თბილისი. საზოგადოებრივი ორგანიზაცია „ჰელფინგ ჰენდის" პროექტის ფარგლებში ქალთა ძალადობის წინააღმდეგ კიდევ ერთი ფლეშმობი გაიმართა. ორგანიზაციის მოხალისეებმა ილიას სახელმიწიფო უნივერსიტეტის წინ ქალთა მიმართ ძალადობის სხვდასხავა ფორმის დემონსტრირება მოახდინეს და ამგვარად გამოხატეს პროტესტი. პროექტის ერთ–ერთი მიზანი საზოგადოების ინფორმირებაა. აღნიშნული პროექტის დონორია „ქალთა ფონდი საქართველოში", პროექტის ფარგელბში სულ 16 ფლეშმობია დაგეგმილი. ყველა მათგანი ქალთა ძალადობის თემაზეა აგებული.

თბილისი. „სოციალურ მუშაკთა მსოფლიო დღე არის განსაკუთრებული დღე სოციალურ მუშაკთათვის, რათა აღიარებულ და დაფასებულ იქნას მათი წვლილი საზოგადოების კეთილდღეობის გაუმჯობესების საქმეში". – ნათქვამია არასამთვრობო ორგანიზაციის „საქართველოს სოციალურ მუშაკთა ასოციაციის" მიერ გავრცელებულ განცხადებაში. სწორედ სოციალურ მუშაკთა მსოფლიო დღესთან დაკავშირებით არასამთავრობო ორგანიზაციამ ღონისძიება ახალგაზრდობის სასახლეში გაიმართა და მას ასოციაციის წევრები, პრაქტიკოსი სოციალური მუშაკები, სოციალური მუშაობის სტუდენტები, სამოქალაქო სექტორისა და დიპლომატიური კორპუსის წარმომადგენლები ესწრებოდნენ. აუდიტორიას მიმართეს მოწვეულმა სტუმრება, მათ შორის სიტყვით გამოვიდა ქალბატონი ჰოლი ჰოლცერ ბასი, საქართველოში ამერიკის შეერთებული შტატების ელჩის მეუღლე. ქალბატონმა ჰოლცერ ბასმა ისაუბრა სოციალური მუშაობის პროფესიის სხვადასხვა ასპექტებზე. „სოციალური მუშაობა არის ძნელი, იმიტომ რომ თქვენ მუშაობთ ადამიანებთან, რომლებიც გთხოვენ, რამე შეცვალოთ მის ცხოვრებაში. ეს ძალიან რთულია" – აღნიშნა ელჩის მეუღლემ. ჰოლი ჰოლცერ ბასი თავად არის სოციალური მუშაკი და ასევე დიპლომატი, შეხვედრაზე მან რამდენიმე პირადი შემთხვვევაც გაიხსენა მისი სოციალური მუშაობის პრაქტიკიდან. აუდიტორიას ასევე სიტყვით მიმართა „სოციალურ მუშაკთა ასოციაციის" თავმჯდომარემ, სალომე ნამიჭეიშვილმა, რომელმაც ხაზი გაუსვა ადამიანის უფლებების დაცვის სფეროში სოციალური მუშაკის ჩართულობის აუცილებლობას. ამავე ღონისძიებაზე მოეწყო პრეზენტაცია ასოციაციის ინიციატივის „მოხალისე სოციალური მუშაკები ჩვენი საზოგადოების წევრების მხარდასაჭერად", რომლის მიზანია მოხალისეობრივ საქმიანობაში სოციალური მუშაკების გააქტიურება. შეხვედრა კითხვა–პასუხის რეჟიმში მიმდინარეობდა, გაიმართა დაჯილდოვება ასოციაციის საპატიო წევრებისა და სოციალურ მუშაობაში საუკეთესო სტუდენტური ინიციატივისთვის. „საქართველოს სოციალურ მუშაკთა ასოციაცია" 20 დან 26 მარტის ჩათვლით მართავს სოციალური მუშაობის კვირეულს, რომლის ფარგლებშიც დაგეგმილია სხვადასხვა ღონისძიება.

