თბილისი. 3 ივნისს არასამთავრობბოებმა დედოფლისწყაროს რაიონის სოფელ სამთაწყაროში უკანასკნელი ორი კვირის მანძილზე რელიგიურ ნიადაგზე მომხდარი დაპირისპირების შემთხვევებზე განცხადება გაავრცელეს. აღსანიშნავია, რომ ხელმომწერი არასამთავრობო ორგანიზაციები უშუალოდ აკვირდებოდნენ 31 მაისს სოფელ სამთაწყაროში მიმდინარე პროცესებს და წინამდებარე განცხადებაში წარმოდგენილი ფაქტები და შეფასებები სწორედ მათი მონიტორინგის შედეგებს ეფუძნება. განცხადება წყარო: gyla.ge

თბილისი.ორგანიზაცია „მარიანისა" და პოლონური ფონდის „არი არის" ორწლიანი თანამშრომლობის შედეგად საქართველოში მომზადდა სივრცითი და საყოფაცხოვრებო ორიენტაციის ინსტრუქტორები, მათ რამდენიმე საფეხურიანი ტრენინგები გაიარეს. ინსტრუქტორებმა უკვე დაიწყეს მუშაობა უსინათლო ადამიანებთან. მათ დასაწყისში შეაფასეს მომავალი მოსწავლეების ორიენტაციის უნარები, მასზე დაყრდნობით დაწერეს სწავლების პროგრამები, კონსულტაცია გაიარეს ფონდ „არი არის" სპეციალებისტებთან და შეუდგენენ მუშაობას. აღნიშნული ეტაპის დასრულდება ნოემბერში. წყარო: ngomariani.blogspot.com

შიდა ქართლი. 2 ივნისს, კონსტიტუციის 42-ე მუსლის, სამართლიანი არჩევნებისა და დემოკრატიის საერთაშორისო საზოგადოების (ISFED), საერთაშორისო გამჭვირვალობა - საქართველოს და ადამიანის უფლებების სწავლებისა და მონიტორინგის ცენტრი  წარმომადგენლებმა სოფელი დიცისა და დვანის ადგილობრივი მოსახლეობა მოინახულეს. მათ  და გააპროტესტეს ცხინვალის რეგიონის კონფლიქტური ზონის მიმდებარე სოფლებში განვითარებული მოვლენები, კერძოდ, მოქალაქეების გატაცების ფაქტები და საქართველოს ოკუპაცია. წყარო: კონსტიტუციის 42–ე მუხლის გვერდი სოციალურ ქსელში

იმერეთი.1 ივნისს ქუთაისის ახალგაზრდულმა ცენტრმა ბავშვთა უფლებების საერთაშორისო დღესთან დაკავშირებით მოაწყო საინფორმაციო კამპანია. მიზანს წარმოადგენდა ბავშვის უფლებების დაცვა, პროპაგანდა, საზოგადოებრივი აზრის მობილიზება კონფლიქტების საშიშროებისაგან ბავშვთა დასაცავად, ზრუნვა მათ ჯანმრთელობასა და დემოკრატიულ აღზრდა-განვითარებაზე. ქუთაისის ახალგაზრდული ცენტრის 17 წევრმა მოამზადა ბროშურები და პოსტერები ბავშვთა უფლებების განვითარების, მონაწილეობის, კეთილდღეობის და დაცვის საკითხებზე და მოაწყო ქუჩაში მსვლელობა. ღონისძიება ორგანიზებული იქნა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

ქვემო ქართლი. „სიდას" ინიციატივით, პირობითი მსჯავრის მქონე 8 ახალგაზრდამ მონაწილეობა მიიღო ბავშვთა დაცვის საერთაშორისო დღისადმი მიძღვნილ ფორუმში „ახალგაზრდები ქუჩაში მცხოვრები და მომუშავე ბავშვების მხარდასაჭერად".  ფორუმის მიზანს წარმოადგენდა ახალგაზრდებისათვის ამ მიმართულებით არსებული სახელმწიფო პოლიტიკისა და ხედვის გაცნობა. წყარო:ორგანიზაციის გვერდი სოციალურ ქსელში

