აჭარა. ბათუმის სამოქალაქო მრჩეველთა საბჭო და თვითმმართველ ქალაქ ბათუმის მერია  იწყებენ მოსახლეობასთან შეხვედრებს ქალაქ ბათუმის 2014–2017 წლების პრიორიტეტების განსახილველად. შეხვედრები გაიმართება ბათუმის სხვადასხვა უბანში. შეხვედრებს დაესწრებიან ბათუმის მერიის, საკრებულოს და არასამთავრობო ორგანიზაციების წარმომადგენლები. 24 ივლისს 12:00 საათზე, გაიმართება შეხვედრა სამრეწველო და კახაბრის უბნის მოსახლეობასთან. მისამართი: ფრიდონ ხალვაშის 330. 24 ივლისს 17:00 საათზე, გაიმართება შეხვედრა ძველი ბათუმის, რუსთაველის და ბაგრატიონის უბნის მოსახლეობასთან. მისამართი: ჯინჭარაძის 41. 25 ივლისს 12:00 საათზე, გაიმართება შეხვედრა აეროპორტის, გონიო–კვარიათის, მწვანე კონცხის უბნის მოსახლეობასთან. მისამართი: მწვანე კონცხი. 25 ივლისს 17:00 საათზე, გაიმართება შეხვედრა ხავახიშვილის, აღმაშენებლის, ხიმშიაშვილის უბნის მოსახლეობასთან. მისამართი: აღმაშენებლის 13. 26 ივლისს 17:00 საათზე, გაიმართება შეხვედრა თამარ მეფის, ბონი–გოროდოკის უბნის მოსახლეობასთან. მისამართი: ნონეშვილის 2.

მცხეთა–მთიანეთი.18-23 ივლისს სიქა-ს ორგანიზებით სამოქალაქო განათლებისა და პედაგოგთა გადამზადების პროგრამის ფარგლებში ბაზალეთში გაიმართა სამოქალაქო განათლების ბანაკის მეორე ნაკადი. ბანაკში მონაწილეობდნენ მოსწავლეები და პედაგოგები საქართველოს 11 რეგიონიდან - სულ 91 მონაწილე. ბანაკში მონაწილეები შეხვდნენ მოწვეულ სტუმრებს - გადაცემა ეტალონის წამყვანს გოჩა ტყეშელაშვილს, კალათბურთელ ანატოლი ბოისასა და მეცნიერებისა და განათლების მინისტრის მოადგილეს ალუდა გოგლიჩიძეს. სტუმრებმა ისაუბრეს განათლებისა და სამოქალაქო აქტიურობის მნიშვნელობაზე, ახალგაზრდების აქტიური მოქალაქეობრივი პოზიციის როლზე სათემო პრობლემების მოგვარებაში. სამოქალაქო განათლების ბანაკი პროგრამის ფარგლებში უკვე მესამე წელია იმართება, ამ პერიოდის განმავლობაში ბანაკში მონაწილეობა უკვე მიიღო 600-ზე მეტმა ახალგაზრდამ საქართველოს ყველა რეგიონიდან. ბანაკის მესამე ნაკადი დაგეგმილია 2013 წლის 26-31 ივლისს, რომელშიც მონაწილეობას მიიღებს კიდევ 92 მონაწილე - პროგრამის ფარგლებში შექმნილი სასკოლო სამოქალაქო კლუბების აქტიური წევრები. წყარო: ორგანიზაციის გვერდი სოციალურ ქსელში

24 ივლისს, 19:00 საათზე „ლიბერალიზმის სასწავლო ცენტრში" გაიმართება ლევან გიგინეიშვილის საჯარო ლექცია – პიროვნების თავისუფლება ქართულ ლიტერატურაში. მისამართი: თბილისი, კალისტრატე ცინცაძის 6–7, ჟურნალისტური ეთიკის ქარტიის ოფისი

