შიდა ქართლი. ბავშვთა დაცვის საერთაშორისო დღისადმი მიძვნილი კვირეულის ფარგლებში 3 ივნისს საზოგადოება „ბილიკის" და შშმ პირთა კეთილდღეობის ცენტრის აღსაზრდელების მონაწილეობით ასფალტზე ხატვის კონკურსი მოეწყო. პატარებმა, სლოგანის - „მე და სამყაროს" თემაზე შექმნეს ნახატები. კონკურსის ბოლოს ღონისძიებაში ჩართულ მონაწილეებს საჩუქრები გადაეცათ.  წყარო:ორგანიზაციის გვერდი სოციალურ ქსელში

კახეთი.კავშირი „სათემო ორგანიზაცია ნუკრიანი" და „სამოქალაქო ინიციატივა"  შეხვედრების სერიას განაგრძობენ. 3 ივნისს ორგანიზაციის წარმომადგენლები  ბოდბისხევის, წნორის და საქობოს მოსახლეობას შეხვდნენ პროექტის - „ინტერაქცია თვითმმართველობასა და მოსახლეობას შორის ინტერნეტ სამოქალაქო ჩართულობის გზით" - ფარგლებში. წყარო:ორგანიზაციის გვერდი სოციალურ ქსელში

თბილისი. სამოქალაქო განათლების კლუბ Be Tolerant – ის ინიციატივის ფარგლებში ჩატარდა ფოტო–კონკურსი თემაზე – „შეიცანი ბუნება". კონკურსში მონაწილეობა სხვადასხვა სკოლების სამოქალაქო განათლების კლუბებმა მიიღეს. გამარჯვებული კონკურსანტები მონაწილეობას მიიღებენ ორდღიან ლაშქრობაში ბორჯომ–ხარაგაულის ეროვნულ პარკში. წყარო:ორგანიზაციის გვერდი სოციალურ ქსელში

მცხეთა–მთიანეთი. ბავშვთა დაცვის საერთაშორისო დღეს ბავშვთა და ახალგაზრდობის განვითარების ფონდის წარმომადგენლები დუშეთის რაიონში ადგილობრივ ახალგაზრდებს შეხვდნენ. შეხვედრა კითხვა-პასუხის რეჟიმში წარიმართა. ფონდის წარმომადგენლებმა ორგანიზაციის საქმიანობის, დაგეგმილი და განხორციელებული პროექტების შესახებ ისაუბრეს. უახლოეს მომავალში დუშეთში ფონდი სხვადასხვა ღონისძიებას განახორციელებს. შეხვედრა დუშეთში რეგიონალური კამპანიის ფარგლებში გაიმართა, ეტაპობრივად ფონდის წარმომადგენლები ყველა რაიონულ ცენტრს ეწვევიან და ადგილობრივ ახალგაზრდებს ფონდის საქმიანობის შესახებ მიაწვდიან ინფორმაციას.  წყარო:ორგანიზაციის გვერდი სოციალურ ქსელში

თბილისი. ორგანიზაცია „მერცესმა" გამოსცა სახელმძღვანელო ბროშურა პაციენტის სწორი მოვლის საკითხებზე.  მათ შორის ისეთღი მძიმე გართულებების პრევენციის შესახებ როგორიცაა ნაწოლი და კონტრაქტურა. ბროშურა წყარო:ორგანიზაციის გვერდი სოციალურ ქსელში

4 ივნისს  11:00 საათზე თვითმმართველობის რეფორმის მრჩეველთა საზოგადოებრივი საბჭოს წევრები არასამთავრობო ორგანიზაციებისა და მედიის წარმომადგენლებს შეხვდებიან. მისამართი: ბათუმი, მელაშვილისა და საბაჟოს გადაკვეთა 2, ბათუმის პრესკაფე

