თბილისი. კოალიცია დამოუკიდებელი და გამჭვირვალე მართლმსაჯულებისთვის აქვეყნებს მანიფესტს: მართლმსაჯულების გადასარჩენად. „2018 წლის დეკემბერში კონსტიტუციის ახალი რედაქციის ამოქმედებიდან ქართული საზოგადოება დადგა თვისობრივად ახალი საფრთხის წინაშე – სასამართლოში გაბატონებულ ამ ჯგუფს, რომელიც წინა ხელისუფლების დროს იყო სასამართლოს კონტროლის ინსტრუმენტი, უკვე მიეცა შესაძლებლობა სრულად, უვადოდ დააკომპლექტოს ქვეყნის უმაღლესი და საბოლოო ინსტანციის სასამართლო. ამ ჯგუფმა თავისი ზრახვებისა და საკუთარი თავის ლუსტრაცია მოახდინა საზოგადოებისათვის მიუღებელი გადაწყვეტილებებით, მათ შორის უსამართლო და მორჩილი მოსამართლის სიმბოლოს – ლევან მურუსიძის საჩქარო უვადო გამწესებით და პარლამენტის წინაშე უზენაესი სასამართლოს წევრობის კანდიდატთა სიის წარდგენით, რომელიც შეიქმნა ფარულად, სათანადო კრიტერიუმების გარეშე და სამართლიანი პროცედურების დაუცველად. შესაბამისად, შეიქმნა რეალური საფრთხე, რომ საზოგადოება დაკარგავს დამოუკიდებელი სასამართლოს ჩამოყალიბების უკანასკნელ იმედს და ათწლეულების განმავლობაში სასამართლო სისტემა მოექცევა კლანის მმართველობის ქვეშ", ნათქვამია „საერთაშორისო გამჭვირვალობა - საქართველოს" ვებგვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: ბათუმში ახალი მეჩეთის მშენებლობის საქმის სასამართლოში განხილვა კვლავ ჭიანურდება. „სასამართლოების გადატვირთულობის პრობლემის მიუხედავად, მიგვაჩნია, რომ სასამართლო აღნიშნულ საქმეში დავის განხილვის ყველა გონივრულ ვადას არღვევს. ეს გარემოება საქმეზე მაღალი საზოგადოებრივი ინტერესისა და მუსლიმი თემისთვის მეჩეთის მშენებლობის საჭიროების გათვალისწინებით, ეფექტური მართლმსაჯულების განხორციელებისადმი უნდობლობას აღრმავებს", ნათქვამია ორგანიზაციის ვებგვერდზე. სრულად... წყარო: emc.org.ge

გაეროს ქალთა დისკრიმინაციის აღმოფხვრის კომიტეტში (CEDAW) საქართველოდან გაგზავნილი ფემიციდის საქმის განხილვა მიმდინარეობს. საქმე ერთ-ერთია 2014 წელს მომხდარი ფემიციდის შემთხვევებიდან, სადაც ქალი ყოფილმა მეუღლემ ოჯახში ძალადობის შედეგად მოკლა. ქალს ძალადობის გამო მიმართული ჰქონდა სამართალდამცავი ორგანოებისთვის, თუმცა მათ არ მიიღეს სათანადო ზომები ფემიციდის თავიდან ასაცილებლად. ამასთანავე, არ მომხდარა ფემიციდის, როგორც გენდერული დანაშულის, გამოძიება და დასჯა.  სრულად წყარო: gyla.ge

