თბილისი. საქართველოს ახალგაზრდა იურისტთა ასოციაციამ 16 აპრილს ციხისძირში მომხდარ ინციდენტთან დაკავშირებით განცხადება გაავრცელა. „მიგვაჩნია, რომ გავრცელებულ მასალებზე დაყრდნობით, 14 აპრილის ინციდენტში იკვეთება მოქალაქეებისათვის რელიგიური ნიშნით შეურაცხყოფის მიყენება, რაც ადამიანის ფუნდამენტური უფლების დარღვევაა. ამ სახის დანაშაულების პრევენციისთვის აუცილებელია დამნაშავე პირების სათანადო დასჯა", ნათქვამია განცხადებაში. სრულად  წყარო: gyla.ge 

თბილისი. არასამთავრობო ორგანიზაციებმა საკონსტიტუციო სასამართლოს შესახებ ორგანულ კანონში შესატან ცვლილებებთან დაკავშირებით განცხადება გაავრცელეს. „გვსურს მოვუწოდოთ საქართველოს პარლამენტს, განხილვის ვადას გაზრდასთან დაკავშირებით საჯარო კონსულტაციები საკონსტიტუციო სასამართლოსთან კანონპროექტის კენჭისყრამდე გაიაროს, ხოლო ბლანკეტური ნორმა შეცვალოს სასამართლოს დისკრეციული უფლებამოსილებით", ნათქვამია განცხადებაში. განცხადებას ხელსაწერს საერთაშორისო გამჭვირვალობა – საქართველო, სამართლიანი არჩევნებისა და დემოკრატიის საერთაშორისო საზოგადოება, ადამიანის უფლებების სწავლებისა და მონიტორინგის ცენტრი, საქართველოს დემოკრატიული ინიციატივა, საქართველოს კონსტიტუციის 42-ე მუხლი. სრულად  წყარო: transparency.ge 

თბილისი. საქართველოს ახალგაზრდა იურისტთა ასოციაცია და ორგანიზაცია „ციხის საერთაშორისო რეფორმა"  მიესალმებიან საქართველოს ხელისუფლების ინიციატივებს სისხლის სამართლის მართლმსაჯულების ლიბერალიზაციის მიმართულებით. ამავდროულად ორგანიზაციები ყურადღებას ამახვილებენ კანონპროექტში არსებულ იმ საკითხებზე, რომლებიც მათი აზრით, დახვეწას საჭიროებენ. სრულად წყარო: gyla.ge

თბილისი. ადამიანის უფლებათა ცენტრმა აგვისტოს ომის გამოძიებასთან დაკავშირებით განცხადება გაავრცელა. „ადამიანის უფლებათა ცენტრი მოუწოდებს საქართველოს მთავრობას, დროულად შეასრულოს ნაკისრი ვალდებულებები. ამავე დროს კიდევ ერთხელ მიმართავს საერთაშორისო  სისხლის სამართლის სასამართლოს პროკურორის ოფისს და მოუწოდებს, რომ თუკი ეროვნულ დონეზე წარმოებული გამოძიებები არ იქნება ეფექტური, დაიწყოს ოფიციალური გამოძიება საქართველოში 2008 წლის კონფლიქტის დროს ჩადენილ დანაშაულებზე", ნათქვამია განცხადებაში. სრულად წყარო: npo.ge

თბილისი. გაეროს განვითარების პროგრამის (UNDP) ფინანსური მხარდაჭერით გამოიცა ბროშურა და რუკა, სახელწოდებით „უფასო იურიდიული დახმარების ცენტრები საქართველოში". დოკუმენტები ხელს შეუწყობს თვითდამცველი პირებისათვის კვალიფიციური იურიდიული მომსახურების ხელმისაწვდომობას. „უფასო იურიდიული დახმარების ცენტრები საქართველოში" წყარო: საქართველოს სასამართლოების გვერდი სოციალურ ქსელში

