თბილისი. საზოგადოებრივ ორგანიზაციათა არაფორმალური კოალიცია, ასოცირების შეთანხმების შესრულების შესახებ ევროპარლამენტის რეზოლუციასთან დაკავშირებით, ხელისუფლებას მიმართავს. „არასამთავრობო ორგანიზაციათა არაფორმალური კოალიცია, რომელიც საქართველოსა და ევროკავშირს შორის გაფორმებული ასოცირების ხელშეკრულების (დემოკრატია, კანონის უზენაესობა, ადამიანის უფლებები, თანასწორობა, და გარემოს დაცვა) შესრულების მონიტორინგს 2014 წლიდან ახორციელებს, მიესალმება ევროპის პარლამენტის მიერ ხელშეკრულებით ნაკისრი ვალდებულებების შესრულების შესახებ მომზადებულ 2018 წლის 15 ნოემბრის ანგარიშს", - ნათქვამია მიმართვაში, - „წარმოდგენილი ანგარიში კრიტიკულად ასახავს იმ რეალობას, რაც საქართველოში დემოკრატიისა და ევროკავშირში ინტეგრაციის კუთხით არსებობს. მნიშნველოვანია, რომ დოკუმენტში წარმოდგენილი გამოწვევები რეალურად იქნას აღქმული და საქართველოს ხელისუფლებამ ისინი გაითვალისწინოს სამომავლო რეფორმების დაგეგმის პროცესში". სრულად  წყარო: http://www.osgf.ge

თბილისი. სამოქალაქო საზოგადოების ინსტიტუტის (CSI) ინიციატივით, ღია მმართველობა საქართველოს (OGP) 2018-2019 წლების სამოქმედო გეგმაში სახელმწიფო საგრანტო დაფინანსების სისტემის გამჭვირვალობის გაზრდის ვალდებულება აისახა (გეგმის ვალდებულება 12). სამოქმედო გეგმა საქართველოს მთავრობის 2018 წლის 12 ნოემბრის N537 დადგენილებით დამტკიცდა.  ვალდებულების მიზანია, სახელმწიფო/საჯარო ინსტიტუციების მიერ საგრანტო დაფინანსების გაცემის არსებული სისტემის გამჭვირვალობის, ხელმისაწვდომობისა და ეფექტიანობის გაზრდა. გეგმაში ასახული სამოქალაქო საზოგადოების ინსტიტუტის მიერ წარდგენილი ინიციატივა, ეყრდნობა სამოქალაქო საზოგადოების ინსტიტუტის მიერ ჩატარებულ კვლევებს, აგრეთვე საზოგადოებრივი ორგანიზაციებისა და დაინტერესებული ინსტიტუციების მონაწილეობით შემუშავებულ რეკომენდაციებს (სახელმწიფო საგრანტო დაფინანსების სისტემის რეფორმის კონცეფცია).  სამოქმედო გეგმაში ასახული ვალდებულების ერთ-ერთი კომპონენტი გულისხმობს, კანონით დადგინდეს ძირითადი სტანდარტ-პრინციპები, რომელიც საკმარისად მკაფიო იქნება იმისთვის, რომ საგრანტო დაფინანსება სანდო და გამჭვირვალე პროცესად იქცეს. ვალდებულება, ასევე, გულისხმობს ადგილობრივი თვითმმართველობებისთვის გრანტის გაცემის მექანიზმის გამოყენების უფლების მიცემას, რაც ხელს შეუწყობს, ინტერ-მუნიციპალური ინიციატივების წახალისებას, ამ პროცესში სამოქალაქო საზოგადოების აქტიურ ჩართვასა და ადგილზე სხვადასხვა ინიციატივების წახალისებას.  კონცეფცია შეიქმნა „სამოქალაქო საზოგადოების განვითარების ინიციატივის"(#CSSIGE) პროექტის ფარგლებში, რომელსაც ახორციელებს კონრად ადენაუერის ფონდი (KAS) სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

აჭარა. სამოქალაქო საზოგადოების ინსტიტუტის ბათუმის ფილიალი და „ახალგაზრდული ორგანიზაცია ცვლილებები თანაბარი უფლებებისთვის" აგრძელებს პროექტების წერის ტრენინგს, რომლის მიზანია ახალგაზრდების უნარების გაძლიერება პროექტების წერის მიმართულებით. პროექტში მონაწილეობს 15 ახალგაზრდა, რომლებიც პროექტის წერასთან ერთად ეცნობიან შეზღუდული შესაძლებლობის მქონე პირთა უფლებების ადვოკატირების პრინციპებს, თვითმმართველობის საქმიანობას და მოქალაქეთა მონაწილეობის მექანიზმებს. ტრენინგების ბოლოს აღნიშნული ჯგუფები რეალურად განახორციელებენ მათ მიერ დაწერილ პროექტებს. სრულად... წყარო: ორგანიზაციის ვებგვერდი სოციალურ ქსელში

