თბილისი. ინფორმაციის თავისუფლების განვითარების ინსტიტუტი აქვეყნებს პუბლიკაციას „თანამდებობის პირის ქონებრივი დეკლარაციის შემოწმების შედეგების გასაიდუმლოება ეწინააღმდეგება კონსტიტუციის და კონვენციის მოთხოვნებს“.  პუბლიკაციაში ნათქვამია, რომ „საკასაციო სასამართლომ უგულებელყო კონსტიტუციით დაცული ეროვნული სტანდარტი, დაავიწროვა საჯარო ინფორმაციის დეფინიცია და შეზღუდა საზოგადოების წვდომა მაღალი საჯარო ინტერესის მქონე ინფორმაციაზე“. სრულად... წყარო: ინფორმაციის თავისუფლების განვითარების ინსტიტუტი 

თბილისი. კოალიცია „დამოუკიდებელი და გამჭვირვალე მართლმსაჯულებისთვის“ განცხადებას ავრცელებს და „ქართული ოცნების“ მიერ დაინიცირებულ კანონპროექტს და ვენეციის კომისიის დასკვნას ეხმიანება.  „კოალიცია დამოუკიდებელი და გამჭვირვალე მართლმსაჯულებისთვის მოუწოდებს საქართველოს პარლამენტს, პირველ რიგში აღიაროს მართლმსაჯულების სისტემაში არსებულ პრობლემათა კომპლექსურობა, გაითვალისწინოს ვენეციის კომისიისა და ადგილობრივი აქტორების მოსაზრებები და დაიწყოს ინკლუზიური პროცესი რეალური და ფუნდამენტური რეფორმის გასატარებლად.“ - ნათვამია განცხადებაში  სრულად...  წყარო: კოალიცია „დამოუკიდებელი და გამჭვირვალე მართლმსაჯულებისთვის“

თბილისი. მედიის ადვოკატირების კოალიცია ეხმიანება მმართველი პარტიის მიერ “მაუწყებლობის შესახებ კანონში” ინიციირებულ მორიგ ცვლილებებს.  „მარეგულირებლის ხელში დამატებითი ძალაუფლების კონცენტრაცია ზრდის მისი ბოროტად გამოყენების რისკს. წარსული პრაქტიკის გათვალისწინებით, მედიის ადვოკატირების კოალიციისა და მედია ორგანიზაციებს შეშფოთების სრულიად ლეგიტიმური საფუძველი აქვს. კოალიცია კიდევ ერთხელ მოუწოდებს საპარლამენტო უმრავლესობას, რომ მედიასთან დაკავშირებული საკანონმდებლო ცვლილებები არ მიიღოს მაუწყებლებთან კონსულტაციისა და ფართო კონსენსუსის გარეშე, რასაც მოითხოვს ევროდირექტივა აუდიოვიზულაური მედიამომსახურების შესახებ.“ - ნათქვამია განცხადებაში  სრულად... წყარო: მედიის ადვოკატირების კოალიცია

თბილისი. სამართლიანმა არჩევნებმა ახალი პოლიტიკის დოკუმენტი გამოაქვეყნა.  მასში გაანალიზებულია პოლიტიკურ ფინანსებთან დაკავშირებით საქართველოში მოქმედი კანონმდებლობა, ჩამოყალიბებული პრაქტიკა და მათი საერთაშორისო სტანდარტებთან შესაბამისობა. „ერთ-ერთი მთავარი პრობლემა, რაც ამ კუთხით არსებობს, არის ფინანსური უთანასწორობა, რასაც ძირითადად ხელისუფლებაში მყოფი პარტიის მიერ, სხვა პარტიებთან შედარებით, გაცილებით მეტი შემოწირულობების მოზიდვის პრაქტიკა განაპირობებს. გარდა ამისა, შემოწირულობების საკითხი პრობლემურია პოლიტიკურ კორუფციაზე სუსტი ზედამხედველობის თვალსაზრისითაც“, ნათქვამია ორგანიზაციის ინფორმაციაში. სრულად... წყარო: სამართლიანი არჩევნები 