აჭარა. 29 მარტს აჭარაში მოქმედმა არასამთავრობო ორგანიზაციებმა საიას თანამშრომლებსა და აჭარის მთავარი სამმართველოს უფროსს შორის გუშინ მომხდარი ინციდენტის შესახებ სპეციალურ განცხადება  გააკეთეს. „შს სამინისტროს გენერალურ ინსპექციასა და პროკურატურას არ აღმოაჩნდათ იმის ნება, რომ დაადგინონ ობიექტური სინამდვილე თუ რა მოხდა გუშინ გრიბოედოვის ქუჩაზე. უფრო მეტიც, შს სამინისტრომ საშური ოპერატიულობით, ანუ ახალგაზრდა იურისტთა ასოციაციის თანამშრომლების დაკითხვის დასრულებამდე სამართალდამრღვევად გამოაცხადა საია-ს თანამშრომლები", ნათქვამია განცხადებაში. სრულად 

თბილისი. ფემინისტების დამოუკიდებელმა ჯგუფმა 20 მარტს მომხდარ მკვლელობასთან დაკავშირებით ღია წერილი გაავრცელა, რომლითაც მთავარ პროკურორს, იუსტიციისა და  შინაგან საქმეთა მინისტრებს მიმართავს. წერილში ნათქვამია, რომ ეკა მეტრეველი ოჯახში ძალადობის ერთადერთი მსხვერპლი არ არის და საქართველოში ძალადობის სხვადასხვა ფორმა კრიტიკულ ნიშნულს აღწევს. „ფემინისტების დამოუკიდებელი ჯგუფი მოგიწოდებთ ქალბატონ თეა წულუკიანს, ბატონ ირაკლი ღარიბაშვილს და ბატონ არჩილ კბილაშვილს პირადი კონტროლის ქვეშ აიყვანოთ ამ კონკრეტული დანაშაულის გამოძიება და საჯაროდ დააფიქსიროთ სახელმწიფოს უმკაცრესი დამოკიდებულება ოჯახური დანაშაულის მიმართ. საქართველოში უნდა შეწყდეს ძალადობა ქალებზე. ამისათვის კი საჭიროა მსგავსი დანაშაულების მიმართ ნულოვანი ტოლერანტობის გამოყენება. აუცილებელია საქართველოს ხელისუფლებამ მკაფიოდ და ცალსახად ისაუბრობს აღნიშნულ სოციალურ პრობლემაზე და გაატაროს ქმედითი ღონისძიებები ოჯახური დანაშაულის პრევენციაზე, გამოვლენაზე, გამოძიებასა და დასჯაზე", ნათქვამია ღია წერილში.  სრულად  წყარო:ორგანიზაციის გვერდი სოციალურ ქსელში

თბილისი. ბათუმში მომხდარ ინციდენტთან დაკავშირებით საქართველოს იურისტთა ასოციაციამ მორიგი განცხადება გაავრცელა. საია შეშფოთებას გამოთქვამს გავრცელებულ ინფორმაციასთან დაკავშირებით, რომლის თანახმადაც, განადგურდა ინციდენტის ამსახველი უტყუარი მტკიცეულება – ვიდეო მასალა.  „მივიჩნევთ, რომ აღნიშნული შემთხვევა  არის ტესტი, რომელიც წარმოაჩენს თუ რა მიდგომა აქვს შსს-ს საკუთარი თანამშრომლების მიერ ჩადენილ სამართალდარღვევათა ფაქტებზე. ჯერ-ჯერობით სამწუხარო ფაქტია, რომ არათუ არ ხორციელდება სათანადო საგამოძიებო მოქმედებები, არამედ ყველაფერი კეთდება იმისთვის, რომ სიმართლე არ დადგინდეს და პოლიციის მაღალჩინოსნის მიერ ჩადენილი სავარაუდო დანაშაულის კვალი წაიშალოს. აღნიშნული შემთხვევა შესაძლოა  მიუთითებდეს უწყებაში არსებულ სისტემურ პრობლემებზე", ნათქვამია განცხადებაში. ზემოაღნიშნული გარემოებების მნიშვნელობიდან გამომდინარე საია შს მინისტრთან შეხვედრას მოითხოვს. სრულად  წყარო:gyla.ge 