აჭარა. საქართველოს სახალხო დამცველმა გაიზიარა „ადამიანის უფლებების სწავლებისა და მონიტორინგის ცენტრის" (EMC) კრიტიკა ბათუმის საკრებულოს იმ გადაწყვეტილების მიმართ, რომლითაც მწვანე კონცხის მნიშვნელოვნად გამწვანებულ სივრცეში 28 სართულიანი სასტუმროს კომპლექსის მშენებლობა ხდება ნებადართული.  EMC აღნიშნულ საკითხზე საზოგადოება „ბათომის" სახელით, ბათუმის საქალაქო სასამართლოში აწარმოებს საქმეს და მიიჩნევს, რომ ეს გადაწყვეტილება საკრებულომ ქალაქგანვითარების პრინციპებისა და საჯარო ინტერესების უგულებელყოფით მიიღო. როგორც EMC -ის მიერ გავრცელებულ ინფორმაციაშია ნათქვამი, საქართველოს სახალხო დამცველი მწვანე კონცხის განაშენიანების საკითხზე ქ. ბათუმის საკრებულოსა და მერიის მიმართ გაცემული რეკომენდაციით იზიარებს EMC-ს პოზიციას და უკანონოდ მიიჩნევს აღნიშნულ დადგენილებას. კერძოდ, რეკომენდაციის თანახმად, ქ. ბათუმის საკრებულოს მიერ მითითებული გადაწყვეტილება მიღებული იყო საკითხის ყოველმხრივი გამოკვლევის გარეშე და ეწინააღმდეგება კანონმდებლობის მოქმედ რეგულაციებს, რის გამოც არსებობს აღნიშნული გადაწვეტილების ბათილად ცნობის საფუძველი.  სრულად წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრმა (EMC) საკონსტიტუციო სასამართლოს სარჩელით მიმართა. EMC მიიჩნევს, რომ არაკონსტიტუციურია კანონმდებლობის ის ნორმები, რომლებიც ერთი მხრივ, მნიშვნელოვნად ართულებს პირისთვის დაზარალებულის სტატუსის მინიჭების პროცესს, მეორე მხრივ კი, სტატუსის მინიჭების შემთხვევაშიც, სისხლის სამართლის პროცესში დაზარალებულის მონაწილეობას არსებითად ზღუდავს.  სრულად წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრის (EMC) ინფორმაციით, 15 იანვარს, 11:00 საათზე, გაიმართება სასამართლო სხდომა თემირლან მაჩალიკაშვილის უდანაშაულობის პრეზუმციის დარღვევის საქმეზე. „EMC მიიჩნევს, რომ სასამართლოს გამამტყუნებელი განაჩენის გარეშე, მტკიცებით ფორმაში თემირლან მაჩალიკაშვილის დამნაშავეობაზე მითითება, არღვევს უდანაშაულობის პრეზუმფციას", ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს დემოკრატიული ინიციატივა (GDI) პარლამენტის თავმჯდომარეს, ირაკლი კობახიძეს, გამოხატვის თავისუფლების შეზღუდვის გამო სასამართლოში უჩივის. „საქმე ეხება ირაკლი კობახიძის მიერ, საკუთარ ოფიციალურ Facebook გვერდზე, მარიამ დოლიძის გამოხატვის თავისუფლებით დაცული კრიტიკული მოსაზრებების შეზღუდვას. აღნიშნული საქმე პრეცედენტული მნიშვნელობისაა, რადგან საჯარო უწყებებისა და პოლიტიკური თანამდებობის პირთა მხრიდან ხშირია გამოხატვის თავისუფლების მსგავსი შეზღუდვის შემთხვევები. GDI აღნიშნული სარჩელით ითხოვს ირაკლი კობახიძისგან მოსარჩელისათვის ოფიციალურ Facebook გვერდზე „ბლოკის" მოხსნას", ნათქვამია ორგანიზაციის ვებგვერდზე. სრულად... წყარო: gdi.ge

თბილისი. კოალიცია „მედიის ადვოკატირებისთვის" ცილისწამებასთან დაკავშირებულ საკანონმდებლო ცვლილებებზე გაკეთებულ განცხადებებს ეხმაურება. „საქართველოს პრეზიდენტის განცხადებით, საჭიროა ისეთი კანონმდებლობა, რომელიც ადამიანის ღირსების მეტ დაცულობასაც უზრუნველყოფს და სიტყვის თავისუფლებასაც. საქართველოს პარლამენტის თავმჯდომარემ კი განაცხადა, რომ უნდა დაიწყოს მსჯელობა არა მხოლოდ ცილისწამების, არამედ მძიმე შეურაცხყოფისა და გახშირებული ბილწსიტყვაობის პრობლემის მოგვარებაზე. ჩვენი საზოგადოების მრავალწლიანი ძალისხმევის შედეგია ის, რომ მოქმედი კანონმდებლობა გამოხატვის თავისუფლების მაღალ სტანდარტს აწესებს და ეს ყოველთვის მიიჩნეოდა ქართული დემოკრატიის დიდ მონაპოვრად. ღრმად ვართ დარწმუნებული, რომ ნებისმიერი საკანონმდებლო ცვლილება, რომელიც გამოხატვის თავისუფლების დღეს არსებულ სტანდარტს გააუარესებს, საფრთხეს შეუქმნის ქვეყნის დემოკრატიულ განვითარებას", ნათქვამია ორგანიზაციის ვებგვერდზე. სრულად... წყარო: qartia.ge