თბილისი. საერთაშორისო გამჭვირვალობა-საქართველო განათლებისა და მეცნიერების სამინისტროს მიერ საჯარო სკოლების დირექტორების შერჩევის პროცესს ეხმიანება.  განათლებისა და მეცნიერების სამინისტრომ საჯარო სკოლების დირექტორების შერჩევის პროცესი დაიწყო, რომელიც, ორგანიზაციის შეფასებით „მიზნად ისახავს სკოლის დირექტორთა პოლიტიკური ლოიალობის ნიშნით შერჩევას და საარჩევნო მიზნებისთვის მათ შესაძლო გამოყენებას.  (...) უკონკურენტო გარემოში სკოლის დირექტორთა კანდიდატების წარდგენის მიმდინარე პროცესი აჩენს ლეგიტიმურ ეჭვებს, რომ ხელისუფლების სავარაუდო მიზანი მმართველი პარტიისადმი ლოიალურად განწყობილი სკოლის დირექტორების გამწესებაა, რათა ადმინისტრაციული რესურსის გამოყენება 2024 წლის საპარლამენტო არჩევნებზე მარტივად შეძლოს. დირექტორთა კანდიდატების წარდგენისას გადამწყვეტი მათი კომპეტენცია და კვალიფიკაცია უნდა იყოს და არა მმართველი პარტიისადმი კეთილგანწყობა“, ნათქვამია განცხადებაში. სრულად... წყარო: საერთაშორისო გამჭვირვალობა-საქართველო

თბილისი. საქართველოს ახალგაზრდა იურისტთა ასოციაციამ საკონსტიტუციო სასამართლოს საჩივრით მიმართა. საიამ საკონსტიტუციო სასამართლოს მიმართა საინფორმაციო ცენტრების ქსელის სახელით.  დავის საგანს წარმოადგენს „საერთო სასამართლოების შესახებ“ საქართველოს ორგანული კანონის მე-13 პრიმა მუხლის მე-2 და მე-3 პუნქტები. გასაჩივრებული ნორმებით ირღვევა ინტერნეტ მედიის კონსტიტუცით გარანტირებული ინფორმაციის მოპოვებისა და გავრცელების უფლება, ასევე, თანასწორობის უფლება“. სრულად... წყარო: საქართველოს ახალგაზრდა იურისტთა ასოციაცია

13 ოქტომბერს კომენტარი გამართავს კონფერენციას: „მართლმსაჯულება კრიტიკული პერსპექტივიდან: სასამართლოს როლი სოციალური და ეკონომიკური უთანასწორობის დაძლევაში“.  ღონისძიებაზე დასწრების მსურველებმა, უნდა გაიარონ რეგისტრაცია შემდეგ ბმულზე https://shorturl.at/knpDF  ღონისძიების დეტალები https://shorturl.at/finTU კონფერენცია იმართება კომენტარის მიერ USAID სამართლის უზენაესობის პროგრამის მხარდაჭერით. პროგრამას ახორციელებს აღმოსავლეთ-დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. წყარო: პლატფორმა კომენტარი