თბილისი. საერთაშორისო გამჭვირვალობა – საქართველომ და კონსტიტუციის 42-ე მუხლმა დღეს იუსტიციის უმაღლესი საბჭოსა და საერთო სასამართლოების მოსამართლეთა სადისციპლინო კოლეგიის წევრობის საკუთარი კანდიდატები წარადგინეს. იუსტიციის უმაღლესი საბჭოს წევრობის კანდიდატები: დავით კერესელიძე (საერთაშორისო გამჭვირვალობა – საქართველო, კონსტიტუციის 42-ე მუხლი), ზურაბ ძლიერიშვილი (საერთაშორისო გამჭვირვალობა – საქართველო, კონსტიტუციის 42-ე მუხლი) და კახა წიქარიშვილი (კონსტიტუციის 42-ე მუხლი). საერთო სასამართლოების მოსამართლეთა სადისციპლინო კოლეგიის წევრობის კანდიდატი: გიორგი გიორგაძე (საერთაშორისო გამჭვირვალობა – საქართველო, კონსტიტუციის 42-ე მუხლი). წყარო:საერთაშორისო გამჭვირვალობა – საქართველოს გვერდი სოციალურ ქსელში

თბილისი. აისეკ საქართველო აცხადებს აპლიკაციების მიღებას უცხოელი ლიდერების მასპინძლობის მსურველთათვის. იმისთვის, რომ გახდეთ მასპინძელი ოჯახი საჭიროა საცხოვრებელი პირობებით უზრუნველყოთ ერთი ადამიანი 4–დან 8 კვირამდე.  სრულად  წყარო:ორგანიზაციის გვერდი სოციალურ ქსელში

თბილისი.  3 ივნისს თბილისის ადამიანის უფლებათა სახლი ოფიციალურად გაიხსნა. ცერემონია თბილისის ადამიანის უფლებათა სახლის გამგეობის თავმჯდომარემ გახსნა.  სიტყვით გამოვიდა „სახლის" გამგეობის ყოფილი თავმჯდომარე, საქართველოს სახალხო დამცველი - უჩა ნანუაშვილი, სიტყვა წარმოთქვეს სტუმრებმა ნორვეგიიდან, ნიდერლანდებიდან და ჩეხეთიდან. გახსნაზე აჩვენეს დოკუმენტური ფილმი „სახლის" შესახებ. წყარო:ორგანიზაციის გვერდი სოციალურ ქსელში

თბილისი. 3 ივნისს, ცენტრალურ საარჩევნო კომისიას გარდაბნის, მარნეულის და დმანისის ახალგაზრდული ცენტრის წევრები ესტუმრნენ. ახალგაზრდები გაეცნენ ცესკოს მუშაობის პრინციპებს, დაათვალიერეს საარჩევნო ადმინისტრაცია. სხვადასხვა დეპარტამენტების უფროსებმა მოსწავლეებს კომისიის აქტივობების შესახებ გააცნეს ინფორმაცია. კოორდინაციისა და მართვის დეპარტამენტის უფროსმა ახალგაზრდებს დეტალურად წარუდგინა ინფორმაცია კომისიის საქმიანობების შესახებ, ხოლო სსიპ-საარჩევნო სისტემების განვითარების, რეფორმებისა და სწავლების ცენტრის ხელმძღვანელის მოადგილე სემინარის ფარგლებში მათ არჩევნებში აქტიური ჩართულობის მნიშვნელობაზე ესაუბრა. წყარო:სამოქალაქო აქტივიზმის ახალგაზრდული ქსელის გვერდი სოციალურ ქსელში