თბილისი. 11 იანვარს, თბილისის სააპელაციო სასამართლოში გაიმართება სხდომა იუსტიციის უმაღლესი საბჭოს სხდომიდან ანა დოლიძის აცილების თაობაზე. „ანა დოლიძის ინტერესებს სასამართლოში იცავს საქართველოს ახალგაზრდა იურისტთა ასოციაცია, აცილების საფუძველი გახდა მოსამართლეთა უვადოდ დანიშვნის გასაუბრებების წინა პერიოდში ანა დოლიძის საჯარო განცხადებები სასამართლო სისტემაში არსებულ პრობლემებთან დაკავშირებით", ნათქვამია საიას ვებგვერდზე. სრულად... წყარო: gyla.ge

თბილისი. „რადიო თავისუფლების" ჩრდილოეთ კავკასიის ბიუროს ჟურნალისტის, ასლანბეკ დადაევისთვის საქართველოში შემოსვლის შეზღუდვის საქმეზე, „ადამიანის უფლებების სწავლებისა და მონიტორინგის ცენტრმა" (EMC) საქართველოს შინაგან საქმეთა სამინისტროს წინააღმდეგ თბილისის საქალაქო სასამართლოში სარჩელი შეიტანა. EMC -ის ინფორმაციით, დადაევი საზღვრის გადმოკვეთას 7 ნოემბერს ცდილობდა, თუმცა, შსს-ს სასაზღვრო პოლიციამ მას უარი უთხრა. EMC- მიიჩნევს, რომ უარი უსაფუძვლო იყო; გარდა ამისა, საქმეში იკვეთება გამოხატვის თავისუფლების, ჟურნალისტური საქმიანობის შეზღუდვისა და დისკრიმინაციის აკრძალვის სტანდარტების სავარაუდო დარღვევის ნიშნები.  სრულად  წყარო: ორგანიზაციის ვებგვერდი

თბილისი. „ადამიანის უფლებების სწავლებისა და მონიტორინგის ცენტრი" (EMC) აქვეყნებს ინფოგრაფიკას, სახელწოდებით - „ცვლილებები „პროკურატურის შესახებ" კანონში". მასალაში ასახულია რეფორმის მიზნები, მიღებული და შეთავაზებული ცვლილებები და შედეგები. სრულად წყარო: ორგანიზაციის ვებგვერდი

თბილისი. „ახალგაზრდა ადვოკატები" ავრცელებს ინფორმაციას, რომლის თანახმადაც სასამართლო თბილისის სახელმწიფო უნივერისტეტის მეცნიერების საქმეზე კომისიის თავმჯდომარეს და წევრებს დაკითხავს. „არჩილ კაიკაციშვილის თქმით, შეუძლებელია თსუ-ში ჩატარებული კონკურსის შედეგებს, წარდგენილი მტკიცებულებების ერთობლიობით, სასამართლომ სამართლიანი და კანონიერი უწოდოს. ამასთან, ადგილი აქვს სხვა არაერთ დარღვევას და დოკუმენტების შესაძლო გაყალბებას, რასაც შესაძლოა სისხლის სამართლის წესით მიცეს მსვლელობა. საქმის ფაქტობრივი გარემოებები მიუთითებს, რომ კონკურსში ადგილი ჰქონდა ნეპოტიზმს, კონკურსის შედეგები წინასწარ იყო ცნობილი და რექტორმა არავითარი რეაგირება არ მოახდინა დროებითი კომისიით თუ თსუ-ის იურიდიული დეპარტამენტის მითითებებზე, შეეგუა უკანონობის დაშვებას და ხარკი გადაიხადა გარკვეული ინტერესებისთვის, რასაც ორგანიზაცია სამართალწარმოების პროცესში, სააშკარაოზე გამოიტანს", ნათქვამია ორგანიზაციის ვებგვერდზე. სრულად... წყარო: www.barristers.ge