თბილისი. ევროკავშირის მიერ დაფინანსებული პროექტის „თვითმმართველობის განვითარების ხელშეწყობა საქართველოში" ფინალური ღონისძიება გაიმართა ევროპის სახლში, 15 მარტს. პროექტს სამი წლის განმავლობაში რეგიონულ პარტნიორებთან ერთად სამოქალაქო საზოგადოების ინსტიტუტი ახორციელებდა. შეხვედრას ესწრებოდნენ ევროკავშირის წარმომადგენლობის ხელმძღვანელი, ელჩი ფილიპ დიმიტროვი; ატაშე ოლივერ რაისნერი; რეგიონული განვითარებისა და ინსფრასტრუქტურის მინისტრის მოადგილე, მამუკა ვაწაძე; რეგიონული პარტნიორები, თვითმმართველობების წარმომადგენლები და ა.შ. შეხვედრაზე სტუმრებმა თვითმართველობის არსზე და მმართველობის სხვა ფორმებთან შედარებით მის უპირატესობაზე ისაუბრეს. რეგიონული განვითარებისა და ინსფრასტრუქტურის მინისტრის მოადგილემ თავის მხრივ ხაზი გაუსვა რეგიონული განვითარების მნიშვნელობას ზოგადად ქვეყნის განვითარების საქმეში, ელჩმა კი აღნიშნა, რომ  ადგილობრივი თვითმართველობა უნდა ეფუძნებოდეს ადგილობრივი მოსახლეობის ინტერესებს. თვითმმართველობის განვითარების ხელშეწყობის პროექტის მთავარი კომპონენტები იყო: თვითმმართველობის, საზოგადოებისა და არასამთავრობო სექტორის თანამშრომლობისთვის ინსტიტუციური მექანიზების შექმნა, თვითმმართველობების დიალოგი მოსახლეობასთან და  საზოგადეობის გააქტიურება. პროექტი საქართველოს 4 რეგიონში, კახეთში, შიდა ქართლში, გურიასა და აჭარაში ხორციელდებოდა. პროექტის ფარგლებშიც შეირჩა სოფლის 151 დილერი, რომლებიც სოფლის/თემის ინტერესების დამცველნი და წარმომამდგენლები არიან ადგილობრივი თვითომმართველობის ორგანოებში. მათ ჩაუტარდათ ტრენინგები ლიდერის უნარ–ჩვევების გასავითრებლად. ასევე თვითმმართველობების ათასამდე თანამშრომელს ჩაუტარდა ტრენინგი სხვადასხვა საკითხებზე; მოსახლეობასა და თვითმმართველობას შორის გაიმართა 100–ზე მეტი საჯარო შეხვედრა; მომზადდა გადაცემების ციკლი თვითმმართველობის საკითხებზე რეგიონალურ ტელევიზიებსა და რადიოში, გამოიცა წიგნები თვითმმართველობის თანამშრომლებისთვის და შეიქმნა ადგილობრივი საზოგადოებრივი დარბაზები, რომელთა შემადგენლობაშიც შედიან მოქალაქეები, სამოქალაქო სექტორის  ან/და ბიზნესის წარმომადგენლები. სამწლიანი პროექტის მთავარი მიზანი იყო თვითმმართველობის განვითარების ხელშეწყობა მის სამქიანობაში მოქალაქეთა ჩართულობის გზით. პროექტზე მომუშავე ადამიანები თვლიან, რომ სამი წლის შემდეგ პროექტის მთავარი შედეგი არის ის, რომ „ჩვენ გვყავს უფრო აქტიური, უფრო ინფორმირებული მოქალაქე, რომელიც თუნდაც პროექტის დაწყებამდე გვყავდა (...)რაც ყველაზე მთავარია, მოქალაქეებმა გაიზარეს, რომ თვითმმართველობა – ეს თვითონ არიან, რომ თვითმართველობა – ეს ჩვენ ვართ" – ამბობს პროექტის მენეჯერი, გურანდა რომანაძე პროექტის ვიდეო ანგარიშში. შეხვედრაზე ასევე აჩვენეს პროექტის სამწლიანი საქმიანობისა და შედეგების ამსახველი ფილმი (ვიდეო ანგარიში) „თვითმმართველობა – ეს შენ ხარ".