24 ივლისს, 18:30 საათზე გაიმართება საჯარო დისკუსია: შეზღუდული შესაძლებლობის მქონე პირების დისკრიმინაცია და ქართული საკანონმდებლო სივრცე. საჯარო დისკუსია ორგანიზებულია პროექტის  – „შეზღუდული შესაძლებლობის მქონე პირები ადამიანის უფლებათა დაცვის პროცესში" – ფარგლებში. პროექტის განმახორციელებელი პარტნიორები არიან საქართველოს უსინათლოთა კავშირი, საქართველოს სოციალურ მუშაკთა ასოციაცია და რეგიონულ მაუწყებელთა ასოციაცია. პროექტი ხორციელდება ევროკავშირის ფინანსური მხარდაჭერით. მისამართი: თბილისი, სახელმწიფო უნივერსიტეტი, I კორპუსი, 115 აუდიტორია

24 ივლისს, 14:00 საათზე დემოკრატ მესხთა კავშირის ოფისში გაიმართება დისკუსია თემაზე: „არასრულწლოვანთა დანაშაული, მედიაციისა და განრიდების პროგრამა". მისამართი: ახალციხე, რუსთაველის 26,  დემოკრატ მესხთა კავშირის (UDM) საკონფერენციო დარბაზი

24 ივლისს, 10:30–14:00 საათზე გაიმართება მრგვალი მაგიდა: „საჯარო ინფორმაციის პროაქტიული გამოქვეყნება". ღონისძიება გაიმართება ინფორმაციის თავისუფლების განვითარების ინსტიტუტის პროექტის – „ინფორმაციის თავისუფლების კანონმდებლობის გაუმჯობესებისა და საზოგადოებრივი ცნობიერების ამაღლების" – ფარგლებში. პროექტი ხორციელდება  პროექტი ხორციელდება შეერთებული შტატების საერთაშორისო განვითარების სააგენტოს USAID, დემოკრატიული მმართველობის პროგრამა საქართველოში (G-3) თანამშრომლობით.   მისამართი: თბილისი, სასტუმრო „ვერე პალასი"

გურია.სამოქალაქო საზოგადოების ინსტიტუტმა გამართა სამუშაო შეხვედრა ორგანიზაციების ფინანსურ მდგრადობის საკითხებზე ოზურგეთში. შეხვედრას გურიის რეგიონში მოქმედი არასამთავრობო ორგანიზაციების 18 წარმომადგენელი დაესწრო. ტრენინგების ციკლი მომზადებულია უცხოელ ექსპერთებთან კონსულტაციის შედეგად და მისი მიზანია ხელი შეუწყოს არასამთავრობო ორგანიზაციებს თანხების სხვადასხვა გზით მოძიებაში. სამუშაო შეხვედრები შედგება სამი სესიისგან: ფილანტროპია და მოხალისეობა, გრანტები და სახელმწიფო დაფინანსება, სოციალური მეწარმეობა. შეხვედრები უკვე გაიმართა გორში, ახალციხეში, თელავსა და ქუთაისში. სამოქალაქო საზოგადოების ინსტიტუტი არასამთავრობო ორგანიზაციების წარმომადგენლებთან სამუშაო შეხვედრების ციკლს ბათუმში დაასრულებს.

თბილისი. ინფორმაციის თავისუფლების განვითარების ინსტიტუტმა საჯარო ინფორმაციის ანალიტიკურ ბლოგზე გამოაქვეყნა პუბლიკაცია „სასამართლო სტატისტიკა 2007–2013". ინსტიტუტმა 2012 წელს შეიმუშავა სასამართლო სტატისტიკის მოდული, რომელიც წარმოადგენდა სასამართლოების მიერ ოფიციალურად გამოქვეყნებული მონაცემების ელექტრონულ ვიზუალიზაციის საშუალებას. სწორედ ამ მონაცემებს ეფუძნება ბლოგზე განთავსებული პუბლიკაცია, რომელიც „გარკვეულ წარმოდგენას შეგვიქმნის ბოლო წლების განმავლობაში საქართველოში  პირველი ინსტანციის სასამართლოების საქმიანობაზე". სრულად წყარო: opendatablog.wordpress.com

