თბილისი. 22 თებერვალს, 14:00 საათზე, საიას facebook გვერდზე, საიას იურისტები უპასუხებენ თქვენს შეკითხვებს, პენსიასთან დაკავშირებული სამართლებრივი საკითხების შესახებ.  შეკითხვების დატოვება შესაძლებელია პოსტის კომენტარებში ან პირად შეტყობინებებში.  სრულად...  წყარო: საქართველოს ახალგაზრდა იურისტთა ასოციაცია

თბილისი. სოციალური სამართლიანობის ცენტრი ეხმაურება აფხაზეთის დე ფაქტო პრეზიდენტის, ასლან ბჟანიას მიერ „არაკომერციული ორგანიზაციებისა და უცხოური აგენტის ფუნქციების შემსრულებელი პირების შესახებ“ კანონპროექტის პარლამენტისათვის წარდგენის ფაქტს.  „ამ კანონპროექტის მიღება არსებითად დააზიანებს და დაასუსტებს სამოქალაქო საზოგადოების მუშაობას აფხაზეთში, რაც ერთი მხრივ, გააძლიერებს რუსეთის კონტროლის ქვეშ ფუნქციონირებადი დე ფაქტო რეჟიმის არადემოკრატიულ ბუნებას, მეორე მხრივ კი, გაზრდის რეგიონის იზოლაციას და გააუარესებს აფხაზეთის მაცხოვრებლების პოლიტიკურ უფლებებსა და სოციალურ ყოფას...“ - ნათქვამია განცხადებაში  სრულად...  წყარო: სოციალური სამართლიანობის ცენტრი

თბილისი. სოციალური სამართლიანობის ცენტრმა და ახალგაზრდა იურისტთა ასოციაციამ ერთობლივი განცხადება გამოაქვეყნეს,  „გამოსახლების აქციაზე დაკავებული მოქალაქეების დაჯარიმება კრიტიკული აზრის ჩახშობას ისახავს მიზნად. ხელმომწერი ორგანიზაციები მოუწოდებენ ხელისუფლებას: „შინაგან საქმეთა სამინისტროს - შეწყვიტოს შეკრებების და მანიფესტაციების დროს მოქალაქეების მასობრივი დაკავების პრაქტიკა. ამავდროულად, სავალდებულო გახდეს სამართალდამცავებისთვის მოქალაქესთან კომუნიკაციის დროს სამხრე ვიდეო-კამერების ჩართვა; საერთო სასამართლოებს - აქტივისტების საქმეები განიხილოს შეკრებისა და გამოხატვის თავისუფლების სტანდარტების დაცვით და უზრუნველყოს დასაბუთებული გადაწყვეტილებების მიღება, რომლებიც არ დაემყარება მხოლოდ პოლიციელის ჩვენებას; სპეციალურ საგამოძიებო სამსახურს - დროულად და ეფექტიანად გამოიძიოს მშვიდობიანი შეკრების მონაწილეების მიმართ არაპროპორციული ძალის სავარაუდო გამოყენებისა და ღირსების შელახვის ფაქტები; საქართველოს პარლამენტს - დროულად უზრუნველყოს ადმინისტრაციული სამართალდარღვევათა კანონმდებლობის სისტემური რეფორმა;“ - ნათქვამია განცხადებაში სრულად... წყარო: სოციალური სამართლიანობის ცენტრი

თბილისი. საქართველოს ახალგაზრდა იურისტთა ასოციაციამ სისხლის სამართლის პროცესების მონიტორინგის N17 ანგარიშის პრეზენტაცია გამართა.  ანგარიში ასახავს სისხლის სამართლის სხდომების მონიტორინგის შედეგებს 2022 წლის ნოემბრიდან 2023 წლის ივლისის ჩათვლით პერიოდში თბილისის, ქუთაისის და ბათუმის სასამართლოებში.  აგრეთვე მონიტორინგის სხვადასხვა ეტაპზე გამოვლენილ ძირითად ტენდენციებს. საანგარიშო პერიოდში, საია დააკვირდა 844 სასამართლო სხდომას.  მონიტორინგის ანგარიში მომზადდა USAID Rule of Law Program I USAID სამართლის უზენაესობის პროგრამა მხარდაჭერით.  სრულად... წყარო: საქართველოს ახალგაზრდა იურისტთა ასოციაცა

