თბილისი. ინფორმაციის თავისუფლების განვითარების ინსტიტუტმა (IDFI) გამოაქვეყნა კვლევა: სამინისტროების 2021 წლის 9 თვის ბიუროკრატიული ხარჯების ანალიზი. „2021 წლის საწყის 9 თვეში სახელმწიფო ბიუჯეტიდან გაწეული ხარჯების ანალიზი აჩვენებს, რომ პანდემიით გამოწვეული კრიზისული მდგომარეობის მიუხედავად, საქართველოს ხელისუფლებამ ვერ უზრუნველყო ბიუროკრატიული ხარჯების ოპტიმიზაცია. IDFI კიდევ ერთხელ მოუწოდებს ხელისუფლებას უზრუნველყოფილ იქნას საბიუჯეტო ხარჯების მაქსიმალური გამჭვირვალობა. კერძოდ, კანონის მოთხოვნების შესაბამისად, უზრუნველყოფილი იყოს საჯარო ინფორმაციის დროული და სრულყოფილი გაცემა, მთავრობის დადგენილების შესაბამისად ინფორმაციის პროაქტიული გამოქვეყნება, ხოლო შიდა აუდიტორული ანგარიშების საჯაროობის საკითხზე იხელმძღვანელონ სასამართლოს მიერ დადგენილი სტანდარტებით“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) კვლევის მიხედვით, 2021 წელს სულ დარეგისტრირდა 56,343 დანაშაული, რაც 0.45%-ით ნაკლებია 2020 წლის მაჩვენებელზე.  „მიუხედავად დანაშაულის საერთო რაოდენობის მცირედით შემცირებისა, ცალკეული დანაშაულის შემთხვევებმა იმატა. მაგალითად: საფინანსო საქმიანობის სფეროს დანაშაულები (+275%); გაუპატიურება (+56%); 2020-2021 წლებში, დანაშაულის რიცხვის შემცირებაზე მნიშვნელოვანი გავლენა იქონია პანდემიასთან ბრძოლის ფარგლებში ქვეყანაში გამოცხადებულმა საგანგებო მდგომარეობამ და კომენდანტის საათმა“. სრულად... წყარო: idfi.ge

თბილისი. გაეცანით ინფორმაციის თავისუფლების განვითარების ინსტიტუტის (IDFI) კვლევას „რუსული კაპიტალი ქართულ ბიზნესში“. „რუსეთ-უკრაინის კონფლიქტის ფონზე, მნიშვნელოვანია, მოსახლეობა ინფორმირებული იყოს თუ რამდენად მოწყვლადია ქართული ბიზნესი რუსული გავლენების მიმართ. კვლევის ფარგლებში გამოვლინდა, რომ საქართველოში რუსული მსხვილი კომპანიები წარმოდგენილნი არიან კავშირგაბმულობის, ბუნებრივი რესურსების, საბანკო სექტორსა და მობილური ოპერატორების სფეროებში. კვლევა განხორციელდა ამერიკის შეერთებული შტატების საერთაშორისო განვითარების სააგენტოს (#USAID) და Zinc Network-ის დახმარებით“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: ბიომეტრიული და გენეტიკური მონაცემების დამუშავება - ევროპული სტანდარტები. „წინამდებარე კვლევა განიხილავს ბიომეტრიული და გენეტიკური მონაცემების ცნებას და გამოყენების არეალს, მათ დამუშავებასთან დაკავშირებულ საფრთხეებსა და რისკებს, აანალიზებს ამგვარი მონაცემების დამუშავების პრინციპებსა და საფუძვლებს. კვლევაში ასევე განხილულია ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული ცალკეული გადაწყვეტილებები, რაც ბიომეტრიული და გენეტიკური მონაცემების დამუშავებას უკავშირდება“. სრულად... წყარო: idfi.ge

თბილისი. სოციალური სამართლიანობის ცენტრი აქვეყნებს ენ მაკლინტოკის სტატიის თარგმანს: ოჯახური ქიშპობა: გენდერი, ნაციონალიზმი და ოჯახი. „ყველა სახის ნაციონალიზმი გენდერითაა განპირობებული, ყველა მათგანი გამოგონილი და სახიფათოა. სახიფათოა არა ერიკ ჰობსბაუმის გაგებით, რომელთანაც დაპირისპირებული უნდა იყო, არამედ იმ გაგებით, რომლითაც იგი მიემართება პოლიტიკურ ძალაუფლებასა და ძალადობრივ საშუალებებს“. სრულად... წყარო: socialjustice.org.ge