თბილისი. „საერთაშორისო გამჭვირვალობა - საქართველოს" იურისტის, ზვიად ცირეკიძის დახმარებით მოქალაქე ბაქარ კობახიძემ სასამართლო დავა მოიგო. სრულად... წყარო: ორგანიზაციის ვებგვერდი სოციალურ ქსელში

თბილისი. „20 ძირითადი დარღვევა თემირლან მაჩალიკაშვილის საქმეში" - ამ სათაურით „ადამიანი უფლებების სწავლებისა და მონიტორინგის ცენტრი" (EMC) რამდენიმე ინფოგრაფიკას აქვეყნებს. მასალა სპეცოპერაციის ჩატარებას, მტკიცებულებების მოპოვებას, საქმის ფორმალური გამოძიებას, ოჯახის წევრებისათვის დაზარალებულის სტატუსის მინიჭების საკითხებს შეეხება. სრულად წყარო: ორგანიზაციის ვებგვერდი

თბილისი. „მითების დეტექტორი" აქვეყნებს მარიამ ნუცუბიძის მასალას: მტკიცება, რომ საკონსტიტუციო სასამართლომ მართლმადიდებელი ეკლესია სექტებს გაუთანაბრა, მცდარია. „მტკიცება, თითქოს საკონსტიტუციო სასამართლოს მიერ მიღებულმა გადაწყვეტილებამ მართლმადიდებელი ეკლესიის სტატუსი შეცვალა და ის რელიგიური სექტების სტატუსს გაუთანაბრა, ტყუილია. საკონსტიტუციო სასამართლომ არაკონსტიტუციურად მიიჩნია საქართველოს მართლმადიდებელი ავტოკეფალური ეკლესიისათვის საქართველოს საგადასახადო კოდექსში და სახელმწიფო ქონების შესახებ საქართველოს კანონში არსებული ჩანაწერები. ამ გადაწყვეტილებებს მართლმადიდებელი ეკლესიის კონსტიტუციით განმტკიცებულ სამართლებრივ სტატუსთან კავშირი არ აქვს", ნათქვამია ორგანიზაციის ვებგვერდზე. სრულად... წყარო: mythdetector.ge

თბილისი. კოალიცია უზენაესი სასამართლოს მოსამართლეთა შერჩევის წესზე მუშაობის დაწყებას პარლამენტისგან დაუყოვნებლივ ითხოვს. „აუცილებელია უზენაესი სასამართლოს დაკომპლექტება უზრუნველყოფილ იქნას ისეთი პროფესიონალებით, რომელთაც არა მხოლოდ სათანადო ცოდნა და გამოცდილება აქვთ, არამედ მაღალი რეპუტაციაც პროფესიულ წრეებსა თუ ფართო საზოგადოებაში. მოსამართლეები, რომელთა მიმართაც არ არსებობს საზოგადოების ნდობა და რომლებიც არ გამოირჩევიან თავიანთი კეთილსინდისიერებითა და საქმისადმი მიუკერძოებელი დამოკიდებულებით, ვერ უზრუნველყოფენ მართლმსაჯულების სათანადოდ განხორციელებას და სასამართლო ხელისუფლება ათწლეულები დარჩება ერთ-ერთ ყველაზე დაბალი ნდობის მქონე ინსტიტუტად, რაც ქვეყნის დემოკრატიულად განვითარების პროცესს შეაფერხებს", ნათქვამია ერთობლივ განცხადებაში. სრულად... წყარო: www.transparency.ge

იმერეთი. ბაღდათის გენდერული თანასწორობის საბჭოს ორგანიზებით, ორგანიზაციამ „პარტნიორობა ადამიანის უფლებებისათვის” (PHR) საბავშვო ბაღის მასწავლებლებთნ საინფორმაციო შეხვედრა გამართა. შეხვედრაზე ისაუბრეს მასწავლებლის როლის შესახებ ძალადობაგამოვლილი ბავშვის მხარდაჭრის პროცესში, ასევე, ბავშვისა და ქალის მიმართ ძალადობის ფორმებისა და მათი ძალადობისგან დაცვის მექანიზმების, შესაბამისი უწყებებისთვის, ძალადობის შესაძლო მსხვერპლთა თაობაზე შეტყობინების ვალდებულების შესახებ.  სრულად  წყარო: ორგანიზაციის ვებგვერდი