თბილისი. საერთაშორისო გამჭვირვალობა–საქართველომ საპარლამენტო ამბების  აუდიო პოდკასტი გამოაქვეყნა. 3 ივნისის გამოშვების თემებია: საგარეო ურთიერთობათა კომიტეტის თავმჯდომარის განცხადება სამხრეთ ოსეთის ადმინისტრაციულ საზღვრის საოკუპაციო ხაზის გადმოწევასთან დაკავშირებით და არასამთავრობო ორგანიზაციების ვიზიტი სოფელ დიცსა და დვანში. პოდკასტში ასევე საუბარია საკითხებზე: პარლამენტმა მაუწყებლობის შესახებ კანონში ცვლილებები დაამტკიცა: მოსაზრებები და შენიშვნები; პარლამენტმა ორ კანონპროექტზე პრეზიდენტის ვეტო დაძლია: საკონსტიტუციო სასამართლოს შესახებ კანონში და სამოქალაქო კოდექსში ცვლილებები; პრეზიდენტმა ვეტოს უფლება გამოიყენა კიდევ ერთ კანონპროექტთან მიმართებაში: სისხლის სამართლის საპროცესო კოდექსში ადვოკატის მიერ ჩხრეკის უფლებებთან დაკავშირებული ცვლილებები; ახალი საკანონმდებლო ინიციატივა: სასოფლო-სამეურნეო მიწების უცხოელებისათვის შესყიდვის უფლების შეჩერება; „აირზენას" თბილისი-ქუთაისი და ქუთაისი-თბილისი ავიარეისები დღეიდან კვირაში სამჯერ განხორციელდება.  აუდიო პოდკასტი  წყარო: transparency.ge

ქვემო ქართლი. 3 ივნისს „სიდამ" და საქართველოს გაეროს ასოციაციამ ხელი მოაწერეს ურთიერთთანამშრომლობის მემორანდუმს. მისი მიზანია ურთიერთთანამშრომლობის გაღრმავება „სიდას" პროექტ „არასრულწლოვანთა მართლმსაჯულების რეფორმის მხარდაჭერა ქვემო ქართლისა და სამცხე-ჯავახეთის ეროვნული უმცირესობების თემებში" და გაეროს ასოციაციის პროექტს "ჩემი უფროსი მეგობარი" შორის.  მემორანდუმის გაფორმების შემდეგ, თბილისელ და რუსთაველ უფროს და უმცროს მეგობრებს შორის გაცნობითი ხასიათის შეხვედრა გაიმართა, სადაც ერთმანეთს პროექტში მიღებული გამოცდილება გაუზიარეს.  წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ საოკუპაციო ხაზის გასწვრივ განვითარებულ მოვლენებთან დაკავშირებით განცხადება გააკეთა. „საია მოუწოდებს რუსეთის ხელისუფლებას, შეწყვიტოს საქართველოს ტერიტორიული მთლიანობის ხელყოფა, ადამიანის უფლებების უხეში დარღვევა და დაიცვას 2008 წლის ცეცხლის შეწყვეტის ხელშეკრულების პირობები. ... საქართველოს ხელისუფლებას, გამოიყენოს ყველა შესაძლო დიპლომატიური თუ სამართლებრივი ბერკეტები საქართველოს მოქალაქეების უფლებების დასაცავად ... საერთაშორისო ორგანიზაციებისა და დიპლომატიური კორპუსის წარმომადგენლებს, მოსთხოვონ რუსეთის ფედერაციას ნაკისრი საერთაშორისო ვალდებულებების შესრულება, რათა არ გაგრძელდეს საქართველოს ტერიტორიის ანექსია და ოკუპირებული ხაზის გასწვრივ მცხოვრები მოსახლეობის უფლებების დარღვევა". სრულად  წყარო: gyla.ge

თბილისი. ორგანიზაცია „მწვანე ალტერნატივამ" განათავსა პეტიცია „საქართველოს ბუნების ძეგლების დასაცავად". მოვითხოვთ: საქართველოს მთავრობამ სწრაფად და ეფექტურად გამოიძიოს გუდაური-კობის საავტომობილო გზის მიმდებარე ტერიტორიაზე ტრავერტინების დაზიანების ფაქტი და გაატაროს შესაბამისი ზომები პასუხისმგებელი პირების მიმართ; საქართველოს პარლამენტმა დაჩქარებული წესით მიიღოს კანონპროექტი „ბუნების ძეგლების შექმნისა და მართვის შესახებ", რომლითაც ბუნების ძეგლის სტატუსი მიენიჭება ჯერ კიდევ 2010 წელს სპეციალური სამთავრობო კომისიის მიერ ბუნების ძეგლების ნუსხაში შეტანილ 100 ობიექტს", ნათქვამია ორგანიზაციის ვებგვერდზე. პეტიცია  წყარო: greenalt.org