თბილისი. საერთაშორისო გამჭვირვალობა საქართველო მიესალმება ევროკავშირსა და საქართველოს შორის ღრმა და ყოვლისმომცველი თავისუფალი ვაჭრობის შესახებ შეთანხმების დადების თაობაზე მოლაპარაკებების დასრულებას. ორგანიზაცია იმედს გამოთქვამს, რომ „საქართველოს მთავრობა გააგრძელებს რეფორმებს შესაბამისი კანონმდებლობის დახვეწის კუთხით. მნიშვნელოვანია, რომ უახლოეს დროში დასრულდეს კონკურენციის შესახებ კანონმდებლობის რეფორმა, რეალურად ამოქმედდეს კონკურენციის სააგენტო და ბაზარზე უზრუნველყოფილი იყოს თავისუფალი კონკურენციის წესებისა და პრინციპების დაცვაზე ეფექტიანი სახელმწიფო ზედამხედველობა". სრულად  წყარო: ორგანიზაციის გვერდი სოციალურ ქსელში

თბილისი. ადამიანის უფლებათა ცენტრი აქვეყნებს პუბლიკაციას, რომელიც მზრუნველობამოკლებული სრულწლოვნების პრობლემებს ეხება. „მოზარდები ბავშთა სახლის დატოვების შემდეგ, ფაქტოვრივად ქუჩაში რჩებიან, მათთვის არც რაიმე სახის თავშესაფარი და არც დასაქმების პროგრამები არსებობს. მოზარდების რესოცილიზაციაზე რამდენიმე არსამთავრობო ორგანიზაცია მუშაობს. სახელმწიფოს ბიუჯეტში კი, დღემდე არ არის გათვალისწინებული თანხა, ბავშვთა სახლიდან გასული ახალგაზრდების დასახმარებლად", ნათქვამია პუბლიკაციაში. სრულად  წყარო: humanrights.ge

თბილისი. ლიბერალიზმის სასწავლო ცენტრი 19 ივლისს გაიმართა ეკა აღდგომელაშვილის ლექცია გენდერის საკითხებზე. მათ ვინც ვერც შეძლო დასწრება, ლიბერალიზის სასწავლო ცენტრი საშუალებას აძლევს  ჩანაწერი იხილოს. ლექცია – „სქესი, გენდერი, მედია" წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველომ საპარლამენტო ამბების აუდიო პოდკასტის მორიგი გამოშვება გამოაქვეყნა. 22 ივლისის პოდკასტის თემებია ეთიკის ნორმების რეგულირება პარლამენტში, ცვლილებები საარჩევნო კოდექსში, სააღსრულებო წარმოებათა წესის ცვლილება.  პოდკასტი 22 ივლისი წყარო: transparency.ge

თბილისი. აზარტულ თამაშებზე დამოკიდებულ პირთა შესახებ ახალგაზრდული პარლამენტის საკანონმდებლო წინადადებაზე საქართველოს პარლამენტის შესაბამისი კომიტეტი იმსჯელებს. ამის შესახებ ახალგაზრდული პარლამენტის ადმინისტრაციის ხელმძღვანელმა და იურიდიულ საკითხთა კომიტეტის წევრებმა პრესკონფერენციაზე განაცხადეს. ახალგაზრდული პარლამენტის ინიციატივით, დღეს არსებული პირის ქმედუნარიანობის შეზღუდვის საფუძვლებს, როგორიცაა, ალკოჰოლსა ან ნარკოტიკული ნივთიერებებზე დამოკიდებულება უნდა დაემატოს აზარტულ თამაშებზე პათოლოგიური დამოკიდებულება, როგორც ქმედუნარიანობის შეზღუდვის სამართლებრივი საფუძველი. ინიციატივას საქართველოს პარლამენტის ჯანდაცვის კომიტეტი 23 ივლისს განიხილავს. წყარო:ორგანიზაციის გვერდი სოციალურ ქსელში

