31 მაისს, 15:00 საათზე ქუთაისის დემოკრატიული ჩართულობის ცენტრში გაიმართება დისკუსია თემაზე: "ქუთაისი – მწვანე ქალაქი". მისამართი: ქუთაისი, პუშკინის ქუჩა  #6

30 მაისს, 18:00 საათზე ჰაინრიჰ ბიოლის ფონდის სამხრეთ კავკასიის რეგიონალურ ბიუროში გაიმართება საჯარო დისკუსია თემაზე - „იდეის დისკრედიტაცია: რას ნიშნავს ლიბერალიზმი საქართველოში?" მისამართი: ზოვრეთის ქუჩა 38

29 მაისს, 17:30 საათზე, ბათუმის დემოკრატიული ჩართულობის ცენტრში გაიმართება საჯარო დისკუსია თემაზე –  „ახალგაზრდები და პოლიტიკა". მისამართი: ბათუმი, ფარნავაზ მეფის ქ. N62–64

აჭარა. 25 მაისს, ბათუმის დემოკრატიული ჩართულობის ცენტრში, „სამოქალაქო საზოგადოების ინსტიტუტისა" და აჭარის ტურიზმისა და კურორტების დეპარტამენტის ორგანიზებით გაიმართა შეხვედრა თემაზე: „ახალი ტურისტული სეზონი და ტურიზმის დეპარტამენტის ახალი ტურისტული პროექტები".  ტურიზმის დეპარტამენტის წარმომადგენლებმა შეხვედრა მიმდინარე წლსი დაგეგმილი პროექტების პრეზენტაციით დაიწყეს.  ისაუბრეს აგრეთვე თავიანთი მარკეტინგული და სარეკლამო საქმიანობის შესახებ და სამოქალაქო სექტორის, ტურისტული სააგენტოების, სასტუმროებისა და ტურიზმის ფაკულტეტის სტუდენტებს ბათუმის ტურისტული სააგენტოს ახალი პროექტები და პროდუქტები გააცნეს. პრეზენტაციის შემდეგ გაიმართა დისკუსია სხვადასხვა პრობლემატურ საკითხებზე და სამომავლო გეგმებზე.

29 მაისს, 11:00 საათზე, ბათუმის დემოკრატიული ჩართულობის ცენტრში  ეროვნულ-დემოკრატიული ინსტიტუტის (NDI) ორგანიზებით გაიმართება პირველი საჯარო განხილვა საკონსტიტუციო ცვლილების პროექტის, რომლის მიზანია საქართველოს კონსტიტუციაში აისახოს დებულება ქალაქ ლაზიკას სტატუსთან დაკავშირებით. მისამართი: ბათუმი, ფარნავაზ მეფის ქ. 62-64.

კახეთი. დღეს, თელავში, დემოკრატიული ჩართულობის ცენტრში საზოგადოებრივი ორგანიზაციების მიერ ბავშვზე ზრუნვის ალტერნატიული მომსახურებების საჭიროებათა კვლევის პრეზენტაცია გაიმართა. საერთაშორისო ორგანიზაციამ „ევრიჩაილდმაЭ და მისმა პარტნიორმა ორგანიზაციებმა მინდობით აღზრდის, მცირე საოჯახო ტიპის სახლებისა და დღის ცენტრების საჭიროებათა კვლევის შედეგები წარადგინეს. საჭიროებათა კვლევა „ბავშვთა უფლებების დაცვის საკითხებში ჩართულობის ხელშეწყობის" პროექტის ფარგლებში ჩატარდა, რომელსაც ევროკავშირი აფინანსებს და „ევრიჩაილდი" ახორციელებს. ეს პირველი შეფასებაა, რომელმაც დეინსტიტუციონალიზაციის რეფორმის ფარგლებში მოქმედი ბავშვზე ზრუნვის სამივე სახის ალტერნატიული მომსახურება მოიცვა. კვლევის შედეგების საფუძველზე პროექტის 11-მა პარტნიორმა ორგანიზაციამ ერთობლივად შეიმუშავა რიგი რეკომენდაციები, რომლებიც სისტემურ-სტრუქტურულ, ადმინისტრაციულ, ჯანდაცვის, განათლების, დაფინანსებისა და შესაძლებლობების განვითარების სფეროებს ეხება. შეხვედრას ადგილობრივი მუნიციპალიტეტების, ხელისუფლების, შესაბამისი სამთავრობო უწყებების, ბავშვთა კეთილდღეობის სფეროში მომუშავე არასამთავრობო, სათემო ორგანიზაციებისა და მასმედიის წარმომადგენლები დაესწრებიან.

