აჭარა. „თავისუფალ ჟურნალისტთა სახლის" ბაზაზე ჩამოყალიბებულია „ბათუმის ახალგაზრდული ცენტრი" რომელიც სხვადასხვა აქტივობებს ახორციელებს. 23 ნოემბერს „ბათუმის ახალგაზრდული ცენტრის" წევრებმა მონაწილეობა მიიღეს სათემო და მოხალისეობრივ აქტივობაში რომელიც ქობულეთის მუნიციპალიტეტის სოფელ „ლეღვაში" განხორციელდა. ეს ღონისძიებები მიზნად ისახავს მოხალისეობრივი თვითშეგნების ამაღლებას. მსგავსი აქტივობები მომავალშიც იგეგმება. ღონისძიება გაიმართა პროექტის – „ეროვნული ინტეგრაციის გაძლიერება საქართველოში" (ANI) – ფარგლებში, რომელსაც ახორციელებს საქართველოს გაეროს ასოციაცია (UNAG) აშშ-ს საერთაშორისო განვითარების სააგენტოს (USAID) ფინანსური მხარდაჭერით. წყარო: ორგანიზაციის გვერდი სოციალურ ქსელში

თბილისი. ორგანიზაცია „იდენტობას" ორგანიზებით მწერალთა სახლში საქველმოქმედო საღამო ჩატარდა. ახალგაზრდა პოეტებისა და მუსიკოსების მონაწილეობით გამართული ღონისძიებიდან მიღებული შემოწირულობა თავშესაფრის მშენებლობას მოხმარდება. წყარო:ორგანიზაციის გვერდი სოციალურ ქსელში

თბილისი. არასამთავრობო ორგანიზაცია „პირველი ნაბიჯი საქართველო" 18 დეკემბერს ყოველწლიურ საქველმოქმედო კონცერტს გამართავს. ღონისძიებაზე ქართველი ჯაზის შემრულებელი, ბექა გოჩიაშვილი დაუკრავს. გაიმართება ასევე აუქციონი, ლატარეის ბილეთების გათამაშება, თანხა სრულად მოხმარდება „პირველი ნაბიჯი საქართველოს" პროგრამებში ჩართულ შეზღუდული შესაძლებლობის მქონე ბავშვებსა და მათ ოჯახებს.  სრულად ღონისძიების შესახებ  წყარო:ორგანიზაციის გვერდი სოციალურ ქსელში

თბილისი. სოციალური მეწარმეობის ცენტრმა საინფორმაციო ელექტრონული ჟურნალის სექტემბრის თვის გამოშვება გამოაქვეყნა. ჟურნალი მოიცავს თემებს: სოციალურ მეწარმეობა საქართველოში; სოციალური მეწარმეობის საერთაშორისო ამბები. ელექტრონული ჟურნალი  წყარო: cse.ge

იმერეთი. ცენტრ „აფხაზეთის" პროექტის – „ბინათმესაკუთრეთა ამხანაგობების შექმნა და განვითარება"  – ფარგლებში ქუთაისში შექმნილი ამხანაგობების თავმჯდომარეებმა პრეზენტაცია გამართეს. პრეზენტაციაზე მოხსენებები გააკეთეს იმ ამხანაგობების თავმჯდომარეებმა, რომლებიც სასწავლო ტურით სლოვაკეთში იმყოფებოდნენ და მონაწილეებს გაუზიარეს ინფორმაცია სლოვაკეთში ბინათმესაკუთრეთა ამხანაგობების მდგომარეობის შესახებ. შეხვედრის მონაწილეებმა აღნიშნეს, რომ მათ საცხოვრებელ სახლებში შესაძლებელია სლოვაკეთის მაგალითების გამოყენება, როგორიცაა დაშენება სამშენებლო კომპანიებთან თანამშრომლობით, მოსაკრებლების დაწესებით გარემო პირობების გაუმჯობესება, სარდაფების მოწესრიგება და გამოყენება და სხვა.  პროექტი ხორციელდება საქველმოქმედო ჰუმანიტარული ცენტრი „აფხაზეთის" მიერ USAID-ის „ახალი ეკონომიკური შესაძლებლობები" ინიციატივის მხარდაჭერით.  წყარო:ახალგაზრდული პარლამენტის გვერდი სოციალურ ქსელში