8 მარტს, 16:00სთ ქალთა ფონდი საქართველოში აწყობს გამოფენას, სადაც წარმოდგენილი იქნება ქართველი ხელოვანი ქალების ნამუშევრები. მისამართი: ევროპის სახლი, თავისუფლების მოედანი #1

თბილსი. კაპიტალიზმსა და სოციალიზმს განიხილავდნენ აესკოს (ახალი ეკონომიკური სკოლა –საქართველო) მიერ ორგანიზებულ საჯარო ლექციაზე. ლექციას სტუდენტები და სხვა დაინტერესებული პირები ესწრებოდნენ. შეხვედრას ინტერაქციული ხასიათი ჰქონდა და მას ორგანიზაციის პრეზიდენტი, პაატა შეშელიძე უძღვებოდა. კაპიტალიზმსა და სოციალიზმს განიხილავდნენ გუშინ აესკოს (ახალი ეკონომიკური სკოლა –საქართველო) მიერ ორგანიზებულ საჯარო ლექციაზე. ლექციას სტუდენტები და სხვა დაინტერესებული პირები ესწრებოდნენ. შეხვედრას ინტერაქციული ხასიათი ჰქონდა და მას ორგანიზაციის პრეზიდენტი, პაატა შეშელიძე უძღვებოდა. „კაპიტალიზმი სოციალიზმის წინააღმდეგ" საჯარო ლექციების ციკლის პირველი ლექციაა, რომელსაც არასამთავრობო ორგანიზაცია „ახალი ეკონომიკური სკოლა – საქართველო" ატარებს. მომდევნო ლექცია 7 მარტს გაიმართება თემაზე: „კერძო ხარჯების გაღების ლოგიკა სამთავრობო ხარჯების გაღების ლოგიკის წინააღმდეგ". ლექციას გია ჯანდიერი წარუძღვება. ორგანიზატორების თქმით საჯარო ლექციების მიზანი „ეკონომიკის, ეკონომიკური პოლიტიკის და ეკონომიკური თავისუფლების მნიშვნელობის უკეთესად გააზრებაა". საჯარო ლექციების ციკლი ილიას უნივერსიტეტის მხარდაჭერითა და საქართველოს ახალგაზრდა იურისტთა და ეკონომისტთა ასოციაციასთან თანამშრომლობით ხორციელდება.

9 მარტს, 18.00 სთ  არასამთავრობო ორგანიზაცია „იდენტობა" გამართავს ფილმის „ლოცვა ბობისთვის" ჩვენებას, რომლის შემდგომ გაიმართება დისკუსია. მისამართი: თბილისი, ბახტრიონის ქ. #11, მესამე სართული