თბილისი. საერთაშორისო გამჭვირვალობის მიერ გამოქვეყნებული 2023 წლის „კორუფციის აღქმის ინდექსის“ (CPI) მიხედვით, საქართველოს 53 ქულა აქვს.  „ეს მაჩვენებელი 3 წინა წელთან შედარებით 3 ქულით ნაკლებია. მიუხედავად იმისა, რომ საქართველო კვლავაც რეგიონში წამყვან პოზიციებზეა, მას ასეთი დაბალი ქულა 2015 წლის შემდეგ არ ჰქონია“, აღნიშნული საერთაშორისო გამჭვირვალობა– საქართველოს გვერდზე სოციალურ ქსელში.  იხილეთ ანგარიში სრულად... წყარო: საერთაშორისო გამჭვირვალობა-საქართველო

თბილისი. საქართველოს ახალგაზრდა იურისტთა ასოციაცია ახალ დოკუმენტს "დაკავებულთა უფლებების დაცვა ეფექტიანი საპოლიციო პროცედურების ჩამოყალიბებით" აქვეყნებს.  დოკუმენტში წარმოდგენილი რეკომენდაციები, შეეხება: დაკავებულის ურთიერთობას ადვოკატებთან, მისი ადგილსამყოფელის დადგენას და ზარის განხორციელების საკითხებს.  რეკომენდაციების დოკუმენტი მომზადდა USAID Rule of Law Program I USAID სამართლის უზენაესობის პროგრამა მხარდაჭერით.  სრულად... წყარო: საქართველოს ახალგაზრდა იურისტთა ასოციაცია

თბილისი. სოციალური სამართლიანობის ცენტრი რელიგიური ნაგებობებისა და ნივთების შეურაცხყოფის კრიმინალიზების ინიციატივას ეხმიანება.  „კანონპროექტზე დეტალური და ნიუანსირებული მსჯელობა მისი ტექსტის გასაჯაროების შემდეგ იქნება შესაძლებელი. თუმცა პირველადი და ზოგადი შეფასებით, სოციალური სამართლიანობის ცენტრი მიიჩნევს, რომ ახალი კანონმდებლობა შესაძლოა წინააღმდეგობაში მოდიოდეს გამოხატვის თავისუფლებით დადგენილ საერთაშორისო სტანდარტებთან და მსგავსი სუბიექტური სფეროს (შეურაცხყოფის) მოწესრიგების მცდელობამ დაარღვიოს განჭვრეტადობისა და კანონის უზენაესობის კონსტიტუციური პრინციპები.“ - ნათქვამია განცხადებაში სრულად...   წყარო: სოციალური სამართლიანობის ცენტრი  

შიდა ქართლი.26 დეკემბერს, სოციალური სამართლიანობის ცენტრი წეროვანში და შავშვებში მცხოვრები მოსახლეობისთვის სამართლებრივი კონსულტაციისთვის შეხვედრას გამართავს. შეხვედრაზე მოხდება მოსახლეობის სოციალური პრობლემების იდენტიფიცირება და გაზიარებული პრობლემების შესახებ ინფორმაციის მიწოდება შესაბამისი სახელმწიფო უწყებებისთვის. შეხვედრა ტარდება შვედეთის საერთაშორისო განვითარების თანამშრომლობის სააგენტოს (SIDA) და კვინა ტილ კვინას მიერ მხარდაჭერილი პროექტის, „კონფლიქტების ტრანსფორმაციის წახალისება კონფლიქტებთან დაკავშირებული ისტორიის კრიტიკული გადააზრების და ქალთა პერსპექტივების გაძლიერებით“, ფინანსური მხარდაჭერით. სრულად... წყარო: სოციალური სამართლიანობის ცენტრი