თბილისი. ინფორმაციის თავისუფლების განვითარების ინსტიტუტმა საავტომობილო გზების დეპარტამენტიდან მიღებული საჯარო ინფორმაცია გამოაქვეყნა. ვებგვერდზე განთავსდა დოკუმენტები პრემიების, ორგანიზაციის ბალანსის, განთავისუფლებული თანამშრომლების, საშტატო ნუსხისა და თანამდებობრივი სარგოების, ავტოპარკზე გაწეული ხარჯების,  დაფინანსებული ღონისძიებების, 10 დეკემბრის ანგარიშების შესახებ.  სრულად  წყარო: opendata.ge

თბილისი. საბჭოთა წარსულის კვლევის ლაბორატორიამ ზეპირი ისტორიების მეათე ფილმი გამოაქვეყნა. 23 წუთიანი ფილმი ისმაილ ბარდაჩიძის ისტორიას ასახავს.   ისტორია ჩაიწერა საბჭოთა წარსულის კვლევის ლაბორატორიის პროექტის – „თავისუფალი წვდომა ინფორმაციასა და სამართალზე" – ფარგლებში. პროექტი განხორციელდა დემოკრატიის მხარდამჭერი ფონდის დაფინანსებით. ფილმი  წყარო: ორგანიზაციის გვერდი სოციალურ ქსელში

თბილისი. ორგანიზაცია „იარე ფეხით" აყალიბებს საზოგადოებასთან ურთიერთობის ჯგუფს, რათა შეაგროვოს ინფორმაცია და იდეები მოხალისეებისგან. შეხვედრაზე დასწრება ნებისმიერ მსურველს შეუძლია.  საკონტაქტო ინფორმაცია – iarepekhit@gmail.com  წყარო:ორგანიზაციის გვერდი სოციალურ ქსელში

გურია. სამოქალაქო განათლებისა და პედაგოგთა გადამზადების პროგრამის 33 მიზნობრივი სკოლის სამოქალაქო კლუბებისა და საინიციატივო ჯგუფების ძალისხმევით გურიის რეგიონში მოაწეყო ფართომასშტაბიანი კამპანია „გურია პოიეთილენის გარეშე". აქციაში ჩაერთო 1000-მდე მოსწავლე და მასწავლებელი. აქცია 2 კომპონენტისაგან შედგებოდა: ერთი, საზოგადოების ქცევის შეცვლისაკენ მიმართული ცნობიერების ამაღლების კამპანია - მოსწავლეებმა მუნიციპალურ ცენტრებში, საზოგადოებრივი თავშეყრის ადგილებში, ბაზრებსა და სავაჭრო ცენტრებში გაავრცელეს საინფორმაციო ფურცლები, პოლიეთილენის პარკების ჩანაცვლების მიზნით დაარიგეს ნაჭრის ჩანთები. მეორე კომპონენტი იყო აქციის ფარგლებში პოლიეთილენის პარკებისა და ბოთლებისაგან სოფლის თემებისა და მუნიციპაიტეტეტების გარკვეული ტერიტორიების დასუფთავება. დასუფთავების აქციები სამოქალაქო კლუბებისა და საინიციატივო ჯგუფების წევრებმა ჩაატარეს ჯერ თავიანთ თემში, დაასუფთავეს სკოლის მიმდებარე ტერიტორიები, სკვერები, მდინარის ხეობები თუ გზის რამდენიმეკილომეტრიანი ზოლი. ახალგაზრდები შეურთდნენ თავიანთ მუნიციპალურ ცენტრებში (ოზურგეთი, ლანჩხუთი, ჩოხატაური) მიმდინარე აქციებს. ქალაქ ოზურგეთში დასუფთავდა ავტოსადგური, ასევე რეგიონის 30-მდე სოფლის ცენტრალური ტერიტორია. აქციაში ჩაერთო ოზურგეთისა და ლანჩხუთის დასუფთავების სამსახურები. სპეციალურმა ბრიგადამ შეგროვებული ნაგავი დასუფთავების მანქანით გადაიტანა ნაგავსაყრელზე. სამოქალაქო განათლებისა და პედაგოგთა გადამზადების პროგრამა ხორციელდება PH-International-ის მიერ ამერიკის საერთაშორისო განვითარების სააგენტოს (USAID) დაფინანსებით. წყარო:ორგანიზაციის გვერდი სოციალურ ქსელში