თბილისი. „საქართველო და მისი მომავალი ევროპაში"  იყო საჯარო დისკუსიის მთავარი თემა, რომელიც ჰაინრიჰ ბიოლის ფონდში გაიმართა. შეხვედრაზე საქართველოს ევროკავშირთან ინტეგრაციის სხვადასხვა ასპექტებზე იმსჯელეს. დისკუსია ევროკომისიის ყოფილმა ვიცე–პრეზიდენტმა და  კარლ ფრიდრიჰ გიორდელერის სახელობის ეფექტური მმართველობის კოლეჯის დირექტორმა გიუნტერ ვერჰოიგენმა გახსნა, რომელმაც ევროპის ერთიანობის ძირითად იდეასა და საქართველოს ევროკავშირში ჩართულობის პერსპექტივაზე ისაუბრა. მან აღნიშნა, რომ ევროკავშირის წევრობა არ უნდა წარმოადგენდეს პრივილეგიას, არამედ უფლებას ყველა იმ სუბიექტისთვის, რომელიც თავს ევროპის ნაწილად მიიჩნევს. „ევროპის ერთიანობის ძირითადი იდეა არ მდგომარეობს იმაში, რომ იგი ერთიანდება საქართველოს, თუნდაც რუსეთის გამოკლებით, ევროპის ერთანობის ძირითადი იდეა არის ის, რომ ნებისმიერ სახელმწიფოს აქვს უფლება, ჩაერთოს ამ პარტნიორობაში. ეს იდეა გამყარებულია სხვადასხვა ხელშეკრულებებითაც. მაგალითად, თავისუფალი ვაჭრობის შეახებ ხელშეკრულება და ა.შ." ბატონმა ვერჰოიგენმა ასევე აღნიშნა, რომ მიუხედავად ევროპის ნაკლები მზაობისა, მიიღოს საქართველო მათ რიგებში, საქართველომ აუცილებლად ბოლომდე უნდა გაიროს ის გზა, რომელსაც იგი ევროპისკენ დაადგა. თავს მხრივ, საქართველოს მთავრობის ოფიაცილური საგარეო კურსი კიდევ ერთხელ დადასტურა საქართველოს საგარეო საქმეთა მინისტრის მოადგილემ, თორნიკე გორდაძემ. მან  ისაუბრა საქართველოს ევროპაში ინტეგრაციის პროცესის მიღწევებსა და პერსპექტივებზე: „ჩვენ იმედი გვაქვს,  რომ ამ წლის ბოლომდე ასოცირებაზე შეთანხმების უდიდესი ნაწილი საბოლოოდ გაირკვევა, (75–80 პროცენტი უკვე შეთანხმებულია, ამ წლის  ბოლოს ალბათ 90 პროცენტს გადავაჭარბებთ). რაც შეეხება ღრმა და ყოვლისმომცველი თავისუფალი სავაჭრო ზონის შესახებ შეთანხმებას, ისიც ალბათ საკმაოდ სწრაფად წარიმართება იმის გათვალისწინებით, რომ ჩვენ ორწელიწადნახევარი ვემზადებოდით ამ მოლაპარაკებების დაწყებამდე. თვითონ ევროკავშირის თქმით, ეს მოლაპარაკებები არ უნდა გაგრძელდეს ძალიან დიდ ხანს, ალბათ მაქსიმუმი ორი წელი. ეს, რა თქმა უნდა, არ ნიშნვას იმას, რომ შორეულ ან საშუალო ვადიან პერსპექტივაში წევრობის საკითხი არის გადაწყვეტილი.." თუმცა, აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის თავმჯდომარე, ქეთევან ციხელაშვილი ფიქრობს, რომ ევროკავშირის წევრობა ის შემთხვევაა, როდესაც პროცესი უფრო მნიშვნელოვანია, ვიდრე შედეგი. ქეთევან ციხელაშვილი შეხვედრაზე სამოქალაქო საზოგადოების როლზე საუბრობდა ევროპასთან ინტეგრაციის კონტექსტში. მისი თქმით, საზოგადოების დიდი ნაწილი ევროპასთან დაახლოებას პოზიტიურად უყურებს და ეს იდეა ფართოდ მხარდაჭერილია. თუმცა იქვე აღნიშნა, რომ  პლატფორმა ეხმიანება არა მარტო საზოგადოებრივ აზრს, არამედ საზოგადოების ინტერესსაც. „აღმოჩნდა, რომ გამოკითხულთა ნაწილმა ბევრი რამ არ იცის ევროპის კავშირთან ინტეგრაციის პროცესზე. მოთხოვნა და დაკვეთა, რომ მათ მიიღონ მეტი ინფორმაცია და გაზარდონ მათი ჩართულობა, ნამდვილად არსებობს". ქეთევან ციხელაშვილმა ისაუბრა გარკვეულ გამოწვევებზეც, რაც ევროკავშირთან გამარტივებული სავიზო რეჟიმის პარალელურად არსებობს. მაგალითად ის, რომ რამდენიმე ქვეყნის საკონსულო არ არის საქართველოში და შესაბამისად გართულებულია ვიზის მიღების პროცედურა, ინფრასტრუქტურული პრობლემები საკონსულოებში, ასევე ვიზაზე უარის თქმის მაღალი მაჩვენებელი. ეროვნული პლატფორმის ხელმძღვანელის თქმით, 2009 წლის მონაცემებით ვიზაზე უარი უთხრეს აპლიკანტთა 17,2 %–ს, 2010 წელს კი – 14,6%–ს : „საქართველო ამ მაჩვენებლით ლიდერია აღმოსავლეთ პარტნიორობის რეგიონსა და პლუს რუსეთში. ეს მაგალითი იმიტომ მოვიყვანე, რომ სამოქალაქო საზოგადოებას შეუძლია ასეთი ტიპის საკითხებითა და კვლევებით დაკავდეს და მერე რეკომენდაციები და წინადადებები გაუზიაროს გადაწყვეტილების მიმღებ მხარეებს". შეხვედრაზე ასევე ისაუბრეს ევროპის გეოგრაფიულ საზღვრებზეც, საგარეოს საქმეთა სამინისტროს წარმომადგენელი აღნიშნავდა, რომ ის საკითხი, არის თუ არა კავკასია ევროპის ნაწილი, არის პოლიტიკის, კულტურის და იდენტურობის გადასაწყვეტი. გეოგრაფიული საზღვრები კი ადამიანების დადგენილია და კონვენციებზე დაყრდნობილი. „ბოსფორი არ ყოფს, ბოსფორი აერთიანებს" – უპასუხა ბატონმა ვერჰოიგენმა დარბაზიდან წამოსულ რეპლიკას გეოგრაფიულ საზღვრებთან დაკავშირებით.