ბათუმი. 25 მაისს, ბათუმის დემოკრატიული ჩართულობის ცენტრში, „სამართლიანი არჩევნებისა და დემოკრატიის საერთაშორისო საზოგადოებამ" (ISFED), ,,საქართველოს ახალგაზრდა იურისტთა ასოციაციასა" და ,,საერთაშორისო გამჭვირვალობა - საქართველოსთან" პარტნიორობით,  გამართა  მრგვალი მაგიდა პარლამენტში შეტანილ ახალ საკანონმდებლო ინიციატივებზე. მომხსენებლებმა საარჩევნო ადმინისტრაციის, პოლიტიკური პარტიების, საზოგადოებრივი  ორგანიზაციებისა და მედიის წარმომადგენლებს ის საარჩევნო საკანონმდებლო წინადადებები წარუდგინეს, რომლითაც პარლამენტს მიმართეს. აღნიშნული წინადადებები კამპანიის –  „ეს შენ გეხება"–  ფარგლებში მოამზადეს საზოგადოებრივმა ორგანიზაციებმა.

28 მაისს, 17:00 საათზე ჰაინრიჰ ბიოლის ფონდი,  ბათუმში, პრეს–კაფეში აწყობს საჯარო დისკუსიას თემაზე: „ქალი საქართველოში: კულტურული ნორმები და სოციალური პასუხისმგებლობა". მისამართი:  ბათუმი, მელაშვილისა და საბაჟოს ქუჩების კვეთა 2–1, პრეს-კაფე

28 მაისს, 12.00 საათზე, საზოგადოებრივი ორგანიზაციები, თელავის დემოკრატიული ჩართულობის ცენტრში, ბავშვზე ზრუნვის ალტერნატიული მომსახურებების საჭიროებათა კვლევის პრეზენტაციას გამართავენ. მისამართი: თელავი, ვაჟა-ფშაველას ქ. #3, დემოკრატიული ჩართულობის ცენტრი

სამცხე–ჯავახეთი. ბაკურიანში 23 მაისს დაიწყო და 28 მაისამდე ახალგაზრდები დებატების ხელოვნებას გაეცნობიან. დებატების ბანაკში, ისინი შეიძენენ დებატებში მონაწილეობისა და მისი გამართვის უნარ–ჩვევებს. აღნიშნული ღონისძიება საზოგადოებრივი ორგანიზაციის ტრენინგებისა და კონსულტაციების ცენტრის მიერ არის ორგანიზებული.

საზოგადოებრივი ორგანიზაცია „ახალგაზრდული ცენტრის" ორგანიზებით, ახალციხის დემოკრატიული ჩართულობის ცენტრში  გაიმართება კონფერენცია – „სამცხე–ჯავახეთი და 1918–21 წლები".

სამცხე–ჯავახეთი. ასპინძის რაიონის სოფელ რუსთავის საჯარო სკოლის მოსწავლეების ინიციატივას, რომ დაესუფთავებინათ და გაემწვანებინათ სკოლის მიმდებარე ტერიტორია, მხარი ადგილობრივმა თვითმმართველობამ და ახალციხის ახალგაზრდულმა ცენტრმა აუბეს. აქცია 18 მაისს გაიმართა. ახალგაზრდებმა დაასუფთავეს სკოლის მიმდებარე ტერიტორია, ასევე შეიმუშავეს სოფლიდან ნარჩენების გატანის გრაფიკი. დაიდგა ნაგვის ბუნკერები და ნარჩენების გასატანად გამოიყო მანქანა. მსგავსი პროექტი ადიგენის რაიონის სოფელ ლელოვანშიც ხორციელდება. სადაც სკოლის მოსწავლეების, ახალციხის ახალგაზრდული ცენტრისა და ადგილობრივი თვითმართველობის თანანამშრომლობით, შემოიღობა სკოლის ეზო.