თბილისი. საქართველოს ახალგაზრდა იურისტთა ასოციაცია ეხმაურება ბათუმში მომხდარ ინციდენტს და შეშფოთებას გამოთქვამს „აჭარის შს სამმართველოს უფროსის, ვალერიან თელიას ქმედების გამო, რომელიც საიას თანამშრომლების ფიზიკურ და სიტყვიერ შეურაცხყოფაში გამოიხატა". ორგანიზაციის ვებგვერდზე აღნიშნულია, რომ  შს სამინისტრო და მისი ნებისმიერი თანამშრომელი მოქალაქეთას ღირსებისა და უფლებების უპირველესი დამცველი უნდა იყოს და სწორედ ამ მიზნების მისაღწევადაა შექმნილი აღნიშნული უწყება. „პოლიციის მაღალჩინოსნის ზემოაღნიშნული ქმედება წინააღმდეგობაშია საქართველოს კანონმდებლობასთან და მის მაღალ პასუხისმგებლობასთან ამ ვითარებაში, სრულიად მიუღებელი და აღმაშფოთებელია აჭარის შს სამმართველოს უფროსის მიერ მოქალაქეებისათვის, ამ შემთხვევაში კი, საიას თანამშრომლებისათვის სიტყვიერი და ფიზიკური შეურაცხყოფის მიყენება. აღნიშნულს თან ახლდა ვალერიან თელიას მიერ საკუთარი თანამდებობრივი მდგომარეობის ხაზგასმა და საკუთარი ძალაუფლების მოქალაქეების საწინააღმდეგოდ გამოყენების მუქარა, რაც აბსოლუტურად შეუსაბამოა მის თანამდებობრივ ვალდებულებებთან", – ნათქვამია საიას განცხადებაში. საია მოითხოვს, გამოძიება ჩატარდეს დროულად, მიუკერძოებლად და ეფექტურად, ამასთან, ვალერიან თელიას მიმართ უნდა დადგეს შესაბამისი თანამდებობრივი პასუხისმგებლობის საკითხი. სრულად წყარო: gyla.ge 

ღია საზოგადოების ინსტიტუტმა ვიდეო გაავრცელა. 2015 წელს გაერთიანებული ერების ათასწლეულის პროგრამას ემატება კიდევ ერთი მიზანი, რომელიც მიღწეულ უნდა იქნას - სამართლიანობა უნდა გახდეს ყველასთვის ხელმისაწვდომი. ვიდეოში სწორედ ამ მიზნის შესახებ საუბრობენ ჯორჯ სოროსი, ღია საზოგადოების დამფუძნებელი და ორგანიზაციის სხვა წევრები მთელი მსოფლიოდან. ვიდეო     წყარო:opensocietyfoundations.org

აჭარა. 21 მარტს, ბათუმის დემოკრატიული ჩართულობის ცენტრის ორგანიზებით დისკუსია გაიმართა თემაზე:  „სისხლის სამართლის კოდექსის ლიბერალიზაცია". შეხვედრაზე განიხილეს საქართველოს სისხლის სამართლის სფეროს რეფორმის ძირითადი მიზანი და მიმართულებები, ასევე მისი შესაბამისობა სისხლის სამართლის ლიბერალურ პოლიტიკასთან. აღნიშნულ  დისკუსიაში მონაწილეობას ღებულობდნენ ბათუმის საქალაქო სასამართლოს თავმჯდომარე დავით მამისეიშვილი, აჭარის პროკურორის მოადგილე ირაკლი იმერლიშვილი, საქართველოს ახალგაზრდა იურისტთა ასოციაციის აჭარის ფილიალის თავმჯდომარე გია ქარცივაძე და ბათუმის უნივერსიტეტის ლექტორი - მაია ქათამაძე. აგრეთვე, დისკუსიას ესწრებოდნენ სამოქალაქო საზოგადოებისა და მედიის წარმომადგენლები.

