თბილისი. საერთაშორისო ასოციაცია კივიტას გეორგიკას ორგანიზებით ვიშეგრადის ფონდის მიერ დაფინანსებული პროექტის ფარგლებში გამოცხადებული კონკურსის შედეგად შერჩეულ ორგანიზაციებს შეხვდა. არასამთავრობო ორგანიზაციები პროექტის „V4 transition experience transfer for enhancing EaP CSOs' sustainability" -ის პირველ ტრენინგში „CONNECT+"-ში მიიღებენ მონაწილეობას, რომელსაც ჩეხი და პოლონელი ექსპერტები ჩაატარებენ. პროექტის პირველი ეტაპის გავლის შემდგომ წარმატებული არასამთავრობო ორგანიზაციები უნგრეთში საზაფხულო სკოლაში გაემგზავრებიან, ბოლო ეტაპზე კი თანამშრომლობის კუთხით შემუშავებული საუკეთესო ინიციატივები მცირე გრანტებით დაჯილდოვდება. აღნიშნული პროექტი მიზანად ისახავს ,,აღმოსავლეთ პარტნიორობის’’ ქვეყნებში მდგრადი სამოქალაქო საზოგადოების განვითარების ხელშეწყობას და სამოქალქო, ბიზნეს და თვითმმართველობებს შორის თანამშრომლობის გაღრმავებას. 

თბილისი. ორგანიზაცია „კონსტიტუციის 42-ე მუხლი" გამოეხმაურა ავტო–მოტომოყვარულთა 12 მაისის მანიფესტაციას, ასევე 28 აპრილს საპატრულო პოლიციის მიერ მოტოტრანსპორტის მფლობელთა დაჯარიმებებს. „საქართველოს კონსტიტუციის 25-ე მუხლის შესაბამისად, ყველას აქვს უფლება წინასწარი ნებართვის გარეშე შეიკრიბოს საჯაროდ და უიარაღოდ როგორც ჭერქვეშ, ისე გარეთ. იმავე მუხლის შესაბამისად კანონით შეიძლება დაწესდეს წინასწარი გაფრთხილების აუცილებლობა, თუ შეკრება ან მანიფესტაცია ხალხისა და ტრასნპორტის სამოძრაო ადგილას იმართება", ნათქვამია ორგანიზაციის მიერ გავრცელებულ განცხადებაში. „კონსტიტუციის 42-ე მუხლი" მოუწოდებს საქართველოს შინაგან საქმეთა სამინისტროს შეიმუშავოს მოტოციკლეტის სანომრე ნიშანთან დაკავშირებით კონკრეტული აქტები, საჭიროების შემთხვევაში ამ საკითხით დაკავშირებული გაერთიანებების მონაწილეობით. სრულად  წყარო:ორგანიზაციის გვერდი სოციალურ ქსელში

თბილისი. 10 მაისს, წითელი ჯვრის კვირეულის ფარგლებში, საქართველოს წითელი ჯვრის საზოგადოების მიერ განხორციელდა სისხლის ნებაყოფლობითი დონაციის აქცია. „ამერიკული საბჭოების FLEX-ის" პროგრამის კურსდამთავრებულებმა სისხლის გადასხმის საქალაქო სადგურში უანგაროდ გაიღეს სისხლი. მათ საქართველოს წითელი ჯვრის მიერ გადაეცათ სამახსოვრო მაისურები. წყარო:ორგანიზაციის გვერდი სოციალურ ქსელში

