თბილისი. 21 დეკემბერს, სოციალური სამართლიანობის ცენტრმა გამართა ორი ანგარიშის პრეზენტაცია: „შრომის ინსპექცია 2021“ და „არაფორმალური და არასტანდარტული დასაქმება საქართველოში: ძირითადი გამოწვევები და სარეფორმო ხედვა“. „კვლევაში შრომის ინსპექციის შესახებ, მიმოხილულია შრომის ინსპექციაზე დაკვირვების შედეგად დაგროვებულ გამოცდილება და შეფასებულია, რამდენად ახერხებს უწყება გაზრდილი უფლებამოსილებით სარგებლობას და რა ძირითადი გამოწვევები იკვეთება მის საქმიანობაში. ხოლო კვლევა არაფორმალური შრომის შესახებ, მიმოიხილავს სექტორში არსებულ ძირითად პრობლემებს“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და განვითარების ცენტრის (GCSD) ორგანიზებით, პროექტის „ისაუბრე, იკვლიე და აღმოაჩინე ნატო“ ფარგლებში, კონფერენცია გაიმართა. „კონფერენცია სამი პანელისგან შედგებოდა, სადაც თემატურმა დარგის ექსპერტებმა ისაუბრეს ჩრდილოატლანტიკური ალიანსის ირგვლივ არსებულ თემებზე. ასევე, პანელურ დისკუსიებში მონაწილეობდნენ პროექტის ფარგლებში გამოცხადებული სტუდენტური კვლევითი კონკურსის გამარჯვებულები, რომლებმაც საკუთარი ნაშრომები წარადგინეს. კონფერენციის ბოლოს მათ შესაბამისი სერტიფიკატებიც გადაეცათ“.  სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის მწვანე პოლიტიკის მკვლევარი, გიორგი ცინცაძე ცდილობს, კვლევის ავტორთან, ალექსანდრა აროშვილთან ერთად, ცდილობს პასუხი გასცეს კითხვებს: როგორია ტყიბულში ქალთა ცხოვრება და რა ძირითადი გამოწვევები და საჭიროებები აქვთ მათ. წყარო: socialjustice.org.ge

თბილისი. ევროკავშირის მიერ გავრცელებული ინფორმაციის თანახმად, ხელი მოეწერა შეთანხმებას საქართველოსთან კვლევისა და ინოვაციის მიმართულებით მჭიდრო თანამშრომლობის შესახებ.  „2021-2027 წლებში საქართველოს ევროპის კვლევისა და ინოვაციების პროგრამასთან Horizon Europe ასოცირების სტატუსი მიენიჭა. მკვლევარებს, ინოვატორებსა და კვლევით დაწესებულებებს საქართველოში უკვე შესაძლებლობა აქვთ პროგრამაში მონაწილეობა იმავე პირობებით მიიღონ, როგორც ევროკავშირის წევრ ქვეყნებში მოქმედმა დაწესებულებებმა“. სრულად... წყარო: eeas.europa.eu

თბილისი. ინფორმაციის თავისუფლების განვითარების ინსტიტუტმა (IDFI) შვედეთის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით მე-3 საერთაშორისო კონფერენცია: „სახელმწიფო არქივის ღიაობა და მეხსიერების კვლევები“ გამართა. „კონფერენციაზე ყურადღება გამახვილდა არქივებისა და საარქივო ხელმისაწვდომობის სფეროში გარდაქმნებსა და გამოწვევებზე. გაიმართა მსჯელობა COVID-19-ის პანდემიასთან დაკავშირებულ საკითხებსა და მისი გავლენის შესახებ, ასევე შესაბამის საკანონმდებლო რეგულაციებსა და საარქივო კვლევის პოპულარიზაციის პერსპექტივებზე“. სრულად... წყარო: idfi.ge