თბილისი. „თავისუფლების კლუბი" (Club Of Liberty) გიწვევთ თავისუფლების ბანაკში, თემაზე: „განათლებული მოქალაქე". თავისუფლების ბანაკი გაიმართება ბაზალეთის ტრენინგ ცენტრში 8-13 აგვისტოს. ხუთი დღის განმავლობაში მონაწილეებს შესაძლებლობა ექნებათ კომპეტენტური პირებისგან მოისმინონ ლექციები. მომხსენებლები ისაუბრებენ თემებზე: თავისუფლების იდეა და მისი როლი საზოგადოების განვითარებაში; ისაუბრებენ ეკონომიკურ თავისუფლებაზე, ევროინტეგრაციის მნიშვნელობაზე, საქართველოს როლზე მსოფლიო პოლიტიკაში, ადამიანის უფლებებზე საქართველოში. სრულად 

23 ივლისს 12:00 საათზე სამოქალაქო მრჩეველთა საბჭო და ბათუმის მერია გამართავენ ბათუმის რიგით მესამე პრიორიტეტის განხილვა – ინფრასტრუქტურის მშენებლობა, რეაბილიტაცია და ექსპლოატაცია. მისამართი: ბათუმი, ფარნავაზ მეფის 62–64, ბათუმის დემოკრატიული ჩართულობის ცენტრი

23 ივლისს, 11:00 საათზე, სამოქალაქო საზოგადოების ინსტიტუტი არასამთავრობო ორგანიზაციების ფინანსურ მდგრადობაზე სამუშაო შეხვედრას არასამთავრობო ორგანიზაციების წარმომადგენლებთან გამართავს. მისამართი:ოზურგეთი, დემოკრატიული ჩართულობის ცენტრი

სვანეთი. 24-25 ივლისს მესტიაში და 26-27 ივლისს უშგულში, „კონსტიტუციის 42-ე მუხლი" პროექტის – „ქალთა გაძლიერება სოციალური განვითარებისათვის" – ფარგლებში ორდღიან სემინარებს ჩაატარებს. პროექტის სამიზნე ჯგუფს წარმოადგენენ საქართველოს რეგიონებში მცხოვრები, საზოგადოებრივ ცხოვრებაში აქტიურად ჩართული ქალბატონები, რომელთაც შეუძლიათ საკუთარ რაიონებში, ქალთა უფლებების რეალიზაციის პროცესში გარკვეული წვლილის შეტანა. ორგანიზაციის ექსპერტების მიერ ჩატარებული სემინარი მიეძღვნება სოფლად მცხოვრები ქალების ძირითადი უფლებებისა და თავისუფლებების შესახებ ცოდნის ამაღლებას, აგრეთვე სამოქალაქო საზოგადოების როლის გაძლიერებასა და დემოკრატიული პროცესების სტიმულირებას. სრულად  წყარო:ორგანიზაციის გვერდი სოციალურ ქსელში

