<div style="text-align: justify;"><span style="font-weight: bold;">თბილისი.</span> ადამიანის უფლებების სწავლებისა და მონიტორინგის ცენტრი (EMC) აქვეყნებს ერთობლივ მიმართავს დიპლომატიური მისიების ხელმძღვანელების მისამართით.</div> <div style="text-align: justify;">„ამ ქვეყნის მოსახლეობას უსამართლო მართლმსაჯულების მძიმე გამოცდილება აქვს. საზოგადოება კარგად აცნობიერებს, რომ დღეს სასამართლოში გარდამტეხი პროცესი მიმდინარეობს. სამწუხაროდ, ბოლო მოვლენებმა კიდევ ერთხელ ნათლად დაადასტურა, რომ წლების განმავლობაში გადადგმული ნაბიჯები, არ აღმოჩნდა საკმარისი ძლიერი და დამოუკიდებელი სასამართლოს შესაქმნელად", ნათქვამია ორგანიზაციის ვებგვერდზე.</div> <div style="text-align: justify;"><a href="http://emc.org.ge/ka/products/ghia-tserili-diplomatiuri-misiebis-khelmdzghvanelebs" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div> <div><br /> </div>

<div style="text-align: justify;"><span style="font-weight: bold;">თბილისი. </span>ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: მოსახლეობის ცოდნა და დამოკიდებულება უზენაესი სასამართლოს მოსამართლეების შერჩევის პროცესის მიმართ.</div> <div style="text-align: justify;">„რა სმენია საქართველოს მოსახლეობას ამ პროცესის შესახებ? სატელეფონო გამოკითხვის მიხედვით, რომელიც უზენაესი სასამართლოს მოსამართლეობის კანდიდატების წარდგენის შემდეგ ჩატარდა, საზოგადოებას არ აქვს ბევრი ინფორმაცია დანიშვნის პროცესზე და უმეტესად არ იცნობს წარდგენილ კანდიდატებს. გამოკითხული რესპონდენტები არც იმ კანდიდატთა დანიშვნას ემხრობიან, რომელთა შესახებაც ინფორმაცია აქვთ. და ბოლოს, მოსახლეობას უარყოფითი დამოკიდებულება აქვს თბილისის სააპელაციო სასამართლოში ლევან მურუსიძის უვადო მოსამართლედ დანიშვნასთან დაკავშირებით.</div> <div style="text-align: justify;">საქართველოს სრულწლოვანი ქართულენოვანი მოსახლეობის ზუსტად ნახევარს სმენია უზენაესი სასამართლოს მოსამართლეების წარდგენისა და პარლამენტის მიერ განხილვის გადადების შესახებ. მათი დაახლოებით მეხუთედი (22%) ნდობას უცხადებს ამ პროცესს. თითქმის ნახევარი (48%) არ ენდობა, ხოლო 30%-ს ამასთან დაკავშირებით ჩამოყალიბებული პოზიცია არ გააჩნია", ნათქვამია ორგანიზაციის ვებგვერდზე.</div> <div style="text-align: justify;"><a href="http://idfi.ge/ge/selection_of_supreme_court_judges_public_knowledge_and_attitudes_about_the_process" target="_blank" style="font-weight: bold;">სრულად...</a></div> <div style="text-align: justify;">წყარო: idfi.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საერთაშორისო გამჭვირვალობა - საქართველო აქვეყნებს ბლოგპოსტს: ოცნების სასამართლოს ანატომია.