თბილისი. გალერეა „უნივერსში" არასამთავრობო ორგანიზაცია „საქართველოს ქალთა საბჭომ" ეროვნული უმცირესობების ნამუშევრების გამოფენა მოაწყო. გამოფენაში თბილისში მცხოვრები 12 ეთნოსის წარმომადგენელი იღებდა მონაწილეობას. ღონისძიებაზე მათ სახვითი და გამოყენებითი ხელოვნების ნიმუშები წარმოადგინეს. გალერეა „უნივერსში" არასამთავრობო ორგანიზაცია „საქართველოს ქალთა საბჭომ" ეროვნული უმცირესობების ნამუშევრების გამოფენა მოაწყო. გამოფენაში თბილისში მცხოვრები 12 ეთნოსის წარმომადგენელი იღებდა მონაწილეობას. ღონისძიებაზე მათ სახვითი და გამოყენებითი ხელოვნების ნიმუშები წარმოადგინეს. „თბილისის მრავალეროვან მოსახლეობასთან ურთიერთობა ჩვენ ფაქტობრივად ტრადიციად გვაქვს ქცეული. წლევანდელი ჩვენი შეხვედრაც ამ ტრადიციის ერთ–ერთი გამოვლინებაა. მიზანი, რასაკვრიველია, ერთია – კიდევ ერთხელ გავახსენოთ ერთმანეთს, რომ ჩვენ ვართ ერთი ქალაქის მკვიდრნი, რომ ჩვენ ყველას ერთნაირად გვიყვარს ჩვენი ქალაქი, თუნდაც ერთმანეთი და ამ ურთიერთობებს მოფრთხილება სჭირდება" – ამბობს არასამთვრობო ორგანიზაცია „საქართველო ქალთა საბჭოს" კულტურის დარგის კურატორი და ქალაქ თბილისის მთავარი ბიბლიოთეკის ლიტერატურული სალონის ხელმძღვანელი, ცისანა ქოჩეჩაშვილი. გამოფენა 5 მარტს დაიხურება, 7 მარტს კი საქართველოს ქალთა საბჭოს ორგანიზებით ფოლკლორული საღამო გაიმართება, რომელშიც ეთნიკური უმცირესობის წარმომადგენლები მიიღებენ მონაწილეობას. კონცერტი 3 საათზე საქართველოს ტექნიკური უნივერსიტეტის მეორე კორპუსში ჩატარდება. ღონისძიება „მრავალეროვანი თბილისი" ქალაქ თბილისის მერიის მხარდაჭერით ხორციელდება.

5 მარტს 18.30 სთ ახალი ეკონომიკური სკოლა გამართავს საჯარო ლექციას – კაპიტალიზმი სოციალიზმის წინააღმდეგ. მისამართი: ილია ჭავჭავაძის გამზ #32, ილიას უნივერსიტეტის „ა" კორპუსი, #101 აუდიტორია

1 მარტს, 17.00 სთ ჰაინრიჰ ბიოლის ფონდში გაიმართება დისკუსია თემაზე – „საქართველო და მისი მომავალი მისამართი: თბილისი, ზოვრეთის ქ.#38, ჰაინრიჰ ბიოლის ფონდი