ქვემო ქართლი. 13 ნოემბერს ბოლნისის კულტურის სახლში „ქვემო ქართლის ახალგაზრდული ფესტივალი 2013" გაიმართა. ღონისძიება „სიდას" პროექტის – „არასრულწლოვანთა მარლთმსაჯულების რეფორმის მხარდაჭერა ქვემო ქართლსა და სამცხე–ჯავახეთის ეროვნული უმცირესობების თემებში" – ფარგლებში ჩატარდა და მას ბოლნისელი კანონთან კონფლიქტში მყოფი არასრულწლოვანი პრობაციონერები დაესწრნენ. ფესტივალში მონაწილეობდნენ ქვემო ქართლის კულტურის სახლები, ახალგაზრდული და საგანმანათლებლო ცენტრები, საჯარო სკოლები და სპორტულ–გამაჯანსაღებელი კომპლექსები. გაიმართა სახვითი და გამოყენებითი ხელოვნების ნიმუშების გამოფენა–გაყიდვა, ჩატარდა შეჯიბრებები ქართულ ჭიდაობაში, ჭადრაკსა და ხრიდოლში. ფესტივალის ბოლოს, დასკვნითი კონცერტი გაიმართა ბოლნისის კულტურის სახლში. წყარო:cida.ge

იმერეთი. 14 ნოემბერს, საერთაშორისო განათლების და განვითარების აკადემიაში პრეზენტაცია გაიმართა. შეხვედრაზე ორგანიზაციის საგანმანათლებლო და დასაქმების პროგრამების შესახებ ისაუბრეს. პრეზენტაციას ქალაქ ქუთაისის ბინათ მესაკუთრეთა ამხანაგობების თავმჯდომარეები ესწრებოდნენ. წყარო:ორგანიზაციის გვერდი სოციალურ ქსელში

კახეთი. საგარეჯოში არასამთავრობო  ორგანიზაციამ ,,სტრატეგიული კვლევებისა და განვითარების ცენტრი" პრობლემების კვლევის პრეზენტაცია გამართა.  ლიდერ ქალთა საინიციატივო ჯგუფმა, რომელიც საგარეჯოს 3 სოფელში ,,სტრატეგიული კვლევებისა და განვითარების ცენტრის" ხელშეწყობით რამდენიმე თვეა მუშაობს, ადგილობრივ ხელისუფლებას მოკვლეული პრობლემები გააცნო. ცნობილი გახდა, რომ საგარეჯოს სოფელ უდანოდან საგარეჯომდე საზოგადობერივი ტრანსპორტი არ მოძრაობს, რაც მნიშველოვან პრობლემებს უქმნის მოსახლეობას. გარდა ამისა ითქვა, რომ სოფელში არ არის გარე განათება და მოწესრიგებული შიდა გზები.  სტრატეგიული კვლევებისა და განვითარების ცენტრის  წარმომადგენლის, კახა ჯამბურის თქმით, მსგავსი საინიციატივო ჯგუფები, რომელიც თავის მხრივ ქალბატონების გააქტიურებას ითვალისწინებს,  კახეთის რეგიონის 4 მუნიციპალიტეტში შეიქმნა: „ქალბატონები იკვლევენ, სწავლობენ და კონკრეტულ გეგმებს მუნიციპალიტეტის ხელმძღვანელობას  ადგილობრივ ბიუჯეტში გათვალისწინების მიზნით წარუდგენენ", -აღნიშნა ჯამბურიამ. ანალოგიური ტიპის შეხვედრების გამართვას სტრატეგიული კვლევებისა და განვითარების ცენტრი უახლოეს მომავალში თელავში, ყვარელსა და ლაგოდეხშიც გეგმავს.

კახეთი. გურჯაანის მუნიციპალიტეტის სოფელ შაშიანში „სოფლის განვითარების საქველმოქმედო ფონდი" დაფუძნდა. როგორც ფონდის დამფუძნებელი ნოდარ სირბილაშვილი აცხადებს, აღნიშნული ინიციატივა არასამთავრობო ორგანიზაცია „საქართველოს რეგიონების სამოქალაქო განვითარების კავშირს" ეკუთვნის და ფონდის მიზანია დახმარება გაუწიოს შაშიანის გაჭირვებულ ოჯახებს, იზრუნოს მათ კეთილდღეობაზე.