</div> <div style="text-align: justify;">„2012 წლის საპარლამენტო არჩევნების შემდეგ გამარჯვებული პოლიტიკური ძალის ერთ-ერთი მთავარი დაპირება სწორედ სამართლიანი სასამართლოს შექმნა იყო, თუმცა დღემდე განვითარებული მოვლენების ქრონოლოგია მოწმობს, რომ „ქართულმა ოცნებამ” სასამართლოს გაჯანსაღების ძლიერი პოლიტიკური ნება ვერ გამოავლინა. ხელისუფლების ცვლილებიდან 7 წლის შემდეგ სასამართლო ხელისუფლების სადავეებთან კვლავაც ის მოსამართლეები არიან, რომლებიც წლების მანძილზე უსამართლო და მორჩილ სასამართლო სისტემასთან ასოცირდებოდნენ. უზენაეს სასამართლოში მოსამართლეების კანდიდატების წარდგენის არაჯანსაღმა პროცესმა თვალნათლივ გამოაჩინა, რომ სასამართლო სისტემა ღრმა კრიზისშია", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/ocnebis-sasamartlos-anatomia" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div><br /> </div>

<div style="text-align: justify;"><span style="font-weight: bold;">თბილისი. </span>„საქართველოს დემოკრატიული ინიციატივა” (GDI) მართავს ტრენინგებს თემაზე „საკონსტიტუციო სამართალწარმოება: თეორია და პრაქტიკული ასპექტები”.</div> <div style="text-align: justify;">ტრენინგები ტარდება როგორც თბილისში, ასევე რეგიონებში და მას უძღვებიან საკონსტიტუციო სამართალწარმოების ექსპერტები, რომლებსაც აქვთ მრავალწლიანი გამოცდილება საკონსტიტუციო სასამართლოში მოღვაწეობისა თუ მოსარჩელეთა წარმომადგენლობის კუთხით”, ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/gdi.ge/photos/?tab=album&album_id=1135429509951928&__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> ადამიანის უფლებების სწავლებისა და მონიტორინგის ცენტრმა (EMC) საგამოძიებო სისტემის რეფორმასთან დაკავშირებით, ვენეციის კომისიას მოსაზრებები გაუზიარა.</div> <div style="text-align: justify;">„EMC მიიჩნევს, რომ რეფორმის მიზნების მისაღწევად აუცილებელია, გამომძიებლის საპროცესო და პროფესიული სტატუსის ცვლილება, გამომძიებლის და პროკურორის უფლებამოსილების მკაფიო გამიჯვნა და გამოძიების პროცესიდან პროკურორის გონივრული დისტანცირება.</div> <div style="text-align: justify;">ორგანიზაციის მოსაზრებით, პროკურორი მხოლოდ დევნაზე უფლებამოსილი სუბიექტი უნდა იყოს, რომელსაც არ ექნება უშუალო საგამოძიებო და გამოძიების საპროცესო ხელმძღვანელობის უფლებამოსილება. ამ რეფორმამ უნდა შეძლოს გამომძიებლის და პროკურორის პროცესუალური დისტანცირება და გამომძიებლის დამოუკიდებლობის გაზრდა.</div> <div style="text-align: justify;">EMC დადებითად აფასებს გამოძიების მიმდინარეობის ხარისხის კონტროლის მიზნით, ცენტრალიზებულ დონეზე შესაბამისი, დროებითი სტრუქტურული ერთეულის შექმნის იდეას, რომელიც რეფორმის საწყის ეტაპზე აიღებს გამოძიების ხარისხის კონტროლის ფუნქციას და დაეხმარება საგამოძიებო ორგანოებს, პროცესის წარმართვის კარგი პრაქტიკის ჩამოყალიბებასა და დანერგვაში", ნათქვამია ორგანიზაციის ვებგვერდზე.</div> <div style="text-align: justify;"><a href="http://emc.org.ge/ka/products/emc-im-sagamodziebo-sistemis-reformastan-dakavshirebit-venetsiis-komisias-mosazrebebi-gauziara" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div>