თბილისი. 13 ნოემბერს არასამთავრობო ორგანიზაცია სიდას აღმასრულებელმა დირექტორმა, სალომე ზურაბიშვილმა და შვედეთის საელჩოს განვითარების თანამშრომლობის ხელმძღვანელმა საქართველოში, მოლი ლიენმა, ხელი მოაწერეს საგრანტო ხელშეკრულებას. „შვედეთის მიერ დაფინანსებული პროექტი - ლიდერობა საქართველოში მდგრადი განვითარებისთვის (Leadership for Sustainable Development in Georgia) - რომელსაც ორგანიზაცია მომდევნო 30 თვის მანძილზე განახორციელებს, მიზნად ისახავს საქართველოში მულტისექტორული თანამშრომლობის ხელშეწყობასა და ბიზნესის ჩართულობის გაზრდას მდგრადი განვითარების დღის წესრიგის იმპლემენტაციის პროცესში," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. ბათუმის № 20 საჯარო სკოლისა და ახალგაზრდა მეცნიერთა კავშირი „ინტელექტი"-ს ორგანიზებით, ამავე სკოლის მოსწავლეებისთვის, „დროის ბანკის" პრეზენტაცია გაიმართა. „დროის ბანკი", პროექტის - „სამოქალაქო საზოგადოების განვითარების ინიციატივა" ერთ-ერთი კომპონენტია, რომელიც მიზნად ისახავს სამოქალაქო აქტივიზმის ერთ-ერთი ფორმის, მოხალისეობის პოპულარიზაციას ელექტრონული პლატფორმის - www.timerepublik.com -ის მეშვეობით. შეხვედრაზე მოწვეული ახალგაზრდები, გაეცვნენ „დროის ბანკის" არსს, მის მნიშვნელობას საზოგადოებისთვის და საიტის მუშაობის პრინციპს," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. EWMI ACCESS-მა დაიწყო საინფორმაციო შეხვედრები რეგიონებში სლოგანით „უფლება გაქვს, იცოდე". „შეხვედრებზე არასამთავრობო ორგანიზაციები, ჟურნალისტები, სამოქალაქო აქტივისტები და სხვა დაინტერესებული პირები ეცნობიან ACCESS-ის მიზნებს, ძირითად მიდგომებს, ბოლო 4 წლის მუშაობის შედეგებს და სამომავლო გეგმებს. მათ ასევე ეძლევათ შესაძლებლობა, საკუთარი მოსაზრებები და წინადადებები გაუზიარონ ACCESS-ს ამ აქტივობებთან და ზოგადად, სამოქალაქო სექტორში არსებულ საჭიროებებთან დაკავშირებით. 13 ნოემბერს, პირველი ასეთი შეხვედრა რუსთავის დემოკრატიული ჩართულობის ცენტრში გაიმართა. მონაწილეებმა დეტალური ინფორმაცია მიიღეს ACCESS-ის საქმიანობაზე, მათ შორის, ახალ საგრანტო კონკურსზე, რომელიც მომავალ კვირას გამოცხადდება და ორგანიზაციული განვითარების მიმდინარე პროგრამაზე," ნათქვამია ორგანიზაციის ვებგვერდზე. სრულად... წყარო: ewmi-access.org

თბილისი. სამოქალაქო საზოგადოების ინსტიტუტმა (CSI) შეიმუშავა „საზოგადოებრივი ორგანიზაციების სახელმწიფო საგრანტო დაფინანსების რეფორმის კონცეფცია". იგი მოიცავს ისეთ საკითხებს, როგორიცაა: არსებული სახელმწიფო საგრანტო დაფინანსების პრაქტიკას, მისი რეფორმის საჭიროების საკითხებს და რეფორმის მიმართულებებს. კონცეფცია შეიქმნა „სამოქალაქო საზოგადოების განვითარების ინიციატივის"(CSSIGE) პროექტის ფარგლებში, რომელსაც ახორციელებს კონრად ადენაუერის ფონდი (KAS) სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ. კონცეფცია...