თბილისი. 1 ივნისს, ბავშვთა დაცვის საერთაშორისო დღეს, საქართველოს წითელი ჯვრის საზოგადოება შეუერთდა „მზის ფესტივალს", რომელიც  ყოველწლიურად „მზიურში" იმართება . აღნიშნული ღონისძიება წელს უკვე მერვედ ჩატარდა და განკუთვნილი იყო ყველა ბავშვისთვის, მიუხედავად მათი ფიზიკური შესაძლებლობებისა და სოციალური სტატუსისა. წყარო: საქართველოს წითელი ჯვრის საზოგადოების გვერდი სოციალურ ქსელში

იმერეთი. 31 მაისს ქუთაისის ახალგაზრდული ცენტრი თელავის, დმანისის და მარნეულის ახალგაზრდულ ცენტრებთან ერთად შეუერთდა საინფორმაციო კამპანიას მსოფლიო თამბაქოს გარეშე. სპეციალურად ამ დღისთვის მომზადდა პოსტერები და ბროშურები თამბაქოსგან გამოწვეული რისკების შესახებ. ქუთაისის ახალგაზრდული ცენტრის წევრებმა ქალაქის მასშტაბით მსვლელობა მოაწყვეს, რომლის მიზანს წარმოადგენდა მოსახლეობის ინფორმირება თამბაქოს მავნებლობის შესახებ და საზოგადოებრივი თავშეყრის ადგილებში თამბაქოს მოხმარების აკრძალვა. ახალგაზრდება საზოგადოებრივ ტრანსპორტში და საჯარო დაწესებულებებში თამბაქოს მოწევის ამკრძალავი ნიშნები გამოაკრეს. გაიმართა Skype კონფერენცია, რომელშიდაც ქუთაისელ ახალგაზრდებთან ერთად დმანისის, მარნეულის და თელავის ახალგაზრდული ცენტრის წევრები ღებულობდნენ მონაწილეობას. ღონისძიებები ორგანიზებული იქნა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით.   წყარო:ორგანიზაციის გვერდი სოციალურ ქსელში

3 ივნისს, 15:30 საათზე საერთაშორისო გამჭვირვალობა, კონსტიტუციის 42–ე მუხლი წარადგენენ იუსტიციის უმაღლესი საბჭოსა და საერთო სასამართლოების მოსამართლეთა სადისციპლინო კოლეგიის წევრობის საკუთარ კანდიდატებს. მისამართი: თბილისი, რუსთაველის 26, საერთაშორისო გამჭვირვალობა – საქართველოს ოფისი

3 ივნისს, 16:00 საათზე გაიმართება თბილისის ადამიანის უფლებათა სახლის ოფიციალური გახსნის ცერემონია. მისამართი: თბილისი, მელიტონ ქანთარიას 11 ა.

თბილისი. არასამთავრობო ორგანიზაციები აღშფოთებას გამოთქვამენ საქართველოს სამი მოქალაქის გატაცებისა და თავისუფლების უკანონო აღკვეთის ფაქტებზე. „მშვიდობიანი მოქალაქეების გატაცებისა და საოკუპაციო ხაზის გადმოწევის ფაქტები გვაფიქრებინებს, რომ კონფლიქტის ზონაში და მის მიმდებარე ტერიტორიაზე მცხოვრები მშვიდობიანი მოქალაქეების უსაფრთხოება და კონსტიტუციური უფლებები სრულიად უგულებლყოფილია", – ნათქვამია განცხადებაში. სრულად წყარო: ადამიანის უფლებების სწავლებისა და მონიტორინგის ცენტრის გვერდი სოციალურ ქსელში

აჭარა. ასოციაცია „ღირსეული სიბერის" ხანდაზმულთა სოციალური ცენტრის ბენეფიციარები ბავშვთა საერთაშორისო დღისადმი მიძღვნილ დღესასწაულს შეუერთდნენ. ისინი ზღვისპირა პარკში კონცერტს დაესწრნენ, შემდგომშეზღუდული შესაძლებლობების მქონე ბავშვებს დღესასწაული მიულოცეს და საჩუქრები გადასცეს. წყარო: ორგანიზაციის გვერდი სოციალურ ქსელში