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველო” წარმოგიდგენთ საერთაშორისო ავტორიტეტული ორგანიზაციების რეიტინგების, ყოველწლიური ანგარიშების მიმოხილვას და საერთაშორისო პარტნიორების შეფასებებს.</div> <div style="text-align: justify;">„The Heritage Foundation-მა 2019 წლის ეკონომიკური თავისუფლების ინდექსი გამოქვეყნა, სადაც წინა წელთან შედარებით საქართველოში სასამართლოს ეფექტიანობის მდგომარეობა 9.6%-ით შემცირდა. ამ მაჩვენებლით 2019 წელს საქართველომ მეტწილად არათავისუფალი ქვეყნების რიგში გადაინაცვლა", ნათქვამია ბლოგპოსტში.</div> <div style="text-align: justify;"><a href="http://www.transparency.ge/ge/blog/saertashoriso-reitingebit-sasamartlos-mdgomareoba-uaresdeba" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საზოგადოებრივი ორგანიზაციების ნაწილი, „თიბისი ბანკთან" დაკავშირებით განვითარებული მოვლენების გამო, განცხადებას ავრცელებს.</div> <div style="text-align: justify;">„ხელმომწერი ორგანიზაციები ვეხმაურებით ბოლო პერიოდში, სს „თიბისი ბანკის" გარშემო მიმდინარე მოვლენებს. საჯაროდ ხელმისაწვდომი ინფორმაციიდან გამომდინარე, მიგვაჩნია რომ, კერძო საკუთრების, განსაკუთრებით წარმატებული ფინანსური ორგანიზაციის წინააღმდეგ მიღებული ნაჩქარევი გადაწყვეტილებები კითხვის ნიშნებს აჩენს, რაც თავის მხრივ, საფრთხეს უქმნის ქვეყნის ეკონომიკურ განვითარებასა და ფინანსურ სტაბილურობას", - ვკითხულობთ განცხადებაში.</div> <div style="text-align: justify;"><a href="http://idfi.ge/ge/csos_call_for_higher_transparency_in_tbc_bank_case" target="_blank" style="font-weight: bold;">სრულად </a></div> <div style="text-align: justify;">წყარო: idfi.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>„თიბისი ბანკის" ირგვლივ განვითარებულ მოვლენებთან დაკავშირებით, „საერთაშორისო გამჭვირვალობა - საქართველო" (TI) განცხადებას ავრცელებს.</div> <div style="text-align: justify;">„თიბისი ბანკის" დამფუძნებლების მამუკა ხაზარაძის და ბადრი ჯაფარიძის წინააღმდეგ პროკურატურის მიერ 10 წლის წინანდელ საქმეზე დაწყებულმა გამოძიებამ, რომელიც ფულის გათეთრებისა და სხვა კანონსაწინააღმდეგო ქმედებებს ეხება და ამავე დროს, სოციალურ ქსელებში, სავარაუდოდ, მმართველ პარტიაზე მომუშავე პროპაგანდისტული გვერდების მხრიდან მათზე თავდასხმამ, საფუძველი დაუდო ლოგიკურ ვარაუდს, რომ მათ მიმართ გამოძიების დაწყებას სხვა მოტივი აქვს”, - ვკითხულობთ განცხადებაში.</div> <div style="text-align: justify;"><a href="http://www.transparency.ge/ge/blog/tibisi-bankis-dampuzneblebis-cinaagmdeg-dacqebuli-gamozieba-bevr-kitxvas-achens" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> 12 თებერვალს, გაიმართა სამუშაო შეხვედრა კანონთან კონფლიქტში მყოფი პირების დასაქმების საკითხებზე, სადაც სიდას და ბიზნესის წარმომადგენლებმა განიხილეს კანონთან კონფლიქტში მყოფ პირებთან მუშაობის სპეციფიკური საკითხები. ასევე, იმსჯელეს იმ ბარიერებზე, რომლებიც ამ ადამიანებს ხელს უშლიან სამსახურის დაწყებასა და კარიერის გაგრძელებაში.