თბილისი. 3 ივნისს შედგა შეზღუდული შესაძლებლობების მქონე პირთა საკითხებზე მომუშავე სახელმწიფო საკოორდინაციო საბჭოს მორიგი სხდომა. შეხვედრაზე განხილულ საკითხთა შორისაა: ინფორმაცია შშმ პირთა თანაბარი შესაძლებლობების უზრუნველყოფის 2013-2016 წლების სამოქმედო სამთავრობო გეგმის შემუშავების პროცესის თაობაზე; ინფორმაცია 2013 წლის შშმ პირთა უფლებათა დაცვის წლად გამოცხადების შესახებ; ინფორმაცია გაეროს 2006 წლის 13 დეკემბრის შშმ პირთა უფლებების კონვენციის რატიფიცირების პროცესის შესახებ. წყარო:ახალგაზრდული ცენტრი დამოუკიდებელი ცხოვრებისათვის გვერდი სოციალურ ქსელში

თბილისი. 2 ივნისს „ილიაუნიში" 2013 წლის მოწვევის „საქართველოს ახალგაზრდული პარლამენტის" რიგით მეორე პლენარული სხდომა გაიმართა. სხდომაზე სტუმრად იმყოფებოდა საქართველოს პარლამენტის წევრი გიორგი ვაშაძე. ახალგაზრდული პარლამენტი მომავალშიც გააგრძელებს პარლამენტარებთან შეხვედრას, მომდევნო შეხვედრა ლევან ბერძენიშვილთან იქნება. წყარო:ორგანიზაციის გვერდი სოციალურ ქსელში

შიდა ქართლი. ასოციაცია „გორის ინვალიდთა კლუბთან" არსებულმა გორის ახალგაზრდულმა ცენტრმა 1 ივნისი- ბავშვთა დაცვის საერთაშორისო დღე აღნიშნა. აქტივობაში ჩართულები იყვნენ ბავშვები ეთნიკური უმცირესობებით ჩასახლებული სოფელ თედოწმინდიდან, ასევე შეზღუდული შესაძლებლობების მქონეა და გორის საბავშო ბაღის აღსაზრდელები. ბავშვებმა მოირგეს ქართული ნაციონალური ფორმები, ხატეს ასფალტზე. დღე ძალიან ლამაზი, საინტერესო და მრავალფეროვანი გამოვიდა. აქტივობა დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი" წყარო: ეროვნული ინტეგრაციის გაძლიერება-გორის ახალგაზრდული ცენტრის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა მუნიციცპალური განვითარების ფონდიდან მიღებული საჯარო ინფორმაცია გამოაქვეყნა. დაინტერესებულ პირებს შესაძლებლობა აქვთ გაეცნონ ორგანიზაციის ბალანსის, თანამშრომელთა პრემიების, გათავისუფლებული თანამშრომლების, თანამშრომელთა საშტატო ნუსხისა და თანამდებობრივი სარგოების, დაფინანსებული ღონისძიებების შესახებ ინფორმაციებს. სრულად წყარო: opendata.ge