თბილისი.დამოუკიდებელი და გამჭვირვალე მართლმსაჯულებისთვის კოალიციამ მართლმსაჯულების რეფორმის ხედვა წარადგინა. მართლმსაჯულების ფუნდამენტური რეფორმის განხორციელების მიზნით, კოალიცია მნიშვნელოვნად მიიჩნევს შემდეგი ნაბიჯების გადადგმას: „პირველი საფეხური: სასამართლო სისტემაში არსებული პრობლემების შეფასება საპარლამენტო/საგამოძიებო კომისიამ, ინკლუზიური და გამჭვირვალე პროცესით, სრულყოფილად და ობიექტურად უნდა გამოიკვლიოს სასამართლო სისტემაში არსებული არაფორმალური/კლანური და პოლიტიკური გავლენების მასშტაბი, ასევე კორუფციის დონე. მეორე საფეხური: სასამართლო სისტემის გაჯანსაღების სტრატეგია და სამოქმედო გეგმა სასამართლო სისტემაში არსებული პრობლემის მასშტაბის შეფასების შემდგომ, დაინტერესებულ პირთა ჩართულობით, მომზადდეს სასამართლო სისტემის რეალური გაჯანსაღების სტრატეგია და სამოქმედო გეგმა. მესამე საფეხური: სტრატეგიისა და სამოქმედო გეგმის იმპლემენტაცია  სტრატეგიითა და სამოქმედო გეგმით განსაზღვრულმა დაწესებულებებმა უნდა უზრუნველყონ შემუშავებული სტრატეგიისა და სამოქმედო გეგმის იმპლემენტაცია. იმპლემენტაციის პროცესი უნდა იყოს გამჭვირვალე და ინკლუზიური“.  სრულად...  წყარო: gyla.ge

თბილისი. მედიის ადვოკატირების კოალიცია განცხადებას ავრცელებს.  კოალიცია განცხადებაში გმობს „ ოთარ ფარცხალაძის დაცვის მიერ ტელეკომპანია „პირველისა და „ფორმულას“ გადამღებ ჯგუფებზე თავდასხმისა და პროფესიული საქმიანობის განხორციელების უკანონოდ ხელშეშლის ფაქტებს. კოალიცია მოუწოდებს ხელისუფლებას სასწრაფოდ გამოიძიოს აღნიშნული ფაქტები და პასუხისმგებაში მისცეს დამნაშავე პირები“.  სრულად... წყარო: მედიის ადვოკატირების კოალიცია

შიდა ქართლი. 2023 წლის 22 სექტემბერს სოციალური სამართლიანობის ცენტრი გორის მუნიციპალიტეტის სოფლებში, კოშკა და ტირძნისი მცხოვრები მოსახლეობისთვის სამართლებრივი დახმარების შეხვედრას გამართავს. სრულად...  წყარო:სოციალური სამართლიანობის ცენტრი

აჭარა.სოციალური სამართლიანობის ცენტრმა საკონსტიტუციო სასამართლოს სარჩელით მიმართა.  „არაკონსტიტუციურად მივიჩნევთ სისხლის სამართლის საპროცესო კოდექსის იმ ნორმებს, რომელიც გამორიცხავს საკონსტიტუციო სასამართლოს მიერ არაკონსტიტუციურად ცნობილი საპროცესო ნორმის საფუძველზე გამამტყუნებელი განაჩენის გადასინჯვას“, ნათქვამია ინფორმაციაში .  სრულად...  წყარო: სოციალური სამართლიანობის ცენტრი

თბილისი. პლატფორმა „კომენტარმა“ სამართლიანი მართლმსაჯულების ციკლის ფარგლებში მოამზადა საინფორმაციო მასალები.  გაეცანით მათ:  1.რა იწვევს გაუცხოებას სასამართლოს მიმართ? 2.რას გვთავაზობს ხალხზე ორიენტირებული მართლმსაჯულება?  3.რას გულისხმობს მართლმსაჯულებაზე ხელმისაწვდომობის კონცეფცია? 4.რატომ გვჭირდება ხელმისაწვდომი და ხარისხიანი იურიდიული დახმარება?  5.ანალიტიკური – როგორი მართლმსაჯულებისთვის ღირს ბრძოლა?  ციკლი მომზადდა კომენტარის მიერ USAID სამართლის უზენაესობის პროგრამის მხარდაჭერით.  სრულად...  წყარო: პლატფორმა „კომენტარი“