</div> <div style="text-align: justify;">შეხვედრაზე მოხდა სიდას მიერ შემუშავებული სახელმძღვანელოს პრეზენტაცია - რა უნდა ვიცოდეთ და გავითვალისწინოთ კანონთან კონფლიქტში მყოფი პირების დასაქმებისას.</div> <div style="text-align: justify;"><a href="http://www.facebook.com/pg/cidacso/photos/?tab=album&album_id=2159805127411939" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> დღეს, 13 თებერვალს, საქართველოს საკონსტიტუციო სასამართლო საპოლიციო რეიდის კონსტიტუციურობის თაობაზე „ადამიანის უფლებების სწავლებისა და მონიტორინგის ცენტრის" (EMC) სარჩელის არსებით განხილვას იწყებს. განცხადებას ამის შესახებ EMC ავრცელებს.</div> <div style="text-align: justify;">„EMC-იმ სასამართლოს 2018 წლის მარტში მიმართა და მოითხოვა "პოლიციის შესახებ” საქართველოს კანონის იმ ნორმების არაკონსტიტუციურად ცნობა, რომელიც ადგენს სპეციალური საპოლიციო კონტროლის, ე. წ. რეიდის ჩატარების საფუძვლებს. სარჩელში აღნიშნულია, რომ საპოლიციო რეიდის ჩატარება შესაძლებელი ხდება უკიდურესად ბუნდოვანი და აბსტრაქტული საფუძვლებით, ყოველგვარი ინდივიდუალური ეჭვის გარეშე შესაძლებელია ყველა პირის შეჩერება და შემოწმება, რომელიც რეიდის ჩატარების ადგილზე მოხვდება", - აღნიშნულია განცხადებაში, - „წარდგენილი სარჩელით, EMC ამტკიცებს, რომ საპოლიციო რეიდის არსებული ფორმა არღვევს პიროვნების თავისუფალი განვითარების, ღირსების ხელშეუვალობისა და პირადი ცხოვრების დაცვის კონსტიტუციურ გარანტიებს".</div> <div style="text-align: justify;"><a href="http://emc.org.ge/ka/products/sakonstitutsio-sasamartlo-sapolitsio-reidis-shesakheb-sarchelis-arsebit-gankhilvas-itsqebs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ადამიანის უფლებების სწავლების და მონიტორინგისა ცენტრმა (EMC), პროექტ INSPIRED+ Georgia-ს ფარგლებში გამართა საერთაშორისო კონფერენცია, თემაზე - „საქართველოს შრომით მედიაციის მექანიზმზე მრავალწარმომადგენლობითი დიალოგი: დაბრკოლებების იდენტიფიცირება და რეკომენდაციებზე შეჯერება".</div> <div style="text-align: justify;">კონფერენციას დაესწრნენ შრომითი პოლიტიკის სფეროს მთავარი აქტორები - სოციალური პარტნიორები, სამთავრობო და საპარლამენტო ორგანოების წარმომადგენლები, ადგილობრივი და საერთაშორისო ორგანიზაციები. საერთაშორისო კონფერენცია მიზნად ისახავდა, შრომითი მედიაციის მექანიზმის შესახებ პოლიტიკური დისკუსიის წახალისებას, შემუშავებულ რეკომენდაციაზე აქტორებს შორის დებატების გაჩენას და მექანიზმის გაუმჯობესებისთვის საჭირო პოლიტიკის ადვოკატირებას.</div> <div style="text-align: justify;">კონფერენცია გაიმართა პროექტის INSPIRED + Georgia-ს ფარგლებში, რომლის მხარდამჭერია ევროპული პარტნიორობა დემოკრატიისთვის (EPD).კონფერენციას ფინანსურ მხარდაჭერას უწევს ევროკავშირი (EU), ხოლო თანადამფინანსებელ ორგანიზაციას წარმოადგენს ფრიდრიხ ებერტის ფონდი (Friedrich Ebert Foundation).</div> <div style="text-align: justify;"><a href="http://emc.org.ge/ka/events/saertashoriso-konferentsia" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> სამოქალაქო საზოგადოების ორგანიზებით გაიმართა ფართომასშტაბიანი შეკრება თემაზე: როგორ გადავარჩინოთ სასამართლო სისტემა.