თბილისი. რესტორან „ლა ტრუფეში" მომხდა ინციდენტთან დაკავშირებით განცხადება გააკეთა საერთაშორისო გამჭვირვალობა საქართველომ. „მნიშვნელოვანია, რომ შინაგან საქმეთა სამინისტრომ აღნიშნული ინციდენტი დროულად და ობიექტურად გამოიძიოს, დასაჯოს დამნაშავე პირები და უახლოეს პერიოდში აცნობოს საზოგადობას გამოძიების შედეგების შესახებ. საზოგადოებისთვის ამ ეტაპზე უცნობია, მოახდინა თუ არა შსს-მ ინციდენტში მონაწილე პირების ადგილზევე დაკითხვა და კანონით დადგენილი პროცედურების გატარება. ასევე, მიზანშეწონილი არ არის პოლიტიკოსების მხრიდან ინციდენტში მონაწილე პირების პოლიტპატიმრის სტატუსზე საუბარი, აღნიშნული ინფორმაციის გადამოწმების გარეშე. ვფიქრობთ, ამ ინციდენტის სწრაფი გამოძიება და დამნაშავეთა დასჯა იქნება პრევენცია იმისთვის, რომ მსგავსი ფაქტი მომავალში არ განმეორდეს”, ნათქვამია ორგანიზაციის გვერდზე სოციალურ ქსელში წყარო:ორგანიზაციის გვერდი სოციალურ ქსელში

თბილისი. საქართველოს დემოკრატიულმა ინიციატივამ რესტორან „ლა ტრუფში" მომხდარ ინციდენტთან დაკავშირებით განცხადება გაავრცელა. „საქართველოს დემოკრატიული ინიციატვა გმობს  ძალადობის ნებისმიერ გამოვლინებას და მივიჩნევთ, რომ მსგავსი ფაქტები უარყოფითად აისახება ქვეყანაში მიმდინარე პოლიტიკურ პროცესებზე", ნათქვამია განცხადებაში. ორგანიზაცია მოუწოდებს შინაგან საქმეთა სამინისტროს აწარმოოს სწრაფი და ეფექტური გამოძიება მომხდარ ინციდენტთან დაკავშირებით, რათა მოხდეს სამართალდამრღვევ პირთა დროული იდენტიფიცირება და მათი პასუხისგებაში მიცემა.  სრულად   წყარო: gdi.ge

თბილისი. 12 მაისს შეზღუდული შესაძლებლობის საკითხებზე მომუშავე არასამთავრობო ორგანიზაციების ყრილობა გაიმართა. შეხვედრის მთავარი მიზანი შშმ პირთა საკითხებზე მომუშავე სამთავრობო საკოორდინაციო საბჭოში სამოქალაქო სექტორისწარმომადგნელების არჩევა იყო. ღონისძიებას 75 არასამთავრობო ორგანიზაციის წარმომადგენელი დაესწრო.  წყარო:disability.ge

15–16  მაისს 10:00 საათზე სამოქალაქო საზოგადოების ინსტიტუტის ორგანიზებით გაიმართება კონფერენცია თემაზე – „სამოქალაქო საზოგადოების ორგანიზაციების ფინანსური მდგრადობა".  ღონისძიება ხორციელდება აღმოსავლეთ–დასავლეთ მართვის ინსტიტუტის მხარდაჭერით, ამერიკის საერთაშორისო განვითარების სააგენტოს დაფინანსებით მიმდინარე პროგრამის „საჯარო პოლიტიკის, ადვოკატირებისა და სამოქალაქო საზოგადოების განვითარება საქართველოში" ფარგლებში. მისამართი: თბილისი, ქეთევან წამებულის 27, სასტუმრო „ძველი თბილისი"

თბილისი. საქართველოს დემოკრატიულმა ინიციატივამ პირადი ცხოვრების შემხველი ვიდეომასალის გავრცელებასთან დაკავშირებული დანაშაულის გახსნის ფაქტთან დაკავშირებით განცხადება გაავრცელა. „როგორც ამ კონკრეტულმა და სხვა შემთხვევებმა ცხადყო, საქართველოს კანონმდებლობა პირადი საიდუმლოების დაცვასთან დაკავშირებით საჭიროებს გადახედვას, რათა სამომავლოდ უზრუნველყოფილი იყოს მსგავსი ფაქტების თავიდან აცილება. შესაბამისად მიგვაჩნია, რომ საქართველოს პარლამენტმა და მთავრობამ განსაკუთრებული ყურადღება უნდა დაუთმოს ამ პროცესს. მათ შორის აუცილებელად ვთვლით ცვლილებების განხორციელებას საქართველოს სისხლის სამართლის კოდექსში მსგავსი დანაშაულის ჩადენისთვის სისხლის სამართლის პასუხისმგებლობის გამკაცრების კუთხით", ნათქვამია განცხადებაში.  სრულად  წყარო: gdi.ge