თბილისი. ახალგაზრდა იურისტთა ასოციაცია „თბილავიამშენის" ყოფილ მესაკუთრეებს იურიდიულ დახმარებას უწევს. საია აცხადებს, რომ აქციონერთა განმარტებითა და საქმეში არსებულ მტკიცებულებებზე დაყრდნობით იკვეთება, რომ სხვადასხვა სახელმწიფო ორგანოთა მხრიდან მესაკუთრეთა მიმართ მთელი რიგი უკანონო ქმედებები განხორციელდა, რომელთა უმეტესობა აშკარად შეიცავს დანაშაულის ნიშნებს. „ქონების დაბრუნების მოთხოვნით ჩვენ მივმართავთ სასამართლოს. იმის გათვალისწინებით, რომ დღევანდელი ხელისუფლების პოლიტიკას და სურვილს წარმოადგენს წინა ხელისუფლების პირობებში პირთა უკანონოდ შელახული უფლებებისა და სამართლიანობის აღდგენა, რაც არაერთხელ საჯაროდაც იქნა გაცხადებული, გვაქვს იმის მოლოდინი, რომ ეკონომიკის სამინისტრო სწორ პოზიციას დაიჭერს, ხოლო სასამართლო მიიღებს კანონიერ გადაწყვეტილებას, დააკმაყოფილებს სასარჩელო მოთხოვნას და მოსარჩელეებს აღუდგენს შელახულ უფლებებს", – ნათქვამია ორგანიზაციის გვერდზე. სრულად წყარო: gyla.ge

თბილისი. „კოალიციამ დამოუკიდებელი და გამჭვირვალე მართლმსაჯულებისთვის" ნაფიც მსაჯულთა საკითხზე მთავრობის ახალ ინიციატივასთან დაკავშირებით საქართველოს პარლამენტისადმი მიმართვა გაავრცელა. „ვინაიდან იმ სისხლის სამართლის საქმეთა მიმართ, რომელშიც ყოფილი მაღალი თანამდებობის პირები არიან ბრალდებულნი, საზოგადოებრივი აზრი და დამოკიდებულება გარკვეულწილად უკვე შექმნილია, კოალიცია მიიჩნევს, რომ ბრალდებულს უნდა შეუნარჩუნდეს უფლება დასაბუთებული შუამდგომლობით უარი თქვას თავის საქმეში ნაფიც მსაჯულთა მონაწილეობაზე. სხვა შემთხვევაში კოალიცია ხედავს რისკების აღნიშნულ პირთა მიმართ მართლმსაჯულების სათანადოდ განხორციელებასთან დაკავშირებით", ნათქვამია  მიმართვაში. სრულად წყარო: gyla.ge

ქვემო ქართლი. „ციხის საერთაშორისო რეფორმამ" და ახალგაზრდა იურისტთა ასოციაციამ 18 მარტს, რუსთავში სამოქალაქო საზოგადოების მონაწილეობით დისკუსია ჩაატარეს. ღონისძიება მიეძღვნა საკანონმდებლო ცვლილებებს სისხლის სამართლის სფეროში, რომელშიც მონაწილეობას ღებულობდნენ ადგილობრივი ადვოკატები და არასამთავრობო ორგანიზაციების წარმომადგენლები. შეხვედრაზე განხილული იყო პატიმრობის კოდექსის, პრობაციის შესახებ კანონის და სისხლის სამართლის საპროცესო კოდექსის ცვლილებები. გარდა ამისა, ადვოკატებმა ასევე მოქმედი სისხლის სამართლის კოდექსის პრობლემატური საკითხების შესახებ იმსჯელეს. ორგანიზაცები მსგავს შეხვედრებს საქართველოს სხვა რეგიონებშიც ჩაატარებენ. მორიგი ღონისძიება 20 მარტს, გორში გაიმართება (მის: სტალინის # 7, დემოკრატიული ჩართულობის ცენტრი, დრო: 13:00-16:00სთ). ღონისძიებები იმართება პროექტის „სამოქალაქო საზოგადოების ჩართულობა სისხლის სამართლის ჰუმანიზაციისათვის" ფარგლებში, რომელიც დაფინანსებულია ევროკავშირის მიერ.