თბილისი. სოციალური სამართლიანობის ცენტრი წარმოგიდგენთ რიგით მეორე თარგმანს, მიხალ ბუხოვსკის სტატიას, რომელიც ეხება ორიენტალიზმის აღმოსავლეთ ევროპაში „გაშინაურებას“.  „ორიენტალიზმი ეფუძნება აღმოსავლეთის (ორიენტის) და დასავლეთის (ოქსიდენტის) ერთმანეთისგან ფუნდამენტურად განსხვავებულ კულტურულ ერთეულებად წარმოდგენას, სადაც ორიენტი წარმოსახულია „ეგზოტიკურ, არაცივილიზებულ სხვად“, რაც ოქსიდენტის ძალაუფლებასა და უპირატესობას განამტკიცებს“. სრულად... წყარო: socialjustice.org.ge

თბილისი. 2022 წლის 10 თებერვალს, ინფორმაციის თავისუფლების განვითარების ინსტიტუტსა (IDFI) და ბიზნესისა და ტექნოლოგიების უნივერსიტეტს (BTU) შორის თანამშრომლობის შესახებ მემორანდუმი გაფორმდა. მემორანდუმის მთავარი მიზანია ორმხრივად სასარგებლო კვლევებისა და პროექტების წარმოება, ასევე მხარდაჭერისა და თანამშრომლობის სხვადასხვა მექანიზმების შემუშავება. „კერძოდ, თანამშრომლობა შეეხება ხელოვნური ინტელექტის (AI) სისტემების განვითარებისა და მისი გამოყენების ხელშეწყობას“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) ცნობით, დასრულდა პოლონეთის ეროვნული მეხსიერების ინსტიტუტის (IPN) მეცნიერების სამუშაოები აჭარაში და სრულად დამუშავდა, ბათუმთან ახლოს, ხელვაჩაურში აღმოჩენილი, 1937-1938 წლების დიდი ტერორის მსხვერპლთა მასობრივი სამარხი №6. „IDFI-ის კვლევის თანახმად, აჭარაში სულ დახვრიტეს 1050 ადამიანი, რომელთაგანაც 311 რუსეთის იმპერიაში შემავალი სხვა გუბერნიებიდან და ასევე ცენტრალური ევროპის ქვეყნებიდან იყვნენ: მათ შორის აჭარაში დახვრიტეს - 30-მდე ეთნიკური პოლონელიც. ორგანიზაციის მიერ მიწოდებული ინფორმაციის საფუძველზე, პოლონური მხარე დაინტერესდა საკუთარი ქვეყნის მოქალაქეების ბედის გარკვევითა და მათი ეგზჰუმაციისა და შემდგომში იდენტიფიკაციისთვის შესაბამისი ღონისძიებების გატარებით. IPN ექსპერტები ორი კვირის განმავლობაში იკვლევდნენ სამარხს, რის შემდეგაც მათ მიაკვლიეს და ამოასვენეს 29 ნეშტი“. სრულად... წყარო: idfi.ge

თბილისი. გაეროს ქალთა ფონდი აქვეყნებს „ქვეყნის გენდერული თანასწორობის პროფილს“, გზამკვლევს გენდერული თანასწორობისა და ქალთა გაძლიერების მდგომარეობის შესაფასებლად. „დოკუმენტში გენდერულ თანასწორობასთან დაკავშირებული ვითარება საქართველოში მდგრადი განვითარების ინდიკატორებზე დაყრდნობითა და პეკინის სამოქმედო პლატფორმისა და ქალთა მიმართ დისკრიმინაციის ყველა ფორმის აღმოფხვრის შესახებ კონვენციის გათვალისწინებითაა აღწერილი“. სრულად... წყარო: georgia.unwomen.org

თბილისი. სოციალური სამართლიანობის ცენტრმა დაიწყო თარგმანების სერიას: „მოქალაქეობა, ისტორია და ნაციონალიზმი“ გამოქვეყნება. „ამ სერიაში გაერთიანებული თარგმანების უმეტესობა უკვე კლასიკად ქცეული ტექსტებია, რომლებიც საზოგადოებასა და აკადემიაში გამჯდარი წარმოდგენების კრიტიკის, ახალი პერსპექტივიდან დანახვისა და შემოტრიალების საშუალებას იძლევა ან, ზოგ შემთხვევაში, თავად არის ამ კრიტიკის სამიზნე. რიგით პირველი თარგმანი, ალექსეი იურჩაკის წიგნის „ყველაფერი იყო მარადიული, სანამ არ დასრულდა“, პირველი თავი, უპირისპირდება საბჭოთა კავშირში არსებული პარადოქსების ახსნის გაბატონებულ თეორიულ წარმოდგენებს და გვთავაზობს საბჭოთა კავშირის შიდა წინააღმდეგობრიობის მიზეზების განსხვავებულ თეორიულ ჩარჩოს“. სრულად... წყარო: socialjustice.org.ge