აჭარა. საქართველოს ახალგაზრდა იურისტთა ასოციაცია ეხმიანება ტელეკომპანია „მთავარი არხის“ ეთერში გასულ სიუჟეტს, რომელიც ეხება შუახევჰესის მდგომარეობას.  „სიუჟეტში აღნიშნულია, რომ ჰესი არის დაზიანებული და მისი ფუნქციონირება საფრთხისშემცველია. ჰესის გახსნიდან დღემდე რამდენჯერმე უკვე დაზიანდა ჰესის სხვადასხვა ნაწილები და ამის მიუხედავად, ჰესი კვლავ ფუნქციონირებს“. საია უკვე წლებია იცავს იმ ადგილობრივების ინტერესებს სასამართლოში, რომლებმაც დაიწყეს სასამართლოში დავა შუახევ ჰესის მშენებლობის ნებართვის კანონიერებასთან დაკავშირებით. დავის დაწყებიდან დღემდე გასულია 9 წელი და ჯერ კიდევ არ არის დასრულებული საქმის განხილვა სასამართლოში.  „საია მოუწოდებს საქართველოს გარემოს დაცვისა და სოფლის მეურნეობის სამინისტროს, სსიპ ტექნიკური და სამშენებლო ზედამხედველობის სააგენტოსა და სსიპ გარემოს ეროვნულ სააგენტოს კომპეტენციის ფარგლებში შეისწავლოს ჰესის ამჟამინდელი მდგომარეობა და მიიღოს ყველა ზომა, რათა თავიდან იქნეს აცილებული ის მძიმე შედეგები, რომლებიც შეიძლება მოჰყვეს ჰესის ამ პირობებში ფუნქციონირებას“.  სრულად...  წყარო: საქართველოს ახალგაზრდა იურისტთა ასოციაცია

თბილისი. საქართველოს ახალგაზრდა იურისტთა ასოციაცია აქვეყნებს ბლოგს საჯარო თანამდებობის დაკავების უფლებასთან დაკავშივრებული კონსტიტუციური გარანტიები.  ავტორი ლელა მაჭარაშვილი აღნიშნავს, რომ „საქართველოს კონსტიტუციის 25-ე მუხლის პირველი პუნქტი ადგენს საქართველოს ყოველი მოქალაქის უფლებას, წვდომა ჰქონდეს ნებისმიერ საჯარო თანამდებობაზე, თუ იგი აკმაყოფილებს კანონმდებლობით დადგენილ მოთხოვნებს. კონსტიტუციის ამ დანაწესის მნიშვნელობა ბევრად უფრო ფართოა, ვიდრე მხოლოდ კონკრეტული ინდივიდის შრომითი უფლების დადგენა.“  სრულად...  წყარო: საქართველოს ახალგაზრდა იურისტთა ასოციაცია

თბილისი. სოციალური სამართლიანობის ცენტრი ეხმაურება პარლამენტში იუსტიციის უმაღლესი საბჭოს არამოსამართლე წევრობის კანდიდატების კენჭისყრის დაანონსებულ პროცესს. ორგანიზაციის მიერ გავრცელებულ განცხადებაში ნათქვამია –  „მეორე ტურში გადასული კანდიდატების მხარდაჭერა ვერ უზრუნველყოფს იუსტიციის უმაღლეს საბჭოში არაფორმალური გავლენების შემცირებასა და ევროკომისიის რეკომენდაციის შესრულებას“. სრულად... წყარო: სოციალური სამართლიანობის ცენტრი

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, შინაგან საქმეთა სამინისტროს თანამშრომელი, გოგა რაზმაძე მის მიმართ დისკრიმინაციული და ღირსების შემლახავი მოპყრობის ფაქტებზე საუბრობს. „გოგა რაზმაძის მიერ განცხადებაში მოყვანილი გარემოებები არის საკმარისად კონკრეტული და მოითხოვს ეფექტურ რეაგირებას. ზოგიერთი ფაქტი კი დანაშაულის ნიშნებსაც შეიცავს. IDFI მხარდაჭერას უცხადებს გოგა რაზმაძეს და მოუწოდებს სამინისტროს, შეაჩეროს ნებისმიერი პროცესი, რომელიც შეიძლება მიზნად ისახავდეს თანამშრომლების შევიწროებას გამოთქმული აზრისთვის“, ნათქვამია ორგანიზაციის განცხადებაში. ვრცლად... წყარო: idfi.ge