თბილისი. ორგანიზაცია „დემოკრატიის ინდექსი“ გიზიარებთ კვლევას: „საქართველოს სასამართლო გადაწყვეტილებების დასაბუთების ხარისხი“. „კვლევა მიზნად ისახავს საქართველოს საერთო სასამართლოების მიერ მიღებული გადაწყვეტილებების დასაბუთებულობის ხარისხის შემოწმების გზით პრობლემების გამოვლენას და რეკომენდაციების გაცემას“. კვლევა... პროექტი მხარდაჭერილია: USAID-PROLoG - Promoting Rule of Law in Georgia Activity -ის მიერ. წყარო: democracyindex.ge

თბილისი. ინფორმაციის თავისუფლების განვითარების ინსტიტუტმა (IDFI) ვებგვერდი www.historyproject.ge შექმნა. „ვებგვერდის შექმნის მიზანია საზოგადოება გახადოს მეტად ინფორმირებული საბჭოთა წარსულისა და უახლესი ისტორიის შესახებ. ხელი შეუწყოს ახალგაზრდებში ცნობიერების ამაღლებას საკუთარი ქვეყნის ისტორიის მიმართ“. სრულად... წყარო: www.historyproject.ge

თბილისი. ორგანიზაცია „საფარის“ ინფორმაციით, 10 დეკემბრიდან, მათ მიერ გამოცემული კომენტარების გაცნობა ნებისმიერ მსურველს შეუძლია. „წიგნზე „სქესობრივი თავისუფლებისა და ხელშეუხებლობის წინააღმდეგ მიმართული დანაშაულების კომენტარები“ კრიმინოლოგი, მოსამართლე, პრაქტიკოსი იურისტები და პროკურორები მუშაობდნენ. ავტორთა ჯგუფის გადაწყვეტილებით, პუბლიკაცია საუკეთესო საერთაშორისო პრაქტიკას ეფუძნება და ქართულ კანონმდებლობასაც სწორედ ამ ჭრილში განიხილავს“. სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველომ“ სახელმწიფო უსაფრთხოებისა და საქართველოში თავშესაფრის პროცედურის ურთიერთმიმართების საკითხზე კვლევა მოამზადა. კვლევის მიზანი კანონმდებლობასა და პრაქტიკაში არსებული ხარვეზების გამოვლენა და მათი გადაჭრის გზების შეთავაზებაა. გაეცანით კვლევის მიგნებებს და რეკომენდაციებს, რომელიც „უფლებები საქართველომ“ საქართველოში თავშესაფრის პროცედურის გასაუმჯობესებლად შეიმუშავა... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) საქართველოს პარლამენტის ეროვნულ ბიბლიოთეკაში ვებგვერდის - www.historyproject.ge პრეზენტაცია გამართა. „ვებგვერდზე განთავსებულია სტატიები, საარქივო და მეხსიერების კვლევები, სიახლეები, ისტორიული ფაქტები, ქუიზები, წიგნები, ფოტო-ვიდეო გალერეა და საარქივო დოკუმენტების ბაზა, რომელიც მოიცავს დოკუმენტებს კონკრეტულ მოვლენებთან დაკავშირებით“. სრულად... წყარო: idfi.ge

აჭარა. ხულოში აჭარის კრიტიკული პოლიტიკის სკოლის შეხვედრა გაიმართა. „ლექციები წაიკითხეს სოციალურმა ანთროპოლოგებმა რუსლან ბარამიძემ და თამთა ხალვაშმა. რუსლან ბარამიძემ ისაუბრა საბჭოთა კავშირის პერიოდში აჭარელი თემის მუსლიმურ პრაქტიკებზე, ხოლო თამთა ხალვაშმა ილაპარაკა აჭარულ რწმენა-წარმოდგენებსა და მოდერნიზაციის პროექტებზე საბჭოთა კავშირში და დღევანდელობაში. მოხსენებების შემდეგ გაიმართა დისკუსია. კრიტიკული პოლიტიკის სკოლა ნახევრად აკადემიური და ნახევრად პოლიტიკური სივრცეა, რომლის მიზანია სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარება და კოლექტიური მსჯელობისა და საერთო მოქმედების პლატფორმის შექმნა“. სრულად... წყარო: socialjustice.org.ge