თბილისი. კონრად ადენაურის ფონდი სამხრეთ კავკასიაში წარმოგიდნენთ ნაშრომს: დამოუკიდებლობიდან თავისუფლებისკენ: როგორ იცვლება სახელმწიფო და საზოგადოება ახალ საქართველოში.  „ამ წიგნში თერთმეტი ქართველი ავტორი ცდილობს, სხვადასხვა თვალსაზრისით შეაჯამოს საქართველოს მიერ განვლილი გზა: ისინი საუბრობენ სახელმწიფო ინსტიტუტების მშენებლობაზე, ეკლესიისა და სახელმწიფოს ურთიერთობაზე, საბჭოთა მემკვიდრეობის გადააზრებასა და დაძლევაზე, ღირებულებებისა და პოლიტიკური კულტურის ტრანსფორმაციაზე და ა.შ. მათი სტატიები ემყარება ლექციებს, რომლებიც მათ კონრად ადენაუერის ფონდის პროგრამის ფარგლებში წაიკითხეს“. წიგნის ონლაინ ვერსია... წყარო: ფონდის გვერდი სოციალურ ქსელში

აჭარა. IDFI-ისა და ბათუმისა და ლაზეთის ეპარქიის მოწვევით, პოლონეთის ეროვნული მეხსიერების ინსტიტუტის (IPN) დელეგაცია აჭარაში აღმოჩენილ მასობრივი ტერორის მსხვერპლთა კიდევ ერთ სამარხს სწავლობს. ორგანიზაციის ინფორმაციით, 3 თებერვალს, პოლონელმა და ქართველმა სპეციალისტებმა სრულად გახსნეს №6 სამარხი, რის შემდეგაც დაიწყება ნეშტების ამოსვენების პროცესი. არქეოლოგიური სამუშაოების შედეგად, ამ ეტაპზე, დამატებით ნაპოვნია 29 ადამიანის ნეშტი. ინფორმაციის თავისუფლების განვითარების ინსტიტუტის (IDFI) მიერ შსს არქივში დაცული, სხვადასხვა დღეს შედგენილი განაჩენის აღსრულების აქტების შესწავლის შედეგად აღნიშულ სამარხში აღმოჩენილი ნეშტების რაოდენობა ემთხვევა 1938 წლის 15 მარტის განაჩენის აღსრულების აქტში არსებულ რეპრესირებულთა რაოდენობას. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: ინტერნეტის თავისუფლება და ციფრული უფლებები საქართველოში: სისტემური გამოწვევები. „ინტერნეტ „კონტენტის“ შეზღუდვის მოქმედი სამართლებრივი მოდელი წარმოშობს ინტერნეტის საშუალებით ინფორმაციის მიღებისა და გავრცელების დაუსაბუთებელი და არაპროპორციული შეზღუდვის რისკებს“. სრულად... წყარო: idfi.ge

თბილისი. რონდელის ფონდი წარმოგიდგენთ საქართველოსა და რუსეთში ჩატარებული ორი კვლევის შედარებითი ანალიზის მთავარ მიგნებებს. „ორგანიზაციამ ფრიდრიხ ებერტის ფონდის სამხრეთ კავკასიის წარმომადგენლობის მხარდაჭერით კავკასიის კვლევითი რესურსების ცენტრს (CRRC) დაუკვეთა კვლევა, რომლის მიზანი იყო რუსეთის შესახებ საქართველოს მოსახლეობის ცოდნის, დამოკიდებულებებისა და აღქმის შესწავლა, საგანგებო აქცენტით ჩრდილოეთ კავკასიაზე. კვლევა ჩატარდა 2021 წლის თებერვალში. პარალელურად, ანალოგიური მიზნით კვლევა ჩატარდა რუსეთში, რათა გამოვლენილიყო საქართველოსთან დაკავშირებით რუსეთის ფედერაციის მოქალაქეთა დამოკიდებულებები და აღქმა“. სრული კვლევა... წყარო: www.gfsis.org

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, პოლონეთის ეროვნული მეხსიერების უნივერსიტეტის (IPN) სამეცნიერო ჯგუფი აჭარაში მასობრივი ტერორის მსხვერპლთა სამარხებს შესწავლის. „ჯგუფი, რომელშიც გაერთიანებულია 4 არქეოლოგი და 2 ანთროპოლოგი, შემდეგი 2 კვირის მანძილზე აჭარაში აღმოჩენილი კიდევ ერთი, 1937-1938 წლების, მასობრივი ტერორის მსხვერპლთა სამარხიდან ნეშტების ამოსვენებისა და შესწავლის სამუშაოებს განახორციელებს“. სრულად... წყარო: idfi.ge