თბილისი. საერთაშორისო გამჭვირვალობა საქართველო შინაგან საქმეთა მინისტრის განცხადებას ეხმაურება. „საგანგებოდ გამართულ ბრიფინგზე შინაგან საქმეთა მინისტრმა საზოგადოებას განუცხადა, რომ გიორგი ფარესაშვილის პირადი ცხოვრების ამსახველი კადრების გავრცელების საქმე გახსნილია და დაკავებულია გელა ხვედელიძე, შს მინისტრის ახლა უკვე ყოფილი მოადგილე. მივესალმებით საქმის დროულად გახსნას და ბრალდებულის პასუხისგებაში მიცემას. მინისტრმა ასევე განაცხადა, რომ წინა წლებში უკანანოდ ჩაწერილი ვიდეოარქივი ამჟამად დალუქულია და უახლოეს პერიოდში სამოქალაქო საზოგადოების მონაწილეობით განადგურდება. „საერთაშორისო გამჭვირვალობა – საქართველოსთვის" ყოველთვის მოუწოდებდა შსს-ს, რომ გაანადგუროს არქივებში არსებული პირადი ცხოვრების ამსახველი მასალები. მზადყოფნას გამოვთქვამთ აქტიურად ჩავერთოთ პროცესში და, საერთაშორისო გამოცდილების გათვალისწინებით, შესაბამისი კონსულტაცია გავუწიოთ სამინისტროს", ნათქვამია ორგანიზაციის გვერდზე სოციალურ ქსელში.  წყარო:ორგანიზაციის გვერდი სოციალურ ქსელში

საქართველოს ახალგაზრდული პარლამენტის ორგანიზებით თბილისსა და თელავში აბორტის შესახებ კანონის მიღებასთან დაკავშირებით საჯარო დისკუსიები გაიმართა. აბორტის აკრძალვის თემაზე ახალგაზრდული პარლამენტის წევრებმა სტუდენტებთან და  მოწვეულ ექსპერტებთან ერთად ისაუბრეს. თბილისისა და თელავის გარდა შეხვედრები საქართველოს 7 ქალაქში გაიმართა. 11 მაისს თბილისში გამართულ შემაჯამებელ დისკუსაზე ორგანიზატორებმა მონაწილეებს რეგიონებში გამართული შეხვედრებისა და სოციალურ ქსელში გამოკითხვის შედეგები გააცნეს. 

აჭარა. 11 მაისს, ბათუმის პრეს-კაფეში, ასოციაციამ „თავისუფალ ჟურნალისტთა სახლმა’" დისკუსია გამართა თემაზე: „პოლიტპატიმრები - პოლიტპატიმრების შესახებ". პოლიტპატიმრის სტატუსის მინიჭების შემდეგ საპყრობილეში მყოფი ადამიანები გათავისუფლდნენ პატიმრობიდან, თუმცა დღემდე პოლიტპატიმრების სამართლებრივი და ფსიქოლოგიური რეაბილიტაცია არ მომხდარა. დისკუსიის მონაწილეებმა პოლიტპატიმრების დღევანდელ მდგომარეობასა და საზოგადოებაში მათი ინტეგრაციაციის გზებზე ისაუბრეს. 