საიას ინფორმაციით – ადამიანის უფლებათა ევროპულმა სასამართლომ გიგა ოთხოზორიას მკვლელობის საქმეზე რუსეთის ფედერაციას სიცოცხლის უფლების დარღვევა დაუდგინა. გიგა ოთხოზორია 2016 წლის 19 მაისს, საქართველოსა და აფხაზეთის რეგიონს შორის არსებული ადმინისტრაციული საზღვრის მიმდებარედ, საქართველოს კონტროლირებად ტერიტორიაზე ე. წ. აფხაზმა „მესაზღვრემ“, რაშიდ კანჯი-ოღლიმ მოკლა. ოთხოზორიას მკვლელობის საქმესთან დაკავშირებით, ოჯახის წევრებმა ადამიანის უფლებათა ევროპულ სასამართლოს საჩივრით 2018 წლის 11 იანვარს მიმართეს.  საქმეს ევროპულ სასამართლოში აწარმოებდა საქართველოს ახალგაზრდა იურისტთა ასოციაცია. როგორც საქართველოს ახალგაზრდა იურისტთა ასოციაცია აღნიშნავს, გიგა ოთხოზორიას საქმეს გააჩნია სახელმწიფოებრივი მნიშვნელობა, რადგან ადამიანის უფლებათა ევროპულმა სასამართლომ იმსჯელა თუ, რამდენად ახორციელებს რუსეთის ფედერაცია ეფექტიან კონტროლს აფხაზეთის ტერიტორიაზე და რამდენად ეკისრება მას პასუხისმგებლობა აფხაზეთის დე-ფაქტო ხელისუფლების წარმომადგენელთა ქმედებებზე. სრულად...  წყარო: საქართველოს ახალგაზრდა იურისტთა ასოციაცია 

თბილისი. სოციალური სამართლიანობის ცენტრმა საკონსტიტუციო სასამართლოში წარადგინა სარჩელი, რომელიც უცხოელებისთვის საქართველოში შემოსვლაზე თვითნებური უარის ადმინისტრაციულ პრაქტიკას ასაჩივრებს.  წარდგენილი სარჩელით სოციალური სამართლიანობის ცენტრი ითხოვს „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის მე-11 მუხლის პირველი პუნქტის „ი“ ქვეპუნქტის არაკონსტიტუციურად ცნობას, რომელიც ადგენს, რომ „უცხოელს საქართველოს ვიზის გაცემაზე ან საქართველოში შემოსვლაზე შეიძლება უარი ეთქვას საქართველოს კანონმდებლობით გათვალისწინებულ სხვა შემთხვევებში.“  სოციალური სამართლიანობის ცენტრი აღნიშნულ საქმეს USAID სამართლის უზენაესობის პროგრამის მხარდაჭერით აწარმოებს.  სრულად... წყარო: სოციალური სამართლიანობის ცენტრი

თბილისი. საერთაშორისო გამჭვირვალობა-საქართველომ შეიმუშავა საკანონმდებლო წინადადება უსაფრთხოების სექტორზე საპარლამენტო კონტროლის გაძლიერების შესახებ.  „საკანონმდებლო წინადადება შეეხება ისეთ მნიშვნელოვან საკითხებს, როგორიცაა, მათ შორის: უსაფრთხობის სექტორის კონტროლისათვის პარლამენტში ახალი სტრუქტურის (კომიტეტი, ქვეკომიტეტი ან ნდობის ჯგუფი გაფართოებული მანდატით) შექმნა; საპარლამენტო კონტროლის სრულად გავრცელება სუს-ის ჩატარებულ ღონისძიებებზე, უსაფრთხოების სფეროში პერსონალურ მონაცემთა დაცვაზე და საიდუმლო შესყიდვებზე; სპეციალური ცოდნით აღჭურვილი ექსპერტების საბჭოს შექმნა, რომელიც კომპეტენტურად გააკონტროლებს უსაფრთხოების სამსახურის საქმიანობას.“ - ნათქვამია განცხადებაში  სრულად...  წყარო: საერთაშორისო გამჭვირვალობა საქართველო