თბილისი. სოციალური სამართლიანობის ცენტრი გთავაზობთ ნადია ურბინატის სტატიის „წარმომადგენლობითი დემოკრატია და მისი კრიტიკოსები“ მიმოხილვას, რომელიც ლიკა ჩხეტიანმა მოამზადა.  „სტატიაში იგი ეხმაურება წარმომადგენლობითი დემოკრატიის კრიტიკის ორ მთავარ ტრადიციას პირდაპირი დემოკრატიისა და პროცედურული დემოკრატიის სახით და მათთან წინააღმდეგობაში განსაზღვრავს წარმომადგენლობითი დემოკრატიის ფუნქციონირების არსს“. სრულად... წყარო: socialjustice.org.ge

თბილისი. ჰაინრიხ ბიოლის ფონდის სამხრეთ კავკასიის რეგიონული ბიურო აქვეყნებს ნინო ზუბაშვილის კვლევას „არაფორმალური სამოქალაქო ჯგუფების ჩართულობა ადგილობრივ დონეზე გადაწყვეტილების მიღების პროცესში“. კვლევა მომზადდა ფონდის მწვანე აკადემიის მცირე გრანტების პროექტის ფარგლებში. „კვლევა შეისწავლის არაფორმალური სამოქალაქო ჯგუფების ურთიერთობას თემთან და მათ ჩართულობას ადგილობრივ დონეზე გადაწყვეტილების მიღების პროცესში“. სრულად... წყარო: ge.boell.org

თბილისი. ინფორმაციის თავისუფლების განვითარების ინსტიტუტი (IDFI) წარმოგიდგენთ საბჭოთა კავშირის რეპრესიების მსხვერპლთა ისტორიების შესახებ ბათუმში, წმინდა მატათა მოციქულის სახელობის გიმნაზია-პანსიონის აღსაზრდელების დახატულ კომიქსებს. აღსაზრდელებმა ისტორიაზე საკუთარი პერსპექტივა კომიქსების საშუალებით გადმოსცეს, რომელსაც IDFI წიგნის სახით გთავაზობთ. სრულად... წყარო: idfi.ge

თბილისი. გაეცანით ტერორიზმის კვლევითი ცენტრის (TRC) მიერ მომზადებულ პუბლიკაციას - „უცხოელი ტერორისტი მებრძოლების გავლენა ჩრდილო კავკასიის რეგიონის რადიკალიზაციაზე“. პუბლიკაცია... წყარო: ორგანიზაციის გვერდი სოციალურ ქსელში

თბილისი. ასოციაცია „ანიკა“ წარმოგიდგენთ საქართველოს 4 რეგიონის - კახეთის, იმერეთის, გურიისა და აჭარის მუნიციპალიტეტების მოწყვლად პირთათვის სოციალური სერვისების საჭიროებების შესწავლის ანალიზს. სრულად... წყარო: ორგანიზაციის გვერდი სოციალურ ქსელში

თბილისი. ჰაინრიჰ ბიოლის ფონდის თბილისის და კიევის ოფისები წარმოგიდგენთ პუბლიკაციას „ქალები და ისტორია - ყოველდღიური ცხოვრების გენდერული პერსპექტივები (1970-იანი და 1980-იანი წლები)“. „პუბლიკაციაში შესულია ოთხი სტატია, საქართველოდან და უკრაინიდან. სტატიები გაერთიანდა საერთო თემის ქვეშ: „ყოველდღიური ცხოვრების გენდერული პერსპექტივები“. სრულად... წყარო: feminism-boell.org

თბილისი. ინფორმაციის თავისუფლების განვითარების ინსტიტუტის ცნობით, აჭარის ავტონომიური რესპუბლიკის საარქივო სამმართველოში, მკვლევრებისთვის დოკუმენტების გაცნობისთვისაც კი საფასურია დაწესებული. ორგანიზაცია მიიჩნევს, რომ „ინფორმაციის ხელმისაწვდომობისა და მეცნიერების წახალისებისთვის აუცილებელია აჭარის არქივმა დარბაზში მკვლევრებისთვის საქმეების მიწოდება დაარეგულიროს არსებული მინიმალური სტანდარტის გათვალისწინებით, ან დააწესოს კიდევ უფრო მაღალი სტანდარტი“. სრულად... წყარო: idfi.ge