<div style="text-align: justify;"><span style="font-weight: bold;">თბილისი.</span> „კოალიცია დამოუკიდებელი და გამჭვირვალე მართლმსაჯულებისთვის", საქართველოს უზენაესი სასამართლოს მოსამართლის თანამდებობაზე, იუსტიციის უმაღლესი საბჭოს მიერ კანდიდატების დასახელებასთან დაკავშირებით, განცხადებას ავრცელებს.</div> <div style="text-align: justify;">„იუსტიციის უმაღლესი საბჭოს მიერ, ყოველგვარი პროცედურის გარეშე და ისეთი კანდიდატების ნომინირების გამო, რომელთა უმეტესობა უკანონო და უსამართლო მართლმსაჯულების განხორციელებასთან ასოცირდება საზოგადოებაში. აშკარაა, რომ დასახელებული კანდიდატების პარლამენტის მიერ არჩევა გამოიწვევს სასამართლო სისტემაში კლანური მმართველობის გაძლიერებას და მომდევნო ათწლეულების განმავლობაში შეუძლებელს გახდის სასამართლოს დამოუკიდებლობის მიღწევას", - ვკითხულობთ განცხადებაში, - „ზემოაღნიშნულიდან გამომდინარე, კოალიცია მოუწოდებს საქართველოს პარლამენტს: უარი თქვას უზენაესი სასამართლოს მოსამართლის თანამდებობაზე წარდგენილ კანდიდატთა სიაზე; დაუყოვნებლივ დაიწყოს მუშაობა საკანონმდებლო ცვლილებებზე, რომელიც კონსტიტუციასთან და საერთაშორისო სტანდარტებთან შესაბამისობაში მოიყვანს უზენაესი სასამართლოს მოსამართლეების არჩევის წესსა და კრიტერიუმებს; შერჩევის პროცესი უნდა დაიწყოს მხოლოდ საკანონმდებლო ცვლილებების მიღების შემდეგ და ხელახლა უნდა მოხდეს, კანონით დადგენილი წესით, კანდიდატურების ნომინირება".</div> <div style="text-align: justify;"><a href="http://coalition.ge/index.php?article_id=197&clang=0" target="_blank" style="font-weight: bold;">სრულად </a></div> <div style="text-align: justify;">წყარო: coalition.ge</div> <div style="text-align: justify;"><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრის" (EMC) იურისტი, მაჩალიკაშვილების საქმის ადვოკატი, ქეთი ჩუთლაშვილი აქვეყნებს - სტატიას „რატომ არის უსაფუძვლო სუსის ბრალდებები".</div> <div style="text-align: justify;">სტატიაში საუბარია საქართველოს სახელმწიფო უსაფრთხოების სამსახურის (სუს-ის) მიერ 2018 წლის 26 დეკემბერს, პანკისის ხეობის რამდენიმე სოფელში ჩატარებული ოპერაციის თაობაზე. „რა ინფორმაციას ავრცელებს სუს-ი და რატომ არის ეს ინფორმაცია არავალიდური? რა არის ტერორიზმის მხარდაჭერა და მიუთითებს თუ არა სუს-ის მიერ გავრცელებული ინფორმაცია თემირლან მაჩალიკაშვილის მიერ ამ დანაშაულის ჩადენაზე? შეინიშნება თუ არა სისხლის სამართლებრივი პროცედურებისა და უდანაშაულობის პრეზუმფციის უხეში დარღვევა სუს-ის გავრცელებული ინფორმაციით", - ეს არის საკითხები, რომელსაც ავტორი ამ სტატიაში მიმოიხილავს.</div> <div style="text-align: justify;"><a href="http://emc.org.ge/ka/products/ratom-aris-usafudzvlo-susis-braldebebi" target="_blank" style="font-weight: bold;">სრულად </a></div> <div style="text-align: justify;">წყარო: emc.org.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ღია საზოგადოება - საქართველოსა" და „ადამიანის უფლებების სწავლებისა და მონიტორინგის ცენტრის" (EMC) ორგანიზებით, უზენაესი სასამართლოს დაკომპლექტების საკითხთან დაკავშირებით, დახურული შეხვედრა გაიმართა. შეხვედრის მონაწილე საზოგადოებრივმა ორგანიზაციებმა, ადვოკატებმა, ყოფილმა მოსამართლეებმა და უფლებადამცველებმა ქართულ სასამართლოში შექმნილი ვითარება განიხილეს და უზენაესი სასამართლოს დაკომპლექტების პროცესში არსებული ხარვეზების შესახებ იმსჯელეს.