თბილისი. 9 მარტს, ფონდი „ღია საზოგადოება - საქართველოს" მხარდაჭერით გაიმართა კონფერენცია – „გარდამავალი პერიოდის მართლმსაჯულება საქართველოში". მას ესწრებოდნენ საქართველოს პარლამენტისა და მთავრობის წევრები, დიპლომატიური კორპუსის, საერთაშორისო და ადგილობრივი ორგანიზაციების წარმომადგენლები. კონფერენციის სტუმრები იყვნენ ღია საზოგადოების ფონდების საპატიო პრეზიდენტი,  Human Rights Watch-ისა და არაერთი გავლენიანი საერთაშორისო ადამიანის უფლებათა ორგანიზაციის დამფუძნებელი - არიე ნაიერი და ევროპის საბჭოს ადამიანის უფლებათა ყოფილი კომისარი და ამჟამად ევროკავშირის სპეციალური მრჩეველი იურიდიული და კონსტიტუციური რეფორმებისა და ადამიანის უფლებების სფეროში -  თომას ჰამერბერგი. კონფერენციის მსვლელობისას განხილულ იქნა გარდამავალ მართლმსაჯულებასთან დაკავშირებული საკითხები, საქართველოს გამოწვევები და საერთაშორისო გამოცდილება. სრულად წყარო:www.osgf.ge

თბილისი. საქართველოს იურისტთა ასოციაცია „ამნისტიის შესახებ" საქართველოს კანონის სასამართლო პრაქტიკაში არასწორ გამოყენებას ეხმიანება. საია ყურადღებას ამახვილებს თაღლითობაზე მსჯავრდებულის საქმეზე, რა შემთხვევაშიც კანონის განმარტება სამართლიანად არ მოხდა. „საქართველოს ახალგაზრდა იურისტთა ასოციაცია საჭიროდ მიიჩნევს, შეახსენოს როგორც სამართალდამცავ ორგანოებს, ისე სასამართლოს, რომ მათ ამნისტიის კანონი გამოიყენონ მისი მიზნიდან და ინდივიდის ინტერესებიდან გამომდინარე, კანონიერებისა და სამართლიანობის მოთხოვნათა დაცვით",  ნათქვამია ვებგვერდზე განთავსებულ განცხადებაში. სრულად წყარო: gyla.ge

თბილისი. „საერთასორისო გამჭვირვალობა საქართველომ" უფასო იურიდიული დახმარების ცხელი ხაზი  თბილისში, ბათუმში, ქუთაისსა და ზუგდიდში აამოქმედა. მათთვის ვისაც მიაჩნია, რომ სახელმწიფო არღვევს მათ უფლებებს, უკანონოდ ჩამოერთვა ქონება, პრობლემები შეექმნა ქონების დაკანონებისას ან ვერ სარგებლობს სახელმწიფო დაზღვევით გარანტირებული უფლებებით უფასო იურიდიული კონსულტაციებისთვის მოქმედებს ცხელი ხაზი: თბილისი: (32) 260 15 08; ბათუმი: (422) 29 44 88; ქუთაისი: (431) 29 26 54; ზუგდიდი: (415) 22 37 20.  წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველომ ვებგვერდზე გამოაქვეყნა განცხადება: „რატომ არ ვეთანხმებით პრეზიდენტის მიერ ინიცირებულ ფინანსურ ამნისტიას". მასში ნათქვამია, რომ საქართველოს პრეზიდენტმა პარლამენტს გადაუგზავნა „ამნისტიისა და არადეკლარირებული საგადასახადო ვალდებულებებისა და ქონების ლეგალიზაციის შესახებ" საქართველოს კანონის პროექტი, „რომელიც ითვალისწინებს გარკვეული ტიპის ფინანსური და ეკონომიკური დანაშაულის ჩამდენი პირების პასუხისმგებლობისგან გათავისუფლებას. მიგვაჩნია, რომ ამ კანონპროექტის სულისკვეთება და შინაარსი ბევრ კითხვას აჩენს და ეწინააღმდეგება სამართლიანობის აღდგენის პრინციპსა და კონკურენტული ბიზნეს გარემოს არსებობის იდეას".   სრულად წყარო:ორგანიზაციის გვერდი სოციალურ ქსელში