თბილისი. 8-9 ნოემბერს, თბილისში, სამოქალაქო საზოგადოების ინსტიტუტმა (CSI), ჩაატარა ტრენერთა ტრენინგი თემაზე, „სისტემური ცვლილება და მონაწილეობა “, რომელშიც მონაწილეობას იღებდნენ რეგიონული ჰაბების წარმომადგენლები. ტრენინგის მონაწილეებმა გაიღრმავეს ცოდნა სისტემური ცვლილებისა და მონაწილეობითი მიდგომების შესახებ, ისინი ასევე გაეცნენ მონაწილეობით ინსტრუმენტებს და გაიუმჯობესეს ფასილიტაციის უნარ-ჩვევები. რეგიონულ ჰაბებს გადაეცემათ აღნიშნული ტრენინგ-მოდულის სრული პაკეტი, რაც მათ შესაძლებლობას მისცემს, თავად დაგეგმონ და ჩაატარონ ტრენინგები მოცემულ საკითხებზე, საკუთარ თემში.  ტრენერთა ტრენინგი ჩატარდა პროექტ ,,სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

8-9 ნოემბერს, თბილისში, სამოქალაქო საზოგადოების ინსტიტუტმა (CSI), ჩაატარა ტრენერთა ტრენინგი თემაზე, „სისტემური ცვლილება და მონაწილეობა ", რომელშიც მონაწილეობას იღებდნენ რეგიონული ჰაბების წარმომადგენლები. ტრენინგის მონაწილეებმა გაიღრმავეს ცოდნა სისტემური ცვლილებისა და მონაწილეობითი მიდგომების შესახებ, ისინი ასევე გაეცნენ მონაწილეობით ინსტრუმენტებს და გაიუმჯობესეს ფასილიტაციის უნარ-ჩვევები. რეგიონულ ჰაბებს გადაეცემათ აღნიშნული ტრენინგ-მოდულის სრული პაკეტი, რაც მათ შესაძლებლობას მისცემს, თავად დაგეგმონ და ჩაატარონ ტრენინგები მოცემულ საკითხებზე, საკუთარ თემში. ტრენერთა ტრენინგი ჩატარდა პროექტ ,,სამოქალაქო საზოგადოების განვითარების ინიციატივის" ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

ქვემო ქართლი. 12 ნოემბერს, დმანისის ახალგაზრდულ ცენტრში ტოლერანტობის თვესთან დაკავშირებით ჩატარდა თანატოლთა ტრენინგ-სემინარი. „შეხვედრა წარმოდგენილი იყო ორ ნაწილად: პირველი - ლექცია და დისკუსია ტოლერანტობის დადებით მხარეებზე, მის ისტორიაზე, ევროკავშირისა და აშშ-ს გამოცდილებაზე, ხოლო მეორე - ჯგუფური მუშაობა, რომლის ფარგლებში მონაწილეებმა პრეზენტაციის სახით ისაუბრეს ტოლერანტული საზოგადოების ჩამოყალიბების ალტერნატიულ გზებზე”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. 9 ნოემბერს, წალენჯიხის მუნიციპალიტეტის თვითმმართველობის სხდომათა დარბაზში, სამოქალაქო ფორუმი გაიმართა, რომელსაც ესწრებოდნენ მუნიციპალიტეტის მერიისა და საკრებულოს წარმომადგენლები, სამოქალაქო საზოგადოების აქტივისტები და მედიის წარმომადგენლები. „ფორუმის მონაწილეებმა არასამთავრობო სექტორისა და ადგილობრივი ხელისუფლების თანამშრომლობის მნიშვნელობასა და გენდერული მიმართულებით მუშაობის გაძლიერების აუცილებლობაზე ისაუბრეს. ჯგუფური მუშაობისას ფორუმის მონაწილეებმა დააფიქსირეს, როგორ უნდა მოხდეს ადგილობრივ დონეზე გაეროს რეზოლუცია 1325-ის ეროვნული სამოქმედო გეგმის რეალიზება”, ნათქვამია ქალთა საინფორმაციო ცენტრის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) საქართველოს პარლამენტს ადმინისტრაციულ სამართალდარღვევათა კოდექსის გადახედვის მიზნით სამუშაო ჯგუფის შექმნის მოთხოვნით მიმართავს. „საქართველო დღემდე იყენებს საბჭოთა პერიოდიდან შემორჩენილ ადმინისტრაციულ სამართალდარღვევათა კოდექსს, რომლის რეფორმის საკითხი არაერთი წელია დღის წესრიგში დგას. საია ცდილობს სტრატეგიული სამართალწარმოების გზით ხელი შეუწყოს ადმინისტრაციულ სამართალდარღვევათა კოდექსის არაკონსტიტუციური გამოყენების შეზღუდვას. ამ მიზნით, საიამ საკონსტიტუციო სასამართლოში წარადგინა 6 სარჩელი. ამათგან ერთზე გადაწყვეტილება უკვე მიღებულია. საკითხის მნიშვნელობის გათვალისწინებით, საია მიიჩნევს, რომ საქართველოს პარლამენტში უნდა შეიქმნას სამუშაო ჯგუფი, რათა საკონსტიტუციო სასამართლოს გადაწყვეტილების შესაბამისად, მომზადდეს საკანონმდებლო ცვლილებები. მნიშვნელოვანია, რომ სამუშაო ჯგუფის მანდატი არ იყოს შეზღუდული მხოლოდ საკონსტიტუციო სასამართლოს გადაწყვეტილებით და მუშაობა წარიმართოს ადმინისტრაციულ სამართალდარღვევათა კოდექსის არსებითი ცვლილებისათვის. საია იმედს გამოთქვამს, რომ უახლოეს პერიოდში შეიქმნება სამუშაო ჯგუფი და გამოთქვამს მზადყოფნას, აქტიურად ჩაერთოს მის მუშაობაში," ნათქვამია ორგანიზაციის ვებგვერდი სოციალურ ქსელში. სრულად... წყარო: gyla.ge