აჭარა. 13 ნოემებრს, ბათუმის მე-16 სკოლის მოსწავლეებს, „კოალიცია დამოუკიდებელი ცხოვრებისათვის", აჭარის ლიდერებმა „სიკეთის გაკვეთილი" ჩაუტარეს. ორი საათის განმავლობაში შეზღუდული შესაძლებლობების მქონე მასწავლებლები ბავშვვებს შშმ პირების უფლებების დაცვის კუთხით არსებულ პრობლემებზე, შშმ პირთა მისამართით ტერმინების არასწორ გამოყენებაზე ესაუბრებოდნენ. ასევე, გაკვეთილის პროცესში მოსწავლეთა მაქსიმალური ინტერაქტივის მიზნით მათ კონკრეტული დავალებები მიეცათ, სადაც საკუთარი ხედვა შშმ პირების დასაქმებასთან დაკავშირებით დააფიქსირეს. მსგავსი გაკვეთილების ჩატარება ბათუმის სხვა სკოლებშიც იგეგმება. აღნიშნული, მიზნად ისახავს მოსწავლეთა ცნობიერების ამაღლებას შშმ საზოგადოების მიმართ სწორი დამოკიდებულების ჩამოყალიბების ხელშეწყობას.

თბილისი. ორგანიზაცია „იდენტობამ" თავშესაფართან დაკავშირებით განცხადება გაავრცელა. „უსახლკარო ადამიანთა პრობლემა საქართველოში ჯერ-ჯერობით დაუძლეველი სირთულეა. ..სახელმწიფოს არ აქვს უსახკლარო ადამიანთათვის თავშესაფრები, კერძო სექტორი დახმარების ერთჯერად აქციებს კმაყოფილდება. პრობლემა კი კვლავ გადაუჭრელი რჩება. ...იდენტობა თავშესაფრის დაარსების ინიციატივით გამოდის ...სახელმწიფოსა და ეკლესიის წარმომადგენელთა მხრიდან გაკეთა რიგი უპასუხისმგებლო, ანტისახლმწიფოებრივი, მიზანმიმართულად მცდარი და სიძულვილით მოტივირებული განცხადებები. როგორც ჩანს, საქართველოს მოქალაქეთა ერთი ნაწილი კვლავ ვერ აცნობიერებს პრობლემის სერიოზულობას ან მიზანმიმართულადაა შეცდომაში შეყვანილი.  შედეგად, სახეზეა მდგომარეობა, როდესაც დახმარების ნაცვლად,  ყველაზე მიუსაფარი ადამიანებისთვის კვლავ რეალურია   სიცივით თბილისის ქუჩებში გარდაცვალების საფრთხე", ნათქვამია ორგანიზაციის ვებ–გვერდზე. ორგანიზაცია მოუწოდებს სამოქალაქო საზოგადოების ორგანიზაციებს, ასევე მოქალაქეებს, თავად აიღონ ინიციატივა ხელში და დააარსონ თავშესაფარი უსახლკარო ოჯახებისათვის. სრულად წყარო: identoba.com

იმერეთი. „სამართლიანი არჩევნების და დემოკრატიის საერთაშორისო საზოგადოება" შეურთდა ორგანიზაცია „იდენტობას" ინიციატივას თავშესაფრის შექმნის თაობაზე. „სამართლიანი არჩევნების" ქუთაისის ოფისი მზადყოფნას გამოთქვამს თავშესაფრის მომავალი მკვიდრებისათვის საჭირო ნივთებისა და ტანსაცმლის შეგროვება უზრუნველყოს. მსურველებს შეუძლიათ მიმართონ ოფისს შემდეგ მისამართზე: ქ. ქუთაისი, წერეთლის #27. დამატებითი ინფორმაციისთვის დარეკეთ: 568180010 წყარო:ორგანიზაციის გვერდი სოციალურ ქსელში

თბილისი. 10 ნოემბერს ექსპო–ჯორჯიას საგამოფენო პავილიონში ნარკოტიკულ ნივთიერებაზე ყოფილ დამოკიდებულთა ნამუშევრების გამოფენა გაიმართა. ორგანიზატორი იყო ფსიქოსოციალური რეაბილიტაციის ცენტრი „კამარა" ფონდ „ღია საზოგადოება – საქართველოს" მხარდაჭერით. გამოფენაზე წარმოდგენილი იყო სარეაბილიტაციო პროგრამის ერთ-ერთი მთავარი კომპონენტის არტთერაპიის ფარგლებში შექმნილი ნამუშევრები: ქანდაკებები, ფერწერული ნახატები, მინანქრის ნაკეთობები, ჭედურობა და სხვა. წყარო: ფონდ ღია საზოგადოება – საქართველოს გვერდი