თბილისი. 2 ივნისს, ჟურნალისტური ეთიკის ქარტიის საბჭომ 18 წევრს შეუჩერა ქარტიის ხელმომწერის სტატუსი.  ამავე სხდომაზე ჟურნალისტური ეთიკის ქარტიას 10 ახალი ხელმომწერიც შეემატა. სრულად წყარო: media.ge

2 ივნისს არასამთავრობო ორგანიზაციები მდგომარეობის გასაცნობად სოფელ დიცში ადგილობრივ მოსახლეობას შეხვდებიან. „სამართლიანი არჩევნებისა და დემოკრატიი სსაერთაშორისო საზოგადოება" (ISFED), "საერთაშორისო გამჭვირვალობა-საქართველო", „კონსტიტუციის 42-ე მუხლი", „ადამიანი სუფლებების სწავლებისა და მონიტორინგის ცენტრი" სხვა არასამთავრობო ორგანიზაციებთან ერთად გააპროტესტებენ ცხინვალის რეგიონის კონფლიქტური ზონის მიმდებარე სოფლებში განვითარებულ მოვლენებს, კერძოდ, მოქალაქეების გატაცების ფაქტებსა და საქართველოს ტერიტორიების ოკუპაციას.  წყარო: isfed.ge

აჭარა. 2 ივნისს, ბათუმის პრესკაფეში გაიხსნება წიგნების გამოფენა–გაყიდვის კვირეული, რომლის ფარგლებშიც სხვადასხვა გამომცემლობის ახალი წიგნები განსაკუთრებული ფასდაკლებით გაიყიდება. გამოფენა  2 ივნისიდან 7 ივნისადმე გაგრძელდება, რომელსაც სხვადასხვა თემაზე საჯარო დისკუსიებიც ახლავს. ღონისძიებების განრიგი წყარო: ორგანიზაციის გვერდი სოციალურ ქსელში

2 ივნისს, 10:00 საათზე გაიმართება საქართველოს ჟურნალისტური ეთიკის ქარტიის საბჭოს სხდომა. განიხილავენ ტელეკომპანია მე–9 არხის, ევრაზიის თანამშრომლობის ფონდის საჩივრებს. მისამართი: თბილისი, კალისტრატე ცინაციძის 6–7, ჟურნალისტური ეთიკის ქარტია

იმერეთი. ბავშვთა დაცვის დღეს ორგანიზაციამ „თაობათა დიალოგმა" აზარტული თამაშების წინააღმდეგ აქცია–პერფომანსით აღნიშნა. აქციის მიზანი იყო აზარტული თამაშების დაწესებულებებისთვის შეეხვენებინათ კანონით დადგენილი ნორმა, რომლის მიხედვითაც 18 წლამდე პირებს ეკრძალებათ აზარტული თამაშების დაწესებულებებში შესვლა. აქციით ორგანიზატორებს სურდათ არასრულწლოვანებისთვისაც შეეხსენებინათ აზარტული თამაშების მავნებლობა. წყარო: ორგანიზაციის გვერდი სოციალურ ქსელში

შიდა ქართლი. საქართველოს ახალგაზრდული პარლამენტი აგრძელებს რეგიონულ ვიზიტებებს. შეხვედრა, 1 ივნისს, გორის ახალგაზრდულ ცენტრში გაიმართა, რომელიც დისკუსია-მსჯელობის რეჟიმში წარიმართა. დისკუსიაში მონაწილეობა სგორში მცხოვრები ახალგაზრდები იღებდნენ, რომელბმაც ქალაქთან დაკავშირებული არაერთი პრობლემა წამოჭრეს. ახალგაზრდული პარლამენტის გორის დეპუტატები აქტიურად ითანამშრომლებენ ქალაქის ახალგაზრდებთან და მათ ყველა იმ პროექტის განხორციელებასა და პრობლემის გადაჭრაში დაეხმარებიან, რომლებიც მათ შეხვერდაზე წარმოადგინეს. აღსანიშნავია, რომ მსგავსი სახის შეხვედრებს 2013 წლის მოწვევის ახალგაზრდული პარლამენტი ეტაპობრივად ყველა რეგიონში გამართავს. წყარო: ორგანიზაციის გვერდი სოციალურ ქსელში