</div> <div style="text-align: justify;">დისკუსიაში, არასამთავრობო ორგანიზაციებთან ერთად, მონაწილეობა მიიღეს ბიზნესის, სახელოვნებო სფეროს, პროფესიული წრეების წარმომადგენლებმა, მათ შორის ყოფილმა მოსამართლეებმა, საზოგადოების აქტიურმა წევრებმა და პოლიტიკოსებმა როგორც მმართველი, ისე ოპოზიციური პარტიებიდან.</div> <div style="text-align: justify;"><a href="http://www.facebook.com/pg/tigeorgia/photos/?tab=album&album_id=2446652058742722" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> GIZ-სამართლის პროგრამა წარმოგიდგენთ გერმანელი ექსპერტების ნაშრომს, იმაზე თუ როგორ შეიძლება „გადაწყვეტილების მიმღები მოსამართლე" გახდეს „მომრიგებელი მოსამართლე", თუ მორიგების შესაბამის ტექნიკას გამოიყენებს.</div> <div style="text-align: justify;"><a href="http://lawlibrary.info/ge/books/2018giz-ge-momrigebeli_mosamartle.pdf?fbclid=IwAR1mClfFdcVNa1Y2oq9R1C8ELqRj8F_Q2sma_HfLRQ30FyK-pPXdM7cRpnc" target="_blank" style="font-weight: bold;">მომრიგებელი მოსამართლე...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრმა" (EMC) შრომითი მედიაციის სამართლებრივი და სოციალური კვლევა მოამზადა.</div> <div style="text-align: justify;">როგორც კვლევის შესავალშია აღნიშნული, ნამუშევრის სამართლებრივი ნაწილი მიზნად ისახავს, გამოავლინოს მედიაციის მექანიზმის საკანონმდებლო და პრაქტიკული ხარვეზები, გაეცნოს ამ მიმართულებით არსებულ საერთაშორისო პრაქტიკასა და სტანდარტებს და მათი შედარებითი ანალიზის გზით, შეიმუშაოს კონკრეტული რეკომენდაციები მექანიზმის ადმინისტრირების, ასევე კოლექტიური შრომითი დავის პრევენციისა და მედიაციის შედეგად მიღწეული შეთანხმებების აღსრულების ეფექტიანობის ამაღლების მიზნით. რაც შეეხება კვლევის სოციოლოგიური ნაწილს, ის სწავლობს, როგორც შრომით მედიაციასთან დაკავშირებით არსებულ პროცედურულ თუ აღსრულებით ხარვეზებს, ასევე, ისეთი ტიპის გამოწვევებსაც, რომელიც უკავშირდება მედიაციის მექანიზმის შრომის პოლიტიკასთან ინტეგრირების საკითხს და სტრუქტურული ფაქტორების გავლენას მექანიზმის ეფექტიან ფუნქციონირებაზე.</div> <div style="text-align: justify;"><a href="http://emc.org.ge/ka/products/shromiti-mediatsiis-samartlebrivi-da-sotsiologiuri-kvleva" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ადამიანის უფლებების სწავლებისა და მონიტორინგის ცენტრის (EMC) ორგანიზებით, ჩატარდა ტრენინგი შესაძლებლობების გაძლიერებისთვის ლგბტქი სათემო ორგანიზაციებისა და სოგი-ს საკითხებზე მომუშავე იურისტებისთვის.</div> <div style="text-align: justify;"><a href="http://www.facebook.com/pg/EMCRIGHTS/photos/?tab=album&album_id=2299794913386468" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებ-გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> საინიციატივო ჯგუფი ავრცელებს განცხადებას ქართული ოცნების 2019 წლის 5 თებერვლის რეზოლუციის საპასუხოდ.