თბილისი. ფონდის „პარტნიორობა საგზაო უსაფრთხოებისთვის" ორგანიზებით ახალშობილ ბავშვებს ავტომობილში დამჭერი სპეციალური სავარძლები გადაეცათ. ღონისძიება გაიმართა საქართველოს საპატრიარქოს წმიდა იოაკიმე და ანას სახელობის სამედიცინო ცენტრში. ღონისძიების მიზანი იყო ყურადღების გამახვილება ავტომობილით მგზავრობის დროს ბავშვთა სპეციალური დამჭერი სავარძლის მნიშვნელობასა და 12 წლამდე ავტომობილის წინ დასმის აკრძალვაზე. ღონისძიება გაიმართა პროგრამის – „არასამთავრობო სექტორსა და საქართველოს პარლამენტს შორის საჯარო პოლიტიკაზე დიალოგის ხარისხის გაუმჯობესება" – ფარგლებში, რომლის მიზანია არასამთავრობო ორგანიზაციებს საშუალება მიეცეს სწორად დაგეგმოს და განახორციელოს ადვოკატირებისა და კომუნიკაციის საქმიანობა. პროგრამა ხორციელდება ვესტმინსტერის დემოკრატიის ფონდის მიერ ევროკავშირის დაფინანსებით.

თბილისი. სამოქალაქო ჩართულობის ინსტიტუტმა დაიწყო ახალი პროექტი „შენი მისია", რომლის მიზანია საქართველოში საქველმოქმედო საქმიანობის მხარდაჭერა და გაძლიერება. პროექტის ფარგლებში ვებ-პორტალის და სოციალური ქსელის გამოყენებით ონლაინ რეჟიმში მუდმივად გამოქვეყნდება ინფორმაცია სხვადასხვა საქველმოქმედო და მხარდასაჭერი აქციების შესახებ. ასევე, განთავსდება იმ საქველმოქმედო ორგანიზაციების, თავშესაფრების, ეკლესია მონასტრების და მოქალაქეების მონაცემები, რომლებიც საჭიროებენ მატერიალურ ან/და სხვა სახის თანადგომას. სრულად წყარო: ioce.ge

თბილისი. თბილისში იგეგმება თავშესაფრის გახსნა ყველაზე გაჭირვებული, უსახლკარო პირებისთვის, რათა  ზამთრის სიცივეებს თავი შეაფარონ. ამ მიზნით ორგანიზაცია „იდენტობის" ორგანიზებით თბილისის თოჯინების თეატრმა საქველმოქმედო სპექტაკლი გამართა კვირას. თეატრმა მაყურებელს „ბიჭუნა და სახურავის ბიდარი კარლსონი" წარუდგინა. ბილეთების რეალიზაციით შემოსული თანხა – 444 ლარს თოჯინების თეატრი სრულად გადარიცხავს თავშესაფრისთვის შექმნილ სპეციალურ საბანკო ანგარიშზე. სრულად წყარო:identoba.com

თბილისი. საქართველოს სტრატეგიული კვლევებისა და განვითარების ცენტრმა გამოსცა სოციალური მეწარმეობის, სოციალური საწარმოების მიზნებისა და ამოცანების შესახებ. სახელმძღვანელო განკუთვნილია სოციალური მეწარმეობით დაინტერესებულ მკითხველთა ფართო წრისათვის და საზოგადოებრივი ორგანიზაციებისთვის. სოციალური მეწარმეობის სახელმძღვანელო წყარო: სოციალური მეწარმეობის ცენტრის გვერდი სოციალურ ქსელში

