაწილეები აცხადებდნენ, რომ გიორგი გაბუნიამ მათ რელიგიურ გრძნობებს შეუარცხყოფა მიაყენა და ამიტომ ბოდიშის მოხდას სთხოვდნენ. გავრცელებული ინფორმაციით, აქციის მონაწილეები აგრეთვე თავს დაესხნენ ტელეკომპანიის ჟურნალისტებს. მნიშვნელოვანია, რომ თავად ,,რუსთავი 2”-ის ეთიკის საბჭომ დროულად განიხილა შესული საჩივარი. საია მოუწოდებს ყველა პირს, თავისი ინტერესების დასაცავად რეაგირება მოახდინონ სამართლებრივი და არა ძალადობრივი გზით. მიგვაჩნია, რომ მედიაში გავრცელებული ინფორმაციიდან გამომდინარე, აქციის მონაწილეთა ქმედებები შეიცავს სისხლის სამართლის შემდეგი დანაშაულების ნიშნებს", - აცხადებს საია. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა-საქართველო" (TI), „ინფორმაციის თავისუფლების განვითარების ინსტიტუტი" (IDFI), „ეკონომიკური პოლიტიკის კვლევის ცენტრი" (EPRC), „საზოგადოება და ბანკები" „რუსთავი 2"-ზე თავდასხმის ფაქტს ეხმიანებიან. „სიტყვის გამოხატვისა და მედიის თავისუფლება გარანტირებულია როგორც საქართველოს კონსტიტუციით, ასევე ადამიანის უფლებათა ევროპული კონვენციით. პროტესტის გამოხატვის ფორმები არ უნდა სცილდებოდეს კანონით დადგენილ სტანდარტებს და არ უნდა შეიცავდეს ძალის გამოყენებას. ხელმომწერი ორგანიზაციები მოუწოდებენ სამართალდამცავ ორგანოებს დროულად გამოიძიონ "რუსთავი 2”-ის ჟურნალისტებზე თავდასხმისა და შეურაცხყოფის ფაქტი და უზრუნველყონ ქვეყანაში მედიის საქმიანობისთვის უსაფრთხო გარემოს შექმნა", - ნათქვამია მათ მიერ გავრცელებულ განცხადებაში. სრულად  წყარო: www.transparency.ge

თბილისი. საქართველოს ჟურნალისტური ეთიკის ქარტია მიმართავს შინაგან საქმეთა სამინისტროს და პროკურატურას, დროულად გამოიძიონ ტელეკომპანია „რუსთავი 2-ის" ჟურნალისტებზე 19 მარტს მომხდარი თავდასხმის ფაქტი. „ინციდენტის ამსახველი გავრცლებული ვიდეომასალებიდან იკვეთება არა მხოლოდ ჟურნალისტებისთვის პროფესიულ საქმიანობაში უკანონოდ ხელის შეშლის, არამედ იძულების, ძალადობის და სისხლის სამართლის სხვა დანაშაულების ნიშნები", - აცხადებს ქარტიის საბჭო, - „მნიშვნელოვანია სამართალდამცავებმა მომხდარს მისცენ სწორი სამართლებრივი კვალიფიკაცია, გამოიძიონ ოპერატიულად და ეფექტურად, რათა დადგეს იმ პირთა პასუხისმგებლობის საკითხი, რომლებმაც მედიაზე იძალადეს". სრულად  წყარო: ორგანიზაციის ვებგვერდი

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით საინფორმაციო სააგენტო „ინტერპრესნიუსის" ჟურნალისტმა ანა მარშანიამ დაარღვია ქარტიის მესამე პრინციპი, რომლის თანახმადაც ჟურნალისტმა არ უნდა მიჩქმალოს მნიშვნელოვანი ფაქტები, არ უნდა გააყალბოს დოკუმენტები და ინფორმაცია. „მის წინააღმდეგ განცხადება სამაუწყებლო კომპანია „ჰერეთმა" შემოიტანა. განმცხადებელი მიიჩნევდა, რომ 11 დეკემბერს „ინტერპრესნიუსმა" არაზუსტი ინფორმაცია გამოაქვეყნა და მიჩქმალა ფაქტები. სადავო მასალაში ორგანიზაცია IPR&Analytical Center-ის კვლევაზე დაყრდნობით აღნიშნული იყო, რომ თბილისში ყველაზე ხშირად რადიო „პალიტრის" საინფორმაციო გამოშვებას უსმენენ. განმცხადებელი რადიო "ჰერეთი" კი აღნიშნავდა, რომ ასეთი კვლევითი კომპანია არ არსებობს. "არ იძებნება არცერთი საძიებო სისტემით, არ აქვს ვებ-გვერდი, სხვა მისამართები", ნათქვამია ორგანიზაციის ვებგვერდზე. სრულად... წყარო: qartia.ge