თბილისი. გამჭვირვალობა – საქართველო აგრძელებს ქონებრივი დეკლარაციების მონიტორინგს.  „გიორგი ჭყონია ხელისუფლებასთან დაახლოებული ბიზნესმენი და “ქართული ოცნების” მსხვილი შემწირველია. ის ფლობს 20 კომპანიის წილს და ხელმძღვანელობს 3 კომპანიას. ეს კომპანიები, თავის მხრივ, ფლობენ სხვა კომპანიების წილებს. გიორგი ჭყონიას კომპანიებიდან 3 - Შპს „გზა”, შპს „ბათუმი ცენტრალი” და შპს „შატო კვირიკე” აქტიურად მონაწილეობს სახელმწიფო შესყიდვებში“ გაეცანით ბლოგს ვრცლად... წყარო: საერთაშორისო გამჭვირვალობა საქართველო

აჭარა.ევროპის იურისტ სტუდენტთა ასოციცია ბათუმი (Elsa Batumi) და საქართველოს ახალგაზრდა იურისტთა ასოციაციის აჭარის ფილიალი 7 დეკემბერს გამართავენ საჯარო ლექციას თემაზე – „სამოქალაქო სარჩელის წერის მეთოდიკა“.  სრულად... წყარო: საია

თბილისი.ადვოკატთა ასოციაციის წევრებისთვის ორდღიანი ტრენინგი ჩატარდა თემაზე: ადამიანის უფლებათა ევროპული კონვენციის მე-5 (თავისუფლებისა და ხელშეუხებლობის უფლება) და მე-6 (სამართლიანი განხილვის უფლება) მუხლები. შეხვედრის ფარგლებში განიხილეს ისეთი თემები, როგორებიცაა: ადამიანის უფლებათა ევროპული სასამართლოს მიერ დადგენილი პრინციპების გამოყენება სისხლის სამართლის პროცესში ადამიანის უფლებათა ევროპული კონვენციის მე-5 მუხლის ძირითადი პრინციპები: დაკავება, გაჩერება და ჩხრეკა, კანონიერება, მართლზომიერება და თვითნებობის დაუშვებლობა; ადამიანის უფლებათა ევროპული კონვენციის მე-5 მუხლის გამოყენება ადმინისტრაციული სამართალდარღვევის საქმეებზე; და ა.შ. ორდღიანი ტრენინგი ევროპის საბჭოს მხარდაჭერით ჩატარდა. სრულად... წყარო: საქართველოს ადვოკატთა ასოციაცია

თბილისი. საერთაშორისო გამჭვირვალობა-საქართველო ეხმიანება მთავრობის 2023 წლის 20 ნოემბრის სხდომაზე განხილულ საკითხებს. როგორც ორგანიზაცია აღნიშნავს, განსახლიველი 9 საკითხიდან 5 სახელმწიფო ქონების პრივატიზებას შეეხებოდა, რომელთაგან 4 გარკვეულ კითხვებს აჩენს.  „მოვუწოდებთ საქართველოს მთავრობის ადმინისტრაციას უარი თქვას მთავრობის განკარგულებებისა და პრემიერ-მინისტრის ბრძანებების დამალვის უკანონო პრაქტიკაზე“ - ნათქვამია განცხადებაში სრულად... წყარო: საერთასორისო გამჭვირვალობა-საქართველო