13 მაისს 19:00 საათზე იდენტობა,  ქალთა ფონდი საქართველოში და გეოეარი გამართავენ საქველმოქმედო კინოჩვენებას, სადაც ნაჩვენები იქნება ორი ფილმი და მოეწყობა დისკუსია გეოეარის ამჟამინდელ რეზიდენტ დიანა მაკკარტისთან. მისამართი: თბილისი, იდენტობას ოფისი

სამცხე-ჯავახეთი.  9-10 მაისს, ახალციხის დემოკრატიული ჩართულობის ცენტრში, გაეროს ადამიანის უფლებათა უმაღლესი კომისრის ოფისის ორგანიზებით ორდღიანი შეხვედრა გაიმართა. სემინარს ახალციხესა და ბორჯომში მოქმედი მედია საშუალებების, ასევე არასამთავრობო სექტორის წარმომადგენლები და სტუდენტები ესწრებოდნენ. სემინარზე განიხილეს - პოლიტპატიმრების თემა, პირადი ცხოვრება  და მედიის წინაშე არსებული გამოწვევები, ქართულ პოლიტიკურ ცხოვრებაში ვეტოს დაძლევის პირველი პრეცენდენტი,  კანონი ამნისტიის შესახებ და ადგილობრივი თვითმმართველობის რეფორმა.  სემინარს გაეროს ადამიანის უფლებათა უმაღლესი კომისრის ოფისის ეროვნული პროგრამის კორდინატორი საქართველოში ეკატერინე ქრისტესაშვილი, არასამთავრობო ორგანიზაცია ,,ადამიანის უფლებათა პრიორიტეტის" წარმომადგენელი ლია მუხაშავრია და მედია ექსპერტი ზვიად ქორიძე უძღვებოდნენ.

თბილისი. „საქართველოს ახალგაზრდა ხელოვანთა ასოციაცია (სახა)" საქართველოს სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის განვითარების ფონდის" მხარდაჭერით იწყებს კონკურსს _ „ეგო-არტი". კონკურსი ცხადდება პოეზიასა და პროზაში. მონაწილეობის მიღება შეუძლია ნებისმიერ ახალგაზრდას 15-დან 26 წლის ჩათვლით ყველა რეგიონიდან: თბილისი, ქართლი, კახეთი, იმერეთი, სამეგრელო, აფხაზეთი, რაჭა-ლეჩხუმი, სვანეთი, გურია, სამცხე-ჯავახეთი, მცხეთა-მთიანეთი, აჭარა. წყარო: სამინისტროს ვებგვერდი

ქვემო ქართლი. ,,სიდასა" და ,,ARC - გამოყენებითი კვლევების კომპანიის" მიერ მომზადდა თვითმმართველი ქალაქ რუსთავის მოსახლეობის პრობლემების კვლევა. კვლევის მიზანია, ქალაქ რუსთავში ადგილობრივი პრობლემების იდენტიფიცირება და ადგილობრივი ხელისუფლების მიმართ საზოგადოების დამოკიდებულებების კვლევა. სულ ქალაქის მასშტაბით გამოიკითხა 500 რესპონდენტი, კითხვები ეხებოდა შემდეგ საკითხებს: დასაქმება, ჯანდაცვა და სოციალური დაცვა, განათლება, კულტურა, ახალგაზრდობის სფეროს პრობლემატიკა, პოლიტიკური არასტაბილურობა, კომუნალური სფერო და კომუნიკაციები, გარემოს დაცვა, ინფრასტრუქტურა, ფუნდამენტური უფლებები, უსაფრთხოება, ტრანსპორტი. წყარო:cida.ge 

აჭარა. 10 მაისს, ბათუმის დემოკრატიული ჩართულობის ცენტრში, ახალგაზრდულმა ორგანიზაცია „არტ ვეიმ" საინიცატივო ჯგუფ „ახალგაზრდულ გზასთან"  ერთად, პროექტ „განათლების სივრცის" მონაწილე  ახალგაზრდებს სერთიფიკატები გადასცეს. პროექტის ფარგლებში სკოლის მოსწავლეებს შესაძებლობა მიეცათ ესწავლათ თუ როგორ იწერება სამეცნიერო ნაშრომი და  მონაწილეობა მიეღოთ სამეცნირო კონფერენციაში. 20 გამარჯვებული მოსწავლე მონაწილეობას მიიღებს ბათუმის სახელმწიფო უნივერსიტეტის სამეცნიერო ცენტრის მიერ ორგანიზებულ საუნივერსიტეტო კონფერენციაში.