თბილისი. „საერთაშორისო გამჭვირვალობა-საქართველოს" წარმომადგენლებმა ჟურნალისტებისთვის ჩაატარეს ტრენინგი, სადაც ორი დღის განმავლობაში მათ პრაქტიკულ ცოდნას უზიარებდნენ, თუ როგორ შეიძლება ღია მონაცემების გამოყენება. ეს ცოდნა ტრენინგში მონაწილეებს საგამოძიებო ჟურნალისტიკის უნარების განვითარებაში დაეხმარება. სრულად... წყარო: ორგანიზაციის ვებგვერდი სოციალურ ქსელში

თბილისი. 16 მარტს, საქართველოს სახალხო დამცველმა ნინო ლომჯარიამ საქართველოს პარლამენტს საზოგადოებრივი მაუწყებლის მეურვეობის კანდიდატად ზვიად დევდარიანი წარუდგინა. „სახალხო დამცველმა ამ რთული გადაწყვეტილების მიღებისას გაითვალისწინა დღეს საზოგადოებრივი მაუწყებლის წინაშე მდგარი გამოწვევები და მიიჩნია, რომ ზვიად დევდარიანი, რომელიც გაბედული, კვალიფიციური და მოტივირებული ადამიანია, შეძლებს მომდევნო 6 წლის განმავლობაში ღირსეულად და საფუძვლიანად შეასრულოს თავისი მოვალეობა; შეძლებს გავლენა მოახდინოს გადაწყვეტილების მიღების პროცესზე და ხარვეზების წარმოშობის შემთხვევაში, მათ შორის საბიუჯეტო რესურსების გამოყენებასთან დაკავშირებით, დროულად მოახდინოს საზოგადოების ინფორმირება", ნათქვამია განცხადებაში,. სრულად... წყარო: ombudsman.ge

თბილისი. ქალთა მოძრაობა სახალხო დამცველ ნინო ლომჯარიას განცხადებით მიმართავს. „საქართველოს ქალთა მოძრაობა,” რომელიც 2000-მდე ქალის არაფორმალური, სამოქალაქო გაერთიანებაა, მოგიწოდებთ, მხარი დაუჭიროთ ქალთა მოძრაობის ერთ-ერთ ლიდერს, ბაია (ბაბუცა) პატარაიას საქართველოს საზოგადოებრივი მაუწყებლის სამეურვეო საბჭოს წევრის პოზიციაზე. მოხარულები ვართ, რომ ბაია პატარაია არის იმ თორმეტ ადამიანს შორის, რომელთა კანდიდატურების პარლამენტში წარდგენასაც 13 მარტს საზოგადოებრივი მაუწყებლის სამეურვეო საბჭოს შესარჩევმა კომისიამ რეკომენდაცია გაუწია. ჩვენ ღრმად გვწამს, რომ ბაია პატარაია აკმაყოფილებს მაუწყებლობის შესახებ კანონით მეურვისთვის დადგენილ ყველა, მათ შორის „საზოგადოებრივი აღიარებისა და ნდობის მქონე პირის" კრიტერიუმს. ის ცნობილია, როგორც ქალთა და სხვა სოციალურად და პოლიტიკურად მარგინალიზებული ჯგუფების დამცველი და წარმატებული პროფესიონალი. აღსანიშნავია, რომ ბოლო წლებში პირადად მან უდიდესი როლი შეასრულა ქალის უფლებების დაცვასა და ქალთა საკითხების პოლიტიკურ დღის წესრიგში მუდმივად შენარჩუნებაში", ნათქვამია განცხადებაში. სრულად... წყარო: ორგანიზაციის ვებგვერდი სოციალურ ქსელში