აჭარა. 31 მაისს, ბათუმის დემოკრატიული ჩართულობის ცენტრისა და საქართველოს ახალგაზრდა იურისტთა ასოციაციის აჭარის ფილიალის ინიციატივით დისკუსია გაიმართა თემაზე: ბავშვთა უფლებების დაცვი სსაერთაშორისო სტანდარტები და მისი განხორციელების პრაქტიკა საქართველოში. აღნიშნულ საკითხთან დაკავშირებით აჭარის უმაღლესი საბჭოს ვიცე სპიკერმა დავით ბაციკაძემ ისაუბრა. ასევე მომხსენებლის სტატუსით შეხვედრას ესწრებოდნენ სახალხო დამცველის, მედიის წარმომადგენლები, ადგილობრივი თვითმმართველობის, სტუდენტები და სამოქალაქო საზოგადოების წარმომადგენლები. გასულ წლებში საქართველოში ბავშვთა უფლებები სსფეროში განხორციელდა დადებითი ცვლილებები, მიუხედავად ამისა რამდენიმე საკითხი კვლავ პრობლემურია, მათ შორის ერთ-ერთია ქუჩაში მცხოვრები მომუშავე ბავშვების საკითხი. დისკუსიის მონაწილეებმა განიხილეს როგორც განხორციელებული ცვლილებები, ასევე არსებულ პრობლემები და მათი გადაჭრის ხერხები.

კახეთი. 31 მაისს, ბავშვთა დაცვის საერთაშორისო დღესთან დაკავშირებით, არასამთავრობო ორგანიზაციამ „ლელიმ" ბაისუბნის მცირე საოჯახო ტიპის სახლის 10 ბენეფიციარი სოფელ ლელიანში დაპატიჟა სპორტულ შეჯიბრებაში - „მხიარულ სტარტებში" მონაწილეობის მისაღებად. ბავშვებს ასევე სპორტული ინვენტარიც გადაეცათ.1 ივნისს კი, ლაგოდეხის ახალგაზრდული დეპარტამენტის თაოსნობით, ბაისუბნის სახლის აღსაზრდელები თოჯინების თეატრის სპექტაკლს დაესწრნენ. წყარო: ფონდ „აფხაზეთის" გვერდი სოციალურ ქსელში

თბილისი. 31 მაისს, ორგანიზაცია „კონსტიტუციის 42–ე მუხლის" ოფისში გაიმართა სამუშაო შეხვედრა, ევრაზიის თანამშრომლობის ფონდის მიერ დაფინანსებული პროექტის ფარგლებში – „მცირე და საშუალო ბიზნესის მფლობელთა სასამართლოსადმი ნდობის აღდგენა". შეხვედრას ესწრებოდნენ საგადასახადო დავებზე მომუშავე ადვოკატები. წყარო: ორგანიზაციის გვერდი სოციალურ ქსელში

ქვემო ქართლი. 1 ივნისს, ბავშვთა დაცვის დღეს სიქას ოფისში შეიკრიბნენ ახალგაზრდები, რომლებმაც ინფორმაცია მიიღეს ბავშვთა უფლებებისა და 1 ივნისის შესახებ. მონაწილეებმა ერთმანეთს გაუზირეს ბავშვობის საინტერესო დ ასახალისო ისტორიები, აქტივობა ოფისის გარეთ გაგრძელდა და მონაწილეებმა ქუჩაში მოსიარულე ბავშვები ფერადი ბუშტებითა და კეთილი სურვილებით გაახარეს.  წყარო: ორგანიზაციის გვერდი სოციალურ ქსელში

1 ივნისს, 15:00 საათზე თავისუფალ ჟურნალისტთა სახლის ბაზაზე არსებული ბათუმის ახალგაზრდული ცენტრი და საიას აჭარის ფილიალი გამართავენ ბავშვთა დაცვის საერთაშორისო დღისადმი მიძღვნილ ღონისძიებებს. მისამართი: ბათუმი, მელაშვილისა და საბაჟოს შესახვევი 1–2, ბათუმის პრესკაფეს მიმდებარე ტერიტორია დეტალური ინფორმაცია