თბილისი.ტოლერანტობის და მრავალფეროვნების ინსტიტუტი (TDI) თავდაცვის კანონდებლობაში შესატანი ცვლილებების შესახებ შეფასებას ავრცელებს.  „როგორც ცნობილია, სექტემბერში პარლამენტმა მიიღო ახალი თავდაცვის კოდექსი და მასთან დაკავშირებული სხვა საკანონმდებლო ცვლილებები. ახალი კანონმდებლობა არის ანტიკონსტიტუციური და დისკრიმინაციული რელიგიის ნიშნით, არღვევს რწმენისა და რელიგიის თავისუფლების, თანასწორობის, პირადი ცხოვრების ხელშეუხებლობის და სამართლიანი სასამართლოს კონსტიტუციურ პრინციპებს.“ - ნათქვამია ორგანიზაციის შეფასებაში  სრულად... წყარო: ტოლერანტობის და მრავალფეროვნების ინსტიტუტი

თბილისი.ადამიანის უფლებათა ცენტრი საჩივრით მიმართავს თბილისის სააპელაციო სასამართლოს და მოითხოვს გაუქმდეს თბილისის საქალაქო სასამართლოს ადმინისტრაციულ საქმეთა კოლეგიის მიერ მიღებული გადაწყვეტილება, საპროტესტო აქციის მონაწილე სამოქალაქო აქტივისტების - ლაშა ჯანჯღავას და ლევან ნიშნიანიძის ადმინისტრაციულ სამართალდამრღვევად ცნობის და 2000 ლარით დაჯარიმების შესახებ.  როგორც ადამიანის უფლებათა ცენტრი აღნიშნავს, „საქმეზე შინაგან საქმეთა სამინისტროს არ წარმოუდგენია არანაირი სახის ვიდეომტკიცებულება და სამინისტროს წარმომადგენელი თავის მოსაზრებას ამყარებდა მხოლოდ დაკავებაში მონაწილე მოწმე პოლიციელების ჩვენებზე.“  სრულად... წყარო: ადამიანის უფლებათა ცენტრი

თბილისი.მედიის ადვოკატირების კოალიცია განცხადებას ავრცელებს მაუწყებლობის შესახებ კანონში დაგეგმილი ცვლილებების შესახებ.  „ეს ცვლილებები პირდაპირ უქმნის საფრთხეს საზოგადოებრივი მაუწყებლის დამოუკიდებლობასა და მიუკერძოებლობას, და ძირს უთხრის პერსპექტივას, რომ ის რეალურად გახდეს სახელმწიფო უწყებებისაგან და პოლიტიკური გავლენისაგან თავისუფალი. კანონპროექტის არსებული ფორმით მიღების შემთხვევაში, მედიის ადვოკატირების კოალიციის წევრები განიხილავენ საქართველოს საკონსტიტუციო სასამართლოსადმი მიმართვის შესაძლებლობას, ვინაიდან, ჩვენი შეფასებით, წარმოდგენილი ცვლილებები ეწინააღმდეგება მაუწყებლის ფინანსურ დამოუკიდებლობას, რომელიც საქართველოს კონსტიტუციითაა გარანტირებული.“ - ნათქვამია განცხადებაში სრულად... წყარო: მედიის ადვოკატირების კოალიცია

თბილისი.სოციალური სამართლიანობის ცენტრი, თემირლან მაჩალიკაშვილის სიცოცხლის ხელყოფის საქმეზე, სპეციალური საგამოძიებო სამსახურისგან მოითხოვს ევროპული სასამართლოს გადაწყვეტილების ჯეროვან აღსრულებას და ეროვნულ დონეზე საქმის გამოძიების დაუყოვნებლივ განახლებას.  სოციალური სამართლიანობის ცენტრი მოუწოდებს საგამოძიებო სამსახურს: „დაუყოვნებლივ განაახლოს თემირლან მაჩალიკაშვილის სიცოცხლის ხელყოფის საქმეზე გამოძიება, ევროპული სასამართლოს გადაწყვეტილების აღსრულების ფარგლებში; დროულად უზრუნველყოს რელევანტური საგამოძიებო/საპროცესო მოქმედებების ჩატარება, უპირველესად კი მალხაზ მაჩალიკაშვილის დაზარალებულის უფლებამონაცვლედ ცნობა და მისთვის სისხლის სამართლის საქმის მასალების გადაცემა“. სრულად... წყარო: სოციალური სამართლიანობის ცენტრი