თბილისი. 10 ნოემბერს ფსიქოსოციალური რეაბილიტაციის ცენტრი „კამარა" ფონდ „ღია საზოგადოება – საქართველოს მხარდაჭერით" აწყობს ნარკოტიკულ ნივთიერებაზე ყოფილ დამოკიდებულთა ნამუშევრების გამოფენას. გამოფენაზე წარმოდგენილი იქნება სარეაბილიტაციო პროგრამის ერთ–ერთი მთავარი კომპონენტის არტთერაპიის ფარგლებში შექმნილი ნამუშევრები: ქანდაკებები, ფერწერული ნახატები, მინანქრის ნაკეთობები, ჭედურობა და სხვა. შეგახსენებთ, რომ ფსიქოსოციალურ რეაბილიტაციის ცენტში პაციენტები გადიან თერაპიის კომპლექსურ კურსს, რომელიც მოიცავს ინდივიდუალურ თერაპიას, არტთერაპიას, მითოდრასა, ვიდეოთერაპიას, ეგზისტენციალურ თერაპიას, იოგას, მუსიკის თერაპიას და ა. შ. გამოფენა გაიმართა 10 ნოემბერს, 18:00 საათზე ექსპო–ჯორჯიას მე–3 პავილიონში. სრულად წყარო: osgf.ge

იმერეთი. 7 ნოემბერს, ტყიბულის მუნიციპალიტეტის, სოფელ კურსების საჯარო სკოლის, სამოქალაქო განათლების კლუბის წევრებმა საქველმოქმედო აქცია ჩაატარეს თავიანთ სკოლაში. საქველმოქმედო აქციის ფარგლებში შეგროვებული ტანსაცმელი და ტკბილეული თერჯოლაში შეზღუდული შესაძლებლობების მქონე ბავშვთა დღის ცენტრს გადასცეს, კლუბის წევრებმა დღის ცენტრის ბენეფიციარებთან ერთად ხატვის დღე მოაწყვეს. წყარო: ქუთაისის განათლების განვითარების და დასაქმების ცენტრი

აშშ–ში ყოველ ნოემბერს შვილად აყვანის ეროვნული თვეა, ყოველ ნოემბერს შვილად აყვანის შესახებ ცნობიერების ამაღლების მიზნით სხვადასხვა ღონისძიება იმართება. საზოგადოებრივი ორგანიზაციები მასპინძლობენ პროგრამებს და მართავენ ღონისძიებებს, რომლის ფარგლებშიც შვილად აყვანის ისტორიების გაზიარება ხდება. აშშ–ს საელჩო ამ განსაკუთრებული თვის აღსანიშნავად გვიზიარებს ერთ ამაღელვებელ ისტორიას საქართველოდან ნაშვილებ ნიკაზე, რომელიც ახლა აშშ–ში იზრდება. სრულად წყარო: აშშ–ის საელჩოს გვერდი სოციალურ ქსელში

ორგანიზაცია სიდამ ოქტომბრის ბოლოს და ნოემბრის დასაწყისში სოციალურად დაუცველ ოჯახებს მეფუტკრეობაში ტრენინგი ჩაუტარა. ღონისძიება განხორციელდა პროექტის – „შემოსავლების ზრდის ხელშეწობა მოწყლვადი ოჯახებისა და ინდივიდებისათვის" – ფარგლებში. ტრენინგი ჩატარდა ავლევში, ტირძნისსა და ანანურში და მას 11 სოციალურად დაუცველი დაესწრო.  მონაწილეებმა მიიღეს ინფორმაცია იმის შესახებ, თუ როგორ უნდა მოხდეს სკების მომზადება შემოდგომა–ზამთრის პერიოდისათვის. ტრენინგის პირველი ნაწილი იყო თეორიული, მეორე კი პრაქტიკული, რომლის დროსაც მონაწილეებს საშუალება ჰქონდათ ენახათ და პრაქტიკულად განეხორციელებინათ თეორულად ნასწავლი საკითხები. წყარო:ორგანიზაციის გვერდი სოციალურ ქსელში

გურია. ლაითურის საჯარო სკოლის სამოქალაქო კლუბ „თავისუფლების" წევრებისა და მისი მეურვე პედაგოგის ინიციატივით ლაითურის საჯარო სკოლაში ინიციატივა „ერთი კარტოფილის" აქცია გაიმართა. სკოლის თითოეულმა მოსწავლემ თხოვეს მხოლოდ ერთი კარტოფილი მოიტანა. შეგროვებული კარტოფილით სამი დიდი ტომარა გაივსო. კლუბის წევრებმა შეგორვებული პროდუქტი თემში მაცხოვრებელ სამ სხვადასხვა ეროვნების მარტოხელა მოხუცს გადასცეს.