აჭარა. 17 ივლისს, საქართველოს წითელი ჯვრის ბათუმის ხანდაზმულთა სოციალური ცენტრის ორგანიზებით ბათუმის ბულვარში ხანდაზმულების ხელნაკეთი ნამუშევრების გამოფენა-გაყიდვა მოეწყო. გამოფენაში მონაწილეობდნენ ცენტრის კერვისა და ქსოვის ჯგუფები, რომლებიც სოციალურ ცენტრში ფუნქციონირებენ. ხანდაზმულები აქტიურად არიან ჩართული სხვადასხვა სახის კულტურულ ღონისძიებებში. გამოფენა–გაყიდვას ესწრებოდა საქართველოს წითელი ჯვრის პრეზიდენტი. გამოფენის შემდეგ ქალაქ ბათუმის მერიამ სოციალური ცენტრის ბენეფიციარები და წითელი ჯვრის მოხალისეები საზაფხულო მატარებლით გაასეირნა ბათუმის ბულვარში.  წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველო მიიჩნევს, რომ რკინიგზის ჩქაროსნული მაგისტრალის მშენებლობა მოსახლეობის სიცოცხლეს საფრთხეს უქმნის. ამის შესახებ განცხადება ორგანიზაციამ 22 ივლისს ვებ–გვერდზე განათავსა.  „საერთაშორისო გამჭვირვალობა – საქართველო" მოუწოდებს  საქართველოს რკინიგზას, კომპანია „China Railway 23rd Bureau Group Co, Ltd"-ს: სასწრაფოდ მოხდეს ხაშურის მუნიციპალიტეტის სოფელ ქვიშხეთში მიმდინარე სამუშაოების შეჩერება, მოსახლეობის სიცოცხლისათვის საშიში საცხოვრებელი სახლებიდან გამოყვანა და მათი ალტერნატიული საცხოვრებელი ფართით ან შესაბამისი კომპენსაციით უზრუნველყოფა.   სრულად წყარო: transparency.ge

თბილისი. „საქართველოს დემოკრატიული ინიციატივა შეშფოთებას გამოხატავს 2013 წლის 20 ივლისს ქალაქ ზუგდიდში და 21 ივლისს ბათუმში განვითარებული მოვლენებისა და სამართალდამცავი ორგანოების მიერ მომხდარ ინციდენტზე არაადეკვატური რეაგირების გამო", ნათქვამია ორგანიზაციის მიერ გავრცელებულ განცხადებაში.  საქართველოს დემოკრატიული ინიციატივა მოუწოდებს სამართალდამცავ ორგანოებს მყისიერი და ეფექტური რეაგირება მოახდინოს თითოეულ მსგავს გამოვლინებაზე, სამართალდამრღვევთა მიერ ჩადენილი ქმედებების მიმართ განახორციელონ სათანადო სამართლებრივი შეფასება და მისცენ შესაბამისი კვალიფიკაცია, ასევე გამოიყენონ ადეკვატური სანქციები. სრულად წყარო: gdi.ge

თბილისი. 20 ივლისს, საქართველოს ახალგაზრდული პარლამენტის, განათლების, მეცნიერებისა და კულტურის კომიტეტის ორგანიზებით საჯარო დისკუსია - „სასკოლო ასაკის განსაზღვრა 6 წლამდე" –გაიმართა. დისკუსია მიმდინარეობდა სასკოლო ასაკის ქვედა ზღვრის (5 წელი) მიზანშეწონოლობაზე, მის დადებით და უარყოფით გავლენაზე. ფორუმს ესწრებოდნენ მკვლევარები, ფსიქოლოგები, მასწავლებლები, მშობლები და ამ საკითხით დაინტერესებული პირები. მოწვეულმა ფსიქოლოგებმა აღნიშნეს, რომ ხუთი წლის მოზარდებს არ აქვთ კარგი ფსიქიკური და ფიზიკური მზაობა სკოლაში სწავლის დასაწყებად. კომიტეტის წევრების მიერ წარმოდგენილი იყო, ზოგადი განათლების ექსპერტებთან ჩატარებული კვლევისა და ფსიქოლოგებთან კონსულტაციების შედეგები.  წყარო:ორგანიზაციის გვერდი სოციალურ ქსელში

თბილისი. 24 ივლისს, ადამიანის უფლებების სწავლებისა და მონიტორინგის ცენტრი (EMC) გიწვევთ საჯარო დისკუსიაზე თემაზე: სასჯელების მიმართ სახელმწიფო პოლიტიკა და მისი სოციალური რეფლექსიები. დისკუსიის მომხსენებელი იქნება სოფო ვერძეული, სისხლის სამართლის პოლიტიკის ექსპერტი.  სრულად წყარო:ორგანიზაციის გვერდი სოციალურ ქსელში