თბილისი. გაეროს ქალთა ფონდის ცნობით, გაეროს ქალთა გაძლიერების პრინციპებზე ხელმომწერი კომპანიები ტექნოლოგიებში გოგოების ჩართულობისთვის გაერთიანდნენ. „ქართულ-ამერიკული უნივერსიტეტი გაუ, კანტის აკადემია და ჯეოლაბი ქალებისთვის ახალ, 6-თვიან საგანმანათლებლო პლატფორმას WE-Tech -ს ქმნიან. პროგრამა მონაწილეებს ტექნოლოგიური და სამეწარმეო უნარების განვითარებაში ეხმარება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ორგანიზაცია „რუსეთის კვლევის ცენტრი“ (Center for Russian Studies - CRS) კონრად ადენაუერის ფონდის ფინანსური მხარდაჭერით და ილიას სახელმწიფო უნივერსიტეტთან პარტნიორობით, 30 ნოემბერს-1 დეკემბერს გამართავს საერთაშორისო კონფერენციას „რა არის საბჭოთა პოსტსაბჭოთა სივრცეში“. „კონფერენცია ეძღვნება რუსეთისა და რეგიონის პოლიტიკაში წარსულისა და აწმყოს კავშირების გაგებას და მიზნად ისახავს მეხსიერების, ისტორიულ დისკურსებსა და სოციალურ პრაქტიკებს შორის ურთიერთდამოკიდებულების დადგენას მოცემულ გეოგრაფიულ ზონაში, რაც გარკვეულ გავლენას ახდენს რეგიონის მომავალზე“. კონფერენციის შესახებ ვრცლად იხილეთ ბმულზე... სრულად... წყარო: ილიას სახელმწიფო უნივერსიტეტის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 2021 წლის 25 ნოემბერს რუსეთის უზენაესი სასამართლო განიხილავს საზოგადოება „მემორიალის“ ლიკვიდაციის მოთხოვნის სარჩელს, რომელიც რუსეთის ფედერაციის გენერალურმა პროკურატურამ წარადგინა.  ორგანიზაცია ტოტალიტარიზმს იკვლევს არა მხოლოდ რუსეთში, არამედ მთელი მსოფლიოს მასშტაბით და საზოგადოების ცნობიერების ამაღლებაზე მუშაობს. IDFI-სა და საზოგადოება „მემორიალს“ თანამშრომლობის მრავალწლიანი ისტორია აქვთ. „საზოგადოება „მემორიალის” წინააღმდეგ მიმართული შეტევა აშკარა შურისძიების აქტია ადამიანის უფლებათა დაცვის წამყვანი ორგანიზაციის მიმართ და მიზნად ისახავს იმ მძლავრი ხმის ჩახშობას, რომელიც 30 წელზე მეტია, დოკუმენტურ წყაროებზე დაყრდნობით და უმაღლესი ხარისხის კვლევის მეშვეობით ამხელს საბჭოთა კავშირის დანაშაულებრივ სისტემას“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოს მწერალთა სახლში, „საბჭოთა წარსულის კვლევის ლაბორატორიის“ ახალი პროექტის პრეზენტაცია გაიმართა.  პროექტის მიზანია ახალგაზრდა მკვლევრების კვლევითი საქმიანობის გაძლიერება. პროექტი ნორვეგიის სამეფოს საგარეო საქმეთა სამინისტროს ფინანსური მხარდაჭერით ხორციელდება. სრულად... წყარო: sovlab.ge

თბილისი. 28 ოქტომბერს, 14:00 საათზე, მომხმარებელი.ge ონლაინ შეხვედრას გამართავს სურსათის უვნებლობის ლაბორატორიული კვლევების შესახებ. სრულად... წყარო: მომხმარებელი.ge-ს გვერდი სოციალურ ქსელში

