თბილისი. ადამიანის უფლებების სწავლებისა და მონიტორინგის ცენტრმა (EMC) საქართველოს მთავრობას წარუდგინა წერილობითი მოსაზრებები სამოქმედო გეგმის განახლებულ ვერსიასთან დაკავშირებით. „EMC-ის შეფასებები მოიცავს სამოქმედო გეგმით გათვალისწინებულ შემდეგ საკითხებს: პროკურატურა, შინაგან საქმეთა სამინისტრო, რელიგიის თავისუფლება, საცხოვრისის უფლება, შრომითი უფლებები, ეკომიგრანტთა და შეზღუდული შესაძლებლობის მქონე პირთა უფლებები”, ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. არასამთავრობო ორგანიზაციები მედიაში გავრცელებულ ინფორმაციას ეხმაურებიან გიორგი მდინარაძის საქმესთან დაკავშირებით. „პირველ რიგში, გამოვხატავთ უკიდურეს შეშფოთებას ადვოკატის საქმიანობისთვის ხელის შეშლის და ფიზიკური ზეწოლის სავარაუდო შემთხვევასთან დაკავშირებით, რომელშიც დაზარალებულის განმარტებით, სამართალდამცავი ორგანოების წარმომადგენლები მონაწილეობდნენ. მსგავსი შემთხვევები კიდევ უფრო აძლიერებს საზოგადოების უნდობლობას პოლიციის მიმართ, ძირს უთხრის ყველა რეფორმის მნიშვნელობას ამ სფეროში და არსებითად აზიანებს ადვოკატთა პროფესიულ საქმიანობას", ნათქვამია განცხადებაში. არასამთავრობო ორგანიზაციები მთავარ პროკურატურას და შინაგან საქმეთა სამინისტროს მოუწოდებენ დაუყოვნებლივ წარმართონ გამოძიება და გონივრულ ვადაში დაასრულონ. სრულად... წყარო: www.transparency.ge

თბილისი. საქართველოს ახალგაზრდა იურისტთა და ადვოკატთა ასოციაცია პროკურატურას მოუწოდებს დაუყოვნებლივ გამოიძიოს ადვოკატ გიორგი მდინარაძის მიმართ სავარაუდოდ შსს-ს თანამშრომლების მხრიდან განხორციელებული ფიზიკური ძალადობის ფაქტი. „საია უკიდურეს შეშფოთებას გამოთქვამს 8 ნოემბერს ადვოკატ გიორგი მდინარაძის მიმართ სავარაუდოდ შსს-ს თანამშრომლების მხრიდან განხორციელებული ფიზიკური ძალადობის ფაქტზე. საია მოუწოდებს პროკურატურას სწრაფად, სრულყოფილად და ობიექტურად გამოიძიოს აღნიშნული შემთხვევა და პასუხისგებაში მისცეს ყველა შესაბამისი პირი", ნათქვამია ორგანიზაციის განცხადებაში. სრულად... წყარო: gyla.ge

თბილისი. სახალხო დამცველი ეხმაურება ადვოკატ გიორგი მდინარაძის მიმართ განხორციელებულ ძალადობის ფაქტს. „საქართველოს სახალხო დამცველი მოუწოდებს საქართველოს პროკურატურას, დაუყოვნებლივ, ობიექტურად და ეფექტურად გამოიძიოს იურიდიული დახმარების სამსახურის ადვოკატის, გიორგი მდინარაძის მიმართ განხორციელებული ძალადობის ფაქტი, განახორციელოს დანაშაულის სწორი სამართლებრივი კვალიფიკაცია და გამოავლინოს დამნაშავე პირები", ნათქვამია ომბუდსმენის განცხადებაში. სრულად... წყარო: www.ombudsman.ge