თბილისი. საქართველოს სტრატეგიული კვლევებისა და განვითარების ცენტრის (CSRDG) ინიციატივით, 15 ნოემბერს გაიმართება „სოციალური საწარმოების II #B2B გამოფენა". ღონისძიება მიზნად ისახავს სოციალურ საწარმოებსა და წამყვან ბიზნეს კომპანიებს, ასევე სხვადასხვა სექტორებს შორის საქმიანი ურთიერთობების დამყარებასა და გაღრმავებას, ცნების პოპულარიზაციასა და სოციალური მეწარმეობის განვითარების ხელშეწყობას საქართველოში. სრულად... წყარო: CSRDG

თბილისი. საქართველოს ახალგაზრდა იურისტთა ასოციაციის მორიგი (XXVI) საერთო კრება ჩატარდება 2018 წლის 18 ნოემბერს, თბილისში, სასტუმრო ,,ჰოლიდეი ინ"-ში, მისამართი: 26 მაისის მოედანი, #1. საერთო კრებაზე სხვა მნიშვნელოვან საკითხებთან ერთად, დაგეგმილია საიას წესდებაში შესატანი ცვლილებების განხილვა და დამტკიცება. სრულად... წყარო: gyla.ge

აჭარა. 9 ნოემბერს, ორგანიზაციის მოხალისეებმა, ლაშა შაინიძემ და ჯიმი გორგილაძემ ხელვაჩაურის ახალგაზრდული ცენტრის წევრებისთვის თანატოლგანმანათლებელთა ტრენინგი ჩაატარეს თემაზე: მრავალფეროვნების სახეები. „მრავალფეროვნება არსებობს მაშინ, როდესაც მთელი საზოგადოება და თემი, ყველა უმცირესობათა ჯგუფი სამართლიანად მონაწილეობს ყველა იმ გადაწყვეტილების მიღებაში, რომელიც ეხება ამ საზოგადოებისთვის მნიშვნელოვან საკითხებს. შეხვედრაზე მონაწილეებმა ისაუბრეს რელიგიურ, ეთნიკურ და ეროვნულ მრავალფეროვნებაზე, ასევე რატომ არის მნიშვნელოვანი ერთმანეთის პატივისცემა, ურთიერთგაგება და მშვიდობიანი თანაცხოვრება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. პროექტის „საქართველოს ეროვნული პლატფორმის როლის გაძლიერება ქვეყნის ევროინტეგრაციის გზაზე" ფარგლებში, 7 და 8 ნოემბერს, გაიმართა ორდღიანი ტრენინგი თემაზე: „მონიტორინგის დოკუმენტის შემუშავება და ადვოკატირება" და „საკანონმდებლო აქტების პროექტების ანალიზის ტექნიკა." ტრენინგს ესწრებოდნენ პლატფორმის წევრი ორგანიზაციების წარმომადგენლები. სრულად... წყარო: პლატფორმის ვებგვერდი სოციალურ ქსელში