თბილისი. დღეს, „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) წარმოადგინა კვლევა - „საზოგადოების დამოკიდებულება საარჩევნო პროცესების მიმართ“. კვლევის ფარგლებშიც შესწავლილ იქნა საზოგადოების დამოკიდებულება როგორც, ზოგადად, არჩევნებში მონაწილეობის, ისე - საარჩევნო პროცესების მიმდინარეობისა და საარჩევნო დარღვევების მიმართ.   ორგანიზაციის მიერ გავრცელებული ინფორმაციის თანახმად, დოკუმენტი ეფუძნება რაოდენობრივი და თვისებრივი კვლევის შედეგებს. რაოდენობრივი კვლევის ფარგლებში, მონაცემები სატელეფონო გამოკითხვის მეთოდით შეგროვდა. ინტერვიუები ქართულ, სომხურ, აზერბაიჯანულ და რუსულ ენებზე 3100 ზრდასრულ ადამიანთან ჩატარდა. მონაცემები წარმომადგენლობითია საქართველოს მოსახლეობისთვის, ოკუპირებულ ტერიტორიებზე მცხოვრები მოსახლეობის გარდა. თვისებრივი კვლევის ფარგლებში, ჩატარდა ექვსი ფოკუს ჯგუფი სოციალურად მოწყვლად მოსახლეობასთან თბილისიში, ზუგდიდში და სოფელ შილდაში. ასევე, ჩატარდა ექვსი ინტერვიუ საჯარო მოხელეებთან თბილისიდან, ზუგდიდიდან და სოფელ შილდიდან და ოთხი ინტერვიუ ბიზნესების წარმომადგენლებთან თბილისიდან და ზუგდიდიდან.  სრულად...   წყარო: ორგანიზაციის ვებგვერდი

თბილისი. საქართველოს სახალხო დამცველმა წარმოადგინა კვლევა - „ქალები და მობილობა - ქალთა ყოველდღიური გადაადგილების ასპექტები“.  კვლევა შეისწავლის ქალთა ყოველდღიური გადაადგილების გენდერულ ასპექტებს და ასევე განიხილავს ყოველდღიური გადაადგილების თავისებურებებს, გადაადგილების საშუალებებს, ამ გადაადგილების საშუალებასთან დაკავშირებულ გენდერულ ბარიერებსა და ქვეყანაში არსებულ სატრანსპორტო პოლიტიკას. სრულად...  წყარო: ორგანიზაციის ვებგვერდი

თბილისი. UN Women საქართველო აქვეყნებს კვლევას - „სექსუალური შევიწროება სამუშაო ადგილზე საქართველოს საჯარო სამსახურში“.   დოკუმენტი გაეროს ქალთა ორგანიზაციისა და საქართველოს საჯარო სამსახურის ბიუროს ერთობლივ ინიციატივას წარმოადგენს და იგი CRRC-საქართველომ გაეროს ქალთა ორგანიზაციისთვის ნორვეგიის საგარეო საქმეთა სამინისტროს მხარდაჭერით მიმდინარე პროექტის, „კარგი მმართველობა გენდერული თანასწორობისთვის საქართველოში“ ფარგლებში მოამზადა.  სრულად...   წყარო: ორგანიზაციის ვებგვერდი