თბილისი. დღეს, ფონდ „ღია საზოგადოება– საქართველოს" ოფისში იურიდიული დახმარების მონაცემთა ბაზის პრეზენტაცია გაიმართა. პრეზენტაციას სხვადასხვა საზოგადოებრივი ორგანიზაციების წარმომადგენლები ესწრებოდნენ. იურიდიული დახმარების მონაცემთა ბაზა  ქსელური პროგრამაა, რომელიც იურიდიული დახმარების საკითხებში მომუშავე ორგანიზაციებს დაეხმარება მონაცემების დამუშავებასა და ორგანიზებაში. ბაზა მანამდე იურიდიული დახმარების სამსახურისთვის მუშაობდა, ახლა კი სხვადასხვა  ორგანიზაციებსაც შეეძლებათ მისი დანერგვა, სურვილის შემთხვევაში. ბაზაში უკვე არსებულ მოდულებს დაემატა სამოქალაქო, ადმინისტრიციული სამართლის მოდულები.  იურიდიული მონაცემთა ბაზის სისტემის დასრულება და ტექნიკურად გამართვა ფონდი „ღია საზოგადოება საქართველოს" ინიციატივთ განხორციელდა. აღმოსავლეთ–დასავლეთის მართვის ინსტიტუტი კი ყველა იმ ორგანიზაციას დაეხმარება, რომელიც სისტემის დანერგვას გადაწყვეტს, დახმარება გულისხმობს სპეციალურ ტრენინგებს.

შიდა ქართლი. 25 მაისს, გორის დემოკრატიული ჩათულობის ცენტრში გაიმართა სახალხო დამცველის აპარატის შეხვედრა თემაზე - იძულებით გადაადგილებულ პირთა (დევნილთა) უფლებრივი მდგომარეობა საქართველოში. შეხვედრას ესწრებოდნენ ადგილობრივი საზოგადოებრივი ორგანიზაციების, ევროკავშირის სადამკვირვებლო მისიის და დევნილთა წარმომადგენლები. შეხვედრისას გაიმართა ნახევარსაათიანი პრეზენტაცია სახალხო დამცველის ანგარიშში ასახული ფაქტების მიხედვით დევნილთა პრობლემებზე. კერძოდ, კოტეჯებში არსებულ მდგომარეობაზე, პრივატიზაციის მიმდინარეობასა და სხვა სოციალური თუ ჰუმანიტარული სახის პრობლემების შესახებ. ამის შემდეგ გაიმართა დისკუსია, რომელშიც მონაწილეობდნენ დამსწრე ორგანიზაციები. მათ შეხვედრის მონაწილეებს მიაწოდეს უახლესი ინფორმაციები რეგიონში განსახლებული დევნილების პრობლემების შესახებ: გათბობა, ელექტრო და ბუნებრივი აირით მომარაგება და ა.შ. ასევე გამოიკვეთა მოსახლეობის იმ ნაწილის პრობლემები, რომელთა სოფლები საქართველოს იურისდიქციის ქვეშ მდებარეობს, მაგრამ გამყოფი ზოლი გადის ზედ სოფელზე და მათი სახლები აღმოჩნდა მის მიღმა, ან უშუალო სიახლოვეში და შეუძლებელია იქ დაბრუნება. მოსახლეობის ეს ნაწილი ჯერ ისევ ცხოვრობს სახელმწიფოს მიერ მათთვის დროებით გამოყოფილ შენობებში. მათ არ აქვთ დევნილის სტატუსი. შეხვედრის დასრულებისას მონაწილეებს გადაეცათ სახალხო დამცველის 2011 წლის ანგარიში წიგნის  სახით.

სამცჯხე–ჯავახეთი. 22 მაისს, ახალციხის დემოკრატიული ჩართულობის ცენტრში გაიმართა დისკუსია ბიომრავალფეროვნების თემაზე. დისკუსიაში მონაწილეობა მიიღეს ახალციხის საჯარო სკოლის მოსწავლეებმა, ეკო–კლუბის წევრებმა, აგრეთვე სამცხე–ჯავახეთის რეგიონული გარემოსდაცვითი კავშირის „ეკოდახის" წარმომადგენლებმა. შეხვედრაზე გადაწყდა, რომ ანალოგიური შეხვედრები ყოველთიურ ხასიათს მიიღებს, რათა ახალგაზრდებმა ბიომრავალფეროვნების შესახებ ცოდნა გაიღრმაონ და ცნობიერება აიმაღლონ. ასევე დაიგეგმა სხვადასხვა აქტივობები, სკოლის მოსწავლეები გეგმავენ ეკოლოგიური გაზეთის გამოშვებას, ლაშქრობების მოწყობას ბორჯომ–ხარაგაულის ეროვნულ პარკში და ა.შ.