თბილისი. ტოლერანტობისა და მრავალფეროვნების ინსტიტუტი (TDI) საპატრიარქოს განცხადებას ეხმაურება. „ტოლერანტობისა და მრავალფეროვნების ინსტიტუტის (TDI) შეშფოთებას იწვევს საქართველოს საპატრიარქოს უხეში მცდელობა, გავლენა იქონიოს აკადემიური და გამოხატვის თავისუფლების შეზღუდვაზე. განსაკუთრებით საგანგაშოა ის გარემოება, რომ აღნიშნული მცდელობები საპატრიარქოს სხვადასხვა წარმომადგენლის მხრიდან ფიზიკური ანგარიშსწორებისაკენ შეფარული მოწოდების, მეცნიერთა, ხელოვანთა, მედიის წარმომადგენლთა საქართველოდან იძულებით გაძევების მუქარის ფონზე მიმდინარეობს", ნათქვამია ორგანიზაციის განცხადებაში. სრულად... წყარო: www.tdi.ge

თბილისი. საია აქვეყნებს ინფორმაციას, რომლის თანახმად „საქართველოს სახელმწიფომ ევროპული სასამართლოს წინაშე 2009 წლის 15 ივნისის აქციაზე სახალხო დამცველის წარმომადგენლის უფლებების დარღვევა აღიარა. 2010 წლის 18 იანვარს საქართველოს ახალგაზრდა იურისტთა ასოციაციამ პარტნიორ ორგანიზაციასთან - ადამიანის უფლებათა დაცვის ევროპული ცენტრი (EHRAC) - თანამშრომლობით, საჩივრით მიმართა ადამიანის უფლებათა ევროპულ სასამართლოს, ვახუშტი მენაბდის სახელით, რომელიც, საქართველოს სახალხო დამცველის მანდატის ფარგლებში, 2009 წლის 15 ივნისს საპროტესტო აქციის მიმდინარეობას აკვირდებოდა. 2015 წლის 13 ოქტომბერს, საქართველოს მთავრობის მიერ წარდგენილი ცალმხრივი დეკლარაციის საფუძველზე, ევროპულმა სასამართლომ გამოიტანა განჩინება, რომელიც სასამართლოს ვებგვერდზე 2015 წლის 5 ნოემბერს გამოქვეყნდა. მიღებული განჩინებით ევროპულმა სასამართლომ განსახილველ საქმეთა სიიდან ამორიცხა საჩივარი... ", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. 4 ნოემბერს, საქართველოს პარლამენტის ეროვნული ბიბლიოთეკის აუდიტორიაში ბექა წიქარიშვილის და ბასტი მგალობლიშვილის ვიდეოების ჩვენება გაიმართა. ასევე, ლუკა პერტაიას და ბექა წიქარიშვილის ფოტოების გამოფენაც. „ფოტოები და ვიდეოები მომზადებულია ზესტაფონში, ჭიათურასა და ტყიბულში მცხოვრები მუშების შრომით პირობების, ამ ქალაქებსა და მიმდებარე სოფლებში არსებული ეკოლოგიური და სოციალური პრობლემების შესახებ", ნათქვამია ორგანიზაციის განცხადებაში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „მრავალეროვანი საქართველო" „საქართველოს კულტურის პალატის" პრეზიდენტ დავით ოქიტაშვილს სოციალურ ქსელში განთავსებული სტატუსისთვის ბოდიშის მოხდას სთხოვს. სრულად... წყარო: ორგანიზაციის ვებ-გვერდი სოციალურ ქსელში

თბილისი. 4 ნოემბერს, საქართველოს სახალხო დამცველმა სპეციალურ ანგარიში წარადგინა „განათლების უფლება გალის რაიონში: 2015-2016 სასწავლო წლის სიახლეები და თანმდევი პრობლემები". „აღსანიშნავია, რომ გალის რაიონის მოსახლეობის, მათ შორის სკოლის მოსწავლეების დიდი უმრავლესობა თვითიდენტიფიცირებას ახდენს როგორც ეროვნებით ქართველი, ეს ეროვნება აქვთ ასევე მითითებული ე.წ. აფხაზურ პასპორტებშიც. ის ფაქტი, რომ ბავშვებს ეზღუდებათ მშობლიურ ენაზე სასკოლო განათლების მიღების უფლება ქმნის ხარისხიანი განათლების მიღებისა და განათლების ხელმისაწვდომობის პრობლემას", ნათქვამია განცხადებაში. სრულად... წყარო: www.ombudsman.ge

თბილისი. არასამთავრობო ორგანიზაცია „იდენტობა" 2 ნოემბერს რუსთავი2-ის ეთერში გასულ ტელეშოუ „ნიჭიერს" ეხმაურება. „ვწუხვართ, რომ ჟიურის წევრებისა და დარბაზის მხრიდან ზოგიერთი კონკურსანტის მიმართ დამოკიდებულება ატარებდა ჰომოფობიურ, ტრანსფობიურ და სექსისტურ ხასიათს. რეიტინგული შოუს ეთერიდან, მაყურებლისთვის მსგავსი შინაარსის მიწოდება უარყოფითად აისახება ისედაც შეუწყნარებლობის მსხვერპლი პირების ყოველდღიურ ცხოვრებაზე. "იდენტობა” თხოვნით მიმართავს ტელეკომპანია რუსთავი 2-ს, ყურადღებით გადახედოს ეთერში ჯერ არ გასულ სერიებს და არსებობის შემთხვევაში, გაწმინდოს ისინი დისკრიმინაციული გამოხატვისგან", ნათქვამია ორგანიზაციის განცხადებაში. სრულად... წყარო: identoba.org

თბილისი. ახალგაზრდა იურისტთა ასოციაციამ ოქტომბრის თვის საქმეების შესახებ ინფორმაცია განათავსა ვებგვერდზე. საიას დახმარების რამდენიმე დავა ბენეფიციარების სასარგებლოდ დასრულდა. სრულად... წყარო: gyla.ge

თბილისი. 28 ოქტომბერს, საქართველოს სახალხო დამცველმა ბრალდებულ ო.რ.-ს მიმართ განხორციელებული შესაძლო არასათანადო მოპყრობის ფაქტზე გამოძიების დაწყების წინადადებით მიმართა საქართველოს მთავარ პროკურორს. „საქართველოს სახალხო დამცველი მიიჩნევს, რომ დაკავებული პირის ნებისმიერი განცხადება/ინფორმაცია, რომლის თანახმად, მის მიმართ სამართალდამცავების მხრიდან ადგილი ჰქონდა ძალადობას, წარმოშობს სახელმწიფოს ვალდებულებას – დაიწყოს გამოძიება", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. საერთაშორისო გამჭვირვალობა საქართველო პარლამენტის მიერ მეორე მოსმენით განხილულ საკანონმდებლო ინიციატივას ეხმაურება. „კანონპროექტის მიღებას უარყოფითი შედეგები მოჰყვება საქართველოში მოქმედი კომერციული ბანკების, მიკროსაფინანსო ორგანიზაციების, საკრედიტო კავშირების, სალიზინგო და დეველოპერული კომპანიებისა და უძრავი ქონების ბიზნესში ჩართული მოქალაქეებისათვის", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. საქართველოს სახალხო დამცველის აპარატის პრევენციის და მონიტორინგის დეპარტამენტის თანამშრომლებმა მეორედ განახორციელეს მიგრანტთა დაბრუნების ერთობლივი ოპერაციის მონიტორინგი. „მონიტორინგი განხორციელდა საქართველოსა და ევროკავშირს შორის გაფორმებული რეადმისიის ხელშეკრულების იმპლემენტაციის ფარგლებში და მიზნად ისახავდა ევროკავშირის ქვეყნებიდან საქართველოს 35 მოქალაქის დეპორტაციის მონიტორინგს", ნათქვამია სახალხო დამცველის ვებ-გვერდზე. სრულად... წყარო: http://www.ombudsman.ge

თბილისი. საქართველოს ახალგაზრდა იურისტთა ასოციაცია ტელეკომპანია „ობიექტივის" ეთერში გაშუქებულ წამების კადრებს ეხმაურება. „მიგვაჩნია, რომ დაუშვებელია მედიის მხრიდან აღნიშნული კადრების ზემოაღნიშნული ფორმით ჩვენება, ვინაიდან ეს არღვევს მსხვერპლების პირადი ცხოვრების ხელშეუხებლობის უფლებას და შესაძლოა მძიმე ფსიქოლოგიური შედეგის მომტანი იყოს როგორც თავად მსხვერპლების, ასევე მათი ოჯახის წევრებისა და ფართო საზოგადოებისათვის. ამასთან, კადრები შეიძლება იოლად ხელმისაწვდომი გახდეს არასრულწლოვანთათვის", ნათქვამია ორგანიზაციის განცხადებაში. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრმა (EMC) მაია ლაპიაშვილის სახელით, სიღნაღის რაიონულ სასამართლოში სარჩელი წარადგინა. „სარჩელი დედოფლისწყაროში მოქმედი, წმ მეფე ვახტანგ გორგასლის სახელობის სკოლა-ინტერნატიდან აღმასრულებელი დირექტორის პოზიციიდან მოსარჩელის დისკრიმინაციული მოტივით, უკანონო გათავისუფლების საკითხს შეეხება. სარჩელში, EMC ამტკიცებს, რომ მაია ლაპიაშვილის გათავისუფლება "ტოლერანტობისა და მრავალფეროვნების ინსტიტუტის (TDI)" მიერ ორგანიზებულ ტრენინგზე დასწრების გამო, წარმოადგენს საქართველოს კონსტიტუციით გარანტირებულ, თანასწორობის პრინციპის დარღვევას და პირის დისკრიმინაციას "სხვა შეხედულების” გამო, ნათქვამია ორგანიზაციის განცხადებაში. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) განმარტებას აქვეყნებს საკონსტიტუციო სასამართლოს გადაწყვეტილებაზე „ბექა წიქარიშვილი საქართველოს პარლამენტის წინააღმდეგ”. „სასამართლომ მიიჩნია, რომ პირადი მოხმარების მიზნით მარიხუანას შეძენა-შენახვისათვის დაუშვებელია სასჯელის სახით, ნებისმიერი ვადით, თავისუფლების აღკვეთის გამოყენება. აღსანიშნავია, რომ მოცემულ საქმეში სასამართლოს არ უმსჯელია მარიხუანას უშუალოდ მოხმარებაზე და აღნიშნული ქმედების დეკრიმინალიზაციაზე, რადგან ეს საკითხი არ წარმოადგენდა დავის საგანს". ნათქვამია ორგანიზაციის განცხადებაში. სრულად... წყარო: emc.org.ge

თბილისი. სახალხო დამცველი ბოლოდროინდელ მოვლენებს ეხმაურება. „უპირველეს ყოვლისა, მნიშვნელოვანია, რომ დღეს არსებულ დაძაბულ ვითარებაში ყველა მხარემ იგრძნოს პასუხისმგებლობა და თავი შეიკავოს ისეთი განცხადებებისა თუ მოქმედებებისაგან, რომელმაც შესაძლოა ვითარების კიდევ უფრო მეტი დაძაბვა, ძალადობა და აგრესია გამოიწვიოს. მაღალი თანამდებობის პირები განსაკუთრებული პასუხისმგებლობით უნდა მოეკიდონ საკუთარ როლს ამ პროცესებში", ნათქვამია სახალხო დამცველის განცხადებაში. სრულად... წყარო: www.ombudsman.ge