13 მაისს, 11:00 საათზე  არასამთავრობო ორგანიზაცია "ყოფილი პოლიტპატიმრები ადამიანის უფლებებისათვის" წევრი გიორგი გაბედავა საგანგებო განცხადებას გააკეთებს. თემა: 17 მაისს დაგეგმილი ჰომოფობიასთან ბრძოლის აქციის ალტერნატიული აქცია, სახელწოდებით "ქართული დღე".  მისამართი: აწყურის 41, ახალი ამბების სააგენტო "Front News"-ის პრესკლუბი

11 მაისს, 13:00 საათზე ასოციაცია „თავისუფალ ჟურნალისტთა სახლი" გამართავს დისკუსიას თემაზე:  პოლიტპატიმრები პოლიტპატიმრების შესახებ. მისამართი: ბათუმი. მელაშვილის და საბაჟოს შესახვევი 1–2, ბათუმის პრესკაფე

11 მაისს, 12:00 საათზე  2013 წლის მოწვევის საქართველოს ახალგაზრდული პარლამენტის ორგანიზებით გაიმართება საჯარო დისკუსია აბორტის თემაზე. დისკუსიის ფარგლებში მოწვეულნი იქნებიან საკითხის ექსპერტები ასევე საკითხით დაინეტერსებული აქტორები.  მისამართი:თბილისი, ევროპის სახლი, თავისუფლების მოედანი 1

თბილისი. ინფორმაციის თავისუფლების განვითარების ინსტიტუტმა ენერგეტიკისა და წყალმომარაგების მარეგულირებელი ეროვნული კომისიის წინააღმდეგ ქუთაისის სამართლოს სარჩელით მიმართა. ინსტიტუტს უკანონოდ მიაჩნია  კომისიის უარი  ინფორმაციის მიწოდებაზე, რადგან IDFI-ს განცხადებით მოთხოვნილი ინფორმაცია კანონით ღიაა. „სამწუხარო ფაქტია, რომ საქართველოს ენერგეტიკისა და წყალმომარაგების მარეგულირებელი ეროვნული კომისია კვლავ აგრძელებს გაუმჭვირვალედ და არა ანგარიშვალდებულად საქმიანობას და არ ასრულებს საქართველოს კანონმდებლობით მასზე დაკისრებულ მოვალეობას უზრუნველყოს საჯარო ინფორმაციის ხელმისაწვდომობა", ნათქვამია ორგანიზაციის გვერდზე.  სრულად  წყარო: idfi.ge

იმერეთი. 9 მაისს სამეცნიერო-ინტელექტუალურმა კლუბმა „ თაობათა დიალოგმა" „RICDOG მოხალისეთა კლუბთან" სამუშაო შეხვედრა გამართა. შეხვედრაზე შეჯამდა მოხალისეთა კლუბის 3 თვიანი პროგრამა. ორივე მხარემ წინასწარ გაწერილი პროგრამისა და უშუალოდ მუშაობის პროცესის დადებით და უარყოფით მხარეები განიხილეს. შეხვედრაზე  ისაუბრეს პროექტის გაგრძელებასა და მომდევნო 3 თვიანი სწავლების ფორმაზე. წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდული პარლამენტის ორგანიზებით ოკუპაციის კანონში ცვლილებების შეტანის თაობაზე დისკუსია გაიმართა. 2013 წლის მოწვევის ახალგაზრდული პარლამენტის დეპუტატები ექსპერტ ირაკლი მარგველაშვილს შეხვდნენ, რომლისგანაც ოკუპაციის კანონის არსებული მდგომარეობის და ცვლილებების სამართლებრივი და პოლიტიკური ასპექტების შესახებ ინფორმაცია მიიღეს. საკითხის განხილვა დიალოგის რეჟიმში წარიმართა. მთავარ თემასთან ერთად ექპერტმა რუსეთ-საქართველოს ურთიერთობასა და საქართველოს ნატოში ინტეგრციაზე ისაუბრა. წყარო:ორგანიზაციის გვერდი სოციალურ ქსელში