სამეგრელო. 8 ნოემბერს, ზუგდიდის ახალგაზრდულ ცენტრში ჩატარდა თანატოლთა განათლების ტრენინგი ჩატარდა კარიერულ წინსვლაზე ორიენტირებული სესიების ციკლიდან. „შეხვედრა მოიცავდა შემდეგ თემებს: CV-ს შევსების სტრატეგიები და რეკომენდაციები, სამოტივაციო წერილის შედგენის სტრუქტურა, და თვითპრეზენტაცია. შეხვედრის დასასრულს გაიმართა როლური თამაში, იმიტირებული გასაუბრება, სადაც ახალგაზრდებმა მოირგეს, როგორც ვაკანტური პირის, ასევე დამსაქმებლის ამპლუა," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველოს აქვეყნებს განცხადებას: ნაბიჯები დემოკრატიული მმართველობისკენ: პოლიტიკური სისტემის გაჯანსაღება გადაუდებელ რეფორმებს მოითხოვს. „ბოლო თვეების მოვლენებმა ცხადად წარმოაჩინეს საქართველოში არსებული მმართველობის ის სისტემური პრობლემები, რომელთა შესახებ სამოქალაქო საზოგადოების ორგანიზაციები მუდმივად წერდნენ და საუბრობდნენ. ხელისუფლების მიერ წლების განმავლობაში ამ პრობლემების იგნორირებამ შექმნა მდგომარეობა, როდესაც საფრთხე ექმნება სახელმწიფოში კანონის უზენაესობას და საკვანძო ინსტიტუტების ფუნქციონირებას კონსტიტუციისა და საჯარო ინტერესების შესაბამისად. ვფიქრობთ, არსებული კრიზისის დასაძლევად აუცილებელია, რომ ხელისუფლებამ დაუყოვნებლივ წამოიწყოს რეფორმები, რომელთა მიზანი იქნება სახელმწიფოს ძირითადი ინსტიტუტების გარდაქმნა დემოკრატიული მმართველობის ფუნდამენტური პრინციპების - გამჭვირვალობის, ანგარიშვალდებულებისა და კეთილსინდისიერების შესაბამისად", ნათქვამია ორგანიზაციის ვებგვერდზე. სრულად... წყარო: www.transparency.ge

შიდა ქართლი. გორის სახელმწიფო სასწავლო უნივერსიტეტში „კონსტიტუციის 42-ე მუხლი"-ს იურისტებმა ჩაატარეს სემინარი სამუშაო ადგილზე შევიწროების/სექსუალური შევიწროების თემაზე. „სემინარზე სტუდენტებს გააცნეს სამუშაო ადგილზე შევიწროების დეფინიცია; საერთაშორისო თუ საქართველოში ჩატარებული კვლევების მიგნებები შევიწროების/სექსუალური შევიწროების შესახებ. სემინარზე განიხილეს ქართულ კანონმდებლობაში არსებული ხარვეზები, რაც სამუშაო ადგილზე შევიწროების/სექსუალური შევიწროების წინააღმდეგ ეფექტურად ბრძოლას ართულებს. სემინარის დასკვნითი ნაწილი დაეთმო სასმართლო გამოცდილებისა და კონკრეტული სიტუაციური მაგალითების განხილვას დისკუსიის რეჟიმში", ნათქვამია კონსტიტუციის 42-ე მუხლის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველო თვლის, რომ არჩევნების მეორე ტურის წინ ხელისუფლებამ მასშტაბური სოციალური პროექტების წარდგენისგან თავი უნდა შეიკავოს. „სახელმწიფომ უნდა შეიმუშავოს სოციალური პოლიტიკა, რომელიც არა მხოლოდ წინასაარჩევნო პერიოდში გაზრდის სოციალური დახმარებების ოდენობას, არამედ ხელს შეუწყობს სოციალური დაცვის სტაბილური სისტემის ჩამოყალიბებას. ჯანსაღი და კონკურენტული საარჩევნო გარემოსთვის ძალზე მნიშვნელოვანია, რომ ასეთი საბიუჯეტო პროგრამების ინიცირება არ მოხდეს არჩევნებამდე მცირე ხნით ადრე, რადგან ამით სახელისუფლო კანდიდატი სერიოზულ უპირატესობას იღებს," ნათქვამია ორგანიზაციის ვებგვერდზე. სრულად... წყარო: www.transparency.ge

გურია. ახალგაზრდა პედაგოგთა კავშირის წარმომადგენლების მიერ, ორგანიზაციის 4 პარტნიორი სკოლის - სოფ. შრომის, სოფ. ლაითურის, სოფ. ნასაკირალისა და სოფ. ხაჯალიას მოსწავლეთა მშობლებს ჩაუტარდათ ცნობიერების ამაღლებისკენ მიმართული ტრენინგი თემაზე - „მრავალფეროვნების მართვა."  „აღნიშნული თემა, დაეხმარება მიზნობრივ ჯგუფს, სწორად განსაზღვროს საზოგადოების მრავალფეროვანი ჯგუფების სპეციფიკური თავისებურებები, ასევე გაუჩნდეთ შესაბამისი დამოკიდებულებები მათი მიმღებლობის მიმართ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში