იმერეთი. „პირველი ნაბიჯი საქართველოს" ქუთაისის ფილიალის დღის ცენტრში გაიმართა სენსორული ინტეგრაციის პროგრამისა და სპეციალური კლასის პრეზენტაცია. სენსორული ინტეგრაცია ხელს უწყობს ბავშვების ადაპტაციას გარემოსთან და ქცევის ორგანიზებას. პროგრამა მიმდინარეობს სპეციალურად მოწოყობილ ოთახში, რომელიც აღჭურვილია სპეციალური განმავითარებელი საშუალებებითა და აუდიო/ვიზუალური ინვენტარით. წყარო:ორგანიზაციის გვერდი სოციალურ ქსელში

აჭარა.  3 დეკემბერს, ბათუმის დემოკარატიული ჩართულობის ცენტრისა და ახალგაზრდული ორგანიზაციის „ცვლილებები თანაბარი უფლებებისათვის" ორგანიზებით,  შშმ პირების უფლებების დაცვის საერთაშორისო დღისადმი  მიძღვნილი დისკუსია" „მე ვირჩევ თანაბარ გარემოს" –  გაიმართა.  ადგილობრივი საჯარო  უწყებების წარმომადგენლებმა და შშმ პირების უფლებებზე მომუშავე  ორგანიზაციის ხელმძღვანელებმა წარადგინეს მოხსენებები, რომლითაც დამსწრე საზოგადოებას 3 დეკემბრის მნიშვნელობის,  ასევე  შშმ პირებისათვის განკუთნილ სახელმწიფო პროგრამებზე ესაუბრნენ. შეხვედრას ადგილობრივი საზოგადოებრივი ორგანიზაციების წარმომადგენლები, შშმ პირები და სტუდენტები ესწრებოდნენ. შეხვედრა გაგრძელდა ფოტოგამოფენით, სადაც წარმოდგენილი იყო ბათუმში არაადაპტირებული შენობების ამსახველი ფოტოები.

იმერეთი. 3 დეკემბერს, ქუთაისის ახალგაზრდულმა ცენტრმა შეზღუდული შესაძლებლობის მქონე პირთა საერთაშორისო დღე აღნიშნა.  ცენტრის წევრებისთვის გაიმართა სემინარი თემაზე: „შშმ პირთა უფლებები და ინკლუზიური განათლების დანერგვა საქართველოში". ახალგაზრდები ასევე ეწვივნენ შეზღუდული შესაძლებლობის მქონე ბავშვთა დღის ცენტრს „ჯადოსნურ სამყაროს", სადაც 19 აღსაზრდელს გადასცეს წიგნები, სახატავი რვეუელები და მათთან ერთად გამართეს შემეცნებით-საგანმანათლებლო აქტივობები. ღონისძიებები გაიმართა საქართველოში ეროვნული ინტეგრაციის გაძლიერების პროექტის (ANI) ფარგლებში, რომელსაც ახორციელებს საქართველოს გაეროს ასოციაცია(UNAG), აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

აჭარა. 3 დეკემბერს, ბათუმის პრესკაფესა და „თავისუფალ ჟურნალისთა სახლის" ინიციატივით სტუდენტური დისკუსია გაიმართა, სადაც მომხსენბლები შშმ პირები იყვნენ. სტუდენტებმა აჭარაში მცხოვრები ახალგაზრდა შშმ პირების განათლებისა და დასაქმების პრობლემებზე ისაუბრეს. შეხვედრაზე ნაჩვენებ იქნა მედია სკოლის მოსწავლეების მიერ მომზადებული სიუჟეტი: „უსინათლო მეწისქვილეს ერთი დღე". ასევე, „ხელოვანთა ფონდისა" და „არტ ვეის" მიერ ჩატარებული საზოგადოების აზრის ვიდეო გამოკითხვის შედეგები. დისკუსია გადაიცემოდა ლაივტრიმის მეშვეობით. შეხვედრის ჩანაწერი იხილეთ

სამეგრელო. ასოციაცია „ათინათის" ახალგაზრდულმა ცენტრმა „ორტუსმა" შშმ პირთა დღე კოკის ბავშვთა ცენტრის ბავშებთან ერთად აღნიშნა. ორტუსის ახალგაზრდებმა ბავშვებს გააცნეს ახალგაზრდული ცენტრის საქმიანობა, ჩაატარეს რამდენიმე სავარჯიშო, მათთან ერთად დახატეს, ითამაშეს ჭადრაკი. კოკის ბავშვთა ცენტრმა გამოთქვა სურვილი ასოციაცია „ათინათის" ახალგაზრდულ ცენტრთან თანამშროლობის და დაიგეგმა რამდენიმე ერთობლივი ღონისძიება. წყარო:ორგანიზაციის გვერდი სოციალურ ქსელში

აჭარა. 3 დეკემბერს, ბათუმის ხელოვნების უნივერსიტეტში, ახალგაზრდული ორგანიზაცია „არტ ვეის" ორგანიზებით, შშმ პირების ხელნაკეთი ნივთების  გამოფენა - გაყიდვა გაიმართა. მასში შშმ ბავშვებიც მონაწილეობდნენ, რომლებიც კოალიციური პროექტის ფარგლებში ხელსაქმეს სწავლობდნენ (პროექტი დემოკრატიული ჩართულობის ცენტრისა და ცვლილებები თანაბარი უფლებებისათვის მონაწილეობით განხორციელდა). გამოფენა კლასიკური მუსიკის საღამოთი გაგრძელდა, რომელშიც კონსერვატორიის სტუდენტები მონაწილეობდნენ. 

იმერეთი. ცენტრი „აფხაზეთი" განაგრძობს მსჯავრდებულთა პროფესიულ სწავლებას სასჯელაღსრულების 5 დაწესებულებაში. პროექტის მიზანია მსჯავრდებულთა რესოციალიზაცია მათთვის საინტერესო მეორადი პროფესიული უნარ-ჩვევების შეძენის გზით. წელს პირველად ხელობის ჯგუფები შეირჩა მსჯავრდებულთა გამოკითხვის საფუძველზე და მოიცავს შემდეგ პროფესიებს: ქარგვა, მინანქარი, ხეზე ჭრა, ცეკვა, თიხაზე მუშაობა, ქვაზე კვეთა, საოფისე პროგრამები და სხვა. პროექტის ფარგლებში პროფესიულ სწავლებას ესწრება 271 მსჯავრდებული, რომლებიც შესაბამის პროფესიებში ელემენტრულ უნარ-ჩვევებს იძენენ. პროექტი ხორციელდება საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ფინანსური მხარდაჭერით სახელმწიფო პროგრამის - „ისწავლე, ასწავლე, დაასაქმე" - ფარგლებში. წყარო: ორგანიზაციის გვერდი სოციალურ ქსელში

აჭარა. შეზღუდული შესაძლებლობების მქონე პირთა საერთაშორისო დღისადმი მიძღვნილი ღონისძიებები იმართება 3 დეკემბერს  ბათუმში. სრული განრიგი: 12:00 საათი, დისკუსია თემაზე:მე არ ვცნობ შეზღუდვებს, ვირჩევ თანაბარ შესაძლებლობებს! მისამართი: ბათუმი, ფარნავაზ მეფის 62–64, ბათუმის დემოკრატიული ჩართულობის ცენტრი. 13:00 საათი, ფოტოგამოფენა: „არადაპტირებული გარემო =საზოგადოებას მინუს შშმ პირები" – DPO ცვლილებები თანაბარი უფლებებისათბისათვის  მისამართი: ბათუმი, ფარნავაზ მეფის 62-64, ბათუმის დემოკრატიული ჩართულობის ცენტრი 14:00 საათი, შშმ პირების ხელნაკეთი ნივთების გამოფენა. მისამართი: ბათუმი, ლუკა ასათიანის 37, ხელოვნების უნივერსიტეტის ჰოლი. ორგანიზატორები: ცვლილებები თანაბარი უფლებებისათვის, „არტ ვეი". 15:00 საათი, მცირე პერფორმანსი ქუჩებში: „გამყოფი ხაზი", „არტვეისთან არსებული თეატრალური დასი. მისამართი: ბათუმი. „ვარდების ბაღი". 16:00 საათი, კლასიკური მუსიკის საღამო მისამართი: ბათუმი, ლუკა ასათიანის 37, ხელოვნების უნივერსიტეტი, ორგანიზატორები: „არტ ვეი", და ხელოვნების უნივერსიტეტი. 17:00 საათი, ახალგაზრდული დისკუსია მისამართი: ბათუმი, მელაშვილისა და საბაჟოს შესახვევი 1–2, პრესკაფე. ორგანიზატორები: „თავისუფალ ჟურნალისტთა სახლი", პრესკაფე და ხელოვანთა ფონდი. 18:00 საათი, საბავშვო მოთხრობების საღამო. მისამართი: ბათუმი, მემად აბაშიძის 60, წიგნების მაღაზიაში „წიგნები ბათუმში".

თბილისი. საერთაშორისო გამჭვირვალობა - საქართველოს ორგანიზებით 3-9 დეკემბერს ანტიკორუფციული კვირეული გაიმართება.  კვირეულის განრიგი წყარო: transparency.ge

ქვემო ქართლი. 1 დეკემბერს რუსთავში სიქას ორგანიზებით გაიმართა აქცია, რომელიც შიდსთან ბრძოლის დღეს მიეძღვნა.  აქცია დაიწყო მსვლელობით, რომელშიც მონაწილეობდნენ სიქას ქართველი და უცხოელი მოხალისეები და სამოქალაქო კლუბების წევრები. ღონისძიების მონაწილეები გზაში არიგებდნენ შიდსის სიმბოლოს წითელ ლენტებს, საინფორმაციო ბროშურებს და სტიკერებს.  ღონისძიების ფარგლებში ორგანიზაციის ოფისში სისხლის ანალიზებიც გაკეთდა, ტესტირების ჩატარება 8 თვის განმავლობაში ნებისმიერ მსურველს შეეძლება.  აქცია დასრულდა მერიის წინ მიმდებარე მოედანზე მანათობელი ფრანების გაშვებით. ღონისძიება ჩატარდა ევროკავშირის ფინანსური მხარდაჭერით მიმდინარე პროექტის ფარგლებში, რომელსაც ახორციელებს გაეროს ბავშვთა ფონდი საზოგადოებრივ გაერთიანება ბემონთან და სიქა - საგანმანათლებლო ინიციატივების ქართულ ასოციაციასთან ერთად. წყარო:ორგანიზაციის გვერდი სოციალურ ქსელში

კახეთი. 1 დეკემბერს,  საღამოს, თელავის ვაჟა-ფშაველას სახელობის სახელმწიფო დრამატულ თეატრში, შიდსის საერთაშორისო დღესთან დაკავშირებით საზოგადოებრივმა გაერთიანება „ბემონმა" ღონისძიება გამართა. აღნიშნულ ღონისძიებაში მონაწილეობას იღებდნენ პანტონიმისა და რუსთაველის თეტრის მსახიობები. დავით ღონღაძე, საზოგადოებრივმა გაერთიანების „ბემონი" თელავის ოფისის ხელმძღვანელი: „ბემონმა"  შიდსთან ბრძოლის საერთაშორისო დღისადმი მიძღვნილი ღონისძიება ჩაატარა. საზოგადოებას მივაწოდეთ ინფორმაცია აივ ინფექციასთან დაკავშირებით, მისი პრევენციის გზებზე. ადამიანებმა უნდა იცოდნენ, რომ მკურნალობა უფასოა. მთავარია, დროულად მიმართონ სამკურნალო დაწესებულებებს". ღონისძიებაზე, დამსწრე საზოგადოებას, ასევე, მიაწოდეს ინფორმაცია შიდსის ვირუსით ინფიცირებულთა სტატისტიკის შესახებ.  ღონისძიების დასასრულს კი გაიმართა სპექტაკლი.

თბილისი. 1 დეკემბერს საქართველოს ახალგაზდრული პარლამენტის, ჯანდაცვისა და სოციალურ საკითხთა კომიტეტმა გამართა ღონისძიება „დეპრესია - ადამიანის უხილავი მტერი!". შეხვედრას დაესწრნენ სოციალურ მეცნიერებათა დოქტორი და ფსიქოლოგიურ მეცნიერებათა მაგისტრი. ღონისძიება წარიმართა არაფორმალური დისკუსიის ფორმატით, რაც ინფორმაციულობასთან ერთად, სხვადასხვა ფსიქოლოგიურ აქტივობას მოიცავდა. აუდიტორიას კითხვების დასმის საშუალებაც მიეცა. წყარო:ორგანიზაციის გვერდი სოციალურ ქსელში

იმერეთი. სამეცნიერო-ინტელექტუალურმა კლუბ „თაობათა დიალოგის" მოხალისეთა კლუბის წევრებმა ფლეშმობი მოაწყვეს.  ღონისძიებაში ასამდე ახალგაზრდა იღებდა მონაწილეობას. აქციის მიზანი იყო საზოგადოების ინფორმირება იმის შესახებ თუ რატომ არის აზარტული თამაშები მავნებელი და როგორია მდგომარეობა აზარტულ თამაშებზე დამოკიდებულების კუთხით. წყარო:ორგანიზაციის გვერდი სოციალურ ქსელში

იმერეთი. 29 ნოემბერს, საერთაშორისო განათლების და განვითარების აკადემიამ მორიგი შეხვედრა გამართა. საინფორმაციო შეხვედრას ბინათმესაკუთრეთა ამხანაგობების თავმჯდომარეები დაესწრნენ. ღონისძიების მიზანს მონაწილეებისთვის ორგანიზაციის გაცნობა წარმოადგენდა.  წყარო:ორგანიზაციის გვერდი სოციალურ ქსელში

თბილისი. 27 ნოემბერს, არასამთავრობო ორგანიზაცია „სიდას" ინიციატივით მხარდაჭერით, კანონთან კონფლიქტში მყოფი ახალგაზრდები აბრეშუმის სახელმწიფო მუზეუმს სტუმრობდნენ. მუზეუმის თანამშრომლებმა მოზარდებს დაათვალიერებინეს სხვადასხვა ჯიშის თუთის ჰერბარიუმები, პეპლებისა და ნიჟარების კოლექცია და გააცნეს მათი შინაარსი და ისტორია. ღონისძიება ჩატარდა პროექტ „არასრულწლოვანთა მარლთმსაჯულების რეფორმის მხარდაჭერა ქვემო ქართლსა და სამცხე ჯავახეთის ეროვნული უმცირესობების თემებში" ფარგლებში, რომელიც მიზნად ისახავს რუსთავში მცხოვრები კანონთან კონფლიქტში მყოფი არასრულწლოვნების საზოგადოებაში ინტეგრაციას და მათ პიროვნულ განვითარებას. პროექტი დაფინანსებულია ევროკავშირის მიერ. წყარო:cida.ge

თბილისი. 26 ნოემბერს თბილისის ადამიანის უფლებათა სახლის საკონფერენციო დარბაზში გაიმართება პრესკონფერენცია უსახლკარო მოქალაქეების პრობლემებთან დაკავშირებით. უსახლკაროთა ძირითადი პრობლემა თავშესაფრის არქონაა. „ადგილობრივი თვითმართველობის ორგანოები არ ასრულებენ ვალდებულებას, თავშესაფრით უზრუნველყონ უსახლკარო მოქალაქეები. ამიტომ ხშირია შემთხვევები, როცა უსახლკაროები თავშესაფარს საკუთარი სახსრებით სახელმწიფოს საკუთრებაში არსებულ მიწაზე ქმნიან და ამ გზით დამატებით კონფლიქტში შედიან სახელმწიფოსთან...", ნათქვამია ორგანიზაცია 42–ე მუხლის ვებგვერდზე, სადაც ასევე კონკრეტული მოქალაქის პრობლემაზეა საუბარი. სრულად წყარო: 42–ე მუხლის ვებგვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა ნინო გურულის ბლოგპოსტი – „შრომის უფლება შეზღუდული შესაძლებლობის მქონე პირებისთვის" – გამოაქვეყნა. „შრომისა და დასაქმების უფლების სრულყოფილად რეალიზების მიზნით, სახელმწიფოებს ეკისრებათ პასუხისმგებლობა, გაატარონ შესაბამისი ღონისძიებები და გარდა, საკანონმდებლო დონეზე შრომითი უფლებების დაცვისა და ხელშეწყობის უზრუნველყოფისა, მათ უნდა შეიმუშავონ შესაბამისი ტექნიკური და პროფესიული ორიენტაციის პროგრამები", ნათქვამია ბლოგპოსტში. სრულად წყარო: emc.org.ge