თბილისი. „ადამიანის უფლებათა სწავლების და მონიტორინგის ცენტრი" მიიჩნევს, რომ ახლადშექმნილ სახელმწიფო უსაფრთხოების სამსახურში მნიშვნელოვანი ინფორმაციები გასაიდუმლოებულია. „EMC-მ ასევე სცადა ინფორმაციის მიღება ახლადშექმნილი სამსახურის მიერ დაწყებული გამოძიების რაოდენობისა და შესაბამისი დანაშაულების შესახებ. თუმცა, სამსახურმა ინფორმაცია არ მოგვაწოდა და მიგვითითა შინაგან საქმეთა სამინისტროს ვებ-გვერდზე არსებულ სტატისტიკურად დამუშავებულ მონაცემებზე", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. საქართველოს სახალხო დამცველის აპარატი მსჯავრდებულთა განცხადებების შესწავლის შედეგებს აქვეყნებს. „საქართველოს სახალხო დამცველის აპარატის მიერ მსჯავრდებულთა განცხადებების შესწავლის შედეგად იკვეთება, რომ გორის რაიონული სასამართლო განხილული სისხლის სამართლის საქმეების განაჩენების ასლებს მსჯავრდებულებს სისტემატიურად არ გადასცემს კანონით დადგენილ ვადაში. ასევე, არაგონივრულ აჭიანურებს თბილისის სააპელაციო სასამართლოში სააპელაციო საჩივრისა და საქმის გადაგზავნას", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. საერთაშორისო გამჭვირვალობა საქართველო რუსთავი 2-ის საქმის სასამართლო მოსმენამდე რამდენიმე საათით ადრე ნიკა გვარამიას განცხადებას ეხმაურება. „... „რუსთავის 2"-ის გენერალური დირექტორის ნიკა გვარამიას მიერ გაკეთებულ განხცადებაში საუბარია ცალსახად დანაშაულის შემცველ ფაქტებზე. შესაბამისად, სამართალდამცავ ორგანოებს პირდაპირ აკისრიათ ვალდებულება ამ ტიპის განცხადებაზე უსწრაფესი რეაგირება მოახდინონ. მხოლოდ ზოგადი განცხადებები გამოძიების დაწყების ან მაღალი თანამდებობის პირების მიერ საქმის პირად კონტროლზე აყვანის შესახებ ვერ იქნება დამაჯერებელი რეალური ქმედებების და შესაბამისი შედეგების გარეშე. ...", ნათქვამია ორგანიზაციის განცხადებაში. სრულად... წყარო: transparency.ge

თბილისი. არასამთავრობო ორგანიზაციები ეხმაურებიან უკრაინულ ვებგვერდზე წამების ამსახველი ვიდეო მასალი გავრცელების, ასევე აღნიშნული ვიდეოების თბილისსა და ზუგდიდში საჯარო ჩვენებას. ორგანიზაციები მოუწოდებენ საქართველოს ხელისუფლებას „....იზრუნოს იმაზე, რომ ადამიანების წამებაში მონაწილე ყველა პირმა სათანადოდ აგოს პასუხი მართლმსაჯულების წინაშე. ამასთან, პასუხისმგებლობა იმ პირებსაც უნდა დაეკისროთ, ვინც აღნიშნული სისტემის (პატიმრების წამება და უკანონო ფარული მიყურადება) შექმნაში მიიღო მონაწილეობა; საზოგადოებას დაუყოვნებლივ მიაწოდოს სრულყოფილი ინფორმაცია წამების ფაქტების გამოძიებების შედეგების... შესახებ; შექმნას ამგვარი ქმედებების ეფექტური პრევენციის სისტემა და უზრუნველყოს თითოეული მოქალაქის პირადი ინფორმაციის დაცვის ეფექტური მექანიზმები. ... მსგავს ფაქტებზე საჯარო სივრცეში მსჯელობის დროს გაითვალისწინოს წამების მსხვერპლთა ინტერესები; ეფექტურად გამოიძიონ წამების ამსახველი კადრების გავრცელების და საჯაროდ ჩვენების ფაქტები. ...", ნათქვამია ერთობლივ განცხადებაში. სრულად... წყარო: .transparency.ge