</div> <div style="text-align: justify;">მათი შეფასებით, უზენაესი სასამართლოს მოსამართლეების დაკომპლექტების პროცესი გაუმჭვირვალედ მიმდინარეობს; შეინიშნება „კლანის გაძლიერებისა" და კორუფციის საფრთხე. ამ გარემოებას ხელს უწყობს ფართო დისკრეცია და სასამართლოს ხელთ არსებული სრული ძალაუფლება, რასაც მას ახალი კონსტიტუცია ანიჭებს.</div> <div style="text-align: justify;"><a href="http://www.osgf.ge/index.php?lang_id=GEO&sec_id=15&info_id=5331" target="_blank" style="font-weight: bold;">სრულად </a></div> <div style="text-align: justify;">წყარო: www.osgf.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრი" (EMC) აცხადებს, რომ ფარული საგამოძიებო მოქმედებების ყველა სამოხელეო დანაშაულზე გავრცელება დაუშვებელია.</div> <div> <div style="text-align: justify;">„საქართველოს პარლამენტი განიხილავს მთავრობის ინიციატივას „საქართველოს სისხლის სამართლის საპროცესო კოდექსში ცვლილების შეტანის შესახებ" (07-2/265; 25.10.2018), რომლის თანახმად, ფარული საგამოძიებო მოქმედებები ყველა სამოხელეო დანაშაულზე უნდა გავრცელდეს", - ნათქვამია EMC-ის მიერ გავრცელებულ განცხადებაში, - „წარმოდგენილ კანონპროექტთან დაკავშირებით, რამდენიმე ძირითადი საკითხი გვსურს გამოვყოთ, რომლებზეც საქართველოს პარლამენტმა ყურადღება უნდა გაამახვილოს: ფარული საგამოძიებო მოქმედებების გავრცელება ყველა სამოხელეო დანაშაულზე, მათ შორის გაუფრთხილებლობით ჩადენილ დანაშაულებზეც, დაუშვებელია; საკანონმდებლო ცვლილებები კორუფციასთან ბრძოლის არაეფექტურ და შეუსაბამო გზას წარმოადგენს; საკანონდებლო ცვლილებები ცდება ადამიანის უფლებათა ევროპული სასამართლოს გადაწყვეტილების აღსრულების ფარგლებს; პარლამენტმა უნდა შეისწავლოს ფარული საგამოძიებო მოქმედებების მარეგულირებელი კანონმდებლობის აღსრულება და მხოლოდ მას შემდეგ იქნას შემუშავებული საკანონმდებლო ცვლილებები; ფარული საგამოძიებო მოქმედებების მარეგულირებელი კანონმდებლობის შესახებ საკონსტიტუციო სასამართლოს გადაწყვეტილებამდე, ფრაგმენტული ცვლილებები არ უნდა განხორციელდეს".</div> <div style="text-align: justify;"><a href="http://emc.org.ge/ka/products/faruli-sagamodziebo-mokmedebebis-qvela-samokheleo-danashaulze-gavrtseleba-daushvebelia" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div></div>

<div style="text-align: justify;"><span style="font-weight: bold;">თბილისი. </span>საქართველოს ადვოკატთა ასოციაციის განცხადება უზენაესი სასამართლოს მოსამართლეობის კანდიდატთა ნომინირებასთან დაკავშირებით.</div> <div style="text-align: justify;">„უზენაესი სასამართლოს მოსამართლეობის კანდიდატებად მხოლოდ მოქმედი მოსამართლეების წარდგენამ, მაშინ როდესაც იურიდიულ პროფესიაში მოღვაწეობს მაღალი კვალიფიკაციის, რეპუტაციისა და ნდობის მქონე არაერთი იურისტი, რომელთაც არ მიეცათ ნომინირების პროცესში მონაწილეობის შესაძლებლობა, შეიძლება შექმნას რისკი, რომ სასამართლო ჩამოყალიბდეს დახურულ სისტემად, რაც კიდევ უფრო დააზიანებს მართლმსაჯულების გამჭვირვალობისა და ანგარიშვალდებულების სტრატეგიულ მიზნებს", ნათქვამია ასოციაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/GeorgianBarAssociation/posts/1995467140488754?__tn__=K-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>