თბილისი. „ინფორმაციის თავისუფლების განვითარების ინსტიტუტი" (IDFI) მიიჩნევს, რომ საჯარო სამსახურის შესახებ კანონში დაგეგმილი ცვლილება ლახავს პრეზიდენტის ადმინისტრაციაში დასაქმებული მოხელეების უფლებებს. „IDFI უარყოფითად აფასებს ინიცირებულ საკანონმდებლო ცვლილების პროექტს და მიიჩნევს, რომ ის საფრთხის წინაშე აყენებს საჯარო მმართველობის რეფორმას", - ვკითხულობთ IDFI-ის მიერ გავრცელებულ განცხადებაში, - „IDFI მოუწოდებს საქართველოს პარლამენტს მხარი არ დაუჭიროს შემოთავაზებულ საკანონმდებლო ცვლილებებს, ხოლო კანონპროექტის ავტორებს მოუწოდებს გაიწვიონ ინიცირებული საკანონმდებლო ცვლილების პროექტი, რადგან ინიცირებული ცვლილება ლახავს პრეზიდენტის ადმინისტრაციაში დასაქმებული საჯარო მოხელეების უფლებებს, რისკის ქვეშ აყენებს საქართველოში ეფექტური, მდგრადი და პოლიტიკურად ნეიტრალური საჯარო სექტორის ჩამოყალიბებას და მთლიანობაში საჯარო მმართველობის რეფორმის წარმატებით განხორციელებას". სრულად  წყარო: ორგანიზაციის ვებგვერდი

თბილისი. 10 დეკემბერს, გაეროს ქალთა ორგანიზაციამ, სიდამ და გლობალური შეთანხმების საქართველოს ქსელმა ქალთა გაძლიერების პრინციპების თემაზე ღონისძიებას უმასპინძლეს. ღონისძიებას, რომელსაც ბიზნეს კომპანიების 100-ზე მეტი წარმომადგენელი დაესწრო, იმსჯელეს გენდერული თანასწორობის საკითხში ბიზნესის როლზე და საქართველოში ქალთა ეკონომიკური გაძლიერების საქმეში კერძო სექტორის ჩართულობის მნიშვნელობაზე. შეხვედრაზე კომპანიების აღმასრულებელმა დირექტორებმა ისაუბრეს ქალთა გაძლიერების მიმართულებით განხორციელებულ საქმიანობებზე, მიღწევებზე და არსებულ გამოწვევებზე. სრულად... წყარო: ორგანიზაციის ვებგვერდი სოციალურ ქსელში

თბილისი. საია პრეზიდენტის ადმინისტრაციის თანამშრომლებთან დაკავშირებით ინიცირებულ რეგულაციას არაკონსტიტუციურად მიიჩნევს. „6 დეკემბერს საქართველოს პარლამენტს წარედგინა პარლამენტის წევრების, გურამ მაჭარაშვილისა და რატი იონათამიშვილის საკანონმდებლო ინიციატივა, რომლის მიხედვითაც, პრეზიდენტის ადმინისტრაციის თანამშრომლები ჩაითვლებიან ადმინისტრაციული ხელშეკრულებით დასაქმებულ პირებად და მათზე აღარ გავრცელდება ის შრომითი გარანტიები, რომლებიც გათვალისწინებულია პროფესიული საჯარო მოხელეებისათვის. აღნიშნულ კანონპროექტზე ბიურომ მიიღო გადაწყვეტილება მისი დაჩქარებული წესით განხილვის, მათ შორის, ერთ დღეს ორი მოსმენით განხილვის თაობაზე. მიგვაჩნია, რომ წარმოდგენილი საკანონმდებლო ინიციატივა ეწინააღმდეგება საქართველოს კონსტიტუციას, საქართველოს საკონსტიტუციო სასამართლოს პრაქტიკას და არ შეესაბამება „საჯარო სამსახურის შესახებ" საქართველოს კანონით განმტკიცებულ პრინციპებს, რითაც უხეშად არღვევს პრეზიდენტის ადმინისტრაციაში დასაქმებული პირების შრომით უფლებებს", - ვკითხულობთ საია-ს მიერ გავრცელებულ განცხადებაში. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალო - საქართველო" (TI) აცხადებს, რომ საქართველოს პარლამენტმა ეთიკის კოდექსი ეფექტური სანქციების გარეშე მიიღო. „ეთიკის კოდექსის მიღება მნიშვნელოვანი ნაბიჯია პარლამენტის მხრიდან, თუმცა არსებით ხარვეზს წარმოადგენს დარღვევის შემთხვევაში შესაბამისი რეაგირების ეფექტური მექანიზმების არ არსებობა. მიღებული ეთიკის კოდექსი, ქცევის წესის დარღვევის შემთხვევაში, დეპუტატისთვის სარეკომენდაციო წერილით მიმართვის უფლებამოსილებას ითვალისწინებს. ასევე გადაწყვეტილების მიღების შემდეგ პარლამენტის ვებგვერდზე გამოქვეყნდება იმ დეპუტატების სახელები, რომლებმაც დაარღვიეს ეთიკის კოდექსი, დარღვევის მცირე აღწერით", - აღნიშნულია TI-ის მიერ გავრცელებულ შეფასებაში, - „მნიშვნელოვანი ხარვეზების მიუხედავად, პარლამენტის მხრიდან კოდექსის მიღება ამ მიმართულებით პირველი ნაბიჯია და ვიმედოვნებთ, რომ ეთიკის კოდექსი ეფექტურად იმუშავებს, ეტაპობრივად გაუმჯობესდება და დაიხვეწება პრაქტიკაში გამოვლენილი ხარვეზებიდან გამომდინარე". სრულად  წყარო: ორგანიზაციის ვებგვერდი