29 მაისიდან 4 ივნისის ჩათვლით გაიმართება „ევროპის კვირეული – 2012". კვირეულის ფარგლებში დაგეგმილია დისკუსიები, ლექციები, გამოფენები და წიგნის პრეზენტაცია. ევროპის კვირეული ყოველწლიური ღონისძიებაა, მისი მიზანია გააღრმავოს კავშირები საქართველოსა და ევროპას შორის კულტურის, განათლებისა და სამოქალაქო დიალოგის გზით. წლევანდელი კვირეულის დისკუსიებისა და ლექციების გამაერთიანებელი თემაა სოციალური ტრანსფორმაცია ევროპაში. დეტალური ინფორმაცია: www.europeanweek.ge ან www.tbilisiphotofestival.com

1–2 ივნისს, 17:00 საათზე, სათემო განვითარების ცენტრი მართავს  ბავშვთა საერთაშორისო დღისადმი მიძღვნილ გამოფენა–გაყიდვას. მისამართი:  გალაკტიონ ტაბიძის ქუჩა 20, „კავკასიური სახლის” ეზო.

27 მაისს, 18:00 საათზე, საქართველოს ფსიქიკური ჯანმრთელობის კოალიცია, თიბისი გალერეაში, მართავს  გამოფენას – „ჩვენ ერთად ვართ". მისამართი: მარჯანიშვილის ქუჩა 7, თიბისი გალერეა.

გურია. ლანჩხუთის საინფორმაციო ცენტრმა შუხუთის თემის მონიტორინგის ჯგუფის მიერ ჩატარებული კვლევა გაანალიზა. აღნიშნული კვლევა ლანჩხუთის საინფორმაციო ცენტრმა 2012 წლის აპრილში ჩაატარა. კვლევის მიზანი იყო სოფლების შუხუთისა და ზემო შუხუთის მოსახლეობის კმაყოფილების ხარისხის განსაზღვრა ლანჩხუთის მუნიციპლიტეტის მიერ 2011 წელს ამ სოფლებში გაწეული ინფრასტრუქტურული, სოციალურ-კულტურული, ახალგაზრდული და სოფლის მხარდაჭერის პროგრამებით გაწეული საქმიანობისა და სერვისების გარშემო, ე.წ. მოსახლეობის ანგარიშგების ბარათი. კვლევის პროცესში მოპოვებულ იქნა ინფორმაცია ორივე სოფლის მოსახლეობის მხრიდან რაოდენობრივი კვლევის მეთოდით. კვლევა განხორციელდა პროექტ "საზოგადოებრივიმონიტორინგიცვლილებებისთვის" ფარგლებში, რომელიც დაფინანსევულია ევრაზიის თანამშრომლობის ფონდის მიერ.

25 მაისს, 16:00 საათზე, ბათუმის დემოკრატიული ჩართულობის ცენტრში, „სამოქალაქო საზოგადოების ინსტიტუტის" ბათუმის ფილიალის და აჭარის არ ტურიზმისა და კურორტების დეპარტამენტის ორგანიზებით გაიმართება შეხვედრა თემაზე: „ახალი ტურისტული სეზონი და ტურიზმის დეპარტამენტის ახალი პროექტები". მისამართი: ფარნავაზ მეფის ქუჩა 62–64

თბილისი. „სამართლიანი არჩევნებისა და დემოკრატიის საერთაშორისო საზოგადოება" (ISFED) თბილისის სახელმწიფო უნივერსიტეტში, 18 მაისს ჩატარებული სტუდენტური თვითმმართველობის არჩევნებს აკვირდებოდა. „არჩევნები მშვიდ ვითარებაში წარიმართა. დაცული იქნა ხმის მიცემის ფარულობის პრინციპი. თუმცა, დამკვირვებელთა ინფორმაციის საფუძველზე დაფიქსირდა სხვადასხვა  დარღვევა, რაც,  უმრავლეს შემთხვევაში, განპირობებული იყო ქვედა დონის საარჩევნო ადმინისტრაციების არასათანადო კვალიფიკაციით" –  ნათქვამია ორგანიზაციის მიერ გამოქვეყნებულ განცხადებაში. განცხადება სრულად წყარო – www.isfed.ge

26 მაისს, 18:00 საათზე, „ტფილისის ჰამქარი" გამართავს ორგანიზაციაში ახალი წევრების მიღების ყოველწლიურ ცერემონიალს.  მისამართი: გუდიაშვილის მოედანი.