გურია. გურიის ახალგაზრდულ რესურსცენტრში პირობით მსჯავრდებულთათვის გამართული მცირე ბიზნესის კურსების მეორე რაუნდი სრულდება. ამავე პროგრამის ფარგლებში სასწავლო კურსის წარმატებული მონაწილეებისათვის გაიცემა მიკრო გრანტები, მათი ბიზნესიდეების დასაფინანსებლად. სასწავლო პროგრამა ტარდება პროექტის - „პირობითმსჯავრდებული ახალგაზრდებისა და არასრულწლოვნების რესოციალიზაციის ხელშეწყობა გურიის რეგიონში" - ფარგლებში, რომელსაც ახორციელებს გურიის ახალგაზრდული რესურსცენტრი ევროკავშირის ფინანსური მხარდაჭერითა და საქართველოს დემოკრატიული განვითარების კავშირთან პარტნიორობით. წყარო:ორგანიზაციის გვერდი სოციალურ ქსელში

გურია. გურიის ახალგაზრდულ რესურსცენტრში ჯანსაღი ცხოვრების წესის სემინარები პირობით მსჯავრდებულთათვის ტარდება. ოზურგეთსა და ლანჩხუთში 30 პირობით მსჯავრდებული ჩაერთო. სემინის თემატიკა ეხება ალკოჰოლის, თამბაქოს, ნარკოტიკული საშუალებებისა და აზარტული თამაშების მავნე ზეგავლენას. სემინარები ტარდება საქართველოს არასაპატიმრო სასჯელთა აღსრულებისა და პრობაციის ეროვნული სააგენტოს მსჯავრდებულთა საზოგადოებაში ინტეგრაციისა და დანაშაულის პრევენციის მხარდამჭერი პროგრამის ფარგლებში. წყარო:ორგანიზაციის გვერდი სოციალურ ქსელში

ქვემო ქართლი. 25 ნოემბერს, მარნეულის მუნიციპალიტეტში გაიმართა სამუშაო შეხვედრა „ერთი ფანჯრის პრინციპით". შეხვედრის მიზანი იყო მარნეულის მუნიციპალიტეტის სოფლებში მცხოვრები მოსახლეობის, განსაკუთრებით კი ეროვნული უმცირესობების წარმომადგენელთა მწვავე პრობლემების გადაწყვეტა. წყარო:ქალთა საინფორმაციო ცენტრის გვერდი სოციალურ ქსელში

იმერეთი. საქველმოქმედო ორგანიზაცია „პირველი ნაბიჯი საქართველომ" ქუთაისში, პროექტის ფარგლებში „შეზღუდული შესაძლებლობის მქონე პირთა ადვოკატირების ქსელი" დააფუძნა. ორგანიზაციის მიზანს შშმ პირებისთვის ადვოკატირებისა და ლობირების გაწევა წარმოადგენს. ორგანიზაციის ქუთაისის ფილიალის მენეჯერმა, ნათია გუდავამ იმედი გამოთქვა რომ აღნიშნული ქსელი მდგრადი იქნება და საკანონმდებლო ორგანოსა და შესაბამის სამსახურებს რეგულარულად მიაწვდიან ინფორმაციებს შშმ პირების პრობლემების შესახებ.

იმერეთი. ფონდ „სოხუმმა" ქუთაისში, ქალთა ძალადობის წინააღმდეგ აქცია გამართა. როგორც არასამთავრობო ორგანიზაციის წარმომადგენლებმა განაცხადეს, აქციის მიზანს აღნიშნულ კამპანიაში რაც შეიძლება მეტი მოქალაქის ჩართვა იყო. აქცია 16-დღიანი საერთაშორისო საინფორმაციო კამპანიის ფარგლებში იმართება. როგორც ფონდ „სოხუმის" საზოგადოებასთან ურთიერთობის სამსახურის უფროსი, ემა კამკია ამბობს, ბოლო თვეებში ჩატარებული კვლევების მიხედვით, ოჯახური ძალადობის მსხვერპლთა სტატისტიკა საგანგაშოა. მსგავსი აქცია დღეს დასავლეთ საქართველოს 6 ქალაქში გაიმართა.