თბილისი. პლატფორმა „არა-ფობიას!" ეხმაურება იუსტიციის სახლთან მიმდინარე მოვლენებს და მოუწოდებს სამართალდამცავ ორგანოებს, დაუყოვნებლივ მიიღონ სათანადო ზომები ადმინისტრაციული დაწესებულების შესასვლელის ბლოკირების საწინააღმდეგოდ, რაც ხელს უშლის მის ფუნქციონირებასა და იუსტიციის სახლის სერვისებით სარგებლობას. სრულად... წყარო: mdfgeorgia.ge

სამცხე–ჯავახეთი. 7 დეკემბერს „კონსულტაციის და ტრენინგის ცენტრმა“ უმასპინძლა, სამცხე–ჯავახეთის რეგიონული ჰაბის „დემოკრატ მესხთა კავშირის“ ინიცირებულ შეხვედრას – სამცხე–ჯავახეთის საზოგადოებრივ ორგანიზაციებთან შეხვედრას. შეხვედრას ესწრებოდა 18 რეგიონული საზოგადოებრივი ორგანიზაცია სამცხე–ჯავახეთიდან და ქვეყანაში მოქმედი საერთაშორისო და ადგილობრივი ორგანიზაციები. აღნიშნულ შეხვედრაზე რეგიონულმა ორგანიზაციებმა ისაუბრეს მათ საქმიანობებზე და რეგიონში არსებულ გამოწვევებზე. შეხვედრა გაიმართა პროექტის “სამოქალაქო საზოგადოების განვითარების ინიციატივა “ ფარგლებში, რომელიც ხორციელდება, ევროკავშირისა და გერმანიის ეკონომიკური თანამშრომლობისა და კონრად ადენაუერის ფონდის (KAS) ფინანსური მხარდაჭერით.

თბილისი. ქალთა მოძრაობა და არასამთავრობო ორგანიზაციები საგანგებოდ მიმართავენ საქართველოს ახლადარჩეულ პრეზიდენტს. „ქალთა მოძრაობა ულოცავს სალომე ზურაბიშვილს გაპრეზიდენტებას და შეახსენებს, რომ მას, როგორც ქალ პრეზიდეტს, მნიშვნელოვანი როლი აკისრია ქალთა უფლებრივი მდგომარეობის გაუმჯობესების საქმეში. ამის გათვალისწინებით, ქალთა მოძრაობა და სხვა სამოქალაქო ორგანიზაციები მოვუწოდებთ სალომე ზურაბიშვილს გადახედოს პრეზიდენტის საპარლამენტო მდივნად დიმიტრი გაბუნიას კანდიდატურის განხილვის გადაწყვეტილებას", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. კოალიცია დამოუკიდებელ და გამჭვირვალე მართლმსაჯულებისთვის პროკურატურის რეფორმის შედეგებს აფასებს. „რეფორმის საწყის ეტაპზე დაინტერესებული ჯგუფების აქტიური ჩართულობის და სხვადასხვა ფორმატში მოსაზრებების გაცვლის მიუხედავად, პარლამენტმა ინიცირება გაუკეთა ორგანული კანონის პროექტს, რომელშიც გაზიარებული არ იყო არაერთი პრინციპული შეთავაზება, რასაც გადამწყვეტი მნიშვნელობა ჰქონდა კონსტიტუციური რეფორმის მიზნებისთვის. სამწუხაროდ, რეფორმის საწყისი ეტაპისგან განსხვავებით, რეფორმის შემდეგი ეტაპები დახურულ ფორმატში და ნაჩქარევად გაგრძელდა. მიმდინარე წლის 31 ოქტომბერს, იურიდიულმა კომიტეტმა ინიცირებული პროექტი მეორე და ყველაზე მნიშვნელოვან მოსმენაზე, სხდომის შესახებ ინფორმაციის წინასწარი გამოქვეყნებისა და შესაბამისად, საზოგადოების წევრთა მონაწილეობის გარეშე განიხილა.კანონპროექტი მესამე მოსმენით, ქუთაისში პლენარულ სხდომებს შორის პერიოდში გავიდა ისე, რომ კომიტეტის სხდომის შესახებ ანონსი რეგლამენტით დადგენილ ვადებში არ გავრცელებულა", - აღნიშნულია დოკუმენტში. სრულად  წყარო: https://www.gdi.ge

თბილისი. „საერთაშორისო გამჭვირვალობა - საქართველოს" (TI) ინიციატივით შექმნილმა სამოქალაქო საბჭომ იმერეთის მუნიციპალიტეტების ყველაზე მნიშვნელოვანი საჭიროებების ჩამონათვალი შეადგინა. მოქალაქეთა გაერთიანება - სამოქალაქო საბჭო, რომლის მიზანია მუნიციპალიტეტებში არსებული ყველაზე მნიშვნელოვანი პრობლემების გამოვლენა და, ადგილობრივი მოსახლეობის მონაწილეობით, აღმოფხვრა, TI-იმ წელს შექმნა. „ჩვენ მიერ შედგენილი პრობლემების დოკუმენტი, შესაძლოა, მნიშვნელოვანი წყარო იყოს, რეგიონული განვითარებისა და ინფრასტრუქტურის სამინისტროს, ასევე - მუნიციპალური განვითარების ფონდისა და ადგილობრივი მუნიციპალიტეტებისთვის, ამა თუ იმ დასახლებაში არსებული საჭიროებების იდენტიფიკაციისა და, შემდგომში, მოსახლეობის საკეთილდღეოდ ინფრასტრუქტურული თუ სხვა სახის პრობლემის მოსაგვარებლად", - მიიჩნევენ TI-ში. სრულად  წყარო: ორგანიზაციის ვებგვერდი

შიდა ქართლი. გორის სამოქალაქო აქტივიზმის ცენტრის მოხალისეებმა, მოხალისეთა საერთაშორისო დღის აღნიშვნა ორიგინალურად გადაწყვიტეს. „ზამთრის სუსხიან დღეს, ცენტრის მოხალისეები ქალაქში მიმოიფანტნენ. ცხელი ჩაით, ყავით, ტკბილეულობით, ბუშტებით, მისალოცი ბარათებითა და ბევრი პოზიტივით აღსავსეებმა, ადგილობრივებსა და ჩამოსულ სტუმრებს მოხალისეთა საერთაშორისო დღე მიულოცეს," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. 13 დეკემბერს, ხუთშაბათს, ღია საზოგადოების ფონდის ოფისში (მის: ჭოველიძის #10) ჩატარდება საკონსულტაციო შეხვედრა გრანტის მაძიებლებთან. პროგრამების წარმომადგენლები თქვენს შეკითხვებს უპასუხებენ. საკონსულტაციო შეხვედრას ჩაატარებენ პროგრამები: საზოგადოებრივი ჯანმრთელობა - 12:00 სთ; ეროვნული ინტეგრაცია - 12:00 სთ მონაწილეობითი დემოკრატიის პროგრამა - 14:00 სთ; ადამიანის უფლებები - 16:00 სთ; ევროინტეგრაცია - 17:00 სთ; სრულად... წყარო: www.osgf.ge

კონსულტაციისა და ტრენინგის ცენტრმა (CTC) მის მიერ შემუშავებული სახელმძღვანელო დოკუმენტის: „ჯანმრთელობისა და ზრუნვის მუნიციპალური პროგრამების შემუშავების გზამკვლევი" პრეზენტაცია გამართა. „გზამკვლევი განსაზღვრავს ჯანმრთელობის დაცვისა და ზრუნვის სფეროში ადგილობრივი თვითმმართველობების პროგრამების შემუშავებისა და დანერგვის სახელმძღვანელო პრინციპებს. პრეზენტაციის შემდგომ, გაიმართა ფასილიტირებული დისკუსია საკითხზე: საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და ადგილობრივ თვითმმართველობებს შორის ურთიერთთანამშრომლობა ჯანმრთელობისა და სოციალური დაცვის ზრუნვაზე ორიენტირებული მუნიციპალური პროგრამების დაგეგმვის პროცესში," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის (საია) გამგეობის გადაწყვეტილებით, სულხან სალაძე ახალგაზრდა იურისტთა ასოციაციის თავმჯდომარედ მეორე ვადით აირჩიეს. „სულხანი საიას 2017 წლის დეკემბრიდან ხელმძღვანელობს. ის საქართველოს ახალგაზრდა იურისტთა ასოციაციაში მუშაობს 2011 წლიდან და თავმჯდომარედ არჩევამდე და ორგანიზაციაში სხვადასხვა პოზიცია ჰქონდა დაკავებული ანტიკორუფციული, გამჭვირვალობისა და კარგი მმართველობის მიმართულებით. მათ შორის, იყო პროექტის იურისტი, კოორდინატორი, 2015 წლის ნოემბრიდან კი, არის საიას გამგეობის წევრი. სულხანი, ასევე, ჩართული იყო საიას აჭარის ფილიალის საქმიანობაში 2004-2005 წლებში," ნათქვამია ორგანიზაციის ვებგვერდზე. სრულად... წყარო: gyla.ge

თბილისი. „ინფორმაციის თავისუფლების განვითარების ინსტიტუტი" (IDFI) აქვეყნებს მასალას, რომელშიც საქართველოს დემოკრატიის ხარისხი V-Dem ინსტიტუტის მეთოდით მიხედვით არის შეფასებული. V-Dem Institute დაფუძნდა შვედეთში, გიოტებორგის უნივერსიტეტში. ეს არის სოციალური მეცნიერებისგან შემდგარ ჯგუფი, რომელიც 6 კონტინენტზე, სხვადასხვა ქვეყნის 2500-ზე მეტ საერთაშორისო ექსპერტთან ერთად, 19 მილიონზე მეტი მონაცემის შემცველ ბაზებზე მუშაობს. „V-Dem-ის მონაცემების ანალიზი (იხ. მიმაგრებული ფაილი) ცხადყოფს საქართველოში დემოკრატიის ხარისხის მდგომარეობას. 2017 წლის მაკრო ინდექსის მონაცემები წინა წელთან შედარებით უმნიშვნელოდაა გაზრდილი. ამავე დროს, დემოკრატიის საშუალო დონის ინდექსებისა და ცალკეული ინდიკატორების ანალიზისას ირკვევა თუ რა უშლის ხელს საქართველოში დემოკრატიის ხარისხის მნიშვნელოვან განვითარებას. მონაცემთა ანალიზისას თვალშისაცემია ის მიმართულებები, რამაც ბოლო წლებში გაუარესება განიცადეს და შესაბამისად ნეგატიური ასახვა ჰპოვეს საქართველოს რეიტინგში. ეს მიმართულებებია: გამოხატვის თავისუფლებისა და სხვა ალტერნატიული ინფორმაციის არსებობა, კანონის წინაშე თანასწორობა და ინდივიდუალური თავისუფლება, სასამართლოს დამოუკიდებლობა, მართლმსაჯულებაზე ხელმისაწვდომობის უფლება, აკადემიური და კულტურილი გამოხატვის თავისუფლება და სოციალური კლასების თანაბარუფლებიანობა, აგრეთვე კრიტიკული მედიასაშუალებები, ინტერნეტ ცენზურა და სხვა", - ვკითხულობთ IDFI-ის მიერ გამოქვეყნებულ ინფორმაციაში. სრულად წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია აქვეყნებს ორგანიზაციის იურისტის, მიხეილ ჯახუას ბლოგ-პოსტს, რომელიც სარალიძისა და მაჩალიკაშვილის საქმეებს შეეხება. „ზაზა სარალიძისა და მალხაზ მაჩალიკაშვილის შვილების საქმეების გამოძიების მოთხოვნით 2018 წელს ჩატარდა არაერთი საპროტესტო აქცია. ისინი პერიოდულად ცდილობდნენ აქციის საჭიროებებიდან გამომდინარე კარავი გაეშალათ პარლამენტის მიმდებარე ტერიტორიაზე, თუმცა მათი ყველა მცდელობა შინაგან საქმეთა სამინისტრომ აღკვეთა და კარვები ჩამოართვა. სამინისტროს მხრიდან აქციისთვის ხელშეშლის გამო ზაზა სარალიძემ და მალხაზ მაჩალიკაშვილმა მიმართეს სასამართლოს. სასამართლოში დავა შეეხებოდა მარტივ კითხვას: შეიძლება თუ არა კარვის გამოყენებით აქციის ჩატარება? კარვის გაშლისათვის შსს წინააღმდეგობის კანონიერების შეფასებაზე დავას სასამართლო ნაცვლად კანონით დადგენილი 3 დღისა, 2 თვის განმავლობაში განიხილავდა. საბოლოოდ საქმის განხილვა ისე შეწყდა სასამართლომ მარტივ კითხვაზე პასუხის ნაცვლად, გამოხატვის თავისუფლებისთვის დამაზიანებელი ბევრად მეტი კითხვა გააჩინა", - ვკითხულობთ ბლოგ-პოსტში. სრულად  წყარო: ორგანიზაციის ვებგვერდი

იმერეთი. ადგილობრივი დემოკრატიის სააგენტო საქართველომ, ნოემბრის თვეში, ქუთაისის მედია სკოლისა და ახალგაზრდა იურისტთა ასოციაციის ქუთაისის ფილიალში არსებული საკვირაო სკოლის მოსწავლეებისთვის გამართა საინფორმაციო შეხვედრა. ის პროექტს „იმერეთის მხარეში, ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) თაობაზე, მოქალაქეთა ინფორმირება" შეეხებოდა. პროექტის მიზანია, ხელი შეუწყოს მოსახლეობის ინფორმირებულობას DCFTA-ს განხორციელების პროცესის მხარდაჭერის მისაღწევად. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს სამოქალაქო საბჭოების წევრების მიერ გამოვლენილი საჭიროებების დოკუმენტს. საჭიროებებს შორისა: სასმელი და სარწყავი წყლის მიწოდება, შიდა გზებისა და სანიაღვრე არხების მოწესრიგება, მეწყერსაშიში ზონების გამაგრება, გარე განათებების დამონტაჟება და სხვა. დასახელებული პრობლემები მნიშვნელოვანია შემდეგი წლის ბიუჯეტში აისახოს. სრულად... წყარო: www.transparency.ge

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

აჭარა. თავისუფალ ჟურნალისტთა სახლმა, 22 ნოემბერს, ევროინტეგრაციის თემაზე, კიდევ ერთი შეხვედრა ბათუმის ხელოვნების სასწავლო უნივერსიტეტში გამართა. შეხვედრის მონაწილეებმა მიღეს ინფორმაცია ასოცირებს ხელშეკრულების შინაარსისა და მისგან მოსალოდნელი სიკეთეების შესახებ, გარემოს დაცვის, განთლებისა და კულტურის მიმართულებით შესრულებული ვალდებულებები და სიახლეები, სხვა. სრულად  წყარო: ორგანიზაციის გვერდი სოციალურ ქსელში

თბილისი. საქართველოს პოლიტიკის ინსტიტუტმა (GIP) ნატო-ს სამეკავშირეო ოფისთან პარტნიორობით, სოციალური ვიდეორგოლების პრეზენტაცია გამართა. პრეზენტაციის შემდეგ, მოწვეულ სტუმრებთან ერთად, გაიმართა მსჯელობა იმის შესახებ, თუ როგორ უნდა ხდებოდეს ნატო-საქართველოს თანამშრომლობის მიღწევების თაობაზე საზოგადოების ინფორმირება. სრულად  წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველომ" (TI) მოამზადა ბლოგი, რომელშიც მოცემულია პარლამენტის რეგლამენტის პროექტის შეფასება, საზედამხედველო ფუნქციის განხორციელების მიმართულებით. „საქართველოს პარლამენტმა პირველი მოსმენით მიიღო პარლამენტის ახალი რეგლამენტის პროექტი, რომლის მომზადება, ერთი მხრივ, განაპირობა საკონსტიტუციო ცვლილებებმა, ხოლო, მეორე მხრივ, რეგლამენტის დახვეწის, გაუმჯობესებისა და პარლამენტის ინსტიტუციური გაძლიერების საჭიროებამ. ახალი რეგლამენტის პროექტით გათვალისწინებული სიახლეები შეეხება როგორც საკანონმდებლო პროცესს, ისე - პარლამენტის მხრიდან ზედამხედველობის განხორციელებას, საკანონმდებლო ორგანოს ღიაობის, გამჭვირვალობისა და ანგარიშვალდებულების საკითხებს", - აღნიშნულია ბლოგში. სრულად  წყარო: ორგანიზაციის ვებგვერდი