</div> <div style="text-align: justify;">„საზოგადოება გააგრძელებს მობილიზაციას სასამართლო სისტემის გათავისუფლების, გაჯანსაღებისა და რეალური დამოუკიდებლობისთვის. ჩვენ არ დავუშვებთ სასამართლოს იდეის დასამარებას და გავაერთიანებთ ძალისხმევას, რომ მართლმსაჯულება კეთილსინდისიერი მოსამართლეების ხელში აღმოჩნდეს", ნათქვამია განცხადებაში.</div> <div style="text-align: justify;"><a href="http://emc.org.ge/ka/products/sainitsiativo-jgufis-gantskhadeba-kartuli-otsnebis-2019-tslis-5-tebervlis-rezolutsiis-sapasukhod" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div> <div><br /> </div>

<div style="text-align: justify;"><span style="font-weight: bold;">თბილისი. </span>საქართველოს ახალგაზრდა იურისტთა ასოციაცია (საია) საჩივრით მიმართავს იუსტიციის უმაღლეს საბჭოს მოსამართლე დიმიტრი გვრიტიშვილის მიერ დისციპლინური გადაცდომების ჩადენის თაობაზე.</div> <div style="text-align: justify;">„მოსამართლის და იუსტიციის უმაღლესი საბჭოს წევრის დიმიტირი გვრიტიშვილის ბოლო დროინდელი საჯარო განცხადებები შეიცავს სამოსამართლო ეთიკის წესების დარღვევას და წარმოადგენს მოსამართლის დისციპლინურ პასუხისგებაში მიცემის საფუძველს. საია საჩივრით მიმართავს და შესაბამის რეაგირებას ითხოვს იუსტიციის უმაღლესი საბჭოსა და დამოუკიდებელი ინსპექტორისაგან რიგ გადაცდომებთან დაკავშირები...," ნათქვამია ორგანიზაციის ვებგვერდზე.</div> <div style="text-align: justify;"><a href="http://gyla.ge/ge/post/saia-sachivrit-mimartavs-iusticiis-umaghles-sabtchos-mosamartle-dimitri-gvritishvilis-mier-disciplinuri-gadacdomebis-chadenis-taobaze#sthash.xInSjzw3.dpbs" target="_blank" style="font-weight: bold;">სრულად...</a></div> <div style="text-align: justify;">წყარო: gyla.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> პარტნიორობა ადამიანის უფლებებისთვის (PHR) საქართველოს პარლამენტის ადამიანის უფლებებისა და სამოქალაქო ინტეგრაციის კომიტეტის თავმჯდომარეს სასამართლოში უჩივის.</div> <div style="text-align: justify;">„4 თებერვალს, საქართველოს პარლამენტის ადამიანის უფლებებისა და სამოქალაქო ინტეგრაციის კომიტეტის ინიციატივით გაიმართა საჯარო შეხვედრა ,,ბავშვის უფლებათა კოდექსის" კანონპროექტის განხილვის მიზნით.</div> <div style="text-align: justify;">აღნიშნულ შეხვედრაზე მიწვეულები იყვნენ საქართველოს პარლამენტის წევრები, აღმასრულებელი ხელისუფლების წარმომადგენლები, დიპლომატიური კორპუსი და ბავშვთა დაცვის ადგილობრივი და საერთაშორისო ორგანიზაციის წარმომადგენლები.</div> <div style="text-align: justify;">შეხვედრის მეორე ნახევარში, საქართველოს პარლამენტის წევრმა, ადამიანის უფლებებისა და სამოქალაქო ინტეგრაციის კომიტეტის თავმჯდომარემ სოფიო კილაძემ, ცრუ, საქმიანი რეპუტაციის, პიროვნული ღირსების შემლახავი მიმართვები და სიძულვილის ენა გამოიყენა არასამთავრობო ორგანიზაციის „პარტნიორობა ადამიანის უფლებებისთვის" (PHR) წევრების ანა აბაშიძის და ანა არგანაშვილის მიმართ", ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/02/05/phr-%E1%83%98%E1%83%A1-%E1%83%A1%E1%83%90%E1%83%A9%E1%83%98%E1%83%95%E1%83%90%E1%83%A0%E1%83%98-%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D%E1%83%A1/?fbclid=IwAR2o9-955dk-UjrXWYkrTDjT5PqlPlxYsFzqghlFwYPQBplWPAQyWpdQq44" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div>

<div style="text-align: justify;"><span style="font-weight: bold;">თბილისი. </span>საქართველოს ახალგაზრდა იურისტთა ასოციაციამ გერისათვის მემკვიდრეობის უფლების აკრძალვის კონსტიტუციურობის დასადგენად საკონსტიტუციო სასამართლოს მიმართა.</div> <div style="text-align: justify;">„საია სადავოდ ხდის იმ გარემოებას, რომ გერი არ წარმოადგენს თავისი დედინაცვლის ან მამინაცვლის კანონით მემკვიდრეს იმ შემთხვევაშიც კი, თუკი დედინაცვალს ან მამინაცვალს არ ჰყავს სისხლით ნათესავები და ანდერძი არ შეუდგენია გერის სასარგებლოდ. თუკი დედინაცვალს ან მამინაცვალს არ ჰყავს ახლო ნათესავები, გერის ნაცვლად, მისი ქონება გადადის სახელმწიფო საკუთრებაში.</div> <div style="text-align: justify;">სამოქალაქო კოდექსის 1226-ე მუხლი აკისრებს დედინაცვალს და მამინაცვალს არასრულწლოვანი გერისათვის ალიმენტის გადახდის ვალდებულებას, თუ გერს არა აქვს შესაძლებლობა, ალიმენტი მიიღოს საკუთარი მშობლებისაგან. სამოქალაქო კოდექსის 1227-ე მუხლი გერსაც აკისრებს თავისი შრომისუუნარო დედინაცვლისა ან მამინაცვლის რჩენის ვალდებულებას. ამ ვალდებულების მიუხედავად, გერი და დედინაცვალი (მამინაცვალი) ვერასოდეს გახდებიან ერთმანეთის მემკვიდრეები, თუნდაც სიცოცხლეში არჩენდნენ ერთმანეთს და მათ სხვა ბიოლოგიური ნათესავები არც ჰყავდეთ", ნათქვამია ორგანიზაციის ვებგვერდზე.</div> <div style="text-align: justify;"><a href="http://gyla.ge/ge/post/saiam-gerisatvis-memkvidreobis-uflebis-akrdzalvis-konstituciurobis-dasadgenad-sakonstitucio-sasamartlos-mimarta#sthash.EnVGF8zQ.dpbs" target="_blank" style="font-weight: bold;">სრულად...</a></div> <div style="text-align: justify;">წყარო: gyla.ge</div> <div><br /> </div>

<div style="text-align: justify;"><span style="font-weight: bold;">თბილისი. </span>ინფორმაციის თავისუფლების განვითარების ინსტიტუტი აქვეყნებს ანალიტიკურ ბლოგპოსტს: „პროკურატურის რეფორმა – რა ცვლილებებით შეხვდა სისტემა 2019 წელს".</div> <div style="text-align: justify;">„ეს რეფორმა, ერთი შეხედვით, უმნიშვნელოვანესი მიღწევაა საქართველოსთვის, რადგან წლების განმავლობაში საერთაშორისო და ადგილობრივი ორგანიზაციები პროკურატურის სისტემის რეფორმირების სწორედ ამ მიმართულებით განვითარებას უჭერდნენ მხარს. თუმცა, იგი შესაძლოა დიდ იმედგაცრუებად იქცეს, თუ პროკურატურამ გარდამავალ პერიოდში არ დაამტკიცა, რომ არის ინსტიტუციურად დამოუკიდებელი, ძლიერი და მიუკერძოებელი უწყება, რომლის გადაწყვეტილებაზეც გავლენას ვერ ახდენს ქვეყნის მმართველი ელიტა ან რომელიმე გავლენიანი პირი.