თბილისი.საერთაშორისო გამჭვირვალობა – საქართველო მიწებთან დაკავშირებული ამნისტიის შესახებ ინფორმაციას აქვეყნებს.  ორგანიზაციის თანახმად, პარლამენტის მიერ სამი მოსმენით მხარდაჭერილი ამნისტიის შესახებ მთავრობის ინიციატივა გავრცელდება მხოლოდ იმ პირზე, რომელიც 2024 წლის 1 სექტემბრამდე სრულად აანაზღაურებს დანაშაულის ჩადენის შედეგად სახელმწიფოსათვის მიყენებულ ზიანს: დააბრუნებს მიწის ნაკვეთს ან თუ ეს შეუძლებელია, გადაიხდის მის საფასურს ბიუჯეტში“. სრულად...  წყარო: საერთაშორისო გამჭვირვალობა-საქართველო

თბილისი.საზოგადოებრივი ორგანიზაციები ეხმაურებიან მედიაში გავრცელებულ ინფორმაციას „რეპრესიული ნარკოპოლიტიკის პირობებში კიდევ ერთი ახალგაზრდისთვის მოსალოდნელი მძიმე სასჯელის შესახებ“. სსო–ები ერთობლივ განცხადებას ავრცელებენ, სადაც ერთის მხრივ პროკურატურას მოუწოდებენ მხედველობაში მიიღოს საქმის გარემოება და ბრალდებულის პიროვნება. ხოლო მეორე მხრივ მოუწოდებენ „ხელისუფლებას დაიწყოს მოქმედი ნარკოპოლიტიკის ფუნდამენტური და რეალური რეფორმა“.  სრულად... წყარო: სოციალური სამართლიანობის ცენტრი  

თბილისი.ადამიანის უფლებათა ცენტრმა გამოაქვეყნა ანალიტიკური დოკუმენტი -„მოსამართლის მიერ კითხვების დასმის უფლებამოსილების გამოყენება სავარაუდოდ პოლიტიკურად მოტივირებულ სისხლის სამართლის საქმეებზე“.  ანალიტიკური დოკუმენტის საკვლევი თემიდან გამომდინარე, ყურადღება გამახვილდება ადამიანის უფლებათა ცენტრის მონიტორინგის ქვეშ არსებულ 2 სისხლის სამართლის საქმეზე:  1. ივერი მელაშვილის და ნატალია ილიჩოვას (ე. წ. კარტოგრაფების) საქმე;  2. ბესიკ თამლიანის, ემზარ სიუკაევის, კახაბერ ქეშიკაშვილის, სტეფანე გიქოშვილისა და ლაშა სამხარაძის საქმე.  ადამიანის უფლებათა ცენტრი აღნიშნავს, რომ ანალიტიკურ დოკუმენტში, აგრეთვე, გაანალიზებულია მხარეთა მტკიცებულებების გამოკვლევის პროცესში მოსამართლის მონაწილეობის ხარისხი, შეფასდება მტკიცებულებების გამოკვლევის ეტაპზე მოსამართლის „აქტიურობა“ რამდენად თავსებადია საქართველოს საკონსტიტუციო სასამართლოს მიერ დადგენილ ზემოთ აღნიშნულ სტანდარტებთან. სრულად...  წყარო: ადამიანის უფლებათა ცენტრი