თბილისი. საერთაშორისო გამჭვირვალობა - საქართველომ კიდევ ერთი ჟურნალისტის, თენგო გოგოტიშვილის საქმე მოიგო. ორგანიზაციის იურისტებმა საქმე სამივე ინსტანციის სასამართლოში მოიგეს. სრულად... წყარო: ორგანიზაციის გვერდი სოციალურ ქსელში

იმერეთი. საქართველოს ახალგაზრდა იურისტთა ასოციაცია (საია) სასამართლოში იცავდა სამტრედიის მუნიციპალიტეტის მერიაში შიდა აუდიტის სამსახურის მონიტორინგისა და შიდა კონტროლის განყოფილების უფროსის ინტერესებს, რომელიც დაწესებულებაში მრავალწლიანი მუშაობის შემდეგ სამსახურიდან გათავისუფლდა. „სასამართლომ უკანონოდ მიიჩნია მოხელის სამსახურიდან გათავისუფლება. ამასთან, მოპასუხე უწყებას დაევალა უკანონოდ გათავისუფლებული პირის სამსახურში აღდგენა და მისთვის იძულებითი განაცდურის ანაზღაურება“. სრულად... წყარო: gyla.ge

თბილისი. საქართველოს ახალგაზრდა იურისტთა ასოციაციას (საია) 2016 წლის ივლისში, მიმართა მოქალაქემ, რომელმაც განაცხადა, რომ იგი წლების განმავლობაში ჩართული იყო საამშენებლო ბიზნესში და აწარმოებდა დაკვეთით შესაბამის სამუშაოებს.  „მოქალაქის განმარტებით, იგი 2011 წელს, დაიბარეს სამართალდამცავ უწყებაში და განუცხადეს, რომ მის მიმართ აღიძრა სისხლის სამართლის საქმე, რომელზეც მხოლოდ იმ შემთხვევაში შეიძლებოდა საპროცესო შეთანხმების გაფორმება, თუ იგი მისი ნებით ქუთაისში შეასრულებდა 200 000 ლარის ღირებულების სამშენებლო სამუშაოებს. შესაძლო სისხლისსამართლებრივი პასუხისმგებლობის დაკისრების შიშის გამო, პირი დაეთანხმა შემოთავაზებას და მასთან 2012 წელს დაიდო შეთანხმება, რომლის საფუძველზე ყოველგვარი ანაზღაურების გარეშე განხორციელდა შიდასახელმწიფოებრივი მნიშვნელობის საავტომობილო გზის თბილისი-სენაკი-ლესელიძის 231 კმ-ის სარემონტო სამუშაოები. საიას დახმარებით, მოქალაქემ მიმართა თბილისის საქალაქო სასამართლოს და მოითხოვა შესაბამისი სარემონტო სამუშაოების ანაზღაურება სახელმწიფოსგან. თბილისის საქალაქო სასამართლოში საქმე წარმატებით დასრულდა. კერძოდ, მოპასუხე საავტომობილო გზების დეპარტამენტს მოსარჩელის სასარგებლოდ 171.000 ლარის გადახდა დაევალა“. მოსარჩელის ინტერესებს იცავდა საქართველოს ახალგაზრდა იურისტთა ასოციაცია. სრულად... წყარო: gyla.ge