</div> <div style="text-align: justify;">2018 წელს ხორავას ქუჩაზე მომხდარ გამოუძიებელ მკვლელობასთან დაკავშირებულმა მოვლენებმა საგრძნობლად შეარყია პროკურატურის რეპუტაცია და ისედაც დაბალი საზოგადოებრივი ნდობა. სწორედ ამიტომ, 2019 წელი იქნება უმნიშვნელოვანესი ამ უწყების საქმიანობაზე დასაკვირვებლად. თუმცა, სანამ ამას გავაკეთებთ, მნიშვნელოვანია ვიცოდეთ, თუ რა შეიცვალა კანონში და რა სამართლებრივი რეალობით იწყება 2019 წელი", ნათქვამია პუბლიკაციაში.</div> <div style="text-align: justify;"><a href="http://idfi.ge/ge/prosecutorial_reform_review_of_system_changes_at_the_onset_of_2019" target="_blank" style="font-weight: bold;">სრულად...</a></div> <div style="text-align: justify;">წყარო: idfi.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> პლატფორმა „არა ფობიას!" ვიტალი საფაროვის მკვლელობის ჯგუფურად ჩადენილ დანაშაულად კვალიფიკაციას ითხოვს.</div> <div style="text-align: justify;">„ადვოკატების ხელთ არსებული ინფორმაციით, ეს ფაქტი დასტურდება, როგორც დანაშაულის თვითმხილველ მოწმეთა ჩვენებებით, ასევე სათვალთვალო ვიდეოკამერებით გადაღებული კადრებით, საქმეში არსებული დანაშაულის ორი იარაღით და მსხვერპლისთვის სხეულზე მიყენებული ჭრილობებით. ამდენად, ამ ბრალდებულის მიმართ სისხლისსამართლებრივი დევნა არა დანაშაულის შეუტყობინებლობისათვის, არამედ განზრახ მკვლელობაში თანამონაწილეობისათვის უნდა მიმდინარეობდეს.</div> <div style="text-align: justify;">სამწუხაროდ, ბოლო პერიოდში ეს არ არის ერთადერთი სისხლის სამართლის საქმე, როდესაც ჯგუფურად ჩადენილ დანაშაულზე გამოძიება არ მიმდინარეობს სათანადო კვალიფიკაციით", ნათქვამია ორგანიზაციის ვებგვერდზე.</div> <div style="text-align: justify;"><a href="http://emc.org.ge/ka/products/platforma-ara-fobias-vitali-safarovis-mkvlelobis-jgufurad-chadenil-danashaulad-kvalifikatsias-itkhovs" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div>

თბილისი. „ადამიანის უფლებების სწავლებისა და მონიტორინგის ცენტრი" (EMC) მოუწოდებს შინაგან საქმეთა სამინისტროს, შეწყვიტოს პანკისის ხეობაში ადგილობრივი აქტივისტებისა და თემის წევრების შევიწროებისა და კონტროლის პრაქტიკა. როგორც ორგანიზაციის მიერ გავცელებულ განცხადებაშია აღნიშნული, EMC მოუწოდებს საქართველოს შინაგან საქმეთა სამინისტროს, - „განმარტოს, რა სამართლებრივი საფუძვლით და წესით იბარებს ადგილობრივ მოსახლეობის პოლიციაში და რა საფუძვლით ცდილობს, ჰესების მშენებლობისთვის მათი მხარდაჭერის მოპოვებას; დაუყოვნებლივ შეწყვიტოს პანკისის ხეობის მოსახლეობის დაშინებისა და მათი გამოხატვის თავისუფლების შეზღუდვის პრაქტიკა და საკუთარი საქმიანობა, პანკისის ხეობაში, არსებითად მოაქციოს კანონის მოთხოვნებში; დაიწყოს დისციპლინური დევნა ყველა იმ გადაწყვეტილების მიღებაზე პასუხისმგებელი თანამშრომლების მიმართ, რომელიც ადგილობრივი თემის თვითნებური შევიწროების და კონტროლის პროცესში არის ჩართული".  სრულად წყარო: ორგანიზაციის ვებგვერდი