თბილისი. „ტოლერანტობის და მრავალფეროვნების ინსტიტუტი“ აქვეყნებს კვლევას - „რასობრივი გამორჩევა საქართველოში საპოლიციო სისტემაში ეთნიკური უმცირესობებისა და მიგრანტების მიმართ არსებული პოლიტიკა და პრაქტიკა“.  „რასობრივი გამორჩევის პრობლემა აქტუალურია სხვადასხვა ქვეყნის საპოლიციო ინსტიტუტების ყოველდღიურ საქმიანობაში. პოლიცია რუტინული პროცედურების განხორციელებისას ხშირად იყენებს ადამიანის ვიზუალურ მახასიათებლებს და სხვა პირად მონაცემებს. ასეთ შემთხვევაში ჩნდება იმის რისკი, რომ ეს მონაცემები საზოგადოების მოცემულ ჯგუფს პოლიციისთვის უფრო აქტუალურს გახდის, ანუ პოლიციელები გარკვეული ვიზუალური მახასიათებლების მქონე პირებს უფრო მეტ ყურადღებას მიაქცევენ, უპირობოდ ჩათვლიან მათ მომეტებული რისკის მქონეთ“, - ვკითხულობთ კვლევის შესავალ ნაწილში, - „წინამდებარე კვლევა პირველია, რომელიც მიზნად ისახავს შეისწავლოს საქართველოში რასობრივი გამორჩევის არსებული პრაქტიკა პოლიციელების, მიგრანტებისა და ეთნიკური უმცირესობების გამოცდილების საფუძველზე. ვიმედოვნებთ, რომ მოცემული კვლევა განსაკუთრებულ წვლილს შეიტანს რასობრივი გამორჩევის პრობლემაზე საჯარო დისკუსიის დაწყებაში, ხოლო სახელმწიფოს დაეხმარება შესაბამისი პოლიტიკის გატარებაში“.  სრულად...   წყარო: ორგანიზაციის ვებგვერდი

თბილისი. „სამართლიანო არჩევნებისა და დემოკრატიის საერთაშორისო საზოგადოებამ“ მოამზადა კვლევა - „საჯარო მოხელეების აგიტაცია სოციალურ ქსელებში”.  „თანამედროვე მსოფლიოში, სოციალური ქსელების გამოყენება პოლიტიკური და საარჩევნო მიზნებისთვის დღითიდღე იზრდება. სოციალური მედიის პლატფორმები, ისეთები როგორიცაა ფეისბუქი და ტვიტერი, საარჩევნო კამპანიისას კანდიდატების მთავარ პლატფორმად გარდაიქმნა. სწორედ, ამ საშუალებებით ხდება ამომრჩევლებთან პირდაპირი კომუნიკაცია, მხარდამჭერთა მობილიზაცია თუ საზოგადოებრივი დღის წესრიგის შეცვლა. კვლევის მიზანია გააანალიზოს სოციალური ქსელების საარჩევნო/პოლიტიკური მიზნით გამოყენებაზე რეაგირების გამოწვევები საქართველოში, კერძოდ: საკანონმდებლო ჩარჩო და ამ შემთხვევებზე შესაბამისი ორგანოების რეაგირების პრაქტიკა. ამასთან, სხვადასხვა განვითარებული, დემოკრატიული სახელმწიფოს გამოცდილებაზე დაყრდნობით, შეისწავლოს სოციალური ქსელებში მოხელეთა ქცევისა და აგიტაციის რეგულირების სტანდარტები“, - ვკითხულობთ კვლევის შესავალში.  სრულად...   წყარო: ორგანიზაციის ვებგვერდი

თბილისი. 4 აგვისტოს საქართველოს სახალხო დამცველმა წარადგინა სპეციალური ანგარიში „ბავშვზე სექსუალური ძალადობისა და სექსუალური ექსპლუატაციის დანაშაულებზე მართლმსაჯულების განხორციელება კვლევა და მონიტორინგი“. „სპეციალური ანგარიში წარმოაჩენს ბავშვზე სექსუალური ძალადობისა და სექსუალური ექსპლოატაციის დანაშაულებზე როგორც სამართლებრივი რეგულირების კუთხით, ისე პრაქტიკაში არსებულ გამოწვევებს. მათ შორის, დანაშაულის გამოვლენის, მართლმსაჯულების განხორციელებისა და არასრულწლოვანისა და მისი ოჯახის სარეაბილიტაციო და მხარდამჭერი ღონისძიებებით უზრუნველყოფის საკითხებს“. სრულად... წყარო: ombudsman.ge