თბილისი. „უფლებები საქართველოს“ იურიდიული დახმარებით, ირანელ ბლოგერს საერთაშორისო დაცვა მიენიჭა. საქართველოში თავშესაფარს იგი 2015 წლიდან ითხოვდა.  „ბლოგერი ირანში საპრეზიდენტო არჩევნების შემდეგ საპროტესტო გამოსვლებსა და მოძრაობებზე ღიად საუბრობდა მედიებთან. აქვეყნებდა სტატიებს ირანის პოლიტიკურ და სოციალურ-ეკონომიკურ წყობაზე და ამერიკასთან აქტიური თანამშრომლობის და ირანის პოლიტიკურ სისტემაში ცვლილებების განხორციელების სურვილს საჯაროდ აფიქსირებდა. 2009 წელს მას სასწავლო განყოფილება დახურეს, 2010 წელს კი უშიშროების სამსახურმა ანტი-ისლამურ ორგანიზაციებთან თანამშრომლობა დააბრალა და დააპატიმრა. ირანელმა ბლოგერმა, უძრავი ქონების გარანტიის სახით ჩადების სანაცვლოდ, საპატიმროდან თავი დაიხსნა და ქვეყანა დატოვა, რადგან შიშობდა, რომ თავისი საქმიანობის გამო, მის სიცოცხლეს საფრთხე ემუქრებოდა“. ვრცლად... წყარო: rights.ge

თბილისი. გაეცანით საქართველოს ახალგაზრდა იურისტთა ასოციაციის მოხალისეობრივი პროექტის „ერთი თვე სასამართლო მონიტორად“ მონაწილის, მევლუდ გუმბერიძის ბლოგპოსტს: საპროცესო შეთანხმება და მასთან დაკავშირებული დაკვირვებები ქუთაისის საქალაქო სასამართლოს პრაქტიკაზე დაყრდნობით. „საპროცესო შეთანხმების დადებამ, შესაძლოა, გავლენა მოახდინოს არა მარტო დაზარალებულზე, არამედ სხვა პირების ინტერესებზე. ეს კიდევ უფრო მეტ მნიშვნელობას სძენს პროცესის ეფექტიანი სასამართლო კონტროლს. საქმის არსებითი განხილვის გარეშე განაჩენის გამოტანა ქმნის შთაბეჭდილებას, რომ მოსამართლე თავიდანვე მოწოდებულია დაამტკიცოს მხარეებს შორის მიღწეული შეთანხმება, რაც საბოლოო ჯამში პროცესის მიმდინარეობას ფორმალურ ხასიათს სძენს“, ნათქვამია ბლოგპოსტში. სრულად... წყარო: gyla.ge

თბილისი. სოციალური სამართლიანობის ცენტრი გიზიარებთ თარგმანს, რომელიც ცდილობს პასუხი გასცეს შეკითხვას, რისი გაკეთება შეუძლიათ სასამართლოებს საკუთარი დამოუკიდებლობის დასაცავად და როგორი უნდა იყოს სტრატეგიები, რომლებიც ამ მიზნამდე მიგვიყვანს? „სტატიაში, პირველ რიგში, განხილულია სასამართლო ხელისუფლების ინსტიტუციური სისუსტეები ხელისუფლების სხვა შტოებთან მიმართებით და მათ კავშირი დამოუკიდებლობის საფრთხეებთან. ამასთან, თარგმანი ეხება სასამართლოს მიერ დამოუკიდებლობის მოპოვებისათვის საზოგადოების აღქმების გადამწყვეტ მნიშვნელობას და გადაწყვეტილების მიღების კრიტიკულ მახასიათებლებს, რომლებიც მისი ლეგიტიმაციის შესახებ არგუმენტებზე მსჯელობისას ფიგურირებს. ბოლოს, სტატია მიმოიხილავს სტრატეგიებს, რომლითაც სასამართლოებს შეუძლიათ იზრუნონ საზოგადოებაში საკუთარი ლეგიტიმაციის კულტივირებაზე და ყურადღების მიღმა არ ტოვებს იმ საფრთხეებსაც, რაც ამ სტრატეგიებს შესაძლოა მოჰქონდეს თავად სასამართლოს დამოუკიდებლობისთვის“. სრულად... წყარო: socialjustice.org.ge