თბილისი. 11 არასამთავრობო ორგანიზაცია უკანასკნელ წლებში სასჯელაღსრულების სისტემაში დამკვიდრებული არაადამიანური მოპყრობის ფაქტებზე რეაგირებას მოითხოვს და 4 თებერვალს განცხადებას ავრცელებს.  „წამებისა და არაადამიანური მოპყრობის ფაქტების არაეფექტური გამოძიება წლების განმავლობაში წარმოადგენდა დაუსჯელობის წამახალისებელ ფაქტორს. თუმცა, ვინაიდან ეფექტური გამოძიება ამოსავალი წერტილია წამებასა და არაადამიანურ მოპყრობასთან ბრძოლაში, იგი უნდა წარმოადგენდეს ხელისფლების უპირველეს ამოცანას", ნათქვამია განცხადებაში. არასამთავრობო ორგანიზაციები სასჯელაღსრულების დაწესებულებებში მომხდარი ფაქტების გამოვლენისა და ეფექტური გამოძიებისთვის თავიანთ მოთხოვნებს აყენებენ და ხელისუფლებას დაზარალებულთა რეაბილიტაციის უზრუნველსაყოფად ქმედითი ნაბიჯების გადადგმისაკენ მოუწოდებენ. სრულად წყარო: gyla.ge

შიდა ქართლი. 29 იანვარს, გორის დემოკრატიული ჩართულობის ცენტრში, გაიმართა შეხვედრა საქართველოს ახალგაზრდა იურისტთა ასოციაციის ორგანიზებით. შეხვედრის თემა იყო წინა ხელისუფლების დროს დაპატიმრებულ მოქალაქეთა როგორც სისხლის სამართლის, ასევე ადმინისტრაციულ სამართალდარღვევათა იმ საქმეთა ანალიზი, რომლებიც საიამ შეისწავლა. შეხვედრას ესწრებოდა საზოგადოების წარმომადგენელთა ფართო სპექტრი: პოლიტიკური პარტიების წარმომადგენლები, საზოგადოებრივი ორგანიზაციები, მედია და აქტიური მოქალაქეები. შეხვედრის მონაწილეებს დაურიგდათ საიას მიერ გამოცემული წიგნის - „სავარაუდოდ პოლიტიკური მოტივაციის მქონე სისხლის სამართლის და ადმინისტრაციულ სამართალდარღვევათა საქმეების ანალიზი" -  მეორე ნაწილი, რომელშიც გაანალიზებული იყო რამდენიმე საქმე. ასევე იგივე სახელწოდებით მცირე ზომის ბროშურა – ინგლისურ და ქართულ ენებზე. წიგნი – „სავარაუდოდ პოლიტიკური მოტივაციის მქონე სისხლის სამართლის და ადმინისტრაციულ სამართალდარღვევათა საქმეების ანალიზი"

თბილისი. საქართველოს ახალგაზრდა იურისტთა ასოციაცია აქვეყნებს სამართლებრივ დასკვნას, „საქართველოს კონსტიტუციაში ცვლილებების შეტანის თაობაზე" საქართველოს კონსტიტუციური კანონის პროექტთან დაკავშირებით. რომლის გამოქვეყნებისა და საყოველთაო-სახალხო განხილვის საორგანიზაციო კომისიის შექმნის შესახებ დადგენილება საქართველოს პარლამენტმა 2012 წლის 28 დეკემბერს მიიღო. დასკვნა წყარო: gyla.ge/

თბილისი. „კოალიცია დამოუკიდებელი და გამჭვირვალე მართლმსაჯულებისთვის" ეხმაურება იუსტიციის სამინისტროს მიერ მომზადებულ კანონპროექტს, რომელიც შეეხება მაღალი საზოგადოებრივი ინტერესის მქონე საქმეების ნაფიც მსაჯულთა მონაწილეობით განხილვის რეგულირებას. ამ საკითხებზე კოალიცია განცხადებას ავრცელებს და მიმართავს საქართველოს პარლამენტს. კოალიციის მიმართა წყარო: gyla.ge